نسايم حب الفصل الاول والثاني بقلم جيجي حصريه وجديده على مدونة النجم المتوهج

 نسايم حب الفصل الاول والثاني بقلم جيجي حصريه وجديده على مدونة النجم المتوهج 

نسايم حب الفصل الاول والثاني بقلم جيجي حصريه وجديده

الاول بدون لينكات الغفير.. الحق يا جناب البيه.. فى حريقه فى الزريبه اللى ٠انت رابط الست نسايم فيها... والنار ماسكه فيها من كل مكان و احنا خايفين ما ندخل نفكها..

صخر بغضب.. بتقول ايه الله يخرب بيتك مافكتهاش ليه مستنى اذنى غور حلها..  

صابر.. .. يا بيه احنا خايفين من النار مش منيك انت.. قصدى خايفين منك ومن النار.. مشعلقه قوى.. 

صخر جرى على الاسطبل وكانت النار شاعله فيه.. خبط الباب برجلو كسرو... ودخل وبقى يكح وينادى عليها ويقول..

نسايم... نسايم انتى يا بت..  

بس قطع كلامه لما شافها مرميه على الارض... بنت فى ال ١٩ بملامح جميله جدا.. لابسه فستان فضفاض وشعرها اسود وطويل وطرحتها السوده محطوطه عليه... قرب منها... وقلع العبايه بتاعتو ولبسهالها... وشالها ومشى بيها وطلع على السرايا.. وحطها على الكنبه وجاب ميه بس لقاها قعدت على الكنبه ورفعت حواجبها...

 اتنهد بضيق وقال.... انتى فايقه.. امال ما قومتيش ليه من هناك.. ولا مستنيه النار تاكلك وتريحنا.. ما نفعكش الهروب بتجربى الانتحار.. 

نسايم.. ما انت ماسيبش حد يرتاح.. وطلعتنى من وسط النار.. 

صخر بغضب.. انتى اللى ولعتى النار صح... ما هو ما كنش في غيرك هناك... انتى ولعتى النار فى الزريبه وانتى جوه ..

نسايم.. اه وهعمل كده فى كل مره تحبسنى فيها يا صخر افندى.. 

صخر.. هتموتى روحك يا مجنونه... 

نسايم بدلع.. تؤ عارفه انك هتطلعنى..   انا ولعت بعيد منى عند الباب بس عشان تطلعونى من هناك... ما نهونش يا ولا

صخر..  وافرض كنت سبتك ولعتى.. وماطلعتكش..

نسايم بثقه... ما تقدرش.. 

صخر بضيق... الرحمه يا صاحب الرحمه.

جات سلوى ست فى الخمسين وقالت بخبث... براحه على البنيه وشعرها... حكم البنات يموتو فى شعرهم... ويبكو ٣ ليالى لو وقعو منو شعرايتين بس..

صخر بصلها بعدم فهم لانو ما كانش ماسك شعرها وهز دماغه بمعنى ايه عايزه..  نسايم مسكت فى دراعو بدلع وقالت.. 

حماتى تقصد  تقولك تطلعى شعرى فى يدك.. تنحلنى او تقصو يعنى كعقاب ليا.. عشان اتئدب.. 

وحطت ايدها على صدرو وقالت.. بقولك ايه ما تيجى نروح اوضتنا وتعمل بتعاقبنى.. وبينى وبينك تدلعنى.. 

وغمزتلو. وصخر كان بيبصلها بذهول لحد ما فلتت ايدو.. وطلعت جرى على فوق.. بصلها بضيق وطلع جرى يلحقها بس كانت دخلت الاوضه وقفلت الباب.. خبط الباب برجلو وقال بزعيق..

افتحى يا بت انتى.. هكسرو على دماغك. افتحى.

نسايم.. ها ها انسى.. انت لو مكانى تفتح بس جاوب بصراحه..

صخر بغيظ منها.. لا اتخبى كويس لانى لو مسكتك.. هفسحك.. هفسحك بالجامد يعنى.  

نسايم.. شوفت خلاص خبط للصبح بقى.. 

وقعدت على السرير وبقت تبص للمكان بضيق وهو كان لسه بيحاول يفتح الباب ضحكت وقالت..

يلا خلاص ايئس بقى.. هتلم البيت عليك ويقولو حبستو وماعرفش يدخلها.. بلاش فضايح وبطل هبد... هيبقى شكلك خيخه قوى.. 

صخر بقى يخبط اكتر بغيظ وقال...

ماشى ودينى لاوريكى.. 

بس جات بنت فى العشرين وقالت.. كيفك يا صخر.. 

صخر.. مرحب يا صفيه خير 

صفيه.. هى العروسه حبساك ولا ايه ما انى قولتلك سيبك منها دى ما ريداكش انت نشفت راسك.. دى رايده واحد تانى..

صخر.. انتى بتقولى ايه.. ايه الكلام ده..  

صفيه..  اه امال ايه اللى يخلى بت شيخ البلد تهرب من عريسها ليلة الفرح.. لا ومش اى عريس ده عمده ولد عمده انت ولى العهد وهتبقى العمده من بعد ابوك.. .  

وحطت ايدها على صدره وقالت بدلا.. 

ده غير انك دنجوان الصعيد والبنته كلهم هيموتو روحهم عليك ..

نسايم فتحت الباب وكانت لابسه روب ستان اسود وفارده شعرها الطويل وقالت...

استنى يا ابليس هنصرفها والله.. يا ود اعقل مش كده.. شوفتى ابليس استعاذ بالله منك وهرب.. قال دى بتعرف للشغله اكتر منى.. انا ما حبستوش.. انا بس كنت بجهز نفسى لجوزى.. 

وبصت لصخر وقالت بدلع..  كده تقدر تدخل يا سومي... 

صخر.. مسكها من ايدها وزقها فى الاوضه بغضب قالت بدلع..

 يوه حيلمك علينا  براحه... كفايه علينا النظره الدباحه.. 

واحتدت ملامحها وقالت.. 

انت بتستهبل.. ولا انت اساسا اهبل.. ولا ايه نظامك... ملقتش سكه مع نسايم.. لايف على البهايم...

صخر.... هربتى منى ليه.. مين اللى بتحبيه ها مين الى هربتى لجل تروحيلو انطقى... انا لسه صابر عليكى ومعاوزش اخلص عليكى ورتاح..... بقول يمكن تتكلمى..

نسايم بزهق... ما فيش حد انا هربت منك انت مش عشان حد..

صخر.. لا والله صدقت انا.. انا اترفض واترفض ليه كمان 

انا ولد العمده... وهبقى العمده بعد ابوى.. انتى مين عشان ترفضينى.. انا كل البنته قاتلين روحهم لجل ينولو شرف ليله فى حضنى بس.. وانتى اكتب كتابك تهربى منى.

نسايم ضحكت جامد وقالت.. واخد قلم جامد فى روحك انت اموت واعرف مين اللى ضاحك عليك وقايلك انك جامد ومطلوب.. ده انت شبه فردة الشبشب المقلوب..

صخر... بقى كده.. طيب انا هعرف اخليكى تتكلمى كيف.

 ومسكها حدفها فى البلكونه.... وقفل الباب وقال..

اما تتجمدى عندك هتعرفى ان الله حق وتعرفى قيمتى .. 

نسايم قعدت على الارض وضمت رجليها لانها متاكده انو مش هيفتحلها الباب مهما طلبت.. وقالت بيأس...

 الله يسامحك يا ابوى انت اللى رخصتنى..وعلى راى المثل.. ان رخصوك اهلك.. وان غلوك اهلك.. ربنا يسامحك بقى عشان انا مش هسامحك...

 وفضلت مكانها والجو كان بارد جدا.. عند صخر كان قاعد وبيفكر.. فلاش بالك..

كان  فراحان وبيرقص بالعصايه على حصانه وجيه اخوه وهمسلو... نزل بصدمه وراح المنضره وقال بغضب.. 

 هربت كيف.. وليه !!

ابوها.. معارفش يا صخر.. اهى هربت وخلاص احنا هنلاقيها ونغسل عارنا.. هنقتلها بيدنا... لما نلاقيها..

صخر.. كانت عارك..  قبل ما اكتب كتابى عليها دلوك بقت مرتى وانا اللى هلاقيها.... وسعيتها هعرف زين كيف اربيها واغسل العار زين... كملو رقص كان ما فيش حاجه لحد ما اجيبها وارجع.. 

وركب عربيته وكان سايق بسرعه.. وطلعت قدامه نسايم بفستانها الابيض الجميل.. وقفت قدام عربيته وقالت..

 معلش وصلنى اول الطريق انا تايهه.. هربت من ناسى هيجوزونى واحد مجنون... شكلك ولد ناس ومروتك ما تقبلش تسيب بنيه جميله زى فى الليل كده...  

صخر بخبث... اركبى طبعا نوصلك...

نسايم..  تسلم يا رب يخليك... 

وركبت جمبو بفرحه وفضلت تقول بضحك.. 

اموت واشوف وش الدغوف جوزى.. اما يقول هاتو مرتى.  

ويطلع ومايلاقينيش... هوهو هيبقى مسخره.. بس احسن عشان ما يستغلش صلطتو ويتقدم كدا بالثقه دى.. 

 بس اتفاجات لما وقف عربيته قدام بيت اهلها من الباب الورانى... لسه هتتكلم.. قال بضيق.. 

اش هلف اهيص معاهم حبه... وارجع اخدك من الباب الرئيسى قدام الناس.. وهنتكلم بعدين... انزلى..  

نسايم بتوتر.. هو. هو انت...

بس صخر قاطعها وقال بغضب مكبوت

.. الدغوف..  اللى هربتى منو وكنتى هتعمليه مضحكه...  انزلى...

نسايم نزلت وجيه ابوها ومسكها من شعرها وقال..

هربتى يا واطيه عايزه تعرينا...

بس صخر شدها منو وخباها وراه وقال..  

لسه ما تخلقش اللى يمد يده على مرت صخر الجبالى انت معاوزهاش انا عاوزها.. دى مرتى وعلى اسمى.. هتطلع وانا هاجى اخدها بلاش فضايح.. 

ابوها.. خدها هى ما تلزمنيش.. انا اصلا بتى ماتت..

نسايم طلعت من ورا صخر وجريت بسرعه على. البيت فاق من شروده على صوت خبط على الباب.. راح فتح الباب.. وكانت امه.. قال...

 خير ياما في ايه..

ادتلو مقص وقالت.. ده مقص.. قص شعرها البنات بتموت على شعرها.. اختك اما كانت يقعو منها شعرايتين كانت تاخد اليوم تبكى...

صخر.. يا اما اختي مجنونه مش كل البنات زيها.. 

سلوى..  زيها.. زيها.. اسمع منى اول ما تقصلها حته منو بس.. هتقول  كل حاجه وهتقولك اللي كانت هتهرب وياها مين.. وهمتلك ليله الفرح انت وابوها عشان تروح لحضنو..

صخر اخد منها المقص وقال.. حاضر يا اما روحي نامى.  

سلوى.. بس قصهولها جامد من فوق كده من عند رقبتها.

صخر..  حاضر ياما هقصو من فوق.. 

ودخل بضيق وقفل الباب وقعد على السرير ونام.. في صباح جديد.. قام من النوم وفتح باب البلكونه وهو بيقول 

يلا فزى... انزلى اعمليلي كوبايه طفح اشربها... 

بس نسايم كانت مرميه على الارض وما قامتش. هزها برجلو وقال.. 

 انتى يا زفت.. بت.. قومي اعمليلي كوبايه شاي... انتى يا بنت... 

ونزل لمستواها بخوف وبقى يحاول يقومها وكان جسمها بارد زي قطعه الثلج وبتترعش... وكانت هدومها  مبلوله.. والارض حواليها مليانه ميه..

 ٢... نسايم كانت مرميه على الارض وما قامتش. هزها برجلو وقال.. 

 انتى يا زفت.. بت.. قومي اعمليلي كوبايه شاي... انتى يا بنت... 

ونزل لمستواها بخوف وبقى يحاول يقومها وكان جسمها بارد زي قطعه الثلج وبتترعش... وكانت هدومها  مبلوله.. والارض حواليها مليانه ميه.. شالها ودخل بيها الاوضه وقال.. 

هى مطرت ولا ايه انا ما شوفتهاش.. يارب.. بت يا نسايم

وحطها على السرير وبقى يفرك ايديها ورجليها بس كله كان من غير فايده.. جري بسرعه جاب عبايه وطرحه وغير لها هدومها.. وبقى يفرك ايديها ورجليها بخوف واضح وبقى يجيب غطى كتير ويغطيها..  واتصل برقم وقال بسرعه..

 ايوه يا عبده الحقنى تعال اوضتى بسرعه...  البت بتترعش ومش بتقوم.. بقالي.. ساعه بحاول اقوم فيها مش راضيه وعماله تترعش وبتقول كلام غريب..

 اه حرارتها طالعه... ولا نازله انا مش عارف هي جسمها كيف حتت التلج.. هو انت هتكتبلي الدوا على التلفون ما تخلص يلا..

وقفل الفون وبقى يحاول يقومها.. وحضنها وبقى يمشى ايدو على درعاتها بسرعه ويقول...

طب قومي وانا ما هعملش حاجه تانى.. حقك عليا.. انا اسف.. انتى اللى اضطرتينى لكده.. نسايم اوعى تعمليها وتسيبينى... يمين بالله اروح وراكى... لا حول ولا قوه الا بالله.. 

بس الباي خبط.. راح فتح الباب  وقال.. ادخل ادخل تعالى..

عبده..  بسم الله الرحمن الرحيم انت عملت فيها ايه.. دى شكلها نزلت برد.. 

صخر.. على فكره باين ان هي بردانه من كل البطاطين اللى محطوطه عليها.. شوفها ليه مش راضيه تقوم.. 

عبده.. البرد دخل فى بطنها لازم تتدفى.. خليهم يعملوا لها شوربه سخنه وتشربها وانا هكتب لها على دوا هيظبط الدنيا.. 

صخر بحزن... انا شغلتلها الدفايه... والاوضه بقت جهنم  والبنت مش راضيه تقوم....

عبده.. انا اخوك قولى عملت فيها ايه.. 

صخر.. حبستها فى البلكونه.. والدنيا مطرت امبارح.. مطرت عليها للصبح...

عبده..  وانت قاعد.

صخر..  كنت نايم ما شفتهاش..

عبده بسخريه..  كنت نايم...  خلاص اكتم بقى راح انزل اجيبلها العلاج من تحت وانت خليهم   يعملوا لها شوربه وانا هجيب الدوا بسرعه واجى.. 

صخر نزل تحت عند امه وقال.....

 عايز شوربه بس بسرعه.. انا مستعجل قوى..

سلوى... وانا هعملك ليه خلي السنيوره بتاعتك تنزل تعملها ولا على رجليها نقش الحنه...

صخر.. لا السنيوره بتاعتي بيتها في البلكونه ومطرت عليها وهي فضلت في البلكونه لحد ما ناخت ميه...

سلوى بفرحه.. ماتت.. 

صخر بضيق.... يا اما هو انا ناقص لو ماتت هقولك تعملى الشوربه ليه... هوزعها على روحها.. ولا هغسلها بيها... ما انا عايز الشوربه ليها... هشربهالها عشان تدفى...

سلوى..  لا ما عامللهاش حاجه... كمان اللى نقص نخدم عليها مش كفايه احنا روحنا ناخد من العيله دي..

صخر.. يوه.. خلاص هعمل انا ياما.. 

وراح المطبخ وبقى يحاول يعمل شوربه وبعد شويه طلع فوق.. واخد الدوا من عبده.. وقعد جمبها على السرير وكانت صحيت وقال.. 

  اسم الله عليكى.. اشربى.. 

وبيقى يشربها.. بس نسايم قالت بقرف...

 ايه ده.. ايه ده... ياع حسبي الله ونعم الوكيل فيكم..

صخر.. ايه مالها الشوربه بتحسبني ليه...

نسايم.. هي دي شوربه.. دي شربه.. شربت خروع.. اسكت بقى... قومني انا عايزه..

صخر.. عايزه ايه !! 

نسايم. ابوي... انا عايزه ابوي.. .

صخر بضيق..  لاه ما هو انتى الحمد لله ما خليتيش ليكى اب من ساعه ما هربتي يوم الفرح... وكنتى هتحطي راسنا كلنا في الارض.. وما فكرتيش فينا... خسرتى ابوكى وناسك واهلك عشان واحد ما سالش حتى  عليكى  ازا   موتوى وانتى بتحاولي تروحيله.. ولا لساكى عايشه... 

نسايم...  انت شايف ان ده وقته...

صخر بغضب.. اه وقتو..  هربتى ليه.. لو مش عشان واحد هربتى ليه...

نسايم..  عشان ما اخدكش.. بقالى شهر  وانا بقولك نفس الكلام ده.. اوف زهقت منك.. كفايه البتاعه اللى بطفحها دى مطبوخه على ايه.. الا تكون امك حطالى سم فيها..  امال عملالى ليه شوربه... بس حتى البهايم بيعشوها قبل ما يفدو بيها ... الا تكونو  عزمتو تخلصو عليا...

صخر.. لا متخافيش.. امى ما عملتش حاجه.. انا اللى عملتها هى ما رضيتش تعملك حاجه..  

نسايم.. قولتلى هو انت طبختها على ايه طعمها غريب.. 

على ايه ازاى.. .

نسايم ... فراخ ولا بط يعنى انطبخت على ايه.. 

صخر... هو لازم الحجات دى انا عملتها من غير لحم.. يعنى ميه وبصل وطماطم وبهارات وخضار....

نسايم.. بقى عاملى شوربه من غير لحم.. طب فين الشوربه كده.. بخيل بخل يا ساتر...

صخر بسرعه.. لا مش بخل والله بس انا اول مره اعمل طبخ اصلا ما بدخلش المطبخ من قبل.. روحت عملتها عشانك.. واصلا كنت خايف عليكى.. انا غيرتلك بسرعه وجبتك  الواد عبده اخوى هو حكيم.. ونزلت عملت شوربه كلو جيه فى بعضو.. كنت عايز الحقك بس...

نسايم.. بمشاكسه... خوفت عليا.. 

صخر بتوتر..  لا بس عشان ما تموتيش بسببى انتى بردك روح...

نسايم.. لحظه بس عيد..  انت قولت ايه.. انت غيرتلى تصدق انك قليل الادب بس ذكى بتنتهز الفرص...   

صخر.. ده مدح ولا زم يعنى...

نسايم.. الاتنين.. قليل ادب عشان غيرتلى وانا مش حاسه من غير ما تسالنى... وذكى لان جاتلك فرصه حلوه وانت انتهزتها.. الذكى عمره ما يضيع فرصه من ايدو... بادر الفرصه واحذر فواتها فبلوغ العز في نيل الفرص...

صخر..  مين قالك انك فرصه ان شاء الله... ايه الفرصه في القرب منك يعني...

نسايم بغرور..  طبعا انا حلوه وقموره. والقرب مني فرصه.. اى حد يتمناها..

صخر...  مين قلك انك فرص... انتى اصلا ما تدخليش ذمتي ب 3 جنيه.. 

نسايم.. ولما انا ما دخلش ذمتك جيت اتجوزتنى ليه. 

صخر.. عادي عشان ابويا كان عايز يجوزنى.. قولتلهم هتجوز مين قالى انا هنجوزك بنت شيخ البلد حلوه وجميله وبنت ناس... كنا فاكرينك متربيه... انتى لو كنتى    جيتي قلتلي انك مش عايزاني.. كنت مستحيل اقبلك على نفسي ولا افرض نفسي عليكى.... بس انتى اللى استفزتيني وهربتي...

نسايم غمزت وقالت..  سيبك بس انت احنا شكلنا هنحن ولا ايه... انا امبارح كنت حاسه حبه يعني وانت قاعد عمال تفرك في ادايا وفي رجليا وتحضنى.. حتى كنت بتفرك رجلي امك لو شافتك كانت نفختك.. 

صخر..  لا يا ختى مش هحن بس انتى روح ما اقدرش اروح بذمبك...

نسايم.. روح بردك ولا حاجه تانيه..

صخر بتوتر... حاجه تانيه زي ايه..

نسايم.. زى  اللي في عيونك دلوقتي.. عنيك بتقول انك   عاشق ومشتاق.. وكاويا قلبك نار الاشواق... زعلت على الحبيبه لما حسيت انها هترح.. وحسيت انك زعلان وروحك وراها بتروح...

صخر.. ايه بتقولى انتى... ٠قولتلك ما قدرش اروح بذمبك..  

نسايم.. ماشى هعمل مصدقاك...  بالك انت انا لو كنت عارفه انك مز كده ما كنتش هربت منيك.. 

صخر..  في ايه يا بنت انتى السخونيه هبت في النفوخ ولا ايه..

نسايم.. لا بجد والله قمور.. طول بعرض هيبه الصراحه..

صخر... وانتى كنتى بتهربى ليه قبل ما تشوفيني اصلا..

نسايم..  انا من وانا صغيره كنت منحوسه حظى في كل حاجه وحش... وقولت مجاتش على دى يعنى... واصلا  كنت سامعه عنك كلام كده..

صخر... خير ان شاء الله...

نسايم.. قولو انك قاسى.. وان طبعك حامي وانك ممشي الناس على الساعه.. وان ما فيش في قلبك رحمه وانا اللي بتديله قلم ما بينفعش تاني..  بس نسيو يقولو انك حلو اه والله هيبه  كده فى نفسك.. 

صخر بحرج.. طب بس يا بنت انتى والله العظيم اخبطك اجيب اجلك... اكتمى..

نسايم...  بقولك ايه خط يدك ورايا ودخلني في حضنك تاني زي امبارح كنت دفيانا قوي.. 

صخر... والله العظيم انتى السخونيه فطت فى مخك..

نسايم دخلت بين اديه وقالت.. كداب انا ما عنديش مخ اصلا.. ياه صدق اللى قالو  الشتويه عايزه حبيب... وكوبايه سحلب فيها زبيب...

صخر شدها ليه اكتر وبقى يمشى ايدو على شعرها.. 

وسلوى كانت واقفه عند  الباب تشوف ايه اللي بيحصل جوه.. واتنهدت بضيق لما شافتهم نايمين سوا 

اوبا هتسكت يا ترى .. هنشوف فى اللى جاى تفاعل يا جدعان 🥰