رواية أرملة رجل حي الحلقه السابعه بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه السابعه بقلم الكاتب محمد منصور حصريه وجديده على مدونة النجم المتوهج
يا باشا والله العظيم ما انا اللي عملت كدة
دة اللي قاله طارق ل مفتش المباحث حسني اللي جاي يحقق في جريمة قتل بسيوني بص له حسني من فوق ل تحت وقال
اومال دخلت الشقة ازاي
طارق
معايا نسخة من المفاتيح اصل بسيوني نومه ثقيل ومن بعد ما مراته اختفت هي وعيالها اداني نسخة من المفتاح علشان ابقي اصحي لو راحت عليه نومه
حسني
وجت تصحي لقيته مقتول مش كدة
طارق
والله يا باشا دة اللي حصل وكان ماسك في ايدة شعر مراته كريمة
حسني
وعرفت منين بقي ان اللي في ايدة شعر مراته
طارق
اصل كريمة شبه الخواجات شعرها اصفر ذهبي
حسني
دة انت بتهتم بالتفاصيل اوي واضح انك كنت مركز مع كريمة دي. مع انها مرات صاحبك
طارق ارتبك وقال
اية بس يا باشا الكلام دة. دي اخت مراتي ومرات صاحبي يعني مستحيل ابص لها البصة دي
حسني كان باين انه شاكك لكنه ابتسم وقال
هنشوف، ،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
نحمده كانت في الشارع واقفة قصاد محمد وبتقوله
ايوة اتقتل مالك مستغرب ليه. محمد انت كنت عنده امبارح بالليل اوعي تكون،،،
محمد قاطعها وقال
انتي مجنونه يا نحمده فاكراني قتال قتله
نحمده
يعني انت مشيت من عنده امبارح وهو لسة عايش
محمد
ايوة انا سالتك علي عنوانه علشان كنت عايز اسئلة اوصل ازاي للحج بركات اللي كان عايز يجوزو كريمة وقالي بعد ما غلبني
نحمده
بس دة اللي حصل
محمد
ايوة بس وحسك عينك لما المباحث تسالك بحكم انك اخت مراته تجيبي سيرة اني كنت عنده
نحمده
خايف لية اجيب سيرتك
محمد
علشان انا مش ناقص وش المباحث و عايز ادور علي كريمة من غير ما اكون تحت مراقبه الحكومة فهمتي
نحمده
ما انت شغال مع الحكومة
محمد
شغلي حاجة. وتحريات المباحث حاجة تانية اصلي انتي ما تعرفيش المباحث،،،،،
ونروح للقصر اللي عايشة في كريمة وكان الحج بركات قاعد في جنينة القصر ماسك موبيله وبيقلب في وقت ما كريمة وقفت قصاد منه وقالت
عمال تتهرب مني و بقالك كام ساعة هنا ومش عايز تقولي عرفت ازاي ان اسم الدلع بتاعي شمس
ابتسم بركات وقال
تعرفي تلعبي ليدو
استغربت كريمة وقالت
انا مش عيلة صغيرة بزن علشان تديني لعبه و بتضحك عليه بلعبة تانية انت قولتي هنفطر سوي وبعد كدة هتجاوبني علي كل سؤال انا عايزا اعرف اجابته ودة ابسط حقوقي
بركات
عرفت اسم الدلع بتاعك من جوزك بسيوني وبتحبي اية وكان نفسك تلبسي اية حتي ذوقك في البرفانات عرفته من جوزك. ارتحتي كدة
كريمة
دة انت عملت عني تحريات بقي
بركات
مش هتبقي مراتي كان لازم اعرف انتي اية وتنفعي تكوني مرات الحج بركات ولا. لا
كريمة بصت له وفضلت ساكته وهو قال
انا عايزك تنبسطي وتفرحي انتي وعيالك بانك في الجنة
كريمة
الجنة الناس بتدخلها بعد الحساب. لكن جنتك دخلتها واكيد بعد منها الحساب لان ما فيش جنه ملهاش ثمن
سقف لها بركات وقال
برافو مع انك ممرضة لكن ذكية.
كريمة
عايز مني اية يا بركات واية هو ثمن جنتك
بركات
الحب. مش عايز غير انك تحبيني وبس صعبه دي
كريمة
مافيش ست تحب راجل
الا لما تحس مع بالامان
بركات
وانتي وسط كل الحراسة دي مش حاسة بالامان
كريمة
لا حاسة اني في سجن والامان اللي بيجي بعد منه الحب هو ان لو في حرب دايرة في طهري كفاية اوي اني مرمية في حضن اللي بحبه. دة الامان
بركات
وعيشتي لية مع بسيوني 20 سنه. رغم انه باعك 5 مرات لرجاله دفعت ثمن حبهم ليكي
كريمة
دة انت عارف كمان اننا نصابين. واكيد عارف انك انت رقم 6
بركات
بالظبط لكني سالت وعرفت ان كان غصب عنك وعملتي كل اللي عملتي دة علشان خاطر عيالك
كريمة
طيب طالما بقي انت عارف كل حاجة عني ما تيجي بقي نلعب علي المكشوف
بركات
نلعب
كريمة
اسم شمس دة ما يعرفهوش الا ابويا وامي واختي وماحدش كان بينادي بي
الا هما ودة علشان وقت ما امي ولدتي سقف البيت اللي كان من القش وقع بسبب الهواء والشمس جت في عيونها وعلشان كدة كانت ديما تقولي شمس. و بسيوني ما يعرفهوش. عرفتو انت ازاي
بركات هنا وقف وقال
كان نفسي اكمل معاكي كلام بس مع الاسف عندي شغل كتير وصحيح باب القصر مفتوح لو عايزا تخرجي
ما حدش هيمنعك. بس العيال مش هيكونو معاكي لانهم ولاد جوزك اسامة
ومسكها من شعرها وقال
فاكره اسامة يا وسخة
وقرب وشه من وشها وانفاسة الخبيثة بدات تفوح في المكان وبان المجنون اللي جوا وكمل وقال
اسامة لسة عايش وانتي فاكرا ميت لكن بسبب اللي انتي عملتي في اتجنن وجه الوقت تدفعي الثمن. وزي ما الجنه بيدخلوها بعد الحساب ف جهنم كمان هندخلها بعد الحساب. اهلا بيكي في عذاب القبر
ورماها بعيد عنه ومشي وراح ل وحيد. وكريمة شافته وهو بيتكلم مع وبعدها خرج من القصر واتقفلت البوابة وراء منه وراح لها وحيد وقال
الحج بيقول لك لو مش هتخرجي ادخلي اقعدي في القصر جوة لانه خايف عليكي من الشمس لتحرق وشك
كريمة قامت من علي الارض وهي مرعوبه منهم كلهم ودخلت القصر جري وهي عماله تترعش،،،،،،
ومن جوة مكتب الحج بركات يقف محمد وكان بركات بيبص له من فوق ل تحت وبيقول
هي كريمة دي ليها كام ذكر خايف عليها
محمد
انا قريبها وشغال في النيابة وعايز اعرف منك اي معلومة توصلني ليها
بركات
ومين اللي دلك علي مكاني الخروف جوزها مش كدة
محمد
جوزها خلاص في ذمة الله ما تجوز عليه دلوقتي
الا الرحمة
بركات
مات اكيد جرعة زيادة من الحشيش
محمد
لا اتقتل
هنا بركات ارتبك وقال
اتقتل ومين عمل كدة
محمد
لسة الحكومة بدور عليه هو وكريمة
بركات
ومال كريمة بالحكاية دي
محمد
اصلهم لقو شعرها في ايدة
بركات فكر في نيرة وقال في سره
عملتها نيرة
محمد
سكت ليه يا حج
بركات
اسمع يا شاطر انا مش فاضي لك. ودور علي كريمة دي بعيد عني
محمد لسة هيرد لقي بركات قام وخرج من المكتب ورزع الباب وراء منه، ،،،،،،،
ويجي الليل ومن جوة المشرحة اللي فيها جثة بسيوني يدخل للمشرحة حد طويل ولونه اسود فتح درج الثلاجة اللي فيها جثة بسيوني وسحب الجثة من الثلاجة وخرج بيها من المشرحة كلها بمنتهي السرعة ،،،،،،،،،،
خلصت الحلقة لكن ما خلصتش الحكاية. وسلام عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق