حي رمضان جاي الحلقه الثانيه من تاليفي محمد منصور. منص حصريه وجديده على مدونة النجم المتوهج
حي رمضان جاي الحلقه الثانيه من تاليفي محمد منصور. منص حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة عيادة الدكتور النفساوي ووقت ما كنت بحكي له علي حكاية اول ميت انا لبست هدومة الاقي باب الاوضة بيخبط بص لي الدكتور وقال
استني شوية
وقام فتح الباب ولقيت عيلة تبان انها في تالته اعدادي ولبسة لبس المدرسة بتبص للدكتور وبتهرش في مناخيرها وبتقول
زي كل مرة
وطلعت فلوس وحطتها في ايد الدكتور وئام فقال وئام بعد ما بص لي
دلوقتي
البت قالت
اة دلوقتي
وبصت لي اوي وقالت
ولا في حد عنده اعتراض
بصيت حوالين مني ممكن تكون بتكلم حد وريا لكن وريا ازاي وانا ما فيش ورايا الا الحيطة فرجعت بصيت لها وقولت
انتي بتكلميني انا
البت قالت ببلطجة
حد كلمك
ورجعت بصت للدكتور وئام وقالت
يلا يا دكتور مش قادرة
طبعا كان شكلي وحش فقومت وقفت وقولت
ممكن استأذن انا وابقي اجي لك وقت تاني.
وئام
اقعد يا رمضان هو انت غريب
رمضان
اصل واضح ان الانسة تعبانه خالص. و،،،،
وسكت من الاحراج مش عارف اقول اية فقال وئام.
ياراجل اقعد وماتقولش كدة. دي هتاخد وهتمشي بسرعه
اتصدم وبرقت وقولت
هتاخد.
لكنه راح ناحية تلت ارفف عليهم كتب مسك كتاب من الكتب دي التلت ارفف لفو ودخلو جوة الحيطة وطلع
ما كانهم ماكينة من اللي بتعمل الاندومي فتح كيس اندومي وبدأ يجهز كوباية اندومي وهو بيقول لي
كمل وبعدين
كنت مصدوم بصراحة الدكتور اللي بتعالج عنده يطلع بقال. لكنه بص لي وقال
كمل يا رمضان انا سامعك ولو بتحب الاندومي اعمل لك كوباية بطعم الفراخ. بس دي حسابها غير حساب الكشف. ما تزعلش مني دة الا فلوس اليتامي
ما حطتش في دماغي هي دي الحاجة الغريبة والوحيدة اللي بتحصل قولت لنفسي اكمل الحكاية احسن. وقولت، ،،
نرجع تاني للتورتة ولسة عيلة مشموم واقفين قدام منها وانا قررت اقوم امنعهم من اكل التورتة فوقفت قدام التورتة بالظبط وقولت
انا اسف اني هقطع عليكم عبادتكم. بس في شئ خطير لازم تعرفو. التورتة دي مشموم حاطط فيها سم
كلهم بصو لي باستغراب شديد وقولت طالما بصو لي يبقي انا ماشي صح. لكن اللي تولع اللي اسمها زمردة قالت
من الزعل جاله خلل تحت باطة. سيبوكم منه
رمضان بعصبية
وعهد الله لو ما سكتي لخليكي تاكليها كلها لوحدك.
زمردة
ياريت
ورجعت تبص تاني للتورته وكلهم بصو للتورتة فقولت باعلي صوتي
والله العظيم التورتة دي مسمومة. ولو كلته منها هتموتو. زي ما موتو قبل كدة
العيلة بصو لي وبلموا ولاحظت اني عكيت فقولت
اقصد اني هنا علشان اغير الماضي والحقكم
فضلو مبلمين وليهم حق بصراحة فقولت
انا مش عارف افهكم ازاي بس اقدر اثبت لكم ان كلامي صح
وهنا شوفت بالصدفة قطة واقفة وكان باين انها جعانه فروحت قاطع حتة من التورتة وحطتها قدام القطة وانا بقول
حتي شوفو هيحصل اية في القطة لما تاكل منها
لفو كلهم وبصوا للقطة وقالت زمردة
بنت المحظوظة قدمها حتة كبيرة
رمضان
اتنيلي واسكتي علشان كدة لو ماتت مش هنعرف ماتت من السم ولا من عينكي
وفضلنا كلنا نبص للقطة والقطة تبص لنا وخايفة تاكل لان العيلة كلها كانت مبرقة مش باصين بصة عادية. فقولت
ممكن كل واحد يبص بعيد عن القطة لانها اتفزعت من اشكالكم. هو انتم اية مفاجعين
زمردة
اصلها لو مش هاتكلها هخدها انا وتبقي حتة زيادة فوق منابي
واحدة تانية قالت
ولية ماخدهاش انا. دة انا حتي ام العريس وبرضو تبقي فوق منابي
رمضان بعصبية
الطم علي خلقتي. بتتخانقوا علي تورتة مسمومة
لقيت واحدة صوتت وقالت
يالهوي يالهوي يالهوي
اتفزعت وقولت
اية في اية.
الولية قالت
القطة خدت حتة التورتة وجريت
قولت وانا عمال ابص علي القطة في كل ركن من اركان القاعه.
لازم نوصل لها ونعرف بعد ما كلت التورتة حصل لها اية
زمردة
دوروا عليها انتو وانا هقف هنا احرس التورتة
رديت ام العريس
ولية ما اقفش انا دة انا حتي ام العريس
بصت لهم بشر وقولت
بقول لكم اية بدل ما ندور علي القطة ما تدوقو انتو الاثنين ونخلص منكم
خافو الاثنين. وقالت زمردة وهي بتبص ل ام العريس
ما تدوق هي. مش هي ام العريس
ام العريس
ما يولع العريس اضحي بنفسي لية وعلشان خاطر مين. دة حايلة ابني
رمضان
طيب اية رايكم نجيب تورتة غير دي وبكدة تبقي المشكلة اتحلت
ام العريس
وابني يدفع تاني وربنا ابدا
هنا بقي ام العروسة ظهرت وقالت
اومال عايزانا احنا اللي ندفع لية ان شاء الله كنا بنجوز بنتنا ل سفير النوايا الحسنه
وبصت للعريس وقالت
دة حتي شبة القلقاسة الجربانه
ام العريس بعصبية
ابني انا قلقاسة جربانه يا ام اربعه واربعين
ومسكوا الاثنين في بعض وكانت ليلة وخرب الفرح ووقفت ام العريس عند باب القاعه وقالت
اللي بيحبنا يجي عندنا خلي ام العروسة البومة لوحديها مع امها وابوها
وراحت العيلة كلها ناحية ام العريس بما فيهم زمردة ووقفوا عند باب القاعه فبصت ل ابو العروسة اللي واقف جنب منه مراته وبنته وبس وقولت
انت داخل العيلة دي بنفرين بس
وهوب هدد يحصل والارض تنشق وتبلع اهل العروسة وفضلو يقعوا كلهم روحت جريت ناحية الحفرة اللي حصلت وبصيت ل ابوة العروسة وقولت
انت
هنا صوت عالي ل زمردة اللي وقعت في الحفرة وكانت بتقول
أااااااااااااااااااه.
رمضان
ما تقوليش اة. كدة ليجيلك خلل في حواجب اهلك
وسكتت فبصيت لابوة العروسة وقولت
انت،،،،،،
صوت زمردة تاني وهي بتقول
أاااااااااااااااااه.
بصيت في الحفرة وقولت
كلهم وصلو الاخر وماتو وانتي يا بنت الكلب لسة بتقعي. عارفة لو سمعت حسك تاني لانزل اجيبك من شعرك وارميكي تاني
وبصيت تاني لابوة العروسة ولسة هقول
يعني انت،،،،،،،،
سمعت زمردة بتقول
اااااااااااااااة.
قلعت الجذمة وحدفتها يمكن تيجي فيها مراة فخدة. حتي وهي بتموت يارب كلهم يعيشوا وهي لا.
وهنا لقيت ام العروسة وابوة العروسة والعروسة واقفين قدام مني وبيقولو
احنا دلوقتي ملناش غيرك يا مشموم يا ابني
بصت لهم وقولت
بس انا مش مشموم.
وفعلا بدات هدوم مشموم تطير من علي جسمي وبقيت انا بالهدوم الداخلية وراحت الهدوم لواحد جاي من الهواء ولبسهم هو. ووقف بينا الزمن وما حدش شايف ولا سامع اللي بيدور بيني وبين الشاب دة اللي وقف قدام مني وقال
انا مش عارف اشكرك ازاي انك قدرت تغير الماضي
رمضان
هو انت.
مشموم
انا مشموم
رمضان
وانا ابن المنحوسة الا دون الناس كلها البس حكايتك واعيش بهدومك. بس انا ماقدرتش اغير الماضي وعيلتك ماتت برضو
مشموم
مش مهم اللي ماتو المهم عيلة مشمومة حبيبتي
وبصيت ل نفسي وانا بالهدوم الداخلية وقولت
وهو المفروض اني هرجع بالشكل دة لحياتي ودنيتي
مشموم
ما هو لازم اخد هدومي واكمل اليوم مكانك واعيش فرحتي واتجوز حبيبتي
وهنا بدا المشهد يتغير ومشموم بيقول ل ام العروسة
يعني خلاص موافقة اني اتجوز مشمومة
ام العروسة
هو انت متخلف يا مشموم. مش انا اللي رفضتك اول مرة
بص مشموم ل مشمومة وقال
انتي اللي رفضاني. ودلوقتي انا قدام منك تقبيلني اكون جوزك وابو عيالك
مشمومة
هقبل وامري لله. علشان فلوس القاعه اللي ادفعت دي
وبصت مشمومة ل امها وقالت
ماما عرفي المعازيم ان حصل تغير وبدلنا العريس بواحد تاني. وكدة فرح جديد ونقطة جديدة.
فرح اوي مشموم وقال
انا مش مصدق نفسي وربنا ما مصدق قولي تاني كدة
مشمومة
موافقة اتجوزك
مشموم
يا ديني قلبي هيقف من الفرحة
وحس مشموم بوجع في قلبه ومسك قلبه وقال
اي
ووقع ميت وبقيت القاعه انهدت لسة هقول احسن لقيت نفسي بدخل من باب شقتي وانا بالفانلة والشورت وقاعدة قدام مني لمار بتخرط ملوخية بصت لي وقامت وفي ايدها المخرطة وراحت ناحيتي وفضلت تلف حوالين مني وانا مستني خبطة بالمخرطة تفلق دماغي وقالت. والمخرطة علي رقبتي
اية دة
ما بقتش عارف اقول اية. مهما اقول مش هتصدق هقول اية يعني مشموم اللي مات مرتين خد هدومه مني دة انا اهو صاحب الحكاية ومش مصدق كررت سؤالها وهي بتصرخ وقالت
اية دة
قولت
فانلة وشورت
لمار
ما انا عارفة انهم فانلة وشورت. انت نازل كدة. ولا الزباله اللي كنت عندها جوزها طب عليكم وطبعا ما لحقتش تلبس هدومك وتلاقيك كمان نازل من سلم الخدامين
رمضان
لمار يا حبيبتي الشارع بتاعنا كله مافيهوش بيت في سلم خدامين. دة في بيوت في شارعنا ما فيهاش سلم اصلا
لمار
يبقي نطيت من الشباك اكيد انت بتخوني مع خلود مشاوير اللي ساكنة في الدور الارضي. كنت عندها مرة وعملت لي شاي وكان الشاي تحت والسكر فوق
رمضان وهو بيلطم
يا اما. ابو ام الشاي اللي فوق والسكر اللي تحت. انتي عارفة انا هبطل اشرب شاي
لمار
والله وطبعا هتشرب يانسون زيها ما هي ما بتحبش الشاي
رمضان
لمار يا حبيبتي انا هدومي ضاعت وانا بحاول اغير الماضي بتاع مشموم
لمار والمخرطة رايحة جاية قدام مني
الماضي المشموم
رمضان
لا. الماضي بتاع مشموم.
لمار
وعهد الله سميرة حداية ما كدبت لما قالت انك خاين وانا بقي هعرف ازاي اربي خلود مشاوير. بس اربيك انت الاول
وراحت معيطة وقالت
دة انا من الصبح وانا وافقة علي رجلية بحضر لك في الاكل اللي بتحبة. وبعملك ملوخية ورز وارنب. والحلو
ومسكت ايدي ودخلت بيا المطبخ وفتحت حلة كبيرة وقالت
رز بلبن
بصيت للحلة وقولت
رز بلبن في الحلة دي
لمار
اة
رمضان
هي الحلة دي بتاعت اكل
لمار
اومال بتاعت اية
رمضان
اصل انا ماعرفش
لمار بخضة
رمضان انت عملت اية في الحلة دي
رمضان
لما كنتي عند امك ساعه ماكانت تعبانه. ما كنش عندي ولا بوكسر نظيف وانتي موعداني اننا نغلي الهدوم الداخلية
وسكت رمضان فقالت لمار
كمل وبعدين
رمضان
خد الحلة دي وغليت فيها البوكسرات
لطمت لمار طلعت جري من المطبخ ودخلت اوضي وقفلت علي نفسي وهي فضلت واقفة برة وعايزاني افتح. هو انا عبيط افتح دة انا عارف ممكن تعمل فيا اية. وسيبتها تصرخ وتتشنج لغاية ما سكتت خالص تقريبا كدة ماتت مشلولة، ،،،،،،،،،،
ونرجع للعيادة تاني ووئام كان بيعمل كوباية قهوة علي السبرتاية اللي علي مكتبة وانا ببص له وساكت وببص للنور المطفي في العيادة. فقال وئام
خلصت كدة
رمضان
دي اول حكاية معايا
نور وئام نور العيادة وهنا شوفت البت بتاعت الاندومي لسة موجودة وفي ايدها كوباية الاندومي وهي فاضية. وبتبص لي اوي فقال لها الدكتور
كدة ال 20 ج. اللي دفعتيهم خلصو
طلعت البت فلوس تاني وقالت
هسمع كمان حكاية
باس الدكتور وئام الفلوس وحطهم في جيب البلطو وقال
ودين النبي انا شكلي معاك هكمل اول ورقة ب 200
استغربت وقولت
هو مش المفروض ان في حاجة اسمها اسرار المريض بتاعك
ضحك وئام وقال
اسرار اية بس دة انا بصور وبنزل علي اليوتيوب. كمل بس وهبقي اراضيك في اخر الحكاية. بس استني
بص وئام للبت وقال
اعمل لك كمان كوباية اندومي
البت
لا. خليها شعرية بلبن. بس بلاش في الحلة بتاعت البوكسرات
وضحكت البت ضحكة ملزقة و الدكتور قال
متخافيش عندي حلة بغلي فيها شربات بس حكاية
وفضل يضحك هو كمان وهي تضحك وتبص لي وقالت
والنبي انت عسل
بصيت لها بقرف وسكت. وكان وقتها وئام داس علي رف كتب تاني ظهر بوتاجاز صغير وعليه حله شعرية بدأ يحط اللبن وهو بيقول
هه يا رمضان خلصنا من هدوم مشموم. الهدوم اللي جاية بتاعت مين
رمضان
بتاعت زكي زكي زكي
وئام
واية حكاية زكي دة بقي
رمضان
دة واحد حداد اطرد من محل كنتاكي ومن وقتها وهو بقي واحد تاني خالص
وئام وهو بيحط طبق شعرية بلبن قدام البت. قال
طيب احكي
رمضان
هحكي لك، ،،،،،،،،،،،،،،،
خلصت حلقة النهاردة اللي يارب تكون عجبتكم. سلام
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
0 تعليقات