رواية حبيبة بالخطأ الفصل الاول والثاني والثالث والرابع بقلم الكاتبه سهير علي حصريه وجديده على مدونة النجم المتوهج
رواية حبيبة بالخطأ الفصل الاول والثاني والثالث والرابع بقلم الكاتبه سهير علي حصريه وجديده على مدونة النجم المتوهج
اصتدمت قدمه بظرف فعدل عن فتح الباب ومال بجزعه يلتقط الخطاب يقلبه فى يده يريد ان يعرف من المرسل ولكن الظرف ليس به اى اسم او عنون ظل ينظر الى اعلى لعل احد من الجيران القى به ولكن لا اثر لمخلوق العمارة كلها هادءه لم يلمح احد لا اسفل ولا اعلى احتار مهند وظل يسال من القى بالخطاب على عتبه الشقه والخطاب ليس به طابع بريد ولا اسم ولا عنوان وضعه فى جيبه وفتح شقته ودخل مباشرة الى حجرته القى بحقيبة اوراقه وجلس خلف مكتبه وفتح الخطاب وبدا يقرا الرساله لعل من محتواها يتعرف على راسالها
الرساله الاولى
((((بسم الله الرحمن الرحيم
اترددت كتير قبل ما اكتب الرساله دى عارفه ان مش من حقى اكتبلك ..بس …صدقنى مقدرتش اقاوم رغبه قلبى فى انه يبعتلك يعبرلك عن حبه ليك ..ايام وليالى بيفكر ويلح عليا انى اكتبلك…كنت محتارةاكتبلك ولا لا اقولك على حبى ولا لا …حب كبيير فى قلبى مقدرتش استحمله لوحدى ..لقيت نفسى بمسك الورق والقلم وبكتب كل ال فى قلبى وانا بشوفك ومش قادرة اكلمك بلمحك وانت مش واخد بالك منى ….اكيد انت بتسال نفسك انا مين ؟….انا واحده بتعشق التراب ال بتمشى عليه…..بتعشق الهوا ال بتتنفسه بحس انى وجودى له معنى بجودك… صدقنى جوابى ليك كل الهدف منه انك تعرف انى…انى…انى بحبك …بحبك وبس مش عايزة اى حاجه تانيه مش عايزاك حتى تحبنى كفايه عليا اشوفك من بعيد اشوفك فرحان والبسمه على وشك ماتعرفش بسمتك دى بتشرح صدرى قد ايه ارجوك خليك مبتسم دايما عشان بسمتك بتفرحنى وضحكتك بتنور حياتى كلها
حبيبتك التى بتعشقك )))))))
بعد ان قرا مهند الخطاب ضحك بجانب شفتيه ضحكه سخريه وقال …هههه والله بنات فاضيه والقى الخطاب باهمال على المكتب وقام ليغير ملابسه قليل وسمع جرس الباب وصوت صديقه ياسر فى الخارج وهويسال الخادمه عنه
مهند من داخل حجرته..تعالى ياياسر انا فى اوضتى
يدخل ياسر بعد طرق باب حجرته طرقه خفيفه …..ايه يبنى فينك ليك يومين مش شايفك
مهند …..اعمل ايه ياياسر الشغل واخدنى اووى ماسك قضيه معقربه ….(( مهند وكيل نيابه والده المستشار عبد الكريم اشرف ووالدته نجوان رافت سيده مجتمع مشهورة ))
ياسر …..قدها وقدود يباشا ان شاء الله ان شاء الله تحلها ((((ياسر صديق مهند الوحيد تخرجا سويا من كليه الحقوق عمل ياسر بالمحاماه بينما كان مهند متوفق فعين وكيل نيابه ياسر يحب اخت مهند ريم ولكن هى لا تعيره اى اهتمام ))))
مهند ….يارب ياياسر دعواتك بقى ….لكن انت مش عوايدك تيجيلى الوقت ده يعنى خير في ايه
ياسر ……. خير ان اشاء الله مانت عارف ان خالى ساكن فوقيكم كنت عنده بزوره لمحتك وانت داخل قلت ادخل اسلم عليك عارف انا جاى فى وقت مش مناسب
مهند …..عيب عليك ياجدع البيت بيتك تيجى فى اى وقت
ياسر ….. تسلم يا مهند …فلمح الخطاب الذى جذبه لونه الازرق الصارخ وكانه يبدو عليه انه جواب غرامى ….الله الله ايه ده ياعم مهند بتبعت جوابات غراميه من ورايا ولا ايه واخذه وقراه …العلاقه التى بين ياسر ومهند كانت تتيح له ان يتتدخل فى خصوصياته فمهند يحب ياسر جدا ويعتبره اخ له.. …بعد قراءة ياسر للخطاب ومعرفه محتواه قال وهو يرفع حاجب وويثبت الاخر …ويقول بتعجب …ايه ده ايه ده مين دى ال وقعه فى دباديبك دى وانت متعرفش
مهند بلا مبلاة وعدم اهتمام للامر …واحده فاضيه قالت تتسلى عليا وتلاقيها عارفه معياد رجوعى فحطيته قدام باب الشقه ومشيت قبل مااشوفها
ياسر ….بس باين من جوابها انها بتحبك يامهند وشكلها كده ساكنه معاكم فى نفس العمارة
مهند ….ياعم فقك من الحورات دى انت بتصدق الكلام الفارغ ده هى فى بنت بتعرف تحب دلوقت دول مش فالحين غير فى الموضه والقعاد على الفيس يحبو ويوقعو الشباب .وبعدين فى بنت محترمه تبعت لواحد جوابات غراميه…تعالى بس اتغدى معايا يلا قوم زمان بابا رجع وماما كمان
ياسر وهو يترك الخطاب على المكتب ….لا يا عم الف هنا انا مروح ورايا مليون حاجه اعملها نتقابل بقى بعد بكرة الجمعه فى النادى اهو ده اليوم الوحيد البعرف اتكلم فيك معاه وبتبقى فاضيلى
مهند ……هههههه اعمل ايه ماانت عارف انى مش فاضى وكمان انت وراك مكتبك وقضايك يعنى الحال من بعضه
ياسر …..معاك حق والله الحال من بعضه لا انا ولا انت فاضيين كفايه علينا يوم الاجازة ..يلا اسيبك انا بقى تتغدى ..سلام
مهند …..مع السلامه
بعد انتهاء الغداء عاد مهند الى حجرته وجلس خلف مكتبه ليراجع القضيه فوقعت عيناه على الخطاب فالتقطه وقراه مرة اخرى وسؤال فرض نفسه وبقوة من تلك التى ارسلت الخطاب ؟…من تكون ؟ وهل حقا تحبه ام تتسلى به ؟ ….وهل هى تسكن معه فى نفس العمارة ؟….ام فى عمارة اخرى وارسلت من يلقى بالخطاب على عتبه الشقه …نفض راسه من تلك الاسءله التى هجمت علي خاطره رغم عنه ….وكور الخطاب فى يده وارد ان يلقى به فى سله المهملات ولكنه تراجع وفرده وطواه واحتفظ به فى درج مكتبه ……ثم عاد يتصفح ملف القضيه الذى امامه معطي كل تركيذه لها..
يتبع..
رواية حبيبة بالخطأ
الفصل الثاني 2
بقلم سهير علي
رضوة رضوووة انتى يبنتى هيييه …لم تنتبه رضوة لهزة ريم العنيف لها فقد كانت شاردة فترد عليها بعصبيه
رضوة …..اييييه فيه ايه رضوة رضوة
ريم بنرفزة …..انتى ال فيه ايه ساعه بكلمك وانتى سرحانه ومش معايا خالص كانى بكلم نفسى الله
رضوة وهى تزفر بضيق ….ايوة سمعاكى اهو كنتى بتقولى ايه؟
ريم اخت مهند …يسلام المفروض اعيد تانى ال قلته
رضوه ….والله ما فايقه ياريم لحاجه
ريم ….ليه بقى
رضوة ….يعنى مش عارفه شفتى اخوكى امبارح بكلمه بيرد عليا ببرود ازاى
ريم ياستى فقك منه بقى مانتى عارفه مهند طبعه كده
رضوة ابنه خاله مهند وهى تعشقه حتى الموت
رضوة ….اخوكى ده حيجننى والله مش عارفه اعمل ايه معاه
ريم …..نصيحه منى انسيه لوقعدتى تستنيه حتضيعى عمرك وبردو مش حيحس بيكى لانه رافض موضوع الجواز من اصله دى ماما خاصمته كذا مرة بسبب الموضوع ده كم مرة تعرض عليه الموضوع وتجبله عرايس وهو يرفض او يتهرب منها وتخاصمه ويفضل وراها لحد ما تصالحه وينتهى الموضوع
رات ريم دموع تتلالاءفى عيون رضوة فشعرت بالاسف من اجلها انها تعلم ان رضوة تحب مهند وهو لا يعيرها اى اهتمام
رضوة ….مش قادرة ياريم انساه انا بحبو قووووى قوووى حاولت كتير بس مقدرتش قوليلى اعمل ايه عشان يحس بيا انا تعبت بجد من تجاهله ليا ده تعبت
ريم باسف …..معلش حبيبتى اصبرى مين عارف يمكن ربنا يهديه
رضوة …..لا ياريم هو لسه متاثر بالبنت ال كان بيحبها فى الكليه وسابته اكيد لسه بيحبها ومش قادر ينساها عشان كده مش راضى يدى قلبه فرصه انه يحب من جديد
ريم ….فعلا مهند مش من النوع ال بينسى بسهوله ربنا يهديه بقى عشان كده رفضتى العريس ال متقدملك
رضوة….ايوة طبعا انتى عايزانى اتجوز واحد غير مهند طب ازاى
ريم …..والله معارفه اقولك ايه ربنا معاكى بقى …. يلابقى نروح من الصبح واحنا بنلف عشان نشترى كام طقم دى ماما حتسمعنى كلمتين
رضوة ….لا وعلى ايه الحكايه مش ناقصه يلا
وجاء اليوم التالى ومهند عاءد من عمله وكما حدث له بالامس وكانه مشهد يتكرر يجد الخطاب على عتبه باب الشقه فيلتقطه وهو ينظر لاعلى والى اسفل ويمينا وشمالا ولكن لا احد ينظر للخطاب كان سينطق ويقول له ان ارسلنتى فلانه بنت فلان مط شفتيه بحيرة ويدسه فى جيبه ثم يفتح الباب ويتوج ال حجرته فيسند حقيبته على مكتبه ويخرج الخطاب ويفتحه يجد زهرة حمراء راءحتها جميله يستنشق عبيرها ويظل محتفظ بها فى يده ويفتح الجواب ليقرا محتواه
بسم الله الرحمن الرحيم
دى وردة ببعتهالك ومش عارفه حتتحتفظ بيها ولا لا …ويمكن كمان ترميها فى سله الزباله ….ويمكن كمان تدوسها برجليك … مش عارفه الوردة حيكون مصيرها ايه ؟ بس انا بهدهالك ياحبيبى????لو الوردة بتتكلم كانت قالتلك انى فضلت سهرانه انا وهى احكيلها عنك وعن حبى ليك والقمر كمان كان سامعنى ويشهد هو والنجوم على حبى ليك والندى ال عليها ده دموع اشتياقى ليك وبين كل ورقه وورقه سر حبى ليك شكيت للقمر عن حالى قالى وانا مالى …عندى كتير سهرانين …وسالت النجوم ياترى حبيبى حيحس بيا ضحكت ليا ضحكه مش مفهومه رجعت تانى حيرانه امسح دمعتى بايدى وانا بحلم يوم تيجى تمسح دمعتى ياحبيبى ….كل يوم انام وصورتك فى حضن قلبى ….كل يوم اتملى منك وقلبى مش بيشبع…..كل يوم احلم بحبك وان قلبك يسمع …صوت قلبى وهو بيناديك .. امتى ياحبيبى تحس بيا وتحس ان قلبى بين ايديك…دموعى خلصت ويجددها اشتياقى ليك????????????????????????……. نور قلبى بقى بنظرة من عنيك ….خلى قلبى يفرح ولو مرة لحسن فرحته قليله فى الدنيا ديه ومخبيش عليك انا قلبى متشحتف عليك ….مش قادرة عليه مش قادرة اكتم صوته وهو بيناديك… مش قادرة ارجعله ضحكته اصلى ضحكته متوقفه على نظرة من عنيك……اعمل ايه ياحبيبى فى حبى ليك..دوايا ممعاك…..لتعلاجنى ..لتقولى طريقه تنسينى جمال عنيك…..انت ازاى مش حاسس بيا ..ده لو عديت من جمبك بخاف تسمع دقات قلبى وهى بتنادى عليك بتقولك بحبك بحبك بحبك خلاص فاض بيا مش لاقيه حل ليك
حبيبى اعشقك
تسارعت انفاسه وكان كلماتها صعدت به الى خارج الغلاف الجوى فنقص الاكسجين واصبح غير قادر على التنفس من هذه المراة كلماتها تنطق بالاحساس وعاد السؤال الرخيم يدق باب الفضول من تكون ؟…من تكون؟؟
هل يعقل ان من خطت هذه الكلمات هدفها التسليه ولماذا لا يكون حب حقيقى ؟ لماذا؟
اخرجته من دوامه الاسءله المحيرة دقات على باب حجرته وبسرعه طوى الخطاب ووضعه فى درج مكتبه فوق الخطاب الاخر وتنفس بعمق قبل ان يقول…..ميين
ريم من خلف الباب …الغدا يامهند يلا بقى بابا بيسال عليك
مهند …..جاى حالا …ابدل ملابسه بسرعه وارتدى منامه زهرى وخرج
استغرب الجميع نجوان والده مهند وابيه وريم اخته من شرود مهند على الطعام فهذه ليس عادته …ولم تخفى نجوان فضوله فسالت ابنها…..مالك يامهند سرحان في ايه ومش بتاكل كويس
مهند….هه ..لا عادى ياماما ..اص اصل القضيه ال انا شغال فيها شاغلانى شوية
والد مهند ……ليه هى اول قضيه يعنى يامهند مانت حليت قضايا كتير وكانت صعبه
مهند …..بس دى قضيه مش سهله يابابا بجد نفسى اعرف مين صاحبها وكان بداخله يقصد صاحبه الخطابات
عبد الكريم والد اشرف ….يبنى مفيش حاجه بتفضل مستخبيه كتير بس لو دوورنا كويس اكيد حتوصل لخيط يوصلك للانت عايزه
مهند …..معاك حق يبابا وانا مش حيهدالى بال غير لما اعرف مين هى؟ نطقها بدون وعى
ريم …..الله هو الجانى المرادى واحده ست متشوقه اعرف ايه حكايتها
مهند وقد انتبه لزله لسانه …هه ..وانتى مالك متخليكى فى نفسك
ريم بنبرة شاكيه لابيها …..شايف يابابا بيكلمنى ازاى
عبد الكريم …اسرار شغله يبنتى
مهند وهو ينهض …الحمد لله
نجوان …..ايه يبنى دى مش اكلتك متقعد تكمل اكلك
مهند ……شبعت ياماما
وعاد يرمى نفسى فى قاع الاسءله المحيرة...
يتبع
رواية حبيبة بالخطأ
الفصل الثالث 3
بقلم سهير علي
تتقافز كلماتها فى رأسه كماتتقافز الكرة فى مضربه تعزف حروف خطابها على اوتار احساسه فترتد على حائط البحث عن صاحبه هذه الحروف
داخل الغرفه الزجاجيه لملعب الاسكواش ولاول مرة يفقد مهند تركيذه فقال له ياسر الذى يلاعبه
ياسر …..لا انت مش فى الفرمه النهاردة مش مركذ خالص
مهند وعلامات الشرود ترتسم على وجهه ….كفايه كده ياياسر مش قادر اكمل وخرج وفى يده مضربه ومن وراءه ياسر
جلس مهند على مقعد فى حجرة تغير الملابس يخلع شريط يربطه على جبهته ويمسك بزجاجه المياه المعدنيه يشرب منها وهو يلهث من اللعب والتفكير فى كلمات صاحبه الخطاب المجهوله ….سهير على
ياسر ….مالك يامهند اول مرة تفقد تركيذك فى اللعب كنت سرحان فى ايه وانت بتلعب
مهند…. فى الجواب ال لقيته قدام الشقه
ياسر …الجواب ال ورتهونى
مهند ….لقيت جواب تانى امبارح وانا راجع من الشغل بنفس الطريقه وفى نفس ميعاد رجوعى من شغلى
ياسر ….ومش كاتبه اسمها بردو
مهند …..لأ
ياسر …..بس واضح انها تعرفك وعارفه مواعيد رجوعك من شغلك وبتبعلتك الجوابات فى المواعيد دى
مهند ….تفتكر هى ساكنه معانا فى العمارة ولا عمارة من العمارات ال جمبنا
ياسر …..الله اعلم …محاولتش تعرف من الجواب التانى ال بعتتهولك ؟
مهند ….ابدا …كل ال كاتباه احساسها بيا وبس
ياسر ….عالعموم مسيرها تتعرف ويمكن لما تبعتلك جوابات تانيه تقع بكلمه ولا اى حاجه تخلينا نعرف هى مين
مهند ….وهو يمط شفتيه بموافقه على اقتراح ياسر …فعلا ما عليا غير الصبر…سهير على
وعاد مهند الى عمله وتفكيره كله منحصر حول صاحبه الخطابات المجهولة وهو ينتظر انتهاء عمله بفارغ الصبر ليعثر على رسالتها ..هل سترسل له رسالات اخرى ام سيجد عتبه الباب خاليه ؟
وانتهى العمل وبسرعه كالبرق عاد الى بيته وابتسم عندم راى الرساله فالتقطها ودسها فى جيبه وفتح الباب متوجها الى حجرته
ترى ماذا كتبت له هذه المرة
الرساله الثالثه
بسم الله الرحمن الرحيم
حمد على سلامتك ياحبيبى فسلامة قلبى من سلامتك وحشتنى وحشتنى قوووى قووووى ياحبيبى انا انهاردة كنت محتارة اكتبلك ايه جوايا كلام كتييييييييير قوى شايله قلبى ليك جوايا احلام كتير نفسى احكيهالك نفسى تسمع شكوتى تسمع انينى ..تعرف دقات قلبى عايزة تقولك ايه كل دقه بالف كلمه كل كلمه بالف معنى …تعرف ان حبك علمنى الشعر بقيت افتح كشكولى واكتبلك ال حاسه قلبى طب اسمع دى…….
علمنى الشعر حبه خالانى قلت احلى كلام
اترجم احاسيسى من غير ما يكون عليا ملام
بس ياخسارة باكتبه واقراه لنفسى قبل ما انام
كان نفسى يقرا ال كان عايز يقوله قلبى قبل ما اسكته قوام
اسكت ياقلبى وداراى ليكون حبه اوهام
وتضيع كرمتك وتقول ياريت سكوتى دام
اكتب وسطر احزانك وافراحك وعينك تقرا الكلام
عايز تكتب علشان يعرف لو كان بيحبك كان رمى عليك السلام
وفر حيرتك وفر حزنك يمكن تلاقى ال يحس بينا قوام
اصبر ياقلبى ده الصبر مفتاح كل الالام
واكتب واشعر ان عارفه ان الشعر سلوى ليك فى كل الايام
وحاجات تانيه كتييير كتبتهاليك …كتبتها عشانك عشان قلبك يحس بقلبى عشان قلبك يشوف قلبى ….تعرف نفسى فى ايه نفسى نسهر سوى ويكون لينا سر مشترك عن الهوى نحكيه للقمر ….نفسى عنيك تخترقنى وتسكن جوايا …نفسى تضمنى …نفسى ايدك تسكن بين ايديا …نفسى ونفسى ونفسى فى حاجات كتيييير قوى ياحبيبيى بدعى من ربنا يحققها ليا …تعرف نفسى فى ايه كمان …نفسى انى اصحى من الحلم ال انا عارفه انه مش حيتحقق …نفسى افووووق وابطل احبك ….نفسى اخد نفسى لمكان يكون بعيييد لتكون فيه انت ولا قلبك …ياتريت تحوش عنيك عنى دايما بتطاردنى ….ياريت تمسح حبك من قلبى باستيكه …..تقدر؟ …تقدر تخلينى اكرهك ….تقدر تخلينى مفكرش فيك تقدر؟ تخلينى تحوش صورتك ال ديما قدام عنيا…تقدر …..ياريت تقدر …لانى بجد انا مش قادرة????????????????????????????????????
انتى ميييين…؟ نطقها مهند فور قراءته للخطاب كان يلهث وراء كل كلمه يقراها يحاول ان يجد صاحبتها …قلبه ينبض بشدة لقد اخترقت كلماتها قلبه بعنف بل دغدغته …جعلته يتقافز كالكرة… ومع كل كلمه وجمله فضوله يفترسه بلا رحمه من انتى ايتها الحبيبه المجهوله اعلنى عن نفسك ارجوكى اريد ان اعرف صاحبه الكلمات الرقيقه من تكون وكيف تكون ؟؟؟؟
كاد عقله ان يتوقف … ولم يهتدى الى شىء
ظل يفكر ويفكر يقرا الخطاب مرة ومرات حتى نام على كلماتها ولم يتناول الغداء كالعادة مما اثار عجب الجميع
سهير على
عشرة ايام وكل يوم يقرا مهند خطاب لهذه الحبيبه المجهول تكتب باحساس عجيب كلماتها تخترقه حتى النخاع تهزه بقوة …تجعله يسبح فى عمقها بدا يدمن هذه الخطابات جعلته يعشقها دون ان يراها ولكن سؤال يمزق احشاءه من هى ؟…من تكون؟….من…..من ….من …من تكون ؟ الا يجيب احد على هذا السؤال
وقفت رضوة على باب شقه خالها وقبل ان ترن الجرس وقعت عيناها على الخطاب فضيقت عينيها فى تعجب من الذى يرسل خطابات ويضعها على عتبه الباب هكذا لماذا لم يرسالها فى البريد فانحنت لتلتلقطه فراها مهند وهى تلتقط الجواب فظن انها تضعه على الارض فاتسعت عيناه فى مفاجاه قوية ..يقول ….كانه عثر على اجابه السؤال …..رررضوة???????????? رررضوة هى صاحبه الجوابات …معقولة؟
ترى ماذا سيفعل مهند؟ وكيف سيتصرف مع رضوة ؟
كلمات الشعر من تاليفى….سهير على
يتبع ...
رواية حبيبة بالخطأ
الفصل الرابع 4
بقلم سهير علي
اقترب مهند من رضوة وعيناه تخترقها ينظر لها فى عدم تصديق …هل هى الحبيبه المجهولة مدت له يدها بالخطاب كادت ان تقول ان هذا الحطاب وجدته امام عتبه الشقه
رضوة وهو تمد له الخطاب ….ده ل. ولكن وجدته يصرخ فيه وهو ياخذ الخطاب …انتى ؟ يارضوة ….انتى ال بتحبينى
اتسعت عينا رضوة وقد تفاجات بما قاله …اخيرا شعر بها وعلم انها تحبه انها تذوب فيه تعشق عيناه ارتعشت شفتاها وهى تقول …ااانا انا
مهند وهو يتعمق فى عينيها كانها يستكشف الحقيقه راى عيناها تلمعان هل هى لمعه الحب…انتى ايه؟
رضوة والموقف كله صعب عليها ابتلعت ريقها فى ارتباك …..انا بحبك من زمان قوى يامهند بس انت مكنتش حاسس بيا
حاله سكون سيطرت على مهند وهو ينظر لها انه يعتبرها كاخته ولكن حدث شىء قد يقلب الموازين لقد شغلته بخطابات عبرت فيها عن حبها له الحب الذى ظلت تكتمه ولم تستطع ان تصرح له به مباشرة وجها لوجه حاول ان يقنع قلبه انه احبها فكلماتها كلهااحاسيس جعلت قلبه يستيسقظ من ثباته العميق كأنه نائم لسنوات مع اهل الكهف …كلماتها فجرت بركان العواطف الخامد بداخل قلبه …..رضوة تعالى معايا نقعد فى مكان هادى نتكلم
وذهبت معه وقلبها يرفرفر فى سعاده تنظر له بعيون والهة هائمه انها غارقه فى حبه حتى النخاع
سهير على…..
الله مش تقوليلى مالك من ساعه ما جيتى وانتى بتعيطى اتصلتى بيا فى التلفون زهرة تعالى ..انا عايزاكى ضرورى …..متتاخريش انا حاسه انى حموت …وانا جيت اهو فيه ايه انطقى ….لكن دنيا… عيناها تبكى بسخاء تشعر ان قلبها سينفجر ….من الالم والصدمه حبها تحول الى اخرى بالخطأ ….تود ان تصرخ فى ميدان عام …وتقول انه حبيبى انا …حبيبى انا واخرى اخذته منى بالخطأ كيف اعيده لى كيف اعيد حقى فيه لقد ظللت ايام وليالى اكتب احاسيى واترجم دقات قلبى له واسكب حبى فى سطور حتى شربه لكن فى الاخر اختلط عليه الكاس .. ياويلتى ماذا افعل فى مصيبتى ….لقد ضاع حبيبى الى الابد ….
زهرة بنفاد صبر . …..بصى انا حامشى ولم تبطلى عياط ابقى كلمينى
دنيا وهى تمسك بيدها وصوتها محشرش من الدموع …لا يازهرة عشان خاطرى لو سبتينى حموت ….انا تعبانه قوووى خليكى معايه وانا ححكيلك
زهرة ….اللهم طولك ياروح قولى فيه ايه مالك شكلك عملتى مصيبه
دنيا ايوة فعلا انا عملت مصيبه ????????????????
زهرة بقلق ….خير قوليلى انا ملاحظه انك متغيرة ليكى فترة فيه ايه
دنيا……… مهند افتكر ان رضوة هى ال بعتتله الجوابات
تغمض زهرة عيناه وتبربش بعدم فهم جوابات ايه …….سهير على…
دنيا وهى تمسح دموعها ….اصل اصصل انا فكرت انى ابعت لمهند جوابات اقوله فيها انى بحبه ووفعلا فضلت ابعتله جوابات كل يوم جواب لحد اخر جواب بالصدفه رضوة تيجى فى نفس معياد رجوع مهند من الشغل وتلاقى الجواب افتكر انها هى ال بتبعتها
زهرة……يانهارك اسود ….انتى ازاى تعملى كده انتى اتجننتى …انتى مش عارفه لو عرف انك انتى ال بتبعتى الجوابات حيحصلك ايه وليه مقولتليش كنت نصحتك قبل متعملى المصيبه دى………سهير على…….
دنيا ….كنت عارفه انك حترفضى …عشان انتى من الاول معارضه حبى ليه ….فى لحظه حسيت ان قلبى حينفجر مش قادر يتحمل كل الحب ال جواى ده ليه قالت ذلك وعيناها شاردة بعيد فاكملت وهى تتنفس بحب لقيت نفسى بمسك ورقه وقلم وبكتب كل الجوايا واعبر عن حبى واحساسى ولما كتبت حسي9ت براحه وشلت الجواب واحتفظت بيه ومبعتهوش .
زهرة ….طب حلو ايه ال خلاكر تتجنى وتبعتيه ….سهير على…..
دنيا …..احممم ….. اصلى حضرت فيلم ليلى مراد لما محمدفوزى بعتلها الجوابات وورد فحبيبته من غير ماتشوفه
نظرت زهرة لها ببلاهه ثم قالت …..نعم يختى انتى يبت اتجننتى ولا كنت مبلبعه حاجه
دنيا وهى تخفض عيناها بخجل ….اهو ال حصل بقى
زهرة ….ههههههه هم يبكى وهم يضحك والله معارفه اقولك ايه
دنيا وتعود لدموع الحب الذى ضاع منها …..اعمل ايه يازهرة مانتى عارفه انى بحبه قووووى اعمل ايه فى قلبى قوليلى مقدرتش استحمل وانا كل يوم بشوفه بشوف عينيه وبسمع صوته وبيكلمنى وبكلمه غصب عنى وشعرت ان قلبها يخفق بشدة
زهرة …..اسمعى يا دنيا …كويس ان ده حصل ياريت بقى تفوقى وتشوفى شغلك بدال متلاقى نفسك بره ومش بعيد تتطردى بفضيحه ولا يلفقولك تهمه حطى فى قلبك ياختى واسكتى
دنيا ….من خلال دموعها ووجع قلبها ….انتى بتقولي ايه يازهرة ازاي حبى يتحول لوحده تانيه بالخطأ ازاى
زهرة……….. وهى تتأفف بعدم فائده من اقناعها …هوووف بقول ال قلبك مش راضى يسمعه انتى بتفكرى بقلبك والقلب بيفكر ويتصرف بال عايزه وبس انما انا بفكر بالعقل والمنطق …..وحاروح اشوف انا بقى شغلى ونصيحه منى كفايه لحد كده لحسن تتطربق على دماغك فى الاخر وتركتها وسط بركه من الدموع ..
يتبع ...
الفصل الخامس والسادس والسابع والثامن من هنا
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
0 تعليقات