رواية الشيخ المعالج الحلقه الرابعه بقلم الكاتب مصطفى محسن حصريه وجديده على مدونة النجم المتوهج

 رواية الشيخ المعالج الحلقه الرابعه بقلم الكاتب مصطفى محسن حصريه وجديده على مدونة النجم المتوهج 

رواية الشيخ المعالج الحلقه الرابعه بقلم الكاتب مصطفى محسن حصريه وجديده 

كريمة ضحكت ضحكة غير بشرية، وقالت: "أنا مش كريمة يا عزت." الشيخ عبد الرحمن بلع ريقه وقال وهو بيبص لعزت: "هي عرفت اسمك إزاي؟" الشيخ عزت قاله بثبات: "أكيد لازم يعرفني… مش أنا جاي عشان أوقّفه عند حده." ضحكت كريمة مرة تانية لكن الضحكة المرة دي هزت الأوضة كلها كأن جدرانها بتتنفس.

-

وقالت بصوت طخين: "إنت نسيت أنا عملت فيك إيه من ٧ سنين؟" الشيخ عزت شد نفسه وقال وهو بيقرب خطوة: "كان زمان عندي أخطاء… بس دلوقتي الوضع اتغير." كريمة قالته بنبرة فيها بسخرية: "عاوز اشوف قوتك يا عزت." فجأة الشيخ عزت ارتفع في الهواء كأن في إيد خفية بترفعه، رجليه بتخبط في الهوا وهو بيمد إيده بيحاول يفك نفسه.

-

عم عرفة وقع على الأرض وفقد وعيه من هول المشهد. أما الشيخ عبد الرحمن بدأ يقرأ القرآن بصوت عالي وقوي، صوت يحسسك إنه مش بس بيقرأ… ده بيقاتل. كريمة صرخت صرخة قوية كأن ايد خافيه خبطت الشيخ عبد الرحمن هو كمان في الحيطة ووقع اغمى عليه.

-

عزت كان لسه مرفوع في الهوا، وشه احمر ونفسه بيقطع، لكنه جمع كل قوته وبدأ يقرأ قرآن من غير ما يقفل عينه. اتبدل الصوت في الأوضة… قرآن في مواجهة كيان. كريمة صرخت صرخة أقوى، صرخة خليت الأوضة كلها بتهتز من تحتهم، وفجأة وقع عزت على الأرض وبيتنفس بصعوبة، ووقعت كريمة هي كمان على الأرض زي حجر اترمى من جبل.

-

عزت سند نفسه على الكرسي بشق الأنفس، وبعد ما قدر يقوم وقف وبص حواليه لقى الشيخ عبد الرحمن وعم عرفة واقعين على الأرض. جري عليهم يصحيهم، وبعد شوية صحي عبد الرحمن وهو بيتوجع من الخبطة وصحي بعدها عم عرفة وهو بيرتعش من اللي شافه. شالوا كريمة على السرير ورجعوا خرجوا من الأوضة من غير ما حد يتكلم… لأن الكلام في اللحظة دي ما كانش ليه معنى.

-

قعد الشيخ عزت وعم عرفة والشيخ عبد الرحمن على الكنبة في الصالة، عم عرفة قال وهو بيحاول يلم نفسه: "انا أول مرة أشوف كريمة بالشكل ده… دي مش بنتي اللي أنا عارفها." الشيخ عزت قاله بنبرة ثابتة: "لازم تعرف إن بنتك اتلعب بيها.

-

عبد الرحمن وعرفة رفعوا راسهم في نفس اللحظة وقالوا: "قصدك إيه يا شيخ عزت؟" عزت قال : "رسالان لما راح بيت عصمت ما كانش صُدفة… ده كان مطلوب يعمل كده عشان يرضي الخدام." الشيخ عبد الرحمن هز راسه وقال: "يبقى كريمة حكيتلي كل حاجة صح.

-

عزت قاله وهو بياخد نفسه بالعافيه: "لا… مش كله صح." عبد الرحمن بصلة باستغراب وقال: "تقصد إيه؟" عزت رفع عينه وقال: "عصمت مختفاش يا عبد الرحمن… عصمت مات." عبد الرحمن اتصدم وقال: "مات إزاي؟ فين جث//ته؟" عزت قاله "هو السر كله في الج//ثة… ولازم نعرف مدفونة فين.

-

عم عرفة قطع الكلام وقال: "أنا مش فاهم حاجة ايه اللي بتقولوه ده!" عزت طبطب على كتفه وقال: "هتفهم كل حاجة بعدين يا عم عرفة… بس دلوقتي لازم نكمل الطريق." عبد الرحمن قاله بجدية: "والحل؟" عزت وقف من مكانه وقال: "لازم أروح بيت عصمت الليلة.

-

عم عرفة قاله بسرعة: "بس الحكومة مانعة حد يقرب من البيت… بيقولوا ممكن يقع فوق دماغ اى حد!" عزت قاله: "لازم أروحه الليلة… وإلا بنتك كريمة هتفضل تعبانه… ويمكن ما تصحاش من اللي هي فيه، عبد الرحمن قاله بثبات: "وأنا معاك يا عزت.

-

عزت بص له وقال: "بس لازم تتحصن كويس… لان اللي هنشوفه مش سهل يا عبد الرحمن." عبد الرحمن قاله بثقة: "وأنا جاهز.

-

انتظروا الجزء الخامس بكرة ان شاء الله

الحلقه الخامسه من هنا

الحلقه الاولى من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺