رواية تائهه فى بحور الذكريات الفصل السادس والسابع بقلم الكاتبه دودو محمد حصريه وجديده على مدونة النجم المتوهج
رواية تائهه فى بحور الذكريات الفصل السادس والسابع بقلم الكاتبه دودو محمد حصريه وجديده على مدونة النجم المتوهج
فى بيت محمد إبراهيم
صحيت نرمين من نومها دخلت حمامها اخدت شاور وخرجت اداة فرضها وخرجت من اوضتها
نرمين :- صباح الخير
منيره :- مردتش عليها
نادر ومحمد :- صباح النور
نرمين :- قعدة على الكرسى وقالت ايه يا ماما انتى مخصمانى ولا ايه
منيره :- بت انتى لسانك ميخطبش لسانى طول ماانتى بتتكلمى بالاسلوب ده وايه القرف اللى انتى لبساه ده فى بنت فى فنون جميله تلبس بنطلون وعليه قميص شبه بتاع الرجاله
نرمين :- بقولك ايه يا ماما علشان ما نتعبوش مع بعض تغير اسلوبى فى الكلام مش هغير وطريقة لبسى عجبانى ودى حياتى وانا حره فيها فبلاش اسلوب الضغط عليا ده علشان مش هيجى معايه
منيره :- بصت لمحمد وقالت بص بنتك بتكلمنى ازاى اهى دى اخرت دلعك فيها مبقاش فى حد قادر يكسرها
محمد :- اهدى بس يا منيره مش كده براحه عليها شويه
نادر :- فى ايه يا ماما على كل ده ما دى طريقة نرمين من زمان ايه جد دلوقتى
منيره :- فى ان هى مش صغيره دلوقتى واللى اصغر منها اتجوزه وخلفه كمان دى حتى مفيش ولا واحد اتكلم عليها كله بيخاف منها ومن طريقة كلامها وانا مش مستعده اخللها جمبى شفت بعينك البت شهد عامله ازاى طريقة كلامها رقيقه ولبسها لبس بنات ولهلوبه وقشطه
نرمين :- كل واحد وشخصيته وانا دى شخصيتى ومش هغيرها وقامت وقفت وقالت انا ماشيه عن اذنكم ومشيت نرمين على جامعتها
منيره :- شوفته البت مش هاممها حد ازاى
محمد :- ريحى انتى دماغك هى دمغها نشفه ومهما تعملى مش هتغير رأيها
نادر :- وبعدين يا ماما هى حره فى نفسها وبعدين متحاوليش تقارنيها مع حد مش صح يعنى كل واحده حره فى نفسها
منيره :- يعنى انتو كلكم اتفقتو عليه خلاص انتو حرين لما تلاقوها معنسه جمبكم محدش يقول ياريت كنا اقنعنها تغير نفسها فينك يا نيره انتى اللى بتنصفينى
……………………………………………………
فى مقبرة رامى
وصل وليد ونيره ودخلو مع بعض
نيره :- وقفت قصاد قبر رامى ودموعها نزلت منها
وليد :- احم انا هستناكى بره
نيره :- ماشى
وخرج وليد من المقبره ووقفت نيره تقراه ليه شوية قرأن وبعد كده صدقت بالله العظيم
نيره :- واحشتنى اوى يا رامى حياتى مبقاش ليها طعم من غيرك بقى كل اللى مصبرنى ذكرياتك الحلوه اللى عشتها معاك وبناتك اللى من رحتك البت جيسى كلها بقت شبهك واخده طيبت قلبك والبت جيرمين واخده جنان خالتها نرمين واخده لسنها الطويل ودمها الحامى وبتحب الضحك والهزار كان نفسى تبقى معايا وتشوف بناتك وهما بيكبرو وتفرح بيهم وقعدة على الارض وحطت راسها على القبر وقعدة تعيط
وليد :- كان داخل يشوفها خلصت ولا لا وسمع كلامها وشفها وهى بتعيط صعبت عليه ودخل عندها وقال
وليد :- احم خلصتى
نيره :- رفعت راسها ومسحت دموعها وقالت اه
وليد :- طب لو كده يلا نمشى
نيره :- وهى بتقوم من على الارض كانت هتقع
وليد :- مد ايده وسندها
نيره :- اتعدلت وقالت ش.ش.شكرآ
وليد :- احم العفو يلا
نيره :- مشت قدامه وراحت عند العربيه وركبت من وراه
وليد :- ركب العربيه وسائقها وراح الفيلا ودخلو الاتنين وكانت امينه قعده مستنياهم
وليد ونيره :- السلام عليكم
امينه :- وعليكم السلام اتأخرتو كده ليه
نيره :- كنت بقراه ليه شويه
امينه :- ربنا يتقبل منك ويجعله ليه طاقة نور ويصبر قلبى وقلبك يارب
نيره :- اللهم امين امال فين البنات
امينه :- فى الجنينه بيلعبو مع تقى ونرمين
نيره :- هى نرمين جت
امينه :- اه من شويه
نيره :- طب عن اذنك يا ماما هخش ليها جوه
امينه :- براحتك يا حبيبتى ومشيت نيره راحت الجنينه
وليد :- حدف المفاتيح على التربيزه وقعد على الكنبه جمب امه
امينه :- مالك يا حبيبى
وليد :- عندى شوية صداع
امينه :- سلامتك يا حبيبى
وليد :- الله يسلمك يا ماما
امينه :- وليد احم عاملت ايه مع نيره
وليد :- عملت ايه فى ايه مش فاهم
امينه :- يعنى فى السكه محاولتش تفاتحها فى حاجه
وليد :- حاجه زى ايه
امينه :- وليد متتعبنيش معاك انت فاهم
وليد :- لا يا ماما انا قولتلكم انسو موضوع الوصيه ده
امينه :- ماهو مش بمزاجك الوصيه هتتنفذ زى ما اخوك عايز بالظبط
وليد :- وانا مش هقدر انفذها وبعدين انتى بتتكلمى وواثقه على اساس ايه وانا عارف ومتأكد ان نيره هى كمان هترفض علشان هى كانت ومزالت بتحب جوزها رامى الله يرحمه
امينه :- ماهو انت لو تقتنع هتقدر تخليها تقتنع بيك
وليد :- لا يا ماما لو اتكلمتى فى الموضوع ده كتير هلم هدومى وهقعد فى مكان بعيد عن الفيلا وسبها ومشى
امينه :- يارب لين دماغه شويه ويوافق بقى انا تعبت
……………………………………………………
فى الجنينه
كان البنات بيلعبو مع تقى ونرمين كره
نرمين :- شوطى يا جيرمين
وجريت بالكره وشطتها وجابت جول وقالت جووووووووووول وحضنت جيرمين
تقى :- على فكره انتو بتخمونا
نرمين :- هههههههههههه ده بس من غيظك
نيره :- يخربيت عقلك يا نرمين بتلعبى البنات كوره
نرمين :- ايوه فيها ايه مش رياضه
نيره :- رياضة رجاله مش بتاعة بنات
نرمين :- ومين قلك كده يا فلحه اللعبه دى للجنسين
نيره :- والله شكلك ناويه تطلعى البنات مسترجله شبهك
نرمين :- هو انتو ايه حكايتكم معايه مسترجله مسترجله هو لازم يعنى اتمايص وادلع زى البنات علشان اعجب
نيره :- اهدى يا نونه محصلش حاجه لكل ده انتى ايه معصبك كده
نرمين :- انا تعبت بقى كل شويه يجى حد فيكم يسمعنى كلام زى الزفت يا جماعه انا حياتى كده وراضيه بيها ومش هغيرها ارتحتو بقى ومشيت من الجنينه
نيره :- دى مالها دى
تقى :- اصل مامتك سمعتها كلام زى الزفت على الصبح بسبب طريقة كلامها
نيره :- اه علشان كده ودخلت تجرى وراها وقالت نونه استنى هقولك
نرمين :- خلاص يا نيره سبينى دلوقتى امشى
نيره :- لا مش هسيبك وبعدين متزعليش منى طب والله رغم لسانك اللى بينقط دبش ده بس دمك زى العسل وشباب كتير هيموته عليكى
نرمين :- ربنا يجبر بخاطرك يا ستى بس سبينى اتمشى شويه واشم شوية هوا احسن مخنوقه
نيره :- ماشى بس هستناكى تيجى تانى
نرمين :- ربنا يسهل وسبتها ومشيت
فى نفس الوقت ده جه ادم وخبط فيها بس نرمين متكلمتش ومشت علطول
ادم :- استغرب اول مره نرمين متتكلمش معاه مشى وراها وقال نرمين نرمين
نرمين :- وقفت من غير ما ترد عليه
ادم :- راح وقف قصادها وبيبص اتفاجئ بدموع نرمين واول مره يشوفها قال انتى بتعيطى مالك يا نرمين
نرمين :- مليش عن اذنك
ادم :- استنى يا بنتى انتى رايحه فين بمنظرك ده
نرمين :- بقولك ايه والنبى مش فايقه ليك سبنى الله يكرمك
ادم :- تعالى بس اركبى العربيه وقوليلى رايحه فين وانا اوصلك
نرمين :- شكرآ انا مش عايزه اركب مع حد وسبنى بقى انا عايزه امشى
ادم :- خلاص بلاش العربيه تعالى نتمشا شويه
نرمين:- هووووف ومشيت جمبه من غير ما تنطق ولا كلمه
أدم :- وهو انا ممكن اسألك سؤال
نرمين :- لا
ادم :- شكرآ على الموافقه
نرمين :- بصت ليه وابتسمت ابتسامه خفيفه
ادم :- ههههههه تصدقى انك بتبقى حلوه وانتى هاديه وبتضحكى
نرمين :- شكرآ
ادم :- انتى ليه تملى بتحاولى تثبتى انك انتى البنت الفتوى مع انك ملامح وشك هاديه وجميله
نرمين :- هتصدق لو قولتلك انا سعات كتير بكره الاسلوب ده بس غصب عنى مش بعرف اغيره مجرد ما حد بيكلمنى ويقولى كلمه تعصبنى بلاقى نفسى اتكلمت بالاسلوب ده تلقائى
ادم :- مش صعب انك تغيرى من نفسك للاحسن
نرمين :- لا صعب لما تكون متعود على طريقة كلام معينه طول حياتك مش هتعرف تغيرها بين يوم وليله
ادم :- طب انتى ايه مزعلك انهارده
نرمين :- نفس الموضوع ده كل شويه امى تتكلم معايه على اسلوبى فى الكلام وعلى طريقة لبسى
ادم :- طب ما هى عايزه مصلحتك
نرمين :- عارفه بس هى عايزانى اتغير مش علشان نفسى لا علشان اعجب عريس ويجى يتقدملى وانا عمرى ما اغير نفسى علشان حد
ادم :- عريس بس انتى لسه صغيره ولسه قدامك جامعه ومستقبل
نرمين :- لا ما هى مش مقتنعه بكده مفكره ان انا بقى عندى مية سنه وان اسلوبى هو سبب فى طفشان العرسان
ادم :- هههههههه طب اقولك على حاجه
نرمين :- قول
ادم :- انا اخد على لسانك الطويل ده ولو مجديش يوم وشدنا مع بعض بحس ان يومى نقصه حاجه هههههه
نرمين :- ههههههههه دى جديده بقى ان فى راجل يحب يتهزق من واحده
أدم :- يابت بقولك نشد مع بعض مش تهزقينى
نرمين :- متقولش بت بت لما تبتك
ادم :- مش انتى اللى غلطى الاول وبتقولى عليا بحب التهزيق
نرمين :- مش انت اللى قولت كده
أدم ونرمين :- بصو لبعض وضحكو ههههههههههههههههه
ادم :- ايوه كده يا شيخه اضحكى خلى الشمس تطلع
نرمين :- احم ش.ش.شكرآ
ادم :- ايه رايك نبقى اصحاب
نرمين :- نعم يا اخويه قصدك ايه
ادم :- يخربيت دماغك الشمال دى قصدى نبقى اصحاب زى الاخوات
نرمين :- اه ماشى قشطات
ادم :- قشطات يا بنتى متعرفيش تقولى اوك يس شور يعنى حاجه برقه
نرمين :- لا ماهو لو هنبقى اصحاب اتعود على طريقتى ورد عليا بنفس الطريقه اشطه
ادم :- هههههههههه اشطه
نرمين :- ادم
ادم :- اممممم
نرمين :- شكرآ علشان سمعتنى للاخر وطلعتنى من اللى انا كنت فيه
ادم :- ولا يهمك يا ستى عدى الخدمات ههههههههه
نرمين :- هههههههههههه غلس
ادم :- ها اوصلك البيت ولا الفيلا
نرمين :- ولا ده ولا ده هوديك مكان تحفه هتنسا نفسك فيه
ادم :- ماشى يا ستى وانا من ايدك دى لايدك دى
ومشى الاتنين على المكان اللى تبع نرمين
……………………………………………………
فى بيت محمد إبراهيم
خبطت شهد على الباب فتح ليها نادر
شهد :- لو سمحت فين طنط منيره
نادر :- جوه فى المطبخ
منيره :- من جوه المطبخ تعالى يا شهد
نادر :- وسع لشهد علشان تدخل
شهد :- دخلت المطبخ لمنيره وقالت ايوه يا طنط ماما قالت ليا اجى اكلم حضرتك
منيره :- ايوه يا حبيبتى كنت عيزاكى تعملى ليا الشكشوكه علشان نفسى فيها ومش بعرف اعملها
شهد :- من عنيا يا طنط
منيره :- تسلمى عنيكى يا قلب طنط
وبدءة شهد فى تجهيز الشكشوكه وكان بيتبعها من بعيد نادر وكان معجب بخفة حركتها وبطريقة كلامها مع امه
منيره :- الله اكبر عليكى يا حبيبتى خفت ايه ونضافت ايه تسلم ايدك يا قلبى
شهد :- شكرآ يا طنط عن اذن حضرتك
منيره :- خليكى قعده يا حبيبتى شويه واتغدى معانا
شهد :- مش هينفع والله يا طنط بابا زمانه على وصول ولو جه وملاقنيش هيبهدل الدنيا
منيره :- ماشى يا حبيبتى ومعلش بقى تعبتك معايه
شهد :- ولا يهمك يا طنط تعبك راحه وخرجت شهد وراحت على شقتهم
منيره :- راحت لنادر وقالت شفت البت لهلوبه ازاى ودمها زى الشربات ومؤدبه جدآ
نادر :- تانى يا ماما ام الموضوع ده
منيره :- اه تانى وتالت ورابع والصراحه بقى انا مش هسيب البت تروح لحد تانى وانا مش هسكت غير لما اجوزهالك
نادر :- البنت كويسه ومقولتش حاجه والله بس الاقى شغل الاول علشان لما اروح اطلبها من ابوها ابقى معايه وظيفه اقدر اصرف عليها منها بعد الجواز
منيره :- يعنى انت موافق على البت
نادر :- ايوه يا ماما
منيره :- بفرحه بجد هقول لامها بقى
نادر :- استنى هنا يا حاجه بقولك لما الاقى شغل الاول
منيره :- المهم انك اقتنعت بالموضوع
وقامت دخلت اوضتها تلبس الطرحه علشان تروح عند بيت شهد
نادر :- مشكله يا ماما انتى ههههههه
……………………………………………………
عند ادم ونرمين
وصلت نرمين عند باب مقفول
ادم :- ايه ده
نرمين :- مش بتعرف تقراه
ادم :- اه مكتوب دار ايتام
نرمين :- طب ماانت حلو اهو امال بتسال ليه
ادم :- احنا جين هنا ليه
نرمين :- تعالى بس وشدته ودخلو جوه
اول ما العيال شافوها طلعو يجرو عليها
العيال :- ابله نونه ابله نونه
نرمين :- حبايب ابله عاملين ايه
بنت اسمها جنه :- واحشتينا اوى يا ابله
نرمين :- معلش يا حبيبتى الفتره اللى فاتت كنت مشغوله عنكم علشان كان عندى معرض بس بعد كده هرجع تانى اجيلك خميس وجمعه زى الاول
العيال :- هييييييييييييييا
نرمين :- لا وشفتوه كمان جبتلكم معايه مين ابيه ادم علشان يلعب معاكم كتيررررررررر
العيال :- اذيك يا ابيه
ادم :- وقف ومستغرب
نرمين :- قربت على ادم وقالت ليه مالك وقف كده ومستغرب
ادم :- يعنى المطلوب اعمل ايه
نرمين :- تلعب مع العيال وتنسيهم همومهم مش كفايه عايشين من غير اب ولا ام
ادم :- لا مش بلعب انا مع حد
نرمين :- انت حر ومسكت ايد العيال وقعدة تلعب معاهم وتجرى وتضحك وتهزار مع العيال
ادم :- اكتشف جانب تانى لنرمين محدش يعرف حاجه عنه واعجب بيها جدآ
بنت اسمها ملك :- مسكت ايد ادم وقالت تعالى يا ابيه العب معانا دى ابله نونه بتلاعبنا العاب جميله
ادم :- مشى مع ملك وقعد يلعب مع العيال وقضه يوم من اجمل ايامه
نرمين :- كانت مبسوطه من اندماج ادم مع الاطفال واكتشفت فيه الجانب الطفولى المتخفى وراء رجولته
……………………………………………………
بقلمى (دودو محمد)
«تائهه فى بحور الذكريات»
الفصل السابع
بعد انتهاء اليوم وصل ادم للفيلا وهو فى قمة سعده وكان الكل متجمع قصاد التلفزيون
ادم :- السلام عليكم
الكل :- وعليكم السلام
امينه :- ايه يا ابنى كنت فين طول النهار
ادم :- مفيش ك.ك.كنت بتمشا شويه
تقى :- لوحدك يا ادم
ادم :- وانتى مالك يا غلسه
تقى :- اصل انا اتخيلت بنرمين ماشيه جمبك
ادم :- برضه مش هريحك
نيره :- صح يا ادم نرمين كانت معاك علشان كنا بنرن عليها ومش بترد على التليفون
ادم :- احم اه
نيره :- طب هى عملت ايه احسن كانت متعصبه وهى ماشيه
ادم :- لا بقت كويسه
تقى :- ما لازم تبقى كويسه وهى ماشيه مع واحد امور كده
ادم :- تشكرى يا اختى
تقى :- اوعدنا يارب
ادم :- عمرك ما هتشوفيها بوشك ده
تقى :- ليه كده طه
ادم :- بت انتى اتلمى العن ابوشكلك انا هخش انام وسبهم ودخل اوضه
تقى :- والنعمه شكل الحكايه فيها ان
امينه :- وانتى مالك يا لمضه
نيره :- عندها حق يا ماما شكل ادم مبسوط اوى انهارده
امينه :- يسمع من بؤق ربنا ويجعلهم نصيب لبعض ويسعدهم
نيره :- يارب ياماما
امينه :- مشت بالكرسى وقالت هروح انا اوضى انام تعالى يا تقى ساعدينى وبصت لنيره وقالت تصبحى على خير يا حبيبتى
نيره :- وحضرتك من اهله
تقى :- وقفت ومسكت كرسى امها وزقته على اوضتها
نيره :- وقفت ولسه هتمشى جه وليد
وليد :- السلام عليكم
نيره :- وعليكم السلام
وليد :- فين ماما
نيره :- لسه داخله اوضتها علشان تنام
وسابته ومشيت
وليد :- دخل اوضه وقفل الباب ورما نفسه على السرير وناااااااااام محسش بنفسه
……………………………………………………
وليد :- رامى رامى
رامى :- بصله ومردش عليه
وليد :- انت ليه مش بترد عليا
رامى :- علشان مش عايز تنفذ وصيتى
وليد :- مقدرش يا رامى دى صعبه عليا
رامى :- …………………………
وليد :- يارامى متسبنيش كده ورد عليا
رامى :- ………………………
وليد :- انت ليه ساكت
رامى :- بص ليه بصت غضب ومشى وسابه
وليد :- رامى متمشيش وتسبنى رامى راااااااااااااااااامى
وقام مفزوع من نومه
وليد :- ليه كده بتصعبها عليا يارامى ليه
وقام اتوضه وصلى ركعتين وقعد يقراه فى المصحف
……………………………………………………
فى اوضة نيره
دخلت الاوضه وقلعت طرحتها وقلعت عبايتها ونامت على السرير قريت الفاتحه لرامى وغمضت عنيها ونامت
……………………………………………………
رامى :- يا نيرو يانيرو
نيره :- ايوه يا حبيبى
رامى :- شكل البت دى عاملة على نفسها
نيره :- ههههههههههه ليه
رامى :- فى ريحه مش حلوه خدى شوفيها
نيره :- شمتها يعععع اه للاسف عامله
رامى :- شم ايده وقال يعععع يعنى هى عملتها عليا
نيره :- ههههههههههههه اه
رامى :- ده انا هخش اتعقم فى الحمام
نيره :- هههههه امال تعمل ايه لو قولتلك خد شطفها وغيرها
رامى :- نعععععععععم يا اختى ده مين ده ان شاءالله
نيره :- ههههههههههه انت يا حبيبى
رامى :- غورى ابت العن ابو شكلك قال اغيرها قال اهو ده اللى ناقص وسبها ومشى
نيره :- ههههههههههههههههه
ودخلت غيرتلها ونيمتها فى اوضتها
رامى :- اخد شاور وجه وقال امال فين البت
نيره :- نيمتها فى اوضتها
رامى :- حلاوتك يا جامد ده شكلها هتبقى ليله فل وقرب من نيره
نيره :- اوبس نسيت اغسل ايدى بعد ما غيرت لجيسى
رامى :- بعد عنها وقال الله يقرفك لسه مستحمى
نيره :- هههههههههههههههه😂😂😂
رامى :- انتى بتضحكى عليا صح
نيره :- الصراحه اه 😂😂😂
رامى :- طب والله ما انا سيبك
نيره :- جريت منه وقالت بهزار يا رمضان ايه مبتهزرش
رامى :- وقعها على السرير وقال لا بهزار يااختى وقرب من شفايفها وبسها بوسه طويله وبعد عنها وقال يخربيت العسل اللى على شفايفك دول الواحد مهما اخد منهم مش بيشبع منهم ابدآ وقرب منها تانى ولسه هيبسها جيسى عيطت
نيره :- زقت رامى وقالت اوعى كده البنت بتعيط وطلعت تجرى على اوضت جيسى
رامى :- ده ايه الغلب ده ياربى كل ما اجى اقرب منها تطلع المفعوصه دى وتعيط
……………………………………………………
جيسى :- ماما ماما اصحى بسرعه يا ماما
نيره :- اممممممم
جيسى :- تيته امينه عايزاكى تحت
نيره :- روحى يا جوجو وانا جايه وراكى
جيسى :- بسرعه طيب
نيره :- خلاص يا جيسى روحى بقى
ونزلت جيسى وقامت نيره دخلت الحمام
……………………………………………………
فى اوضة وليد
صحى من نومه دخل حمامه واخد شاوره واتوضه وطلع لبس هدومه واداه فرضه ونزل وكان امينه وتقى وادم قعدين على السفره
وليد :- صباح الخير
الكل :- صباح النور
وليد :- انا كنت عايز اقولكم على حاجه
امينه :- خير يا حبيبى
وليد :- انا موافق على الجواز من نيره
تقى :- كانت بتشرب الميه وشرقت
ادم :- اتفاجئ من قرار وليد وقال ها
امينه :- جدع يا حبيبى ربنا يباركلى فيك
ادم :- وايه سبب التغير المفاجئ ده
امينه :- مش مهم ايه السبب المهم ان هو وافق وخلاص
تقى :- لسه دور نيره دى صعب توافق
امينه :- لا سيبوها ليا دى
ادم :- مش سهل يا ماما انك تقنعى نيره
امينه :- هحاول معها ولو مش موافقه فى طرق كتير نقنعوها بيها
وليد :- وقف وقال انا من نحيتى موافق اما الباقى شفوه انتو بقى
امينه :- رايح فين يا حبيبى
وليد :- الاجازه بتعتى قربت تخلص هروح ابص على اخر تتطورات الشغل ايه
امينه :- ماشى يا حبيبى ربنا معاك
ومشى وليد ونزلت نيره
نيره :- صباح الخير
الكل :- صباح النور
امينه :- تعالى افطرى يا حبيبتى
نيره :- مليش نفس يا ماما هشرب بس كوباية نسكافيه علشان مصدعه
امينه :- علشان خاطرى يا حبيبتى كلى لقمه صغيره.
نيره :- بصى يا ماما علشان مزعلكيش هاخد اللقمه الصغيره دى
امينه :- طب تعالى معايه المكتب
نيره :- حاضر ومسكت كرسى امينه وزقته للمكتب
امينه :- اقفلى الباب وراكى
نيره :- قفلت الباب
امينه :- تعالى يا حبيبتى هنا اقعدى قصادى
نيره :- قعدة على الكرسى اللى قصاد امينه وقالت خير يا ماما
امينه :- انتى عارفه ان انا بحبك قد ايه وبعتبرك زى تقى بنتى ومن يوم ما دخلتى عندنا الفيلا وانا عمرى ما زعلتك صح
نيره :- ايوه يا ماما وربنا يعلم بحبك وبحترمك قد ايه بس خير يا ماما حضرتك بتقولى الكلام ده ليه
امينه :- يعنى انا لو طلبت منك طلب هتسمعى كلامى وهتوفقى عليه
نيره :- اكيد طبعآ يا ماما اللى حضرتك عايزه
امينه :- احم بصى هو كان فى موضوع كده حصل بعد موت رامى الله يرحمه ومرضناش نفتحك فيه غير بعد السنويه
نيره :- بقلق خير يا ماما
امينه :- خير يا حبيبتى ان شاءالله قومى افتحى درج المكتب ده هتلاقى ظرف هاتيه
نيره :- حاضر وقامت فتحت الدرج وطلعت منه الظرف ومدت ايديها بي لامينه
امينه :- لا يا حبيبتى افتحى واقريه
نيره :- بستغراب انا
امينه :- ايوه يا حبيبتى
نيره :- فتحت الظرف وبصت فيه وقرت اللى فيه ودموعها نزلت منها وكانت مصدومه من اللى بتقراه
(زوجتى العزيزه وانتى بتقرى السطور دى هكون انا فى مكان احسن من هنا هتكون روحى عند اللى خلقها انا عارف انك هتتصدمى من اللى هتقريه بس ده لمصلحتك ومصلحت البنات انا كتبت وصيه عند المحامى غير دى وقلت فيها ان وليد يتجوزك علشان يقدر يحميكى من غدر الزمان وبناتى يلاقو اب يحميهم ويتشرفو بى لما يكبرو انا عارف انك زعلتى منى بس انا عرفت انهارده من الدكتور ان حالتى صعبه وصعب انجى من الحادثه دى كان نفسى ابقى جمبك وجمب بناتى العمر كله بس واضح ان عمرى قصير وكنت سعيد جدآ ان انتى مراتى وكل حياتى وام بناتى وبحمد ربنا ان هو رزقنى بزوجه صالحه وام صالحه لبناتى
وصدقينى وليد كويس اوى وهيبقى حنين على بناتى وعمره ما هيتخلى عنكم وهو مكنش بس اخويه هو كان بنسبه ليا اخ واب وابن وصديق وكل حاجه وكان شاهد على كل حاجه حلوه فى حياتى ومتأكد ان هو هيراعى ربنا فيكم
واخيرآ اتمنى ليكى طولت العمر وحياه هنيه وسعيده زوجك المخلص رامى )
نيره :- ضمت الورقه لحضنها وهى بتعيط ليه كده يا رامى ليه تعمل كده فيا
امينه :- الوصيه دى كتبها ليكى المحامى قبل ما رامى يموت بسعات وطلب ان انتى تستلميها بأيدك بعد مايموت بسنه بس المحامى لما تعب اتصل بيا وبلغنى بظروف مرضه ووصانى ان محدش يفتحها غيرك وانا اخدها وحطتها بأيدى فى الدورج ومحدش مد ايده عليها غيرك دلوقتى بس انا متأكده ان الكلام اللى فيها بخصوص وصيته اللى هو وصها لوليد
نيره :- كانت مش سامعه ولا كلمه من اللى بتقولها امينه ووخده الجواب فى حضنها وعماله تعيط وتقول ليه ليه يارامى ليه تعمل فيا كده ليه تعذبنى وتجرحنى بطريقه دى ااااااااااه يارب
امينه :- وحدى الله مش كده يا بنتى.
نيره :- زقت ايد امينه وقالت محدش ليه دعوه بيا انتو كلكم كدابين وخداعين ا.ا.انا مش هقعد هنا ولو ثانيه
امينه :- مش هلوم عليكى على الكلام ده انا عارفه اللى انتى بتقوليه من اثر الصدمه عليكى
نيره :- ابعدى عنننننننننننى محدش ليه دعوه بى
تقى وادم جم على صوت نيره
أدم :- ايه فى ايه
امينه :- مفيش سبونا لوحدنا
تقى :- مال نيره يا ماما
امينه :- انا قولت كلمه واحده اطلعو بره وسبونا لوحدنا
وخرج ادم وتقى من المكتب وقفلو الباب وراهم
نيره :- انا مستحيل انفذ اللى هو طلبو منى انا مصدومه بجد ازاى اتخدعة فيه اوى كده يعنى هو مكنش بيحبنى بقى
امينه :- ليه بتقولى كده يا بنتى ماانتى عارفه رامى كان بيحبك قد ايه
نيره :- بدموع لالالالا مش بيحبنى اللى بيحب حد مش بيتمنا ان حد تانى يلمسه وهو عايزنى اتجوز اخوه واعاشره طب ازاى وانا مستحيل احبه وانا اخد عهد على نفسى ان مفيش راجل هيخش حياتى بعد رامى ان جسمى مفيش حد يمد ايده عليه بعد لمسة رامى ازاى قوليلى ازاى ابنك يعمل فيا كده ازاى ووقعت على الارض واغمى عليها
امينه :- يا ادم خش بسرعه
ادم :- فتح الباب ايه يا ماما
امينه:- الحق مرات اخوك مستحملتش الخبر اغمى عليها شلها طلعها اوضتها واتصل على الدكتور بسرعه وانتى يا تقى تعالى ساعدينى
ادم :- شال نيره وطلعها اوضتها ونيمها على السرير وطلع من الاوضه اتصل على الدكتور ونزل ساعد امه وطلعها اوضة نيره
تقى :- غطت نيره بملايه وعدلت ليها الحجاب
وشويه والدكتور جه وكشف عليها وخرج وكان الكل مستنيه قدام الباب
امينه :- خير يا دكتور طمنا
الدكتور :- اتعرضت لصدمه عصبيه سبب ليها انهيار عصبى
ادم :- طب والحل يا دكتور
الدكتور :- انا ادتها حقنه مهدائه هتنيمها لحد بكره الصبح وهتقوم ان شاءالله كويسه بس ياريت بلاش تتعرض للتوتر والضغط النفسى وياريت لو تتابع مع دكتور نفسانى ده هيساعدها كتير تبقى احسن وهيقلل من التوتر عندها وكتب ليها علاج فى الروشته واخدها منه ادم
امينه :- شكرآ يا دكتور
ادم :- وصل الدكتور لحد باب الفيلا وحاسبه ومشى وطلع تانى عند امينه
امينه :- وصلت الدكتور
ادم :- اه ومشى هتعملى ايه دلوقتى
امينه :- مش عارفه يا ابنى كل ما احلها من نحيه تتعقد من النحيه التانيه
تقى :- بس انتى اتسرعتى يا ماما كنتى استنى شويه
امينه :- انا فرحت لما وليد وافق وقولت ان نيره لما تعرف ان رامى هو اللى طالب كده هتوافق علطول معرفش ان هيحصل كل ده
ادم :- اللى حصل حصل خلاص المهم هنعمل ايه دلوقتى
امينه:- هنشوف بكره لما تفوق هيبقى ايه رد فعلها
تقى :- ربنا يهديها يارب
……………………………………………………
فى بيت محمد إبراهيم
صحيت نرمين من نومها وحضرت نفسها واداة فرضها وخرجت من الاوضه
نرمين :- صباح الخير
محمد ونادر :- صباح النور
نرمين :- فين ماما
محمد :- عند الجيران الجداد
نرمين :- هى ايه حكاية الجيران الجداد كل ما اسال عليها الاقيها عندهم
محمد :- الله اعلم يا بنتى انا برضه مستغرب الحكايه دى
نرمين :- ايه ندور مش بتروح ليه المكتب
نادر :- سبت الشغل فى المكتب
نرمين :- ليه كده
نادر :- كده وخلاص
نرمين :- براحتك متحكيش
نادر :- وبعدين انتى نازله فينا اسأله ومش مدينا فرصه نسألك كنتى فين امبارح طول النهار ومكنتيش بترودى على التليفون ومكنتيش عند اختك فى الفيلا
نرمين:- كنت زهقانه واتمشيت شويه وشميت هوا
نادر :- وفى بنت محترمه تتمشى لوحدها وترجع فى الوقت المتأخر للبيت
نرمين :- اولا انا مكنتش لوحدى كان معايه ادم اخو رامى الله يرحمه
وثانيآ بقى مكنش الوقت متأخر ولا حاجه كانت الساعه لسه 9 يعنى كان بدرى
نادر :- وحياة امك ده انيل وكنتى ماشيه مع ادم بصفتك ايه
نرمين :- عادى يعنى كأصدقاء
نادر :- انتى هتستهبلى ومن امته فى صداقه بي الراجل والبنت
نرمين :- عادى يا نادر مفهاش حاجه
نادر :- هو ايه اللى عادى تبقى ماشيه مع شاب غريب وتقوليلى عادى
نرمين :- طب ما انا بصاحب شباب فى الجامعه ايه المشكله ومعترضتش يعنى
نادر :- جوه سور الجامعه حاجه وبره دى حاجه تانيه خالص وعلاقتك باللى اسمه ادم دى تقطعيها خالص فاهمه
نرمين :- لا يا نادر مش هقطع علاقتى بحد انا مش بعمل حاجه غلط ومخبتش عنكم حاجه وانا عارفه حدودى كويس اوى
نادر :- عجبك يا بابا الكلام ده
محمد :- مستنى تخلصو زعيق مع بعضيكم وفرحان بيكم اوى وانتو مش عاملنى احترام كده فى وسطيكم
نادر :- اسف يا بابا
نرمين :- اسفه يا بابا
محمد :- نرمين تعالى ورايا على المكتب
نرمين :- حاضر
ودخلت نرمين مع ابوها فى اوضة المكتب
محمد :- فهمينى بقى ايه موضوع ادم ده
نرمين :- مفيش موضوع ولا حاجه كل الحكايه انا كنت زعلانه من اللى حصل مع ماما وخرجت اشم شوية هوا وهو مرضاش يسبنى لوحدى وقعد معايه لحد ماروحت للبيت
محمد :- بصى انا مش هلوم عليكى علشان انا واثق فيكى وعارف انا مربيكى ازاى بس هلوم عليكى على طريقة كلامك مع اخوكى هو بيتكلم معاكى كده علشان خايف عليكى مش اكتر
نرمين :- عارفه يا بابا بس شوف انت واثق فيا ازاى ومقولتش ليا حاجه على خروجى مع ادم علشان عارف ومتأكد ان انا مش هخون ثقتكم فيا لكن هو اسلوبه معايا اسلوب اتهام كأنى عملت مصيبه
محمد :- برضه اخوكى الكبير وبيخاف عليكى تطلعى من هنا تتأسفى ليه ماشى
نرمين :- حاضر يا بابا
محمد :- ربنا يكملك بعقلك يارب
وخرجت نرمين وباست راس نادر
نرمين :- انا اسفه يا نادر بس ياريت تثق فيا اكتر من كده
نادر :- يا عبيطه انا بثق فيكى اكتر من نفسى بس بخاف عليكى مش اكتر
نرمين :- متخفش يا حبيبى ده انا نونه اللى محدش يقدر عليها ولا انت ايه رأيك
نادر :- لا الصراحه فى كده عندك حق ده انتى الفتوى بتاع البيت ههههههههههه
نرمين :- ههههههههههههههههه يا غلس
نادر :- حضن اخته وقال بس دمك زى العسل
……………………………………………………
بقلمى (دودو محمد)
0 تعليقات