رواية خطوات على الزجاج الفصل السابع والثامن والاخير بقلم سيد احمد الشاذلي حصريه وجديده
رواية خطوات على الزجاج الفصل السابع والثامن والاخير بقلم سيد احمد الشاذلي حصريه وجديده
الاب رجع البيت
الاب /هي فين بنتك؟
الام /في اوضتها بتذاكر
الاب بصوت عالي بينادى على نيره
نيره /نعم يابابا
الاب /مين قال للزفت رامى انه ييجي لى المكتب ويتقدم لك؟
نيره حاولت تتظاهر انها ماتعرفش حاجه ماعرفش يابابا رامى اتقدم لى انا؟
الاب /ايه هو علشان وقف معاكى مفكر نفسه بطل وييجى يتقدملك هو مش عارف انتى بنت مين ولايه؟
نيره /انا ماعرفش حاجه يابابا
الاب حاول يختبرها ويشوف رد فعلها
وانتى ايه رايك فيه هل مناسب ليكى ولا لا؟
نيره وشها اتغير
الام في لحظه ردت
اكيد انت الخير والبركه وشايف الصالح والانسب ليها
نيره /بعد اذنك يابابا هروح اكمل مذكره علشان الامتحانات على الابواب
الاب /استنى انا لوبرفض رامى برفضه علشان شايفه مش مناسب ليكى ولاهيعرف يعيشك نفس العيشه اللي انتى عيشاها
وفيه حاجه كمان انا متاكد منها انه طمعان في العز اللى انتى عايشه فيه بمعنى اوضح طمعان في تعبي وشقايا طول السنين اللي فاتت دي
نيره /اللي تشوفه يابابا انا مش عاوزه حاجه تشغلنى عن المذكره الامتحانات عندي اهم من اي حاجه
الاب /اتفضلي روحي ذكرى
نيره التفت ورايحه اوضتها
الدموع كانت في عينيها
اول مادخلت اوضتها وقفلت الباب واتسندت عليه دموعها نزلت
الاب اتغدى ودخل نام
الام دخلت لنيره حضنتها معلش اتحملى
نيره مش قادره ياماما كنت خلاص هنفجر واقوله اشمعنا لما حسام اتقدم ماخدتش رايي ووافقت ؟
الام /وطى صوتك يابنتى ابوكى مش سهل ابوكى بيجس نبضك وعلشان كده انا اتدخلت في الكلام
ركزى في المذاكره وقولى يارب
نيره /يارب
الام خرجت من اوضة نيره
التليفون بيرن
نيره خرجت ترد
ميرى /ازيك ياحبيبتي
نيره /عرفتى اللي حصل؟
ميرى /ايوه عرفت ماما فين؟
نيره /موجوده فيه حاجه ولايه؟
ميرى /لا كانت عايزانى اسال ليها على حاجه
نيره نادت على مامتها
نيره /ميرى ياماما
الام اخدت التليفون وكلمت ميرى
ميرى /ايه رايك ياماما بكره نتقابل الساعه ٨ مساء
الام/ خلاص ياحبيبتي تمام
ميرى قالت لها على المكان اللي هيتقابلوا فيه
الام قفلت السكه
نيره/ فيه ايه ياماما؟
الام /فيه مذاكره وبس متساليش
نيره /حاضر ياماما
نيره دخلت اوضتها تذاكر
ويمر اليوم على خير وكل حاجه تمام
واليوم التالى
الام وميري راحوا يقابلوا رامى
الام/ازيك بارامى
رامى /الحمدلله ياامى
الام/ انت عملت الاصول واتقدمت لابوها ورفضك
اسمع كلام امك
وروح لعمها امجد هديك تليفونه وعنوانه
وكلمه هو ليه تاثير على والد نيره
ميرى/ ولوجاله الرفض تانى ياطنط يعمل ايه؟
الام /بلاش نسبق الاحداث وبعد مارامى يعمل كل اللى عليه ومايبقاش ادمنا حل ساعتها نفكر في ايه اللى ممكن نعمله
رامى /برغم اني حسيت بالاهانه من عمى بس انا هعمل اللى بتقوليلى عليه
الام/ يابنى انا عايزه اشوف بنتى سعيده وعلشان كده انا هكون معاكم للنهايه
رامى/ وانا اوعدك ياامى ان لوربنا كتب لي نصيب فيها هخليها اسعد انسانه
الام /انا عارفه انك راجل وادها وعارفه ان بنتى بتحبك نيره بنتى الوحيده ولو سعادتها هتكون على حساب حياتى مش هتاخر
رامى/ربنا يخليكي لينا يارب
انتهت المقابله ورامى ماكدبش خبر
اتصل با امجد
واخد منه ميعاد
الام رجعت البيت
نيره حست ان فيه حاجه مامتها بتخطط ليها
نيره حبت تعرف اللي بيحصل اتصلت بميرى
ميرى/مامتك كانت بتقابل رامى
نيره /ليه وعلشان ايه؟
ميرى /بعقلك يعني هيكون علشان ايه اكيد يعني علشان خاطر عيونك
نيره /قالت له ايه يعني؟
ميرى /انا ماكنتش معاهم
نيره /طيب اتصلي برامى واساليه
ميرى /بقولك ايه انا مش ناقصه دلع بنات روحي ذكرى ولما اعرف هقولك
نيره /حاضر ياماما ميرى 😂
ميرى ونيره قلبوها هزار وضحك
رامى بعد ماخد ميعاد من امجد الاخ الاكبر لوالد نيره
راح في ميعاده
العم امجدرحب بيه
رامى/كنت عشمان في ربنا وحضرتك انك تساعدنى في موضوع
العم امجد /خير موضوع ايه؟
رامى /انا اتقدمت لبنت اخو حضرتك الاستاذه نيره ووالدها رفض كنت عايز حضرتك تكلمه واجيب اهلى ونيجى اتقدم ليها وانا تحت امره بما يرضي الله
امجد/ اللى يترفض من ابو اللى متقدملها وييجى لعمها اكيد يكون بينهم قصة حب
طيب هسالك انت بتحبها؟
وهي ياترى بتحبك وبتبادلك نفس الشعور ولا لا؟
رامى/ انا مانكرش انا حبيتها بس ماعرفش ايه شعورها من ناحيتى وانا حبيت ادخل البيت من بابه
امجد /طيب ياترى هو رفضك ليه؟
رامى/ اكيد حضرتك مش هقوله قولي الاسباب اللى خليتك ترفضنى ممكن يكون شايف حاجه او ليه نظره تانيه في اللى هيتقدم لبنته
امجد /طيب وانت طالما عارف ان ليه نظره عايزنى انا اروح اقوله جوزه بنتك علشان هو بيحبها
رامى/ اكيد حضرتك كنت في يوم من الايام شاب زيي واكيد اتمنيت انسانه انها تكمل حياتك معاها سواء عن حب او اعجاب اكيد عملت المستحيل عشان توصل ليها
امجد/ في دى عند حق
خلاص سيبلى رقم تليفونك وانا هكلمك بعد الرد
رامى ساب له رقم التليفون واستاذن منه
ورايح يطلع عند الباب
امجد/ استنى
رامى رجع عنده وقاله نعم
امجد/ مش انت الشاب اللى كنت في حفلة الخطوبه
رامى/ ايوه
امجد /انت اللي وقفت مع نيره وقت مالشنطه انسرقت منها
رامى /ايوه
امجد/ لو عندي بنت وفيه راجل زيك مش هتردد في انى اوافق عليه
رامى مشى وكان حاسس ببصيص امل
وجه اليوم التالى كان يوم الجمعه
امجد راح زياره لبيت اخوه
امجد رن جرس الباب
الام راحت تفتح
الام /اهلا وسهلا اتفضل
امجد /حافظ هنا
حافظ والد نيره /وشك ولا وش القمر
امجد /انت اللي مبتسالش عن اخوك الكبير
حافظ /اعذرنى
امجد /واضح ان الملايين نسيتك اخواتك
حافظ /ودى تيجي مافيش حاجه تنسينى اخواتى ابدا
امجد /انا بقا جايلى في حاجه مهمه جدا
وعايز اسمع رايك
نيره خرجت من اوضتها بتسلم على عمها
امجد /وكويس جدا ان نيره تكون حاضره الكلام
نيره /كلام ايه ياعمى
امجد /جايبلك عريس
نيره /بس ياعمى انا مابفكرش في جواز دلوقتي انا داخله على امتحانات
امجد /ياستى يبقي بعد الامتحانات
امجد بيلف ويبص لاخوه
فيه عريس اتقدم لبنتك وانت رفضته
حافظ /عريس مين؟
امجد /اسمه رامى زيدان
حافظ /ماله
امجد /الولد انا شايفه ولد محترم وراجل وكفايه وقفته مع بنتك وانه ضحى بحياته علشان خاطرها
حافظ /كل واحد فينا ليه نظره بس المواقف نفسها هي اللي بتحكم ده ولد جايلى بطوله مايعرفش حاجه اسمها مواعيد ولاستاذان
امجد /مش يمكن يكون جاي يعرف راي حضرتك بدل ماييجى باهله وترفضه وتهينهم زي ماهتته ادامنا في الحفله
حافظ بيحاول يتملص بكل الطرق
حافظ بس احترامى ليك ياخويا كل واحد فينا بياكل اللقمه اللى تريحه وانا مش مرتاح ليه مش كل واحد وقف جنب بنت يفتكر نفسه بطل
امجد /ممكن سؤال صغير اخدت راي بنتك؟
حافظ /لوشايف انه مناسب اكيد كنت هاخد رايها
امجد /الولد مستنى الرد منى وقرارك الاخير هبلغه بيه
حافظ /طلبه مرفوض وانت على راسي وانا عارف ومتاكد انك مش هتزعل من قرارى ده
رامى بعد ما امجد العم الاكبر لنيره بلغه برفض والد نيره
قام بالاتصال بنيره
نيره /الو
رامى /حاولت مره واتنين وهحاول لمليون مره ومش هسيبك
نيره /يارامى بابا خلاص مش هيوافق حتى لو عملت ايه
الام سمعت اسم رامى
الام /هاتيه
نيره كلم ماما
الام /معلش يارامى انا عارفه ان ده هيحصل بس انا عملت كده علشان لما نعمل حاجه مفيش حد يقول ليه محاولتوش
رامى /قصدك ايه ياامى؟
الام /انا عايزه اشوفك بكره في نفس المكان وانا هجيب نيره واجي
رامى /حاضر يا امى
الام قفلت السكه مع رامى
الام /اتصلي بميرى ونفين وقوليلهم ييجوا معانا بكره
نيره /ممكن اعرف انتى ناويه على ايه؟
الام /تعالى
الام /اسمعينى يابنتى
زمان وانا في سنك كنت بحب واحد بس ماكانش عنده المقدره انه يتقدملى
بابا الله يرحمه ويسامحه لما جه حافظ ابوكى يخطبنى ماخدش رايي ولا راي اي حد واداله كلمه
حاولت اتكلم واصرخ بس مافيش حد كان سامعنى
جريت على امى وقلت لها انا مش عايزاه اعملى حاجه قولى لبابا لا بنتك هتموت نفسها
امى الله يرحمها قالت لي لوقلت له كده هيموتنى معاكى ابوكى مافيش حد يقدر يقف في وشه ياريت عندي القدره انى اعمل كده واقف واقوله لا وكنت خليتك ماتتجوزبش حافظ
حسيت ساعتها انى خلاص بقيت الجاء لكل اللى اعرفهم علشان الجوازه دى تقف بس للاسف مفيش حد وقف جمبي
اتجوزت ابوكى من بعد جوزانا على طول كان مشاكل كل يوم
لما نويت اتطلق واقول خلاص تعبت مش مستحمله كنتى انتى شرفتى على وش الدنيا
وروحت للدكاتره علشان ماخلفش تانى
ومن اليوم ده عاهدت نفسي ادام ربنا اليوم اللي تكبرى فيه واللى قلبك يختاره هعمل المستحيل عشان تكونى معاه
نيره /يعني انتي استحملتى كل حياتك دى علشانى؟
الام /مافيش اغلي من الضنا يابنتى
الام هي ونيره راحو يقابلوا رامى
في كافيه هادئ
رامى وميرى ونفين ونيره والام
اتقابلوا
الام /شايف
يا رامي يا ابني نيره حالها عامل ازاي عينيها من البكاء
أبوها رفضك وأنا عارفه قد إيه أنت بتحب بنتي
ليا طلب واحد عندك
يا ريت تسيبها تخلص امتحاناتها وأنت كمان تلتفت لامتحانك وتشوف ورقتك اللي المفروض هي سر سعادتك
رامى /حاضر يا أمي.. هشوف ورقتى وساعتها بس هيكون النجاح الحقيقي
الام /وانا اوعدك ساعتها هكون جنبك اما دلوقتى يابنى انت مجرد طالب
نفين /يخربيت الحب وسنينه ماله حب السندوتشات مش احسن من حب القلوب 😂😂
ميرى /احلى حاجه انك تعمل اللى ماما قالت عليه لان كده مافيش حل وابوها هيفضل كده رافض
نفين /بقولك ايه ياطنط هي الخروجه دى مافيهاش حاجه تتاكل 😂😂
الام حاولت تبعد رامى علشان مستقبل بنتها
الامتحانات خلاص على الابواب باقي كام يوم والامتحانات تبداء
اليوم التالى
حافظ بيه جاي يطمن على بنته ويشوفها في الجامعه شاكك ان فيه علاقة حب بين رامى وبنته
نزل من عربيته
رامى واقف ادام بوابة الجامعه
حافظ والد نيره /بيبص لرامى
ويقوله
اوعي تفتكر انك لو جبت لي الدنيا كلها هخليك تتتجوزها او تلمس شعره منها
رامى / مش شرط انى اتجوزها فيه حاجات تانيه غير الجواز ياحافظ بيه
حافظ/ ساعتها تبقي تقول على نفسك يارحمن يارحيم
رامى /ياحافظ بيه افتكر في يوم انى جيتلك من الباب وانت رفضت
حافظ /عمرها مهاتكون ليك ولو عملت ايه ويوم ماتفكر في حاجه همحيك من على وش الارض
رامى /بنت حضرتك في بيتك لسه ياباشا ماخطفتهاش منك بس يوم مانوى على حاجه مافيش حد هيقف في وشي
حافظ شده من كتفه وقاله انت حشره والحشره بتنداس ب الرجلين
رامى /وفيه حشرات بتطير وتوصل لاعلى ماتتخيل والورق بيرفرف تحتها ويحميها انها تنداس
حافظ دخل الجامعه شاف بنته
وخرج
نيره بعد مارجعت البيت
والاب رجع من شغله
دخل عليها اوضتها
الاب / بتذاكرى؟
نيره /ايوه يا بابا
الاب /اانا عايزك تطلعي من الاوائل الامتحانات على الابواب
نيره /باذن الله يابابا
الاب /لو الولد اللي اسمه رامى ده اتعرضلك كلمينى وانا هنسفه من على الارض
نيره /وهيتعرض لي ليه يابابا؟
الاب /ده ولد وقح وقليل الادب
نيره /هو في حاله وانا في حالى يابابا
الاب /خلى بالك من نفسك
نيره /حاضر يابابا
الام دخلت ايه فيه سر بينكم ولايه؟
الاب /لا مافيش ولا اسرار ولاحاجه كنت بطمن عليها
الام /غريبه دى من امتى الكلام ده؟
الاب /لما لقيت الخطر محاوطها
الام /احنا طول عمرنا في خطر وانت مشغول عننا
الاب /هو انا بعمل علشان مين ماهو علشانكم؟
نيره /مش كل حاجه الفلوس يابابا
الاب /هههههههه الفلوس يابنتى هي كل حاجه لولاها لاتعرفي تلبسي ولاتعيشي تشترى بيها كل اللى في نفسك
نيره /بس للاسف ماتقدرش تشترى السعاده
الاب/السعاده الحقيقيه انك تعيشى مستوره النااس بتقول عنده ايه ومعاه كام
نيره /طيب ممكن اسال حضرتك سؤال
الاب /اكيد
نيره /الفلوس قدرت تخليك تخلف تانى وتجيب لى اخ او اخت علشان مابقاش وحيده؟
الاب سكت وماردش وقال للام جهزى جهزى الغداء
وخرج الاب والام من اوضة نيره
الاب شايف ان كل حاجه يقدر يشتريها بالمال نيره احرجته بسؤالها
تفتكروا ايه اللى هيحصل بعد كده؟
الجزء الاخير
خطوات على الزجاج
نيره وميرى ونفين قاعدين في الجامعه
رامى كان بيبص لها نظره غريبه
نيره راحت عنده
نيره /ممكن اعرف بتبص لي كده ليه؟
رامى /معلش ابقى دورى وشك لو مش عايزه عينيكى تيجي في عينيه؟
نيره /اللى كان بينا يارامى حب وانا ماليش ذنب في ان بابا يرفضك
رامى /عندك حق مالكيش ذنب بس باباكي شايف انى مجرد حشره
نيره /انا اسفه يارامى
رامى /مافيش داعي للاسف لان اللى جاي هيكون بتاعى انا
رامى سابها ومشى
ميرى /فيه ايه يانيره؟
نيره /رامى متغير وشكله ناوى على حاجه ياميرى وانا خايفه عليه من بابا؟
ميرى /رامى بيحبك يانيره وبابكى سبب له جرح كبير باباكي شايف نفسه فوق الكون
نيره /وانا ذنبي ايه؟
ميرى /انا عارفه ان مالكيش ذنب
نفين /بقولكم ايه سيبونى على رامى ومالكمش دعوه
ميرى /مالوش لزوم سيبوه مش يمكن ظالمينه وبنسىء الظن بيه
مرت الايام وجه يوم الامتحان
اول يوم مر بخير
نيره وميرى ونفين مقطعين نفسهم من المذاكره
تاني يوم بعد الامتحان
رامى كلم ميرى
وطلب منها انها تجيب نيره وتقابله
ميرى قالت لنيره
نيره /اروح فين ياميرى انتى لسه مامنه ل رامى بعد اللى قاله انا خايفه
ميرى /لازم تخافي بس طالما طلب انه يقابلك يمكن يكون فيه حاجه عايز يقولها
نيره /ويمكن يكون ناوى على حاجه عايز يعملها عايز ينتقم مثلا او يورطنى ويورط نفسه في مصيبه
ميرى/ تعالى ماتخافيش
ميرى ونيره راحو قابلوا رامى
نيره قلبها كان مليان خوف
تفتكروا ايه اللى حصل من رامى في المقابله دى؟
ميرى وهي راجعه مع نيره
نيره /انت متخيله اللى حصل هيعدى على خير رامى ورطنى معاه والموضوع مش هيتحل بالسهوله دى
ميرى ساكته ومش عارفه ترد
نيره رجعت البيت
الام /كنتى فين كل ده؟
نيره /روحت مع ميرى مشوار بعد الامتحان
الام /انتى مش خايفه وابوكى بيراقب كل تحركاتك؟
نيره /ماعدش ينفع اخاف ياماما انا كبرت خلاص
الام /مهما كبرنا بنفضل في نظر اباءنا وامهاتنا اطفال
نيره /فعلاً ياماما بس المفروض تتعاملوا معانا اننا لينا راي وبنفكر في مستقبلنا انا اخترت رامى ياماما وبابا حرمنى منه والنتيجه رامى بقا شخص تانى شخص غير اللى عرفته وحبيته بابا مش دمرنى انا وبس بابا دمر حاجات كتيره اوى دمرك ودمرنى ودمر رامى
الام /مافيش دمار ولا حاجه باذن الله يابنتى اهم حاجه فكرى في امتحاناتك دلوقتي وساعة ماتمسكى ورقتك في ايديكى هتكونى اسعد انسانه
نيره /حاضر ياماما
نيره دخلت اوضتها كانت متضايقه ومخنوقه كان قلبها مليان خوف وقلق
قعدت فاتحه الكتاب وبتفكر ياترى هعمل ايه في اللي جاى والمصيبه اللى حصلت دى هيكون ليها حل ولا لا؟
مرت الايام والامتحانات خلصت وا
والكل فى انتظار النتيجة
رامى راح على بيت نيره
ضرب جرس الباب
الام فتحت الباب
الام /رامى ايه يابنى فيه ايه؟
رامى /جيت اديكى امانه تخليها معاكى لحد ماييجى الوقت اللى استردها فيه
انتى الوحيده ياامى اللى اقدر استامنك عليها لانك كنتى في ضهرى وجميلك معايا ماقدرش انساها
الام /يابنى في عينيه امانتك دى و انا كنت عايزه بنتى تعيش سعيده وحاولت على اد مقدرتى بس علشان خاطري لو لسه بتحب نيره
بلاش تيجي هنا تانى
رامى /ماقدرش اوعدك اني مش هقدر اجى لان اللي جاي هيكون بتاعى انا
رامى اخد بعضه ومشي
بس ياترى ايه الامانه اللى استامن عليها مامت نيره؟ وامتى هيستردها؟
الاب رجع بعد مارامى مشى بخمس دقايق بالظبط
الام كانت خايفه وقلقانه ان حافظ يكون شاف رامى وهو خارج
الاب /ايه يانيره لسه النتيجة ماظهرتش؟
نيره /بيقولوا هتظهر كمان يومين يابابا
الاب /ده يوم المنى يوم ماتاخدى الشهاده ياحبيبتي
نيره /ده هيكون يوم جميل يابابا هيكون اجمل يوم في حياتي لانى هكون بقيت حره وهمسك الورقه اللي بتمناها طول ايامى اللي فاتت
تمر الايام
ميرى اتصلت بنيره
النتيجة ظهرت
نيره خرجت جري علشان تشوف نتيجتها
نيره وميرى ونفين نجحوا
نيره رجعت البيت بسرعه وهي فرحانه
نيره انا نجحت ياماما نجحت
الام /الف مبروك ياحبيبتي
الام اتصلت بحافظ وبلغته بنجاح نيره
حافظ كان مبسوط وفرحان اخيرا
الاب رجع كان في ايديه هديه لنيره بمناسبة نجاحها
وكان فرحان جدا وسعيد
الاب حضن بنته واداها الهديه
نيره /من زمان يابابا ماخدتنيش في حضنك
وحاسه وانت بتضحنى زي مايكون اول واخر مره هتحضنى فيه
الاب /انتى مش متصوره فرحتى النهارده بنجاحك وتخرجك عقبال الفرحه الكبيره وانتي رايحه بيت جوزك
نيره /اكيد يابابا واضح ان اليوم ده اللى عليه الدور مافيش اقرب من الايام
ميرى ونفين جم لصاحبة عمرهم تبادلوا التهانى كانوا فرحانين بنجاحهم
الاب كان لاول مره يقعد معاهم مبسوط
الساعه 1 مساء
ميرى ونفين استاذنوا
نيره قامت دخلت اوضتها
الاب والام قاعدين
نيره واقفه في البلكونه وكانها بتشم نفسها لاول مره فى حياتها
نيره مامتها نادت عليها
نيره خرجت من الاوضه وسابت البلكونه مفتوحه
رامى كان واقف تحت منتظر اللحظه المناسبه اللى يقتحم فيها بيت حافظ بيه
الساعه 12 منتصف الليل
نيره رجعت اوضتها
فردت ضهرها على سريرها
رامى يتسلق شجره قريبه من غرفة نوم نيره
ويقفز ويمسك بسور البلكونه
يدخل رامى الى غرفة نوم نيره
رامى مد ايده على خد نيره
نيره اتخضت
نيره /انت جاي تعمل ايه هنا يارامى؟
رامى /جاي اخد حقي
نيره /بلاش جنان يارامى وبلاش تورطنا اكتر من كده
الام كانت خارجه من الحمام
سمعت صوت في غرفة نيره
الام فنحت الباب اول ماشافت رامى صرخت
الاب جه جري على صوتهاوسالها فيه ايه ؟
الاب اول ماشاف رامى فى اوضة بنته انجن
حافظ/انا هقتلك يابن الكلب انت اللى جيتلى برجليك يا حشره
الليله هيكون اخر يوم فى عمرك
رامى /انا مش حشره ياحافظ بيه
حافظ /انت حشره وهمسح بيك الأرض أنت واللي خلفوك
الأم /سيبه ياحافظ
حافظ /اسيبه ازاي وهو جاي يتهجم على بنتى في بيتى؟
الام/رامى مش جاي يتهجم رامى جاي لمراته؟
حافظ/انتى بتقولي ايه؟
الام /بقولك الحقيقه رامى ونيره متجوزين على سنة الله ورسوله
حافظ/متجوزين وانتى عارفه
الام/ايوه عارفه بنتى ماعملتش حاجه من ورايا ياحافظ انا اللى جوزتها لرامى وادى القسيمه
امسك يارامى ورقة سعادتك انت ونيره وريها لحماك
حافظ /يعنى انتى اللى مخططه لكل ده ؟
الام /من زمان قوى وانا شيفاك بتبعد كنت بقول يابت يومين وهيرجع كنت بتسافر بالشهور وتسيبنى انا وبنتى وكل ده علشان الفلوس
حافظ /كنت بعمل الفلوس دى علشانكم
الام /بس الفلوس سرقت منك المشاعر خليتك ماتفكرش غير فيها وبس انما احنا بالنسبالك ولا حاجه
حافظ /مش مصدق اللى بسمعه بعد اللى بعمله علشان خاطرك انتى وبنتك
الام /انت ماعملتش حاجه علشانا انت عملت علشان رصيدك يزيد في البنوك
حافظ /كله فى الاخر راجع ليكم بعد موتى
الام /ماحدش ضامن عمره مين اللى هيموت الاول والمثل بيقول عيشنى النهارده وموتنى بكره وانت لاعندك لا النهارده ولابكره
حافظ بيقرب على مراته ويقولها بقا كل ده يطلع منك تجوزى بنتك من ورايا لكلب زي ده
الام/مش عاوزه بنتى تعيش نفس اللي عشته معاك
حافظ بيلف لنيره وانتى كمان تعملى كده من ورايا
نيره علشان كنت عايز تدفن حقي في الاختيار؟ عملت كده
أنا مش عقار من عقاراتك ولا صفقه
من صفقاتك
أنا إنسانه لي قلب ولي روح
روحى كانت ضايعه مالقتهاش غير لما لقيت رامى
فاكر ساهر يابابا لما جه اتقدملى انت وافقت عليه من غير ماتاخد رايي
كانى قطعة اثاث اوحاجه من ممتلكاتك بتفرط فيه وتبيعها للى انت عاوزه مش اللي انا عاوزه
انا اخترت رامى وانت رفضته
رفضته علشان مامعهوش فلوس
بس اللى انت ماتعرفوش ان رامى يبقى من الاغنياء
كنت بتشتري لي أغلى الهدوم بس فشلت
فشلت في إنك تشوفنى بعين الاب
أنت كنت عايز تجوزني (فلوس) مش بني آدم.
كنت عايز تبيعني لواحد يشبهك
معاه بنكنوت
النهارده أنا اتولدت من جديد
والورقه دي مش عقد جواز بس
دي (وثيقة حريتى ) من سجنك
حافظ /ايه خلاك تدخل حياتنا قلبتها؟
رامى /دخلت لك من الباب رفضتنى خليتنى اجيلك من الشباك
اسمعني يا حافظ بيه
انا ماقلبتش حياتك انت اللى دمرتها لما كنت فاكر ان كل حاجه هي الفلوس وبس
مشيت بالاصول وانت رفضت
سلبت حقنا في اننا نختار ونعيش حياتنا
كان لازم نقرر لنفسنا مستقبلنا وسعادتنا
اللى كنت عايز تحرمنا منهم
انت رفضتنى علشان مش لابس بدله ولاعندى حساب في البنك
انت بأي حق استصغرتني؟ بأي شرع حكمت عليا إني حشره ؟
أنا الحشرة اللي طارت ووصلت للي أنت عجزت توصله بفلوسك
فاكر يوم ماقلت لك ان فيه حشرات بتطير وتوصل لاعلى ماتتخيل والورق يرفرف تحتيها كنت اقصد ورقة الحلال اللى هتربطنى ببنتك
أنا ملكت قلب بنتك بالحب
وأنت خسرتها
الفلوس اللي بتعبدها دي ما خلتكش راجل في نظر مراتك
ولا أب في نظر بنتك
أنت مجرد (خزنه) ماشيه على الأرض والقلوب مافيش حد يشتريها بكنوز الدنيا
الأم قربت من حافظ
الأم/ من يوم ما اتجوزتك غصب عني
زمان بابا كسرني وسلمني ليك
والنهاردة أنا بكسر السلسله دي وبحرر بنتي
علشان ماتعملش زي بابا في يوم من الايام
وجوزتها اللى قلبها اتمناه وبتحبه
كان ممكن اسيب لك البيت وامشى واعمل كده من وراك
بس كويس ان ده حصل علشان اقولك كل اللى جوايا لو وقفت على طلاقى دلوقتى مش فارق معايا
سعادة بنتى اهم حاجه عندي
حافظ /اطلعى بره انتى وبنتك برا
نيره راحت ناحية الدولاب
بتجيب حاجه تلبسها
حافظ شدها من ايديها
اطلعى زي مانتى الهدوم دى شاريها بفلوسى اللى انتى شايفها مالهاش قيمه
بدأ يدفعهم نحو الباب وهو يصرخ
بره ! اخرجوا بملابسكم دي اخرجوا للفقر اللي اخترتوه
رامى خلع قميصه وحطه على جسم نيره
رامى بيبص لحافظ نظرة استحقار ويقوله
الستر مش حيطان يا حافظ بيه
الستر راجل بيصون وجسم بيحمي! قميصي ده أستر بيه نيره افضل من كل بيتك البارد
رامى قعد فى جنينة البيت هو ونيره ومامتها
وطلع تليفونه و اتصل باخوه شريف
شريف جه بعربيته
تأخرت عليكم؟ معلش
شريف خلع جاكت بدلته واعطاه لمامت نيره
دخل رامى ونيره ومامتها العربيه
شريف وصلهم لبيت رامى
شريف /اهلا بيكم فى بيت عائلة زيدان
نيره اتصلت بميرى الساعه 3 صباحا
ميرى /كنت منتظره اتصالك طمنينى عليكى وعلى ماما؟
نيره /طردنا من البيت
ميرى /معلش ياحبيبتي المهم انتي ورامى دلوقتي مع بعض ومافيش حد يقدر يفرقكم
نيره /كنت عايزه لبس ليه لان بابا طردنا بالهدوم اللى علينا
ميرى /حاضر النهار يطلع وهجيب لك ياحبيبتي
فى اليوم التالى
شريف زيدان بيروح لبيت حافظ
شريف بيضرب جرس الباب
حافظ بيروح يفتح
حافظ/ انت مين؟
شريف /هو حضرتك بتقابل ضيوفك على الباب
حافظ /اتفضل
شريف/ انا اللي معايا اللي يرضيك
حافظ/ ايه هو اللى يرضينى
وانت مين وعايز ايه؟
شريف/انا شريف زيدان اكيد سمعت الاسم ده كتير
شريف يفتح الشنطه مليانه دولارات
حافظ/ ايه ده
شريف/ ده الامان لبنتك
حافظ/ مش فاهم تقصد ايه؟
شريف /انا هقولك انا وانت بنلعب بالمال وكل حاجه في حياتنا هي المال وبس لافارق معانا ولادنا ولابيوتنا بنجرى وراء الفلوس بنجرى وراء اللي معاه اكتر
انا اخو رامى رامى اللى انت رفضته علشان مامعهوش فلوس
بس بقا اللي انا عايز اقوله ليك رامى اغنى منى ومنك اغنى لانه كسب حب بنتك وقلب زوجتك
وكل اللي حواليه
انا وانت كل يوم بنخسر الخساره مش فلوس الخساره بنخسر نفسنا واللى حوالينا علشان طمعنا الزايد
انتهت القصه
لقد تحطم الزجاج
من كثرة الخطوات عليه
خطوات على الزجاج ليس مجرد عنوان للقصه
فقلب الفتاه كالزجاج اذا تحطم لن يعود كما كان
احيانا الشروخ يمكن اصلاحها في البدايه ولكن الشروخ اذا ازدادت انكسر الزجاج
فتياتنا امانه بين ايدينا ليست سلعه لللبيع
الفقير له الحق فى الزواج فيمن يحب
والغنى ايضا له الحق لافرق بين اعجمي ولاعربي الا بالتقوى
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
0 تعليقات