رواية أحببته رغماً عني الحلقه الاولى بقلم الكاتب إسماعيل موسي حصريه وجديده على مدونة النجم المتوهج
رواية أحببته رغماً عني الحلقه الاولى بقلم الكاتب إسماعيل موسي حصريه وجديده على مدونة النجم المتوهج
مطلوب خادمه شابه للعمل فى منزل شاب اعزب، جميله وأنيقه، مطيعه لأبعد حد براتب ٣٠٠٠ جنيه قابله للزياده
لقيت الإعلان ده فى جريده وكان مر عليه اسبوع وكنت لسه مفصوله من شغلى بعد ما اتخانقت مع صاحب المحل
كنت محتاجه فلوس جدا وكان الراتب مغرى كل إلى فكرت فيه وانا بتصل بالرقم ان فيه حد تانى خد الشغل بس قلت مجرد محاوله
اول ما اتصلت بالرقم رد عليه بسرعه كان صوت شاب، سألنى مين معايا؟
قلت انا بتصل بخصوص إعلان الشغل إلى فى الجريده
انتى عندك كام سنه؟
٢٣
قريتى الشروط كويس؟
معجبتنيش نبرته بس قلت ايوه
هتيجى هنا فورآ لو عجبتينى هتوقعى على عقد وهتستلمى الشغل
كان صوته مغرو جدآ يخليك نفسك تضربه اول ما تشوفه
بس كان لازم اكمل
قلت حاضر
صيغة العقد إلى هتوقعى عليه انك هتكونى مطيعه لكل اوامرى دون نقاش ولو قررتى تخلى بالعقد فيه شرط جزائى نص مليون جنيه
انا سمعت الرقم وفتحت بقى، قلت فى سرى نص مليون جنيه؟
سكت معرفتش ارد فتره طويله، قال سامعانى؟
لو انا اخليت بالعقد هدفع المبلغ
لو انتى مكنتيش مطيعه هتدفعى المبلغ أو.. وسكت دقيقه وقال بنبره فيها سخريه او هدخلك السجن
مردتيش، سكت مره تانيه، الكلام إلى بسمعه غريب جدا عليه، لقيته بيقول، الراتب ٣٥٠٠ جنيه مع زياده شهريه
إلى انا فاكراه كان مكتوب ٣٠٠٠ جنيه
سألته ٣٥٠٠؟
طيب انا محتاجه وقت افكر
بنبره فيه غل قال، مفيش تفكير، قدامك ساعه تكونى فيها عندي هنا فى الفيلا او تعتبري كل شيء لاغى
٣٥٠٠ مبلغ كويس جدا، مقدرتش اقاوم الصراحه، قلت موافقه
بعد ساعه هكون فى انتظارك متتأخريش!؟
قلت حاضر
سمعته بيقول بدايه جميله
لميت هدومى فى الشنطه وخدت تاكسي يوصلنى العنوان، كان كل تفكيرى انه ده عرض شغل مش كويس وانه لو كان فيه اى قلة أدب مش هقبله، كان تفكيرى مشتت جدا ومرتبك
وقف التاكسي أقدام فيلا فخمه، نزلت منه، شفت حديقه جميله اوى
وكان فيه واحد بيقص الشجر
الباب كان مفتوح دخلت منه وتأكدت ان العنوان مظبوط
بس بس انت فين صاحب الفيلا؟
قعدت انادى على الشاب إلى بيشذب شجر الحديقه، كان حاطط اير بوز فى ودانه ومش سامع حاجه وجسمه عمال يرقص مع الاغانى
كمان لبسه استفذنى، فلنه حملات وشورت وقبعه لبنيه
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق