رواية قتلني ورحل البارت الخامس بقلم ميفو السلطان حصريه وجديده على مدونة النجم المتوهج

رواية قتلني ورحل البارت الخامس بقلم ميفو السلطان حصريه وجديده على مدونة النجم المتوهج 

رواية قتلني ورحل البارت الخامس بقلم ميفو السلطان حصريه وجديده على مدونة النجم المتوهج 

كانت ليال منهاره بعد غياب قاسم فهو طول تلك المده قد تغلغل بداخلها حتى صار لها النفس. 

غاب ثلاثة ايام اراد ان يخرج منها ردة فعل تشبع مشاعره َتبين له تعلقها به وكانت كافيه لتنهار قهرا وتغرق في قلق صامت ينهشها. 

وحين عاد واتصل رفعت السماعه بلهفه واضحه وصوتها يسبقها...... 

انت كويس انت فيك ايه..حصلك حاجه جرالك. حاجه فيه إيه

اما هو فقد انخلع قلبه من لهفتها فهمس بلين يهدئها .. بس بس بتعيطي ليه.. بس اهدي طيب.. مالك عامله كده..

قالت ببراءه صادقه وصوتها مهزوز.. كنت قلقانه عليك ليكون جرا حاجه اصلك يعني ما كلمتش بقالك ايام.. هو فيه حاجه حصلت..

قاسم  بحب.... طب ممكن تهدي الاول.. ها هديتي..

لتهمس وصوتها لسه مرتعش... اه بقيت كويسه بس انت كويس والنبي قول..

قال بحب يحاول تهدئتها.. كويس ايه بس ماتبطلي والنبي حنيتك دي يا قلبي كويس والله كويس..

ردت مسرعه وقلبها سابق كلامها... امال مابتكلمنيش ليه انا زعلتك في حاجه.. قصدي.. قصدي.. لا يعني براحتك ماتتكلمش بس كنت خايفه اكون عملت حاجه تضايقك..

كان هو في قمه سعادته كان يمتلك من المكر والخبث مايجعل تلك البريئه تقع في هواه ببساطه يلتقط خوفها بمهاره

ويتركها تتعلق أكثر ليقول بنعومه مقصوده .. انا اسف بس والله حصلي مشاكل جامده انا اقدر ماكلمكيش.. تنهد مكملا.. وزعلتيني ايه بس دانا قلبي بيفرح كده لما اكلمك..

همست بلين ونبره حانيه ... بجد يا قاسم..

ليقول بحب يحاول إيصال مشاعره.. بجد يا روح وقلب قاسم يا واخده عقل قاسم ..

لتشهق وتحس بالدماء تتصاعد لوجهها وتقفل الخط بسرعه يدها ترتعش.. .. ايه ده هو بيقول ايه بجد اللي قاله ده..

اما هو فضحك عندما قفلت الخط هز راسه بغلب... .. تقريبا علي بال ما اقولها بحبك هتكون سورقت وفرفرت طب دي هحب فيها ازي ومابتستحملش كلمه.

عاود الاتصال مره اخري وانتظر فلم ترد.. تنهد.. .. البت مابتردش هيا سورقت والا ايه.. كل ده من كلمه... لا كده هتعب اوي دا لفل بعيد علي ماوصل اكون انا اللي فرهدت..

فتحت الخط أخيرا وصمتت ليبتسم ويقول.. ايه هتسكتي كده كتير...

همست بخجل نبرتها تتقطع.. اقول .. اقول ايه مش عارفه.

ليقول بحنان ... اي حاجه تهديني شويه..... تنهد بقوه ثم أردف بصدق وحنان... ليال انت بقيتي عندي حاجه كبيره اوي.... لم ترد عليه فقال بغلب... . ليال... يا بنتي انا كده هقعد اتكلم لوحدي.. يا غلبك يا قاسم طب خلاص طالما مش عايزه تكلميني. هقفل.. 

اندفعت بسرعه دون تفكير بنبره ملهوفه يشوبها الخوف.. .. لا لا عايزه والله..

أتسعت ابتسامته قلبه يدق بصدره بعنف همس وصوته متحشرج من مشاعره.... وانا كده كفايه عليا اسمع لهفتك دي وكلها يومين وتخشي جامعتك وساعتها هشوفك..

همست هيا... تشوفني.

ابتسم وقال... ليال.. اول يوم هتلاقيني قدامك مستنيكي عشان تبداي دنيتك الجديده وانا معاكي.. عارف هتسكتي بس اوعدك هعلمك ازاي تردي عليا مانا مش هطق لوحدي كده وانت ساكته واكيد محمره وهموت واشوفك..

لتقول بتلبك وخجل .. لا بقه سلام والنبي مش هعرف أتكلم.. وقفلت الخط.

لتصدح ضحكته علي طفلته الجميله  الذي يتمني قربها..

***********

دخلت ليال علي اَمها لتقف بجوارها في المطبخ أخذت احد حبات التفاح وشرعت تلتهمها قالت بعفويه... ماما انت ازاي عرفتي انك بتحبي بابا.

ابتسمت أمها وسهمت قليلا تتذكر والدها ثم تنهدت وقالت .. كنت مافيش يوم ماقدرش ماشوفوش واكلمه لو خاصمني اتوجع واحس بروحي رايحه كنت اقعد مستنياه بس يبصلي ويكلمني.

لتتنهد ليال بلين ... هو الحب حلو صح يا ماما

ابتسمت فاديه.. حلو يا قلب امك بكره يجيلك اللي يحبك ويقدرك..

همست ليال بحزن .. هيجيلي ازاي وانت مقفله عليا.

ضحكت فاديه... الحب ما بيستاذنش الحب قضا تلاقيكي متاخده كده من غير  ماتحسي ونصيبك هيجيلك يا قلب أمك.

لوت فمها بحزن... بس انا مابعرفش انطق  ونفسي ابقي زي بقيت البنات هيزهق مني يا ماما هيحب فية إيه دانا عبيطه.

ضحكت أمها ..... دانت قمررر.. لو بيحبك مش هيزهق َهيصبر ويعلمك حبه هو صح..

قالت بتسأل ورهبه.. بجد يا ماما مش هيزهق.

ضحكت  فاديه..... انت باينك فاضيه بطلي بطلي يلا روحي شوفي مذاكرتك.. قوليلي ماشيه مع قاسم كويس.

ردت ليال بسعاده.. اه قوي دا شاطر قوي.

ابتسمت  فاديه... اه ربنا يبارك فيه دا وقعلنا من السما.

 لتتنهد وتستدير ثم عادت تسأل امها... ماما ممكن انزل اشتري شويه حاجات.

ردت أمها متسائله.... هتشتري ايه.

قالت ليال ارتباك ورجاء.. .. سمعت عن روايه حلوه نفسي اقراها ممكن انزل اجيبها..

ابتسمت فاديه... طب انزلي وهاتلنا بسبوسه وانت جايه انت بتحبيها.

أتسعت ابتسامه ليال  واندفعت تقبلها وامها تضحك... استدار تلبس ملابسها. فهتف الأم... ليال عينك في الأرض ماشي ماحدش يقرب منك ولا يكلمك.. الراجل بتاع المكتبه تحطي الفلوس الكاونتر واياك تكلميه فاهمه..

هزت ليال راسها وخرجت تبحث عن قصتها كانت تدور. وتدور تبحث عنها في المكتبات   القريبه . رن تليفونها فوجدته قاسم فتحته بلهفه وهمست بسعاده.... قاسم ازيك..

سمع صوتا ودوشه من خلفها فقال علي الفور.. انت فين.

ردت بصوت شبه عالي.. في الشارع.. بشتري حاجه..

ما إن سمع انها بالخارج حتي هب من مكانه متساىلا بلهفه... فين في الشارع اديني العنوان.

تساىلت بغرابه... ليه..

قال إصرار... قولي بس.

تنهدت تعطيه العنوان فاندفع يقول... ليال والنبي نص ساعه وهكون عندك معايا كتاب مهم هدهولك ماشي.

ابتسمت بلين ... ماشي.. بس ماتتاخريش.

قفل الخط ووقفت ليال تنتظره.. حينها مر احد الشباب بجوارها لفتت انتباهه بجمالها اقترب يلف حولها كانت جميله َخجوله تنظر في الأرض كما أمرها امها.. لوحه فنيه تأخذ لب أي أن كان.

اقترب وقال مغازلا.. القمر واقف لوحده..

 الا انها انكمشت علي روحها شعرت بالذعر وابتعدت عنه .

اقترب هو بعد أن لاحظ حالتها.. أتسعت ابتسامته.. طب ماتخافيش كده. دانا طيب والله. ماتيجي نشرب حاجه والا اقولك تعالي اوصلك هبسطك وتبسطيني

اشاحت بوجهها وهمست بخفوت... من فضلك .. عيب يا استاذ كده امشي

الا انه اقترب أكثر يتاملها ويتامل احمرار وجهها.....

.. اهدي بس تعالي بس هنقضي ليله حلوه والله هبسطك دانا جامد واعجبك.

تجمعت الدموع في عيونها ويشدها متكوره في حضنها قالت بحزن.. امشي بقه والله عيب.

لتنهمر دموعها ليقترب منها كانت ترتعش لمس يدها فصرخت برعب  وقفت  ترتعش

علت ضحكته... ايه ده مالك كتكوته كده تعالي وانا هخليكي سايحه و نايحه مزه يا بنت ايه يا بت مالك متخشبه كده تعالي والله هنقضي ليله جامده محسوبك مايتسابش  دانا هعلمك تبقي ست بجد بدل هبلك ده إنت عامله كده ليه ..  تعالي هعجبك دانا جامد وهدوس فيكي.

لتشهق عندما سمعت صوتا مرعبا.. هيا مين يا روح امك اللي هتدوس فيها وما كان إلا قاسم الذي يقف عيونه تشع شرارة... وعلي الفور هجم علي ذلك الشاب يبرحه ضربا وتجمع الماره والرجل يصرخ وهيا منكَمشه تبكي بهستيريه..

ليفرقهم الماره والرجل قد اندعس تحت رجل قاسم ليستدير غاضبا يقبض علي يدها بعنف ويشدها من يدها ويندفع بها يدخلها   العربه بوحشيه من شده غضبه ويصرخ بهياح.... انت واقفه للزباله ده يقلك ايه. 

كانت منهاره من البكاء ردت بتلعثم .. مانا قلتله عيب يا استاذ.

شعر بالقهر فصرخ.. لا والله عيب يا استاذ..كت خيرك ياختي.. عيب إيه دا الاستاذ عايز ياخدك ويدوس اروح فين انت ازاي كده.

لتننهد وتمسح دموعها.... اعمل ايه مابعرفش ارد وقلتله عيب كتير وهو عمال يقول كلام مش فاهماه فعرفت انه باينه اهبل.

وضع يده علي علي وجهه يحاول أن يهدأ وقال بحسره.. كلام مش فاهماه.. هو اللي اهبل برضه يا قهرك يا قاسم.

قطبت جبينها وزمت شفتيها تمسح عيونها.. طب براحه خلاص والله هو عبيط ماتزعلش َجايز اهبل ربنا يشفيه.

صرخ بحرقه ... مامشتيش ليه من المكان.

قالت ببراءه... مانت قلتلي اقفي هنا اعمل ايه. امشي إزاي إنت ماقلتش امشي.

نظر إليها بذهول.. .. انا حاسس اني هنجلط  والله يعني تسييبه يقل ادبه.

قالت متذمره .. خلاص بقه انت بتزعق ليه والله مافهمت ولا كلمه ويدوس يرس ماعرفش هيهرس ايه بعبطه. الله بطل بقه تزعق ماتزعقليش انا ماحدش بيزعقلي كده انا مش بعمل حاجه غلط.

نظر إليها  بغلب... تعملي.. يا رب عالاعاقه  ويدوس ويهرس هرسه قطر.. طب اقول ايه الله يسامحك يا فاديه السواد اللي ببلعه غصب عني.

 جلس يحاول ان يهدا وكلام ذلك الحقير يكوي قلبه ليستدير بعنف ويقول... تاني مره اي حد يقرب منك امشي ماشي ماتسيبيهوش يتكلم. 

لتتنهد بلين موافقه ... خلاص بقه انت مكبر الموضوع واحد عبيط خلصنا بقه الله بطل والنبي.

لتضحك متذكره كلامه.. والله دا بتنجان انا بس كت خايفه يمسكني بيقولو الهبل بيضوبو الناس..

ضحكت تخبطه... خلاص بقه بطل تكشيره والا اروح اخليه يعلمني زي ماقال  واسيبك تقعد بقه تاكل رَوحك كده.

نظر اليها بغضب لتضحك... خلاص خلاص يا سيدي والله يا قاسم ماهخلي حد يعلمني ابقي بنت كويسه غيرك انا واثقه فيك..

قال بقهر وحسره... هو قالك اعلمك تبقي بنت..

لتهز راسها نافيه علي فمها ابتسامه بريئه.. لا قالي هعلمك تبقي ست..

ظل ينظر اليها محصورا... وانت مبسوطه وبتضحكي..

احس انه سينقض عليها يضربها ويذيل تلك الابتسامه البلهاء لم يتحمل اندفع وخرج من العربيه ظل يدور هائجا.... انا ماموتوش ليه الزباله الواطي.

استدار نظر اليها من العربه هز راسه بقهر... معاقه والله معاقه اعمل فيكي ايه محصور يا ربي دا قال سفاله الدنيا وتقلي عبيط امال انت ايه دانت السرايا الصفرا هو فيه حد اهبل كده.. مره شادي ومره ده هنشل.. ماكتش أعرف ليفل الهبل واصل لفين. كت عارف اه انك هبله بس مش معاقه ودي هعلمها ايه دي عايز نجيبها من اول ز.. ر... ع.

تنهد بغلب... طب ايه هحب فيها ازاي دي علي ما احب واقول هنجلط الواحد عايز حد يلاغيه دا مابتفهمش خالص..

هز راسه بعنف.... لا لا والله ماينفع البت لازم تتدردح شويه هتخش الجامعه ازاي دي نهار اسود دا هتقابل وحوش هياكلوها وهيا تتاكل والله.. حبيبي يتاكل اكل

ظل واقفا بحيره في أمرها... اعمل ايه.. تنهد وعاد يجلس صامتا.

اخرجت بعض الحلوي تعطيه لها نظر اليها ورفع حاجبيه فقال بحده ... ايه ده.

قالت ببراءه.. حاجه حلوه عشان ماتزعلش

ظل ينظر اليها متأملا نظراتها كأنها لم تفعل شي ا كان يغلي من داخله فقال .. لا انت تروحي كفايه عليا كده انا خدت اوفر دوز جرعه هتعالج منها شهر..

ثم تنهد واستدار في مواجهتها تنهد وقال بلين... ليال حبيبتي بصي اياك بعد كده تخلي شاب او راجل او حتي سحليه تقرب منك ماشي.

لتهز راسها وهيا تاكل الحلوي ظل ينظر اليها بغلب... فهمس بسخريه.. ليال.

نظر اليه مبتسمه... ليقول مانتش عايزه تتمرجحي اوديكي المراجيح بالمره تنبسطي. 

لتندفع بسعاده ... بجد هتوديني المراجيح..

انطلق في الضحك فقالت قاطبة .. انت بتضحك علي إيه.

رد  بضحك.... عالغلب اللي هشوفه دانا هشوف ايام علي ماوصل للي عايزه اكون مجلوط او مهبول.

قالت ببراءه.. توصل .... وانت عاوز توصل لإيه.

نظر اليها بهيام يتوه فيها.. كل حاجه عايز اوصل لكل فتفوته اطولها والله كل فتفوته تتااكل اكل..

قالت بلين وبراءه .. انت شكلك جعت يلا بقه روحني وروح كل.

ضحك بغلب... والله عندك حق الواحد ميت من الجوع بشكلك ده يا تري لما اكله كله هيبقي عامل ازاي مسورق ولا مفرهد.

ضحك... مش متخيل والله المنظر.. نظرت إليه قاطبه فضحك مره اخري...  عارف والله من غير ماتبصي بس بجد انت مصيبه

 يلتفت يقود العربه ويذهب بها لبيتها وصلا بالقرب من بيتها فقالت بنبره حانيه... اسيبك بقه.

قال مقاطعا.. .. من الحق انت كت بتشتري ايه. 

ابتسمت بسعاده ... روايه حلوه اوي لسه هقراها... ضحكت ووضعت يدها علي فمها بخبث... بفكر اقراها من ورا ماما.

قال مندفعة.. ... يا ريت والنبي ياختي.

لتقطب جبينها وتتسال .... قاسم انت عايزني ابقي قليله الادب اخص عليك.

ضحك هو.. ..قليله الادب... انت قدامك اميال واميال وسنين ضوئيه انزلي انزلي كفايه اللي عملتيه فيا.. إلا أنه تنهد وقال بلين.. بس مستنيكي تحكيلي القصه طالما جامده كده. 

ضحكت.. اوك هشاركك قصصي واحلامي

لتنزل وتتركه. مودعه اياه.

تنهد وآمن ينظر في أثرها بسعاده.. .. لا يا قلبي دانا اللي هعملك الاحلام دي واقع واحطك جوا قلبي  بس هنجلط والله.. بحبك يا هبله.

*****'

في قصر الحديدي... دخل قاسم ليجد جده يجلس ومعه بعض الضيوف فالتفت الجد ورأه فقال مخاطبا اياه....

تعالي يا قاسم اتعرف علي عمك معتز.

تنهد قاسم متاففا ودخل شعر بامتعاض فوجد الرجل ومعه فتاه تجلس وتلبس لبسا مكشوفا قطب جبينه باستياء.

ابتسم جده مشيرا إلي الفتاه.. .. سلم علي شهد بنت عمك معتز.

اقترب قاسم وسلم عليها بفتور ليبدأ بدر في الكلام وقاسم لا ينطقها  قام بدر واخذ معتز المكتب مستاذنا الشباب بحجه العمل وتركو قاسم مع الفتاه عمدا.

جلس قاسم صامتا لا يتكلم وهيا تنظر اليه وتتكلم بجرأه وهو يرد علي كلامها باقتضاب  مر الوقت يشعر بالاختناق. الي ان خرج معتز وااخذ ابنته أخيرا وودعهم.

وقف بدر غاضبا ثم قال بحده .. انت ايه جبله مابتحسش مالكش في النسوان البت هتموت عليك والبعيد جبله

هب قاسم غاضبا ... ومالي بيها انا ايه القرف ده. 

رد  بدر بحده ونفاذ صبر .. انت عايز تجلطني مالك ايه دي هتورث ملايين.

صرخ قاسم بهياج.. انا مالي. تغور بفلوسها  بت مكشوفه وقليله الادب.

اقترب بدر وخبطه بعنف .. لا يا حيلتها انت تلم نفسك بدل بعترتك دي.. انا بدر الحديدي ماحدش يتعداله كلمه ولما اقول تنفذ لتكون فاكر اني هسيبك اهبل كده..

اقترب وازدادت نبرته حده محذرا... امبراطوريه بدر هتقوم عليك انت واخوك.

 صرخ قاسم بقهر ... ايه ده.. هو ايه يعني احنا مالناش راي. 

هدر بدر بعنف ... لا مالوش.. مصلحه العيله وبس فلوس العيله وبس سلطه ونفوذ وبس اي حاجه تانيه ادعكها تحت جزمتي. عيله الحديدي ليها وضع وهتفضل ليها وضع احنا اسياد الناس.

قال قاسم معارضا بإصرار ... انا مش سيد حد.

رد بدر بعنوان وجبروت.. .. لا انت سيد الناس وهتفضل كده. قاسم نعيم الحديدي سيد الناس وانا هوصلك تبقي سيد سيدهم كمان.

نظر اليه قاسم حزنه ينهشه من سلطوية جده .. مش عايز مش عايز هو عافيه.

قال  بدر مقرا واقع.. . اه عافيه..

اقترب أكثر ورفع اصبعه ونظرته حديديه..... اسمع يابن نعيم اتعدل احسنلك انا مش هسيبك لنفسك اهبل كده وانت عارف بدر الحديدي غول . اللي يتحود بعيد اكسره واعدله وارجعه تاني. اعقل وماتخلنيش اقرصك قرصه تنهش صدرك.

استدار  قاسم مقهورا فجده لا يتركه يتنفس يشعر بالخوف علي علاقته بتلك الجميله ولكنه بداخله إصرار مصيري لن يهَدا ومهما حصل لن يتركها. . 

**********

كانت كارما تقف تصنع كيكه حلويات وتتراقص دخلت عليها الخادمه.. ايه يا ست كارما مانا كت هعمل.

ضحكت كارما.. يا دادا انت واقفه مع محمود بره ابنك وهو كل فين وفين اما بيجي كان الاول متربي معانا دلوقتي ماعتش بيجي.اخدك منه يعني 

تنهدت السيده.... شغله يا بنتي..

اخذت كارما قطعه حلوي وتذهب بها لمحمود تقف معه وتضحك معه فروحها حلوه  متباسطه ليست متعاليه.

دخل بدر وإيران ما إن رأي بدر كارما تقف مع محمود لينتفض  ويقترب منهم صائحا.. انت واقفه بتعملي ايه انت هنا اتجننتي

بهتت وقالت بغرابه .. ايه يا جدو بضايف محمود. 

صرخ بحده .. وتضايفيه ليه مش فيه خدامين. انت ست البيت اتجننتي يخش المطبخ هو ياكل مالك بيه.

هتف ايان... براحه يا جدي. 

رد محمود مسرعا... انا كت ماشي يا بدر بيه عن اذنكو.ليستدير ويرحل الشاب فبدر

متعالي بشكل كبير كبير 

قالت كارما بانفعال.. عيب كده مش بني ادم ده محمود متربي معانا وطيب َمحترم ليه كده.

اقترب جدها بعنف... .. لا لا لا. لهنا وقفي متربي معاكو فين دا خدام ابن خدامين.. بت انت مش معني اني بدلعك تسوقي فيها.

مسك يدها يلويها.... تلمي نفسك وتعرفي مقامك انت بنت الاسياد فاهمه.

ثم دفعها لتقع علي الارض ورحل غاضا انفجرا بالبكاء تبكي بحرقه.

رق قلب ايان اقترب يمسكها ويرفعها لتنظر اليه بغلب مد يده  ومسح دموعها قائلا بلين.. معلش ماتزعليش هو كده  انت عارفاه.

أكملت بنجيب متقطع.. .. بس حرام محمود طيب مش معني انه ابن دادا يتقاله كده فين اانسانيته احنا كلنا زي بعض.

اخذها وجلس واجلسهاوقال بلين.. .. جدك ماهيتغيرش ومعلش محمود هنراضيه.

وضعت يدها علي قلبها .. بس قلبي بيوجعني بعد ماكت مبسوطه قلبي وجعني. قوي.

ابتسم يغير الحديث.. .. وكتي مبسوطه ليه.

لتندفع وتمسح دموعها وتقول.. اسكت يا ايان عملت حته كيكه فواكه انما ايه فظيعه.

ابتسم وقال... يا سلام تنفعي يعني.

لتقوم وتشده بسعاده وتذهب به للمطبخ.... طب تعالي شوف.

ذهب ورائها لتدخل وتحضر الكيكه اشار هو إلي الخدم ان يخرجو ذهبت تقطع الكيكه  وتقترب منه وتطعمه بيدها قالت بسعاده... ايه رايك.

ابتسم لاول مره كانت بريئه ولطيفه فقال بلين كبير.. لا حلوه بس ما اصدقش انك اللي عملاها

خبطته.. بطل انت عدو الفرحه  والله عملاها.

رفع حاجبيه لتضع يدها في وسطها..  طب تعالي  هوريك وبدات في تصنيع الكيكه مره اخري وهو يراقبها. كانت جميله وبراقه وتقوم بحركات عفويه وهو لا يحيد عنها ركن جانبا يتاملها.

الا انها شدته.... تعالي انت واقف تتمريس اشتغل.

اندهش من تصرفها ولكنه استجاب وظل يشاكسها لاول مره. انشرح قلبها كانت لحظه تجلي منه وتخليه عن جحوده وعنفوانه لتقف سعيده.

اقتربت منه تلطخ العجين علي انفه مشاكسه اغتاط واقترب َمنها يمسك المعلقه لتضعها خلفها وهو يحتضنها يحاول ان ياخذها يفعل بها كما فعلت.

لترفع وجهها مره واحده  لتتقابل عيونهم وقفت اللحظه بينهم سهم كل في الاخر كان محتضنها وهيا لا تتحرك تنساب مشاعرهم وعيونها صرخت بعشقها.. فهيا عاشقه حتي النخاع وهو بداخله شئ لا يقدر ماهيته ولا يعلمه.

انجذب إليها رغما عنه تقترب َمن وجهها وهيا ساهمه يقبض علي خصرها يتنفس بصعوبه .. كان علي وشك انه يلمس شفتيها لينتفض ويبتعد بعنف ويرمي المعلقه..ويشيح بوجهه..

شعرت بالحرج التفتت مرتبكه تهمس  بحرج اعملك شاي معايا والا نسكافيه.

قال بجمود يتمالك نفسه ..  نسكافيه.

بدأت تعد المشروب وانفتحت في الكلام فقد وضعت الكيكه في الفرن إندمجت تتكلم معه وهو ارتباكه لا يزوال استعجب كيف يقف يكلمها هكذا باريحيه وداخله مهتاجا ..

انتهت الكيكه وشرعت في تزينها كانت تقف تغني وتتمايل وهو لا ينطق وبداخله مراجل تشتعل..ياكلها بعينيه

.... ابتسم رغما عنه... إلا أنه عاد لنفسه نهر نفسه....

انت اهبل واقف تبص علي ايه وبتعمل ايه في المطبخ انت مجنون.

وجدها تستدير وتقترب قائله... خد بقه دوق واخذت تطعمه لتلمس اصابعها شفتيه من بعفويه ليتسمر مكانه كان به شئ غير عادي..

ابتلع ريقه وهو يمضع قطعه الكيك..

لتقف تنظر اليه بوله كانت تعشقه همست بلين... حلوه يا ايان

همس ساهما.. اه حلوه قوي

اقتربت منه... . يعني انفع يا ايان.

سهم اكتر وقال بعفويه...  تنفعي اه والله تنفعي اوي.

اقتربت وتجرات وتمد يدها تمسح بقيه الكيكه من علي شفايفه.

مد يده ومسك يدها علي شفتيه رجف قلبها وتعالت دقات قلبها.. كانت حاله من المشاعر دخل فيها فملمس يديها علي شفتيه تحرقه وتكوي قلبه.

احس انه تاه فيهم وهيا ساهمه ليحرك يدها علي شفتيه بهيام وهو قد انسابت مشاعره اقترب واقترب وهيا لا تفعل شيئا الا احساسها بملمس شفتيه.

وضع يديه علي وسطها يشدها اليه  ليقترب وشفتاه ستلمس شفتاها لينزاح الطبق من جوارها فسقط لينتفض هو ويدفعها بعنف.

لتتحول نظراته الي الغضب من ارتباكه  صرخ بحده .. ايه انت مالك مش علي بعضك كده انا مش عارف ايه اللي موقفني معاكي انا اخش المطبخ دي بقت مسخره.

دفعها يهرب منها شعرت بالقهر من تحوله همست بوجع... ليه كده ليه شفت في عنيك مشاعر ليه حرام عليك ليه يا رب تعبت تعبت... بحب بقره جاموسه بتنطح مابيحسش ليه ليه.

نزلت دموعها وقفت مقهوره تتذكر عيونه.

. 

اما هو فكان يدور هائجا في حجره المكتب ايه ايه فيه ايه جوايا.. كان هائجا يغلي... اتهبلت اتهبلت يا آيان. سهم ووضع يده علي قلبه يتذكر قرب شفتيهما.

همس بجنون... هموت يخربيتك يا زفت فيه ايه هموت وابوسها.. هيا لبستني والا ايه.. اهدي قلبك هيقف اهدي انت اتجننت.

ظل يكبت نفسه صعد لحجرته وجدها تندفع من جانبه تذهب لغرفتها تعالي غضب لا يحتمل ما حدث مسك يدها  بغضب.. بعد كده فيه حدود ماتتعديهاش.

نظرت اليه بغضب لتدفع يدها وتستدير لتغلق الباب في وجهه وترزعه.

اشتعل وهجم عالباب ودخل صارخا... انت واحده طايحه فيه ايه ماتتلمي

قالت بغضب.. انت عايز ايه انت..

اقترب وقال بقرف.. .. هعوذ منك ايه انت يتعاز فيكي ايه.

قالت بجمود والوجع ينهشها.. .. كتر خيرك اتفضل بقه.. مش فاضيالك.

اشتعل وقال بغضب وحده .. نعم ياختي وفاضيه لمين.

قالت ببرود... مالكش فيه.. مش عايزني اتلم بعيد عنك تمام اديني هعمل كده ويلا بقه ورايا مكالمات. 

اندفع َيمسك يدها.. هتكلمي مراد صح.

ردت مغيظه اياه.. اه هكلمه  عايز حاجه اقولهاله  .. حتي احكيله علي كيكتي الشهيره هينبسط ويتمنا ياكلها من ايدي.. بس فين بقه ربنا يقرب البعيد.

هاج وصرخ بحده .. البعيد شاله وشالك.. هتطفحيه كيكه فين ياختي الاهي مايوعي يطفحها.

ظرت إليه مبتسمه بسماجه... .. ليه مش احتمال نبقي نسايب.

أحس بقلبه يغلي اقترب مشتعلا شدها بعنف لتضع يدها علي صدره من شده ارتطامها رتجف جسده فقال بهياج....

دا بروحك..

تنهدت بغلب.... ليه يا آيان.. مش من حقي أحس.. نظرت اليه بعشق. تسمر مكانه كان قلبه يحرقه وقربها يهلكه جن بها وبنظراتها  ضرب بكل شئ عرض الحائط واندفع وشدها محاوطها وانقض عليها ليتوه معها بخجوم ومشاعر هالكه..

ارتجفت من عنفوانه َتحاول ان تبعده لا تصدق قربه الحاني..الا انه فجأه بتعد اخيرا ودفعها وخرح هاربا والرعب يجتاحه من مشاعره التي تصارع بداخله عن اخرها اما هيا فكانت غير مصدقه لمساته الحانيه جلست بقهر لا تفهم شيئا.. 

********

اما عند بدر الحديدي كان جمال حارسه قد دخل عليه يخبره.. يا باشا بقالي شهر قاطره مفيش حاجه لا بيقابل حد ولا بيعرف حد.. قاسم بيه حد محترم..

تنهد بدر بارتياح.. ريحتني يا جمال بس برضه اركن شويه كده وابقي ارجع كل شويه طمني عليه الواد اهبل نلاقي بت شحاته ضحكت عليه.. هو اه عنده جبروت زيي بس طيب ومالوش في اللوع لسه مادخلش المعمعه.

ابتسم يتأمل... نفسي اشوف جبروته ده يكبر من غير طيبته دي ساعتها هيبقي نسخه مني مابترحَمش ودا مني عيني ويتجوز ويجبلي قورطه عيال.. نسل الحديد باشا يكبر ويكبر والامبراطوريه دي تتسلم جيل ورا جيل..انا عارف ان قاسم بقاله سنه وشويه بيمحط في الصخر وطلع عنده حق وشرب الشغل شرب وسايبه بس نفسي اغرز فيه حته الحديدي اللي مابترحمش دي. عشان السوق يترعب منه مايبقالوش نقطه ضعف..

تنهد مبتسما... نفسي يبقي زي اخوه  يدوس علي اي حاجه عشان مصلحته.

هتف جمال.. والله يا باشا قاسم بيه نسخه منك بس لسه ماتقرصش.. اللي زيه لما يتقرص بيطلع جبروته كله اصبر بس هو اول مايخش المعَمعه هتلاقيه اتحول.. السوق بياكل الطيبه وبيخلي الواحد دايس وقادر..

انتفخ بدر.. حقه يا جمال لو حصل.. ساعتها اسيبله الجمل بما حمل وارتاح بقه انا تعبت وروحه نعيم  واخوه كسرتني ولادي الاتنين يروحو كده مع بعض دا كان يوم قصم ضهري وهما راجعين من الحج ولادي بمراتتهم ورحمه ربنا العيال مارحوش معاهم ..

قال باسي.... نعيم كان حياتي وكان نسخه مني بس اقول ايه عمره ومقدر..وشاكر كان غلبان وطيب زي قاسم  اهو طلع لعمه.

هتف جمال.. الله يرحَمهم.. دا اسمه بس كان لما يتذكر الناس بتطفش من خوفهم.. وانشالله قاسم باشا يبقي كده.

جلس بدر يتخيل قاسم ويتمني مايريده له ويسرح في دنيا الجبروت التي يخطط لها..

ابتسم بوعي ينفذ خططه.... المجموعه متقسمه اتنين مجال مختلف وايان خلاص هيستلم المجموعه الاولي لوحده ويشيلها هدهاله عارفه انه واخد جبروت نعيم بس لسه تكه في دماغي واشيله الجمل بما حمل وقاسم يشيل النص التاني واقعد بقه ارتاح واشوفهم بيكبرو ويطحنو في السوق طحن.. واللي يقفلي همحيه من علي وش الارض.. يا رب نولهالي..

.......

يا رب خده 😂😂😂😂

ميفو السلطان

❤️ ❤️

تفاااعل يا سكاكر جاي اهواااال والله اهواااال

اتفاعلو يا عيال انا عريانه صوابعي ورمت 😭😭😭😭😭😭

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙