رواية أرملة رجل حي الحلقه الثامنه عشر والتاسعة عشر والعشرين والاخيره بقلم محمد منصور حصريه وجديده على مدونة النجم المتوهج

رواية أرملة رجل حي الحلقه الثامنه عشر والتاسعة عشر والعشرين والاخيره بقلم محمد منصور حصريه وجديده على مدونة النجم المتوهج 

رواية أرملة رجل حي الحلقه الثامنه عشر والتاسعة عشر والعشرين والاخيره بقلم محمد منصور حصريه وجديده

انت متاكد يا فاروق من اللي انت بتقولو دة

دة اللي قاله حسني ل فاروق دكتور الطب الشرعي اللي قال

شغالين بقالنا كام سنة مع بعض هات لي مرة تشخيصي في كان غلط

حسني

اصل يعني ملامح الجثة مش باينه ازاي عرفت انها شمس

فاروق 

البصمة الموجودة علي جثة بسيوني مطابقة ل بصمات الجثة دي

حسني 

يعني اية احنا كدة بنرجع لنقطة الصفر في القضية الغريبة دي 

وبص حسني للجثة تاني بتركيز شديد و لاحظ ان صوابع الجثة بايشة ودة تقريبا بسبب المحلول اللي كانت في. والشك بدا يدق ابواب قلبه و بص ل فاروق وقال

وقدرت تحدد ان البصمات مطابقة ازاي و صوابعها بايشة كدة يعني مستحيل يحصل تطابق للبصمات 

هنا ارتبك فاروق ومبقاش عارف يرد يقول اية،،،،،

ارملة رجل حي 

من تاليفي 

محمد منصور 

**منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

فاروق كان لابس نظارة طبية وبدا يظبط نظارته وقال

انت بتشك فيا يا حسني

حسني

عمري ما شكيت فيك قبل النهاردة. والاحسن ليك يا فاروق تقول انت لية بتزيف في تقرير رسمي يخص قضية وتقول معلومات تضلني

فاروق 

انا ما بعملش كدة

حسني بحدة 

لا بتعمل. ولو حكيت دلوقتي هقدر اساعدك لكن لو بقيت رسمي هتقف قصاد مني متهم ووقتها مش هقدر اعمل لك اي حاجة

فاروق

مراتي بتموت والسبب القضية الملعونه دي 

حسني

فهمني يعني اية مراتك بتموت

فاروق قلع نظارته ومسح دموعه اللي بدات تهرب من عيونه وطلع موبيلة وشغل قران استغرب حسني لكن فاروق قال 

القران ممكن يخليني احكي معاك. و مش عارف هتصدقني ولا لا بس بعد ما كتبت التقرير الاول عن جثة بسيوني حسيت اني مش مظبوط وان في حاجة غلط لكني مش قادر اسيطر علي نفسي وكتبت التقرير وهو ان بسيوني مات من كام يوم لكن الحقيقية ان بسيوني لما ظهرت جثته تاني كان لسة مقتول

حسني

يعني الجثة اتاخدت من المشرحة  وهو لسة عايش

فاروق

العقل والمنطق يقولو انه عايش لان مافيش حد بيموت مرتين لكني بدات ادور وراء اللي اسمها شمس دي ولما قربت و عرفتك باللي عرفته وقت ما فتحت لك اللاب توب وعرض لك صورتها

حسني

ايوة فاكر انت وقتها ما عرضتش الصورة وبس انت كمان جبت لي الملف بتاعها اللي في الدخلية

فاروق

يومها بقي انا روحت وفتحت الباب وشوفت، ،،،،،،

ونروح ل شقة فاروق اللي دخل من باب الشقة وكان بينادي علي مراته زينه

زينه انتي فين زينه ردي عل،،،،،،،،،

لكنه سكت لما شاف شمس قاعده جنب زينه اللي علي رجليها قط اسود شكله يخوف وكانت بتملس علي جسمه وهي مش طبيعية

وبصت له شمس وقالت

ازيك يا دكتور عرفت من اصحابي اللي تحت الارض انك بدور ورايا قولت اجي لك بنفسي و تتعرف عليه 

و اتعرف عليك عايزا اقول وتبقي معرفه خير لكني ما بيجيش من ورايا خير

فاروق كان مركز مع زينه 

و بيقول

زينه انتي بتعملي اية

شمس قامت وقفت وراحت ناحية فاروق وقالت

زينه مش معانا دلوقتي هي معاهم ما تعرفش ازاي هما حبوها

فاروق بلع ريقة بصعوبه وقال

هما مين

شمس بحركات بطئية مريبة قالت وهي بتلف حوالين منه

اللي تحت الارض اهلي

بلع ريقة تاني بصعوبه وبان التوتر والخوف عليه وقال

زينه ابعدي القط دة عنك

زينه لسة بتمسح بايدها علي جسم القط ومش باصة حتي لفاروق و هنا شمس حطيت ايدها علي كتف فاروق مرة واحدة النور قطع بعدها والدنيا بقيت كحل وقالت

الكلام اللي هقوله يتنفذ 

والا مراتك هتكون ملكم ليوم الدين 

فاروق ما كنش عارف هي فين قدامه ولا وراء لكنه قال

حاضر حاضر، ،،،،،،،،،

ونرجع ل فاروق اللي بيعيط وبيقول

وقالت لي ان البوليس هيلاقي جثة في قصر المريوطية واني المفروض اكتب انها جثتها علشان ما دورش عليها و تشك في كريمة وبس اللي هي بقيت مكانها

حسني

يعني اية كريمة هي شمس. ولا شمس هي كريمة  ولا اية مش فاهم

فاروق

ما اعرفش لكن اللي اعرفه ان مراتي زينه بتموت وانها بقيت ايامها كلها قاعده علي الكنبه بتمسح بايدها علي جسم القطة السوداء

حسني

طيب اسمعني كويس تقريرك زي ما هو وانا هتعامل علي الاساس دة. و هوريك انا هعمل اية في شمس دي،،،،،،،

كريمة راحت شقة نحمده ولقيت عيالها في الاوضة وفعلا كانو لوحدهم في الشقة بصت لهم وقالت نحمده

صدقتي بقي ان عيالك بخير

كريمة بصت لنحمده ومحمد اللي كان معاهم وقالت

خلوني مع عيالي لوحدي

محمد

تعالي يا نحمده نخرج نستاها برة

وخرج محمد ومن بعد منه نحمده و كريمة قفلت باب الاوضة وبصت لعيالها الثلاثة وقالت

وبعدين هتفضلو كدة لغاية امتي دة انا ماليش في الدنيا غيركم

عفاف

بحاول اسامحك لكني مش قادرة

كريمة

عفاف انا بعترف اني غلط بس بطلب منكم كلكم  تسامحوني و افتكرو اي حاجة حلوة عملتها ليكم 

صباح

ماما احنا مش عايزينك تبعدي عننا تاني. وانا اول واحدة فيهم مسمحاكي

و جريت صباح و اترمت في حضن كريمة وبعدها حامد قال

وانا كمان مسامحك 

و اترمي هو كمان في حضنها لكن و بصت كريمة ل عفاف وقالت

وانتي يا عفاف مش هتسامحيني

عفاف ابتسمت ابتسامة خبيثة وقالت

لو هو قال لي اسامحك هسامحك

وبصت عفاف فوق كتفها الشمال وهنا ظهر القط الاسود و بدات عفاف تمشي بايدها فوق جسمه والقط قرب بوقه من ودانها وبدا يهمس في ودانها ووش عفاف اتقلب وقالت

معاك حق دة العقاب اللي هي تستاهله

خافت كريمة وحاولت تفتح الباب علشان تطلب المساعدة لكن الباب اتقفل ومابقاش في مخرج وعفاف بدات تتحرك ومعاها النور انطفئ والاوضة بقيت طلمة كحل وصرخت كريمة وعيالها،،،،،،،

هروح اجري اقيد النور وارجع لكم يارب ما تكنش قطعت عمومي. قويني يارب

ح(19)

النور قطع ورجع وكريمة كانت و اخدة عيالها في حضنها وقت ما شافت عفاف بنتها قاعدة علي حرف الشباك اللي كان في الاوضة قالت كريمة 

عفاف بتعملي اية

ماردتش عفاف ورميت نفسها من الشباك صرخت كريمة 

و جريت ناحية الشباك 

و بصت علي بنتها اللي كانت علي الارض والدم بينزل من دماغها. وبعدها اتفتح باب الاوضة ودخل محمد. ومع نحمده وقال

بتصرخي لية يا كريمة

نحمده قالت وهي بتبص في الاوضة 

وفين عفاف

كريمة خرجت من الاوضة بسرعة وراحت ل باب الشقة جري ،،،،،،،،

ارملة رجل حي 

من تاليفي 

محمد منصور 

**منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

الاسعاف جت و شالت عفاف من علي الارض و اتحركو بيها بمنتهي السرعة وكريمة كانت معاها في عربية الاسعاف،،،،،،،،

منير كان قاعد مع شمس في بالكونة شقتهم وقت ما كان بيقولها

واخرتها اية هتفضلي تعذبي في كريمة ل غاية امتي

بصت له شمس وقالت

اية صعبانه عليك

منير

مش فكرة صعبانه عليه ولا مش صعبانه الفكرة كلها انك طولتي اوي واي حكاية طويلة بتبقي نهايتها ماسخة وانتي اختي وانا خايف عليكي

شمس بصت له بصة ترعب وقالت

انا مش اختك انا اختهم هما وهما رفضوني ولا ناسي لما صدفه راحت لهم وانا عندي عشر سنين وقالت لهم ان اختهم عايشة وهما قالو ملناش اخوات

منير

صدفة امي سيرتها كانت واحشة في البلد وعلشان كدة هما ما صدقوش اللي هي بتقوله

شمس

وما يصدقوش لية ما نحمده شافت ابويا وهو بيدفني بالحياة. لية تكدب صدفة لما قالت لها اني لسة عايشة 

منير

انتي لية بتنبشي في اللي فات ما تنسي يا شمس

شمس بغضب شديد

انسي اية. ان ابويا دفني بالحياة. اني اتربيت في بيت غير بيت اهلي انا الست اللي ربتني رجعت ل اخواتي وقالت لهم اني عايشة وهما رفضوني. عايزني انسي كل دة. دة حظهم اني عرفت كل اللي حصل لي متاخر اوي بعد سنين كتيرة زهقت من عدها

منير

ما انتي برضو اللي عملتي في كريمة مش شوية 

و عيشتي اربع سنين زي الفل وسط العز والذهب لما كنتي علي ذمة اسامة 

شمس

كل دة مش كفاية لازم اجننها وابقي مكانها وشمس اللي ليها ملف في الدخلية تموت واعيش مكان كريمة.  ماهي زي مجرمة ونصابة بس الفرق بيني وبينها اني انا اتمسكت وهي لا. يبقي اقل تعويض اكون مكانها اللي فاضل من عمري وعيالها يبقو عيالي

منير

عايزا تاخدي عيال غير عيالك علشان تعوضي عيالك اللي انتي قتلتيهم بايدك

شمس اتعصبت اوي وقالت

انا ما قتلتهمش

منير

لا قتلتيهم علشان تقديهم قرابين لتحضير وتسخير ملوك الجن ل خدمتك

شمس بعصبية زيادة 

منير كلمة تاني وانسي اللي بينا

منير

زعلانه اني بفوقك انا خايف عليكي ومش عايز نهايتك تكون زي نهاية امي

شمس

انا ماليش نهاية و مش كل شوية تفكرني بامك لانها هي السبب هي اللي عملتني سكة السحر و التسخير. ومن غير السحر وتسخير الجن ما كنتش هقدر اخد حقي من اللي ظلموني

منير

صدفة كانت بتسخر عبيد من الجن علشان تاخد المظلومين وياما قولتها ان دة غلط 

و برضو ما سمعتش كلامي وفضلت تسخر لغاية ما قلبو عليها و بالمرض ابتلوها والسكر مشي في جسمها وبقينا محتاجين علشان نعالج اي عضو نقطعه. ولا نسيتي لما قطعنا كف ايدها وبعدها ايدها كلها يمين وشمال ورجليها يمين وشمال

شمس

اسكت بقي وكفاية

منير بحدة 

مش هسكت انا عايزك تفوقي وترجعي عن الطريق دة بقي وتركزي معايا. 

شمس

اركز معاك يعني اية

منير

يعني تفتحي قلبك ليا زي ما انا فاتح لك قلبي وعايش معاكي خادم مطيع متسخر بس ل خدمتك. لكن انا ما بعملش معاكي كدة علشان احنا اخوات وبس لا. علشان انا بحبك يا شمس

شمس بعصبية

انت اتجننت دة احنا اخوات

منير

لا مش اخوات وانتي لسة قايلة كدة ومن حقي احبك ومع ان صدفة عملت لي عمل باني ما قربش منك وعشقي ليكي يغلبني لكن العمل ما بقاش لي اي مفعول لان حبي ليكي اقوي من اي عمل.  واخواتك ما رفضوش انك تكوني اختهم انا اللي خليت امي تقول كدة علشان ما كنتش عايزك تبعدي عني

شمس اتصدمت اوي ومسكت منير من ذراعته وقالت وهي بتصرخ 

انت بتقول اية.  رد عليه بتقول اية

منير

اللي انتي سمعتي خوفت تبعدي و تروحي ليهم و ما اقدرش اشوفك تاني علشان كدة اتفقت مع امي علي اننا نفهمك ان اخواتك رفضوكي ودة بعد ما انتي كبرتي 

و فضلتي تسالي مين اهلك وهما فين 

شمس

يعني هما مايعرفوش اني عايشة

منير

ما حدش فيهم يعرف اي حاجة عنك و اختك نحمده فضلت كتير تحاول تمنع ابوها من انه يدفنك لكنها كانت عيلة وما اقدرتش تعمل اي حاجة

ضربته شمس بالقلم وقالت وهي بتتحرق من جوة

وجاي دلوقتي تقولي كدة بعد كل اللي عملته فيهم

و ضربته قلم تاني و تالت ورابع وهو مستسلم و كان رد فعله دموعه اللي بتنزل منه وقال

اعمل كل اللي انتي عايزا بس تفضلي معايا

شمس لفت ايدها حوالين رقبته وقالت

انا هقتلك  

وفضلت تخنق في وهو مستسلم لكنها سابت رقبته وقامت جري وهو قال لها

رايحة فين

شمس

رايحة ل اخواتي

منير

وانا

شمس

انت احمد ربنا انك لسة عايش

منير

ما حدش فيهم هيقبلك بعد اللي عملتي.

شمس

هصلح كل اللي عملته

منير

عفاف بنت كريمة ماتت بسببك

شمس اتصدمت وقالت

ماتت. ازاي ولية

منير

ملك الجن طلبها لي ما انتي عارفه انه بيحب بنات البنوت وخلاها ترمي نفسها من الشباك

شمس

ومين قدمها لي

منير

انا علشان في المقابل يخليكي تحبيني

شمس قربت من منير وقالت

وفين عفاف دلوقتي

منير

في مستشفي عين شمس

شمس

وانت فاكر ان لما عفاف تموت ملك الجن هيهوب قلبي ليك

منير

دة الاتفاق اللي ما بينا

شمس قربت اكتر وقالت

انا كنت فهمت انت لية بعد موت صدفه عرفتني علي عيلتي و حكيت لي الحكاية كامله. وما تقولش علشان انا كنت بسال كتير لا. انت عملت كدة علشان اخلص عليهم واكون ليك مش كدة

منير هز دماغه بالنفي وقبل ما ينطق باي حرف كانت شمس مسكت سكينة تقطيع  الفاكهة وغرزت السكينة بكل قوتها  من اسفل بوق منير ل فوق علشان السكينة من قوة الغرز تخترق اللحم وتعدي اللسان وبدا منير يتوجع بشدة وحاول يسحب السكينة لكنه ما قدرش ووقع علي الارض بيطلع في الروح و سابته شمس وخرجت جري من الشقة وهي ناوية تروح المستشفي لاختها، ،،،،،،،

هوقف لها تاكسي وهرجع بسرعه احكي لكم اصل اللي هيحصل في المستشفي بين الاختين  ما حصلش قبل كدة. ولا اقول لكم تعالو ورايا علي المستشفي وهناك هتقراو الحلقة الاخيرة. يارب قويني

ح(20)

الاخيرة

كريمة كانت واقفة قصاد اوضة الرعاية المركزة وكان باين عليها التوتر الشديد وكان جنب منها نحمده والاثنين بصو ناحية محمد اللي كان جاي من عند الدكتور المتابع حاله عفاف اللي كانت لسة فيها الروح وقالت كريمة ل محمد وهي منهارة 

بالله عليك الدكتور قال لك اية

محمد

حالتها الحمد لله بقيت مستقرة ودة لانها خبطت في احبال الغسيل قبل ما جسمها يتخبط بالارض ودة قلل كتير  من خطورة الوقعه

كريمة

بجد يا محمد ولا انت بتكدب عليه

محمد

وهكذب عليكي لية بس والله هو قالي كدة

كريمة

طيب ولما الحاله مستقرة ما خرجوهاش من الرعاية لية

محمد

انا برضو اللي هقول لك هي لية في الرعاية لغاية دلوقتي ما انتي عارفة لازم تفضل تحت الملاحظة دي الخبطة جت في دماغها

في الوقت دة يسمعوا صوت شمس بتقول لهم وهي واقفة وراهم

 بنتك هتعيش يا كريمة ما تقلقيش

بصو الثلاثة ل شمس والصدمة خلتهم زي المشلولين، ،،،،،،

ارملة رجل حي 

من تاليفي 

محمد منصور 

**منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

حسني مفتش المباحث  كان في عربيته وقت ما كان فاتح اسبيكر موبيله وبيقول لرئيس المباحث

وصلنا ل حد يعرف منير ودلنا علي عنوان لي واحتمال يكون العنوان دة مستخبئ في هو وشمس

رئيس المباحث

مين ده

حسني

دة واحد. سوابق كان مع في السجن وشغال مرشد معانا دلوقتي

رئيس المباحث

طيب اوصل للعنوان وانا هطلع لك امر ضبط واحضار يمكن هناك تلاقي اللي اسمها شمس دي

حسني

تمام يا فندم،،،،،،،

نحمده كانت ماسكه في رقبه شمس وبتقول بعصبية 

انتي وليكي عين تيجي لغاية هنا وبرجلك

كريمة

اهدي يا نحمده مش كدة

نحمده

اهدئة اية دي كانت هتموتني. و اكيد هي وراء كل اللي بيحصل لك

شمس كانت مستسلمة 

ل خنق نحمده ليها لكنها رديت وقالت 

كان مضحوك عليه والانتقام منكم عميني لان في اللي فهمني انكم عارفين اني عايشة ورفضوني

كريمة مسكت ايد نحمده وبدات تسحبها بعيد عن رقبه شمس وقالت

نحمده خلينا نفهم اية اصل الحكاية

نحمده بعديت عنها وقالت

عارفه لو كنتي بتلعبي بينا انا مش هرحمك

شمس عيوني كانت مليانه بالدموع وقالت

انا ما استهلش الرحمة لكن انا برضو اختكم واللي اتعمل فيا ما كنش قليل

كريمة

واللي عملتي فينا برضو مش قليل

شمس

وكنت هعمل اكتر من كدة لاني ما كنتش شايفة انا بعمل اية انا كان كل همي اني اكون مكانك وعيالك يكون مكان عيالي اللي انا قتلتهم بايدي

كريمة 

يا ساتر يارب لية كل الكره دة لية كل السواد دة

شمس عيطت بحرقة وقالت

السواد دة انا ورثته من طه ابونا اللي دفني بالحياة وانت بنت يومين. وبعدها اعيش في بيت مش بيتي ومع ناس كل عيشتهم حرام في حرام بيت ما فيهوش الا نجاسة 

وعيطت اوي وكملت وقالت

لو كنت كبرت وسطيكم كنت ممكن بقيت احسن من كدة مش لكني كبرت وسط الغل والكره والشر واللي خلاني بتحرق من جوه اني اتقالي بالكذب انكم رفضوني. بعدها بدات اراقبك يا كريمة وعرفت كل اللي بتعملي انتي وجوزك وقولت اضرب ضربتي واخلص منك وابلغ عنك لكن دة ما كنش كفاية عملت لك عمل بنية الاذية واعراضه زي اعراض الصرع وخليت طارق جوز نحمده يشوفها قردة ويبعد عنها ويضربها ويشتمها لا وكمان يتعلق بيكي لكن كل دة 

ما كنش كفاية لان اللي انا بعملو كان ديما ناقص ما انا مش شاطرة زي صدفه اللي ربتني. وما بقتش قادرة انتقم منكم زي ما انا عايزه وكمان ظهر اسامة غني وخلصت حكايته مع كريمة بفضيحة لي ظهرت له انا تاني علي اني كريمة وخليته يسامحني كله بالسحر وعيشت مع اربع سنين خلفت تلت عيال لكن نار الانتقام منكم كانت بتاكل في لحم جسمي مش عارفه اعيش وانتم عايشين مرتاحين بدات اضحي بعيل وراء عيل من عيالي علشان اسخر ملوك الجن وابدا اخطط لجنانك يا كريمة ودة خد مني وقت طويل لغاية ما قدرت اكون اخبث من صدفه ولسة هبدا خطوات انتقامي منك كان وصل بركات اخو اسامة وقرر ينتقم منك بطريقته اصله فاكر انك انتي اللي كنتي عايشة مع اسامة اربع سنين.  كنت هاتجنن واوصل لك علشان كدة عملت عمل ل بسيوني وخطط لجريمة قتل اونطة وحطيت في ايد بسيوني شعرك اللي كان بيقع في الايشاربات بتاعتك علشان الحكومة تدور عليكي وتوصل لك لكن كنت كل ما اخطط للوصول ليكي تبوظ خطتي والاقي نفسي رايحة في سكة غير اللي انا كنت عايزها. ربنا بيحبك وكان مخلي كل الظروف لصالحك حتي مفتش المباحث خلاكي تخرجي من القسم رغم ان كل الدلائل ضدك كنت كل ما اقول اني قربت انتقم منك الاقي نفسي واقفة مكاني 

ولا كاني بعمل اي حاجة. احنا الاثنين نفس الشكل لكن انتي الدنيا بتحبك وانا لا انا اللي ادفنت بالحياة وانتي لا انا اللي عيشت في بيت مع اغراب عني وانتي لا. انا اللي  اتحرمت من عيالي وانتي لا. 

كريمة

ياااااااا. كل دة سواد جواكي من ناحيتي يا شيخة حرام عليكي دة انا كنت هاتجنن واعرف انا مين ولية بيحصل فيا كدة. وبنتي ذنبها اية لية عملتي فيها كدة 

شمس 

مش انا.

كريمة صرخت فيها وقالت

اومال مين. بعد كل السواد دة مين ممكن يكون عايز ليا ولعيالي الهلاك

شمس

اللي عمل كدة في بنتك هو نفسه اللي حرمني منكم ابن صدفه اللي طلعني من الحفرة 

كريمة

ياريته كان سابك تموتي وماكنش وصلنا للي احنا وصلنا لي دلوقتي

شمس

كريمة اسمعيني بنتك عليها جن ولازم يتحرق علشان هو عايزا ميته وانا الوحيدة اللي اقدر امنعه 

كريمة

هو انتي فاكرا اني ممكن اصدق ان واحدة زيك قلبها اسود بالشكل دة ممكن يجي من وراها خير

شمس

لازم تصدقيني لان ما فيش وقت وبنتك هتفضل في خطر طول ما هو في جسمها

في الوقت دة يسمعوا كلهم صرخه عفاف جايه من جوة الرعاية المركزة فتحت كريمة الباب ودخلو كلهم وشافو عفاف متعلقة من رقبتها بحبل مدلدل من سقف الاوضة راح محمد جري ناحية عفاف علشان ينزلها لكن في شئ خفي منعه من الوصول ليها وكريمة حاولت ونفس الشئ زقها بعيد هي ونحمده و عفاف كانت بتحاول تفك نفسها لكن قوتها بتخونها والموت بيقرب وهنا شمس كانت بتبص في كل ركن من اركان الاوضة علي اللي بيعمل كدة وفعلا شافته فقالت

انا شوفتك و انت عارف ان في بيني وبين قبيلتك عهد بالدم والنار.  سيبها وروح مكان ما جيت

الجن شد الحبل اوي وعفاف بدات تتخنق وقال بصوت خبيث

العهد بينك وبينهم وانا ماحدش منهم لي عليه سلطان

شمس

انا عهدي مع الشيطان

الجن

ما تقدريش تكشفي العهد دة والا نار جهنم هتاكل لحمك

شمس بصيت ل عفاف اللي كانت بتموت خلاص وافتكرت عيالها الثلاثة وهي بتخلص عليهم علشان ترضي الشر.  وبصت ل اختها كريمة اللي الجن مناعها من الحركة ومخليها عاجزة هي ومحمد ونحمده. وسمعت صرخت كريمة. اللي قالت وهي بتعيط 

عفاف لا. 

وهنا شمس كان لازم تتصرف فقطعت هدومها من عند منطقة البطن وظهرت طلاسم محفورة علي جسمها وختم بالدم والنار بص الجن للختم وبدا يصرخ ويتحرق وساب الحبل اللي كان بيشنق بي عفاف وجريت كريمة ناحية بنتها وشالت الحبل من حوالين رقبتها وبصت لها وقالت

عفاف انتي كويسة

عفاف بصعوبه هزت دماغها بعدها بصت كريمة ل شمس اللي كانت بتقول

سامحيني يا اختي وابقي افتكريني وادعي ربنا يرحمني

وبدات النار تاكل في لحم جسم شمس وشمس بتصرخ ومحمد مسك بطانيه ورماها  علي جسمها. لكن النار شوهت جسم شمس نهائي وبدات تطلع في الروح وهي بتبص ل اخواتها و دموعها بتنزل علي خدها وطلعت روحها للي خلقها،،،،،،،،،،،

حسني كان قاعد في مكتبه وقت ما كان طارق قاعد قصاد منه وقال حسني

خلصت القضية المكعبله دي علي خير

طارق

خلصت الحمد لله ومراتي رجعت زي الاول

حسني

انا عمري ما انسي اللي حصل وشوفته في القضية دي

طارق

هنعيش هنتكلم عنها كتير،،،،،

وتعدي الشهور وكريمة رجعت لحياتها طبيعي ونحمده رجعت زي الاول مع طارق وراح محمد في يوم المستشفي ل كريمة وقال لها

عاملة اية النهاردة

كريمة

زي امبارح ما فيش جديد

محمد

طيب مش جه الوقت يكون في جديد

كريمة

عيش حياتك يا محمد مع واحدة غيري انا عندي تلت عيال ومش هقدر اوفق بينك وبينهم. هظلمك معايا

محمد

انا معاكي راضي اكون بعد عيالك بس مش هرضي اعيش من غيرك

كريمة

محمد بالله عليك ما تصعبهاش عليه انا حتي لو رضيت اتجوزك عيالي مش، ،،،،،،

سكتت لما شافت عيالها الثلاثة داخلين عليها وواقفين وراء محمد وقالت عفاف

احنا موافقين

كريمة ابتسمت وقالت

اة دة انتو عمالين عليه رباطية بقي

محمد

بالظبط كدة هه. هتتجوزيني بالذوق ولا اخليها عركة

كريمة ضحكت من قلبها ودموع الفرحة نزلت من عيونها.  وما بقتش ارملة رجل حي، ،،،،،،،،

كلكم معزومين علي الفرح بس لما تعلقو ليا الاول. وتوتا توتا خلصت الحدوته يارب تكون حلوة. وعجبتكم.

واستنوني قريب وحكاية جديدة. بعنوان

كعموشا 

مرض بيجي لواحد في المليون ولما بيجي ملهوش علاج الا. كعموشا

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺