رواية قتلني ورحل البارت الثاني بقلم ميفو السلطان حصريه وجديده على مدونة النجم المتوهج

رواية قتلني ورحل البارت الثاني بقلم ميفو السلطان حصريه وجديده على مدونة النجم المتوهج 

رواية قتلني ورحل البارت الثاني بقلم ميفو السلطان حصريه وجديده على مدونة النجم المتوهج 

اندفعت ليال لتصطدم بأحد الرجال ولم يكن الا قاسم الذي توقف قلبه للحظة ووقف الزمن حوله حين رأى تلك التي تشع براءة وجمالا كطفلة ملاكية وجهها نور وشعرها البني الحريري يلمع. كانت جميلة لدرجة تخطف الأنفاس وكأنها جنيه هاربة من عالم الخيال لتأتي وتهيم وتحط أمامه. 

شعر قاسم بقلبه يرتجف وكأنه لم يعرف معنى الإحساس من قبل وعيناه تتحدثان قبل شفتيه حاول أن ينطق لكن الكلمات عجزت عن اللحاق بما يشعر 

قفز قلب قاسم من مكانه فهو لم يلق شيئً كهذا في حياته وكأنها فتحت له بابا إلى دنيا لم يعرفها من قبل  كانت هيا تكلمه وهو في دنيا تانيه لتستعجب وتقول

.. يا استاذ يا استاذ..

ليفيق أخيرا وقلبه يدق في مكانه ابتسم ونظر إليها بنظرة دافئة وقال.... اؤمري يا قمر. 

ارتجفت شفتا ليال وخفضت عينيها بخجل لتقول..... ممكن اروح لمدام فادية في المحاسبة. 

قاسم تابع حركاتها الصغيرة وخفة صوتها همس بلين... طب عايزاها ليه.

وهو في نفسه يتساءل....  البت حلوة ليه كده اخدها الف الشركة ايه دي. جايه منين دا كتكوت صغنن وايه عيونها دي. 

رفعت ليال رأسها قليلا ونظرت له بعينين تتوهجان بالخجل وقالت...

لا اصلها مامتي وانا كنت عايزاها في حاجة مهمة. 

قال مبتسما..... طب تعالي معايا.

ايه ماله كده الراجل ده بيبصلي كده ليه.. ايه عايز ايه.. بت يا ليو يكونش راجل مش كويس طب هتعملي ايه انت عبيطه وبتتلبخي.. دا بيبص قله ادب ايه ده اودي وشي فين. شكله حلو وقمور اوي وكيوت بس بيبص كده ليه.دي بصات قله أدب وإلا إيه. 

 لتتنهد وتلتصق بالحائط.

قاسم تملكه القلق والغضب في آن واحد.. البت خافت منك يا زفت اعقل كده.. ليقول بصوت متلعثم من التوتر... ايه ده دانا دوست غلط عالدور معلش هننزل تاني انا اسف..

قالت ببراءه:: مفيش مشكله ولا اسف ولا حاجه..

انفجر قلبه من شدة مشاعره .. ايه الرقه دي يخربيتك انت جايه من عالم الروايات سندريلا يا ولاد.. طب ايه هيا دي اللي هتبقي مهندسه.. يا رب تبقي مهندسه واخدها اعلمها صح.. دا هتبقي احلي مهندسه وربنا...

تحرك قليلا ومد يده من الخلف ليوقف الأسانسير

ارتج الأسانسير تحت قبضته وكأن قلبه يرفرف مع كل اهتزاز. 

لترتعب ليال وتندفع تكلبش في يده.... . ايه فيه ايه هنقع صح 

وجدها ترتجف فابتسم لها بحنان .. لا  لا اهدي.

مسك يدها بقوه.... . قلبي يا بنت الايه......

تنهد  ابتسم لها مجددا وحرك كتفيها بلطف ليمنحها شعورا بالاستقرار عيناه تراقبان كل حركة لها وكل نفس منها يطمئنه على سلامتها..همس.. 

بصي دا بيحصل عادي والله عادي بطلي تترعشي كده..

لتتنهد ويزدادخوفها وهو لا يترك يدها يداعبها بحنان.. همست.. انا خايفه فيه ايه..

اقترب أكثر وعيناه تتفحصها .. ايه مالك اصفريتي كده.

لتهمس بخجل وارتباك صوتها يرتجف قليلا  كأن الكلمات تكاد تختنق في حلقها... هما هيسيبونا كده طب نزعق طيب ممكن تزعق عشان انا مش بعرف اصوت والله..

ضحك ضحكه خافته لكنها دافئه لتلتقط هي أنفاسها وتلتفت إليه تنظر اليه قاطبه فاردف.. ... هما عشر دقايق ويشتغل اوتماتك اهدي والله اهدي.

ارتجف صوتها بخجل وارتباك وتذكرت شيئا... 

.. اصل لسه من يومين شايفه فيلم والبتاع دهون نزل من فوق لتحت رزع واللي فيه بقو فرافيت.

تنهد وضحكته تخترق صمت المكان  .. فرافيت.. الله يبشرك بالخير.. طب اهدي انت ايدك متلجه يا بنتي بقه..

حاولت أن تسحب يدها لكن صوته الحاني أوقفها ... لا خليهم عشان لو حصل حاجه .

كلبشت فيه فجأة أصابعها تشد على قميصه وكأنها تتشبث بطوق نجاة وصوتها يرتعش والدموع تلمع في عينيه ...

ليه ليه هنقع صح هنبقي فرافيت انت بتخبي عليا هنبقي فرافيت. .

انطلقت ضحكته عالية تملأ المكان وتكسر حدة خوفها.... 

.. انت مالك خفيفه كده لا مش هنبقي فرافيت ولو اني بقيت فرافيت عالاخر والله فيه فرتكه جوا.

نظرت إليه ببلاهة صادقة بعينين واسعتين كطفلة  ضائعه ... فرتكه جوا فين.. فين والنبي فين. 

...تنهد وكأن الموقف زاد عن حد الاحتمال ثم اقترب أكثر وخفض صوته هامسا يحمل مزيجا من المزاح والحنان....

لا كتير كده والله.. ..همس.. البسكوته دي جايه منين وفرافيت ايه دي طب ايه هفضل حابسها كتير..

همست واحست بدوار  فتراخت قدماها وترنحت كأن الأرض انسحبت من تحتها.. يا رب  سامحني يا رب سامحني لو هموت والله ماعملت حاجه وحشه ماتخلنيش فرافيت عشان ماما هتزعل.. يا رب. 

تنهد يهز رأسه بدهشه ممزوج بابتسامة وقال بنبرة حاول أن يجعلها مطمئنة .. انت محسساني ان القيامه هتقوم في الاسانسير ماتهدي طيب ويسامحك علي ايه انت  لعبيه بقه وخايفه علي عمرك. 

هتفت بغلب صادق ودموعها تتقاذف بعينيها... لعبيه.. لا والله مابلعب خالص دانا بذاكر علي طول  بس ساعات بلعب مع ماما  السلم والتعبان..

نظر إليها ثم انفجرت ضحكته ضحكة خفيفة لكنها صادقة وقال وهو يرمقها بدهشة ممزوجة بالإعجاب

.. سلم وتعبان.. لا لازم فعلا تدعي جامد دانت جايه من تحت الارض.

ترنحت وهمست بصوت مرتجف.... 

.. انا دوخت انا خايفه اوي قلبي بيدق خلاص هموت مش كده .

اندفع إليها دون تفكير واحتواها بين ذراعيه  صار جسده محاوطها .... اهدي اهدي.

رفعت عينيها إليه ساهمه قالت بلين خطف قلبه .. قول لماما اني بحبها قوي..

نظر اليها بهيام ...  ياني.... وهيا هتموت عليكي دلوقتي انت جايه منين اروح بيكي فين.

وجد راسها مالت علي صدره احتضنها بحنان ورفعها قليلا كان دوارها زاد من خوفها وهو ركن بها علي حائط الاسانسير.. ..

هنتفضح انا عارف.. فعل فاضح في الاسانسير.. .. قلبي هينفجر ايه السندريلا دي.. وفرافيت وسلم وتعبان دي بنت فاديه.. بتاعه الروايات يا قلبي دا خارجه من جواها حالا .

ظل يمسد على ظهرها رفع وجهها برفق وهمس... انت اسمك ايه طيب..

 كانت تحرك راسها علي صدره وأنفاسها متقطعة ولم تنطق...

تمتم داخليا... .. لا كده كتير عقلي هيخف  وربنا اهدي يا زفت البت مسورقه اهدي يا رب ماتفوق بس هنتفضح. اخرتها يا قاسم يا حديدي تتمسك تحرش في الاسانسير.. اهدي بقه انت اتهبلت...

شد عليها قليلا وضغط الزر ليعاود الأسانسير النزول. شعرت بالحركة فتشبثت أكثر فقال بصوت آمر حنون..... 

 ... اتنفسي اتنفسي..

أطاعته سحبت نفسا طويلا استقامت قليلا وهمست بخجل  تصلب طولها وتهمس ...اسفه اسفه اسفه والله..

ابتسم بحنان.... .. اسفه ايه بس..ليتنهد دا احلي حاجه حصلتلي.. 

وصلا إلى الدور انفتح الباب ولم يتحرك. كان ما يزال عالقا ساهما فيها بعينيه و بقلبه..

نظرت اليه مستعجلبه من عدم تحركه... 

هو مش طبيعي؟ اهبل ولا إيه هو نام؟

 . استجمعت نفسها أخيرا وعادت إلى طبيعتها وقالت بخفة وابتسامة مترددة لتقول.. يا استاذ  وصلنا..

ليقول .. هاه اه طب يلا..

اخذها وذهب بها لمكتب فاديه وما ان دخلت علي امها حتي ذهبت اليها مسرعه وحضنتها وظلت تقفز فرحا وتقول... نجحت َجبت َمجموع يا ماما هبقي مهندسه...

لتصرخ فاديه وظلا يصرخان وتجمع الجميع فرحا وعلت أصوات الجميع بالابتهاج اما هو فعينه لم تتحرك عن تلك الجميله التي تقفز فرحا ببراءه. وقلبه سيقفز منه....

ايه ده هيا عامله كده ليه ايه القمر ده ومالها كيوت كده حاسس انها my fairy قلبي بيدق عالاخر وربنا .

كان قد تجمع بعض الشباب وكل منهم عينه علي ليال شعر بالغيره تنهش قلبه تخبطت أفكاره في رأسه يفتش عن مخرج ....  هياكلوها بعينهم يخربيتكو انا لحقت ادخلها طب ايه ايه اعمل ايه.. فكر يا طور عالم محرومه صحيح والقطه تهبل.. قطه سيامي ماتشافتش . ...

اقترب من فاديه  بصوت حازم لكنه ودي... .. يا مدام فاديه تعالي معايا عايزك ضروري..

اخذت ابنتها َواستاذنت البقيه تقول... خير يا قاسم فيه ايه.

ليقول :: لا بس هعزمكو علي حاجه بمناسبه نجاح الانسه..

ضحكت بخفة ورفعت حاجبها باستفهام .. قصدك ليال يا عم هتتعب حالك ليه وهتسيب شغلك ازاي بس مش وقت البريك َهنتعلق...

ليقول ... لا والله ما هيحصل طب انا هستناكي تحت فاضل نص ساعه ايه رايك..

فكرت فاديه وتقول بأبتسامه حنونه... طب ماشي.. ليال روحي مع قاسم وانا نص ساعه وهنزلكو نشرب احلي عصير يلا يا قلبي..

لتنزل ليال معه وهو يشعر بسعاده طاغيه وهيا ترتبك من نظراته وقلبها بدا يرجف فقاسم وسيم جدا وذو شخصيه رجوليه وهيا فتاه رقيقه مازالت صغيره لم تعتاد علي معامله هكذا رجال.

اما هو فيلاحقها بنظراته . يريد ان يخطف ذلك الجمال وتلك البراءه ويرحل بها بعيدا عن البشر .

نزلا الي الكافتريا بجوار الشركه. كانت تشعر بالحرج ابتسم علي تلبمها... انت مالك بتفركي كده انت مكسوفه مني انا مش هكلك. 

ثم أضاف وهو يضحك بينما صوته الداخلي يفضحه.... 

وربنا هموت وآكلك دلوقتي.

تابع بنبرة أخف... 

ـ ولا إنتِ صغيرة قوي وخايفة مني

قالت مسرعه.. انا مش صغيره انا عندي تمنتاشر سنه ومش خايفه هخاف من ايه...

ضحك فنظرت اليه ببلاهه وابتسمت ساهمه فيه فكان وسيما .

رجف قلبه ابتسم من نظراتها.... 

(لا وربنا دانت لازم تخافي يا بت هقوملك يخربيتك..).

زفر تنهيده من أعماق قلبه.. .. ياستي مدام فاديه زي امي بالضبط طيبه وحنينه ومتبنياني دا بتجبلي معاها سندوتشات كمان وانا بتسول عليها يعني اهل وبقالنا سنه هارسين مع بعض ..

اندفعت ببراءه.. مانا اللي بعمل السندوتشات دي..

ابتسم بوله وعيونه تلتهم تفاصيلها :: وانا اقول يا ربي ايه الجمال ده.. والله جمال ما فيه زيه..

لتحمر خجلا وتقول... هو ايه...

قال بحب اقترب يتاملها .. السندوتشات حلوه قوي تسلم ايدك..

لتطرق خجلا وتقول ...شكرا..

قاسم صمت قليلا ثم قال مشاكسا... لا ماحنا مش هنعرف نقعد وانت ساكته ومحمره كده الناس هتقول بتحرش بيكي والا حاجه..

 لتشهق من كلماته فضحك.... يا ستي بهزر خليكي كده براحتك مابعضش والله. 

ليال بتلبك كبير ... لا ابدا اصلي مش متعوده اقعد مع حد ماعرفوش ومش بقعد مع حد لوحدي وماما مابتسبنيش..

نظر اليها بسعاده ساهما.. وانا اقول البت قالبه علي اهبل ليه ومالها كيوت كده.. مقفول عليكي يا عمري.. بس جالك اللي هيحطك تحت ايديه ويعلمك احلي علام.. يابختك يابن الحديدي يابن المحظوظه دانا هعيش...

تنهد وقال... مين قال دانا عارفك كويس ومدام فاديه غلبت كلام عليكي دانت بقيتي معانا في المكتب مهندسه خلاص..

ضحكت وهنا رجف قلبه ليقول بسرعه ...والله حاجه تجنن قلت والله..

لتقول بغرابه... هو ايه انت غريب اوي..

ابتسم وقال مازحا.... 

.. لا ماتشغليش بالك ال غريب ال انا برضه دانت جايه من سبيس تون هو فيه كده..

قطبت... انت بتقول ايه..

ضحك واكمل كلامه.. 

.. بخرف والله شويه وهلسع وهكلم نفسي من اللي جوايا.. دانا جوايا حاجات علي بعضها..

قالت باستغراب ...حاجات ايه انت عندك مشاكل..

نظر إليها بهيام... 

... اه بقي عندي مشاكل بالكوم في قلبي ومشكله جامده..

نظرت اليه بحزن وقالت بنبره حانيه... 

.... طب فيه علاج وان شاء الله تبقي كويس..

ليقول بوله ساهما في كل انش فيها.. .. هبقي كويس ازاي بعد كلامك ده.. وان كان عالعلاج فيه علاج بس يرضي العلاج وانا اخده في حضني..

قطبت جبينها مطت شفتيها باستغراب.. علاج ايه اللي تاخده في حضنك انا مش فاهمه حاجه..

ضحك وقال مسرعا... 

.. تصدقي انك عسليه لتخجل وتحني راسها فاردف قائلا.. . احسن حاجه انك مش فاهمه..

همس داخليا لنفسه.... عشان اخد حريتي الا انا هدخن كمان شويه وههجم عليها واخطفها واخبيها واخدها في حضني ماتطلعش.. اه ياني ايه دي وطلعتلي منين..

قالت بجديه.. .. وقلبك بيتعبك جامد يعني عملت اشعات وتحاليل مع ان مش باين عليك ماشاء الله شكلك حلو.. زعلتني والله ربنا بجد يشفيك..

ابتسم وقال بلين... 

.. لا هو مشكله حصلت وهتتحل ماتزعليش ولا تفكري اصلا انا اللي هفكر واراضي قلبي بنفسي انت اصلا هتتفاجئ وادعي ان ربنا يهديلي قلبي..

تنهد ثم توقف فجأه.. .. ايه ده.. انت بتقولي حلو.. هو انا حلو والنبي...

اطرقت راسها خجلا واحمرت بشده وتلبكت تفرك يديها.. احس ان قلبه سيقفز من جمالها.. ايه يا بت يخربيت كده هو فيه كده من كلمه هتموت في ايدي امال لما ادوس  هتسورق.. قمر يا ناس.. يا حظك  يا قاسم رشقت في موزايه عايزه تتقشر بشوكها...

 هم ان يشاكسها ليجعلها تحمر اكتر ليقول.. انت مالك مكسوفه كده هو احنا مش بقينا اصحاب خلاص..

همست بخجل... 

.. اه امال طبعا ربنا يخليك..

ضحك واقترب منها .. هو ايه اللي ربنا يخليك..هو ده رد بزمتك..

قالت بخجل تبتعد قليلا.. مانا مش عارفه اقول ايه...

ليقول بسعاده... ماتقوليش عشان كل اما بتقولي حاجه بحس اني هقلب اهبل بعد ماكنت عاقل وراسي...

قطبت جبينها تقول بحزن .. انا بخليك اهبل ليه عملت ايه. 

ابتسم بحالميه.... ماهو النصيبه انك مابتعمليش.. امال لو عملتي يا بنتي انت جايه منين بشكلك ده..

صمتت قليلا.. نظرت اليه ببعض الغضب وتزمرت... شكلي ماله شكلي انت مش عاجبك شكلي انت حر بس من فضلك متكلمنيش كده..

بهت قليلا وهتف بذهول... 

.. نهار اسود انت فهمتي ايه هو مين اللي مش عاجبه شكلك دانا لا شفت ولا هشوف ولو فتحت في الكلام هترشقي الطربيزه فيا والله.. تنهد... دانت قمر وكيوت وعسليه..

احمرت وقالت بخفوت..... من فضلك مش بحب الكلام ده..

ابتسم.. 

... دا من بختي... ليكمل في نفسه.. بكره اخليكي تحبيه يا قمر انت دانا ماهسيبش الجمال ده  وربنا.. كان ينظر اليها بهيام وهيا تفرك ولا تعرف اين تذهب بوجهها فهو جرئ بنظراته .

دخلت عليهم فاديه وجلست طلب لهم مشروبا وبعض الكيك. كانت جلسه مرحه فعلاقته بفاديه علاقه جيده وحاول ان يتماسك امامها لينتهي الوقت و قلبه سيخرج من مكانه.. من فرط سعادتهِ

سلمت عليها والدتها تقول... روحي بقه يا قلبي وطمنيني عليكي اول ما تركبي واول ما توصلي..

هب قاسم مسرعا.. ازاي يعني وانا رحت فين...

فاديه مبتسمه بحرج.... لا يا قاسم مايصحش عندك شغل وماينفعش.

هتف بإصرار... 

... والله ابدا يولع الشغل نسيبها ازاي تركب لوحدها..

تمتم داخله بسعاده...  دانا قتيل التوصيله دي..هب ووقف وسبقها وضعهم امام الامر الواقع يقول .....

مستنيكي بره يلا.

ثم َتركهم ومشو وهما ينظران لبعضهم بتعجب..

خرجت ليال تبحث عن قاسم  اخذها وفتح لها باب العربه وظل قريبا لتدخل هيا تشعر بانفاسه تلفحها شعرت بالخجل وقلبها يرجف  استنشق هو عبيرها ليتنهد ويقفل الباب سعيدا يحس بخفقات تتصاعد بداخله.

ركبا معا وبدا في الكلام معها ويسالها عن نفسها يتكلم معها بطلاقه وهيا ترد لتشعر ببساطته وقوه شخصيته احبت الكلام معه وهو كان يلف بالعربه من شوارع َمختلفه حتي لا يصل بسرعه..

لتنتبه اخيرا.... بشمهندس احنا تهنا.

نظر اليها بحب.. تصدقي انا تهت عالاخر...

لتقول بحزن ... طب هنعمل ايه.. انزل اخد تاكسي وحضرتك تروح..

نظر إليها بسعاده.... اولا انا مش حضرتي انا قاسم وبس. ثانيا انا مش عيل عشان اسيبك تنزلي اظن عيب في حقي..

همست بخجل... 

.... لا والله مش عايزه اتعبك..

تنهد بغلب.... 

... انت لسه هتتعبيني دانا قلبي وقع خلاص والتعب حط عليه ..

ثم أكمل بلين.. .اسكتي والنبي يا ليال انت صغيره اوي..

لتتبرم وتقول بنره حاده.. انا مش صغيره..

ضحك ...علي فكره احلي حاجه انك صغيره وبريئه ودا حاجه مش موجوده وهبقي مبسوط اوي بعدين..وهو يقول في نفسه.. البراءه دي هتتفتح الا علي ايدي يا قمر...

هزت راسها بتعجب... 

... علي فكره انت غريب بجد وبتقول كلام غريب غير انك عيان ربنا يشفيك..

ضحك.. لا انا مش عايزه يشفيني انا مبسوط كده..

نظرت اليه ببلاهه... انت عايز تفضل عيان ازاي كده..

ليقول مبتسما عيونه تجوب وجهها ... اصل عيايا له علاج واحد هجيبه قريب. يبقي بتاعى هيبقي احلي علاج..

رفعت حاجبيها وهزت اكتافها..طب لو عايز مساعده نقدر نقدمها.

هز راسه... 

... اه عايز والله.. بس عموما انا هتصرف في عيايا وهريح قلبي لما علاجي يخاد باله..

نظرت اليه ببلاهه.... علاج ايه اللي ياخد باله.. يا استاذ قاسم ماتسيبش نفسك عشان التعب مايكبرش واللي جواك يبقي مالوش علاج

ضحك وقال.. 

.... لا عايز اسيبه يكبر واللي جوايا ماعتش له علاج من اساسه..هيا لسعه ولسعت َخلصت فيها. 

تنهدت بحزن.... يا حرام ليه حالتك ميئوس َمنها ماتقولش كده والنبي.

غمز لها... 

.. لا حالتي عايزه حد معين يجي يمسك قلبي يداويه لحسن.  قلبي طلع خفيف والله بايني هنهبل.. بس علي مين ورحمه ابويا لاطوله.

مطت شفتيها لا تفهم شيئا.. 

... طيب ربنا يوفقك ينولك اللي في بالك..

ظل ينظر اليها وسهم فيها.. .. طب اقولها ايه بعد الدعوه دي يا بت ههجم عليكي باللي  جوايا.. قبض علي يديه.. اعقل كده البت بسكوته.. حاجه كيوت عالفرازه.. هيا حلوه كده ليه..

ليقول فجاه انت معاكي تليفون..

لتخرجه من شنطتها.... اه اهوه اتفضل..

ضحك علي الفور هاىما بعفويتها ... والله انت عسل...

خجلت هيا من نظرته ... لا برحتك اتكلم زي ماتحب معايا رصيد..

صدحت ضحكته .. ماشي هتكلم والله لما اشبع انا عارف..

فتح تليفونها ورن علي تليفونه ثم اعطاه لها لتقول بغرابة... انت ماتكلمتش..

ابتسم وقال.. 

... لا ماتقلقيش دانا هشبع كلام..ثم قال مغيرة الكلام.. وانت عايزه تتخصصي ايه بقه..

لتندفع ببراءه تحكي له عن احلامها .... نفسي يبقي عندي شركه كبيره للديكور اعمل اسم واريح ماما بقه..

ابتسم وقال بتعجب... 

.. ده بس كل امانيكي.. امال ايه بقه الروايات اللي بتقريها لمين دي.

خجلت وهمست... انت عرفت منين. 

ضحك مقرأ معلوماته.. 

... لا انا عارف عنك كل حاجه مدام فاديه مابتخبيش عني حاجه.

ببراءه همست له.. انت صاحبها صح.

ضحك ... ايوه صاحبها وهبقي صاحبك كمان وهتخشي هندسه وليا الشرف اعلمك.

 لتتنهد وتصمت فاكمل... . ما قولتليش. تفكيرك في الشغل بس والروايات دي لايه. 

لتهمس.. يعني مفيش

اقترب يقول بلين.. 

... ايه ماعملتيش علاقه اللي بيقرا الروايات لازم يكون بيحب. 

لتشهق وتهتف مندفعه.. لا والله ماحصل.

ابتسم بسعاده تشق قلبه.. .. يعني مفيش حد في حياتك.

لتهز راسها بخجل ليهمس.. خالص خالص.

لتهمس ووجهها اشتد احمرار .. والله مافيه انا مش بعرف حد.

همس هائما ...لا هتعرفي وتعرفي صدقيني جايلك اللي هتعرفيه.

نظرت اليه ببراءه... جايلي...

قال لنفسه.. دا جه  وقلبه انخطف.. العسليه دي ماحدش قربلها ازي بس.

تنهد واكمل كلامه معها لتحس براحه معه ليهتف اخيرا.. 

وصلنا اهوه البيت.. 

ابتسمت بخجل تترجل من السياره تقول ...متشكره اوي وفرصه سعيده.. مع السلامه..

مسك يدها فبهتت بخجل.. 

.. وانا اسعد وربنا.. بس ماسمهاش مع السلامه اسمها اشوفك تاني وهيحصل ..

لتندهش وتنزل مسرعه بخجل وهيا لا تعلم ماذا حدث لها ولماذا اربكها هكذا او لماذا دق قلبها هكذا لتصعد وهيا تفكر فيه ..

اما هو فقفل العربه وارجع راسه للوراء واغمض عينيه..

ايه ده ايه اللي حصل ده.. هو فيه كده.. دانا قلبي كلبش في ثانيه.. ايه البت دي.. جايه من ديزني.. كتله براءه. جمال ولا فاهمه حاجه ولا عارفه حاجه.. حته كيوته خام مش من دنيتنا اصلا... لا دي مااعرفش اسيبها وربنا .. ايه يا قاسم طبيت والا ايه ماهي بصراحه صعبه اوي.. مزه  وبريئه في نفس الوقت.. ...

فتح تليفونه يري نمرتها يقبلها ويتنهد... قاسم رشق يا قمر وماهيسيبكش الا وانت بتاعته.

ابتسم وتنهد  وعاد الي عمله هائم بتلك الجنيه الصغيره.

******************

ظل ايان ينتظر كارما لتاتي له ككل يوم ولكنها لم تاتي استعجب من تأخرها....

. راحت فين ست زفته ماحنا جايين مع بعض ايه حرقه الدم دي. انا ناقص قرف ولبسها الزباله ده مولع فيا..

تنهد... ايه يا إيان بتفكر في ايه انت ناقص

 قرف ماتولع.

ظل يحاول ان يركز الا انه هب مره واحده.. الهانم تلاقيها بتتصرمح ماهي عايزه تصاحب.. احس بحرق داخله... تصاحب.. منك لله يا شيخه اتحدفتي عليا منين.

ليندفع للخارج بغضب  يبحث عنها. 

ذهبت كارما الي جدها تشكو له معامله ايان الجافه وتطلب العوده الي حسام فوافق علي الفور . ذهبت هيا الي مكتبه  .سعد حسام بتلك الجميله اخذها وجلس بجوارها يشرح لها العمل واموره.

كان ياكلها بعيونه كانت كارما رقيقه جميله تلبس فستانا رقيقا قصيرا لتجلس بجواره ليرتفع فستانها قليلا لتظهر امامه خلابه ذو جسد يلهب القديسين لتتحول نظراته الي رغبه حارقهِ

 جلس يتكلم بنعومه ... بجد يا كارما سعيد انك بقيتي من نصيبي دون عن الشركه كلها.

ابتسمت بسعاده  .. بيقولو عليك شاطر وبتعرف في كل حاجه. 

التهمها بنظراته قال برغبه فادحه .. لا من جه شاطر شاطر ومن جه بعرف لا بعرف بالجامد وهوريكي ازاي بعرف وهتنبسطي معايا اوي. وهعرفك اللي بعرفه بس تسيبيلي نفسك تحت ايدي .هخليكي جامده..

لتهتف ببرءه.. ايوه بالله عليك الا انا هبله عايزه ابقي جامده كده واخش في الشغل.

لياكلها بعينيه ويهتف.. لا الجمدان جاي.. اخوكي جامد وتقيل وهيعمل احلي شغل مالشغل يستاهل بصراحه...

ليسمعا رزعا بجوارهم لتشهق هيا عندما..

تعليقاتكو بليز 💓💓💓

... يلا كان طيب الله يرحمه 😁😁😁😁

ارفعو الروايه دي قمررررر

تابعوها علي صفحه Mevo ll حكايات

 تعبانه يا عيال ادعولي

الفصل الثالث من هنا

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙