رواية أرملة رجل حي الحلقه السادسه بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه السادسه بقلم الكاتب محمد منصور حصريه وجديده على مدونة النجم المتوهج
انا حصلي غير اللي انتم بتقولو دة
دة اللي قالته كريمة ل عفاف اللي كانت بتلف دماغها بشاش بعد ما طلبت مساعدة من الامن اللي واقف برة ودخل لها وحيد. لكن عفاف رديت عليها وهي بتلف راسها بشاش
والله يا ماما دة اللي حصل انتي دوختي ووقعتي من طولك ودماغك اتخبطت في سن التربيزة الرخام دي
وشاورت علي تربيزة رخام وكملت وقالت
فضلنا نفوق فيكي لغاية ما طلبت مساعدة عمو دة
وشاورت علي وحيد وكملت وقالت
وقدر انه يفوقك. والحمد لله انك كويسة
كريمة
انا ما حدش كان جنبي لما فوقت وايدي كان فيها دم
وحيد
ازاي بس يا هانم دة احنا كلنا كنا حواليكي
كريمة بصت له وقالت بحدة
انا عايزا امشي
وحيد بابتسامة خفيفة
الحج مدي اوامر بانك ماتخرجيش من هنا مهما كان السبب
كريمة
لية ان شاء الله هو انا في سجن
وحيد ولسة علي وشه نفس الابتسامة
لا. طبعا احنا كلنا هنا عايزينك مبسوطة ممكن بس تهدي ويطلع النهار وانا هكلم الحج وابلغه باللي انتي عايزا
كريمة
انا، ،،،،،،،
قاطعه قبل ما تكمل كلامها وقال بحزم شديد
اي كلام تاني ملهوش لزوم اتفضلي اطلعي اوضك انتي وولادك
كريمة
مش هطلع في حته
برق وحيد وقال
هتطلعي
كريمة بصت له وخافت من بصته وبصت لعيالها وقالت
يلا نطلع ننام،،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وتطلع كريمة الدور التاني من القصر وتلاقي اسمها فوق باب اوضتها و بناتها الاثنين راحو ناحية اوضتهم ودة كان حال حامد اللي جري ناحية اوضة وكلهم فتحو الباب واول حاجة شافتها عيون كريمة جملة مكتوبه بالليد لمبات صغيرة
★الي من عشقتها بروحي وهي دواء جروحي ★
ودخلت كريمة الاوضة اللي كانت مجهزة من كله شاشة وحمام وسرير من ريش النعام بدات كريمة تلف في الاوضة وهي مش مصدقة عيونها ورجليها خدتها لغاية التسريحة وشافت عليها كل انواع المكياج اللي هي بتحبها وكل انواع العطور اللي هي بتحبها واتمنتها وذهب مرصع بالالماس
و سلسلة من الزمرد الاخضر مكتوب في اخرها اسمها مسكت السلسة ولبستها ووقفت قصاد المرايا وفضلت تبص للسلسلة وهي مزينه رقبتها وعجبتها اوي وحطيت برفان وراحت ناحية السرير ومن كتر التعب قعدت وفردت طهرها وما حستش بالدنيا ونامت،،،،،،،،،،
وبعد الساعة 2. نحمده استغلت ان طارق نايم خرجت من الاوضة وراحت اوضة العيال وقفلت الباب وراء منها واتصلت بمحمد ورد محمد وهي قالت
محمد انا ما صدقت ان طارق نام علشان اتصل بيك واعرف منك انت ناوي علي اية
محمد
ناوي بكرة اروح ل نيرة الشركة بتاعتها واحاول اطلع منها باي معلومة توصلني
ل كريمة
نحمده
وانت هتقدر علي نيرة دي. دة علي كلام طارق بيقول انها مراة غلاوية
محمد
ما تخافيش عليه انا هبدا كلامي معاها بالحسنه جت اهلا وسهلا ما جتش هيبقي في طريقة تانية
نحمده
طيب بالله عليك اول ما تخرج من عندها تتصل عليه تطمئني عملت اية
محمد
باذن الله،،،،،،،،،
وتعدي الليلة ويطلع النهار ومحمد كان واقف قصاد نيرة في مكتبها في قلب شركتها ونيرة بتبص له وبتقول
ممكن تقول بسرعة انت عايز اية علشان انا ما عنديش وقت
محمد
انا قريب كريمة
نيرة باستغراب
مين كريمة
محمد
اللي الحج بركات والدك كان عايز يتجوزها. لكنها اختفت
نيرة
اة. وبعدين
محمد
عرفت انك ممكن تكوني وراء اختفائها
نيرة
وانت جاي هنا شركتي تدور عليها ولا جاي ترغي معايا في اي كلام اهبل
محمد اتعصب وقال
كلام اهبل
نيرة بعصبية
ايوة كلام اهبل ما انت لما تضيع وقتي وتيجي لغاية مكتبي وتخليني دقيقة كاملة اتكلم عن نكرة يبقي كلام اهبل. روح يا شاطر دور علي كريمة دي بعيد عن هنا
محمد
طالما انتي متعصبة اوي كدة يبقي انتي اللي خطفتيها
نيرة رفعت سماعة التيلفون اللي في مكتبها وقالت للسكرتيرة بتاعتها
ابعتي الامن تاخد الكائن اللي واقف قصادي دة
محمد
ملهوش لزوم الامن انا بدات معاكي بالحسنه لكن اللي جاي مافيهوش لا معلش
ولا حقك عليه. وكريمة انا هوصل له بمعرفتي
دخلو الامن فعلا لكن محمد بص لهم وقال
اوعي حد فيكم يلمسني انا خارج ل وحدي،،،،،،،
ونروح ل كريمة اللي صحيت علي رنه موبيل بصت للموبيل الموجود جنب منها علي الكمودينو ولقيت مكتوب فوق الشاشة المتصل
الحج بركات. فضلت باصة للموبيل وماكنتش عايزا ترد وخلصت اول رنه وسكت الموبيل وبعدها بلحظات رن تاني هنا مسكت الموبيل وقالت
الو
بركات
صباح الفل
كريمة
صباح الخير
بركات
عاملة اية دلوقتي طمنيني علي الجرح اللي في الدماغ
كريمة
انا كويسة والحمد لله
بركات
طيب انا مستنيكي تحت علشان نفطر و ما تقلقيش هطمئن عليكي وهمشي علي طول
كريمة
تحت فين
بركات
تحت في القصر اجهزي قوام وهتلاقيني بحضر الفطار وبحطو علي السفرة بنفسي
وقفل بركات وكريمة اتعدلت في قعدتها ورميت الموبيل جنب منها علي السرير
وما بقتش فاهمة الراجل دة بيعمل لية كدة لكنها قامت وراحت ناحية الدولاب وفتحته وشافت كل العبايات اللي كانت تتمني تشتريها في يوم من الايام اي عباية عجبتها لقيتها موجودة استغربت اكتر وقالت
ودة عرف ازاي اني كان نفسي اشتري العبايات دي. الراجل دة مش طبيعي ولازم اعرف هو اية اصله وفصله،،،،
ولبست كريمة عباية ونزلت للدور الاول من القصر بعد ما بصيت علي عيالها ولقتهم كلهم لسة نايمين ولما نزلت شافت بركات بيحط اخر طبق من الفطار علي السفرة وبص لها وابتسم وقال
دة انا لسة محضر تحضير الفطار حالا.
بصيت كريمة للاكل الموجود علي السفرة وطبعا موجود كل اللي هي بتحبه اتسمرت مكانها وقال بركات
هتفضلي واقفة عندك كدة الاكل اللي انا تعبان في هيبرد
كريمة قربت وقعدت علي السفرة قصاد منه وقالت
هو انت تعرفني من زمان
ابتسم بركات وقال
انتي ما بتحبيش الاكل بارد كلي وبعدين انا هجاوب علي كل سؤال انتي عايزا. يا شمس
هنا انا كنت هقع من طولي لان ما حدش يعرف اسم شمس دة الا ابويا بس انا عارفه ابويا كويس اية اللي بيحصل هنا هموت واعرف مين بركات دة واصله اية،،،،،
في نفس الوقت دة كان طارق بيفتح باب شقة بسيوني وهو بينادي عليه وبيقول وهو رايح ناحية اوضة النوم
يا عم اصحي بقي اصحي خلينا نشوف مراتك راحت فين. عمال ارن عليك وانت مابتر،،،،،،،
واتخرس لما فتح باب الاوضة لقي بسيوني مكفي علي وشه غرقان في دمه وماسك في ايدة كام شعره حريمي نفس طول شعر كريمة،،،،،،،،،،،
مين اللي بينادي طيب حاضر جاي. كنت عايز اكمل. لكن ندهه عليه. وسلام عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق