رواية نسايم الفصل الثالث والرابع بقلم الكاتبه جيجي حصريه وجديده على مدونة النجم المتوهج

 رواية نسايم الفصل الثالث والرابع بقلم الكاتبه جيجي حصريه وجديده على مدونة النجم المتوهج 

رواية نسايم الفصل الثالث والرابع بقلم الكاتبه جيجي حصريه وجديده

صخر شدها ليه اكتر وبقى يمشى ايدو على شعرها.. 

وسلوى كانت واقفه عند  الباب تشوف ايه اللي بيحصل جوه.. واتنهدت بضيق لما شافتهم نايمين سوا ونزلت تحت بضيق شديد.. باليل نزلت نسايم في المطبخ تحضر العشا.. جات صفيه وقالت....

غريبه المره لما بتتعب جوزها بيقعدها ويريحها.. وانتى نازله تحضرى.. 

نسايم... قعدني في الصبح وقعدني في الظهر..  بس بعد كده هو قالي  ان هو ما بيقدرش يستغنى عنى.. انا نزلت من نفسى كده احضرلو.. 

واخدت الطبق وراحت عند صخر اللى كان قاعد قاعد على الترابيزه بياكل.. حطت طبق قدامو.. وحطيت ايدها على كتفه بدلال وقالت...  

كل يا قلبي بالهنا.. تحب اوكلك بيدي...

صخر بستغراب... لا هكل لحالي شكرا.. مالها دي .. 

نسايم.. قعدت جنبه ومالت عليه وقالت بهمس.

 بقولك ايه يدي وجعاني قوي وكل ما امسك حاجه تقعد تترعش وتوقع مني.. وكلني..

صخر بص لامه ورجع بصلها وقال... 

طب ما نطلع فوق وناكل براحتنا.. 

نسايم.. لا انا الاكل عجبني وكلني.. يلا عاد والله جعانه قوى ويدى واقفه.. 

صخر حمحم بحرج وعبى المعلقه ومدها عليها.. ونسايم بقت تاكل منو وتبصلهم بثقه.... وقالت..  

تسلملي  يا رب يخليك ليا ما يحرمني منك ومن محنتك عليا... 

سلوى بضيق... ولما هو حبيبك هربتى منه ليه وكنتى هتحطى راسو في الوحل وتفرجى عليه الناس كلها  وتطفشي منه... 

نسايم.. بصراحه كده لما عرفت ان انتى امه كنت فكراه هيطلع شبهك فخفت وهربت... واما قعدت  عجبني فتحت  قلبو وقعدت  جواه واللي يخرجني يفرجنى..

وبصت لصخر وقالت..  حبيبى هستناك فوق وانت بعد ما تخلص وكلك... وابقى تعالى عشان عايزاك في موضوع ضروري... 

وبصت لسلوى وقالت بابتسامه...  تصبحي على الجوع والقلب الموجوع.. ووجع طول الاسبوع.. يا حماتي...

وطلعت بسرعه على فوق.. سلوى بغضب.. 

شوفت مرتك بتشتمنى  بتدعى عليا.. وانت واقف اقسم بالله لو ما جبت حقى لا انت ولدى ولا اعرفك.. 

طلع فوق وقال..  وبعدهالك عاد ليه الجنان ده.. مالك بأمى هى ضرتك.. ايه الكلام ده.. 

نسايم... قلت ايه لامك بقى ان شاء الله ما هي اللي قاعده تقول هربتى وعايزه تفرجى عليه الخلق..  وكنتى عايزه تحطي راسنا في الوحل وبتسخنك عليا.. قال يعنى انت ناقص اساسا جاي متسخن خلقه.. ايه يا عم مش تقول لامك حاجه... مش قلت لك اهم حاجه قدامهم تدلعني... ان شاء الله حتى بيني وبينك تقطعنى...  ما تزعقش قدامهم انا ما احبش كده..  انت تحفظ كرامتي قدامهم يا عم.. انا لما حبستك وجات صفيه.. قولت انى بجهزلك وفتحتلك رغم انى عارفه انك هتتغابى.. وبسبب انى احافظ على شكلك قدامها بت فى البلكونه...

صخر.. اولا انا ما جيتش جمب كرامتك.. ثانيا.. انتى ما دوستيش  على رجلي وانتى معديه... انتى عامله عمله تستاهلى عليها قصف رقبتك.. انتى ابوكى نفسه كان هيموتك...

نسايم..  عشان ابويا فاكر اني هربت عشان عملت حاجه عفشه.. بس انا ما عايزاش اتجوز وابويا هو اللي غلطان اصلا.. هو اللي ما عاوزش يهمل نسبكم والفلوس والاسم عشان بتو... قولتلو  عاجبك انت اتجوزو... انا مالي.. البس انا عشان هو يكبر.. لا انا مش هبقى كبش فدا لحد...

صخر..   بطلى الكلام ده..

نسايم باصطناع الحزن..  يلا اعمل اللي عايزه عشان ترضى امك بلاش البصه دي اصلا طالع ومنفوخ وجاي تضربني عشان تروح ترضى امك وتقول لها شوفي عملتلك ايه.. هي والعقربه الثانيه..انا اصلا وحدانيه لا حول ولا قوه الا بالله...  انا اصلا وحدانيه وما ليش حد مين هيحوش عني..  لو انت جوزي تجي عليا.. خلاص ما ليش حد تاني...طول ما  انا وحدانيه كل الناس هتقدر عليا..

صخر بضيق.. تمثيلك زباله على فكره...

 وراح البلكونه وبقى يشرب سيجار ونسايم مدتت على السرير بفرحه ونامت... تانى يوم الصبح كانت قاعده في في الصاله بترتبها.. جات سلوى وقالت..

خدي يا بنت انتى امسكى المقشه دى وروحى اكنسى الدوار كلو يلا شهلى اعمليلك همه 

نسايم.. حاضر ياحمتى.. ومسكت المكنسه وبقت تكنس بس شافت مهره صغيره فى الجنينه راحت عندها وبقت تحط ايدها عليها وتقول

الله حلوه قوى المهره دى.. يا ترى بتعمل ايه هنا.. الله شكلها حلو قوى.. 

بس شقت بخضة لما لقتها مربوطه جامد وقالت...

ايه ده مين رابط رجلها كده..ما فيش فى قلوبهم رحمه واصل...

 وفكت الحبل  وبقت تقول..... بس خلاص اهو فكيت الحبل بتاعك خدى نفس سلامت رجلك.... ناس عديمة الرحمه.. رجلها اتحزت ايه ده.. 

ولسه هترجع السرايا بس لقت المهره جريت ناحيت البوابه 

نسايم بذهول.. يا واكله ناسك.. يا بت الغداره..  وقفى.. 

وفضلت تجرى وراها وهى بتحاول توقفها بعد السرايا بشويه.. كان واقف صخر مع شلة شباب من صحابه  وبيقول..

 طبعا اه هو عاوز يخلينى عمده.. وانا ما عنديش وقت لوجع الراس ده بس اعمل ايه ابوى وحالو بقى..  

بس واحد منهم صفر وقال...  الحق يلا الغزال الشارد ده 

التانى قال..  اول مره اشوف مهره تلحق مهره.. يا بوى على العود.. والعيون السود.. 

 ونط وقف المهره وقال...  الود ودى احوشك انت يا جمل 

نسايم.. ما كانتش شايفه صخر.. معاهم وقالت بغضب..

طب غور مطرح ما انت غاير... هات المهره بلاش قلة حيا..

صخر اتنهد بضيق وقال..  سليم اديها المهره بتاعتها 

نسايم بصتله بخوف وقالت.. انا انا 

سليم.. انتى وحش الكوكب..  

بس صخر نزل من مكانو وشد نسايم من يدها ومشى بيها على السريا بغضب لايوصف.

الله يرحمها كانت بنيه حلوه.. ابكو عليها وخدو مقاسها.. كازينه اهلها وناسها.. 😭🤣 والله قفشها  🥰

٤... صخر نزل من مكانو وشد نسايم من يدها ومشى بيها على السريا بغضب لايوصف.... نسايم بقت تحاول تفلت ايدها وقالت.. 

طب افهم الاول وبعدين اتغابى.. 

صخر حدفها فى الاوضه وقال بغضب... كويس قوى انك عارفه انى هتغابى.. عشان ما تصدميش يعنى.. 

وزقها على الارض وقفل الباب ولقى المقص بتاعه على الكمود مسكو وقرب منها بغضب.. 

نسايم.. لا لا والنبى بلاش شعرى بالله عليك... لقيت رجلها والله كانت متعوره وفكيتها وتطلقت منى..  

بس شهقت بصدمه لما شد رجلها وعورها بالمقص فى رجلها وقال بغضب...

 دى عشان تعرفى تطلعى من البيت كويس.. غورى..

نسايم بصراخ.. اه.. اه.. رجلى.. اه..

سابها ونزل.. ونسايم مسكت رجلها وبقت تبكى فى الارض وتحاول تكتم الدم اللى كان نازل بغزاره...

صخر  نزل تحت لقى  الغفير ماسك المهره وقال..

جنابك رحيم بيه صاحبك جاب المهره دى وقال..  

صخر قال بمقاطعه..  انت كنت مكفوت فى انهى داهيه 

الغفير.. كنت فى دورة الميه جنابك..  

صخر... انت مخصوم من فلوسك الشهر ده واللى جاى.. ولا اقولك متاجيش تانى من اساسه عشان تروح دورة المية براحتك..  وغور الفرسه دى من هنه..

 بس قطع كلامه لما شاف المهره معلم فى رجلها مكان الحبل قال بذهول..

مين اللى ربط دى كده...

الغفير.. مغاورى ولدى يا بيه كان رابطها مسكة حراميه والله معارفينش اتطلقت كيف جنابك.. 

صخر.   مين اللي قالك تشغل ولدك مغاوري معاك.  مش كفايه علينا انت.. تاخد مغاوري ولدك وما شوفش خلقه امك في الجنينه دي تاني.. سمعت غور من وشي.. 

وطلع على فوق بسرعه فتح الباب.. لقاها جايبه قماش كتير وبتلفه على رجلها وعماله  وتقول..

 كانوا يغنوا لها كعب الغزال يا متحني... لما بقى دم الغزال نازل  مني....  اه يا رجلي يا اللي اتعذبتي كانوا يقولوا لي رجلك دي ولا رجلك كنبه... لما فعصها فى يدو كيف العنبه.  اه يانى .. ده عين وصايباني.. 

قرب منها وشالها من على الارض حطها على السرير وجاب قطن وشاشه وقال.. 

 ما تخافيش انا هنضفلك الجرح.. 

نسايم..  وتنضفه ليه.. كنت بتجرحني من الاول ليه لما عايزه تنضف.  تنشك في يدك يا بعيد.. حسبي الله ونعم الوكيل... وفى كل واحد يمد يده على مره.. 

 صخر.. دول الحريم المنكسره اللي مش لاقيه حد يحميها مش اللى شاردين في الشارع كيف البقره المطلوقه...

نسايم..  انا هعملها لحالى... سيب رجلي.. 

صخر...  معلش حقك عليا.... اتغابيت عليكى شويه.. 

نسايم بغضب.. شويه... اتغابيت شويه.. انت اساسا غبى..  

صخر ..  بت انتي لم لسانك.. انا الدم نشف في عروقي وانا شايفهم عمالين يعاكسوكى.. وواقفينلك واحد من هنا وواحد من هنه.. 

نسايم.. اه العيب عليا عشان انا فكيت المهره اللى ربطتوها لحد ما تعورت يا عديمين الرحمه..  

صخر.. خلا حقك عليا.. ما شوفتهاش..

نسايم.   حق. حق مين يا ابو حق جاك كسر حقك..  شقيت رجلي نصين وجاى تقولي حقك عليا.. حرامي وعينه بجحه... يشق رجلي.. ويقول معلش حقك عليا.. ومين بالمعلش شيل الضربه من رجليا.  

صخر..  قولنا خلاص.. هنعتزر كام مره.. اتخنقت لما شوفتهم بيعاكسوكى.. انتى ما سمعتيش الكلام اللي قالوه 

نسايم بسخريه.. سمعت والعيب عليا.. عشان انا اللي طلعت افك الفرسه.. والعيب مش عليهم هم اللى قاله كلام شرقي غربي.. ولا عليك انت اللى سبت الرجاله اللي قدك... وجاى تتشطر على حرمه. 

صخر بضيق.. انتى عايزه تقولى ايه.   

نسايم.. لا انا قولت بس صاحب العقل يميز.. ده اذا كان عنده عقل من اساسه..

صخر بقى يحطلها قطن ويربطها بالشاش وقال...

انادى عبدو يخيطلك الجرح... 

صخر..  لا ما مستهلاش.. وبعدين لما تكون عايز تعالج ما تجرحش من الاول..  ما تفتحش جرح وترجع تداويه.. لانك حتى لو داويته هيفضل مكانه معلم يفكرنا بوجعو.. 

صخر بحزن.. معلش انتى اللي بتخليني اجرح...

نسايم..  وانا اتكلمت  ولا فتحت بوقى.. انا كنت لسه بقولك استهدى بالله قمت معورنى بالمقص.. كان هيغمى عليا منو.. 

صخر.. ليه امال ده شرخ بسيط..

نسايم بسخريه.. شرخ  بسيط.. الشرخ ده... ولا بلاش خلينى مؤدبه..  

صخر.. شفتى لسانك بيجيبلك ايه...

نسايم.. انا ما قولتش حاجه  قلت ولا بلاش.. كملت انا لا 

صخر بزهق.. الرحمه صاحب الرحمه قلتلك معلش حقك علي راسى..  ما هناخدوش السنه.

نسايم..  خلاص انا عايزه انام...  

صخر.. لا ما تناميش زعلانه من.. 

نسايم... والنبى ايه.. سمعتها فين.. ما انت  نومت اول مبارح وانا زعلانه منك ومتلقحه في البلكونه كمان. 

صخر..  ما كانش معاكى حق بس النهارده معاكى حق..  هو  ما كنش ينفع تفكى الفرسه وتسيبيها ترمح.. كنتى نادي على الغفير كنتى نادي عليا.. شوفي اي حد يفكها بس برده عندك حق انا غلطت عليكى..  طب انتى لما تغلطي في حق حد وتعترفى انك غلطانه بتعملى ايه عشان يصالحك...

نسايم.   لا ما انا ما بعترفش بغلطى.. قصدى ما بغلطش  انا ما عنديش حد اكون غلطانه واصالحه بس... انا لما بكون غلطانه عل  اختي  في البيت او اخويا ويعاتبونى والاقي معاها حق.. بقوم يا اما ابكي بتقلب الطاوله جامد انا اول ما ابكى كده يقولي خلاص ما تزعليش.. اما التزم الصمت العقابي... اقعد ساكته بقى... قال ايه يعني ان انا زعلانه منهم ومش عايزه ارد عليهم... بس انا ببقى مش لاقيه كلام اقولو..  انا جربت الموضوع ده بينجع.. او لو اتزنقت بقلب فى الدفاتر القديمه... 

صخر..  طب ابكى انا دلوقت ولا اعمل ايه يعنى.. 

نسايم.. خلاص ما تبكيش ما يهونش علينا زعلك ولا دموعك يلا.. 

صخر.. لو زعلى فعلا ما يهونش عليكى.. يبقى  تقوليلي هربتى مني ليه..

نسايم.. تعرف انا مره سمعت مسلسل هندى كان فوق ال 300 حلقه جوزها اخد ال 300 حلقه وهو يقول لها مين ابوه... واتطلقو ومشيت منو.. وتقابلو بعد ٧ سنين قالها برضو  مين ابوه.. اه والله حملت وخلفت والبنت دخلت المدرسه وهو بيقولها مين ابوها.. 

صخر..  اتريقى براحتك..  تعالى حطى راسك على صدرى  عشان تنامى.. 

نسايم بسخريه.. تؤ. سحلانه... سحلانه منك..

صخر .. يا بت تعالى ده الجو صافى.. والحضن دافى...

نسايم..   امم ماشى

ونامت على ايدو وقالت..  بقول ايه انا من ساعت ما اتجوزت وما شوفتش غير البهدله منك.. اما المشاهد اللى بنشوفها فى الافلام ان المز يحضر اكل للبت ويدخلو المطبخ سوا ويروشو بعض  بالدقيق.. وينزلو فى الجنينه يرشو بعض بلميه ويشيلها ويقعو مع بعض فين هتجى امتى.. 

صخر..  لا هو اولا ربنا اللى بيشيل.. ثانيا ده فى الافلام والمسلسلات ملناش دعوه احنا بيهم نامى.. اسم الله عليكى.. لما تاجى الافكار دى استعيذى بالله منها.. 

نسايم.. ماشى.. 

 بس بصتلو شويه وكان مغمض عيونى فضلت شارده فيه لحد ما نامت فى صباح يوم جديد قامت من النوم لقت صخر بيمشط شعره.. فضلت شارده فيه قال..

 ايه بتبصلى كدا ليه.. عجبتك ولا ايه.. 

نسايم.. مغرور... ووقفت تروح الحمام بس قعدت تانى بألم.. اتقدم عليها وشالها.. مسكت فيه وقالت..

 بتعمل ايه نزلنى 

صخر... اش.. 

وحطها فى البانيو وقال...

 خدى حمامك على بال ما اقولهم يجهزو الفطار.. الهدوم اللي هتلبسيها حضرتهالك هنا يلا هنزل انا...

وسابها ونزل...

نسايم..  ايه الواد ده.. مجنون ولا ايه.. ما دا يا اما كيف ما بيقولو عليه انفصام في الشخصيه... يا اما ملبوس.. او ممكن حب... اه استاذه شذى حسون قالت.. الليله يجرحني وبكره يصالحني يا عمري ريحني والغيره بطلها.. اكيد حب.. معقول بيغير.. ما  هو يا اما انا اتجنيت.. يا اما هو اللي اتجن... هو انا مش وش دلع... يعني لما يجي يدلعني ازعل... ولما ينكد عليا ازعل.. ايه ده..

عند صخر كان واقف فى المطبخ بيقول للخدامه.. 

جهزى  الفطور هطلعو للست نسايم فوق... 

بس جات صفيه وقالت.. الحقنى يا صخر فى  تعبان كبير قوى في الاوضه وقاعد جمب السرير ومش راضي يمشي...  

صخر.. ايه تعالي وريهولي فين..

وطلعو على الاوضه ودخل وقال..  خليكى انتى بره الاوضه  وانا هدخل ماشي... 

صفيه مسكت ايدو وقالت... خلى بالك فى تعبان كبير..

والله ما تِعبان الا انتى.. 

قالتها نسايم وهى حاطه ايدها فى وسطها...

 صخر قال بسرعه...

انتى ايه اللي قومك من السرير مش قلتلك هجيب الفطور.. 

نسايم.. ما يهونش  عليا تعبك تنزل تجيبلي الفطار وتطلع على ايه... انا زينه طول ما انا جمبك... 

صخر..  مش وقتو دلوك اطلعي بره... فى حى ورا السرير.. 

نسايم بسخريه.. جد اه.. اسم الله عليها من الحى.. وهى بسلامتها خايفه من الحى.. وندهاك.. امم يارب خد بتوع المحن وسيبنى انا... شعري ده ما يبقاش على حرمه واقصه واحطه ديل حصان للحصان بتاعكم لو ما كانت كدابه.. قالت كده بس عشان تدخل انت  الاوضه وتقفل الباب وتقلع العبايه وتغيريك... فاكره انها لو قلعت خالص حتى هتئثر فيك.. ما تعرفش انه اللي يشوفني انا ما يبصش على غيري ما يموت.. لانه بعدى ما هيشوفش حريم 

وجابت شعرها على جنب وقالت بدلع... احنا بعون الله... اللي يشوفنا مره... عمره ما يبص بره..  انت بتدور على ايه .

صخر.... بلاش الشغل ده... اكيد في حاجه البنت مش هتندهنى من غير حاجه يعني..  

وبقى يدور على الارض وهو بيقول.... غيره حريم..

نسايم.. غيرة... انا هغير.. هغير من مين... من دي قال على راي المثل... تغير مني الملكه وحشيتها... واغير انا من وصيفتها... 

صخر..  ما فيش حاجه هنه يا صفيه...

نسايم... ياه على الكسفه.. انا اتكسفتلك.. اه والله العظيم 

صفيه بتوتر.. انتى بتقولي ايه... هي كانت هنا دلوقتي..

نسايم..  يبقى ملاك.. اصل الملك بيجي على هيئة حى ولو قولنالو اذهب لاتئذينا  ولا نئذيك يمشي منها.. او بقى اما لقاكى انتى خاف على روحو وهرب..  

صخر بضيق... بس انتى وهى.. يلا ننزل اوديكى اوضتك.. 

نسايم.. لا يا عم انا متضايقه من الاوضه مش قادره..  عايزه انزل تحت...

صخر شالها وبقى ينزل بيها على السلم وهو بيقول.. 

 وبعدين اموت وافهم اللي انتى بتعمليه..

نسايم..  مش لما تفهم اللي انت بتعمله الاول عم تلعب حاوريني يا ويكا.. مره تزعق وتضرب تشخط وتنطر ومره تراضى وتطبطب وتدادى... ومره تجرح... ومره تداوى... ارسيلك على بر طيب حيرتنى .. 

صخر وهو بيبص لعيونها... حال العاشق قاسي وحنون وعند الغيره مجنون... 

نسايم بدهشه... عاشق.. 

صخر قال بعشق باين فى عيونو.. اه عاشق بس في صور.. حايش عشقى عنك.. صور كبير قوي.. ما قدرش اتخطاه واصل.. وما قادرش انط وما اعرفش اعدي منه... 

نسايم...  وايه الصور ده.. 

صخر قال بحزن.. هروبك من غير سبب.. احساسك بانك مش عوزانى كان نفسى احتل قلبك واكون الوحيد فيه.. كان نفسى اغزوه ويبقى وطنى... بس ما اقدرش احتل قلب واحده وانا عارف زين قوي انها مش رايداني.. ولو سمحتلها الفرصه..  تروح مني وتبقى لغيري.. هتروح.. ما عرفش اعدي واصل.. وما قادرش اتجاهل الصور ده...

سلوى قالت بضيق.. طب ما تطلعو اوضتكم تريحو حبه نازلين ليه... لما قاعدين توشوشوا بعض.. وانت شايلها ليه اتشلت اياك.. 

صخر حطها على كرسى السفره... وقال....

رجلها اتعورت وما قدراش تدوس عليها... سماح جيبى الفطور...

سلوى بغضب...  ما تتعور رجلها ولا تتقطع  ان شاء الله تتشل انت مالك ما تسيبها تتكفى.. 

نسايم..  ما تخليكي محضر خير يا حماتي...

سلوى... جاتك حمى  لما تبقى تاخدك...  البنت دي تطلقها مش خلصنا خلاص.... اديك جبتها وكسرت عينها ووريتها ان انت ما حدش يقدر يهرب منك... واهي قاعده يلا رجعها كيف الجزمه في البيت اللى جات منو... 

صفيه... هيرجعها لمين يا مرت عمى... اذا كان قال ما عاوزهاش وكان هيموتها ليله الفرح.. بقت لبسانا خلاص بقت ملهاش اهل كيف عيال الملاجئ... يعني اليوم اللي هيرميها فيه بره مش هيبقالها دار... 

وبعدين فى حرابى دول انا تعبت معاهم والله نولع فيهم... مش هينفع بالتفاعل ده... شجعوووونى يا قمرات ليه كدا... 🥰

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙