رواية تائهه فى بحور الذكريات الفصل الرابع والخامس بقلم دودو محمد حصريه وجديده على مدونة النجم المتوهج
رواية تائهه فى بحور الذكريات الفصل الرابع والخامس بقلم دودو محمد حصريه وجديده على مدونة النجم المتوهج
فى بيت محمد إبراهيم
صحى نادر من نومه وقام دخل حمامه اخد شاوره واتوضه وخرج لبس هدومه واداه فرضه وخرج من اوضه
نادر :- صباح الخير
منيره :- صباح النور يا حبيبى
نادر :- امال فين نيره والبنات والبت نرمين
منيره :- ده حماتها تعبت الصبح وجابو ليها الدكتور وطلبت تشوف البنات ونرمين راحت معاهم
نادر :- ربنا يشفيها يارب احسن حاجه نيره عملتها راحت تبص على حماتها وتراضيها
منيره :- ربنا يصلح ليها الحال ويرضيها دى غلبانه يا عين امها من صغرها وهى علطول حظها قليل كده ولما الدنيا بدءة تضحك ليها وربنا كرمها براجل يحبها وتحبه استكترت الدنيا عليها الفرحه واخدته منها
نادر :- يا حبيبتى ده قضاء ربنا وربنا اذا احب عبد ابتلاه وهى نيره مؤمنه بقضاء ربنا وراضيه هى تعبانه بس من الفراق والاشتياق لرامى ربنا يصبر قلبها على فراقه ويقويها على تربيت بناتها
منيره :- اللهم امين ويسعدك يا ابن بطنى ببنت الحلال يارب
نادر :- ويخليكى لينا ياست الكل وقام وقف وقال هروح انا المكتب بقى
منيره :- يا ابنى هو انا كل ما اجيب ليك سيرة الحواز تسبنى وتمشى نفسى افرح بيك يا حبيبى واشيل ليك حتة عيل
نادر :- يا ماما مية مره اقولك مش بفكر فى الجواز دلوقتى لسه لما اكون نفسى
منيره :- ياابنى انوى بس وانا اشوف ليك بنت حلال على قد ايدينا وانا معايه قرشين خدهم وهات ليها اوضه واتجوز معانا فى الشقه
نادر :- ربنا يسهل يا ماما عن أذنك وسبها ومشى
منيره :- يا ميلة بخت عيالك يا منيره واحده اترملت بدرى والتانى رافض الجواز والتالته مسترجله ولسنها اطول منها ومحدش هيرضه يتجوزها رحمتك يارب
……………………………………………………
فى فيلا وحيد الدمنهورى
كان الكل متجمع فى اوضة امينه
آمينه :- ايه هو الشرط
نيره :- لو هقعد هنا ابنك وليد ميقعدش هنا معانا لحد ما ارجع بيت اهلى
الكل اتصدم من شرط نيره
وليد :- انتى هتطردينى من فيلت ابويه وبأى حق انتى بتتكلمى
نرمين :- متنساش يا حضرة الظابط انها ليها حق فى الفيلا وحق البنات من نصيب ابوهم
وليد :- انتى ايه دخلك فى الكلام ده وبعدين حقها وحق البنات موجود وبالزياده كمان مش احنا اللى ناكل حق بنات اخويه بس مش همشى من الفيلا واللى مش عجبه يولع
نيره :- وانا مش هقعد فى مكان انت موجود فيه
وليد :- عنك ما قعدى والباب يفوت جمل
نيره :- انت واحد معندكش ريحة الدم مش كفايه انك كنت السبب فى موت اخوك لا وكمان بتهين مراتو
وليد :- انا مليش دعوه بموت اخويه وقلت ليكى الكلام ده الف مره وبعدين انا مغلطش فيكى
نيره :- بصت لامينه وقالت هو ده شراطى يا ماما لو عايزانى اقعد هنا ابنك ميقعدش فى نفس المكان
امينه :- بصت للاتنين وقالت خلصتو خناق قدامى ومفيش اى احترام ليا
نيره :- اسفه يا ماما
وليد :- اسف يا ماما بس هى اللى استفزتنى بطلبها
امينه :- بصت لنيره وشدتها من ايديها وقعدتها جمبها ومسكت كف ايديها وقالت بصى يا حبيبتى رامى الله يرحمه ده عمره وانتهى وهو كان بيحب وليد اوى ونصه التانى وعارفه ان انتى قلبك وجعك على فراقه زى ما واجعنى وواجع كل اللى بيحبوه بس مينفعش نمشى وليد من البيت لمجرد طلبت منك طلب صغير وده من اقل حقوقى عليكى انك تخلى بنات ابنى فى حضنى يومين وانتى تقعدى معانا يومين مفهاش حاجه يعنى والقرار فى ايدك انتى
نيره :- يا ماما انا
امينه :- قطعتها وقالت متقوليش حاجه دلوقتى خدى وقت فكرى فيه وعندك بحد بليل ردى عليا وياريت تطلعو من الاوضه علشان عايزه ارتاح شويه
نيره :- حاضر يا ماما وبصت للبنات وقالت يلا يا بنات
امينه :- لا سبيهم معايه اطلعو انتو
والكل طلع من الاوضه ومشيت نيره ونرمين مع تقى لاوضتها ومشى وليد مع أدم لاوضة المكتب
……………………………………………………
فى اوضة تقى
نرمين :- هتعملى ايه يا نيره
نيره :- مش عارفه بس مستحيل اقعد معاه فى مكان واحد وكل شويه اشوف وشه
تقى :- يا نيرو ده ماما اول مره تطلب منك طلب وبعدين هى تعبانه والدكتور قال بلاش انفعلات علشان كده فى خطر على حياتها وانتى لو رفضى تقعدى هنا ممكن ماما تزعل ويحصل ليها حاجه
نيره :- عارفه يا تقى بس مش هقدر اشوفه كل شويه صعب والله
تقى :- وغلاوة رامى عندك وافقى بقى وملكيش دعوه بى وبعدين ابيه وليد والله طيب ومش وحش وانتى عارفه كده بس طول عمركم حتى ورامى عايش مكنتوش بطيقه بعض مش عارفه ليا مع ان ابيه وليد محترم جدآ
نيره :- علشان طول عمره شايف نفسه علينا ومتكبر ومغرور
تقى :- بالعكس ده ابيه وليد من اطيب واحن القلوب فى اخواتى بس هو عصبى شويه ومش بيعرف يهزار وكده بس مجرد ما ياخد على حد تلاقى واحد تانى خالص
نيره :- مش عارفه بقى بس برضه ده مينكرش ان هو السبب فى موت رامى
تقى :- يا بنتى ده كله اعمار ومحدش هيقدم ساعه ولا هيأخر ساعه كله مكتوب ليه معاده
نيره :- ونعمه بالله
تقى :- بصت لنرمين وقالت وانتى سكته ليه مش واخده عليكى كده
نرمين :- لا ما انا مخليه راى فى الاخر
تقى :- قولى ربنا يستر
نرمين :- انا رأى انك توافقى تقعدى هنا
تقى :- ايوه بقى ده احسن حاجه قولتيها من يوم ما عرفتك
نيره :- بصدمه انتى اللى بتقولى كده ده انتى اكتر واحده كنتى رافضه الموضوع ده
نرمين :- اه ومزلت بس يعنى حماتك تعبانه والصراحه اول مره تطلب منك حاجه وهى مش صعبه وبعدين انتى مش هتقعدى علطول ده هما يومين بس اعتبريهم يومين مصيف ولا حاجه يا نيرو وبعدين انا كل يوم هاجى من الكليه عليكى مع توتا وهروح بليل يعنى مش هسيبك لوحدك
تقى :- يسلم المخوخ ده وبستها من دمغها
نيره :- يعنى يا نونه ده رأيك
نرمين :- اه يا نيرو وملكيش دعوه بخيال المأته ده
تقى :- يا بت لمى لسانك شويه ياعينى على اللى هيخدك والله ربنا معاه ده كل يوم يا عين امه هتفتحى ليه دماغه
نرمين :- ومين قلك ان انا هتجوز اصلا واحد كل شويه يتحكم فيه ويقولى ده اه وده لا انا يا بنتى هعيش لنفسى وللرسم بس هتجوز لوحات الرسم
تقى :- مجنونه وربنا
نرمين :- المهم ايه قرارك يا نيرو
نيره :- ماشى خلاص بس لو عمل ليا اي حاجه ولا قال كلمه هتجرحنى همشى علطول
تقى :- لا متخفيش ياستى
نرمين :- وهو يقدر يعمل ليكى اى حاجه وانا موجوده ده انا انط فى كرشه
تقى :- ههههههههههه مشكله
……………………………………………………
فى اوضة المكتب
كان وليد قاعد مع ادم
وليد :- انا شاكك فى الموضوع لتكونه عاملين الحكايه دى كلها علشان موضوع وصية رامى
أدم :- ها ا.ا.ايه اللى انت بتقوله ده لا طبعآ امك تعبانه بجد
وليد :- بعدم اقتناع ماشى بس اعملو حسابكم وصيه مش هنفذ ومش هتجوز حد ولو فكرت اتجوز يبقى اكيد مش هروح اتجوز مرات اخوك ماشى
أدم :- قولى نيره فيها ايه وحش ده حتى عمرنا ماشفناش منها حاجه وحشه بستثناء اختها المقرفه دى بس بجد نيره ادب ومحترمه ومش وحشه جميله وطيبه جدآ ومتدينه ومش بتسيب فرض وشوف قعدة معانا قد ايه عمرنا ماشفنا شعرها شكله ايه علطول قعده بالعبايه الواسعه والطرحه قولى هتلاقى واحده زيها فين ياريت كان ينفع كنت انا اتجوزتها بس انا اصغر منها وهى بتعتبرنى اخوها وانا مش بشفها غير اخت ليا
وليد :- كل ده لنفسها بس انا عمرى ماهشفها غير مرات اخويه وبس مقدرش المسها مقدرش اتعامل معاها غير انها مرات اخ افهمو دى بقى مش هعرف اعشرها زى اى راجل ومراته هشوف علطول رامى قدامى وانا كنت عارف ان رامى بيحب مراته قد ايه وهى كمان بتحبه قد ايه
ادم :- بس رامى هو اللى طلب كده ان انت تتجوزها وتبقى مسؤاله منك علشان هو عارف ان نيره طيبه ومش هتقدر على الحياه وعلى تربية البنات لوحدها وبعدين هو وثق فيك انت
وليد :- مش هقدر بقى ارحمونى من ام الموضوع ده انا تعبت والله تعبت ومشى وسابه
……………………………………………………
فى مكتب فريد إيهاب
كان نادر قاعد مكتبه ودخلت فريده عليه وهى فى قمة اناقتها
فريده:- هاى نادر
نادر :- من غير نفس اذيك يا فريده
فريده :- الحمدالله يا نادر واحشتنى اوى
نادر :- لو سمحتى ياريت تخلى حدود فى الكلام معايه وبلاش الاسلوب ده
فريده :- انت ليه بتتهرب منى ومش عايز تحس بيا وانت عارف ومتأكد ان انا بحبك
نادر :- يا انسه انا بعتبرك اخت ليا مش اكتر من كده اما الارتباط والحب فا انا مش بفكر فيه دلوقتى
فريده :- انت مرتبط بحد معين
نادر :- لا ومش بفكر يا انسه فى الارتباط
فريده :- لو عامل على ظروفك انا ممكن اساعدك
نادر :- احترمى نفسك لو سمحتى ايه اللى انتى بتقوليه ده بتشترينى بفلوسك
فريده :- سورى مش قصدى بس انا بحبك بجد ونفسى اقضى عمرى كله معاك وبابى معاه فلوس كتير وانا الوريثه الوحيده ليه علشان كده عرض عليك مساعدتى
نادر :- ياريت تشيلى الموضوع ده من دماغك وكمان بلاش حكاية الاخوه دى مش عايزها كمان
فريده :- يعنى ده اخر كلام عندك
نادر :- اه
فريده :- اوكى بص بقى لو موافقتش تتجوزنى انسا الشغل عند بابى وعند اى حد وبرضه هتبقى ليا انا مش لحد تانى وفكر فى كلامى وفى مستقبلك عن اذنك
نادر :- اعتبرى ردى ده نهائى والشغل فى المكتب مش عايزه وقام ومشى من المكتب
فريده :- لنفسها ههههه ماهو انت لو مش هتكون ليا مش هتبقى لحد تانى
……………………………………………………
فى فيلا وحيد الدمنهورى
خرجت البنات من اوضة تقى وراحو عند اوضة امينه ودخلو عندها
نيره :- خلاص يا ماما فكرت وموافقه
امينه :- حضنتها وقالت انا عارفه ان انا مش هاهون على بنتى حبيبتى
تقى :- الله الله يا ست ماما يعنى هى حبيبتك طب وانا ايه يا ست الكل
امينه :- هى حبيبتى وانتى حبيبتى والبت ام لسان طويل حبيبتى كلكم عندى معزه واحده
نرمين :- ربنا يخليكى يا طنط ويطويل لينا عمرك يارب
امينه :- تسلمى يا حبيبتى وفى الوقت ده دخل ادم
نرمين :- لنفسها ياساتر يارب ما كنا حلوين لزمتها ايه العكننه
تقى :- نرمين نرمين
نرمين :- ايه فى ايه بتزعقى كده ليه
تقى :- بقالى ساعه بنادى عليكى وانتى ولا هنا
نرمين :- ايوه عايزه ايه يعنى
تقى :- بقولك خليكى نايمه معانا انهارده
نرمين :- لا مش هينفع انا يدوب الحق امشى قبل ما الوقت يتأخر
امينه :- بصت لادم وقالت وصلها يا ادم مش هينفع تروح لوحدها دلوقتى
آدم :- اوصل مين يا حاجه وبعدين انتى خايفه عليها من ايه ده انتى تخافى على سواق التاكسى منها
نرمين :- اللهم طولك يا روح طب وربنا انا مش عايزه ارد عليك علشان الست الكباره دى
آدم :- وده من امته ما انتى الصبح قولتى كل حاجه متتقلش
نرمين :- ايه وحشك التهزيق ولا ايه
أدم :- ده انتى الدكاتره سحبوكى من لسانك علشان كده لسانك طالع طويل واطول منك كمان
نرمين :- خليكم شاهدين اهو هو اللى بيستفزنى وبيحاول يعصبنى
أدم :- لا يابت كيوت اوى
نرمين :- بصو يا جماعه انا همشى بدل ما ارتكب جنايه دلوقتى ومشيت
آمينه :- ههههههههههههه روح ياابنى علشان خاطرى وراها ووصلها
أدم :- حاضر وطلع يجرى وراها
وندها عليها يا انسه انتى بنتى اهدى شويه ايه مركبه فى رجلك عجل
نرمين :- استغفر الله العظيم نعم
آدم :- اصبرى هوصلك
نرمين :- متشكره مش عايزه حاجه منك
أدم :- مش علشان خاطرك والله انا بعمل كده علشان خاطر نيره
نرمين :- لا مستغنيه عن خدماتك
آدم :- يابنتى بلاش مخك الناشف ده
نرمين :- والله براحتى عن اذنك
أدم :- الصبر يا ربى انتى يا بنتى
نرمين :- متقرفنيش بقى عايز ايه
أدم :- تصدقى ان انا غلطان غورى ياابت فى داهيه
نرمين :- داهيه لما تشيلك وسابته ومشيت
……………………………………………………
بقلمى (دودو محمد)
«تائهه فى بحور الذكريات»
الفصل الخامس
فى بيت محمد إبراهيم
وصل نادر وهو زعلان وكان طالع السلم وخبط فى بنت وهى نازله من على السلم
البنت :- اااااااااااه
نادر :- ا.ا.اسف يا انسه مكنتش واخد بالى والله
البنت :- حصل خير عن اذنك
نادر :- سرح فيها وقالها هو انتى سكنه هنا فى البيت
البنت :- شئ ميخصش حضرتك عن اذنك وسابته ومشيت
نادر :- يا ترى انتى مين انا اول مره اشوفها هنا وانتبهى لنفسه وافتكر للحصل فى مكتب المحامى وطلع السلم ودخل الشقه
منيره :- من جو المطبخ مين
نادر :- انا يا ماما
منيره :- نادر وده ايه جابه بدرى
وخرجت من المطبخ وقالت فيك حاجه ولا ايه اول مره تيجى بدرى كده
نادر :- مفيش حاجه يا ماما بس انا سبت الشغل فى المكتب
منيره :- خبطت على صدرها وقالت يالهوى ليه كده يبنى
نادر :- سبته وخلاص يا ماما
منيره :- هو فى حد لاقى شغل يا نادر وانت شغلنتك بسم الله ماشاءالله الكل بيتمنى يلاقى زيها فى مكتب اكبر محامى فى مصر
نادر :- اللى حصل بقى ياماما انا مش قادر احكى حاجه عن اذنك
منيره :- ياربى بقى الواحد هيلاقيها منين ولا منين ودخلت المطبخ تانى
……………………………………………………
فى فيلا وحيد الدمنهورى
كان الكل قاعد فى اوضة امينه
ودخل عليهم ادم
امينه :- ايه ده يا ابنى انت موصلتش نرمين
ادم :- مرضتش وانا مش هتحايل عليها
امينه :- يا ابنى ازاى تسبها
نيره :- سبيها يا ماما هى مدام قالت لا مستحيل تغير رأيها
أدم :- انتو ازاى بتستحملوها فى البيت
نيره :- على فكره نرمين من اطيب القلوب اللى ممكن تقابلها بس اللى عملها كده وخلى اسلوبها كده فى الكلام بابا علشان كانت اخر العنقود كان مدلعها جدآ و علطول يقولها اى حد يكلمك اشتميه اى حد يضربك اضربيه و
متخفيش من حد ولما بدءة تكبر اتأثرت بكلام ده وبدءة تستخدم الاسلوب الذكورى وبقت شبه ما انت شايفها كده
تقى :- بس شهاده لله البت جدعه وخدومه جدآ ومش علشان اختها قعده انا بحبها اوى وبعتبرها زى اختى واكتر كمان
امنيه :- انا بموت فيها وفى خفة دمها الصراحه ربنا يسعدها ويهنيها يارب
……………………………………………………
فى بيت محمد إبراهيم
الباب خبط وكانت منيره بتصلى وكان محمد فى القهوه
نادر :- خرج من اوضه وقال وهو فى ايه الباب عمال يخبط ومحدش بيفتح ليه
منيره :- بصوت عالى الله اكبر
نادر :- بص على صوت امه لاقها بتصلى
راح فتح الباب واتفاجئ بيها نفس البنت وقال انتى
البنت :- اتفاجئة بنادر وقالت انت
نادر :- انتى عايزه مين
البنت :- عايزه طنط منيره
نادر :- بتصلى انتى عايزها ليه وفى الوقت ده منيره خلصت صلاه
منيره :- تعالى يا حبيبتى
البنت :- حرمآ
منيره :- جمعآ انشالله يا حبيبتى
البنت :- طنط ماما بتقولك تعالى عندنا علشان عملت حسابك فى القهوه معاها
منيره :- ماشى يا شهد
نادر :- هو انتى اسمك شهد
شهد :- اه ليه فى حاجه
منيره :- اه دى شهد بنت الجيران اللى سكنه فى الشقه اللى قصادنا من يوميآ بس ناس زى العسل
شهد :- ربنا يخليكى يا طنط عن اذنكم
منيره :- وانا جايه وراكى علطول يا حبيبتى
ومشيت شهد وعين نادر منزلتش من عليها
منيره :- مشيت خلاص
نادر :- ها
منيره :- بقولك شهد مشيت
نادر :- احم وا.ا.انا مالى
منيره :- البت حلوه وادب ايه واخلاق ايه مفيش احسن من كده ومعاها دبلوم صنايع ولهلوبه فى البيت وقشطه ونفسها فى الاكل جميل
نادر :- ايه اللى انتى بتقوليه ده ياماما
انا مالى بكل ده وبعدين انتى لحقتى تعرفى كل ده امته وازاى وهما بقلهم يومين بس
منيره :- ليه هو انا عيله انا من اول ما شفتها وهى دخلت دماغى وعرفت عنها كل حاجه وكنت بتبعها فى كل حركه
نادر :- وليه كل ده
منيره :- يا ابنى نفسى افرح بيك والبنت كويسه واهلها ناس زى العسل
نادر :- منين يا ماما لما انا قعد من الشغل هجيب مصريف الجواز منين
منيره :- يا ابنى ما انا قولتلك شايله قرشين خدهم
نادر :- وبعد ما اتجوز هصرف عليها منين بقولك ايه والنبى شيلى الموضوع ده من دماغك وسبها ودخل اوضه
منيره :- على مين مش هسكت غير لما اجوزهالك ودخلت لبست الطرحه وراحت عند بيت شهد
……………………………………………………
فى فيلا وحيد الدمنهورى
خرج كلهم من اوضة امينه علشان هتنام
ودخلت تقى اوضتها
ونيره دخلت البنات الاوضه القديمه بتاعتهم بعد ما الخدمين نضفوها ودخلت هى اوضة النوم القديمه بتعتها هى ورامى
نيره :- اول ما دخلت الاوضه افتكرت كل ذكرياتها مع رامى واترمت على السرير وقعدة تعيط وقالت
ياااااااه يا رامى واحشتنى اوى لسه الاوضه فيها ريحتك وفيها صوت ضحكتك وهزارك اه يا قلبى اللى واجعنى على فراقك يا عشرة عمرى الطيبه ياااااااااارب صبرنى على فراقه
ونامت من كتر العياط
……………………………………………………
نيره نيره نيره
نيره :- رامى انت رجعت تانى
رامى :- لا يا حبيبتى انا فى مكانى مرتاح اوى
نيره :- اهون عليك تسبنى يارامى طب لو انت مش هتيجى خدنى معاك طيب
رامى :- ياحبيبتى متقوليش كده طب والبنات مين هيربيهم
نيره :- اعمل ايه واحشتنى اوى اوى يا رامى
رامى :- نيره بلاش دموعك لو بتحبينى
نيره :- بحبك يارامى حاضر مش هعيط بس اوعدنى انك هتيجى ليا فى الحلم كل يوم
رامى :- عيشى حياتك يا نيره
نيره :- حياتى راحت معاك يارامى
رامى :- عيشى حياتك الجايه مع ده وشاور بأيده على حد بس قبل ما تبص عليه حد خبط عليها الباب وفتحت عنيها
داليا الشغاله :- ست نيره ست نيره
نيره :- قامت فتحت الباب وقالت ايوه يا داليا
داليا :- ست امينه بتقولك يلا علشان العشا جاهز تحت ومستنينك
نيره :- ماشى يا داليا جايه وراكى
ونزلت داليا ودخلت الاوضه نيره
نيره :- يا ترى ايه قصدك يا رامى ومين ده اللى شاورت عليه ودخلت الحمام وغسلت وشها ونزلت ليهم
امينه :- تعالى يا حبيبتى مستنينك
نيره :- انا اسفه يا ماما عينى راحت فى النوم
امينه :- ولا يهمك تعالى اقعدى
نيره :- كانت لسه هتقعد على الكرسى اللى كانت بتقعد عليه ايام رامى
امينه :- لا يا حبيبتى اقعدى على الكرسى ده وشورت ليها على الكرسى اللى قصاد كرسى وليد
نيره :- ليه يا ماما ما انا واخده اقعد على الكرسى ده من ايام رامى الله يرحمه
امينه :- اه ما انا عارفه بس اقعدى هنا
نيره :- بصت المكان وقالت طب اقعد على اى كرسى غير ده
امينه :- يا بنتى متوجعيش قلبى انا مش حمل مناهده وتعبانه
نيره :- حاضر يا ماما وقعدة على الكرسى اللى قصاد وليد
وليد :- كان قاعد ومرفعش عينه ولا بص على اى حد فيهم وكان بيلعب بالمعلقه فى الطبق
نيره :- ماما بعد اذنك كنت عايزه اروح بكره قبر رامى
امينه :- ماشى يابنتى وبصت لوليد وقالت تبقى خدها ياوليد وديها بالعربيه واستنها وهاتها تانى الفيلا
وليد :- بص لامه وقال انا مش هبقى فاضى خلى ادم
ادم :- انا مش هينفع انا عندى مؤتمر طبى وهطلع من الصبح بدرى وهرجع بليل متأخر
وليد :- خلاص تقى وهى رايحه تخدها فى سكتها
تقى :- انا مش هينفع انا عندى معرض الصبح بدرى
نيره :- يا جماعه مفيش داعى انا هروح فى تاكسى انا مش صغيره يعنى
امينه :- انا قولت كلمه واحده وليد هتودى مرات اخوك وهتجبها تانى
وليد :- عن اذنكم وقام وساب الاكل ودخل اوضة المكتب
نيره :- يا ماما بالله عليكى بلاش وليد انا هروح لوحدى
امينه :- انا قولت كلمتى يا نيره ومفيش رجوع فاهمه
نيره :- ح.ح.حاضر بس بلاش تتعصبى علشان متتعبيش
امينه :- مش عايزانى اتعب اسمعى كلامى من غير مناهده
نيره :- حاضر
والكل اكل وطلع على اوضهم ونامو
……………………………………………………
فى بيت محمد إبراهيم
وصلت نرمين ودخلت الشقه بس ملاقتش حد
نيره :- يا اهل الدار اين انتو يكنش دخل حرامى وقتلهم ولا يكونش خطفهم وهيطلب فديه فيهم
محمد :- يا بت المجنونه وقفه بتكلمى نفسك
نرمين :- ايه يا حجوج كنتو فين وفين ماما
محمد :- حجوج ماشى يااختى امك عند الجيران الجداد ولسه مكلمها على تليفونها
نرمين :- وندوره
محمد :- مش عارف لسه بس ممكن يكون فى اوضه
نرمين :- بغمزه😉😉 وانت ايه نظامك يا حاج كنت فين كده اوعى تكون كنت عند مزه كده ولا كده 😂😂
محمد :- يابت اختشى فى واحده تقول لابوها كده
نرمين :- والنبى عسل 😂😂
محمد :- هههههه يابنتى بلاش اسلوب الولاد ده هتقعديلى يا بت وهتعنسى
نرمين :- جرى ايه يا حجوج تكنش جايب ليا عريس
محمد :- مين ده اللى امه داعيه عليه اللى هيرضى يتجوزك
نرمين :- ههههه والله يا بابا مش عارفه اقولك ايه بس انا مش ناويه اتجوز من اساسه
فى دخلت منيره
منيره :- يا لههههههههههههوى
محمد ومنيره :- اتخضوه من صوت منيره
محمد :- فى ايه يا وليه
منيره :- بصوت على ميلة بختى فى عيالى
نرمين :- هههههههههههههههههه حلوه النكته دى يا حاجه مالهم عيالك
منيره :- واحد ورافض الجواز والتانيه مسترجله
نرمين :- وايه الجديد فى كده ما انتى عارفه كده من زمان
منيره :- فى انى تعبت ربنا ياخدنى علشان ترتاحو
محمد :- لا اله الا الله خشى يا منيره حضرى الاكل
منيره :- قسمآ بالله لو البت دى معدلتش طريقة كلامها وعدلت لبسها لانا سايبه ليكم البيت وماشيه ومحدش فيكم هيعرف ليا طريق وسبتهم ومشيت
نرمين :- بصت لابوها وقالت مالها الحاجه
محمد :- الصراحه عندها حق انتى ذوديها اوى يابنتى عيشى سنك وسيبك من جو البنت المسترجله دى
نرمين :- انا عجبه نفسى كده مليش فى جو البنات المدلعه ولا لبس البنات اللى ملهوش لازمه ده انا مش مستعده اغير نفسى علشان اعجب راجل ويجى يتجوزنى اللى عايزنى يخدنى زى ماانا عن اذنك يا بابا ودخلت اوضتها وهى زعلانه
محمد :- انا اللى عملت فيكى كده حق عليا سحبت منك الانوثه وخليتك متقمصه دور الراجل ياريت يرجع بيا الزمن كنت صلحت غلطتى دى ودخل اوضه
……………………………………………………
فى فيلا وحيد الدمنهورى
قامت نيره من نومها وحست بعطش وبصت جمبها ملاقتش ميه جمبها لبست الطرحه ونزلت المطبخ تجيب ميه وشربت وهى طالعه اتفاجئة بوليد
كان طالع من مكتبه بس مشفهاش
وليد :- وقف قدام صورة رامى اللى متعلقه على الحيطه ودموعه نزلت وقال واحشتنى يا رامى انا تعبان اوى يارامى اخد معاك كل حاجه حلوه ومش لاقى الاخ والصديق اللى لما كنت بحس بحاجه تعبانى كنت اجى اترمى فى حضنه وارمى كل همومى عليه وكنت مش بتسكت غير لما تخلينى اضحك وانسى همومى كلها كنت بحس انك انت الكبير مش انا ولا عمرك حسستنى انك فيك حاجه تعباك وكنت تملى تضحك وتهزار مع الكل بجد انت سبت فراغ كبير فى حياتى ربنا يرحمك يا حبيبى وطلع على اوضه
نيره :- كانت بتسمعه وبتعيط وحست ان وليد صعبان عليها وان هى اول مره تشوف ضعفه وتشوف دموعه ومسحت دموعها وقالت ربنا يرحمك يا حبيبى وجعت قلوب كتير بفراقك عنها وطلعت على اوضتها ونام الكل
……………………………………………………
اشرقت شمس صباح يوم جديد فى سماء العاصمه القاهره
لتستيقظ نيره من نومها وتقوم من على سريرها تدخل حمامها تاخد الشاور بتاعها وتتوضاء وتخرج من حمامها وتلبس هدومها وطرحتها واداة فرضها وخرجت من اوضتها ونزلت وكان الكل متجمع على سفرة الفطار
نيره :- صباح الخير
الكل :- صباح النور
نيره :- انا اسفه ان انا اتأخرت عليكم بس مش عارفه راحت عليه نومه كده ازاى
امينه :- يا حبيبتى براحتك اقعدى يلا افطرى
نيره :- قعدة وبصت حواليها وقالت امال البنات فين لسه مصحيوش
امينه :- لا يا حبيبتى صحيو من بدرى وانا فطرتهم وطلعو يلعبو فى الجنينه بره
نيره :- ربنا يخليكى لينا يارب
امينه :- ويخليكو ليا يلا افطرى ووليد هيخدك لقبر رامى
نيره :- يا ماما بلاش اتعب حد انا هاخد تاكسى يوصلنى لهناك
امينه :- تانى يا نيره ماقولنا بقى تسمعى الكلام
نيره :- حاضر
وليد :- وقف وقال انا هطلع اشغل العربيه
امينه :- ماشى يا ابنى على ما نيره تاكل لقمه
نيره :- وقفت وقالت اكلت الحمدالله
امينه :- يابنتى انتى مأكلتيش حاجه
نيره :- شبعت والله يا ماما عن اذنك
وخرج وليد شغل العربيه وطلعت وراه نيره وبتفتح باب العربيه اللى وراه
وليد :- والله انا مش السواق بتاع حضرتك علشان تقعدى وراه
نيره :- والله انا حره اقعد مكان ما انا عايزه ولو مش عجبك اروح اركب تاكسى
وليد :- مردش عليها
نيره :- ركبت العربيه من وراه ومشى وليد بيها على قبر رامى
……………………………………………………
بقلمى (دودو محمد )
0 تعليقات