رواية مزيج العشق الفصل الثالث والرابع والخامس بقلم الكاتبه نورهان محسن حصريه وجديده
رواية مزيج العشق الفصل الثالث والرابع والخامس بقلم الكاتبه نورهان محسن حصريه وجديده
فيلا عمر البارون
داخل فيلا صغيرة بيضاء بتصميم حديث و بسيط بإحدي الاحياء الراقيه الهادئة
داخل فيلا صغيرة بيضاء بتصميم حديث و بسيط بإحدي الاحياء الراقيه الهادئة
في غرفة نوم مظلمة نجد ذلك الجسد الضعيف هادئ علي الفراش لا يصدر له صوت.
تبكي كارمن بصمت وتعانق ابنتها بشدة
و هي تفكر ...
هل مات محب روحها وزوجها العطوف ،
و تركها في الدنيا وحيدة هي و ابنته التي تشبه والدها كثيراً بعيون مشرقة من البراءة والفرح .
كيف ستواصل حياتها بدونه ؟
تدعو الله ان يداوي روحها و يصبرها علي فراقه ..
أغمضت عينيها عندما خطرت هذه الذكرى في عقلها
★•••••★•••••★
Flash Back
وقف "عمر" في المطبخ و احتضنها إلى صدره من الخلف وهو يزيح خصلاتها المتمردة علي جانب عنقها يقول :
عمر بهمس : تعرفي يا كوكي أنا بعشقك اوي خليتي لحياتي كلها طعم جميل ... مش خايف من حاجة .. قد ما انا خايف تبعدي عني دلوقت !!
التفتت اليه و احاطت خصره و شددت من ذراعيها حوله ودفنت رأسها بصدره تهمس له ايضاً
كارمن : مقدرش ابعد عنك انت الامان بالنسبالي كفاية ان ربنا عوضني بيك عن حنان الاب و الاخ و الزوج مش عايزة حاجة تانية غيرك من الدنيا.1
و أكملت كلامها بمشاكسة : و بعدين هبعد عنك و اروح فين ! انا قاعدة على قلبك لا عينك تزوغ كدا ولا كدا
ضحك بمرح : و انا اقدر اصلا دا كفاية الأخبار اللي في التليفزيون عن جرائم قتل الستات لأزوجهم انا مش مستغني عن عمري.
كارمن : اممممم برافو عليك حرس على عمرك بقي
همس عمر بصدق : انتي و ملك اغلي حاجة عندي و هفضل عايش عشانكم5
ثم غمز لها قائلاً : بحبك اوي ... ماتسيبي الاكل دا و تيجي اقولك كلمة سر قبل ما تصحي ملك
ابتسمت "كارمن" و قبل ان ترد سمعو بكاء تلك الصغيرة ، و معكرة صفو لحظاتهم الجميلة معاً كما يسميها "عمر"
Back
★•••••★•••••★
عادت إلى الواقع على صوت فتح باب غرفتها دلفت مريم الحزينة للغاية علي حالة ابنتها منذ ان عادت من المستشفي
جلست بالطرف الاخر من الفراش بجانب ابنتها قائلة : ادعيله بالرحمة يا حبيبتي هو شايفك دلوقتي و زعلان علي حالك لازم ترضي بإرادة الله هي دي الحياة مفيش شئ دايم
يخرج صوتها مبحوح اثر البكاء : مش استوعب ان اللي عايشه دا دلوقتي حقيقة مش كابوس و هصحي منه صعب عليا اوي يا ماما ...
تكلمت الام بحنان : من رحمه ربنا علينا يا بنتي ان الاحزان بتتولد كبيرة و مع الوقت بتصغر ، و لازم تهتمي بصحتك انتي لسه خارجة من عملية الزايدة و انهيار عصبي و مش بتأكلي كويس لو مش عشان نفسك عشان ملك ...1
تربت على كتفها بحنان واستمرت في قراءة القرآن الكريم لها لتهدأ حتى استغرقت في نوم عميق على صوت والدتها الرقيق.
★•••••★•••••★•••••★•••••★•••••★•••••★•••
بعد مرور اسبوعين
في منزل مالك البارون
استيقظ مالك من نومه علي صراخ طفله ، التفت جانبه لم يري زوجته ، نظر في ساعة الحائط كانت الرابعه فجرا ، رفع الغطاء
و هو ينهض متجها الي غرفه ياسين دخل ليري يسر تحمل ياسين بين ذراعيها
مالك بخضة : في ايه يا يسر ماله ياسين؟
يسر بحيرة و خوف : مش عارفه يا مالك صحيت علي صريخه بيقولي ان بطنه بتوجعه و بحس حرارته سخن اوي !!
حمل من يديها ياسين يربت على ظهره بحنان : طب هاتيه انا هلبسو و انتي روحي البسي و ناخده المستشفي بسرعه .3
يسر : حاضر ...
هرولت يسر الي غرفتها ترتدي ملابسها ، و غادرو الي المستشفي
★•••••★•••••★•••••★•••••★•••••★•••••★•••
داخل المستشفي مالك يحمل ياسين علي ذراعيه و يدخل للطوارئ و معه يسر
بعد فحص الطبيب لياسين : اطمنو يا جماعه مفيش خطر المغص و الحرارة من اكله للحاجات اللي فيها مواد حافظة زي الشيبسي و الكراتيه5
يسر : ايوه فعلا يا دكتور دايما ياكل الحاجات دي
الطبيب بعمليه : ممنوع الحاجات دي الفترة الجاية تماما يا مدام .. لازم ياكل اكل صحي و في فيتامينات و يشرب لبن كتير عشان مناعته تقوى ..
انا كتبتلو علي شوية فيتامينات و خافض حرارة و ان شاء الله يبقا كويس.
نظر الطبيب لياسين الذي يعدل ملابسه بمساعدة والده
الطبيب : و انت يا بطل بلاش شقاوة و تسمع الكلام و لا انت بتحب الحقن3
نظر له الصغير بخوف من ذكر الحقن و هز رأسه بالرفض
ضحك الطبيب ببشاشة : يبقي مفيش شيبسي و الا هكتبلك علي حقنه كبيرة
هتف ياسين ببراءة : مش هحب الشيبسي تاني3
مالك : شكرا ليك يا دكتور بعد اذنك
غادروا المستشفي يتوجهون الي المنزل بعد ان اشتري مالك الادوية
★•••••★•••••★•••••★•••••★•••••★•••••★•••
صباح يوم جديد
في قصر البارون
استيقظ "أدهم" في الثامنة صباحاً وحده بجناحه ، وفلم يعد يتقاسم الغرفة مع زوجته منذ فترة طويلة
فرك وجهه يخرج من النعاس والتعب من السهر لا ينام جيداً ، وكيف ينام وهو يشعر بكل هذا الحزن لفقدان أخيه ،
يظهر للجميع كم هو متين ومتماسك من الخارج ، والعكس تماما بداخله ، يتنهد بقوة ، يزيل الغطاء عنه ويخفض قدميه على الأرض ليقف منتصباً متوجهاً إلى الحمام الملحق داخل غرفته ، آخذاً حمامه الصباحي.
دخل الصالة الرياضية وقام ببعض التمارين لتنشيط جسده كالمعتاد ،
ثم ذهب إلى غرفة الملابس وأخرج بدلته السوداء ولبس ملابسه وساعته وحذائه.
وقف أمام المرآة ، يرتب خصلاته الناعمة بأصابعه ، ويضع عطره الخاص ، ويتجه للخارج ، جاهزًا ليوم حافل بالعمل.
★•••••★•••••★•••••★•••••★•••••★•••••★•••
نزل على درج القصر الكبير الذي كان يسوده الهدوء والسكون.
ذهب إلى غرفة الطعام ليرى والدته تجلس امام الطعام ولم تأكل شئ
هتف ادهم بصوته الرخيم : صباح الخير علي ست الحبايب
ابتسمت ليلي ببشاشه : صباح النور يا حبيبي
اقترب منها مقبلاً يديها و جلس بجوارها
أدهم بإتمام : اكلك مش عجبني يا امي ماتنسيش انك بتاخدي ادوية قوية لازم تاكلي كويس
تحدث بنبرة لوم و هو يشير الي الصحن الذي امامها
ربتت علي يديه وقالت بحنان : هفطر اذا فطرت معايا الاول قبل ما تروح الشركة
ابتسم ادهم لها : امرك يا ست الكل
نظرت اليه كأنها تذكرت شئ : ادهم انا هروح اشوف كارمن انهاردة البنت حالها كل يوم بيسوء و هي لسه قايمة من عملية من مدة بسيطة و بعدها انهيار عصبي ربنا يكون في عونها.
اشار بالموافقة : تمام يا امي ، و بلغيني لما تتحسن صحتها عشان ارتب مع المحامي يجي يفتح وصية عمر الله يرحمه.
في ذلك الوقت ، كانت نادين تقف عند باب الغرفة ، تستمع إلى ما يقولونه بداخلها ،
فهي تتجنب الجلوس مع ادهم منذ ان طردها من غرفته ، تفكر : يا تري الوصية دي فيها ايه يا عمر مش مطمنه بس يا خبر بفلوس بكرا يبقي ببلاش
عندما شعرت بأقدام تسير نحو الباب غادرت مسرعه الي الأعلي
خرج ادهم من القصر متجها الي سيارته الخاصه التي يقودها بنفسه ، وبدأ ان يتحرك وسيارة كبيرة بها مجموعه الحرس الخاص به ورائه
★•••••★•••••★•••••★•••••★••••••★•••••★
في شركة البارون ديزين
دخل "مالك" مكتب "ادهم" بعد ان دق الباب سامحاً له بالدخول
دخل "مالك" مكتب "ادهم" بعد ان دق الباب سامحاً له بالدخول
أدهم بدهشة : جاي متأخر انهاردة مش عادتك ...!
مالك بتعب : ياسين سخن الفجر ،
و اخدنه المستشفي بعد ما فضحنا بعياطه
أدهم : و هو اخباره ايه دلوقتي ؟
مالك : تمام الدكتور كتبلو علي خافض حرارة و فيتامينات ، الباشا مش بيبطل اكل الشيبسي
ابتسم أدهم بحزن، و شرد بتفكيره في حالة عقمه الذي علم به منذ سنوات افاق من شروده علي صوت مالك..3
مالك : روحت فين يا ادهم ؟
أدهم : معاك !!
احس بما يفكر به صديقه المقرب،
فشعر بالحزن عليه رغم قناع الجليد الذي يرتديه دائماً
مالك : لسه مش عايز تفكر بالعلاج مافيش شئ دلوقتي الا و له حل و ربنا قادر علي كل شئ
رد أدهم بجمود : ونعم بالله، كل شئ و له وقته !!
مالك بحيرة : اللي مستغرب منه ازاي نادين كان رد فعلها انها تكمل معاك ، و هي متأكدة انك مش بتحبها و عارفه سبب جوازك منها عشان مركز ابوها ...
ابتسم ادهم بتهكم : عشان الفلوس هي مش تهمها الخلفه و الأطفال قد ما بتحب الفلوس ، و طول ما في فلوس هي موجودة مش بتفكر غير في النوادي و سهر و الخروج و الشوبنج ...
مالك : و انت ايه مصبرك عليها لحد دلوقتي و انت فاهمها كدا...
أدهم : بستمتع باللعبة و هي فارقه موجودة او لا كله زي بعضو...
مالك : طيب انا هرجع علي شغلي.
غادر مالك الي عمله و عاد ادهم الي الاوراق التي أمامه.
تصميمي حلو و لا لا 1
تصميمي حلو و لا لا1
.
الحلقة 4 -الفصل الرابع
بعد مرور اسبوع في ايطاليا
حيث فيلا واسعة بتصميم حديث
استيقظ مراد من نومه ، واستدار إلى الجانب الآخر وفتح عينيه الناعسه1
فوجد فتاة عارية نائمة لم يكن جسدها مغطى بشيء.
يكره ان يفتح عينيه ، ويرى بجانبه عاهرة
فهو يأخذ متعته منهم ثم يضغط عليهم بقدميه و يلقي بهم خارجا.3
ظل ينظر إليها لبضع لحظات قبل أن يدفعها بقدميه لتسقط على الأرض بعنف ، متذكرًا ليلته العاصفة معها.
شهقت الفتاة من الألم من معاملته القاسية لها.
لم يتوقف عن ذكر اسم فتاة أخرى وهو يعانقها بقسوة ووحشية ، لكن ما تفعله ذلك عملها وهي معتادة على هذا النوع من الرجال.
_? damn what is this
_ اللعنه ما هذا ؟
_ Take the money off the table and get out of my face
_ خذي المال من علي الطاولة و اغربي عن وجهي
نطق بهذه الحروف ببرود شديد
جمعت أغراضها من الأرض و هربت بسرعة من براثن هذا الوحش الشرس.
نفخ بعصبية وهو يشعل سيجارة ، يفكر فيها .
كم يرغب في العودة إلى مصر سريعاً لرؤيتها بعد الأخبار التي وردت عنها و أنها أصبحت حرة.
من وجهة نظره ، هي تختلف عن أي فتاة آخرى و يريد امتلاكها،
و إنه يتوق كثيرًا للوقت الذي ستكون له.2
★•••••★•••••★•••••★•••••★•••••★•••••★•••
في فيلا عمر البارون
رن هاتف المنزل فأجابت مريم : الو !!
ليلي ببحه في صوتها : ايوه يا مريم .. عاملة ايه ؟
مريم : الحمدلله بخير حبيبتي .. طمنيني عنك ؟
ليلي : اهو الحمدلله على كل حال .. اخبار صحة كارمن ايه دلوقتي ؟
تنهدت مريم : تمام .. اتحسنت كتير عن الاول .. كنا فين و بقينا فين يا ليلي.
ليلي : طب الحمدلله .. بصي يا مريم المحامي حدد ميعاد انهاردة بليل ، عشان يفتح وصية عمر الله يرحمه ، و لازم كارمن تكون موجودة
مريم : حاضر يا ليلي هبلغها.
ليلي : و انتي و ملك تعالو معها.
مريم بأسف : سامحيني يا حبيبتي مش هقدر .. بس اكيد كارمن هتاخد ملك تشوفيها.
ليلي : ماشي يا قلبي تسلميلي .. سلام
مريم : مع السلامه
تغلق "مريم" الهاتف و هي شردت قليلاً
لا تعرف لماذا تشعر بتوجس من هذه الوصية ؟
و لكنها استغفرت و نهضت تحضر الغداء لإبنتها
★•••••★•••••★•••••★•••••★•••••★•••••★•••
في غرفه كارمن
دلفت مريم تقول بحنان : حبيبتي الغدا شوية و يكون جاهز
كارمن : يا ماما متتعبيش نفسك ام فتحي هتعمل كل حاجة ارتاحي انتي...
مريم : ابدا انتي عارفه الطبخ دا تخصصي و بحبه قد ايه
ابتسمت كارمن : علي راحتك يا ست الكل
مريم : بقولك يا قلبي ليلي اتصلت بيا ، بتأكد عليكي تكوني موجودة بالقصر المحامي هيفتح الوصية بليل
نظرت اليها كارمن بحزن .. فهمت امها نظرتها ، و جلست بجانبها تعانقها
مريم : حاسه بيكي يا قلب امك بس لازم تعرفي ان دا ابتلاء من ربنا و في الابتلاء لازم نصبر و نقول الحمدلله
همست كارمن بصوت خافت : الحمدلله علي كل حال يا ماما تسلميلي و ميحرمنيش منك ابدا
مريم : و لا منك يعيوني هروح بقا اشوف ام فتحي بتعمل ايه لوحدها
خرجت مريم و اتجهت كارمن تجلس أمام المرايا تمشط شعرها في شرود وحزن.
تتذكر كيف التقت بزوجها لأول مرة ؟وكم شعرت بالراحة معه ؟
★•••••★•••••★2
Flash Back
سنه 2013
كانت في عامها الأخير بالكلية ، ولأنها متفوقة ولديها موهبة رائعة ، تم اختيارها مع بعض مجموعة من دفعتها للتدرب في أكبر شركة أزياء في مصر ، "البارون ديزاين".
لا تستطيع وصف شعورها بالفخر فقط بسبب هذا الحدث المذهل ، استعدت ليومها الأول ، وأخذت الأوراق المطلوبة وبعض أعمالها ، وغادرت غرفتها بقلب يرفرف بفرح.
كانت تلبس هكذا
كارمن بمرح : صباح العسل علي عيونك يا مامتيهتفت بصوتها الناعم و ابتسامة مشرقه جميلة
كارمن بمرح : صباح العسل علي عيونك يا مامتي
هتفت بصوتها الناعم و ابتسامة مشرقه جميلة
مريم بإبتسامة : صباح الورد يا حبيبتي .. يلا عشان تفطري قبل ما تنزلي
كارمن : مش قادرة اكل يا ماما قلقانه و انتي عارفاني معرفش اكل و انا متوترة كدا
مريم بحنان : مفيش نزول الا لو اكلتي حاجة بسيطة حتي وبعدين قولتلك كتير العادة دي غلط عليكي يا قلبي و انتي بقى خايفه ليه ماشاء الله متفوقه علي دفعتك .. جمدي قلبك كدا
كارمن : التدريب دا مهم جدا ليا يا ماما وهيفرق معايا كتير بالمجال اللي بعشقه، و دي فرصة كل 100 سنه و حصلت في كليتي لازم اقلق غصب عني
مريم : طب حتي سندويتش صغير خديه في ايدك كليه قبل ماتركبي العربية و خدي بالك من سواقتك بلاش سرعه
كارمن : حاضر يا مريومه يا قمر حافظة كل الكلام و هتصل بيكي اول ما اوصل و بعد ما اخلص شوفتي انا شاطرة ازاي
ابتسمت اليها و هي تقبل خديها و تغادر سريعا
و امها كانت سعيدة بإبنتها تشعر بالفخر و تتمني من الله ان يوفقها
★•••••★•••••★
ركبت سيارتها الصغيرة لم تكون حديثة و لكنها تحبها بشدة.
وصلت أمام الشركة ، وكانت مفتونة بهذا العالم الجديد الذي ستدخله لأول مرة.
نزلت من السيارة بعد أن وصفته و وقفت قلقة ، فأخذت تقرأ بعض السور القرآنية القصيرة و أغمضت عينيها تتكلم مع ربها كما كانت تفعل و هي صغيرة ، ونسيت أنها كانت في وسط الشارع.
فتحت عيناها خوفاً و هي تلفتت إلى صوت السيارة التي كانت على وشك الاصطدام بها ، توقف قلبها عند التفكير في ذلك ،
وازداد ارتباكها بعد خروج شاب طويل القامة من السيارة.
صاح فيها بقلق و لوم علي فعلتها الحمقاء : ازاي واقفة كدا في نص الطريق .. افرضي مالحقتش افرمل .. كان زمانك تحت عجل العربية.
تمالكت نفسها و نظرت اليه لتجيب بصوتها الناعم و هي تعتذر فهو محق :
كارمن : متأسفه ، انا كنت بقرأ قرأن في سري و مخدتش بالي انا واقفه فين بعتذر لحضرتك
سرح بهاتين العيون الزرقاء التي نسي بها كل هذا الموقف :
_ مفيش داعي للاعتذار .. المهم ان ربنا ستر بلاش تكرريها تاني3
كارمن : تمام شكرا لذوقك .. بعد اذنك.
تركته و ذهبت سريعا اما هو فرجع لسيارته ليصفها بالجراج الخاص بالشركة شاردا يفكر بهذه الملاك.
★•••••★•••••★
_ اتأخرتي كدا ليه يا "كارمن" ؟
_ انتو بدأتو !!
_المقابلة لسه شوية عليها، بس استغربت دايما مواعيدك مظبوطة.
_ معلش حصلي موقف برا كدا عطلني شوية.
_ تمام يا حبيبتي
تحدثت هي و صديقتها بالكلية تدعي "ليلي" و بدأت تخرج من توترها شيئا فشيئا
★•••••★•••••★•••••★
بالناحية الاخري يجلس ادهم في مكتبه بالشركة
يدلف عمر كالصاروخ بدون ان يطرق الباب
عمر بمرح : صباح لي بتغني علي عيونك يا دومه
أجاب ادهم بحنق : دومه في عينك يا زفت مش هتبطل تدخل عليا كدا من غير ما تخبط
عمر : هو انا داخل عليك الحمام فيها ايه لما ادخل علي اخويا الوحيد بالشكل للي يعجبني
أدهم : خلاص بطل دوشة علي الصبح انا مصدع
عمر بتسأل : فين "مالك" المقابلة بتاعت الطلاب اللي تحت التمرين هتبدأ و لازم يكون موجود معايا
دلف مالك من خلفه : بتجيب في سيرتي ليه علي الصبح ياض
عمر بمزح : ياريتني افتكرت مليون جنيه احسن
مالك : انا اهم من المليون جنيه و لا ايه
هتف بهم ادهم بجدية : بس انتو هتفضلو ترغو .. مالك يلا روح معه قابلو الطلاب و اشرحلهم المطلوب منهم مش عايز اخطاء
كلاهما في نفس واحد : تمام
★•••••★•••••★
دلف كلا من عمر و مالك الي قاعة الاجتماعات حيث يتجمع بها الطلاب
تحدث مالك بجدية : اهلا بيكم في الشركة .. من الاول لازم يكون في التزام بالمواعيد و جدية في الشغل تدريبكم هيتم
تحت اشرافنا اتمني من الكل النشاط و التركيز
و اكمل عمر بجدية تليق به : مش محتاج افكركم اللي هيثبت نفسه بالشغل المطلوب منه هيتعين هنا بعد التخرج .. بالتوفيق.
لفت نظر كارمن انه نفس الشخص الذي كان سيرتطم بها خارج الشركة وقفت بدهشة تفكر انها كانت تتحدث مع صاحب الشركة
و احست بالاحراج لهذا الموقف السخيف التي وقعت به
التقت العيون في هذه اللحظة و لكن كارمن اخفضت عيناها سريعاً كي تتفادي نظراته اليها
لم يصدق ان القدر جمعه بها مرتين في نفس اليوم
و انه سيراها لفترة طويلة في الشركة و كان سعيد بشدة
لا يعرف لماذا ؟ ليقول بداخله بهيام : البت جابتك ارضا يا عمر و لا ايه و شكلك حبيت يالهوي على جمال عينيها
مرت الأيام ، وكانت كارمن سعيدة بالعمل ، وأثبتت مهارتها في التصميم والفن ، ادهشت عمر كثيراً ، وبدأ في جذب انتباها والتحدث معها بحجة العمل ، و هي لا تنكر أنها أحببت أسلوبه المضحك ولطف قلبه وبدأت تفكر فيه كثيرًا.
Back
★•••••★•••••★•••••★•••••★•••••★•••••★•••
خرجت من ذكرياتها علي رنين هاتفها
_الو
اجابت بصوت ناعم مبحوح
يسر : عاملة ايه دلوقتي يا روما؟
كارمن : الحمدلله حبيبتي احسن انتي اخبارك ايه
يسر : الحمدلله تمام الواد ياسين مصدعني بالبلاي ستيشن بتاعه
كارمن : هو بقا كويس دلوقتي
يسر : اه الحمدلله و الادوية نزلت حرارته و بطل الشيبسي بمعجزة و نايم دلوقتي ، قولت انتهز الفرصة و اكلمك، عشان هعدي عليكي انا و مالك بليل نروح القصر
كارمن : ايوه تمام حبيبتي هستناكم
يسر : مع السلامه يا قلبوشتي
كارمن : مع السلامه حبيبتي
اغلقت الهاتف ، و هي تفكر في هذه الوصية
التي علمت بأمرها من المحامي ، و وقفت متجهة الي باب الغرفه لتخرج تري ابنتها و تستعد للقاء المساء.
.
الحلقة 5 - الفصل الخامس
قصر البارون
عاد في المساء متعباً من العمل ، لكن كان عليه أن يستعد لاستقبال المحامي.
صعد إلى جناحه كي يأخذ حمامًا دافئًا لإنعاش عضلاته المتوترة.
ذهب إلى الحمام وهو يخلع ملابسه ويغطس في حوض الاستحمام ويغلق عينيه ويريح عضلاته..
يتذكر كيف التقى بزوجته المحفوظة منذ 4 سنوات؟
أصبحت شركة الأزياء مشهورة في وقت قياسي ، ويرغب الكثيرون في التعامل معها وكان والد نادين عميلا مميزا ، و من هنا تعرف على نادين انجذب إلى لطفها و أناقتها المطلقة ولباقتها في الحديث ، كانت من عائلة مرموقة ولأنه أراد أن يرتبط بمستوى يليق به وبعمله فرأها تناسبه كما كان يعتقد ، وتزوجها والمعاملة بينهما كانت جيدة ، ولديهما فيلا خاصة بعيدًا عن والدته وأخيه ، وكان هذا من شروط نادين الاستقلال في حياتهم...
★•••••★•••••★•••••★•••••★•••••★•••••★•••
Flash Back
دخل الي فيلته الساعه العاشرة مساءا
و نادي علي زوجته
الخادمة : مدام نادين خرجت يا فندم
ادهم : خرجت امتي يا عزه
عزه : من العصر تقريبا حضرتك
ادهم : طيب روحي نامي انتي
عزه : مش هحضر العشا لحضرتك
ادهم : لا ماليش نفس
انصرفت عزة في احترام ..
ينفخ خديه من تصرف زوجته هذا ، فكيف تتأخر دون علمه؟ وجلس على الأريكة ينتظرها...
دخلت البيت في الساعه 11:46
وكانت ترتدي هذا الفستان الذي لا يليق بالمتزوجة إطلاقا
رأته أمامها ينظر إليها من اسفل قدميها إلى شعرها ، في عينيه اشمئزاز واضح
ادهم بصوت كجليد : كنتي فين لساعة دي يا مدام ؟
اقتربت تلف ذراعيها حول رقبته : حبيبي انت وحشتني اوي
شم رائحة كريهة من فمها ، مع العلم أنها كانت في حالة سكر : انتي سكرانه ! بسألك كنتي فين و ايه لي عامله في نفسك دا
لكنها لم تكن واعية للرد فحملها بين ذراعيه القويتين متجهًا نحو الحمام ليضعها تحت الدش ويفتح الماء على رأسها..
شهقت بحدة من صدمة الماء ...
و عندما انتهي اغلق الماء و تركها تجفف نفسها و غادر الحمام...
خرجت من الحمام تجفف شعرها بمنشفه صغيرة و هي ترتدي رداء الحمام
هتف بهدوء : فوقتي دلوقتي و تقدري تردي يلا سمعيني
ردت بلا مبالاة : كنت في بارتي لناس صحابي يا حبيبي
صاح بتجهم : اخدتي اذن مين عشان تخرجي .. هي وكالة من غير بواب و راجعه سكرانه .. انتي اجننتي
نظرت اليه ببرود : اهدا بس يا بيبي انا متعودة علي السهر .. بابا عمره ما سألني و بيثق فيا
عقد حاجبيه بصرامه : انا مش بابا انا جوزك لازم تحترمي نفسك و تنسي السهر و الشرب و القرف لي كنتي عايشة فيه قبل ما نتجوز
قالت بعدم اهتمام : انت مكبر الموضوع اوي علي فكرة
صاح بحدة : سمعتيني كويس مش هعيد تاني
تركها و غادر الغرفه
واتضح له حقيقتها ، المتهورة ، الأنانية ، اللامبالية ، ما عدا بنفسها ، هذا مجرد موقف من كثيرين بعد ذلك ، وعلم أن ما رآه في البداية كان فخ وقع فيه خاصة عندما اصبحت طلباتها تفوق حد البزخ لكنه لم يطلقها لأن الطلاق في عائلته لا يليق بهم ، فقرر جعلها تعيش في القصر مع والدته ، خاصة بعد زواج اخيه ....
Back
خرج من الحمام و اتجه الي غرفه الملابس و ارتدي هكذا
Backخرج من الحمام و اتجه الي غرفه الملابس و ارتدي هكذا
و نزل يري والدته
★•••••★•••••★•••••★•••••★•••••★•••••★•••
في فيلا عمر البارون
كارمن : حبيبة مامتها المؤدبة مش بتتعبني ابدا
قبلت ابنتها علي خديها المكتزة بحب بعد ان البستها ملابس وردية جميلة
كارمن تحادث ابنتها : خليكي هنا بقا لحد ما انا اجهز و ارجعلك يموكة
و اعطتها بعض من العابها تلعب بها .
دلفت الحمام تتوضئ و خرجت لبست اسدالها
و ادت صلاتها و دعت لزوجها بالرحمه و المغفرة
و ان يصبرها علي الالم و يكتب لها الخير و ان يقدرها علي رعاية صغيرتها
ثم اتجهت ناحية الخزانه تخرج ملابس الخروج باللون الاسود
و هي تفكر انها لم تجتمع مع ادهم في مكان واحد الا مرات قليلة طوال سنوات زواجها من عمر و هذا كان يريحها لانها
دائما تشعر بالقلق في حضوره منذ اول لقاء لهم.
★•••••★•••••★
انتهت من ارتداء ملابسها ، و اخذت ابنتها
و نزلت السلالم بهدوء.
في هذه اللحظة وصلو يسر و مالك و ياسين
فرحبت بهم ...
قبلت يسر كارمن قائلة : وحشتيني حبيبتي
هتفت كارمن بصوت ناعم : انتي اكتر يا ياسو
مالك : عاملة ايه دلوقتي يا كارمن؟
تجمعت الدموع بعينيها : بتحسن الحمدلله علي كل حال بحاول اتعود علي غيابه .. بس صعب اوي بجد1
عانقت يسر صديقتها لعلها تخفف عنها هذا حزنها
همست كارمن بإمتنان : شكرا علي وقفتكم معايا الفترة اللي فاتت .. ربنا مايحرمنيش منكم
يسر : كلنا معاكي يا كارمن مش هنسيبك ابدا يا حبيبتي
ابتسمت بحزن و تحركو جميعا الي الصالون ليجلسوا
جاء ياسين الي كارمن يرفع يديه يود ان يحمل ملك
ياسين : هاتي ملك عروستي العب بها يا راما
ضحكت كارمن بصوت خفيض علي كلام هذا الصغير
هتف ابيه : تلعب بمين يا واد انت ؟
نظر لأبيه وصاح ببراءة : ملك يا بابي عروستي الحلوة
كارمن و هي تحاول تداري حزنها فهي تعشق الاطفال :
بتعاكس بنتي قدامي يا شقي .. طب خليها من ورايا يبقالي عذري
فضحكو جميعا ...
يسر : مفقود فيه الامل الواد دا مش هيسكت
دخلت مريم و هي تحمل صنية عليها شاي و كعك
مريم بود : اتفضلو يا حبايبي كلو حاجة قبل ما تتحركو
مالك : تسلم ايدك يا طنط ماكنش في داعي تتعبي نفسك
مريم : ماتقولش كدا يا حبيبي مفيش اغلي منكم
يسر : سامحيني يا طنط الريجيم حرمني من كل حاجة
ابتسمت مريم : يا حبيبتي تقدري تاكلي كل حاجة بتحبيها بس تاخدي بالك في كميات الاكل و السرعات الحرارية و النشويات تكون قليلة اوي و عمر وزنك ما هيزيد10
يسر صفرت بإعجاب : اوبا دا انتي خبرة بقا يا طنط
مريم بضحك : الانترنت عرفني حاجات كتير ،هبقا ابعتلك كام وصفه تمشي عليهم ، و كلي براحتك الدور و الباقي علي "كارمن" مش بتاكل خالص
نظرت لها كارمن بلوم : بأكل يا ماما علي قد نفسي
مالك : طب يلا عشان مانتأخرش عليهم.
نهض مالك حاملاً ياسين وغادروا جميعًا في سيارة مالك
★•••••★•••••★•••••★•••••★•••••★•••••★••
نعود الي قصر البارون
كان أدهم يجلس مع المحامي في غرفة الصالون الفسيحة ومعهما ليلى ونادين الصمت هو سيد الموقف
سمعوا طرقا على الباب ثم دخل ياسين يركض إلى أدهم وفإلتقطه بين ذراعيه ويمسكه ويقبله على خديه ، وهذه عادة ياسين مع أدهم الذي يحبه كثيرا وأدهم يعشقه.
ثم دخل الباقون ، فاستقبلتهم ليلي بترحيب ، قبلت كارمن و يسر ، وأخذت كارمن بين ذراعيها ، وعانقتها بمحبة وهي تحمل ملك وتقبّلها بحب و حنان ، ولم تزعج نادين نفسها بالترحيب بهم.
التقت عينا كارمن بأدهم ، ورأته كالعادة ينظر إليها بشكل غامض لم تستطع قراءة ما يدور في ذهنه ، ولا يستطع أحد أن يتنبأ بهذا ، ثم التفتت عيناها إلى نادين متسائلة بداخلها ما الذي صنعت منه هذه المرأة الجليدية؟
عادت إلى وعيها بصوت ياسين يتشاجر مع أدهم ، و هو يرآه يعانق ملك بحب ويقبلها في فمها ، فشعرت كارمن بمشاعر لم تستطيع تفسيرها.
ياسين بصرخ : مش تبوسها يا ادهم انا بغير دي ليا انا بس
ضحك ادهم بشدة من كلام هذا العفريت الصغير : الواد دا عنده كام سنه بالظبط !!
هتف ياسين يعد علي اصابعه : خمسه
ادهم : و بتغير عليها يا اوزعه .. انا عمها ابوسها براحتي
ياسين بعناد : لا محدش يبوسها غيري انا و بس
نظر له ادهم بطرف عينه : مفيش الكلام دا
ضحك ابيه : انا ليه ماعيشتش طفولتي زي الواد دا
اي كلام في باله بيقولو مابيهموش حد
و نهض يحمله و يجلس به : اهدي ما تودناش في داهية مع ادهم يا بني الله يهديك خديه يا يسر و العبو في الجنينه كدا مش هنعرف نتكلم منه..
تحدث الي زوجته و هو يعطيها ياسين
نظر ياسين الي ملك ببراءة : هاخد عروستي تلعب معايا
ابتسمت كارمن بصمت وهي تقف بعد ان اعطي ادهم ملك الي يسر ، و نزلت كارمن الي مستوي ياسين تقبله بشدة في خده ، فهذا الصغير فقط من يخرج ابتسامتها بسهولة مثل ابنتها..
خرجت يسر بالطفلين الي الجنينه و عاد المكان الي سكونه
ضحك مالك بإحراج من ابنه ليتحمحم بعد ذلك في جدية
و هو يري ادهم يشير للمحامي أن يبدأ
•••••••••
كان "مدحت" متوترا ، بعد لحظات ،
ستتغيرت موازين الأقدار لكل من يجلس أمامه الأن
أخذ بعض الأوراق من حقيبته وفتحها
وبدأ يقرأ بصوت عال :
«بسم الله الرحمن الرحيم»
اوصي انا "عمر محمود البارون"
و انا بكامل القوة الذهنية والحرية الكاملة.
كالأتي :
اولا : بصفتي نائبًا لمجلس إدارة شركات "البارون للمقاولات" ، قررت نقل منصبي إلى مدير الشركات "مالك صلاح البارون"
ثانيا : تنتقل ملكية فيلتي الخاصة لزوجتي "كارمن محمد الشناوي"
ثالثا : منصبي كنائب لمجلس ادارة شركة "البارون ديزاين" سينتقل الى "كارمن محمد الشناوي" وتشرف على تنفيذ مشاريع التصميم الخاصة بالشركة
رابعا : ستنتقل وصاية ابنتي إلى أخي "أدهم محمود البارون" فور زواجه من "كارمن محمد الشناوي" ، ويتم تسليم الورث الشرعي لملك فور إتمامها 21 سنة.
في حال رفض أي منهم تنفيذ هذا البند ، يلغى كل ما سبق باستثناء منصب "مالك صلاح البارون" ، وتنقل وصاية "ملك" إلى أخي "أدهم محمود البارون" ، ولا يحق لكارمن الاعتراض ، فإن ابنتي سيربيها فقط أخي.
خامسا : اما نصيبي في باقي العقارات والمصنع ومحلات الملابس تقسم وفقاً للشريعة والقانون.
و هذه الوصية و تنفذ بعد إتمام ستة أشهر من تاريخ وفاتي.
.........
اتسعت عيون كل من في المكان
و هم يتوجهون بنظراتهم نحو كارمن التي لا تستطيع وصف ما تشعر به في هذه اللحظة
عدم فهم ، ذهول ، صدمة ، غضب ، حزن
لا يقل عنها حال ادهم بل واكثر ، فهو لم يتوقع ابدا هذا الطلب من اخيه ، ولا احد يمكنه التصديق ان هذا قد يحدث بالفعل ؟+
.
ووويتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
إرسال تعليق