رواية قتلني ورحل البارت الرابع بقلم ميفو السلطان حصريه وجديده على مدونة النجم المتوهج

رواية قتلني ورحل البارت الرابع بقلم ميفو السلطان حصريه وجديده على مدونة النجم المتوهج 

رواية قتلني ورحل البارت الرابع بقلم ميفو السلطان حصريه وجديده على مدونة النجم المتوهج 

كان قاسم جالسا في  عمله منحنيا على مكتبه حين اقترب منه رئيسه بخطوات خفيفة دخل عليه  هامسا.....قاسم بيه الحديدي بيه عايزك .

تنفس قاسم بعمق ثم نهض واتجه إلى الأعلى. وما إن دخل على جده حتى استقبله صوته الغاضب حادا كالسوط.....

  وبعدهالك يا قاسم بيه مش الزفت السنه عدت وسيادتك لابدلي تحت مع الشغالين عندي..

توقف لحظة ثم أكمل بحدة أشد وصدره يعلو ويهبط ... هو ايه انت سوقت فيها.. انت من بكره تخش مكتب نعيم انا مش هقعد كده بطولي لا ابن ولا حفيد.. انت هتجلطني ناقصك ايه مش اتهببت اتعلمت واتمرمط سنه كامله ...اسمع دا اخري انا خلاص عايز ارتاح وحفيدي يخش معايا ويناطح معايا..

هز قاسم راسه بامتعاض لكن صوته خرج هادئا ثابتا ... ياجدي انا اه اتعلمت بس لسه شويه لو قعدت جنبك هبقي حفيدك وبس ابن الحديدي انما ماليش قيمه ليا لنفسي . انا عايز ابقي قاسم الحديدي اللي مايقفش جنب حد ويستخبي ورا اسم حد ..

بدر رد بعنف فاض به الكيل .. وهتبقي قاسم زفت امتي انا جبت اخري.

اقترب منه وصوته يزداد حده.... انت يابني جايب طباع الغلابه دا منين دانت سيد.. باشا تأمر فتطاع .

تقدم خطوة أخرى محذرا ونظراته صارمة ....جدك مش قليل جدك الكل بيخاف منه..

 قاسم بنفاد صبر والضيق واضح في ملامحه قال بحدة مكبوتة ... والنبي يا جدي انا ماليش في موضوع السيد والعبيد بتوعك دول .

ثم أردف بنبرة أكثر ثباتا....انا ليا ان الناس تخاف مني بشغلي يوم ماقعد علي مكتب ابويا اقعد صح ودا اللي ليك عندي..

تنهد الجد طويلا فهو يري في حفيده مستقبل واعد رغم عناده. هز رأسه وقال بصوت أهد....:..... 

اما اشوف اخرتها..

الا انه أضاف وكأنه يحسم أمرا....بس اعمل حسابك السنوسي عامل حفله تخرج بنته هنروح انا وانت..

تقلص وجه قاسم بقرف واضح وقال بحده ظاهره ... وانا مالي بسي زفت وبنته اروح بتاع ايه انا لا بطيقه ولا بطيق البت دي.

أردف الجد بنبرة سلطوية لا تقبل نقاشا ..... لا هتطيقها .

ثم أضاف وهو يلوح بكفه......دي هتورث ملايين ودي اللي تنفعلك بلاش بقه شغل الشحاتين ده ولم نفسك البت ماهسيبهاش ابدا تطير احنا هنتحد وانت هتتهبب تتجوزها..

صرخ قاسم باندفاع لم يعمل حسابه ..... اتجوز مين انا مش هتجوز الا اللي بحبها انت فاكرني ايه لعبه في ايدك..

نظر اليه بدر طويلا فهو رجل ذو دهاء وباس. لم يغضب بل ابتسم ابتسامة خفيفة فيها دهاء وثقة وقال بهدوء متعمد.... انت بتحب يا قاسم.. 

توقف لحظة ثم أردف....

طب وماله لو حاجه كبيره هاتها وانا اجوزهالك انا عايز عيال وخلف عايز عزوه انت فاهم..

ارتبك قاسم وابتلع ريقه وقال برهبه.. .. احب ايه بس انت سايبلي فرصه..ثم اكمل باصرار ... بس جواز من البت اللي شكل البرص دي مش هيحصل..

ظل الجد ينظر إليه طويلا نظرة فاحصة حتى تيقن أن في صدر حفيده شيئا لم يقال. عندها انفرجت شفتاه عن ابتسامة خفيفة ابتسامة ثعلب يعرف متى يهادن ومتى ينقض وقال بدهاء .... 

عموما دا كلام سابق قدامك بالكتير كام شهر وتيجي تترزع مكانك والعالم كلها تعرف انت مين وابن مين ودا اخر كلام..

خرج قاسم غاضبا صدره يضيق وخطواته سريعة. لم يكن له حيلة أمام تصلب جده وجبروته فهو ما زال يافعا لا يجرؤ أن يقف في وجهه وجها لوجه.

وما إن أغلق الباب خلفه حتى نهش القلق قلب الجد. جلس مكانه صامتا يعيد كلمات قاسم في رأسه مرة بعد مرة ثم تمتم بصوت خافت:

 ..... مش مرتحالك يابن نعيم .

رفع السماعة فجأة ونبرته حاسمة ...جمال اسمع انا عايزك تشوفلي قاسم بيعمل ايه من ورايا واياك تحسسه بحاجه..

انهي حديثه سكت لحظة ثم تابع بنبرة اختلط فيها الغضب بالخوف....يا خوفي يابن نعيم ان حد يضحك عليك ويلعبلك في عقلك مانت اهبل..

 ثم شدد صوته بوعيد .....لااا ساعتها انهش قلب اللي يقرب منك.

 استند إلى المقعد وأكمل بثقة رجل خطط لكل شيء......انا مخطط ليك ولاخوك كل حاجه تمشي بالمسطره.. لو هدوس عالدنيا بحالها بس خططي تمشي .

ابتسم ابتسامة مظلمة وهو يهمس.....امبراطوريه الحديدي تمشي غول السوق قاسم نعيم هيجي . ..

خرج قاسم والغضب ياكله..

 عايز يجوزني بت بارده ماعندهاش لا دم ولا اخلاق.. 

تنهد وتذكر ليال مبتسما.... طب والقمر اللي خد قلبي اسيبه.. 

اشتدّ صوته في داخله فيه غيرة وامتلاك.....تسيب مين يا قاسم انت عبيط.. البت بروحك تسيبها دانت قابلتها مرتين وانطبعت جواك امال لما تكلمها وتبقي بتاعتك. ليال ماهسيبهاش لصنف راجل يبصلها مش اروح اجيب واحده مبصوصلها من خلق الله.. .

أخرج هاتفه بسرعة  وضغط على اسمها....وعلى الطرف الآخر ما إن رأت ليال اسمه يضيء الشاشة حتى ارتبكت.

....... هو بيتصل ليه ماكنا لسه مع بعض.. 

فتحت  بلهفه واضحه.... قاسم خير فيه ايه انت كويس كنت قولتلي ان قلبك تعبان..

شعر بسعادة دافئة تتسلل إلى صدره سعادة خففت حدة غضبه انها قلقه عليه ...قال بصوت منخفض لين....

 ..  والله قلبي ماعدش معايا...

قاطعته بسرعة وصوتها مشوب بالخوف ...طب ليه يا قاسم تسيب نفسك والنبي لازم تتعالج...

تنهد وقال بهيام..... ماقدرش ماسيبش نفسي وربنا ومش عايز اتعالج دانا عايز اكتر والله..

وصلها الوجع من نبرته فخف صوتها وامتلأ حنانا.. لا يا قاسم ربنا كبير وكل حاجه وليها علاج وماتياسش كده واحنا جنبك..

شعر بسعاده من نبرتها القلقه .... بجد يا ليال هتبقي جنبي..

شعرت بالحرج ... اه طبعا انا وماما معاك علي طول انت بس تتعالج.. والنبي يا قاسم تتعالج ماتوجعش قلبي...

 ابتسم وهو يشعر أنه يحلق بعيدا وقال بصدق.. ماعاش اللي يوجع قلبك .تنهد واكمل ....بس بصراحه من غير زعل انا لا تعبان ولا حاجه انت االي فهمتي غلط وتقريبا بتفهمي كل حاجه غلط..

لتقطب قليلا وتحس بالراحه ولكنها اغتاظت منه... طب وبتعمل كده ليه انت عقلك فيه حاجه توجعلي قلبي ليه انا دلوقتي عملتلك ايه هو حد بيبشر علي نفسه ..

ضحك بخفة وحاول تهدئتها... طب براحه طيب والله اصلك كنت مابتنطقيش وحبيت احنن قلبك عليا شويه وتتكلمي...

قالت بلين واضح ... تحنن قلبي هو انا كنت قاسيه  معاك دانا ماعملتلكش حاجه حرام بجد..

رد بصوت دافئ.. .. قاسيه ايه بس دانتي حاجه تانيه والله.. 

اكمل مازحا ....بس خلاص بقه طب يا ستي ادعي علي نفسي اني..

لتقاطعه بسرعه ونبرتها تمتلئ بالخوف ... .. بس بس بعد الشر عنك بطل والنبي..

ابتسم بحب وقال وهو يستمتع بارتباكها  .... ايه خايفه عليا ممكن اعرف ليه..

لترتبك وتقول.. لا مش خايفه.. لا خايفه.. قصدي يعني مش بحب حد يجراله حاجه وحشه..

قال بثقه هادئه..... حد.. هو انا حد.. لا يا ليال انا قاسم.. وقريب هبقي حاجه اكتر من قاسم كمان..

خجلت وساد صمت قصير. تنهد وهو يبتسم ...عارف هتسكتي كل اما بنطق كلمتين تسكتي لما هتشل.. اقولك سلام بقه يا قمر اروح اقول لمامتك علي اللي اتفقنا عليه..

انفرج صوتها بسعادة واضحة واندفعت .... اه بالله قولها قلها عشان توافق.

سألها وهو يضحك..... ولو وافقت هتنبسطي..

قالت بلهفة صادقة... اه والله هنبسط اوي..

سمعت ثم سمعت ضحكته... فشعرت بالحرج وأسرعت تضيف .. اصل.. اقصد يعني عشان هتساعدني وكده..

ابتسم وقال بصوت دافئ.. والله انت عسليه..

تنهدت ثم ساد صمت قصير قبل أن يهمس... ليال كنت عايزك تفتحيلي قلبك حاسك مالكيش اصحاب انا انفع.

اندفعت بحماس قبل أن تنتبه لنفسها... اه تنفع والله اوي.. تراجعت مرتبكة.. اقصد يعني يعني.. انا ماليش اصحاب مابعرفش اصاحب ماما مابترضاش. 

تنهد وقال بنبرة فيها مزاح خفيف.. اقول ايه بس مدام فاديه مزوداها قوي.

لتضحك ليال وتنفجر بكبت.... ياختاي دا مش مزوداها دا خنقاني ذات نفسي.. تخيل بجيب روايات محرماني اقراهم وتقعد تقطعلي نصهم وتقلي لا انت لسه صغيره محسساني اني هبله وما عرفش حاجه وانا عارفه كل الحاجات. 

ضحك يشاكسها ... متاكده انك عارفه كل الحاجات.. يا ليال انت معديه العبط والله. 

قالت بسخط طفولي.. انت هتعمل زي ماما والله عارفه كل الحاجات وشاطره واعرف ألفك علي صوابعي كده لف.

انفجر ضاحكا ضحكة صافية فهتفت بغيظ ...... انت بتضحك علي ايه. 

ابتسم وقال بثقة لطيفة... والله ماتعرفي تلفي قطه.. 

ثم أردف بنبرة حنونة......

انت كتكوت صغنن ملفوف في حرير..

تنهد وتابع وهو يغير الموضوع....بس قوليلي انت لما بتقري الروايات بتتبسطي.

لتندفع بحماس صادق ...دانا عايشه جواها دا حياتي بنام احلم بال.. لتصمت فجاه..

قال بلهفة واضحة... بايه قولي..

قالت بخجل واضح.... هاه لا مفيش

قال بثقه بنبره مرحه ...مانا عارف مش قولتلك عارف عنك كل حاجه..

همست بتردد..... عارف ايه. 

تنهد ثم قال بنبرة مازحة ..... بتنامي تحلمي بالحصان الابيض والفارس اللي هيجي يخطفك  ..

 سكت لحظة وأضاف بسرعة....ايه مش صح..لتتنهد وتصمت فقال بغلب ....يا بنتي بكلم نفسي طب خلاص لو مضايقك اوي كده هقفل. 

اندفعت بسرعة وصوتها متوتر... ..... لا والله بس بس... 

قال مبتسما... مكسوفه صح.. مش قولنا هنبقي اصحاب فيه بين الاصحاب كسوف.. لتتنهد فسأل بلطف:... والفارس ده بقه عايزاه  شكله ايه. 

سرحت وأغمضت عينيها كأنها ترى الصورة وقالت بهدوء حالم...

عايزاه حنين وطيب وبيحبني وكيوت كده ويقولي كلام حلو علي طول وياخدني ويركبني الحصان ويطير بيا. 

همس بهيام قلبه يخفق بعنف.... دا هياخدك مش بس يطير دا هياخدك ويدوب فيكي.. 

اردف بحنان ولين ...ليال انت طيبه اوي. 

 همست بثقة بريئة... هو كمان هيبقي طيب ما ربنا قال الطيبون للطيبات ..هووانا هبله صحيح بس طيبه وقلبي مليان خير واللي هحبه هديه الخير اللي جوايا. 

قاسم متسائلا ..... بس كده ..مش عايزاه بقي غني وعنده قصر البنات بتحلم بكده. 

ضحكت بخفه .. غني وقصور منين يا حسره انا اخري ابو قرش وابو قرشين. 

تنهد وقال بحب ... مين قال دانت تتاقلي بالدهب. 

... دهب ايه بس انا عمري مافكرت في فلوس ولا حاجات من دي انا بفكر. فيه وبس مشاعره وبس وازاي هسعده انا مستنياه بس يجيلي وهبقي كويسه خالص معاه. 

ابتسم وسأل بلطف... هتبقي كويسه ازاي. 

تنهدت وقالت ببساطة  ....اولا هسمع كلامه واقول حاضر وطيب ماللي بيحب بيسمع لحبيبه. 

ابتسم وسأل بلطف... كل كلامه. 

ابتسمت واضافت بصدق ... اه عشان ما زعلوش. ماستحملش يزعل انا لما حد بيزعل مني بتوجع قوي. ثانيا بقه كل اللي اتعلمته في الروايات هعمله. 

ضحك وقال بمزاح .. طب ماتديني فكره

اندفعت بخجل...... لا بقه ماينفعش.

ابتسم باستفزاز خفيف:... ايه حاجات عيب. 

شهقت معترضة:... لا والله ماما بتقطع كل العيب انا مش بقرا كده. 

تنهد وهو يضحك.. اقول ايه مامتك هتخليني انجلط والله.

سألته ببراءة... ليه تنجلط بعد الشر.

قال بنبرة مازحة... عشان القفله كده كتير يا ليال. 

دافعت عن نفسها بسرعة... مش عشان ابقي مؤدبه يا قاسم  يعني وانتو ...انتو الرجاله بتحبو البنت المؤدبه. 

تنهد وقال بصراحة هادئة...... اه بنحبها بس مش المكبوته يا ليال انا حاسس اني بكلم بنت اختي. 

قطبت حاجبيها بغيظ... ايه بنت اختك قصدك ايه اني عبيطه وصغيره.

 ضحك مرة أخرى تنهد وقال...لا انا اقدر اقول كده.. سكتت غاضبه ...فقال بلين...ايه ساكته ليه.. لم ترد عليه كانت  ..فضحك .

قالت ساخطه ....بتضحك علي ايه انا مش عبيطه. 

ابتسم وقال معتذرا..... طب خلاص حقك عليا مش هقول تاني كده. 

قالت بنبرة متأثرة... بطل تقول كده هزعل منك الله ....ثم أضافت بإصرار....انا مش عبيطه والله وبعرف حاجات كتير بطل. 

تنهد يكبت ضحكته...... حاجات كتير.. دا غلب والله..  طب خلاص هبطل بس بشرط توعديني انك ماتقفليش علي نفسك معايا وتفتحي قلبك وانا هحاول اخليكي تعرفي حاجات لازم تعرفيها. 

لتندفع بسعاده... بجد يا قاسم هتعلمني حاجات حلوه ..طب..  طب موافقه. علمني ابقي بنت زي البنات كده وشاطره انا مابعرفش اتكلم كلمتين اعمل ايه بس. 

تنهد باسي ... الله يسامحها بقه الست الوالده ...ثم قال بثقه ...بس اطمني قاسم دخل حياتك  مش هيسيبك كده وهتبقي ليال تانيه علي ايد قاسم. 

لتتنهد وتهمس بسعاده... اه والنبي نفسي ابقي زي البنات. 

قال بصدق ونبره حب واضحه.. ....عمرك ماهتبقي زيهم انت في حته تانيه .جنيه مسحوره ملفوفه بسحاب وغيوم ماحدش شافها لسه وانا خلاص دخلت معاكي الغيوم دي واوعدك هاخد بايدك ونبقي سوا.

تنهدت ماشي يا قاسم.. بس هتعبك اصلي هبله.

ضحك وقال بصدق كابتا ما بداخله... والله انت تعباني من غير حاجه امال لما اعلمك دانا هعلمك علام يا فرحه قلبي القمر ده هيتعلم وينور علي ايدي. 

لتقول ببراءه... طب سلام بقه عشان ماما .. وقفلت الخط من حرجها لتصدح ضحكته..... انت مش بس عسليه دانت قشطه بالمربي في علبه قطيفه متبرشمه.. يا رب عدي الايام هموت واشوفها... 

ذهب الي فاديه يقنعها انه سيحضر كتبا لليال ويعطيها لها ويشرح لها علي التليفون لتتجهز قبل الدراسه ..انسعدت فاديه بذلك ولم تكن تعلم انها بذلك اهدت ابنتها وقلبها لقاسم يغرز بداخلها مشاعره ويسقيها شيئا فشيئا ليقربها قاسم وتتفتح مشاعر تلك الجميله علي يديه. 

*********

استدعي ايان قاسم يتكلم معه ..اتي اليه قاسم ودخلت عليهم كارما.. 

.. حبيبي يا قسومه يللي شارد لوحدك كده..

ايان بغضب... ماتبطلي بقه دلعك الماسخ ده.

قطبت حاجبيها.... وتمتمت بداخلها... عيل بومه بس بموت فيه عبوشكلك. 

قاسم بمرح..... ايه يا عم مالك منشيها كده دا كوكو العسليه بتاعتنا..

ضحكت كارما واقتربت منه سعيده ...... قول يا قسومه والنبي فيه ناس جبلات مابتحسش. 

قال ايان بحده..... طب اطلعي منها وهيا تعمر.

التفت لقاسم وقال بجديه.... ايه يا ابني هتفضل راقد تحت في قسم الهندسه مكانك موجود يا حبيبي مكتب بابا مستنيك.. قاسم انت الشركه مستنياك انا يا حبيبي مش همسك المجموعه الهندسيه والتجاريه انت عارف ان المجموعه كبيره وانا عايز حد جامد وجدي بدا يفلقس ما بيعوضش وانا المجموعه الهندسيه انت حقك تشيلها انا عارف انك عايز تتودك بس يا حبيبي كده كتير. 

قاسم متنهدا يقول بصدق....... والله يا ايان انا ناوي وناوي اشيل بس اقعد مكاني املاه الهندسه غير يا حبيبي انت شخصيه جباره وتجاري بالفطره انما انا لازم اتمحط عشان اسد والا اخد المجموعه وانزل بيها الارض..

ايان ربت علي كتفه وقال محذرا.... طب يا حبيبي بس ماتطولش علينا انا شايل عنك كتير وحايش جدك انت اخويا وحبيبي ومكانك جنبي..

قاسم بابتسامه... ربنا يسهل.. وقام تركهم..

ظلت كارما تنظر الي ايان بحب لتاتي في بالها فكره..  بقولك ايه يا ايان ورق مراد بيه لسه فيه ناقص شويه حاجات انا هروح الشركه اخلصهم مش هيعترض دا عسليه ومز وقمر. انا هخليه يمضي من سكات واستدارت تتركه راحله..

اشتعل ذلك الذي سمع كلامها وهب يلحقها عند الباب مسكها من يدها وشدها .... انت ايه اللي مز وزفت علي دماغك ماتحترمي نفسك انت جايه تشتغلي والا تشقطي.. ومرواح هناك ماهتروحيش ويلا غوري من قدامي بدل ما اطلع روحك..

نظرت اليه بغضب.. ايه قله ادبك دي مين اللي تغور ماتحترم نفسك.

 نظرت اليه تربع يدها اكملت تشعله بزياده ...وماله مراد اما اشقطه صاحب شركه وغني وابن ناس  وحته سكر ومعجب بيا يبقي ايه المانع يا اخويا..

قبض يدها وشدها بعنف.. نهار ابوكي اسود انت اتلحس عقلك يا بت بتقوليها عيني عينك قدامي عايزه تشقطي الراجل ليه مقعده اريل.. متسابه علي بعضك..

قالت بدموع تدفعه....  ايدي يا اخي منك لله.. ايه زعلان ليه هو اللي تعوز تتجوز يبقي حرام..

هنا لم يستطع ان يتحكم في نفسه وقبض عليها ومسك دراعها ولواه فصرخت.. بقي عايزه تتجوزي.. العيله اللي في البيضه عايزه تتجوز.. دانت ليلتك طين والله لعلمك تلمي حالك وعينك ماتبصش لراجل تاني...

صرخت تتملص منه بعنف... والله انت مجنون سيب ايدي مالك بيا. كانت تصرخ ليدخل الجد فقالت مستغيثه.. الحقني يا جدو.

اقترب الجد بسرعه ومك يده يبعده .... ايه يا ابني دراعها هتكسره افلتها منه لترتمي في حضن جدها وتصرخ بقهر.. ...

قوله يخليه في حاله مالوش دعوه بيا انا بقولك قدامه.. عيل رخم وبارد.

 لتندفع للخارج وهيا تبكي نظر اليه الجد بخبث وهو يري ايان مشتعلا فقال بلين.... ايه يا ابني انت بتاكل في البت مالك بيها. 

صرخ بحده يغلي من داخله.... الهانم عايزه تشقط مراد بتاع شركه المجد وتتجوزه. 

اتسعت ابتسامه الجد.. طب وفيها ايه بت حلوه والواد يشرح دا مكسب. 

بهت ايان ابتلع ريقه بصعوبه  لا يعرف ماذا يقول... انت هتعوم علي عومها دا لسه صغيره وماخلصتش تعليم والا عشان اشتغلت هتفجر بقه. 

هنا رفع الجد يده محذرا  .... لا عندك كارما مايتقالش عليها كده..  ومش عشان انا طالقك يبقي تطيح علي بدر الحديدي.. بس عموما  كارما اللي هيتقلها دهب هيشيلها..

هاج  ايان بغضب... عايز  تجوزها المسخوط ده يا جدي.. هتمشي كلمتها عليك هيا تبص للرجاله واما اتكلم يتقالي كده. 

ابتسم الجد وقال بثقه  .. اهدي بس وانا هريحك ولو انك انت مش عارف انت عايز ايه.. ماتخليش قوتك تتجبر علي اقرب الناس.. فوق لافوقك.. بس عموما ليك روقه يابن نعيم واحد طايح والتاني اهبل.اعمل ايه خلفه هم وتركه وانصرف .

تاركا ايان ياكل نفسه.. عايزه تتجوز الهانم الاهي تتجنزي يا بعيده... 

*******

عند قاسم.. بدا قاسم في اقتحام قلب تلك البريئه التي لا تعرف من الدنيا الا جمالها ولم تري اي قبح فيا  لتكون طفله في هيئه انثي تبدا تعلم مشاعرها علي يد ذلك المحب الذي وقع صريعا لها.. فكان يتغلغل بداخلها بهدوء حتي لايفزعها وتخاف منه.. يريدها ان تلتصق به لا شعوريا ويخطط ان تكون له في النهايه.. كان يفتح معها الكلام ليبدا بشرح بعض الصفح من الكتب ثم يكمل بقيه المكالمه في محادثتها ومشاكستها وهيا تستجيب ببراءه حتي تشبعت من كلامه واصبح ادمان لها فكانت علي مدي الشهر تنتظر مكالمته بحب شديد لتحس ان بها شيئا غريبا وانها تريد دائما ان تسمع صوته وتتلهف عليه ولو تأخر عليها تحس ان قلبها يؤلمها...

اتي يوما اتصل بها قاسم وكانت تتلهف عليه ليمر الوقت بعد ان شرح لها ليهتف.. ليال كنت بسالك خلصتي روايه قاسم..

تنهدت َتشعر بالخجل فكانت روايه مليئه بالمشاعر ولم يجتزا منها شيء... لتهمس بخفوت ...اه خلصتها.

قاسم بلين.... طب ايه حلوه.

لتندفع بسعاده.. اه فظيعه.

ضحك بصوت عالي..ثم اكمل.. عجبتك يعني طب كويس ايه اكتر حته عجبتك انا كمان قريتها.

لتتنهد وتهمس برهبه... اكتر حته عجبتني لما قاسم قال لحبيبته انه عايز يتجوزها.. فظيعه قاسم ده حنين اوي..

تنهد وهمس قلبه يدق..... اه حنين كلهم كده والله بس انت تقريبا مش واخده بالك..

ثم اكمل متسائلا..  ليال قاسم لما زعل البطله وبعدت عنه مش كتير اللي عملته والا حقها.

صمتت قليلا تفكر ثم قالت بعفويه..... بص انا مش عارفه بس انا لو بحب مش هبعد كده ممكن ازعل يوم يومين بس مش هقدر ابعد مش هعرف اعيش انا اللي بحبه مابعرفش ابعد عنه اموت.

ابتسم وقال متسائلا.. صحيح يا ليال لو  اتعلقتي بحد مش هتبعدي.

قالت بصدق.. لا والله ماهقدر قلبي يقوم واجعني خالص.

تنهد وقال بثقه وحب.... وهو مش هيوجعلك قلبك.

تسائلت بغرابه... هو مين..

ليقول متنهدا.... قاسم.. قصدي بطل الروايه اللي هتقعي معاه.  ثم اكمل متسائلا... انت قرتيها كلها 

ردت هيا...... اه .

سالها بريبه... وماما قريتها.

قالت بخجل.. لا مانا اتكسفت اقولها انك جايبلي روايه.

اندفع بلهفه... يعني قريتي كله اللي فيها.... 

لتهمس بخجل وتلبك..... اه قريت.

انسعد ودق قلبه..... يا فرحك يا قاسم البت قرت حاجات.. ابتسم وقال بلين..

طب يا ليال يعني اخر مشهد في الروايه عجبك..

زادت دقات قلبها تحس نفسها مشتعله لم  تنطق فضحك ...شكلك سورقتي فيه مانت صغننه َمابتعرفيش حاجه .

لتندفع بتزمر.. لا مش صغيره خلاص والله وقريته كله وهو ماسكها وبيحض... لتصمت فجاه وتشهق.

اندفع بلهفه ..... ايه ايه قولي والنبي.

قالت بخجل... لا خلاص بقه.

ضحك مشاكسا... مكسوفه مني داحنا بقالنا شهر بنتكلم وانا بعلمك مش انا بقيت استاذك وصاحبك هتخبي عني.

همست .... اخبي ايه بس.

قال بحنان وصدق..... ليال انا عايزك تتدردحي شويه عشان الناس ماتبعدش عنك انا عارف انت خام قوي لازم تقري وتقولي اللي جواكي ماتكبتيش نفسك عشان لما تحبي حبيبك مايتخنقش.

لتهمس بحزن.. انا هخنقه صح عشان عبيطه انا عارفه.

تنهد وقال بحب... وانا فين مش قولت هعلمك بس تسمعي كلامي.

لتهمس بسعاده.. حاضر والله هسمع كلامك كله عشان مابقاش عبيطه. 

ضحك وقال ..... طب لما قاسم حضن البطله حسيتي بايه.

لتصمت بخجل ... مش عارفه

همس مكملا... انبسطي.. 

تنهدت وتلبكت ..... امم يعني

ابتسم... عارف انك مكسوفه بس لازم تعرفي ان الحب مش كلام وبس عشان ماتخافيش لما تحبي.

لتتنهد وتهتف.. طيب حاضر  هتعلم والله.. 

ضحك .. والله انت عسليه انت كله حاضر كده.

لتهمس.. مش انت صاحبي وبتحبني.

🌿 أستغفرك وأتوب إليك 🌿

قاسم بوله... اه والله اوي.

لتقول ببراءه... طب مش هتأذيني انا عارفه..  مش كده يا قاسم مش هتأذيني. 

تنهد ولامسا قلبه الذي يدق بعنف ... ولا عمري اقدر امس شعره منك انت دخلتي في حته مش هتخرجي منها

لتهمس متسائله... دخلت فين... 

ضحك قاسم .... هقولك بس مش دلوقتي اهم حاجه قلبك ده يبقي مفتوح ليا.

ضحكت وقالت بصدق.. طب يا سيدي انا فاتحه قلبي زي الكتاب اكتب ما بدالك.

قال باصرار وثقه..... هكتب يا ليال وماحدش هيكتب الا انا وهملاه صدقيني وهتعرفي قريب قوي اني مليته ومليته بالقوي. 

لتتنهد.... يا رب يا قاسم تملاه انت حد طيب وكويس قوي.

قال بخبث.... طب مش هنكمل قاسم عمل ايه بعدين.

لتشتعل وتهتف.. لا عيب عيب بقه دا مش مؤدب.

ضحك ....والله... طب اعمل فيكي ايه.

قالت بخجل.. قاسم انت عايزني ابقي مش مؤدبه ماما لو عرفت هتطين عيشتي

تنهد بياس.... اه ماما.. اقول ايه..

🌿اللهم صل وسلم وبارك على سيدنا محمد 🌿

ضحكت.... اسكت كنا في عيد ميلاد بنت صحبتها وقعدت اتحايل عليها اروح بس قلبت غم واتخانقت معاها وكان يوم.

قال متسائلا..... ماحكتليش يعني.

ضحكت .. احكيلك ايه ماما نزلت زعيق فيا وانا مش فاهمه هيا بتزعق ليه وقهرتني. خاصمت صاحبتها بسببي.

قال باستغراب.... ليه عملت ايه..

مفيش كنت واقفه في البلكونه و ابيه شادي ابن طنط مديحه ..هو كبير يعني مش صغير و بقوله يا ابيه. قالي يا ليال تعالي المكتب اوريكي روايات عارف اني بحب الروايات ورحت معاه .شالني وطلعني عالسلم اجيب الروايه من فوق المكتبه وطلعت وفضل يقلي اتخري يمين شمال لحد ماجبت الروايه بس وانا نازله عمل حاجه غريبه قلتها لماما مسك السلم هزه وقعت خدني َنزل بيا عالارض وماما دخلت زي المجنونه شالته من فوقي والله هو ماعملش حاجه دا ابيه شادي طيب اوي وماما نزلت صريخ فيا  وقعدت اعيط كتير وانا ماعملتش حاجه والله كنت بجيب الروايه. وماقلتش بتزعق ليه حتي

ظل قاسم صامتا فتره لتهتف بغرابه .. قاسم.... انت نمت.

كان يغلي يشعر بنفسه سينفجر  .... لا قاسم انشل وانقهر والحسره خلصت عليه ..الا انه لم يحتمل فصرخ ...انت معاقه.

بهتت من عنفه.... ايه في ايه..

صرخ بهياج ... ... اقفلي يا ليال..هاه  ههدي واكلمك.

 رزع التليفون وهب بهياج .... اه يا وسخ يا زباله ...اعمل ايه ..اعمل ايه ..

ظل يدور مهتاجا...مسك شعره بحده ...انا والع منك لله يا فاديه مربيه حماره مابتفهمش.

 يا نهارك اسود ابيه ...دا ابيه هاص وبص و شبع بص وتاخري يمين وشمال..

خبط المرسي امامه بعنف ... هنجلط اعمل ايه الشلل هيخلص عليا.. يهز السلم وياخدها في حضنه. بيحضن  الزباله والوليه تشيله من فوقها ودي تقولك ابيه طيب. منك لله طب اعمل ايه اقوم اشوفه فين اقتله بتبص علي حاجتي يا نجس البت هبله يا نهار اسود لا مش هبله.. متخلفه ويمين وشمال قلبي هيقف لا ومش فاهمه امها بتزعق ليه.. ليه يا فاديه تعملي في بنتك كده دا لو حد حسس عليها ماهتفهمش.. يا ربي عالسواد اللي هتشوفه يا قاسم.

كانت ليال تجلس حزينه.. ايه ده هو بيصرخ ليه هو كمان هما كلهم بيصرخو فيا الله انا ماعملتش حاجه. 😳😳😳

اتصل بها لترد وتظل صامته تنهد بغلب ... ايه مش هتردي.

تنهدت وقالت بحزن .... لا مخصماك انت وحش.

تهمس بحسره .... لا هو غلب رشق فيا..  فقال بلين ...خلاص حقك عليا.

قالت بحزن... يا قاسم ماتعملش زي ماما بتصرخ بس. مش بتقولي ايه الغلط وتقولي ابعدي عنه وخلاص .وانا مش فاهمه ابيه شادي طول عمره طيب وبيحبني وبيحضني كتير. 

قال بقهر.... ليال ابوس ايدك كفايه عشان هقوم اجيب شادي من مصارينه اخلص علي امه.

قالت بتذمر... ماتبطل بقه فيه ايه.

قال بتحذير وحده.... اسمعيني كويس.. من هنا ورايح مفيش جنس راجل يقرب منك فاهمه لا قريب ولا بعيد ولا يقولك اعملي حاجه الا اما تقوليلي او تقولي لوالدتك ليال دا مش هزار وتسمعي الكلام مش كل الرجاله كويسه ممكن يكون بيقرب قله ادب.

لتشهق.. ايه ايه يعني ابيه شادي كان عايز قله ادب.

صرخ بحرقه.... ابيهك طين زباله ونجس ولو اعرفله مكان كنت رحت دشملت وش امه.. ليال الكلام ده جد وجد اوي مفيش جنس راجل يقرب منك حتي لو مين فاهمه. بينكو مسافه واياك اياك حد يطلب منك تطلعي سلالم هو تحت فاهمه.

قالت ببراءه... ليه ماساعدش.

صرخ بهياج.... لا ماتتزفتيش اياك والله ماعت اكلمك.

لتهتف مندفعه.. خلاص خلاص.. مانا مش عارفه ليه.

هتف باندفاع... عشان بيبص عليكي من تحت بقله ادبه.

لتشهق وترمي التليفون.... نهار اسود وتبدا بلملمه نفسها... ايه ايه ابيه شادي عمل فيا كده بص عليا عيب ليه قليل الادب كده طب ايه هموت .

ظلت تنظر للسماعه ترتعش تشعر بالخجل وهو بالجهه الاخري يشعر بالسواد ...تنهدت ومدت يدها لتاخذها ..فقال بغلب... انت رحتي فين سورقتي يا رب اعمل ايه ...سمعها تتنهد فقال ... ليال انا بقولك عن اللي حصل وامك زعقت ليه بس الست الوالده بتزعق بس المفروض تقولك ليه بس عموما انا من هنا ورايح ماهسكتش عليكي وانت كده ليال من هنا ورايح هنتكلم في حاجات لازم تعرفيها وماتقوليش عيب وبتكسف ليال انت كده خطر علي نفسك بالله عليكي انا حاسس اني هنجلط.

لتتنهد وتهمس... خلاص خلاص والله مافكرت في كده ليه كده دا وحش عيب والله. 

تنهد بغلب.. . اقول ايه بس.. طب يا ليال خلاص اوك.

ابتسمت تعده... اوك يا قاسم انت طيب قوي وشاطر وانا من ايدك دي لايدك دي.

تنهد يتمني كلامها.... والله نفسي يا ليال بس الصبر لما اطول ده هبقي مشلول او مجلوط. 

ضحكت... خلاص بقه ماتقلبهاش دراما انا هتعلم والله اللي  يقرب مني هصرخ ايه رايك

ضحك ....اه صرخي وانا هلطم.. يا بنتي بقه.. انا نفسي تتعلمي وتبقي بنت ناصحه كده مش هبله والله انت طيبه بزياده ودا خطر.

لتتنهد ...حاضر يا قاسم هعمل كل اللي تقول عليه...

همس بحب.. انت واثقه فيا اوي كده مش خايفه مني.

لتندفع بصدق...لا والله دانت خلاص بقيت كانك نفسي. فيه حد ما يثقش في نفسه

شعر بسعاده... نفسك انا بقيت نفسك.. يعني انا بقيت روحك يا ليال.

لتهمس بخجل... يعني حاجه كده انت بقيت قريب خالص وبثق فيك. 

قال بحب وصدق... وانا طول عمري هبقي اد الثقه دي االي تدخليه جواكي وتديله ثقتك لازم يبقي ادها..

ظل يشاكسها وهيا تضحك بدا في تلقينها بعض دروس الحياه حتي تحفظ نفسها من شرور البشر الذي ما ان يجدو تلك البراءه حتي ينهشو فيها .

مرت الايام وليال قد انغرزت غرزا في قلب القاسم وقاسم اصبح لها النفس وهو لا يكل عن اخذ روحها وسحب نفسها لينغرز بداخلها هو ايضا .

 بعد مرور ذلك الشهر ادرك انه تمكن منها انسعد بقوه ولكنه اراد ان يتغلب علي ذلك الخجل الذي يعيقه دائما في محادثتها ويضع حدودا لكلامه معها ..فقرر ان يفعل شيئا...مر اكثر من يوم لا يكلمها كان يتجلد حتي يحصل منها علي رده فعل تشبعه وتؤكد له انه انغرز بداخلها.

اما تلك الاميره فكانت في حاله بائسه تشعر بالم ووجع ينهشها..تتساءل.... هو مابيتكلمش ليه انا مخنوقه هو انا ضايقته في حاجه.. طب انا عملت ايه تلات ايام بحالهم انا مش عارفه موجوعه اوي وهموت واسمع صوته ونفسي اشوفه.. لتنزل دموعها وتبكي.. ايه يا ليال مالك انت الراجل مش ملزم يكلمك انت مالك عامله كده.. 

الا انها لم تحتمل وجعها لتنفجر رقم  بالبكاء .. مش قادره هموت واسمع صوته وحشني اعمل ايه طيب اكلمه.. لا عيب كده هيقول ايه كانت تنتحب في صمت حتي لا تحس بها والدتها.. صدح تليفونها اخيرا لتري اسمه فتحت بسرعه وهيا تشهق من البكاء لتقول.. 

بقلمي ميفو السلطان🌛❤️

..............

البت صعبانه عليا...منك لله يا فاديه...توقعاتكو بقه عشان 

لسه جاي تقايل....

اتفاعلو بقه عيب كده... والنبي عيب...إللي مش هيتفاعل يا رب الحديدي يطلعله في المنام 🧙‍♂️🧙‍♂️🧙‍♂️🧙‍♂️👹👹👹👹

يتبع 

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙