يوميات خالتي مبسوطه بقلم جيجي حصريه وجديده على مدونة النجم المتوهج

يوميات خالتي مبسوطه بقلم جيجي حصريه وجديده على مدونة النجم المتوهج 

يوميات خالتي مبسوطه بقلم جيجي حصريه وجديده 

 سعيده بأستغراب.. ايه ده انتى لابسه كدا ليه يا خالتى مبسوطه انتى خارجه ولا ايه.. 

مبسوطه... اه رايحه المدرسه جانى دعوه لزياره المدرسه.. دعوه رسميه لهناك.. تقدرى تقولى كدا استدعاء..

سعيده... استدعاء.. استدعاء ايه يا خالتى اللى هيجيلك من المدرسه.. انتى عندك عيال يا خالتي في المدرسه عملوا مشاكل من ورايا..

مبسوطه... لا يا ازكى اخواتك.. بس فى مدرسه هناك انا ما اعرفش عايزاني ليه... بس هى بعتتلي استدعاء وقالتلي عايزاكي ضروري... ضروري... هروح اشوفها بقى مضطره يعني هعمل ايه... عيب اقولها لأ ورفض دعوتها...

سعيده.. اه عندك حق عيب جدا طب خديني معاكي يا خالتى..  

مبسوطه.. اخدك معايا فين يا اللي اخدك ربنا.. هو انا رايحه المراجيح يا بت.. 

سعيده... لا عارفه انك مش رايحه المراجيح.. بس خدينى معاكى المدرسه يا خالتي... يمكن يعنى علا وعسى.. اشقطلى طالب من هناك ولا حاجه... 

مبسوطه... هتشقطي طالب من هناك ازاى.. يا فالحه والمدرسه ابتدائي يا سعيده... 

سعيده.. ايه ده جد... طب خلاص يا خالتي مبسوطه.. خدينى معاكى برضو يمكن اصطادلى استاذ من هناك.. او يكون في مدير مثلا...

مبسوطه.. ايه.. يا لهور مدير يا بنت.. ده المديرين بيبقوا معدين الخمسين... وداخلين على الستين.. بيبقوا قربوا يطلعوا على المعاش خلاص..  هتعملى بيه ايه يا مسروعه انتى ...

سعيده... مش مهم يا خالتي 50 60 هو حد لاقي.. طب والله لو جه سبعين سنه حتى انا راضيه.. انا عندى قناعه.

مبسوطه.. قناعه.. انتى عندك مجاعه.. مجاعه للعرسان.. روحي البسي يا سعيده هاخدك معايا وامرى لله... بس لو عملتي حاجه هناك...

سعيده... خلاص يا خالتي مش هعمل حاجه هو انا عيله.. لا مستحيل  اعمل حاجه ما تقلقيش.. 

ودخلت سعيده ولبست وراحو سوا على المدرسه واتقدمت عليهم بلهفه مدرسه شابه وقالت...

 السلام عليكم يا خاله مبسوطه.. اهلا وسهلا بيكى..  اتفضلي يا خاله.. نورتينا اتفضلى..

مبسوطه..  اهلا يا حبيبتي انا وصلنى منكم دعوه رسميه لزيارة المدرسه.. 

المدرسه... صح انا اللى بعتها... انا  نرمين مدرسه جديده في المدرسه دي..

وقعدو فى مكتب المدرسات

مبسوطه.. مبروك عليكى شغلك الجديد. 

نرمين.... الله يبارك فيكى... انا كنت فى مكان تانى.... بس لما اتجوزت هنا نقلت شغلي عند جوزى هنا .. وبصراحه كده.. انا جايباكي عشان اشتكي لك من حماتي...  انا مش عارفه اذا هتفهميني او لا... بس انا ما عنديش غيرك يحللى مشكلتى...

مبسوطه... طب يا حببتى كنتى جيتى عندى البيت.. وشربنا القهوه.. البت سعيده بتعمل قهوه تظبط الدماغ.. نشربها وتحكيلى.. بدال للدعوات دى...

نرمين.. لا لازم حضرتك تيجى بنفسك... لان اللي انا هشتكي لك منه انتى لازم تشميه بمناخيرك..

مبسوطه بستغراب... ايه ده.. هو انا اسمع تشوفيه بعينك تسمعى بودانك.. انما تشمي بمناخيرك دي جديده...

نرمين..  دي المصيبه يا خالتي مبسوطه.. المشكله مش انها حماتي متحكمه وانها متسلطه في البيت..  لا بالعكس هى ما ليش اختلاط بيها انا ساكنه مع جوزى لوحدنا.. بس هى  اذتني في شغلي.. هى المديره هنا...

سعيده بيأس.. هو المدير اللى هنا.. طلع واحده ست.. حماتك يعنى...

نرمين.. اه حماتى  وودتني فصل تالته رابع... ومش راضيه تنقلنى منه نهائى...

مبسوطه... يا سلام.. طب وفيها ايه يعنى اما توديكى تالته رابع... مش فاهمه...

نرمين..... ما هو انا كنت زيك كده مش فاهمه... لما نقلوني ودبيت على صدرى كدا وقلت  انا امسك اي فصل بعون الله امشيه على حد السيف... بس طلعه فيه تامر وشوقيه..

سعيده... ايه . استاذه مي كساب هناك..  الله انا كنت بحب المسلسل ده قوي... خلينا نروح نسلم عليها يلا.. 

نرمين...  لا ايه اللى هيجيب مدام مى هنا.. دول طلال توئم عندى... مامتهم اصلها كانت بتسمع المسلسل وجاتلها حالة الولاده...  فسمتهم كدا... 

مبسوطه... ايوه عايزه ايه دلوقتي يعني مننا... 

نرمين.. هقولك...  وانا مبسوطه وفرحانه كنت ماشيه في المدرسه.. وبسلم  على المدرسين زمايلى الجدد... وجات المديرة اللى هى حماتى وقالت...

 يلا اتفضلي على الفصل بتاعك... وانا روحت على الفصل وكلي طاقه واستعداد واللي شفته يا ريتني ما شفته..اللى حصل....

دخلت من الفصل وشمت ريحه مقززه ومش لطيفه خالص... 

نرمين... ايه الريحه دى... يا ولاد ليه كده.. افتحوا الشبابيك بسرعه يلا... هو الفصل...لتفطسو.. انا تخنقت...

واحد من الطلاب.... دي ريحه تامر وشوقيه يا ابله.. انتى بس عشان جديده بكره تتعودى عليها... 

نرمين... ايه.. مين دول يعنى !!

الطالب... شاور على ولد وبنت قاعدين فى نفس الديسك وقال....  الاتنين دول توام.

نرمين بصت على الولد والبنت وكانو منكوشين وشعرهم مش مترتب خالص وهدومهم متبهدله... قالت.. 

ازيك يا تامر دي اختك شوقيه انتو توام... ليه قاعدين جمب بعض.. مش الاولاد بيقعدو جمب بعض.. والبنات سوا.. 

تامر... اه احنا توام فيها حاجه دى !!.. بعدين هم مش عايزينا نقعد جمبهم اصلا.. ولا احنا عاوزينهم.. احنا كدا فل... 

نرمين.... لا ليه يا حلوين.. 

طالب.. انتى مش شامه يا ابله.. 

نرمين.. عيب كدا يا ولاد.. وانتو كمان يا ابني هدومكم متبهدله كده ليه.  ليه مش مرتبين نفسكم ... وليه مش مظبطين شعركم.. ايه المنظر ده ليه كدا...  ازاى نزلتو من بيتكم بالشكل دا !!

تامر... مالو شكلنا يعنى  يا ابله... هو احنا جايين نتعلم ولا جايين نتعايق.. 

نرمين.... تتعايقو انت جبت الكلام ده منين.. لازم تترتبو تبقو زى باقى الاولاد... ما علينا ركزوا معايا هشرحلكم الدرس وامري لله يلا طلعو الكتب والكشاكيل...

وبقت تكتب الدرس على السبوره وتشرح بس سمعت صوت شوقيه بتقول.. 

 بس بقى  يا عم... اقطم اقسم بالله هديك بالبونيه في وشك..

نرمين بضيق... اش الصوت انتى وهو.. مش انا بشرح.. 

شوقيه... ده تامر يا ابله مش عايز يقعد ساكت وعمال ياخد مني القلم مش مخليني اركز في الكلام اللي انتى بتقوليه ولا حتى اكتب وراكي... 

نرمين..  ليه يا تامر مالك بأختك.. بتاخد القلم منها ليه !!

تامر.. ما فيش انا بس بلعب معاها لعبه الجون.

نرمين.... جون ايه  !!

تامر.. بنجيب  الورقه نقطعها كدا من الكراسه... ونرسم جون من هنا وجون من هنا... ونخرمها نخرمها بالقلم فى النص ونفضل نعدي القلم من تحت واللى يوصل لجون التانى من غير ما سن القلم يعدى فى الفتح... يبقى فاز.

نرمين بغضب..  ايه الهبل ده.. مش انا بشرح الدرس... ليه بتلعبو... ازاي تلعبو وانا بشرح.... لما اخلص انا شرح تبقو تلعبوا... ازا عملت كدا تانى يا تامر هوديك للمديره المكتب ونعمل لك استدعاء ولى امر..  يلا بص قدامك...

نرمين.. وبالعافيه خلصت شرح الحصه وشوقيه صعبت عليا لان شعرها كان منكوش هى بس من وسط البنات اللي كان شعرهم جميل جدا ومترتب بطريقه حلوه.. قولتلها خدي تعالي يا شوقيه  هاتى التوكه بتاعتك انا اعمل لك شعرك.. قولت المهولها.. والله العظيم يا خالتي مبسوطه انا مستحملتش ريحته ولا ملمسو بيلزق.. يمكن حرام اقول كدا بس دا اللى حصل... 

سبت البنت تطلع الاستراحه... وروحت على مكتب المديره وقلت...

 صباح الخير يا حماتي...

صفاء...  انا هنا المدير... مديره صفاء العيسوي.. حماتى دي ما تقوليهاش هنا نهائى... قوليها هناك عند محمود جوزك.

نرمين... تمام يا حضره المديره.. لو سمحتي... انا بطالب بنقلي من الفصل ده بسرعه...

صفاء...  ليه عشان ايه بتطالبي بنقلك... 

نرمين... معلش لو سمحتي الفصل ده ريحته وحشه قوي والعيال اللى فيه مش منظمين خالص... وما فيش انضباط نهائي...  وحتى كل المدرسين اللي راحوا هناك هربوا منهم على طول... ما فيش ولا مدرس واحد راضي يستقر هناك بسبب ريحت الطلاب... خصوصى يعنى تامر وشوقيه دى...  تخيلى بيلبسوا الجزم من غير شرابات.. خصوصا بعد الظهر في الحر حضرتك... بتبقى الريحه لا تطاق... 

صفاء بحزم...  الدوله جايباكي وبتدفعلك فلوس علشان تشرحي الاولاد باي وضع... مش هنسيب الاولاد من غير شرح علشان ريحتهم وحشه.... كلكم المفروض تروحوا تكملوا شرح للاولاد باى وضع... وشغلك تعمليه على اكمل وجه...يلا تفضلي من هنا... يلا على فصلك بلاش دلع احنا مش جاين نختار... 

نرمين رجعت تانى يوم على امل انهم غيرو حاجه لما نصحتهم ودخلت الفصل وكانو بنفس المنظر...

 اتنهدت بيأس وقالت.... شوفو يا اولاد يا حلوين... خلينا نتكلم شويه عن النظافه قبل ما نبدا الحصه بتاعتنا.. لازم نعمل شويه حاجات كده روتينيه قبل ما نيجي يعني مثلا عايزين نصحى من النوم ننضف وشنا كويس ورجلينا كويس ونتوضا ونصلي الصبح.. تاني حاجه عايزين نغير كل الهدوم بتاعتنا دي ونلبس هدوم تانيه خالص غير الهدوم اللي تحت البدله بتاعه المدرسه دى... وحتى الزى المد،سى يا شباب نغيرو نغسلها وتلبسوها تانى ما فيش مشكله.. اه ونلبس شراب تحت الشوز بتاعتنا.. ليه بقى علشان الريحه ما تقلبش مصارينا كدا تمام.. ويا ريت كمان لو البنات تلم شعرها بتوكه كده علشان ما يبقاش معنكش 

 ... والاولاد تحلق شعرها حلاقه ظريفه تليق بطلاب مدارس... وكمان نقص ضوافرنا علشان ما تجيب لناش امراض...

واحد من الطلاب.... انا بعمل كده يا ابله ماما بتخليلي هدوم مع البدله.. طقم البدله بالهدوم اللي تحته... ولما نروح نقلعهم ونلبس هدوم تانيه خالص للبيت.. وفى هدوم خاصه للمشوار.. عشان المشوار ليه هدومه.. والمدرسه ليها هدومها والبيت ليه هدومه.. 

نرمين... شاطر يا حبيبي كلنا عايزين نعمل زيو كدا..

تامر... انا مش هعمل زيو مستحيل اصلا...

نرمين... وما تعملش زيو  ليه بقى ان شاء الله ما لو مش عاجبك....

تامر.. انا اقولك انا بروح البيت بعد اذان الظهر..

 بقوم قالع المريله اللي من فوق وبكون لابس هدوم البيت تحت الطقم.. بقعد زى ما انا  بالليل بقى لما اجي انام ببدل البس هدوم المدرسه وفوق منها هدوم البيت..

نرمين بذهول...  ايه القرف والتلزيق ده.. ده عرق وتلزيق سمعت ليه بتعمل العك ده... !!

شوقيه...  ما هو احنا يا ابله بنصحى متاخر.. ليه بقى عشان كمان بنام متاخر. فى بتبقى صعبه لو صحينا متاخر وكنا لسه هنلبس وكدا...   على ما عملنا كدا يكون الطابور خلص ومش هيدخلونا المدرسه اصلا....  انا كمان بنام ببدلتي عشان ابقى جاهز كده لما اصحى...  

نرمين.. يا لهوي ما ينفعش كده.. ما ينفعش تعمله كده نحاول نصحى بدري ونظبط منبه... نقوم نتنضف ونتوضا ونصلى الفجر ونقر شويه قران وكدا... لحد الساعه ٦ نفطر ونلبس براحتنا ونمشى على المدرسه براحتنا...  

تامر.. انتى عوزانا نقوم الفجر من تحت البطانيه.. فى السقعه دى... لطلب للعم ابو العلم للى اخترعوه... 

نرمين يعنى ما فيش فايده فيكم.. 

تامر... ما تحاوليش ... كان غيرك اشطر.. 

نرمين... كدا ماشى..

مبسوطه... طب خلاص نهدى بقى.. تعالى ورينى هما فين.. انا هحلها..

سعيده... فعلا خالتى بعون الله تحل اى مشكله غير مشكلتى انا بس بتقف فى زورها... الباقى كلو بتحلو... 

نرمين... اتفضلو معايا... 

وراحو على الفصل ومبسوطه بصتلهم بشمئزاز.. وقالت... 

انت يا سيد تامر افندى.. مامتك فين... هى عايشه معاكم..

تامر بسخريه..  لا هي مسافره وبابا عامل حفله.. بس ماما رجعت على غفله..

مبسوطه..  ايه دا يعنى !!

نرمين.. بيقلش يا خالتي مبسوطه... هو كده على طول قليل ادب ومافيش اخلاق خالص...

مبسوطه..  اقعد يا ولد بلاش غلاسه.... قومي انتى يا شوقيه ايه يا بنتي اللي انتى عاملاه في شكلك ده انتى عندك اكتئاب.. ليه شعرك كده... انتى فين مامتك... 

شوقيه...  ماما.. ماما... 

مبسوطه..  ايوه فين ماما !!

شوقيه.. ماما هي امي... وحبها بيجري في دمي.. هي يا في البيت... يا في المطبخ... يا فى الحمام او بتصور...

مبسوطه... ايه ده.. مطبخ ايه فين مامتك الصبح وانتى طالعه من البيت بالمنظر ده... والريحه دي كانت بتعمل ايه وسيباكو كدا... ما شافتكوش.. ايه الاهمال ده.. 

شوقيه.. ماما كانت بتعملنا اللانش بوكس.. وتصورو..

سعيده.. انتى عندك لانش بوكس زى باقى الاطفال   وريني كده... اخيرا هتشبهى الاطفال فى حاجه... 

شوقيه مسكت شنطتها وكانت متوسخه جدا... وطلعت منها لانش بوكس متسخ جدا... وكان في اكل كتير...

 محطوط مع بعضها وشكلها مش نضيف ومنظرها مش حلوه خالص... 

مبسوطه قالت...  ايه ده يا مصبتى ده يجيب تسمم للعيال.. وتلبك معوى نهار اسود..

 تامر.. اتسمم من ده.. ههه دا انا مره لدغتني حيه الحيه  ماتت.. وانا لأ...

مبسوطه ..  اقعد انت ياض.. ابو تقل دمك.. دمك تقيل وما بيضحكش.. 

تامر.. دي نضاره اللى انتى لبساها دى.. دا انا فكرتها اطارات عربيه..

 العيال ضحكوا...

نرمين بصت لمبسوطه بحرج وقالت.... ما فيش احترام خالص يا خالتي مبسوطه نهائي...

مبسوطه....- لا لا لا لا حطولى الشنط على الديسك كدا.. 

بقت تبص للشنط بضيق.. وبصت للشوز بتاعتهم برده كانت متوسخه وشعرهم طالع منه ريحه مقذذه.. سعيده قربت منهم.. وحطت ايدها على مناخيرها وقالت....

 ايف الحقي يا خالتي ريحته شبه ريحة الفسيخ بتاع شم النسيم.. 

مبسوطه... قرفتيني في الفسيخ مش هاكله ٣ سنين لقدام 

سعيده... لا جد والله يا خالتي تعالى حتى شمى هتلاقيه شبه الفسيخ او شبه الملوحه..

مبسوطه..  يا ربي قلت لك هتقعدي ساكته.. وبصت لتامر وشوقيه وقالت... انتم مامتكم عايشه فين.. ها مامتكم فين يلا رد..

تامر.. هو ايه اللي فين مامتنا فين مامتنا هو انتى علقتى يا وليه.. فى البيت هتكون فين يعني...

مبسوطه..  بتعمل ايه في البيت... لما سيباكو كدا..

تامر..  بتعمل لنا اكل عشان لما نروح ناكل..

مبسوطه بصت لنرمين وقالت..  مستواهم في الدراسه ايه... !!

نرمين..  زباله طبعا يا خالت مبسوطه...  دراسة ايه اللي بتسالي عليها هم لو فاضيين يدرسوا كانوا استحموا... ده انا لما بسيب حله الملوخيه برا التلاجه ما بتبقاش ريحتها  كدا هي دي اشكال عيال بتذاكر ولا حتى بتستحمى...

سعيده.. انتم بتصلو يلا.. 

تامر.. ها مين احنا...  

سعيده.. بصتلهم بضيق وقالت بقرف.... مستحيل تكونوا بتصلوا السحنه دي ما يتحطش عليها ميه خمس مرات في اليوم السحنه دي ما شافتش الميه بقا لها خمس سنين... طب بتستحموا يوم الجمعه بتروحو تصلو الجمعه في الجامع انت ما بتردش عليا ليه.. 

تامر..  اصل ماما قالت ما تردوش على الهبل... 

سعيده بذهول... الحقى بيقول انا هبله يا خالتي مبسوطه الحقيني...

مبسوطه.. ما انتى هبله فعلا هو منتن  اه بس بيفهم... يا حبيبي احنا عايزين نقابل امك...

تامر..  لا لا واحده عليا ادوني فرصه افكر... 

مبسوطه.. هتفكر.. هتفكر في ايه يا اخويا !!

تامر بخبث.. افكر فى الموضوع ده.. مش انتى بتطلبي ايدي... وعايزه تتجوزينى.. وبتاخدى ميعاد عشان تقابلي ماما.. اديني فرصه افكر...

مبسوطه... احيه..

نرمين...  شفتى يا خالتي مبسوطه.. انا حتى مش عارفه اتكلم مع الولاد... مش عارفه ادرسلهم زي بقيه العيال.. انا مش مدرسه فاشله خالص بالعكس انا انا مدرسه كويسه يعني وكل الاولياء الامور الحمد لله بيقول مستويات اولاد متحسنه بعد ما انا درست لهم... الا الفصل ده يا خالتي بسبب الاتنين دول لا هم بيدرسوا ولا بيخلوا زمايلهم يدرسوا.. زى ما انت شايفه كده الش ألش من اول داخلنا ما فيش كلام جد... انا تعبت يا خالتي مبسوطه تعبت انا مش بس بفكر اسيب المدرسه.. او شغلي انا بفكر حتى جوزي اسيبه وحماتي روحتلها حكيتلها وقلت لها ان كده ما ينفعش... وقولتلها تشوف لي فصل تاني رفضت... انا حاسه انها مستقصدانى والله ... مهو ما تسيبنيش كدا يعنى...

مبسوطه... تعالى نقعد في المكتب بره.. وبصت لتامر وشوقيه.. وقالت... وانتم تعالوا ورايا عايزاكم.. 

وراحو على اوضة المدرسين والخاله مبسوطه قعدت وقالت....

انا من رايي ان انتى ما ينفعش تهربي من الموضوع بالعكس احنا لازم نواجه المشكله مش نهرب منها...

نرمين.. ماشى اللى تشوفيه نواجهها.. بس ازاي يا خالتي مبسوطه.. 

مبسوطه.. هقولك.. انت يا ولد  انتى يا بنت. احنا حابين نقابل مامتكم...

نرمين..  مش بييجوا حضرتك بعتنا لهم استدعاء ولي امر كذا مره هي وجوزها ما فيش فايده ما بيجوش المدرسه اصلا ولا بيسالوا عن الاولاد.... ولا عن مستواهم ولا حاجه خالص... بصي كأن دول مش اولادهم...

مبسوطه.. مامتك مش بتيجي المدرسه ليه يا ولد..

تامر...  لا ما هى خلصت الدراسه من زمان ..

مبسوطه بغضب... هو انت فاكر ان انت دمك خفيف كده والناس بتضحك... لا على فكره انت دمك سم ويلطش وما بيضحكش...

تامر..  لا كلامى بيضحكني انا.. انتى واحده كئيبه ومش بتضحكي يعمل لك ايه يزغزغك يعنى...

مبسوطه...  كمان اسلوبه مستفز.. يعنى غير النظافه اسلوبه مستفز.. اديني اماره تشوف بيها نفسك وتستظرف كده.. ريحتك شبه الفسيخ المنتن.. وشكلك قلقاسه.. قل لمامتك ان احنا بكره الصبح رايحين نعملها زياره... لان مفيش حل غير ان احنا اللى نروح لها ...

نرمين.. هنروح نقول ايه بس للست يا خالتي.. !!

مبسوطه... هنقولها عن اللي بيحصل ده هنقولها انها ما ينفعش تسيب الاولاد بالشكل ده.. معانا مشكله كبير دالوقت المشكله مش في حماتك... لو وديتك فصل زي ده خلاص.. هي هتعمل ايه كل المدرسين بيطفشوا واديتك انتى كمان هتعمل ايه يعنى...  هتسيب الفصل من غير مدرسين.. الغلط والعيب على اهالي الاولاد اللي مطلعينهم من البيت اساسا بالمنظر ده... انا بجد مش عارفه يعني الاولاد دول ما عندهمش اهل...

نرمين... خلاص يا خالتي.. يلا بينا نروح للست دلوقتي..  

مبسوطه.. لا ازاى نطب على الناس كدا..  الولد الاهبل ده هيقول لمامته ان احنا رايحين بكره وتستنانا.. ونقابلها بكره بأذن المولى....

نرمين...  ده لو قال لها اننا رايحين مش هتستنانا دى هتمشي اصلا وما نقابلهاش.. لو كانت عاوزه تقابلنا كانت جات على نفسها وجات مره حتى ...

 مبسوطه... خلاص يلا بينا دلوقتي على بيته.. وانت ياض  تعالى معانا يا اخويا عشان تورينا البيت...

تامر.. البيت راح في الزلزال.

مبسوطه بذهول..  زلزال زلزال ايه.. !!

تامر..  محمد رمضان هه.. 

مبسوطه بغيظ...  ما بتضحكش برده... اطلع قدامى نصيبه تاخدنا وتريح...  وطلعو على  البيت وبقوم يخبطوا على الباب...

 فتحت ست ملامح الغضب باينه على وشها ولابسه هدوم مش مترتبه وشعرها معنكش ورابطه فى نصه ربطه... وقالت بضيق...

خير انتو مين !!

مبسوطه... احنا عايزين ام العيال دي لو سمحتى ناديلها... 

مبسوطه... اه انا امهم.. انا اسمي فريده اتفضلي.. خير..

مبسوطه..  اكيد فريده... فريده من نوعك كمان مش هنتكلم من على الباب اكيد.. 

فريده..  اتفضلوا...

 دخلو الشقه وكانت ريحتها وحشه الحاجات مرميه في كل حته.. وهدوم الاولاد مرميه فى كل حته...

سعيده...  انتى عندك اكتئاب.. ما بتنضفيش بيتك ليه !!

فريده... انتى..  ازاي تسالي حد ما بينضفش بيته ليه انتى عايزه ايه دلوقتي...  ومين اصلا ام نضاره دى...

مبسوطه... دي ما عرفتنيش.. انتى ما بتتفرجيش على اليوتيوب يا وليه انا مبسوطه...

فريده..  وايه اللي باسطك في الحياه.. معلش بقى... في الحياه دي كلها يعنى في حاجه تبسط اصلا.. 

مبسوطه.. شوف الوليه بتقول ايه...

سعيده... اكيد عندها اكتئاب يا خالتي قوللي يا اختي انتى شايفه الست دي دي مدرسه اسمها نرمين.. اولادك بيدرسو عندها في المدرسه.. هى مش  بتعرف تدخل الفصل من ريحه اولادك... ايه المنظر اللي لابسينه اولادك ده... الشعر ده ما بيتسرحش ليه.. الهدوم دي ما بتتغسلش ليه... ريحتهم دي اللي شبطت فيهم... وما بتطلعش منهم دى.. انتى اخر مره حميتى الاولاد دي كانت امتى... !!

فريده... انا مش فاكره...

نرمين..  مش فاكره طبعا نسيتي اخر مره حميتيهم فيها ده انا معدتى قلبت..  عايزه اسألك انتى مش بتشوفي اولاد الناس ازاي مترتبين وحلوين هما وطالعين من بيوتهم..  ده منظر...  اولادك يرةحو على المدرسه بيه...

فريده.. مالهم ولادي بقى يا مدام ما هم حلوين..  دول بيحطو كالونيا يوميا.. 

مبسوطه...  فين حلاوتهم دي.. انا مش شايفاها انتى يا وليه مش شايفاهم.. بلاش مش شايفاهم.. طب مش شماهم.. مش شامه ريحه السمك المعفن اللى طالعه منهم.. كالونية ايه اللى بيحطوها.. وفايدتها.. ايه ما هى ريحتهم لوحدها.. وريحة الكالونيا لوحدها.. انتى ازاى قابله كدا على نفسك...

فريده.. انا هفضل شايلاهم لحد امتى ما هم كبروا وبقوا يحموا نفسهم ويسرحوا لنفسهم ويلبسوا لوحدهم...

مبسوطه..  بذمتك دي اشكال ناس استحمت ولا سرحت ولا غيرت حتى... انتى مش بتشيكي على الاولاد قبل ما ينزلوا الصبح تشوفي هدومهم دي لو متوسخه تشيلها وتغسليها حتى تتلبس..  انتى مش بتظبطي الدنيا دي خالص يعني مش بتشوفيهم لما يرجعوا من بره تاخدي الاطقم المش نظيفه تحطيها في الغساله وتدي لهم اطقم جديده تاني يوم الصبح... مش بتعملي كده زي الامهات مش بتمسكي بنتك دي الصبح قبل ما تيجي المدرسه تسرحي لها شعرها ده وتلميع وتعملي لها تسريحه جميله... فين الحاجات دي فين دور الام اصلا.. ها فين.. مشغوله عن اولادك بايه..  ايه اللى عندك اهم منهم.. وبتسيبيهم كدا وبتعمليه... !!

فريده.. اوه قعدتو ترغو لحد ما ميعاد اللايف ما كان هيروح منى..  بعدو بقى.. 

وفتحت الفون بتاعها وفتحت اللايف وقالت بحماس... 

حبايب فريده..  اهلا بيكم فى تامر وشوقيه.. وفريده  الشقيه...

دلوقتي تامر وشوقيه رجعوا من المدرسه تعالوا نشوف هيعملوا ايه لما يدخلوا الاوضه بتاعتهم..

ودخلت على اوضه تامر وشوقيه وكانت الاوضه متكركبه جدا وتامر وشوقيه رمين البدل في الارض 

وبيحلو الهوم ورك وهما بياكلوا... الاكل متنتور في كل حته 

فريده.. شوفوا اولادي رجعوا من المدرسه جابو لنفسهم الاكل وبقوا ياكلوا وبيحلوا الواجب بتاعهم زي الشطار من غير ما يغلبوا ماما.... 

نرمين بذهول... الحقي يا خالتي مبسوطه... الوليه كانها مش شايفانا... ايه قلة الزوق دى.. ازاى تتجاهلنا كدا..  انت بقت تعمل لايف بتاعها ولكن احنا هنا.. قلة زوق منها بجد..

سعيده.... لا وفتحت اللايف وما اهتمتش لمنظر البيت اللي يقرف الكلب الاعور ده... ده انا عطشت من الطريق عايزه اشرب ميه خايفه اشرب عندها.. يا لهوي دى تلاقي الناس في الكومنتات.. ناحلين وبر اللي جابوها... شتايم..

فريده كانت بتتمشى بالموبايل وبتقول.... زي ما انتم شايفين كده وده حالنا كل يوم انا عملت الغداء.. بس هم اخدوا..... سندوتشات على بال ما انا اجهز الغداء.. اصل انا النهارده ما كنتش فاضيه.. اجهز اول ما رجعوا اصل جات مدرستهم فى المدرسه.. قال ايه  بتشتكى من عدم نظافه الولاد طب بذمتكم انتم.. انا اولادى مش نظاف هستنى تعليقاتكم عن عيالى الحلةين... المهم تعالو اوريكم الاكل اللي عملته....

وبقت تطلع الاكل في الاطباق  وكانت الاطباق والبوتوجاز كله مش نظيف خالص ومترب ومتسخ جدا..  هو المطبخ ما ينطبقش عليه كلمة مطبخ اصلا..  بعد شويه قفلت اللايف ورجعتلهم  وقالت...

معلش كنت مضطره افتح لايف دلوقت.. ها كنا بنقول ايه بقى ... متأخذونيش..

مبسوطه... انا عايزه اشوف التعليقات على اللايف ده.. ممكن... 

فريده.. اه طبعا اتفضلى... بس كبرى احسن تكون عينك قناصه.. صحيح هو انتى مش بتقولى انك مشهوره فى اليوتيوب.. تعالى نعمل فيديو سوا.. اه والله بيجيب ايه رأيك... نعمل فديو سوا هيبقى مشاهدات ياما..

مبسوطه شدت منها الفون وقالت بقرف.. لسه بعقلى انا ما تجننتش عشان اطلع معاكى انتى فى فديو واحد اسم الله عليا... ومتابعين ايه اللى عندك.. انتى يتابعوكى على ايه اصلا.. بلاش قرف انا مصارين بطنى قلبت.. اول ماشوفتم ولو ضايفن زر اتفو كنت اتفاعلتلك بيه.. الاولاد فيهم قبول عليكى.. 

وبصت للمشاهدات وكانت الاف... وكلها تعليقات سلبيه.. 

مبسوطه... التعليقات كلها سلبيه.. 

فريده.. مش مهم المهم فى كومنتات... الكومنتات دى بترفع الفديو وتوصلو.. واصلا عادى.. المهم نتشاف ويرفع حتى لو شتايم عادى.. 

مبسوطه.. ليه الكرامه فين.. ازاى تقبلى على نفسك كدا ها ازاى.. واولادك سيباهم بالمنظر ده ليه.. عشان الريتش ابو الريتش اللى يخليكى تعملى فى اولادك كدا.. دول احباب الله ضيعتى طفولتهم خربيتها.. خليتيهم يتنمرو عليهم عشان المشاهدات بتتاجرى بعيالك.. حرام عليكى دول امانه عندك.. ازاى تعملى فيهم كدا يا جاحده... دى العيال مش بتقعدهم جمبهم.  كانهم عندهم مرض معدى.. 

فريده.. دول ولادى انا حره فيهم.. انتى مالك.. ست حشوره..

سعيده.. طب ما تنضفيهم وتعملى لايف عادى معاهم وهما نضاف... ليه كدا !!

فريده.. ايه اللى هيشد الناس.. فى عيال شكلهم زى اى اطفال عادين.. لازم يبقو حاجه غريبه انتى ايش فهمك.. هاتى التليفون بتاعى يا وليه هاتى.. 

مبسوطه.. انتوعندكم فلوس تعيشو منها  غير الهبل ده.. 

فريده.. اه عندنا مرتب جوزى.. كبير وبيقضى هو مسافر ... وكمان عندنا اراضى بتجيبلنا فلوس كتير.. بس انا بحب الشهره قوى.. انتى بتسألى  ليه يعنى !!

مبسوطه..سعيده تقدرى تمسكوها.  

سعيده اتشعبطت فيها وقالت.. مسكت حراميه يا خالتى.. مبسوطه فتحت اللايف وقالت..

 السلام عليكم.. للى اول مره يشوفنى انا اسمى الخاله مبسوطه.. انا جيت بيت الست دى.. لانها مهمله فى اولادها بعتنالها كتير تاجى المدرسه تشوف اولادها ما فيش فايده.. شوفو تعليقاتكم الكتيره دى.. بتجبلهم فلوس.  وبسبب كدا تعالو نشوف عملت ايه.. شوفو البيت ازاى والاولاد ازاى.. انتو بتتريقو وتسبو وهى بتاخد فلوس.. بس ضيعت ولادها دول لما يكبرو ويلاقو نفسهم كدا هيتعقدو جدا.. كمان حرام الكل بيتنمر عليهم.. بسب امهم الطماعه عشان اللايف .. حابه اقول.. الغو المتابعه للاشكال دى.. ما تدوهاش مساحه اكبر من مساحتها انتو كدا بتساعدوها وما حدش يكتب حتى ان كلامى صح... 

فريده.. لا استنو دى منفسنا منى.. دى حاقده.  

مبسوطه.. انا بنشر اه بس حجات تفيد الناس مش بأذى اولادى اللى اقرب ماليا بسبب الفلوس.. الاولاد احباب الله والنضافه من الايمان.  لازم كلنا نبقى نضاف.  وهى لازم تفهم ان كدا غلط.. مش عشان حاجه والله بس الولاد بجد بيضيعو المدرسه دى مش عارفه تشرح من الريحه بجد الموضوع يقرف مش حاجه تستاهل تاخد عليها فلوس.. دى بس تاخد عليها ذنوب.. وفى النهايه.. نسال الله ان لو ده مصدر رزقها الوحيد يرزقها ربنا خير منو..  يلا مع السلامه.. 

فريده.. ليه كدا حرام عليكى.. ومسكت الفون تحذفو بس لسوء حظها كان الكل شافو ولغو المتابعه من غير كومنت واحد حتى.  

فريده ببكى.. دول حتى ما قلوش ازاى تعملى كدا فى اولادك وهزئونى...

سعيده... احسن...  عشان تتعظى.... انتو ما شاء الله حالتكم الماديه مرتاحه ليه تعملى كدا.. 

فريده.. انا بحب ابقى مشهوره.. بحب الناس تعرفنى.. 

مبسوط..  صدقينى كدا احسن ليكى.. اولادك دلوقت مش مدركين حجم مصيبتهم.. اما يكبرو هيكرهوكى.. العيال سمو ابنك تيمو نتانه... حرام عليكى.. اولادك دول امانه عندك وربنا هيسألك عليهم.... صدقينى حرام عليكى.. اولادك ما يتعوضوش.. بكره هتفهمينى.. انتى طابخه حلو بس مقرف.. نضفى كدا واعملى محتو طبخ ومنشنى للخاله مبسوطه هدخل ادعمك انا ومتابعينى.. والاستاذه نرمين.  ومدرسين المدرسه كلها. بس لما تغيرى الوضع ده.. 

فريده.. ماشى هنضف العيال والبيت.. وهنضف انا كمان لان المحتوى دا ضاع خلاص... والمحتوى بتاع الطبخ.. هعملو بعد اسبوع اكون نضفت وتدعمونى لو ما دعمتونيش  هبكى.. 

مبسوطه.. اكيد كلنا معاكى.. 

وخرجو من عندها.. 

سعيده.. انتى فضحتيها.. 

مبسوطه.  كان لازم عشان تفوق... وتخلى بالها على اللى معاها...  ربنا عز وجل. هيسال كل ناشر عن اللى نشرو.. وكل داعم على  دعمو.. يلا... ادينا حلينا مشكلتك يا نرمين اى خدمه تانى.. 

نرمين... اكيد   لا انتى كدا بجد شكرا من قلبى.. وانا هتكلم مع الكل وندمعها ربنا يهديها...

مبسوطه.. الناس مش هتدعمها بعد اللى قولتو.. بس اما يلاقوها بتعمل حاجه كويسه اكيد هيدعموها..  انا حسيت بذمبها والله بس كدا احسن الناس عملت زى ما قولتلهم الحمد لله دول ما عملوش كومنو واحد حتى..  

سعيده.. احسن الرد على العبيط... بيعملو سيط..

مبسوطه بضحك..  والله ما حد عبيط غيرك..  

وانتو يا غوالى هستنى رأيكم فى الكومنتات فى اللى انا عملتو كان معايا حق فيه او بالغت شويه.. دمتم فى امان الله مع من تحبون بأذن الله 🥰