رواية حبيبة بالخطأ الفصل الثامن والعشرين والتاسع والعشرين والثلاثون بقلم سهير علي حصريه وجديده على مدونة النجم المتوهج

 رواية حبيبة بالخطأ الفصل الثامن والعشرين والتاسع والعشرين والثلاثون بقلم سهير علي حصريه وجديده على مدونة النجم المتوهج

رواية حبيبة بالخطأ الفصل الثامن والعشرين والتاسع والعشرين والثلاثون بقلم سهير علي حصريه وجديده على مدونة النجم المتوهج

كانت تتذكر مشهد ازلاله لها فتشعر بغصة فى حلقها تشعر بطعم الاهانه مر على قلبها كلمه تهدم وكلمه تبنى اهانة مهند لها اقتلع الحب فى قلبها من جذوره وخطفه لها نزع البقيه الباقيه من حبها له ولو كان هناك ذرة حب له فى قلبها الان قد محيت تمام ..جاء طيف زكريا واتى برياح الاشتياق له كم تشتاقه الان تشتاق الى حضنه الى دفئه الى حنانه الى طيبته الى ان تلوذ به فتنفست باشتياق له واغمضت عينيها فى حنين جارف لتفتح عيونها ووتتمنى ان يفيق مهند ويرجعها الى زوجها حبيبها …نعم زكريا حبيبها …الان ايقنت انها تحبه بل تعشقه تعشق طيبته واخلاقه التى اكتسب قلبها بهما تنظر لمهند تراه سارح وجهه سوده الغضب والانزعاج…يمسح جبهته كانه يبحث عن حل لمشكلة عويصه ….قالت بترتدد ممكن لوسمحت تسبنى امشى …..قلبها يرتجف تخشى ان يتهور او ان يرفض او …..ينظر لها بندم على رفضه لحبها وعلى ازاله لها واهانتها الذنب ذنبه هو …هو من ضيعها انه خسرها الى الابد تنفس باسف ثم نهض واقترب منها مما جعلها تبتعد عنه بخوف …خوفها منه ازعجه ….متخافيش …..انا حرجعك …بس عايزك تسامحينى …لم تصدق اذنيها ولكن هى تعلم ان مهند اصله طيب مهما تهور فالاصل غلاب…. دنيا بابتسامه تترجم مسامحته له ….انا مسمحاك ياسى مهند لانك ليك فضل عليا وكنت سبب فى انى اتعلم وادخل كلية …..كلماتها ذودت رصيد الندم عنده فنظر لها وهو يبتسم باسف …..لو تعرفى كلامك ده عمل فيا ايه ….انا بجد اسف اسف انى اهنتك واسف وانى ضيعتك من ايدى واسف انى خسرتك واسف انى محستش بيكى ……خفق قلبها لتلك الدمعات التى تلألأت فى عينيه لاول مرة تشعر بضعفه امامها …..ااااه من تلك الدنيا التى تتلاعب بنا كالكرات فى سلة واحدة … …لم تصدق نفسها وهى تركب السيارة من الخلف تتطلع الى الشوارع سعيدة مشتاقه لزوجها وبيتها ….كان ينظر لها من خلال المرأة يرى ابتسامتها فيخفق قلبه بحزن على حبيبته التى ضاعت من يده ….اوقف السيارة عند جامعتها كما طلبت منه …..وقبل ان تترجل من السيارة قال لها ….دنيا مش عايزك تزعلى منى ودايما افتكرينى بخير انا عارف انى مش حكون مهند بتاع زمان فى نظرك…..المهم تفتكرينى بخير

دنيا ….اكيد حفتكرك بكل خير طول ما انت ماذتنيش حفضل افتكر فضلك عليا وانسى اى حاجه وحشه عملتها فيا ….سلام …..

منهد…..سلام سلام…..واكمل بداخله الوداع ياحبيبتى ….ثم مسح دمعه فراق نزلت على وجنتيه.

…..سهير على…….

ارتمى مهند على فراشه وقلبه كان احد يضغط عليه يشعر ان حياته انتهت عندما تركته دنيا ولكن هل ستتوقف حياته ورضوة ما ذنبها فى هذا كله لابد ان ينسى ان يعالج قلبه من حبه لدنيا ان يعيش حياته ويرضى بالقدر الذى رسمه لنفسه او هذا ما يريده الله …لكن الحياة لا تقف عند احد لا احد يموت من الحب ولكن قد نموت من اليأس او ان نشعر ان حياتنا توقفت ….لابد ان يرمى احزانه فى سلة النسيان ويبدا تنظيف قلبه من حب ليس فيه امل ……ذهب الى رضوة فى بيت ابيها. وسال عنها وعندما ابلغوه ان مهند يريد ان يرها رفضت فاستئذن حماه ان يصعد لها حجرتها فاذن له ….طرق طرقه خفيفه ثم فتح الباب ولم ينتظر ان تأذن له بالدخول

رضوة بانزعاج ….اانت ازاى تدخل عليا من غير استئذان

مهند وهو يقترب ….هو انا محتاج انى استئذن على مراتى

رضوى وانفاسها يلوثها الغيظ ..وبنبرة حادة …افندم

مهند…….يلا يارضوة نروح بيتنا

رضوة بسخرية ….بيتنا ….والله انت لسه فاكر

مهند وهو يضع يديه على كتفيها …..رضوة انس…نزعت يديه بعصبيه وهى تقاطعه …شيل ايدك عنى ومتلمسنيش .. يزفر مهند بضيق ……انا عارف انك ليكى حق بس عشان خاطرى ارجعى معايا وادينى فرصة اخيرة

رضوة باصرار …لا يامهند مفيش رجوع ومن فضلك بقى تتطلقنى وتريحنى

طلاق ايه يبنت انتى اتجننتى … قالها والدها بطريقه حادة

رضوة بعصبيه وصوت مرتفع …مش عايزة اعيش معاه انا عايزة اتطلق

صفعه تلقتها على خدها الايمن من ابيها …انتى بترفعى صوتك عليا ياقليله الادب

ومهند يمنع حماه عن رضوة الذى كاد ان يضربها مرة اخرى …اهدى ياعمى ارجوك

حماه لرضوةبعصبيه….يلا لمى هدومك وغورى مع جوزك دلع بنات مرئ عايزة تتطلق تفضحنا على اخر الزمن…..ورضوة تبكى وتشعر ان لا احد يريد ان ينصفها حتى اباها وااتطرت ان تلرضوةبعصبيه وهى مكرهة

سهير على……..

عادت دنيا الى البيت وقلبها يرفرف باشتياق لم تجد زكريا ….فقالت …ياحبيبى اكيد بيدور عليا …..لحظات ووجدت الباب يفتح ويدخل زكريا وهو متجهم ومن خلفه زهرة

دنيا وقد تفاجأت بزهرة فتلقتها بابتسامه وشدتها الى حضنها ….زهرة حبيبتى ايه المفاجاه دة ….وزهرة تضمها بفتور

دنيا باستغراب ….فيه ايه؟

زكريا وحجباه كاد ان يلتصقا من الغضب …..مش كنتى قلتى انك عايزة ترجعى لحبيب القلب بعد مابقيتى غنية ويليق بيكى كنت وفرت عليكى المشوار …..عالعموم ….تقدرى تروحيله وتتجوزيه مهو انا مبقتش اليق ببنت سيادة المستشار….فصمت وابتلع ريقه …واكمل …ااانتى طالق ….اجى من برة ملاقكيش هنا …ثم انصرف وتركها والصدمه جعلت عيناها شاخصه ….فالتفتت الى زهرة لعلها تجد عندها تفسير …..زززهرة ففيه ايه زكريا طالقنى ليه انا ععملت ايه

زهرة بضيق …احنا شوفناكى وانتى نزلة من عربية مهند يادنيا…..دنيا وهى تضع يدها على فمها بعدم تصديق كيف فسر زكريا هذا المشهد. ماذا فهم ….انا مظلومه ..مظلومه يازهرة������ زكريا فهم غلط.

…سهير على…..

تقف ريم مع احد زملائها وتضحك بطريقه اشتفزت ياسر الذى جاء لياخذها فراها فامسكها من معصمه بطريقه مؤلمه وهو يقول بعصبيه …..ايه ال انتى بتعمليه ده وصوت ضحكك العالى ياهانم متلمى نفسك شوية احرجت ريم امام اصدقائها واحمر وجهها من الحرج بسبب توبيخ ياسر لها امام زملائها سيب دراعى ياياسر انت ازاى بتكلمنى كده وتسحبنى بالطريقه دى قدام زملائ

ياسر وهو يدخلها عنوة فى السيارة وانتى ازاى تضحكى بالمرقعه دى مع واحد ياهانم ايه مفيش اى اعتبار ليا…انتفخت اوادجها بفعل كلمته هذه … مرقعه انا بتمرقع ياياسر انا كنت بضحك مع زميل ليا وزميالنا واقفين معانا يعنى مكنتش واقفه معاه لواحدى ومش انا بس ال كنت بضحك كلنا كنا بنضحك ….شعر ياسر ان غيرته جعلت لسانه يزل. ولكن اخفى خطاه …بردو ياهانم ميصحش ال انتى بتعمليه ده واياكى القيكى بتهزرى ولا بتضحكى مع اى حد تانى فاهمه …نظرت له نظرة نارية ولم ترد عليه لانه لا يريد ان يعترف بخطاه ونزلت دموعها بذنب تالم قلبه لدموعها هذه ولكنه كتم المه بداخله وطوال الطريق تبعد عنه وجهها وتنظر الى الشارع وتتحاشى النظر له ….الى ان وصلت فنزلت من السيارة دون ان تكلمه كلمه واحده فعلم انها غضبت منه وخاصمته فزفر بضيق وندم على زلة لسانه.

يتبع..

رواية حبيبة بالخطأ 

الفصل التاسع والعشرون 29 

بقلم سهير علي

انا مظلومة يازهرة مظلومة والله العظيم��������

زهرة باسف. احنا رحنا ندور عليكى فى الفيلا زكريا افتكر انك رحتى عشان تعيشى هناك وملقنكيش قلنا نروحلك الكلية يمكن تكونى كنتى مع واحده صاحبتك ولا حاجه لقناكى بتنزلى من عربية سي مهند وببتتكلمو مع بعض وبتبتسمى له

دنيا بانفعال …مهند كان خاطفنى يازهرة

زهرة وهى تبحلق بعدم تصديق ….ايه خطفك انتى بتقولى ايه ؟ سى مهند يعمل كده

دنيا ….ايوة يازهرة كان خاطفنى وطلب منى اتطلق من زكريا عشان اتجوزه شهقات ودموع وارتجافه ثم اكملت …قلتله قلتله مقدرش اكسر قلبه لانى مجربه كسرة القلب مقدرش اتخل عن انسان كان كل همه انه يسعدنى وبطيبته وبمعاملته حببنى فيه

زهرة ويدها على.خدها. يلهوووى معقول سى مهند يعمل كده انا مش مصدقة

دنيا …..انتى مش مصدقانى يازهرة

زهرة بنبرة تاكيد….لا ياحببتى مصدقاكى طبعا …انا بس مستغربه بقى سى مهند يخطفك ….طب احنا دلوقت حنقنع سى زكريا ازاى بالكلام ده

دنيا وهى تكتم شهقاتها …..مش عارفه يازهرة مش عارفة����������

انا مصدقك يادنيا…..قالها زكريا وكان يقف على الباب وعيناه مليئة بالاسف والندم على تسرعه

عندما خرج زكريا كان قد نسى مفاتيحه وفونه فرجع حتى ياخذهم فسمع دنيا وهى تحكى لزهرة فمط شفتيه بندم على تسرعه

رفعت دنيا راسها وقد تفاجأت بزكريا يبدى ندمه…. وابتسمت زهرة عند روؤيته وحمدت الله فى داخلها ام دنيا فظلت تبكى بكاء المظلوم.

….سهير على……

وصلا مهند ورضوة الى بيتهم ودون ادنى كلمه صعدت الى حجرتها واغلقت على نفسها الباب وهى تبكى بانهيار …ظل مهند يطرق الباب …رضوة رضوة افتحى عشان خاطرى …خالينا نتفاهم

رضوة بعصبيه وصريخ …..سبنى بقى لوحدى انا مش طايقه اكلمك ولا عايزة اشوفك سبنى بقى اه ياربى ������ صوت بكاؤها عصر قلبه وجعله يختنق ولم يستطع ان يتنفس

طيب ماشى انا حسيبك لحد متهدى وبعدين نتكلم…وذهب الى حجرة اخرى يشعر بالضيق وقلبه يخفق قلقا هى ليها حق انا ظلمتها كتير وجيت عليها كتير بس انا نفسى ارجعلها بجد نفس احبها نفسى تدينى فرصة تساعدنى يااااااه يارضوة لو تعرفى انا محتاجلك قد ايه كنتى صبرتى عليا كنتى خدتى بايدى لقلبك …ااااه يارب ساعدنى يارب .

……سهير على……

حتفضلى زعلانه كده كتير قالها ياسر وهويجلس فى الصالون فى بيتها تجلس وهى تلوى فمها بضيق وخصام وتبعد وجهها عنه

ياسر بانزعاج…..ريييم

وريم لا ترد تسمع انفاسه الاهثه بلهفه عليا ولكن هى فى منتهى الغضب من تصرفه فكيف يفعل ما فعله امام زملائها كيف يعنفها امامهم مهما كان خطاها كان لابد ان يصبر حتى يكونا بمفردهما ثم يفعل ما يشاء……شعرت يقترب منها وهو يقرب وجهه منها يبت ردى عليا

ريم بجفاء وهى تعقد ذراعيها امام صدرها …..افندم

ياسر وهو يداعب انفها بسبابته خلاص بقى المفروض انا ال ازعل مش انتى

ريم وكانها مدفع رشاش انطلق فى وجهه ليه بقى ان شاء الله انا احرجتك قدام زاميلك جريتك من ايدك زى الاطفال وزعقتلك قدامهم

ياسر ويكتم ابتسامه لطريقتها المندفعه طب اهدى بس عشان اعصابك

ريم بمنتهى العصبيه ….انا اعصابى زى الفل

ياسر …..حقك عليا انا غلطان بس انتى كمان لازم تحافظى على كرامتى انا مقبلش ان مراتى تهزر مع اى حد حتى لو كان زميلها ولو كان هزار برئ …..قالت بصوت عالى وعصبى وكلماتةتخرج سريعه انا مكنتش بضحك لوحدى زاميلى معايا وكلناكنا بنضحك

طب ممكن تهدى …..قالها وهو يمسك بيدها

مش حهدى ونزعت يدها من يده وكانت على وشك ان تتركه ولكنه قبض على يدها بقوة وقربها الى حضنه وهو يهمس فى اذنها انت قلبك اسود على فكرة ….ريم وتحاول الخلاص منه ..اوووعى سبنى

ياسر …تؤتؤتؤ مش حسيبك وقرب من فمها فقبلها قبلة جريئة جعلتها تشهق

ريم ..امممممم وبعد تحرير شفتيها بصعوبة انت بتعمل ايه قلتلك سبنى

ياسر ….مش حسيبك غيرى لما تعتذرى

ريم …طب اوعى سبنى وانا حعتذر فحررها ياسر ….فعدلت ريم من نفسها وجرت منه على حجرتها وهى تقول مش حعتذر يارخم يا بارد …..وياسر يضحك على طفوليتها …ويقول …..هههههههه اه ياطفلة …ماشى مسيرك تقعى فى ايدى.

….سهير على…..

استئذنت زهرة وانصرفت بعد ان ظلت تدعو لهم بهدووووء البال …..كانت دنيا تبكى بكاء المظلوم كيف يطلقها زكريا دون ان يستفهم اقترب زكريا بخطوات ثقيلة فالتقط يدها وشدها لتقف وتكون امامه يجبرها على النظر له .وبصوت نادم حنون اسف ….قال حقك عليا ياروحى انتى متعرفيش انا حسيت بايه لما شفتك معاه فى العربية مكنتش اعرف انه خاطفك قلت دى اكيد خلاص مبقتش عايزانى. انا بقيت خلاص مش مناسب لها …… قاطعته دنيا وهى تقول بعصبية ….ايه ال انت بتقوله ده مناسب ايه ومش مناسب ايه انا عمرى مافكرت بالطريقه دى الفلوس ال ورثتها مغيرتش حاجه فيا ثم هدات نبرتها وقالت بحب انا حبيتك يازكريا حبيت طيبتك واخلاقك وحبك ليا انت قدرت تنزع الوهم ال جواى ومش حقول حب وزرعت حبك فى قلبى ابتسم بحب وضمها اليه وهو يقول واسفه ارتفع بعد كلماتها هذه حقك عليا حبيبتى سامحينى ..فاستكانت فى حضنه وشعرت بالامان والاطمئنان ….لتتنفس عبيره وتقول بهمس ….ربنا يخليك ليا يياحبيبى يارب وميحرمنيش منك يارب.

زكريا ويده تمسح على شعرها …ولا منك ياقلبى.

يتبع ...

رواية حبيبة بالخطأ 

الفصل الثلاثون 30 

بقلم سهير علي

ظلت رضوة حبيسة حجرتها لا تخرج منها الا بعد خروج مهند كانت لا تريد رؤيته ثلاثة ايام على هذا الوضع وعندما ياتى مهند يطرق الباب فلا تجيب قال لنفسه …وبعدين معاكى يارضوة فيزفر فى ضيق ويدخل مكتبه ليعمل ويفتح دولابه الذى به الملفات ليتناول ملف معين فتقع عينه على الخطابات التى كان ترسلهم دنيا فالتقطها بيده ينظر لهم بحنين ابتلع ريقه بضيق تذكر كلماتها …انا مقدرش اكسر قلبه لانى مجربة كسرة القلب…..خفق قلبه بندم واعتصر الخطابات بيده ثم مزقهم والقى بهم فى سلة المهملات يريد ان يبدأ حياة جديدة مع قلبه حياة مع رضوة حلاله وزوجته التى اختارها الله له ظنها انها حبيبة بالخطأ …لماذا ظنها حبيبة بالخطأ قد تكون هى حبيبته التى يعشقها قلبه ولكن قلبه كان اعمى فلم يرها وقد تكون الخطابات سبب ليراها فالله مسبب الاسباب …تناول الملف الذى يريده يراجعه وتنفس بعمق محاولا نسيان الماضى ….مرت ساعات لا يشعر بها حتى غلبه النعاس فاغلق الملف وقام ليخلد الى النوم …..صعد حجرته ونظر الى الحجرة التى بها رضوة ينظر لبابها المغلق يريد ان يقتحمها بعينيه يريد ان يطمئن عليها ولكنها تغلق الابواب فى وجهه كاد ان يطرق الباب ولكنه تراجع فهو يعلم انها لا تريد ان تراه ….اهة ياس خرجت من صدره ثم دخل حجرته ….ولا يعلم ان رضوة كانت خلف الباب تستمع لخطواته وتنظر من فتحه المفتاح وتراه وعندما راته تقدم ثم تراجع ودخل حجرته قامت واغمضت عينيها بالم …هو عايز منى ايه عايز يعذبنى وخلاص طبعا كان قاعد يقرى فى جوابتها يتسلى… هو يعيش الرومانسيه فى اشعارها وجوابتها ومش مهم انا اهو واحده ملقحه فى اوضتها ولا حاسس بيها ومسحت دموع نزلت من عينيها باطراف اصابعها…..هى كانت كاتبالو ايه خليته يتعلق بيها كده تذكرت عندما رات تلك الخطابات وهى تنظف مكتبه ولكنها لم تقرأها شئ بداخلها حرضها على قراءة تلك الخطابات فنزلت الى مكتبه هى تعلم المكان الذى يدسهم فيه ففتحت الدولاب ولكنها لم تجدهم وبحثت فى جميع ارففه ولكنها لم تعثر لهم على اثر .فقالت بغيظ ايوة طبعا اكيد شالهم فى حتة تانيه وظلت تبكى واستندت على مكتبه فتعثرت قدمها فى سلة المهملات التى ركلتها بغيظ فرات بها قصصات الخطابات التى تبعثرت هى تعرفها عن ظهر قلب فانحنت والتقطت بعض القصاصات انها هى خطاباتها لقد مزقها ترى لماذا ؟ …..

انا خلاص نسيتها .. …. اهة فزع صدرت منها عندما راته …..اااه انت انت هنا من امتى

مهند وهو يقترب منها ولاول مرة قلبه يخفق لها ….انا سمعت صوت باب اوضتك وهو بيتفتح ولما قمت اشوفك لقيتك رايحه عالمكتب جيت وراكى …تحركت لكى تخرج ولكنه حجزها فى حضنه …وقالت بتلعثم …ممكن تسبنى عايزة … ينظر فى عينيها شئ يسحبه بداخلهما قال بهمس وانفاسه كالرياح تهب على وجهها …تعرفى اول مرة اخد بالى من لون عنيكى ……وبنبرة عتاب …انت عمرك مخدت بالك منى راى دمعات تتلألأ فى عينيها قلبه زفر بضيبق وبنبرة كلها اعتذار قال… بلاش دموع عشان خاطرى تعالى نبدأ من جديد …رضوة وجسدها كله يرتعش بغيظ نبدا ازاى و انت عمرك محتنساها …..يداعب خصلات شعرها بيده ويقول ….تعرفى لما بصيت فى عينكى دلوقت نسيت كل حاجه نسيت حتى نفسى مكنتش اعرف ان عنيكى حلوة كده كل لما اعوز انسى حاجه حبص فيهم عشان بيتوهو ….خفق قلبها لكلماته ترى فى عيونه الاشتياق هل هذا اشتياق ام مجرد رغبة رجل يريد امراة هجم عليها الضيق مرة اخرى اقترب مهند ليقبلها ولكن اشاحت بوجهها عنه …انها لا تريد قبلة الرغبة بل تريد قبلة الاشتياق ..قبلة الحب خرج من صدره زفيرا حارا …فسجن وجهها بين يديه ينظر فى عينها التى تاه فيهما ….طب لحد امتى حتبعدى احنا مش قلنا حنبدأ من جديد

نظرت فى عينيه وقالتها صريحة ….لحد ماقلبى يحس بحبك ليا يامهند واول ما حيحس حيقولى وحعرف من غير حتى متقول …. زفر بضيق وحرر وجهها من يديه وابتعد عنها قليلا ثم وضع يده فى جيبه …ماشى يارضوة انا مش حضغط عليكى …بس ياريت متحبسيش نفسك سيبنا نعيش عادى …لحد ماقلبك يحس بيا يراقب حركات وجهها ينتظر منها ان ترق له فوجدها تدلك جبهتها وهى تترنح قليل ….مالك حبيبتى …..حبيبتك ؟؟نطقتها بعدم تصديق

مهند …ايوة يارضوة من هنا ورايح انت حبيبتى وعايزك تكونى حبيبتى وبحاول اانى اثبتلك انك حبيبتى فساعدينى …..تحاول ان تصدق ولكن تهربت ….ولا تعلم لماذا يجوز بسبب نوبة الغثيان التى اصابتها بسبب الحمل وهى لا تريد مهند ان يعلم شئ او يشعر بشئ

يلا يامهند عشان نطلع ننام

مهند ويشعر ان بها شئ ….مالك فيه ايه حاسك ذى ماتكونى تعبتى فجأة

رضوة ….يمكن عشان بفكر كتير

مهند بضيق …..طب ممكن تبطلى تفكير وتسيبى الامور تمشى عادى

رضوة….حاضر تتماسك بصعوبة حتى تصعد لحجرتها …..وامام باب حجرتها ….تلتفت لمهند وتقول له تصبح على خير

مهند …..وانتى من اهله ….لو احتاجتى حاجه اندهى عليا

رضوة …..وهى تقاوم شعور الغثيان بصعوبة وتريد ان تفرغ ما بداخلها ….ححاضر. …وعندما دخلت رقدت باقصى سرعه على الحمام لتفرغ ما بداخلها …لتلهث بعدها بتعب وتستريح على فراشها وهى تحضن وسادتها تستمد منها الموساة.

سهير على…

الشاى ياحبيبى ……قالتها دنيا بعد ان وضعت الصنيه على المنضدة

زكريا ويبدو عليه الشرود تسلم ايدك ياروحى…

دنيا مالك ياحبيبى فيه ايه من الصبح وانت سرحان

يبتسم زكريا لاهتمامها به …..بفكر يادنيا والله ومحتار………سهير على

دنيا…..محتار ليه طب قولى يمكن القيلك حل

زكريا …..الورشه ال انا شغال فيها معروضة للبيع ونفسى اشتريها قوووى حلم حياتى ان يبقى عندى ورشة ملكى كان زكريا يمسك كوب الشاى فقامت دنيا واخذت منه الكوب ووضعته على الصنيه وجلست كلاطفال على حجره انا عندى الحل ياحبيبى ….ابتسم زكريا لفعلتها وضمها بحب وهو يقول عارف حتقولى ايه وانا رافض ….دنيا وهى تضع يده على خده لتجعله ينظر فى عينيها …ليه بس ياحبيبى هو انا وانت مش واحد ….زكريا ….يادنيا انا كده محبش اعتمد على فلوس الست بتاعتى فلوسك دى بتاعتك انتى حرة التصرف فيها انا مليش دعوة بيها

قبلته فى فمه وهى ترسل له نظرة فخر واعجاب ….عارف انا كل يوم حبى ليك بيزيد واعجابى ليك بيزيد واحترامى كمان …..فضمته لحضنها بحس بالامان معاك بحس انى متجوزة راجل يعتمد عليه …بس ياحبيبي الفلوس ال انا ورثتها دى كلها حعمل فيها ممكن تقولى وبدلع وهى تعبث فى ياقة بجامته …يعنى يرضيك تحرمنى انى اتمتع بالفلوس ال سبهالى بابا

زكريا وهو يضمها اليه …..لا ياحببتى انا مقدرش احرمك من حاجه بس انتى عارفة ده مبداى ….دنيا وهى تمط شفتيها بياس ….يعنى مفيش فايدة مش حقدر اثر عليك ….طب ايه رايك….قاطعها زكريا وامسكها من يدها واجبرها على النهوض من على حجره متحاوليش يادنيا وسبينى اشرب الشاى بقى لحسن برد ……سهير على

دنيا باصرار …..طب اسمعنى لاخر مرة حقولك اقتراح وان معجبكش مش حتكلم فى الموضوع ده تانى

زكريا وهو يرتشف من الشاى ….اممممم قولى ام اشوف اخرتها معاكى

دنيا …بامل ….بص ياحبيبى هو مش فى حاجه اسمها شراكه بين اتنين واحد بفلوسه وواحد بمجهوده …اهو انت حتشغل فلوسى فى مشروع انا براس المال وانت بالمجهود ها ايه رايك؟؟؟ ترقبت وجهه وهو يفكر ويشرب الشاى صمت فترة قصيرة ..ثم قال اخيرا. …اممممم

دنيا ….امممم ايه متقول رايك بقى

زكريا ماشى موافق بس بشرط

دنيا ….بفرحه شرط ايه ياروحى ….

زكريا…. احنا حنفضل زى ما احنا لغاية مكون فلوس من المشروع واعيشك بفلوسى انا …موافقه …..دنيا وهى تحتضنه بفرحه وحب واعجاب موافقه طبعا ياروحى ..فترك الشاى ولم يقاوم حبها الجارف له فحملها وهو يقول بحب ورغبه ….توكلنا على الله احنا نمضى العقد بقى ….فتعلقت فى ر قبته وهى تارجح قدميها بسعادة لا متناهية.

الفصل الحادي والثلاثون والاخير من هنا

الفصل الأول والثاني والثالث والرابع من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺