رواية أرملة رجل حي الحلقه الخامسه بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه الخامسه بقلم الكاتب محمد منصور حصريه وجديده
فكوها وامشو اطلعو برة
دة اللي قاله بركات للرجاله اللي كانو في القصر واول ما كريمة اتفكت جريت علي ولادها و خدتهم في حضنها وبدا تطمئن عليهم وهنا سمعت صوت بركات جاي من وراها وكان بيقول
ما كنش ينفع اجيبك هنا
الا بالطريقة دي علشان ما تعمليش دوشة في السكة وانتي جاية علي هنا
كريمة خدت عيالها في طهرها وقالت
انت عايز مني اية
بركات
ولا اي حاجة. ومتخافيش انا جيبك هنا علشان احميكي منهم
كريمة استغربت وقالت
من مين
بركات
من اللي عايزن يأذوكي. القصر قصرك والهدوم في الدولاب بمقاسات عيالك ومقاساتك وكل اوضة مكتوب عليها اسم صاحبها يعني اسمك هتلاقي مكتوب علي اول اوضة علي اليمين في الدور الاول.
وبص لبنتي عفاف وقال
وقصادها منها اوضة باسم عفاف.
وبص ل صباح وقال
وجنب اوضة عفاف اوضة صباح.
وبص ل حامد وقال
وبعد اوضة صباح اوضة حامد
وبعدها بص ل كريمة وقال
نورتي بيتك وانتي من النهاردة ملكة وكل اللي حوالين منك عبيد وفي خدمتك. ومش هاتشوفيني تاني الا بعد تلت شهور من دلوقتي علشان اكتب عليكي رسمي. عايزك تعتبري نفسك موتي ودخلتي الجنه وعيالك ماتو معاكي يعني اي حد عايش تعرفي ممنوع يوصل لك والا هتبقي عملتي زي ادم لما كل من التفاحة وخرج من الجنة وشاف الدنيا علي حقيقتها وفي ابشع صورة ليها. وانا ما حبش كدة
واداها طهره ولسه هيمشي قالت كريمة
هو اية في اية بالظبط
بص لها ولف راسه وقال
جاي عوضك عن كل اللي فات واللي هتشوفي معايا مش هتشوفي مع حد غيري. بس ابقي اسمحي لي اتصل بيكي علشان اطمئن عليكي وبالمرة اقرب منك وتقربي مني. وبعد التلت شهور بتوع العدة لو ما حبتنيش هرجعك حياتك ودنيتك زي الاول
وسابها ومشي وهي فضلت باصة له ومش مصدقة كل اللي بيحصل،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بنروح لقصر بركات التاني ومع دخوله القصر نشوف نيرة رايحة ناحيته وبتقوله
وديتها فين
بركات بهدوء شديد
هي مين
نيرة
الزفته اللي انت ناوي تتجوزها
بركات قعد علي الركنه وقال
تعرفي اني انا كنت هسالك نفس السؤال اصلي عرفت انها اختفت
نيرة باستهزاء
لا بجد ومين بقي يعرف يدخل العيادة بتاعتك وياخد مريضة منها غيرك
بركات
انا كمان كنت هقول كدة مين يقدر يعمل كدة غيرك
نيرة
لو فاكر انك كدة بتحميها مني تبقي غلطان
بركات
انا بحميكي من نفسك اللي عايزا تأذي واحدة برئية ملهاش ذنب
نيرة
الكلام معاك مضيعة للوقت وانا مش فاضية لك
ولسه هتتحرك نيرة قال بركات
طيب خلي الطباخين يحضرو لي العشاء حاكم انا جعان اوي
كملت نيرة مشي وحتي ما بصتش عليه وبركات طلع موبيله واتصل برئيس افراد الامن اللي في قصر المريوطية اللي في كريمة واللي اسمه وحيد وقال له
اية الاخبار عندك
وحيد كان واقف وراء شباك وبيبص ل كريمة اللي قاعدة في نص القصر و لسة باين عليها الصدمة فقال وحيد
لسة في الهول بتاع القصر زي ما انت سيبتها
ابتسم بركات وقال
هتفوق من الصدمة قريب. وهتحب العيشة دي هي وعيالها. بس اوعي تتصل بحد برة القصر
وحيد
ما تقلقش يا حج كل حاجة تحت السيطرة رقمك بس اللي هيرن علي موبيلها الجديد وما حدش هيتكلم معاها غيرك انت،،،،،،،،،
ونروح لنيرة اللي كانت في اوضتها والموبيل علي ودانها وبتقول بعصبية
ما انا لو سايبة راجل صح في العيادة ما كانتش حد قدر يدخل ويخرج بالزفته دي.
هنا رد علبها ممرض في عيادة الحج بركات اسمه ذكي وقال
يا مدام نيرة النور قطع عن العيادة كلها وفي خلال خمس دقايق كانت كل حاجة خلصت
نيرة
ذكي انت بتاخد مني كل شر علي قلبك قد كدة ولو ما عرفتش خلال يومين البت دي ابويا وداها فين اعتبر نفسك مرفوض. فاهم
وقفلت السكة في وشة ورمت الموبيل علي الارض وكان مرسوم علي وشها غضب ربنا،،،،،،،،
ونروح بقي ل كريمة اللي لسة قاعدة في مدخل القصر مش مستوعبه كل اللي بيحصل وقالت لها عفاف
ماما احنا بقالنا كتير قاعدين كدة واخرتها
كريمة
انا لو اعرف اخرتها كنت ارتحت
حامد
طيب ما تيجي نطلع نشوف اوضتنا اللي الراجل دة بيقول عليها
كريمة
حامد دة مش بيتنا وعمره ما هيكون بيتنا
صباح
لية بس
كريمة
علشان انا مش مرتاحة للراجل دة.
حامد
دة باين عليه راجل طيب
كريمة
ما فيش راجل طيب كلهم شبه بعض دة خاطفنا فاهمين يعني اية خاطفنا
صباح وهو بتبص لكل تفصيلة في القصر
لو الخطف بالجمال والحلاوة ده يارته كان خطفنا من زمان
دة احنا في الجنة
كريمة
دي مش جنه. احنا في نار متزينه من برة لكن كل ما هنقرب منها هنتحرق ونتكوي بنارها
عفاف
ما انتي طول عمرك عايشة في نار ولا نسيتي بسيوني كان بيعمل فيكي اية
كريمة
بسيوني دة يبقي ابوكي
عفاف
انا ابويا ميت من يوم ما وعيت علي الدنيا ولا انتي مش حاسة انك كنتي ديما تقولي انك ارمله لراجل عايش
كريمة
انا اقول لكن انتو ما تقولش كدة. مهما حصل دة ابوكم
وتغمض كريمة عيونها مرة واحدة وتقع من طولها. وبعدها بلحظات تفتح عبونها وتشوف نفسها وهي واقفة قصاد بسيوني وبتقول
قولت انا قلقانه من حكاية بركات دي وانت صممت نكمل واهه كانت النتيجة وفتحت باب اوضة وشافت عيالها الثلاثة في اكفانهم والدم مغرق الكفن اتصدم بسيوني ولسة هيتكلم صرخت في ودعيت عليه وقولت
يارب تموت وارتاح منك انا خلاص ما بقتش قادرة
خرج بعدها يقعد علي القهوة ما رجعش وناس قالو لي انهم شافو وهو بيرمي نفسه من فوق كوبري قصر النيل. لكن الحقيقية انه مات مقتول. فتحت كريمة عيونها ولقيت نفسها في القصر ودم حوالين منها وفي ايدها برقيت من الصدمة، ،،،،
وبعد ما اتصدمت الحلقة خلصت. ومع السلام عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق