رواية مغامرات عائليه الفصل الاول حتى الفصل التاسع بقلم همس كاتبه حصريه وجديده على مدونة النجم المتوهج

رواية مغامرات عائليه الفصل الاول حتى الفصل التاسع بقلم همس كاتبه حصريه وجديده على مدونة النجم المتوهج

و بعد مرور سنة

جلست على مقعد الرصيف تقبض على ورقة بين يديها … بدأت تبكي و تمسح دموعها بكم فستانها

: هو القمر بيعيط ليه ؟

نظرت بجانبها وجدت طفل سمين يمسك باقة ورد بيده

حبيبة : شكرا مش عايزة ورد

الطفل : انا مش جاي اعرض عليكي تشتري مني .. انا بكلمك عشان مش حابب اشوفك بتعيطي

حبيبة : ليه هو انت تعرفني ؟

الطفل : ابدا … بس صعبتي عليا .. انتي بنت حلوة اوي

حبيبة بابتسامة : شكرا

الطفل : صدق الي قال … الحلوة حظها مال و المعفنة بتدلع يمين و شمال .. و اديكي قاعدة قدامي حزينة من قلة حظك يا عيني عليكي

حبيبة : لا مش كدة خالص .. انا بس مخنوقة شوية

الطفل : هو انتي كمان زعلانة عشان صحابك بيتريقو على كرشك زي ما الاولاد بيعملو معايا ؟

ضحكت من بين دموعها و قالت : ده مش كرش يابني

الطفل : لا كرش .. بصي انتي حلوة اوي بس لازم تخسي شوية .. اصل انا بقالي يومين مش باكل عشان عايز اخس

حبيبة بشفقة : ليه يا حبيبي .. انت لسا صغير و شكلك حلو اوي .. ما تسمعش كلامهم دول مش فاهمين حاجة

الطفل بسرحان : انتي طلعتي طيبة اوي … اسمك ايه ؟

حبيبة : انا حبيبة

الطفل : حتى اسمك حلو .. انا بطيخة

حبيبة بضحك : اييه ؟! هما بيقولك بطيخة ؟

بطيخة : ايوة

حبيبة : طب اسمك الحقيقي ايه ؟

بطيخة : اقسم بالله بطيخة .. من يوما وعيت ع الدنيا و هما بيقوليلي كدة

حبيبة : هما مين الي بيقولولك كدة ؟ ازاي مامتك و باباك وافقو ؟

بطيخة : معنديش ماما و بابا .. اصل انا اتربيت عند المعلم بركة و هو دلوقتي الي مشغلنا

حبيبة بشفقة : طب ليه ما رحت لملجأ بدل ما تتبهدل بالشوارع

بطيخة : بكل الاحوال متبهدل متبهدل … سيبك من قصتي المأسوية دي و قوليلي ليه بتعيطي ؟

حبيبة : مفيش بس مدايقة شوية

بطيخة و هو ينظر للورقة : اااه .. دي بقا ورقة طلاقك و انتي بتعيطي عشان اطلقتي ؟

حبيبة بفزع : لا طبعا بعد الشر ايه الكلام ده

بطيخة : يبقى عشان صحابك بيتريقو على كرشك

حبيبة بضحكة : يا ابني و الله ده مش كرش .. اوك بطني كبيرة شوية عشان انا حامل

بطيخة بشهقة : حامل ؟؟؟ يبقى الراجل الي غلطتي معاه طلع ندل و ما اعترفش بالبيبي و اول ما قولتيله سابك و هرب مش كدة ؟

حبيبة بضحكة : ايه مسلسل الحقيقة و السراب ده .. على فكرة انا متجوزة و جوزي مبسوط اوي بالبيبي

بطيخة بتفكير : يبقى دي تحاليل و اكتشفتي ان …

حبيبة بمقاطعة : بس بس ما تكملش .. بعيط عشان سقطت بالامتحان .. ضروري تكسفني يعني ؟!

بطيخة : كل الي انتي عاملاه ده عشان حتة امتحان ؟! عادي يا حلوة تقدري تعوضيه و تنجحي

حبيبة ببكاء : ما دي تاني مرة اسقط بنفس الكورس .. انا تعبت اوي

بطيخة : بس انتي زي ما بتقولي انك متجوزة و هتيجبي نونو قريب و اديكي في الجامعة كمان … طبيعي مش هتقدري توفقي بين كل دول …ما انتيش سوبرهيرو يعني

حبيبة : عارفة .. بس الحق عليا من الاول كان لازم استنا لما اولد و بعدها ابقى اكمل دراسة

بطيخة : معلش .. على الاقل دلوقتي هترجعي لبيتك .. هتاخدي شور يريحك و هتاكلي اكل نضيف و لما تنامي هتنامي على سرير مريح … عندك حاجات كتير تستاهل انك تفرحي مش زيي بتطلع عيني على ما اجيب رغيف عيش يسد جوعي

حبيبة بتأثر : هو انت جعان ؟

بطيخة بخجل : اوي .. بس مش باكل عشان بخسس

حبيبة : ما تكدبش عليا .. انت معكش فلوس تشتري اكل مش كدة ؟

بطيخة : لا و الله معايا اتنين جنيه و هبيع الورد ده و بعدها هشتري عيش قبل ما المعلم بركة ياخد الفلوس مني

حبيبة بحماس : انا معايا شوكلاتة .. خد دي ليك

بطيخة : لا لا خليهم عشانك .. انتي حامل و لازم تتغذي كويس

حبيبة : هاكل حتة و انت حتة .. عيب تكسفني هو احنا مش بقينا صحاب ؟

بطيخة بابتسامة : ايوة

اخذ قطعة شوكلاته من يدها و رفعها امامه يتأملها بجوع

حبيبة بابتسامة : خد دول كمان

بطيخة : شكرا .. انا مش باخد من حد فلوس ببلاش

حبيبة : و مين قال انهم ببلاش ؟! دول تمن الورد الي معاك .. هشتريهم كلهم

بطيخة : بس الفلوس دي كتير اوي على كام وردة

حبيبة : و الله لو كسفتني هعيط اكتر

بطيخة و هو يأخذ النقود : مش بقدر اكسفك

وقفت امامهم سيارة اوس .. نزل منها و خلع نظارته الشمسية و قال : انتي مش هتبطلي الحركات دي يا حبيبة

حبيبة لبطيخة : ده جوزي .. هروح انا باي

بطيخة بنظرات حادة : استني هنا عايز اتكلم معاه كلمتين

اتجه لاوس و وقف امامه تماما

اوس باستغراب : مين ده يا حبيبة ؟

بطيخة : مش مهم انا مين .. ابقى خد بالك منها و ما تسيبهاش تنزل لوحدها .. بقالها من الصبح بتعيط و انت بتتسرمح بالعربية الغالية دي

اوس بذهول : بتعيط ؟!

اتجه لحبيبة بسرعة و سحبها له بقوة

اوس بلهفة : مالك يا حبيبتي ؟ تعبانة ؟ حاسة بحاجة ؟

حبيبة : لا .. بس مدايقة شوية ..هحكيلك في البيت امشي نروح

اوس : طيب .. يلا بينا

حبيبة : باي بطيخة

بطيخة : باي … خودي بالك من نفسك

تركته و لم تأخذ الورد … ركبت السيارة و انطلقو نحو البيت .. بينما الطفل ينظر لهم بسرحان

اوس بضحك : اسمه بطيخة ؟!

حبيبة بابتسامة : ايوة .. انت ليه نزلت بدري كدة ؟

اوس : كلمت البيت و قالولي انك لسا ما روحتيش فقلقت و نزلت ادور عليكي كالعادة

حبيبة بتوتر : اه اوك .. طب بعد ما توصلني ابقى ارجع للشغل

اوس : مالك يا حبيبتي ؟ ليه زعلانة ؟

حبيبة بخنقة : مش قادرة اتكلم

اوس : حبيبة احنا من امته بنخبي على بعض ؟ احكيلي ايه الي حصل من غير لف و دوران

حبيبة بضيق : مكسوفة اقول

اوس باستغراب: ليه ؟! انا جوزك يا بت هتتكسفي مني ؟!

حبيبة : هففف سقطت بالامتحان و هشيل المادة ارتحت كدة ؟!

اوس بابتسامة: عادي يحببتي مش اول مرة

حبيبة بغضب : اوس ما تتكلمش كدة عشان انا فعلا مدايقة

اوس : طيب انا اسف .. ملعون ابو المذاكرة الي هتزعل حبيبتي .. انتي بس اولدي و هتعوضي كل حاجة راحت بعدين

حبيبة : ما بعد ما اولد البيبي هياخد كل وقتي .. ما انت شايف فريدة اهي مش بتفضى تكلم حد من كتر ما تعبت مع آسر

اوس : طبيعي يا حبيبتي عشان لسا صغير

حبيبة : و الله ؟ و انا امته بقى هلحق اتخرج ؟

اوس : يا حبيبتي افهميني .. انتي لما تولدي كلنا هنكون جنبك و هنساعدك .. ع الاقل وقتها مش هتبقي شايلاه في بطنك

حبيبة بتوتر : خايفة اوي .. خايفة اني ما اقدرش اكون ام كويسة

اوس بابتسامة : صدقيني هتكوني احسن ام بالدنيا .. سلمي امرك لله يا حبيبتي و كفاية خوف … انا معاكي و مستحيل اسيبك

وضعت رأسها على كتفه و قالت بخفوت : دي اكتر حاجة مطمناني ..طول ما انت معايا مش بخاف من حاجة

*************

بعد وقت

دلف اوس و حبيبة لبيتهم و مجرد ان وصلو الليفينغ انصعقو من كمية الفوضى … كان يمتلئ بالاوراق من كل مكان و بالوسط تجلس حلا و تكتب على اللابتوب

حبيبة بصدمة : ايه المنظر ده يا حلا ؟؟؟

حلا : ايه ده انت جيتو ؟ توقعت تخرجو تتغدو مع بعض

حبيبة بنرفزة : ايه الي عاملاه في البيت ده ؟! ليه كل الاوراق متنتورة كدة ؟

حلا : معلش .. اصل والله انا متوترة شوية بعمل ابحاث كتير و بكرا هطلع اقول كلمة في الندوة الي نظمتها الجمعية .. يعني لازم استعد كويس

حبيبة : تقومي تبهدلي البيت كدة ؟ حطي باسكت عندك و روقي المكان بسرعة

امسك اوس احد الملفات و قرأ عنوانه

اوس بابتسامة : بحث بعنوان تأثير العنف على الصحة النفسية للمرأة …..الله .. الله عليكي يا فنانة .. و يا ترى كتبتي عن عنف بعض الستات تجاه خلق الله و لا دي ازدواجية معايير ؟

حلا : اوس ما تتريقش عشان مش فاضية اتخانق معاك

في هذه اللحظة سمعو صوت جرس الباب و اتجهت حلا لفتحه

اوس : اكيد فارس السمج

دلف فارس و قال بمرح : هيلوووو

اوس : ايه الي جابك ؟

فارس : و الله جاي اشوف مزتي و اوصلها للجمعية بتاعتها

اوس : و باباها عنده علم ؟

فارس : امم طبعا

اوس : اقسم بالله لو كنت بتكدب زي المرة الي فاتت لاكون مديك علقة موت

فارس : و حياة شنب ابويا ما بكدب ..بعدين دي مراتي و معايا عقد جواز يثبت الكلام ده

اوس : اتلم يالا .. خودها يلا و غورو من هنا

فارس بغمزة : ليه عايز يخلالك الجو و لا ايه ؟

اوس بحدة : انت ليه مصمم تتضرب يا اهطل ؟

فارس : خلاص خلاص .. امشي يا حلا

حلا : طيب ثانية وحدة بس هجيب باقي الاوراق … بقولك ايه يا حبيبة انا هروح ساعتين زمن و ارجع على طول

حبيبة : ماشي خودي بالك من نفسك

حلا : اوعي تتغدي دلوقتي ماما عملت اكل و هتبعتهولك مع دينا … لو جعانة اوي كلي حاجة خفيفة .. و ما تنسيش تاخدي الفيتامينات بتاعتك اوك ؟

حبيبة بابتسامة : اوك ما تقلقيش عليا

حلا : امشي يا فارس انا جاهزة

فارس : يلا بينا

خرجو سويا و نظر اوس الى حبيبة

اوس بحب : تعبانة ؟ اوديكي لاوضة النوم ؟

اقتربت منه و وضعت يدها على صدره تداعب زر قميصه … ثم طبعت قبلة لطيفة على شفتيه

حبيبة بدلع : ايوة تعالا نروح اوضتنا

اوس بخبث : اوبااااا … من عنيا يا حبيبة قلبي

حملها و صعد بها للطابق العلوي

**********************

دلفت خديجة اوضة بناتها باندفاع

لارا بفزع : في ايه يا ماما خضيتينا

خديجة بسعادة : بت يا غادة جدك كلم باباكي و اتفقو ان فرحك انتي و زياد بعد شهر

اغلقت غادة المصحف بهدوء و وضعته بجانبها

غادة بابتسامة : على بركة الله يماما

خديجة : اخيرا هيجي اليوم الي اشوفك بيه عروسة يا قلب امك

لارا بضيق : يعني خلاص هتسيبينا يا غادة ؟

غادة : مستحيل اسيبكم .. هفضل اجيلكم على طول يا حببتي

لارا : كلكم بتقولو كدة و بعدها بتنسو ان ليكم اخوات .. اهي كارما عايشة مع اختها بنفس البيت و يا دوبك بتشوفها بالصدفة

خديجة : معلش يا حبيبتي كل بنت و مصيرها الجواز .. بكرا انتي كمان هتتجوزي و تتلهي في بيتك و عيالك

لارا : انا مش عايزة اتجوز … مش هسيب البيت الي اتربيت بيه و الناس الي بحبهم عشان خاطر راجل

خديجة : طيب طيب ما تفرقعيش بوشي …اساسا انتي لسا قدامك مشوار طويل .. الهندسة مش سهلة يا لارا …لازم تركزي بمذاكرتك كويس اوي

غادة : ماما انا هلبس و اروح اشوف زياد .. قولي لبابا عشان اكيد هيسمعني شوية كلام يعكنن عليا

خديجة : قولتله يا حبيبتي ما تخافيش .. انتي فرحك قرب و لازم تتكلمي مع زياد و تتفقو على كل حاجة قبل ما نروح هناك

لارا : ضروري نروح الايام دي ؟

خديجة : جدك قال لازم نكون هناك بكرا الصبح

لارا بخنقة : هففف هنروح و نفضل نتخانق زي المجانين

خديجة : منا جاية انبهك انتي و اختك .. ده مش فرح اي حد و خلاص …ده فرح اختك يا لارا .. يعني اي مشكلة هتعملوها هتأثر علينا احنا فخدو بالكم كويس اوي و ما تتخانقوش مع حد

غادة : ما تقلقيش يماما .. ما اعتقدش يحصل حاجة زي المرة الي فاتت

اتجهت غادة لدولابها و اخرجت ملابسها

خديجة : هتقابليه فين ؟

غادة : هنروح نشرب حاجة في كافيه مش فاكرة اسمه

خديجة : ماشي يا حبيبتي بس حاولي ما تتأخريش … انا هوضبلك حاجتك الي هتروحي بيها

لارا : انا عايزة افهم حاجة وحدة بس .. طالما هي هنا و العريس هنا و حتى شقتهم هنا .. هنروح سوهاج نعمل ايييييه ؟

خديجة : بطلي دبش يا بت انتي انثى … سوهاج بلدهم و قرايبنا كلهم هناك

لارا : بس فرح اوس و حبيبة كان اخف علينا .. تعبنا اوي بفرح تميم و فريدة و هنفرهد بفرح دول برضو .. ليه ما نعمله هنا يوم واحد و خلاص

خديجة : و الله ؟! ده انا مستنية اليوم ده من يوما خلفتها عشان اعملها فرح كبير .. لما تبقي تتجوزي انتي نبقى نعملك فرح هنا … كفاياكي فتي يا لارا و اتلمي

غادة : انا جاهزة … عن اذنكم

لارا : هتروحي تقابلي خطيبك كدة ؟!

غادة : ليه في حاجة على هدومي ؟!

لارا : ايه الي عاملاه بنفسك ده ؟ ابوس ايدك حطي شوية ميكاب هتطفشي الراجل مش كفاية الجلابية دي ؟

غادة : اولا دي مش جلابية ده حجاب ماليزي .. ثانيا هو بيحبني زي ما انا و اكيد بعد الجواز مش هفضل متزوقة قدامه 24 ساعة .. و ثالثا و الاهم ان حرام احط ميكاب و انا خارجة

لارا : ده انتي اوفررررر اوي بجد

خديجة بحدة : لارا اتلمي .. ما ترديش عليها يا غادة .. شكلك حلو اوي و احسن حاجة عملتيها انك اتحجبتي … الي بيقرب من ربنا قلبه يرتاح يا بنتي

غادة بابتسامة : ربنا يخليكي ليا يماما .. عن اذنكم

خرجت من الاوضة

خديجة : اختك الي بتتريقي عليها دي من ساعة ما التزمت بقت انسانة تانية .. ليه مصرة انك تجرحيها حتى و هيا بتعمل الصح ؟ انتي المفروض تاخديها قدوة ليكي .. مش شايفة حياتها بقت احسن ازاي بعد ما ربنا هداها ؟ مش شايفة علاقتها بزياد قد ايه بقت احسن ؟

لارا بضيق : لو مهما عملت هتفضل غادة احسن مني بالنسبالك … منا كمان يماما عملت انجاز و جبتها الاولى بالثانوية العامة زي ما كنتي عايزة .. ايه الي لازم اعمله كمان عشان تمدحيني زيها ؟

خديجة : لارا انا فخورة بيكي زي ما انا فخورة باختك .. و اكيد مبسوطة بانك تفوقتي بالمدرسة .. بس الي يهمني اكتر هو سلوكك و تصرفاتك مع الناس الي بتحبك .. اختك دي بعد كام يوم هتسيبنا و تروح لبيت جوزها يعني بلاش تجرحيها و تزعليها بكلامك الي زي الدبش ده

لارا : هو انا قولت ايه ؟ منا بتكلم عشان مصلحتها .. عايزة زياد يفضل يحبها و شايفها اجمل بنت بالدنيا

خديجة : مهو بيحبها و شايفها كدة من غير لا ميكاب و لا لبس عريان .. ما تخافيش عليها و ركزي بنفسك يا حبيبتي

*********************

في فيلا اوس

دلف فارس و معه حلا و دينا

دينا : حلة المحشي دي تقيلة اوي .. خد يا فارس وديها المطبخ

حلا بنهم : امته هناكل هموت من الجوع

فارس : اطلعي يا دينا اندهي لحبيبة قبل ما البت دي تخلص ع الاكل كله

دينا باستغراب : حبيبة مش بتنام بالوقت ده .. غريبة ليه ملهاش حس في البيت

حلا : يمكن اوس معاها فوق

فارس بخبث : اممم يا ابن المحظوظة يا اوس يقدر يستفرد بمزته وقت ما هو عايز

حلا بحدة : فارس اتلم و روح رص الاطباق ع السفرة .. اطلعي يا دندن اندهيلهم

دينا : هو اوس هنا فعلا ؟

حلا : ايوة عربيته لسا برا

دينا : طب هطلع اشوفهم

صعدت دينا للطابق العلوي و طرقت باب اوضتهم

دينا بصوت عالي : يلا يا حبيبة الاكل جاهز .. اوس هاتها و انزلو

تململ اوس و فتح عيناه … نظر الى الساعة بذهول

اوس : يا انهار اسود .. انا اتأخرت اوي

استيقظت حبيبة و قالت بنعاس : فيه ايه ؟

اوس بهدوء : قومي يا حبيبتي عشان تاكلي و بعدها تبقي تكملي نوم

حبيبة بكسل : هو احنا نمنا ازاي ؟

اوس : يعني انتي مش فاكرة ؟ تحبي افكرك يا روحي ؟

نظرت الى نفسها و كمشت الغطاء بسرعة

حبيبة بخجل : بطل قلة ادب في ناس في البيت

اوس : بقولك ايه في بيت جدي كنت بسكتلك بمزاجي .. انا ما صدقت اتجوزنا عشان نفضل لوحدنا .. و انتي ما شاء الله لميتي العيلة كلها عندي تحت

حبيبة بضحكة : ما عشان مفضلش لوحدي .. افرض حصل معايا حاجة و انت بالشغل اعمل ايه وقتها ؟ و المسكينة حلا اتمرمطت معايا دي بقالها اسبوع عندي ما بتفارقنيش خالص

اوس : ما ده الي حارق دمي .. اختك دي مفترية و محسساني اني بتحرش بيكي .. و فوق كل ده فارس الرخم رايح جاي عندنا عشان خاطرها .. انا تعبت من الحوار ده

حبيبة : طب خلاص خلاص اهدى كدة يا حبيبي و تعالا ننزل

نظر لجسدها فقد كانت ترتدي ملابس للنوم جريئة جدا

اوس: هتنزلي كدة يا هانم ؟

حبيبة بخجل : منا هقوم اغير يا اوس في ايه ؟ انت ليه متنرفز كدة ؟

اوس : مفيش يا حببتي بس فوت اجتماعين ورا بعض و دي اول مرة بحياتي اعملها .. ده انا حتى ما بلغتهمش اني هتأخر

حبيبة : و فيها ايه ما انت المدير

اوس : حتى ولو .. برضو احترام المواعيد مهم جدا في البزنس يا روحي

بعد وقت … نزلو سويا للطابق السفلي

دينا : اخيرا نزلتو .. الطفسة دي كلت وش الحلة كله

حبيبة : هو انتي الي عملتي الاكل يا دينا ؟

دينا : لا مامتك .. انا بس ساعدتها شوية .. اتفضلو يلا

جلسو جميعا على طاولة الطعام

فارس بتلذذ : الله الله .. تسلم ايدها حماتي حياتي .. الاكل تحفة بجد

حبيبة بابتسامة : مفيش حد بيعرف يعمل اكل زي ماما

حلا : بس لو زودت جنبهم شوية محشي بصل كان هيبقى احلى .. نفسي فيه اوي

دينا : هبقى اقولها المرة الجاية … اوس جدو كلمك ؟

اوس : اممم .. قالي ان فرح زياد و غادة بعد شهر

دينا بسعادة : يبقى لازم نروح سوهاج بكرا .. اخيرا يا رب

حلا بخبث : للدرجادي واحشك يا بت ؟

رفعت دينا يدها لتظهر دبلتها و قالت : طبعا خطيبي و وحشني اوي

فارس : لا يا دينا مش لايق عليكي الدلع ده .. ارجعي دوري على مصا..ص د..ماء احسن

دينا : بطل رخامة يالا .. مفيش بعد الضبوطة بتاعي

اوس : حبيبة انا كلمت اهلك و هنروح كلنا مع بعض

حبيبة بقلق : ازاي هنروح و انا ممكن اولد باي لحظه

حبيبة بقلق : ازاي هنروح و انا ممكن اولد بأي لحظة ؟!

اوس بهدوء : هنروح للدكتورة الاول تطمنا عليكي و نبقى نسألها لو تقدري تسافري

حبيبة : اوك .. بجد جدو وحشني اوي و كلهم وحشوني خصوصا آسر هموت و اشوفه

دينا : و انا كمان هموت و اروح هناك ما صدقت اخلص الامتحانات بتاعتي عشان اروح من غير ما ماما تصدعني

حلا : طب امته هنروح بقا ؟ انا عندي ندوة الساعة 12 الضهر .. يعني لو هتروحو بدري هبقى احصلكم مع فارس

اوس : لا مش هنلحق نروح بدري … ع الاغلب هنوصل بالليل .. انا كمان ورايا شغل و لازم اخلصه و بعدها هاخد حبيبة للدكتورة

دينا بنرفزة : و الله و ليه بقا نستنى كل ده ؟ جدو قال الصبح نكون موجودين و عيب نكسر كلامه

اوس : الكلام ده قاله لعمي ايهاب و عمي حسين ما ينطبقش عليا يا دينا

حبيبة : ازاي هنروح معاهم … ماما و بابا مش بيحبو يسافرو متأخر

اوس : معرفش انا باباكي قالي ان هما حابين نروح مع بعض عشان تفضل مامتك جنبك

حلا : يعني ايه مش هتحضرو الايفنت بتاعي ؟ دي اول مرة هطلع اقول كلمة و هتكرم كمان .. هتبقو اندال اوي بصراحة

دينا : ما فارس معاكي اهو اتلمي بقا

حبيبة : لا طبعا ايه الكلام .. اكيد هنحضر .. مش كدة يا اوس ؟

اوس : زي ما انتي عايزة يا حبيتي .. دينا ابقى روحي معاها و خودي بالك منها

حبيبة : يعني مش هتحضر معايا ؟

اوس : قولتلك يا حبيتي ورايا شغل كتير مش كفاية النهاردة اتاخرت

حبيبة بضيق : يعني هتسيبني اروح لوحدي

دينا بنفاذ صبر : منا هكون معاكي و غادة قالت انها هتحضر .. ليه الدلع ده ؟ الراجل وراه شغل خليه يخلصه بسرعة و نتنيل نروح

حبيبة : انتي مالك ؟ انا عايزة جوزي يفضل معايا.. ليكي شوق بحاجة ؟!

دينا : يلهوي ده انتي بقيتي زي فريدة و اكتر .. احنا كنا مستحملين دلعك زمان بالعافية .. هنعمل ايه بدلع الحمل ده

اوس : ملكيش دعوة بيها .. مراتي و تدلع براحتها .. انا هروح الشغل يا حبيبة لو عايزة اي حاجة كلميني

حبيبة : خد بالك من نفسك يا حبيبي

طبع قبلة على رأسها ثم ذهب

دينا : انا هقوم اروح .. حلا ابقي قولي للشغالة تروق البيت و ترتب التلاجة شوية كل حاجة فيها متكومة فوق بعض

حلا : طيب يختي ما تعمليش فيها ست البيت عندي مش فاضيالك

حبيبة : عن اذنكم هطلع انام شوية

صعدت حبيبة لاوضتها و غادرت دينا

فارس بخبث : خليلنا الجو يمزتي .. هاتي بوسة

حلا : اتلم يا فارس و تعالا ساعدني بالبحث الي جاي

فارس : ابوس ايدك عايز بريك احضر الماتش .. ده انتي سحلتيني النهاردة

حلا : اتلم و بطل دلع … ليه النهاردة ما روحتش الشغل بتاعك ؟

فارس : اتخانقت مع المدير .. ما قبلش يديني اجازة عشان فرح اختي قال الاجازة مش اكتر عن تلات ايام

حلا : و بعدين ؟ هتحل المشكلة دي ازاي

فارس بابتسامة : اتحلت خلاص ..سبت الشغل

حلا بصدمة : اييييه ؟ ليه كدة شغلك كان كويس اوي و المرتب ممتاز

فارس : بس مش مرتاح بيه .. بعدين البنك كله مزز حاولو يشقطوني و يجرو رجلي للرذيلة و انتي عارفاني مش بحب اخون مزتي

حلا بنفخ : و بعدين معاك يا فارس .. باباك مش هيوافق نتنيل نتجوز بعد ما اترفدت

فارس : استقلت … اسمها استقلت .. انا الي مشيت بمزاجي .. و بعدين الذنب مش ذنبي كل الي حصل بسبب غادة

حلا : و الله و هي ايه الي حشرها ؟!

فارس : هي الي فضلت تزن عليا و تقولي الشغل في البنك حرام و اعانة على الاثم و بلابلابلا

حلا : طيب و دلوقتي ؟ هتعمل ايه ؟ هتشتغل فين ؟

فارس : مبدأيا هقعد الشهر ده عشان خاطر فرح اختي … و بعدها هطب على ابن عمي و اشتغل معاه … عشان لو جدك شم خبر اني استقلت هيشغلني عنده بالعافية و انا مش حمل بهدلة الغيط دي

حلا : طيب .. امشي نكمل البحث عشان طنط نهلة عايزاه بالليل

فارس بخبث : مش هسمحلك تكمليه قبل ما تديني حقي

حلا بضحكة : نخلص شغل و بعدها هديك واحدة

فارس بحماس : اوكيه

************************

دلف اوس مكتبه و خلع الجاكيت

اوس : زياد فين ؟

السكرتير : لما لاحظ ان حضرتك تاخرت قال هيخرج يقابل خطيبته و مش هيتأخر

اوس : كلمه و قوله بجيلي حالا .. و نظم مواعيد جديدة بكرا للاجتماعات الي فاتت و تكون قبل الساعة 3 عشان بعدها هسافر

السكرتير: تحت امرك يا فندم .. تؤمر بحاجة تانية ؟

اوس بتذكر : اه فكرتني .. ابعت ايميل للشركة الالمانية و بلغهم ان عرضهم مرفوض

السكرتير: تمام يفندم

اوس : اتفضل

فتح اللابتوب و بدأ يستعرض التصاميم الجديدة … قاطعه زياد عندما فتح الباب و هو يلهث

زياد باحراج : هو انت جيت ؟!

اوس : ازاي تخرج و انا مش موجود ؟ ليه ما حضرت الاجتماعات لوحدك ؟

زياد : عشان في بنود جديدة لازم انت الي تتفق معاهم عليها

اوس : و انت هنا بتعمل ايه يا زياد ؟! انا و انت واحد يعني عندك صلاحيات تقرا البنود و تقرر لو هنقبلها و لا لا

زياد : اوك بس انا قولتلك يعم اني مش عايز اشيل مسؤولية زي دي .. المهم المورد الايطالي كلمني و قالي شحنة الجلد هتوصل المصنع في انجلترا بكرا الصبح و هيبدأو بتنفيذ التصاميم الرجالية فورا

اوس باستغراب : مش المفروض تكون وصلت النهاردة الصبح ؟ كدة هنتأخر في عرض مجموعة الشتا و ده مش لصالحنا

زياد : ما تشيلش هم حازم واخد باله من الموضوع ده و طلب من العمال يشتلغو اوفر تايم

اوس : طيب و ايه سبب التأخير ده ؟

زياد : قالولي حصل عندهم شوية لخبطة في الطلبات .. تخيل كانو هيبعتو الشحنة بتاعتنا للشركة الالمانية

اوس بحدة : دي مش لخبطة .. في حد مستقصدنا و عايز يأخرنا .. انا من ساعة ما رفضت شغل الشركة الالمانية اول مرة و هما حاطيني بدماغهم

زياد : مش هيقدرو يعملو حاجة ما تنساش انك حاطط مليون خطة بديلة و ده اكيد من مصلحتنا

اوس : طيب روح انت خلص الي وراك عشان بكرا هنروح سوهاج .. بس خليك فاكر انك كدة كدة هتشتغل … ما تتوقعش انك ممكن تاخدها اجازة

زياد بملل : حتى و انا عريس هتشغلني ؟!

اوس : منا كنت بشتغل و انا عريس برضو .. يلا بطل دلع و اشتغل

زياد بعبوس : حاضر

*********************

في اليوم التالي

وصلت حبيبة و دينا الى القاعة التي اقيم فيها الحدث الخاص بالجمعية … اشار لهم فارس بان يأتو فهو قد حجز لهم مقاعد في الصفوف الاولى

حبيبة بسعادة : الله حلا شكلها حلو اوي بجد

فارس : طبعا دي مزتي مفيش واحدة بجمالها

دينا : اختك فين يالا ؟

فارس و هو ينظر للمدخل : اهي جات الحجة

اقتربت منهم غادة و جلست بجانبهم

غادة : السلام عليكم .. ازيكم

حبيبة : و عليكم السلام .. ما شاء الله اللبس ده هياكل منك حتة

دينا : بجد قمر .. ربنا يثبتك و يهدينا

غادة بابتسامة : امين يا حبيبتي .. هو اوس مش هيحضر ؟

حبيبة بعبوس : لا .. عنده شغل

غادة : معلش ما تزعليش برضه شغله مهم و مش بيفضى كتير

دينا : هششش حلا طلعت اهي

صعدت حلا للمنصة و اخذت المايك و بدأت بالقاء خطابها الى ان انتهت

صفق لها الحضور خصوصا فارس الذي كان يصفق و يصفر بحرارة … اقتربت منهم حلا بعد ان نزلت عن المنصة

حلا : كان باين عليا اني متوترة ؟

فارس : بالعكس كنتي تجنني .. برافو عليكي يا حبيبتي

في هذه اللحظة دلف اوس و زياد و اتجهو اليهم

حبيبة بابتسامة : انت مش قولت مش هتيجي ؟

اوس : ما اقدرش اسيبك لوحدك يا حببتي .. خلصت الي ورايا و جيتلك على طول

حلا بغيظ : جيت بعد ما القيت الكلمة بتاعتي يا ندل

اوس : هعديلك الشتيمة عشان خاطر اختك دي .. اتلمي بقا

حلا : نينيني

اتجهت لهم السيدة نهلة و قالت بذهول : استاذ اوس ازاي حضرتك

اوس باستغراب : اهلا

حلا : دي مدام نهلة يا اوس رئيسة الجمعية

اوس : اه تشرفنا

نهلة : هو انتي تعرفي الاستاذ اوس منين يا حلا

حلا : ده يبقى جوز اختي و قريبي برضو

فارس بمقاطعة : و ابن عم جوزك كمان

حلا : ما تجيبلها شجرة العيلة و اشرحلها وحدة وحدة من مرة

نهلة بضحك : بالراحة يا بت .. امشي عشان التكريم هيبدا .. نورتونا يا استاذ اوس و شرف كبير لنا ان حضرتك تحضر الايفينت بتاعنا .. اتمنى تلقي نظرة على انجازات الجمعية و تقولنا رأيك

اوس : ان شاء الله

ذهبت نهلة و حلا

حبيبة بغيرة : ضروري كل ما نروح مكان يجولنا خمسة ستة يتكلمو معاك ؟

اوس : في ايه يا حبيبتي انا جيت عشان خاطرك و بعدين شوفتيني و انا بكلمها برسمية زي ما بعمل مع الكل

حبيبة بغيظ : و انت ايه الي جابك مكان كله ستات ؟

زياد بضحك : يلهوي عليكي يا بت .. ما المكان مليان رجالة برضو .. كل دي غيرة ؟

فارس : بس يا جماعة البت هتطلع تتكرم .. يلا ركزو عشان نشجعها

بدأ التكريم و اخذت حلا جائزتها وسط تشجيع قوي من الحضور

بعد وقت انتهى الحدث و خرجو سويا الى الساحة

اوس : هو عمي حسين راح سوهاج ؟

فارس : ايوة خد طنط سعاد و طنط خولة و راحو مع بابا و ماما و لارا

اوس : كويس .. انا هاخد حبيبة و نروح للدكتورة .. الساعة 3 بالزبط تكونو في البيت عشان نروح كلنا مع بعض

زياد : على كدة هكسب غادة على الغدا

حلا : انا الي اتكرمت يعني انا الي يحقلي اتعزم على اكلة دسمة .. امشو يا شباب نروح معاهم

فارس : اشطا يلا بينا

زياد بنفخ : نفسي مرة واحدة بس محدش يعكنن عليا مع البت دي .. مش كفايا عليا باباها

دينا : هو شهر واحد و هتاخدها ليك خالص .. انا هروح بقا عندي موعد .. عن اذنكم

و افترقو كل منهم الى وجهته

*************************

في احد المقاهي الراقية .. كانت دينا تجلس و تقرأ احد الروايات

: اسفة تأخرت عليكي

دينا : ولا يهمك .. اتفضلي

جلست سيدة في بداية الثلاثين من عمرها

يمنى : ازيك يا دينا .. اعرفك على نفسي انا يمنى

دينا ببرود : اهلا و سهلا .. ايه الموضوع الي قولتي عايزاة تكلميني بيه ؟

يمنى : بصراحة يعني انا عرفت ان علاقتك ببنتي ليلة كويسة و هيا قالتلي عليكي كلام حلو اوي

دينا : شكرا

يمنى : بصي انا و زياد كنا اصدقاء و هو برضو كان بيقولي قد ايه انتي جدعة و بتساعديه هو و اوس عشان تصلحي علاقاتهم مع حبيباتهم .. و دي الحاجة الي خلتني اكلمك .. حسيت قد ايه انتي بنت كويسة و بتساعدي غيرك من غير مقابل

دينا : ميرسي .. مفيش داعي للمقدمات دي .. اتفضلي ادخلي بصلب الموضوع عشان معنديش وقت

يمنى : بصراحة يعني انا مش قادرة ابعد عن بنتي … انا عايزة اعيشها حياة افضل من دي وسط عيلة تحتويها و تحبها .. انتي اكتر واحدة قادرة تفهمي شعورها .. الحياة بجو متوتر بتبقى صعبة اوي و حازم …

دينا بمقاطعة : يعني عايزة ترجعي لحازم طلقيك مش كدة ؟!

يمنى : حازم مش طليقي يا دينا .. احنا لسا متجوزين بس سبنا بعض عشان انا اصريت افضل في مصر

دينا بحدة : قصدك انك خونتيه و كسرتي قلبه

يمنى : ارجوكي ما تحكميش عليا من غير ما تفهمي اسبابي ؟

دينا : اسباب ايه ؟ ايه الي يخلي ست جوزها بيعشقها تخونه ؟ ما تقوليش لحظة ضعف عشان هجيبك من شعرك

يمنى : لا و الله مش كدة ابدا .. ده ملعوب و هتتصدمي لما تعرفي مين الي خطط يأذينا كدة

دينا باستغراب : مين ؟!

يمنى : لو حازم كلمك بالموضوع ده هتعرفي ان هو شافني مع جوز صوفيا و اعتبر اني بخونه معاه .. بس الحقيقة ان صوفيا هيا الي خططت لده و شربتني منوم عشان اتحط بالموقف ده

دينا : ثانية وحدة .. مين صوفيا ؟!

يمنى بذهول : مستحيل ما تعرفيهاش .. زياد ما كلمكيش عليها ؟ دي صاحبته

دينا : ايوة ايوة افتكرتها … و ليه تعمل كدة معاكي

يمنى : اوعديني انك مش هتقولي لحد

دينا : اوعدك .. بس اتكلمي شوقتيني

يمنى : صوفيا كانت صاحبتي و جوزي و جوزها صحاب اوي و حازم هو الي شغلها بالشركة بتاعته هو و اوس .. بس صوفيا بصراحة يعني ..

دينا : انتي علقتي ليه ؟ كملي

يمنى : صوفيا كانت بتحب زياد

دينا بذهول : وااااات ؟!

يمنى : اقسملك بالله و زياد طبعا ما يعرفش .. هي حبته عشان كان مهتم بيها و على طول بيطبطب عليها .. فقررت تطلق من جوزها عشانه

دينا بصدمة : نو واي اصدق الكلام ده .. حرام عليكي تظلميها كدة .. دي ساعدت زياد كتير و كلمت غادة عشان ترجعله

يمنى : دي وحدة كدابة ما تصدقيهاش .. دايما كدة بتعمل فيها ملاك عشان تشتغل من تحت لتحت .. هيا لما كلمت غادة كانت قاعدة معايا …و قالتلها كدة عشان تكشف زياد قدامها و ينزل من عينها و هي بقا تقدر تتقرب منها …. و ما ارتاحتش الا لما غادة حلفت انها عمرها ما هترجعله و لما انا اتعصبت عليها و قولت اني هكلم زياد حطتني بدماغها

دينا بصدمة : يا انهار اسود .. بس البنت مش باين عليها كدة دول حتى اتقابلو من سنة و شوية في الساحل و كانت عادية اوي

يمنى : طبعا عشان خلاص رجعت لجوزها السافل بعد ما دمرت حياتي

دينا : يعني ؟!

يمنى : يعني جوزها برضو كان عايز يتقرب مني و كان عارف انها معجبة بزياد .. اصل ثقافتهم هما الاتنين مش زي عندنا .. يعني بيتقبلو الحاجات دي و بيعتبروها عادية

دينا بصدمة : يخربيتهم جاتهم القرف .. طيب كويس خلصنا منها .. المطلوب مني ايه دلوقتي ؟

يمنى : انا عايزاكي تساعديني .. حازم لغاية النهاردة مش عايز يصدقني .. رغم اننا بقينا صحاب و بنتكلم عادي بس هو لسا مش مسامحني و كلم المحامي عشان نطلق .. يمكن عايز يتجوز او يخلص مني .. بس انا لسا بحبه و مش هستحمل اعيش بعيدة عنه .. ارجوكي يا انسة دينا تكلميه

دينا : انسة ؟

يمنى : قولتي ايه ؟

دينا بتفكير : اوك .. هحاول اكلمه و اقوله الكلام ده

يمنى : مهو عارفه .. و اوس و زياد حاولو يكلموه و ما فيش فايدة

دينا : الله … طب اعمل ايه انا بقى ؟!

يمنى : هو بيحترمك اوي عشان بقيتي صاحبة ليلة .. يعني حاولي تزني عليه هو اكيد لسا بيحبني .. لو نسيني زي ما بيقول كان قرب لوحدة غيري

دينا : طيب هفكرلك بحل و اشوف هعمل ايه .. عن اذنك انا تأخرت

***************************

بعد وقت توجه الجميع الى سوهاج

في سيارة اوس

اوس باستغراب : و انتي ليه تقابليها اصلا ؟!

دينا : معرفش صعبت عليا

حبيبة : انتي مش هتبطلي الجو ده يا دينا ؟ كام مرة لازم تتخزوقي عشان تتلمي و تركزي بحياتك ؟!

دينا : ده بدل ما تقوليلي كتر خيرك يا ملاكي الحارس ؟!

اوس : دينا لو قدرتي تساعديها تبقى وجبتي مع حازم فعلا .. هو مش مقتنع ان صوفيا ممكن تعمل كدة و زياد زي الغبي مصدق انها صاحبته

دينا : يعني زياد ما يعرفش انها واطية ؟

اوس : لا .. حاولت افهمه بس هو مش مصدق ابدا ده بيعتبر صوفيا ملاك منزل ع الارض خصوصا بعد ما عرف انها اتكلمت مع غادة عشان ترجعله

دينا بملل : زياد و غادة اكتر اتنين تعبوني بالدنيا دي .. امته هخلص منهم بقا

حبيبة : و الله انتي الي ورطتي نفسك بالحكاية دي .. اوعي تقولي لغادة على حكاية البنت … انتي مالك و مال حازم اصلا ؟!

دينا : ما ليلة بقت صاحبتي ..صحيح صغيرة بس برضو قانون الصداقة يسري على الجميع …و بعدين الست يمنى قالتلي يا انسة تخيلي

حبيبة : و الله ؟!

دينا : ايوة انا محدش قالي يا انسة قبل كدة ابدا .. اول مرة احس ان في حد محترمني كدة

حبيبة : بس انتي دلوقتي على ذمة راجل يعني بقيتي مدام

دينا : اتلميييي الكلمة دي بتغيظني من معاميقي

حبيبة : اسمها اعماقي يا متخلفة

اوس : ما تركزيش معاها يحبيبتي .. بصي اختك الهبلة بتعمل ايه

كان زياد يقود سيارته امام سيارة اوس و معه غادة و فارس و حلا … و كانت حلا تخرج من فتحتة السقف ترفع يديها و تشاور لهم

حبيبة : و الله لو انا مش حامل كنت هطلع زيها .. ما تعرفوش الهوا قد ايه بيدي طاقة ايجابية

*******************

في سوهاج

كان الجد عبد الله يجلس في مكتبه ينظر امامه بسرحان … يفكر في بيته هذا الذي يخلو من اصوات احفاده المشاكسين

عبد الله بسرحان : سنة كاملة ! سنة كاملة محروم من خناقاتكم و مصايبكم الي ما بتخلصش .. مفضلش عندي غير مصطفى الي اتونس بيه .. حتى انتي يا كارما هتسيبني و تروحي للجامعة في مصر .. امته لحقتو تكبرو كدة ؟؟

انقطع حبل افكاره عندما سمع صوت حلا و فارس و هم يقولون بصوت واحد : هيلوووو

خرج من مكتبه بسرعة و ابتسم بسعادة عندما دلف جميعهم دفعة واحدة و بدأو بمعانقته

عبد الله بابتسامة : وحشتوني يا عيال

حبيبة بمشاكسة : ايه الي عيال ده احنا هنخلف يا جدو

عبد الله : حتى لو بقا عندك مية ولد هتفضلو بالنسبالي عيال ……

عبد الله بابتسامة : وحشتوني يا عيال

حبيبة بمشاكسة : ايه الي عيال ده احنا هنخلف يا جدو

عبد الله : حتى لو بقا عندك مية ولد هتفضلو بالنسبالي عيال .. و لو غلطتو هتتعاقبو كلكم

زياد : لااا ابوس ايدك كفاية علينا المرة الي فاتت اتربينا لالف سنة قدام .. انا عايز اتجوز بقا ارحموني

نزلت كارما من الاعلى و ركضت نحو زياد

كارما و هي تحتضنه : وحشتني اوي .. كنت فين ؟ كل ده مش بتيجي تزورنا ؟

زياد : اسألي ابن عمك المتسلط ده .. ده انا لو يهودي كان عتقني لوجه الله

اوس : اتلم يا زياد .. هيا ماما فين ؟

كارما : طنط عند فريدة بشقتها و كل الستات هناك .. يمكن ما يعرفوش انكم وصلتو

مصطفى : هطلع اقولهم

عبدالله : ايوة و قولهم يجهزو العشا كمان

مصطفى : حاضر

عبد الله : تعالو نقعد و احكولي عملتو ايه في مصر الايام الي فاتت

اتجهو للمجلس الكبير

حلا بحماس : حفيدتك الي هيا انا يعني … بفضل الله اترشحت لمنصب امين الصندوق في جمعية حقوق المرأة و كمان اخدت جائزة بسبب انجازاتي و ابحاثي الي عملتها للجمعية بعد ما تخرجت

فارس : و انا ساعتدتها بيهم طبعا و اتسحلت معاها

عبد الله : برافو .. برافو عليكي يا حببتي طول عمرك شاطرة .. و انت يا فارس برافو طلعت شهم و وقفت جنبها

غادة : انا بقى التزمت و اتحجبت يا جدو .. ما قولتليش ايه رأيك بيا ؟

عبد الله بابتسامة : دي اكتر حاجة صح عملتيها يا غادة و انا بجد فخور بيكي و اتمنى البنات ياخدوكي قدوة ليهم

لارا : طب منا كمان قدوة و طلعت الاولى على الثانوية العامة

حبيبة : انا اتصدمت يومها بجد.. ما توقعتش انك شاطرة اوي كدة

لارا بغرور : طبعا انا لهلوبة في الماث و الانجلش

كارما بعبوس : الدنيا حظوظ … ده انا طلعت روحي عشان انجح بس

زياد : مش مهم المجموع يا حبيبتي المهم انك تعبتي عشان مستقبلك و اديكي فترة بسيطة و هتيجي عندنا عشان الجامعة

عبد الله : و انتي يا دينا .. عملتي ايه ؟

دينا بضحكة بلهاء : انا و الله انشغلت شوية مع ختيبي

حلا بحدة : اعدلي لسانك قبل ما اقطعهولك .. مش ناقصين سهوكة

دينا : اتلمي و ملكيش دعوة .. ازاي بتدافعي عن المرأة و انتي قالبة على دكر

عبد الله : بس منك ليها .. حبيبة انتي عاملة ايه ؟

حبيبة : انا كويسة يا جدو و بلاش حد يسألني على الجامعة عشان مش ناقصة احراج

عبد الله : معلش يا بنتي طبيعي الجواز و الخلفة برضو مسؤوليه … و انتو يا شباب ساكتين ليه ؟ احكولي عملتو ايه بشغلكم ؟

فارس : احم .. اتفضل يا اوس اتكلم انت

نزلت سحر في هذه اللحظة

سحر بلهفة : يا قلب امك وحشتني اوي يضنايا

توجه لها اوس و حضنها

اوس : و انتي كمان وحشتني اوي يا ست الكل

حبيبة : ازيك يا طنط

سحر و هي تحضنها : واحشاني يا حبيبتي كل ده مش بتيجي تشوفي حماتك يا بت ؟

حبيبة : و الله حضرتك دايما في بالي بس البيبي تعبتي اوي

فريدة من وراهم : هه .. اتدلعي يختي اتدلعي .. جايك ايام سودة

حبيبة : فريدةةة .. ازيك وحشتنيي

فريدة بتعب : ااااه .. ما تسأليش على حالي عشان تعبانة تعب السنين .. بس انتي بطنك صغيرة كدة ليه ؟! مش المفروض دخلتي التاسع من يومين ؟

حبيبة : مش عارفة .. بس الدكتورة قالتلي صحة البيبي ممتازة

سحر : انتي مش بتاكلي كويس يا بت ؟ اوس قصر معاكي بحاجة ؟ قوليلي عشان اهزقهولك دلوقتي

حبيبة : لا و الله يطنط اوس واخد باله مني كويس اوي .. ده مفيش بحنيته و اهتمامه بيا

سحر : ربنا يخليكم لبعض يحبيبتي

حبيبة : ميرسي يا طنط .. فين آسر ؟ وحشني اوي عايزة اشوفه

فريدة : سيبته مع طنط خديجة و نزلت اسلم عليكم .. قولت ازوغ منه 5 دقايق اريح شوية

حبيبة : هو تميم مش بيساعدك ؟

فريدة : بيساعدني بس مش اوي يعني .. برضو هو وراه شغل

دينا : هو احنا لما نتجوز يا بت هتبقى احاديثنا كدة ؟!

حلا : اممم تخيلي

دينا : ده ايه القرف ده .. بقو ستات اوي

مصطفى بخفوت : دينا .. كلمتي ليلة ؟

دينا : اه .. ليه عايز حاجة ؟

مصطفى : ليه مش بترد عليا ؟ بكلمها بقالي اسبوع و هي مطنشاني خالص

دينا : اممم عشان عندها امتحانات و باباها خد منها الموبايل

مصطفى بغيظ : ايه العقلية دي ؟! الراجل ده دقة قديمة اوي .. ده انا قولت اجنبي بقا و اوبن مايند و مش هيقرفني

دينا : اتلم ده انت لسا قدامك كتير .. هات موزة اسكت بيها معدتي قبل العشا

كارما : حبيبة هتسمي البيبي ايه ؟

حبيبة بابتسامة : كنان يا كرملة

حلا : و هندلعه و نقوله كوكيز

غادة : ما كفاية طفاسة حتى البيبي هتدخليه بالطفح بتاعك ؟!

سحر : على سيرة الاكل يا بنات .. اتفضلو العشا جاهز

اتجهو جميعا الى طاولة الطعام تزامنا مع دخول تميم

تميم : الله الاكل جاهز حماتي بتحبني .. ازيكم يا عيال

زياد : عيال ؟ انت بتقولنا عيال يا تميم ؟

تميم : ايوة

فارس : شاف نفسه خلف حتة عيل قال خلاص انا كبرت و بقيت راجل .. ياض ده انت من سنة بس كنت بتتبهدل في الغيط زي العيال و انيل منهم

تميم : هبقى احسن منك و مش هرد عليك

عبد الله : فارس .. عينك في طبقك يلا

فارس : امرا و طاعا يا جدو

تميم : فين اسر يا فريدة ؟

فريدة : مع طنط خديجة فوق .. هطلع اخده و اقولها تنزل تتعشى معاكم

سعاد : طب هاتي الواد و تعالي اتعشي انتي كمان

فريدة : لا دول لسا واصلين من برا يعني محملين بالفيروسات و الميكروبات … مش ناقصني البيبي يعيا

دينا : يا ساتر .. كل ده عشان قولنالك هاتيه ؟ اومال لو حد باسه قدامك هتعملي ايه ؟

سحر : دي بقا اسطوانة كل يوم .. مش بتسمح للواد يتنفس الا لما تعقم الهوا الاول و ما شاء الله تميم ماشي معاها و بيطبلها

حلا : لا كدة اوفر كتير بصراحة

سعاد : كلنا خلفنا يا فريدة و جبنا عيال زي الفل مفيش داعي للوسوسة دي

حبيبة : يعني اوك لازم تكوني مهتمة بالبيبي جدا بس مش للدرجادي .. الاطباء بيقولو ان البيبي برضو لازم يخرج و يغير جو

فريدة : طب خلاص خلاص هطلع اجيبه و اجي

بعد ساعتين

كانت حلا تحمل اسر و تمشي به في شقة تميم و حبيبة تجفف شعر فريدة المبلول بمجفف الشعر

حلا بنفخ : ليه عودتيه ع الشيل يا بت ؟

فريدة : هو اتعود لوحده

حلا : يا سلام ؟ هو الي قالك شيليني ؟

فريدة : انتي جاية تساعديني و لا تديني محاضرات ؟

حلا : منا وسطي اتقطم و انا رايحة جاية بيه

فريدة : معلش اهو تجربي الخلفة و عمايلها .. على فكرة انا سمعت ان الولاد ما بيتعبوش مامتهم زي البنات .. بيقولو ان البنت من ساعة ما تتولد بتبقى زنانة

حلا : دا اسمه عنصرية و تخلف … انا عن نفسي مش عايزة اخلف ولاد .. خصوصا بعد ما شوفت الخلفة النجسة بتاعة البت صاحبة زياد صرفت نظر عن الموضوع كله

حبيبة : حرام عليكي كل الي يجيبه ربنا حلو .. فكرتيني في بطيخة

حلا بجوع : بطيخ ؟ الله نفسي فيه

حبيبة : لا ده بني ادم … اسمه بطيخة و بيبيع ورد بالشارع

فريدة : و ما عرفوش يلاقوله اسم احسن من ده ؟

حبيبة : الولد ما يعرفش اهله يحرام .. اصله تخين شوية عشان كدة بيقولوله بطيخة

حلا : و انتي تعرفيه منين ؟

حبيبة : كنت من يومين بعيط و جيه عندي كلمني .. تصدقي اني اتصدمت من اخلاقه العالية و عزة نفسه .. بجد طفل يتحط ع الجرح يطيب

حلا بشفقة : يحرام … و الله العيال دول يقطعو القلب بجد .. انا لازم انظم لقاء و اتكلم عليهم يمكن حد يحس فيهم

فريدة بتعب : و الله يبقى كتر خيرك بجد

فجأة بدأ آسر بالبكاء

حلا بانفعال : ازاي هسكته ده .. خودي ابنك يا بت ايديا نملو و انا شايلاه

دلفت غادة و دينا سويا

غادة : هاتي اشيله شوية و سيبي مامته ترتاح دي حالها يصعب ع الكافر

اخذته منها و بدأت تمشي و تقرأ آية الكرسي بصوت منخفض

حبيبة بعبوس : اهو سكت معاهم الاتنين بس معايا فضل يعيط كأني ضرته

دينا بخفوت : يا بنات .. قانون الصداقة بيقول الصديق وقت الضيق مش كدة ؟

فريدة : عايزة ايه يا دينا ؟!

دينا بخبث : هغيب نص ساعة .. و النبي تغطو عليا و لو ماما سألت قولولها نايمة او بالحمام او اي حاجة

حلا : ليه هتروحي فين

حبيبة : واضحة زي الشمس هتروح تقابله

فريدة: ايه الجنان ده .. لا طبعا اوعي تعملي كدة الوقت اتأخر

دينا بانفعال : بقولك ايه انا ما صدقت كتبنا الكتاب عشان اتزنق زيكم … بعدين انا بقالي كتير ما شفتوش و مش قادرة اصبر لبكرا .. اتلمو بقا و سترو على غيابي

حبيبة : ماشي بس ما تتأخريش

دينا : اتفقنا

**********************

كانت تركض في الغيط باتجاه ارض العزايزة وسط برودة الجو و ظلام الليل … وصلت اخيرا الحد الفاصل بين الغيط و الارض … لمحت يزن ينتظرها خلفه .. اقترب بسرعة وساعدها بالنزول الى ارضهم

دينا بشوق : وحشتني اوي

حضنها بقوة لدرجة انه رفعها عن الارض و اخذ يدور بها في المكان لشدة شوقه

يزن بعشق : كل ده غياب يا حبيبتي ؟

دينا : و الله غصب عني .. ماما بتعاملني على اني ضرتها .. كل ما بقولها عايزة اروح سوهاج بتقولي ممنوع

يزن : يرضي ربنا الي بتعمله بيا الست دي ؟ من ساعة ما اتخطبنا و هيا مش بتسمحلي اشوفك زي الناس

دينا : معلش هيا خايفة عليا انا بنتها الوحيدة

شدها له اكثر و اخذ شفتيها بقبلة قوية و عنيفة تعبر عن شوقه الشديد لها

بعد دقائق …

دينا و هي تتنفس بسرعة : بحبك

يزن بعشق : و انا بموت فيكي

دينا : امشي نقعد في المكتبة عشان الجو سقعة اوي

امسك يدها و قال : يلا

دينا : انا بقيت طول الوقت مركزة بيك انت بس .. ما توقعتش الحب يبقى حلو كدة

يزن بابتسامة : و انا عمري ما تخيلت اني هحب اصلا .. جيتي انتي و وقعتيني بغرامك

دينا بسعادة : المكان ده شاهد على حبنا .. هنا قولت انك هتقع بغرامي من غير قصد و اهو وقعت فعلا

يزن : من ساعة ما عرفتك و انا حاسس ان الدنيا بتضحكلي .. مش هتصدقي ان السنة دي بس الي حسيت بيها قد ايه الحياة حلوة و تستحق اني اعيشها بجد

دينا : دي احلى سنة بعمري كله

اثناء حديثهم فتح يزن باب المكتبة .. مجرد ان رأت دينا المنظر صرخت بسعادة

دينا بحماس : يلهوي هيغمى عليااا .. ايه الحلاوة دي يا ربي

يزن بضحك : انا اسمع ان البنات بتتبسط لما تشىف هدوم جديدة او اكل او ميكاب .. بس كتب و روايات دي مشوفتهاش عند غيرك

دينا : طبعا انا انسانة مثقفة … عايزاك تشيلي كمية كبيرة هقرا نص هنا و نص هاخده لما ارجع مصر

يزن : هو احنا مش هنتجوز بقا ؟ ايه رأيك نستغل وجودكم هنا و اقول لابويا يكلم جدك و يتفقو على موعد فرحنا

دينا : لا ماما مش راضية نتجوز قبل ما اتخرج من الجامعة .. و انا فاضلي ترم و اخلص

يزن : يعني هتسيبيني تاني

دينا : معلش يحبيبي كلها فترة و هتعدي و بعدها نبقى مع بعض على طول

يزن : هتعزميني عندكم على العشا بكرا و لا اعزم نفسي بالعافية ؟

دينا : انت من امته بتتعزم اصلا ؟! ما انت مرابط عندنا من السنة الي فاتت

يزن بضحك : الله يسامحك انا عملت كدة عشان خاطرك … جو البيت بتاعكم حلو اوي و دافي .. مش زي عندنا كله جعير و خناقات ستات ع الطالعة و النازلة

دينا : ما طبيعي .. باباك فاكر نفسه الحاج متولي و جايبلي طقم شاي كلهم تخان و قصيرين

يزن بضحك : يخريبت لسانك ده .. دول حمواتك يا بت

دينا : لا مليش في الجو ده .. المهم انا عايزة اطلب منك خدمة صغننة قد كده

يزن : انت تؤمري يا ست البنات

دينا : بلدييييي .. المهم .. في وحدة اسمها صوفيا عايزة شوية معلومات عنها

يزن : و دي هجيبلك معلوماتها ازاي ان شاء الله ؟ محتاج اسمها الكامل و لو معاكي صورة بطاقتها

دينا : مش عارفة حلهالي .. اوس يعرفها كويس اشتغلت عنده بالشركة بس انا مش عايزة معلومات عادية .. عايزة حاجات عن حياتها الخاصة

يزن بذهول : ليه يا حبيبتي ؟! عايزاهم في ايه ؟

دينا : عايزة اتاكد لو يمنى بتقول الحقيقة او لا … يعني عايزاك تعرفلي لو البت دي عندها حركات هيهي زي ما انت فاهم يعني

يزن بادراك : اااااه فهمت .. انتي رجعتي لشغل الملاك الحارس و اصلاح العلاقات ده مش كدة ؟

دينا : بالزبط كدة

يزن : و بالاخر كل ده يطلع على قفا الي خلفوني مش كدة ؟

دينا : هو ده

يزن بنفخ : الرحمة يا رب .. ماشي يا ستي انا بجاريكي بس عشان بحبك لولا كدة كنت رميتك بالحجز من زمان

دينا بمشاكسة : ده انا الي بموت فيك يا ضبوطتي .. انا جايبة معايا كيس لب كبير هنقعد نقزقز و نتكلم على كل مخاليق ربنا دلوقتي

*******************************

في صباح اليوم التالي

فتح اوس الستائر و هو يشرب فنجان القهوة بهدوء …. نظر الى حبيبة النائمة وجدها تتعرق و تتنفس بصعوبة

اوس بقلق : حبيبة .. حبيبتي … مالك يا روحي

فتحت عيناها و قالت بفزع : لاااااا

اوس : مالك يا حبيبتي ؟ حاسة بحاجة ؟ تعبانة ؟

حبيبة و هي تتنفس بسرعة : لا .. كان .. كان كابوس … كابوس

اخذها بحضنه و بدأ يملس على شعرها بحب

اوس : ما تخافيش يا روحي .. اهدي

حبيبة بغصة : اوس .. انا مرعوبة بجد .. خايفة اوي

اوس بصدمة : من ايه يحبيبتي ؟

حبيبة : اسر ما قبلش اني اشيله امبارح .. تفتكر ابننا هيكرهني ؟

اوس : ايه علاقة ده بده ؟! اسر متعلق بمامته و ابننا هيتعلق بيكي انتي .. طبيعي يعني البيبي بيتعلق بمامته اكتر من اي حد

حبيبة : اوس انت شايف اني ممكن اكون ام كويسة ؟

اوس : صدقيني هتبقى احسن ام بالدينا .. كفاية حنيتك و طيبتك يا حببتي .. ما تخافيش البيبي مش مسؤوليتك لوحدك .. انا المسؤول عنكم انتو الاتنين .. يعني ما تشيلش هم اوك ؟

حبيبة : انا بحبك اوي .. وجودك جنبي هو الي بيطمني .. اوعا تسيبني يا اوس

اوس بعشق : مش بسيب روحي .. انتي الحب الابدي يا حبيبة

حبيبة : اوس … انا جعانة

اوس بضحكة : ايه النقلة دي .. يلا ننزل نفطر

بعد وقت قصير .. نزلت حبيبة للطابق السفلي بينما اوس ذهب لاجراء مكالمة

كانت النساء جالسات سويا عدا سعاد و خديجة في المطبخ و خولة في شقة تميم

حبيبة : صباح الخير .. فين اسر يا فريدة ؟

فريدة : صباح الفل .. اديته لطنط خولة تاخد بالها منه و قولت اعمل فنحان قهوة يفوقني

حبيبة : فريدة .. هو انتي ظهرلك ستريتش ماركس و انتي حامل ؟

فريدة : طبعا .. و جربت كل حاجة و مش بيروحو

حبيبة بقلق : كدة شكل بطني هيبقى وحش اوي

فريدة : هتعملي ايه ده تمن الامومة

سحر : ايه الهبل ده يا بت .. في كريمات تشيلهم و ما بيبقاش ليهم اثر .. انا خلفت تلاتة و اهو بطني لغاية النهاردة مشدودة تقولي عندي 20 سنة

دينا : ايه الكلام ده ع الصبح ؟ خلاص بقت كل قعداتنا و حديثنا ع الخلفة و قرف المتجوزين دول ؟!

سحر : اتلمي يا بت احترمي وجودي

فريدة : طنط سيبك منها و قوليلي ازاي اختفو عن بطنك ؟

سحر : امي عملتلي خلطة تحفة خلال اسبوع واحد بس كل حاجة اختفت .. حتى عدنان اتصدم .. و عندها وصفات لكل حاجة .. هحكيلكم عليهم بعدين عيب عشان البنات قاعدين

فريدة : ما كنتي تقوليلي من الاول يا طنط بقالي تلات شهور محتاسة و مش عارفة اعمل ايه

سحر : منتي ما قولتليش

حبيبة : بجد يا فريدة انتي حالك اتقلب .. معقولة كل ده من الخلفة ؟!

فريدة : طبعا .. و جايلك الدور يختي .. بصي بشرتي اتدمرت ازاي .. حتى اني تخنت اوي مع الحمل .. كنت باكل زي الجاموسة على اساس كل ده هيروح بعد ما اولد .. ده حتى لبس البيت مفيش حاجة بتيجي على مقاسي

حبيبة : قولتلك وقتها ما تكتريش من الهدوم دي ما سمعتيش مني

فريدة : هففف

غادة : على فكرة انتي الي اوفر يا فريدة .. ع الاقل انتي عايشة في بيت عيلة غيرك عايشين لوحدهم و حياتهم ماشية عادي .. نظمي وقتك شوية هتلاقي الدنيا سالكة معاكي

حلا : بصراحة عندها حق .. مش معقول منظرك ده

حبيبة : ليه ما تجيبي دادة تاخد عنك البيبي شوية

سحر : من ساعة ما ولدت و انا بتحايل عليها و مش بترضى قال مش عايزة ابنها يتربى مع غرب

دينا : يلهوي ع التخلف .. في حد تجيله فرصة يجيب دادة و يرفض يا حمارة ؟

فريدة : انتي الحمارة اتلمي .. ازاي هأمن على ابني مع ست غريبة

حبيبة : حطي كاميرات في الشقة عادي .. او ما تخرجيش بس اهي تشيله عنك شوية و تعرفي تاخدي بريك

فريدة : هكلم تميم و اشوف رأيه

حلا : ليه ؟ انتي ملكيش رأي ؟

حبيبة : حلا اسكتي

اتت كارما و قالت : طنط سعاد بتقولكم اتفضلو على الفطار

سحر : اطلعي اندهي للشباب يلا

*****************************

مر النهار بهدوء و اجتمعو مساءً في حديقة البيت لشرب الشاي

عبد الله : بقيتو شاطرين اوي و عقلتو ما شاء الله

فارس : لا مش كدة يا جدو … كل الحكاية ان الاتنين المشاغبين اتجوزو يعني خلاص مفيش مشاكل تانية

يزن : تقصد تميم و اوس ؟

فارس : هو في غيرهم ؟ ما كل مصيبة كانت بتحصل من وراهم

تميم : تحب امسح بيك الارض و لا تخرس احسن ؟

فارس : لا هخرس بكرامتي احسن

زياد و هو يمشي بآسر : الواد ده مش سهل على فكرة .. انا دوخت و انا بمشي بيه

سعاد : هاته من ايديك الجو سقعة عليه حرام .. فريدة انا هنيمه يا حبيبتي انتي خليكي مع البنات

فريدة : كتر خيرك يا طنط ربنا يخليكي لينا و تفرحي بعيال حبيبة و حلا

دينا بقرف : بقت تتكلم زي الستات الكبار كمان

غادة : ما خلاص بقت مدام .. ما فضلش غير تضرب شعرها اصفر و تبقى زيهم بالزبط

عبد الله : حسين انا كنت عايز اكلمك انت و ايهاب بحاجة كدة

حسين : اتفضل يا عمي

عبد الله : انا عايز فرح حلا و فارس يبقى بعد شهرين بالزبط ايه رأيكم ؟

حسين : انا معنديش مانع ..البنت بنتك يا عمي و حضرتك كبيرنا

ايهاب : بس فارس لسا مش جاهز تماما .. ده لسا يا دوبك حوش شوية ملاليم

عبد الله : انت عارف ان تكاليف الجواز مسؤوليتي انا .. طالما الفرح هيتعمل هنا انا الي هدفع

ايهاب : انا عارف الكلام ده .. بس بتكلم على تحويشته هو .. يعني هيصرف ع مراته منين .. خصوصا اني عرفت ان الهايف ده اترفد من الشغل

بدأ فارس يكح من شدة الصدمة و حلا تضحك على شكله

فارس باحراج : استقلت اقسم بالله انا الي سبت الشغل

عبد الله : ليه ؟

فارس : غادة قالتلي ان الشغل ده حرام

ايهاب : ما تلزقهاش باختك .. انت الي اتخانقت مع المدير و شتمته كمان

فارس : مهو برضو عشان خاطرها ما رضيش يديني اجازة احضر الفرح

عبد الله : و هتشتغل فين يا حنين ؟

فارس : ما انا قدمت اوراقي في الشركة بتاعة اوس و هو وعدني اول ما نرجع مصر هيشغلني عنده

نظر له اوس باستغراب

يزن بخفوت : بيكدب مش كدة ؟

اوس : طبعا

يزن : ربنا يعينك لو اشتغل عندك اكيد هيفقعلك مرارتك

عبدالله : طيب كدة كويس يبقى مفيش مشكلة يتجوز بعد شهرين

ايهاب : انا بقول نصبر شوية هما لسا صغيرين

خديجة : ليه يا ايهاب ما العيال مكتوب كتابهم .. سيبهم يتجوزو و يتلمو بقا

فارس : طالما خديجة تدخلت يبقى نسمع كلامها و لا ايه يا هيبو ؟

ايهاب : اتلم يالا .. خلاص يابا زي ما انت عايز

عبد الله : على بركة الله .. يبقى ترتبو وضعكم عشان هتفضلو هنا شهرين

بعد وقت … ذهب الكبار للنوم و بقي الشباب سويا

دينا : انا عملت شاي بلبن لينا كلنا

حلا بحماس : هو ده .. هاتي بقسماط بقا و دلعينا

فارس : الجو حلو النهاردة ما تيجو نلعب زي زمان

تميم : و الله الجو ده حلو نلعب كورة

زياد : كورة ايه الوقت اتأخر يا باشا

فريدة : انا عاملة حسابي و جايبالكم لعبة تجنن

فارس : عارفينها قديمة و مملة

غادة : مش دي لعبة البطاقات الي اتقمصت حبيبة منها ؟

فريدة : ايوة بس هما عملو منها اصدار جديد و فكرتها حلوة اوي .. استنو هروح اجيبها و اطمن على اسر

ذهبت بسرعة للداخل

حبيبة : حلا اديني حاجة مسكرة

حلا و هي تعطيها شوكلاتة : حاسة بحاجة ؟

حبيبة : لا بس عايزة البيبي يتحرك شوية اطمن عليه

تميم : ما تخافيش الطبيعي ان في الشهر التاسع حركته تقل

فارس : يعم الخبرة .. ايه حولت مسارك و بقيت دكتور نسا و لا ايه

تميم : العيل ده مش هيرتاح الا لما يتضرب على وشه

حلا : انت ليه دايما مخنوق من خطيبي ؟ هو دايسلك على طرف ؟

تميم : اهو انا كدة مبحبش الناس الرخمة

اتت فريدة و جلست على الارض

فريدة : يلا اقعدو اشرحلكم اللعبة و الله هتحبوها اوي

جلسو جميعهم على الارض

يزن : انا من يوما جيت للعيلة دي و انا حاسس نفسي عيل

دينا : ما احلى حاجة بالدنيا تعيشها عيل

فريدة : اللعبة مكونة من 30 بطاقة مقسمين لتلات مجموعات .. مجموعة الاسئلة العلمية و مجموعة الاسئلة النفسية و مجموعة تحدي لو تستطيع

فارس : انا تحدي

فريدة : مش على مزاجك .. في ورق في العلبة دي تسحب منها و تطلعلك المجموعة بتاعتك

حبيبة : طب يلا مين هيسحب اول واحد

فريدة : تميم .. و بعدها هتلف علينا كلنا

تميم : طبعا انا كبيركم .. و البداية من عندي

سحب ورقة تميم ثم سحب بطاقته

تميم : السؤال بيقول ما هو اكثر عنصر وفرة في الكون …. الهيدروجين

فريدة و هي تقرأ عن الورقة : صح

سحبت فريدة و قالت : انا طلعلي سؤال علمي و انا قرأت الاجابات يبقى ما ينفعش اجاوب

فارس : طب خلاص اسحب يا اوس

اوس : ما الرائحة التي ترتبط بذكريات سعيدة لديك ؟

غادة : ايه السؤال ده ؟!

اوس : ريحة الفانيليا

حبيبة باستغراب : و بترتبط بايه ان شاء الله

اوس بضحك : بقالب الكيك الي عملتيه و اتحرق من تحت فاكراه ؟

حبيبة بحدة : و دي حاجة سعيدة يا استاذ اوس ؟!

دينا بخبث : ايوة طبعا وقتها كنتي حامل جديد و هرموناتك بتلعب و فضلتي تعيطي بحضنه يومين

فارس : الله الله ع الرومانسية اوعدني يا رب ده انا غلبان

سحبت حبيبة بطاقة و قالت : اتحداك لو تستطيع اكل مخلل مع نوتيلا .. ايه العك ده

فريدة : انا اتوحمت عليهم مع بعض على فكرة .. قومي يا كارما هاتيلها شوية مخلل و شوكلاته

كارما : حاضر

سحبت دينا و قالت : ما الحيوان الذي يغير لونه … عماتي الحرابيق

يزن بضحكة : و حماوتك الاربعة

دينا : انا حياتي كلها حرابيق ما شاء الله

كارما : خودي يا حبيبة

امسكت حبيبة الطبق من كارما

اوس : لا ما تاكليش منه .. ممكن يجرالك حاجة

كارما : طب ليه تخلوني اقوم من اصله ..الله

حلا : ما ده التحدي كلي يا حبيبة يلا

حبيبة بقرف : لا مش قادرة .. معدتي اتقلبت

حلا : عنك .. هاتي انا هتسلى عليهم

سحب يزن بطاقة و قال : ما الدرس الذي علمته لك الحياة

تميم : الله دخلنا على الفلسفة و المشاعر

يزن : اتلم … انا اتعلمت ان الست هيا اساس البيت و لما ما بتكونش موجودة مش بيكون فيه بيت اصلا

زياد : ارجو التوضيح

يزن : يعني من يوما ما امي ماتت و انا حاسس ان بيتنا مش بيت .. بقيت مركز على شغلي على اساس يعني هو هدفي … بس من يوما جيت للعيلة دي حسيت بالفرق خصوصا يعني لما خطبت دينا و بقى في ست بحياتي

دينا : الله .. سو رومانتك

كارما بتأثر : انت لغاية النهاردة حاسس انك محتاج لمامتك ؟

يزن : طبعا .. الام ما حدش يقدر يعوضها

حلا و هي تأكل : سؤالي بيقول ماذا لو سافرت لمكان بعيد و مهجور ما اهم خمس اشياء ستأخذها معك ؟

فارس : اكيد هتاخدني انا اولهم

حلا : لا .. هاخد خمس تلاجات فيهم اكل كتير و اتكيف انا بيهم لوحدي من غير ما حد يقر عليا

لارا : طفسة هقول ايه

سحب فارس بطاقته و قال : اتحداك ان تقول جملة " فراش فراس مفروش " ثلاث مرات و بسرعة

زياد : اهو جالك تحدي يلا

فارس بسرعة : فراش فراس مفروش فراس فراشمفروس .. فشار فراش مشروس

حلا بضحك : يخربيتك هموووت

زياد بسخرية : اومال .. فارس ملك التحديات

سحبت كارما و قالت : ما الشيء الذي تخاف الاعتراف انك تحتاج اليه

غادة : ها قولينا

كارما بغصة : حضن ماما

زياد : ربنا يرحمها يا حبيبتي

اخذها بحضنه بينما الجميع يتبادلون النظرات

كارما و هي تمسح دموعها : عن اذنكم .. كملو لعب انا هروح انام

ذهبت من امامهم

دينا : هقوم اشوفها

زياد : استني انا هكلمها ……..

فارس : البت دي بقت كئيبة اوي .. مامتها ماتت من زمان دلوقتي افتكرتها ؟

فريدة بغصة : محدش بينسى مامته يا فارس .. و كارما كانت متعلقة بماما اوي

يزن : اكيد مش هيفهم الكلام ده … ما امه عنده و مش حاسس بحاجة

فارس : اسمها مامته يا بيئة

دينا : فارس اتلم و ما تتريقش على حد .. ده انت لو لا مامتك الي واقفة بضهرك كان زمانك مش لاقي تاكل

فارس : اوك ايم سو سوري … انا بكل الاحوال مش لاقي اكل .. نرجع للعبة بقا

حبيبة بتأثر : كملو انتو انا هقوم اكلم كارما

مصطفى : اهي المرة دي كمان قلبت نكد يا فريدة .. كفاية العاب تافهة ابوس ايدك

فريدة بغيظ : انتو مش وش لعب اصلا

لارا : طب استنو اسحب انا

سحبت لارا و قالت : اتحداك ان تقلد صوت الدجاجة

مصطفى بسخرية : بق بق بق

لارا : جاتك القرف عيل سمج

دلفت حبيبة اوضة كارما وجدتها تحضن زياد و تبكي

حبيبة : كرملة .. ليه الدموع دي يا حبيبتي

زياد : بقالها ساعة بتعيط و مش راضية تتكلم .. اهي جات حبيبة مش دي صاحبتك

كارما و هي تمسح دموعها : و الله انا كويسة .. بس اتأثرت شوية .. انزلو انتو كملو لعب مش عايزة انكد عليكم زي المرة الي فاتت

زياد : نكد ؟! ده انتي العسولة بتاعة البيت ده يا بت .. حبيبة كلميها انتي عشان مكسوفة تفضفض قدامي

حبيبة : طب انت انزل لأوس قال عايزك

زياد : اوك

خرج زياد من الاوضة و امسكت حبيبة يد كارما و جلسا معا على طرف السرير

حبيبة : كرملة .. انا عارفاكي اقوى من كدة .. صدقيني مامتك بمكان احسن دلوقتي و اكيد لما تحس انك زعلانة هتزعل

كارما : ما بلاش الكلام ده يا حبيبة انا مش طفلة .. بس برضو محتاجة لماما .. عندك يزن اهو وصل للسن ده و لسا مفتقد مامته و ده راجل ما بالك انا بنت

حبيبة : انا فاهماكي يا حبيبتي .. بس انتي اتغيرتي اوي .. من ساعة ما جيت للبيت ده و انا حاساكي مش طبيعية .. مش كرملة الي اعرفها .. احكيلي ايه الي حصل معاكي

كارما بدموع : الي حصل اني بقيت وحيدة .. كنت عارفة اني هوصل للمرحلة دي بعد ما مامتي ماتت .. بصي لحياتي و هتفهمي انا ليه محتاجالها … بابا و ماما ماتو من زمان .. فريدة اتجوزت و انشغلت مع جوزها و ابنها .. و زياد سافر و ملهي بحياته .. حتى انتو كلكم سبتوني و سافرتو مصر .. حياتي بقت فاضية و مليش حد .. فريدة اول ما بتشوفني قدامها بتديني اسر و بتروح … انا كل يوم بكون افكر بحياتي دي

حبيبة : انا عارفة ان كل واحد ركز بحياته بس انتي كمان عندك حياتك .. بكرا هتروحي الجامعة و يبقى عندك صحاب كتير و هتنشغلي بالدنيا دي

كارما : يا ريت .. يا ريت حياتي تبقى مليانة كدة .. تصدقي ان من ساعة ما فريدة اتجوزت بقيت انام و النور والع .. انا بجد لغاية النهاردة بخاف .. و لما كنت احس اني هموت و اتكلم مع حد … كنت بروح لجدو .. هو برضو وحيد و على طول بياخدني بحضنه و بيطبطب عليا .. بس الفرق ان هو وحيد عشان عياله كبرو و اتجوزو .. انا خايفة اعيش حياتي كلها وحيدة يا حبيبة

حبيبة : صدقيني دي فترة بسيطة و هتعدي .. اول ما تروحي الجامعة حياتك هتبقى مليانة و هتحسي بضغط مش طبيعي .. و ممكن كمان تلاقي شريك حياتك محدش عارف الايام مخبية ايه

كارما : نفسي .. بجد نفسي احب و اتحب .. نفسي يبقى عندي صحاب يهتمو بيا عشاني انا مش عشان مصالحهم .. لارا تعتبر اقرب صاحبة ليا من سني و مع كدة مش فاهماني .. محدش كان بيطبطب عليا قد ماما .. من ساعة ما ماتت و انا حاسة اني ضايعة .. موت الاهل بيكسر يا حبيبة

حبيبة بتأثر : ربنا يرحمها يا حبيبتي .. صدقيني هيا دلوقتي فخورة بيكي .. انتي بنت طيبة و تستاهلي كل خير .. و الله هتتعدل معاكي بس انتي سلمي امرك لله .. و بعدين احنا هنفضل هنا شهرين يعني مش هسيبك خالص و اكيد هولد هنا … هبقى اديكي النونة بتاعي تلعبي معاه يا صغننة

كارما : اتلمي انا كبرت و ما بقيتش قاصر

حبيبة : طب خلاص يبقى هقول لدينا تشوفلك عريس .. تخيلي يزن عنده 15 اخ كلهم ولاد

كارما بصدمة : اييييه ؟!

حبيبة : و الله العظيم و في 3 منهم على وش جواز ايه رأيك نجيبهم و تختاري واحد حلو كدة و تقيل

كارما بضحك : و بقيتي تجيبيلنا عرسان يا حبيبة .. ده انتي دخلتي بجو الست المتجوزة بسرعة .. بس اوعك لارا تسمعك هتلمهم كلهم تحت باطها

حبيبة : لا لارا بقت مركزة بمذاكرتها .. يعني خليلك الجو يا كرملتي

كارما بضحك : كفاية بقا عيب الكلام ده … من النهاردة تعممي ع الكل اسمي كرملة و بس .. محدش يقولي كارما دي ابدا

حبيبة : و اعمم عليهم انا ليه ؟ تعالي انتي قوليلهم بنفسك .. و بالمرة ننزل نكمل لعب

كارما : اوك يلا بينا

نزلن سويا عند الشباب

زياد : انا قولت مفيش غير حبيبة الي هتغير مود البت دي

فارس : بقولوكم ايه سيبو اللعبة النكدية دي و تعالو نعمل حاجة جديدة

دينا : تكونش عايز تروح ارض العزايزة و جدك يعاقبنا من اول و جديد

فارس : لا خلاص ما اوس و تميم اتجوزو مفيش مصايب تاني الحمدلله

حلا بخبث : يا شباب .. انا سمعت حاجة على المقابر الي هنا .. بيقولو ان في بنت بتفضل تروح هناك كل ليلة ما تيجو نطب عليها

دينا بعيون تلمع : بالله عليكي الكلام ده حقيقي ؟

فارس بحماس : الله .. فكرة تجنن .. اهو نشوف حكاية الجن دي لو حقيقة و لا لا

يزن : ايه مسلسل ساحرة الجنوب ده ؟! .. الي قالك الكلام ده بيكدب عليكي مفيش حد بيروح المقابر بالوقت ده

حلا : انا اصلا محدش قالي … بهزر عشان اشوف مدى غباء العيال دول

اوس : قسما بالله لو حد عتب باب البيت بس هسففه التراب .. اتلمو بقا

حلا بسخرية : خافو يعيال بابا اوس بينبهكم اهو

حبيبة : حلا اتلمي و اتكلمي كويس … يا جماعة دلوقتي كرملة عايزة تقولكو حاجة

زياد باستغراب : حاجة ايه ؟

كارما : من النهاردة كلكم هتقولولي كرملة .. مش عايزة حد يناديني بكارما دي ابدا .. حتى جدو بقى يقولي كرملة

حلا : الله .. هيا دي الاسامي .. بالمناسبة دي قومي اعملينا كريم كراميل يلا

كارما : مش هقوم اتهدي بقا ده انتي خلصتي على اكل البلد كلها

فارس لحلا : بتغير منك يا روحي ما تركزيش معاها بالهنا و الشفا يا مزتي

تميم : انا هقوم انام عندي شغل بكرا .. تصبحو على خير

فريدة : خودني معاك يا تميم دول ما يتقعدش معاهم

قامو سويا

فارس بخبث : يا حظهم

زياد بحدة : فارس بطل غتاتة

يزن : انا كمان هقوم اروح … تصبحو على خير

دينا : استنا هوصلك للباب

زياد : اقعدي انتي انا هوصله

يزن بحدة : اترزع هنا مش طايق شوفتك

زياد بضحك : اااااه فهمت

حبيبة : الجو بقى سقعة اوي

فارس : يلا يا اوس خدها و انسحبو انتو كمان

****************************

تأخر الوقت و ذهب الجميع للنوم

في اوضة اوس و حبيبة

اوس : مالك يا حبيبة ؟ ضاربة بوز كدة ليه ؟

بدأت تبكي بصمت دون ان ترد عليه

اوس بذهول : مالك يا حبيبتي ؟ ليه كل العياط ده ؟

حبيبة ببكاء : اوس هو انا لو متت مين هياخد باله من كنان ؟ ازاي هيعيش ؟

اوس بصدمة : ايه الكلام ده .. بعد الشر عليكي يا حبيبتي .. ما تفكريش كدة لو سمحتي

حبيبة : بس برضو ده احتمال وارد .. محدش عارف الايام مخبية ايه .. تخيل انا و انت حصلنا حاجة لا سمح الله .. ابننا هيعيش ازاي ؟ كارما لغاية النهاردة متأثرة من موت اهلها … و بطيخة اتشرد بالشوارع عشان معندوش اهل .. مش عايزة ابني يتعب من بعدي

اوس بتمتمة : يا رب خلصني من الهرمونات دي و الله حرام الي بيحصل بيا ده

حبيبة : انت بتبرطم بتقول ايه ؟ رد عليا هيحصل ايه وقتها

اوس : ده اسمه تشاؤوم يحبيبة قلبي .. ربنا ما بينساش حد .. ما تفكريش كدة عشان هتأذي البيبي .. الدكاترة بيقولو ان لما الام تبقى حزينة الجنين بيتأثر .. عايزة ابنك يجي الدنيا تعبان يا حبيبة ؟

حبيبة بقلق و توتر : لا طبعا .. مش .. مش هعيط تاني ربنا كبير و مش هيحرمنا من بعض مش كدة ؟

اوس : بالزبط كدة .. خلاص اوعي تعيطي و لا تفكري بالطريقة دي تاني ابدا

مسحت دموعها و قالت بانفعال : لا خلاص .. لازم اكون مبسوطة و افكر بحاجات ايجابية .. هدوم البيبي اشتريتها و شنطة المستشفى جاهزة و السرير ….

قاطعها اوس بقبلة اسكتتها

اوس بخبث : دي الحاجات الايجابية الي لازم تفكري بيها .. السرير محتاجلك.. هغيرلك المود ده حالا

حبيبة بابتسامة : يا قليل الادب

سحب الغطاء عليهم و قال : معلش مراتي

**********************

في اليوم التالي

دينا و هي تقرا احد الملفات : يزن عمل مجهود خرافي عشان يجيب المعلومات دي .. يبقى اكيد صحيحة

حلا : ايه الي بالملف ده ؟ انتي قررتي تشتغلي معاه ؟

دينا : لا .. هو الي بيشتغل معايا .. انا لازم اكلم زياد حالا

ذهبت بسرعة تجاه اوضة زياد و طرقت الباب

زياد باستغراب : دينا.. غريبة عايزة ايه ؟

دينا : تعالا على البلكونة بسرعة عايزة اكلمك بحاجة مهمة

توجها معا للبلكونة الامامية و جلسو

زياد : في ايه يا دينا ؟ انتي بقالك كتير اوي ما قعدتيش معايا القعدة دي .. في ايه ؟

دينا : اهدى شوية هقولك … احنا بكل الاحوال قرايب و لازم نكون ايد وحدة .. هو شعارنا بيقول ايه ؟

زياد : ايه ؟

دينا : نحترق و لا نفترق يا زياد

زياد : اوك .. انا مش فاهم حاجة

دينا : بص .. انا عملت تحريات على البت الزبالة الي اسمها صوفيا

زياد : و ليه بتشتميها ؟ انتي تعرفيها اصلا ؟

دينا : ايوة اعرفها .. و طلعت زبالة زي ما توقعت

زياد : ليه عملت ايه ؟

دينا : الست دي كانت بتحبك بجد و عملت الحوارات دي عشان تصدقها و تبقى تدافع عنها كدة

زياد بادراك : ايوااااا .. انتي بقا كلمتي ليلة و هيا الي قالتلك الكلام ده مش كدة ؟!

دينا : لا قعدت مع يمنى و اتكلمت معاها .. و عشان انا مش هبلة زيك قررت ادور بنفسي و اعرف

زياد : تدوري على ايه بالزبط يا بنتي ؟ انتي ما تعرفيش حاجة .. يمنى و صوفيا كانو اعز صحاب .. بس يمنى خانتها و خانت جوزها عشان خاطر نزواتها

دينا : المسلسل العربي القديم ده تضحك بيه على حد غيري … يمنى بتقول الحقيقة صوفيا وحدة مش تمام

زياد : يلهوي عليكي يا بت .. من امته بقيتي مفترية كدة

دينا : اتلم بقى و سيبني اكمل .. صوفيا كانت بتحبك بجد و قالت ليمنى الكلام ده .. و اتفقت هيا و جوزها يعملو الحوار ده عشان هو يقدر يعلق يمنى و صوفيا ما تتفضحش قدامك

زياد : الكلام ده انا عارفه و مستحيل اصدقه .. صوفيا ما بتعملش كدة و عمرها ما عملت معايا حركة ناقصة بصراحة .. طول عمرها مؤدبة

دينا : عشان انت حمار .. ما بنت خالتك كانت مؤدبة و اخر حاجة حاولت ت…. مش هقول تتحرش بيك عشان عيب

زياد بضحك : يخربيتك منتي قولتيها

دينا : المهم .. ده ملف صوفيا .. و زي ما يزن قالي ان عندها حركات هيهي و كيكي كتير .. يعني مثلا امبارح كانت مع واحد و جوزها عارف عادي جدا .. انا مليش بابو قرون ده بس عايزة افهمك ان البنت دي مش كويسة و لا ملاك زي ما انت فاهم

زياد : طيب ؟ و انا ايه المطلوب مني ؟ انا من ساعة كتب كتابي نسيت حياتي بانجلترا كلها و ما رجعتش كلمت صحابي البنات تاني .. يعني مفيش داعي نخوض بشرف الست

دينا : هيا دي عندها شرف اصلا ؟ مش ده المهم .. انا حبيت اقولك الكلام ده عشان تفوق و ما حدش يضحك عليك

زياد : اتلمي يا دينا انا ما يضحكش عليا ابدا

دينا : بطل غرور و اتهد بقا .. انا عايزاك بحاجة تانية اصلا

زياد : اتحفيني يلا

دينا : عايزة مساعدتك انت و اوس .. عايزة تلاقولي طريقة و تجيبو الي اسمه حازم ده هنا

زياد : صعب .. حازم مش عايز يرجع مصر خصوصا بعد ما حس ان ليلة حبت البلد دي و ممكن تسيبه و تفضل هنا

دينا : حلهالي .. انا عايزة اصالحه على مراته و يرجعو لبعض

زياد : و انتي مال اهلك بيهم ؟ ما تركزي بخطيبك و سيبك من الجو ده

دينا : زياد … ليلة بقت صاحبتي و ليها عليا اني اساعدها من غير ما تتطلب مني .. ما تنساش ان حضرتك لما طلبت مني اساعدك اتبهدلت عشان خاطرك و بالاخر اتخزوقت

زياد : ده انتي اتجدعنتي معايا جدعنة عمري ما هنساها

دينا : طيب لبي نداء الصداقة بقا و رد الجميل .. ده حتى حازم يبقى صاحبك يعني لازم تساعده

زياد : حاضر .. هكلمه و اعزمه على فرحي

دينا : باقرب وقت تجيبه … عايزة اخلص من ام الحوار ده

زياد بابتسامة : هتفضلي طول عمرك جدعة و بمية راجل .. و على فكرة يزن شبهك .. لايقين على بعض اوي

دينا بغرور : طبعا .. انت اشفهمك اصلا

اتت غادة و قالت : بتعملو ايه هنا ؟

زياد بتوتر : غادة .. احنا كنا بنتكلم عادي

غادة : و الله … طب قولولي بتتكلمو بايه بقا ؟

دينا : زياد قولها انت .. انا هروح اطمن على حبيبة .. اوس هيدخل الجنة من ورا دلعها ده

زياد : اوك

ذهبت دينا و نظرت غادة لزياد بحدة

غادة : زياد .. اوك انا عارفة ان دينا اختنا كلنا بس قعدتك معاها دي خلوة غير شرعية و هتاخد اثم كبير على حديثك معها مهما كان

زياد : و الله كانت عايزة مني اساعدها عشان ترجع حازم لمراته

غادة : انا عارفة دينا كويس اوي .. و عارفة ان نيتك طيبة .. بس مينفعش تقعدو لوحدكم .. ده حرام .. كنت قولي اقعد معاكم على الاقل مش هتأثمو

زياد : ربنا يسامحني بقى .. اوعدك مش هتتكرر .. انتي ملاك الرحمة بتاعي و دليلي للخير يا وش الخير كله

غادة بخجل : و انت حبيبي و هفضل افكرك بالحلال و الحرام عشان ندخل الجنة مع بعض

زياد : يخلاثي ايه الملاك القمر ده

****************************

بعد وقت … دلف تميم البيت و ارتمى على مقعد بجانب فارس

فارس : ايه الي جابك بدري كدة ؟

تميم : اخدت اجازة .. اتفحت بالشغل قولت اخد اجازة اريح شوية

اتى اوس و زياد و جلسو ايضا

زياد لفارس : نزل رجلك يالا

فارس و هو يأكل : هتشغلوني ايه في الشركة بتاعتكم ؟

اوس : مين قالك اني هقبل اشغل واحد زيك عندي ؟

فارس : اوس .. ابوس ايدك انا ابن عمك و جوز اخت مراتك .. لازمن تساعدني يعني ده انت رمز الرجولة يسطا

اوس : كنت لسا هوافق .. بس بعد كلمة يسطا دي ما تحلمش تعتب الشركة

فارس : طب انا اسف .. ها هتشغلني ايه ؟

اوس : ناقصنا فراش … و لا ايه رايك يا زياد ؟

زياد : اممم عم عبدو هيمشي يبقى ندي الشاغر ده لفارس

فارس : اوك يبقى انا هستلم قسم المحاسبة

اوس : الاكونت بتاعك على الانستقرام عليه كام فولور ؟

فارس : مليون و مية و خمسين .. بتسأل ليه ؟

اوس : في السي ڤي بتاعك قريت ان معاك شهادة تسويق مش كدة ؟

فارس : ايون

اوس : تمام .. زياد وظفه مع فريق التسويق

فارس : الله .. ده ملعبي

اوس : عارف .. اهو تستغل الاكونت بتاعك و تطلع من وراه فلوس بدل ما تقضيها مرقعة

فارس بسعادة : هو ده ابن عمي الشهم .. تسلم يا نخوة .. هتدفعلي كام ؟

اوس : لما تروح الشركة هيفهموك كل حاجة

زياد : مش عايز المحه عندي بالمكتب و الا هستقيل

فارس : ليه يا ابني ده انا خال عيالك

زياد : ربنا يستر بس و ما يكونوش شبهك

تميم : انا بس هدعيلكم ربنا يكون بعونكم على الواد الرخم ده

فارس : هشششش .. الماتش هيبتدي .. مش عايز اسمع صوت

زياد : تصدقو ان بقالي خمس سنين ما حضرتش ماتش كورة

اوس : انا برضو من ساعة ما سافرت ما فضيتش لحاجة

فارس : حلو اوي ركزو بقا .. الكلاسيكو هيتحسم دلوقتي .. ثقة بالله برشلونة كسبانة

زياد : انت اهطل يا ابني ؟ هو في برشلونة من بعد ميسي ؟ ده حالهم بقى يصعب ع الكافر .. ريال مدريد هيا الي هتكسب

فارس بضحك : ريال تكسب ؟! بامارة المدرب الدكر تشابي ألونسو بتاعهم

زياد : اوك هو عشان لسا متعين جديد الناس مش طايقاه بس و الله محتاج فرصة يثبت وجوده

فارس : انت مش قولت انك مشغول و مش فاضي ؟ ليه متابع بقا ؟

زياد : اهو بقرا شوية اخبار كدة لما يهفني الشوق

بدأ الماتش و تابعه الشباب الاربعة باهتمام شديد .. و استطاع اللاعب في فريق ريال مدريد ادخال هدفه الاول

تميم بهتاف : الله اكبر .. هو ده العشم يا رجاله

زياد بحماس : مفيش بعد لعب مبابي ده عمهم

استمرو بالمشاهدة حتى ادخل اللاعب نفسه ثلاثة اهداف في الشوط الاول

زياد بصراخ : هاتركككككككك

هتف اوس و تميم معا بحماس : الله اكبر .. الله اكبر

فارس بعبوس : مش يوم برشلونة خالص

اجتمع افراد العائلة جميعهم على اصواتهم

عدنان بفزع : في ايييييه مالكم ؟؟

زياد بحماس : ريال مدريد كسبت يا عمي

عبد الله : كل الزعيق ده عشان الكورة يا متخلفين ؟!

تميم : بقالنا كتير ما حضرناش ماتش حلو كدة

حبيبة : ربنا يسامحكم خضيتوني

فريدة : ده انا قولت القيامة قامت و لا حاجة .. جاتكم القرف

سحر : مش عايزة اسمع صوت لحد ما صدقنا الواد اسر نام شوية بعد ما صدعنا

دلف مصطفى من الخارج يلهث

مصطفى : ماما الحقي

سحر : في ايه يا واد ؟؟

مصطفى : تيتة جات يماما .. تيتة جات

شهق الجميع مرة واحدة و نظرو للباب … دلفت سيدة مسنة ترتدي فستان وردي مكشوف الاكتاف و شعرها اشقر منسدل … ظهرت ملامح الشباب على وجهها رغم كبر سنها و تجاعيد وجهها

السيدة بمرح : ازيكم يا عيااااال ؟؟

تميم بذهول : تيتة زمردة ؟!!!!!! ……

فارس : تميم الحق …جدتك غضبانة عندكم

زياد : انت اهبل يالا ؟!

فارس : ما اهي جايبة معاها شنطة الست الغضبانة الي بتروح بيها لبيت ابوها مش كدة يا حلا ؟

تميم و هو لا يزال متجمد : دي لو فضلت هنا هنشوف ايام سودةةةةة

زمردة : مالكم متنحين كدة ليه ؟!

فارس بمرح : مصدومين من كتلة الجمال الي احتلت بيتنا من ساعة ما دخلتي يا تيتة

زمردة بحدة : اسمي زيزي .. اوعك تقولي تيتة دي تاني يواد

فارس بتمثيل : اه يا قلبيييي .. لا زيزي دي بتحرك مشاعري .. مش كفاية الشعر الاصفر ده الي هيعمي عنيا من جماله

وكزته حلا في بطنه بقوة بينما ابتسمت زمردة بغرور

سحر : ماما .. ايه الي جابك ؟!

زمردة : ده بدل ما تأهلي و تسهلي بيا يا بت ؟!

اوس : اهلا و سهلا بيكي يا زيزي .. انتي رجعتي من فرنسا امته ؟

امسكت اوس من خدوده و قالت بمداعبة : حبيب قلب زيزي يا ناس … يخلاثي القمر كل يوم بشوف الاعلانات بتاعتك

اوس : مش كدة يا زيزي ابوس ايدك

دينا بضحك : شكلك مسخرة ياض

زيزي : انتو هتفضلو متنحين كدة ؟! فين مراتك يا اوس ؟

اوس و هو يقدم حبيبة : اهي حبيبة مراتي

نظرت زمردة لها من الاعلى للاسفل بتدقيق

زمردة باعجاب : واو .. هو ده الذوق مش زي اخوك الخايب .. تعالي بحضني يا حبيبتي

ابتسمت حبيبة و حضنتها

تميم : كدة برضو يا زيزي ما تحضريش فرحي ؟ ده انا حفيدك الكبير

زمردة : اممم و احضره ليه يولا ؟ عشان اشوف البلونة بتاعتك دي ؟

فريدة بشهقة : انا بلونة ؟! تميم جدتك بتشتمني

تميم بغيظ : ابوس ايدك كبري دماغك .. الست دي تشل بلد بحالها

سحر : ماما انتي جيتي هنا ليه ؟

زمردة : استني اخد نفسي الاول يا بت

اتجهت للارا و قالت بشهقة : بسم الله ما شاء الله .. مين القمراية دي ؟ اوعي تكوني بت ناجي

لارا بسعادة : لا انا لارا بنت ايهاب

زمردة : حلوة .. شقرا و جمالك فرنساوي زيي … خلاص هاخدك معايا و اجوزك جاد ابن ابني

خديجة بضحكة : ما تفتحيش عنين البت دي لسا صغيرة … اتفضلي يا طنط نورتينا و الله

زمردة و هي تشد كارما من يدها : و دي كمان حلوة .. بنت مين ؟

سحر : دي اخت فريدة

زمردة : بس مش جاية شبه زمزم المصدية زي اختها

دينا بمشاكسة : طب ما قولتيش رأيك بينا احنا التلاتة طالما نازلة تقييم بالبنات

اقتربت منها زمردة بتفحص و امسكت يدها و ادارتها

زمردة : حلوة .. بس عايزة زبط الاعدادات

و ضربتها بكفها على مؤخرتها امام الجميع

دينا بفزع : ايه ده يا لو سمحتي

حلا بضحك : محدش قالك ارغي

زمردة : مين المعصعصة الي بتتضحك دي ؟

حلا : الله يكرم اصلك انا حلا

زمردة : و مين دي

غادة باحترام : انا غادة

زمردة : اممم حلوة بس لو تقعلي الخيمة دي

غادة : ده حجاب يا تي.. يا زيزي

فارس : زيزي ما تطبيش بالحوارات دي عشان مش هتسلكي معاهم

تنهد عبد الله بضيق شديد و قال : اهلا و سهلا يا زمردة هانم .. ضايفوها يا ستات

فارس بضحك : زمردة ؟! ايه الاسم العرة ده ؟؟

حلا : مش ده كوكب ؟!

زياد : بصو المتخلفة دي كمان

اخرجت زمردة علبة من شنتطها

زمردة و هي تجلس : امسكي يا معصعصة انتي .. حطيلي معلقتين من ده مع شوية مية مغلية و هاتيه

حلا بتفحص : هو ايه ده اصلا ؟

زمردة : ده المشروب بتاعي .. وصفة طبيعية لتنضيف الجسم

دينا : ديتوكس ؟

زمردة : امم .. اتحركي يلا انتي هتقعدي تتأمليها

حلا حماس : حاضر .. ممكن اعمل كوباية ليا ؟

زمردة : اوي اوي .. يلا ما تتاخريش

سحر بنفخ : ماما ما قولتليش ايه الي جابك عندنا ؟؟

زمردة ببرود : اتخانقت مع باباكي و سبتله البيت

فارس باندفاع : اهو قولتلكم غضبانة

اوس بذهول : انتي لسا بتتخانقي مع جدي ؟؟؟؟

زمردة : طبعا .. كل المتجوزين بيتخانقو .. و المرادي السبب يستحق اسيبله البيت

سحر بصدمة : ايه السبب ؟! ايه الي يخلي ست عدت ال 70 سنة تطفش من بيت جوزها ؟

فارس بذهول : 70 ؟! الصاروخ ده 70 سنة ؟!

زمردة بغضب : سحر اخرسي و ما تجيبيش سيرة السن .. ده مجرد رقم

فارس : مش مهم السن .. المهم الجمال .. اموت انا و اعيد السنة

تميم بحدة : فارس اخرس و اتأدب .. ايه هتعاكس جدتي كمان ؟!

فارس : مهيا الي حلوة اوي .. الله

اتت حلا و قالت : الدرينك ده طعمه تحفة .. اتفضلي يا زيزي

زمردة و هي تأخذ الكوب : ميرسي شيري … مراتك بالشهر الكام يا اوس ؟

اوس : لسا باول التاسع

سعاد بابتسامة : انا هقوم احضر الاكل

عبدالله بنفخ : سعاد .. افصلي الاكل .. طربيزة للستات و طربيزة للرجالة .. انا هروح اصلي بالجامع

عدنان بتهرب : خودني معاك يابا

ايهاب : و انا كمان

حسين : اه ما فيش احسن من صلاة الجماعة .. هناخد اجر كبير .. يلا بينا

ذهبو مع بعضهم البعض بسرعة هربا من لسانها .. و كذلك النساء و اولهم سحر اتجهن للمطبخ .. بينما الشباب جميعهم جلسو في المجلس الكبير مع زمردة

زمردة : اوس عايزاك تعملي جزمة مخصوص ليا و تكون من جلد التمساح و بكعب عالي

اوس بابتسامة : من عنيا بس خليها للصيف عشان بالوقت الحالي عندي ضغط شغل

حبيبة بخفوت : هو انا لما اعجز هيبقى شكلي كدة ؟!

اوس : يمكن .. عموما احنا التخلف عندنا وراثة من ناحية الام و الاب يعني كدة كدة لابسين

حلا بضحكة : زيزي .. هو انتي ليه مش طايقة فريدة و نسل امها كله

زمردة بحقد : عشان خالتها الزبالة ست مسهوكة و كانت هتضحك على ابني زمان لولا ستر ربنا

فريدة بغضب : تميم انا مش قادرة استحمل الكلام ده .. عن اذنكم

ذهبت و هي تتمتم بغضب شديد و تبعها تميم

دينا : طب و ايه ذنب الغلبانة فريدة .. دي مش شبهم خالص و متخانقة مع خالتها حتى انها محضرتش الفرح

زمردة : مهيا شبها بالشكل مش شايفة .. و اهي اتقمصت عشان خاطرها

حلا : عموما يا زيزي انا عملت معاهم الواجب ما تقلقيش

زمردة : عمتلي ايه ؟؟

لارا : طحنتهم و علمت على اولادها كلهم

زمردة : ده انتي جدعة بقا .. برافو عليكي

اوس : مقولتيش ايه سبب الخناقة بينك و بين جدي ؟

زمردة بلامبالاة : سحب مني الكريدت كارد

اوس : و ده سبب عشان تسيبي بيت جوزك ؟!

زمردة : و الله هو الي سمعني كلام زي الزفت .. قال ايه وصلتي للسن ده و بتصرفي بغباء .. انا بصرف بغباء يا اوس ؟! كل الي بعمله اني بهتم بنفسي عشان يفضل يتفشخر بيا قدام الناس و املي عنيه بس هو ايه عايزني البس عباية سمرا و اقعدله بالمطبخ اخدم و انضف عشان كدة قررت خلاص هرفع قضية طلاق

تبادلو جميعهم النظرات المصدومة

اوس بذهول : انتي عايزة تطلقي بعد العمر ده ؟!!!!!

زمردة : قولت مليون مرة محدش يجيب سيرة السن ده مجرد رقم .. انا قدامك اهو الف مين يتمناني و عندك ابن عمك اغرم بيا من ساعة ما دخلت البيت يعني لو اتطلقت ممكن اخطفه من المعصعصة دي … او اتجوز انهي عيل بسن احفادي كمان

بدأ فارس يكح و يضحك مرة واحدة

حبيبة بذهول : مش معقووول

زمردة : انتي دخلتي الشهر التاسع يا بت و لسا ما ولدتيش ؟!

حبيبة : ما دا الطبيعي !

زمردة : اه يا خايبة .. عايزة سلفتك تشمت بيكي ؟! الست الشاطرة الي تولد بسرعة .. اوعي تصبري اكتر يا بت .. انا هعملك وصفة تولدك وقتي

حبيبة بخوف : لا لا انا متابعة مع دكتورة

زمردة حركت شفتيها بسخرية و قالت : الدكاترة ما بيفهموش حاجة .. اسمعي مني و اعملي حسابك تولدي من هنا تحملي من هنا على طول .. ما تخليش حد يعلي عليكي

زياد بضحك : دخلنا بحرب الستات

زمردة : اخرس انت

زياد : حاضر

زمردة : اوس ابقى خود مراتك مشيها شوية .. المشي كويس اوي للولادة .. كل يوم تروحي تمشي ساعتين

اوس بخبث : حاضر من عنيا

اتت سعاد و قالت : الاكل جاهز .. اتفضلي يا زمر.. يا زيزي هانم

**********************

في المساء

ذهب الكبار للنوم بوقت باكر و لأول مرة يتجاهل عبد الله جلسة المساء مع ابناءه و احفاده

في الحديقة الامامية

كان الشباب جميعهم يجلسون حول زمردة حتى فريدة كانت معهم بعد اصرار تميم

زمردة : و البلونة دي قاعدة معانا ليه ؟ على حد علمي عندها بيبي ما تروح تتلهي بيه

تميم : زيزي ارجوكي ما تتكلميش كدة .. دي مراتي يعني لازم تحبيها زي ما بتحبني

زمردة : و مين قالك اني طايقاك اصلا ؟ ده انت الحفيد الوحيد الي ما بينزليش من زور

تميم بصدمة : يا انهار اسود .. ده انا اكبر احفادك يا تيتة

زمردة بغضب : كام مرة قولت اسمي زيزي .. و بعدين من ساعة ما عملتها بوشي اول ما اتولدت عرفت انك هتتعبني

تميم باحراج : ايه الكلام ده يا زيزي .. بلاش نتكلم بالحاجات دي

زمردة : ليه اتكسفت ؟! ده انت كنت زنان و مش طايق حد .. من يوما سحر زلطتك و انت مغرور و مش عايز الا حد يشيلك و يمشي بيك

فارس بضحك : اخيرا جيه حد يخلصلي حقي من دكتور الحمير ده

دينا باهتمام : زيزي .. انا اعتقد اني سمعت طنط سحر بتقول ان حضرتك تعرفي كارون و حضرتي جنازته ده صح ؟

زمردة : اممم .. و انتي سمعتي عنه فين ؟

دينا :شوفت مقاطع على التيك توك بيتكلمو عليه و الكل شمتان بيه

فارس : هو مين ده اصلا ؟

زمردة : ده عالم هندي .. معروف عنه انه مخاوي و بيقدر يعمل المستحيل

غادة : استغفر الله العظيم .. الكلام ده حرام .. محدش يقدر ييعمل حاجة الا باذن الله

دينا : ما احنا عارفين .. هو اصلا مات موتة وحشة اوي و اتفحم في بيته .. الناس كلها شمتانة بيه و بقا تريند

حلا : ده اسمه دجال مش عالم .. مش دول بتوع رد المطلقة و جلب الحبيب بخمس دقايق ؟!

غادة : دول كلهم هيروحو النار .. و حرام نصدقهم

كارما بخوف : طب خلاص اقفلو السيرة دي

دلف يزن و قال : مساء الخير

دينا بسعادة : مساء النور .. تعالا اعرفك على زيزي

زمردة باعجاب : مين السبع ؟

زياد بضحكة : ده يزن خطيب دينا و يعتبر واحد من العيلة

زمردة : اممم يزِن .. حلو

يزن بخفوت : اسمي يزَن .. بلاش عوجة البوق دي

دينا : ارجوك ما تشدش معاها بالكلام دي ست غريبة جدا

يزن بغمزة : اوس .. تمام

اوس : امم اتفضل يا يزن

حبيبة بفضول : في ايه ؟ انتو متفقين على حاجة ؟

اوس : لا يحبيبتي .. بس يزن بيستظرف

زمردة : تميم قول للبلونة مراتك تقوم تجيبلي ماسك الوش بتاعي

فريدة بحنق : انا مش فاهمة انتي في حد مسلطك عليا ؟ عملتلك ايه عشان تفضلي تدايقيني كدة ؟

زمردة : شبه خالتك و ده شيء كافي بالنسبالي .. قومي يلا يا بت هاتي الي قولتلك عليه

فريدة بنفخ : حاضر

قامت فريدة و ذهبت

حبيبة : و الله يا زيزي فريدة طيبة و غلبانة .. حرام تقسي عليها كدة

دينا : و بعدين دي طردت خالتها من البيت و هزقتهم يعني بصفنا

حلا : و المتل بيقول ايه ؟ بيقول عدو عدوي صاحبي .. يبقى اكسبيها لصفك احسن

تميم : دي فريدة طيبة طيبة ما تتوصفش يا زيزي .. المسكينة كانت هتكلمك تعمليلها وصفة عشان تخس

زمردة : كفاية زن .. خلاص هطيب خاطرها اما ترجع

اتت فريدة و قالت : العلبة فاضية !

زمردة باستغراب : ازاااي ؟! ده انا حطيتها مليانة و مقفولة بالتلاجة .. مين استعملها ؟

حلا بصدمة : ده كان ماسك ؟!

زمردة : ايوة !

حلا بذهول : ده انا افتكرته زبادي بالفراولة و نزلت سف بيه مع فارس

زمردة بفزع : يخربيتك .. اكلتي الماسك ؟!

حلا : معقولة اتسممت ؟! اه اه .. انا رجليا بتترعش .. كلمو الاسعاااف

زمردة : ما بلاش كدب دي مكونات طبيعية مش بتأذي المعدة .. قومي اعملي كوبايتين من الديتوكس بتاعي و اشربيها انتي و المدهول ده

حلا و هي تمسك العلبة : من عنيا .. ده انا اصلا كنت هطلبها منك

**************************

في اليوم التالي

تميم : انا كلمت جدو و قولتله انها عندنا و طبعا هو اتجنن و اتعصب عليا

اوس : طب و هيعمل ايه ؟

تميم : قالي انه هيجي اليومين دول يصالحها و ياخدها من هنا

عبد الله : كويس .. نستحمل يومين

حسين : للدرجادي محدش طايقها ؟!

عدنان بضحك : ده انا دبحت عجل لما سابتنا و سافرت فرنسا .. دي كانت كاتمة على نفسي و كل يوم كانت بتجيلنا من النجمة تفضل قاعدة عند سحر لنص الليل

حسين : ايوة فاكر الايام دي .. بس برضو ده بيت بنتها يعني

ايهاب : مهيا كانت عاملة فيها ست البيت و الكبيرة و كانت بتكيد امي الله يرحمها و كل يوم خناقة شكل

عبد الله : الله يرحمك يا فاطمة .. سيبونا من سيرة الستات دي

اوس : طب استأذنكم انا هاخد حبيبة نتمشى شوية

حسين : خود بالك منها يا اوس و لو تعبت كلمنا على طول

اوس : و لا يهمك يعمي .. عن اذنكم

صعد اوس للطابق العلوي و دلف اوضته

اوس : حبيبتي عاملة ايه ؟

حبيبة بتعب : كنت لسا هنام .. حاسة نفسي تقيلة اوي .. شكلي قربت

اوس : طب تعالي نمشي شوية .. بيقولو كويس اوي للولادة

حبيبة : طيب يلا بينا

في طريقهم التقو بدينا و غادة

دينا بغمزة : رايحين فين ؟

حبيبة : عايزة امشي شوية عشان الولادة

دينا : اشطا جاية معاكم .. غادة قولي لماما اني مع حبيبة و اوس

غادة : حاضر .. في امان الله

ذهبو سويا باتجاه الخارج و بدأو بالمشي

حبيبة : الدنيا هتضلم .. لازم خرحنا بدري عن كدة

دينا بخبث : لا مفيش احلى من الليل .. الجو رومانسي اوي

حبيبة بضحكة : الله عليكي .. بقيتي مرهفة اوي

وصلو البوابة التي تؤدي لارض والد يزن

حبيبة باستغراب : مش دي ارض العزايزة الي روحنلها من ناحية الغيط ؟!

اوس : ايوة هيا

دينا بخبث : الارض هنا حلوة اوي للمشي يا حبيبة .. اهو تمشي بمكان رايق من غيرا ما حد يشوفكم من الشارع

حبيبة بادراك : ايوااااا .. انتي جبتينا لهنا عشان تقابلي يزن مش كدة ؟!

دينا : هو ده

يزن من وراهم : اتأخرتو اوي .. ده انا وصلت من ساعة و قاعد مستنيكم

اوس : اممم .. طب يلا استلم و سلم

يزن : خود المفتاح اهو .. الارض فاضية و مفيش غفر جوا

حبيبة : ليه يعني ؟! هو في حاجة ؟

يزن : اوس قالي انكو حابين تتمشو شوية فقولت تمشو براحتكم من غير ازعاج

دينا : خلاص ما تضيعوش وقت بقا .. احنا هنروح نتفسح شوية .. خود بالك منها يا اوس و لو حصل اي حاجة كلمونا

دخل اوس مع حبيبة و بدأو بالمشي تجاه البيت القديم بينما دينا ذهبت مع يزن بسيارته

حبيبة : اوس انت بتخطط لايه ؟ دلوقتي لو تأخرنا جدو هيدايق .. و لو عرف ان دينا خرجت مع يزن من غير علمه هيعاقبنا كلنا

اوس : ما تقلقيش .. ادخلي انتي بس و ما تشيليش هم

دلفت حبيبة البيت و نظرت للمكان بانبهار شديد … كان البيت مزين بطريقة رومانسية و مجهز كأنه جناح في فندق فاخر

اوس و هو يحضنها من الخلف : كل سنة و انتي حبيبة قلبي و حبي الابدي

حبيبة بابتسامة : بس النهاردة مش عيد ميلادي !

اوس : عيد جوازنا

حبيبة بذهول : صحيح .. انا ازاي نسيت ؟ ده انا كنت مخططة هعمل حاجات كتير اوي باليوم ده

اوس بحب : انتي مش مطلوب منك تعملي حاجة غير انك تفضلي بحضني .. الحاجات دي عليا انا

حبيبة : اوس لو تأخرنا هيفهمونا غلط

اوس بخبث : ما تقلقيش انا كلمت جدي و قولتله هنتأخر

حبيبة بخجل : انت كدة فضحتنا

اوس : ليه هو انا جايبك لشقة مفروشة ؟! انتي مراتي يا بت

حبيبة بدلع : ده كان احلى يوم بعمري يوما بقيت مراتك

اوس بهيام : بحبك يا حبي الابدي

حبيبة بتوهان : و انا بعشقك

بدأ بتوزيع قبلاته على وجهها و رقبتها .. احاطت يداها رقبته بتوهان لتستقر قبلته على شفتيها و يغرقان سويا في عالهم الخاص

******************

في صباح اليوم التالي

استيقظت حبيبة من النوم و نظرت حولها لتدرك انهم لم يعودو للبيت ليلة امس

حبيبة : اوس … اوس .. حبيبي اتأخرنا

اوس : صباح الخير .. ايه ده هو النهار طلع ؟

حبيبة : ايوة .. قوم نروح قبل ما حد يلاحظ غيابنا

بعد وقت قصير عادو للبيت و كان الجميع نائمين عدا سحر و سعاد في المطبخ و لم يشعرن بهم

اوس : ما حدش شافنا اهو ما تتكسفيش بقا

حبيبة بابتسامة و دلع : ليلة امبارح كانت تحفة .. فكرتني بشهر العسل

اوس : انا حياتي كلها عسل من ساعة ما اتولدتي

حبيبة : انت هتنام و لا خلاص ننزل ؟

اوس : و الله مش هقول لا لساعتين نوم زيادة .. خصوصا ان النهاردة عندي شغل كتير

حبيبة : اوك .. انا جعانة اوي هاخد شاور و انزل افطر

بعد وقت

نزلت حبيبة وجدت زمردة و دينا و حلا و لارا يجلسن سويا … كانت زمردة تروي لهن حكاياتها و مغامراتها و هي شابة

حبيبة : صباح الخير

دينا بخبث : صباحية مباركة يا عروسة

حبيبة بحدة : دينا اتلمي

زمردة : عاملة ايه ؟ لسا مش عايزة تولدي ؟

حبيبة : ما البيبي محجر اعمل ايه .. و بعدين ماما بتقول ان الطبيعي اكمل الشهر التاسع كله

حلا : ايوة انا اسمع كدة برضو ان الحمل الاول بيطول و ممكن تدخل العاشر برضو زي البقر

حبيبة : حلا اخرسي انتي البقرة

حلا : و الله ما بشتمك .. بقول زي زي افهمي ده تشبيه عادي

حبيبة : مش ناقصة محضراتك انا دماغي مصدعة و ما سلمتش من الكوابيس

زمردة : كوابيس ؟!

حبيبة : من ساعة ما جيت البيت ده و انا بحلم بالطفل بطيخة و كل مرة بحس اني هتخنق

حلا بضحكة : الواد ده من ساعة ما شوفتيه و اسمه لازق على لسانك .. مش كنتي تجيبيه و تحتويه و ما تقرفيناش بقا

زمردة : بتقولك كوابيس .. و اهي الولادة مش متسهلة معاها .. يبقى اكيد ده عمل

حبيبة : هو كل ما حد يقول انا مصدع يبقى عمل ؟!

زمردة : اكيد حد بيكرهك عملك عمل اسود عشان ما ترتاحيش بحياتك .. قومي معايا يا بت

حبيبة باستغراب : على فين ؟!

زمردة : عند الحجة سعدية .. هي الي هتفكلك العمل المهبب ده …..

حبيبة باستغراب : على فين ؟!

زمردة : عند الحجة سعدية .. هي الي هتفكلك العمل المهبب ده

حبيبة بذهول : مستحيل .. انا مش بروح الاماكن دي

دينا بحماس : هتأخدينا عند دجالة ؟!

زمردة : اسمها شيخة .. شييييخة .. يلا امشو معايا

حلا : استني هنده لفارس … ده بيحب الحاجات دي اوي

زمردة : طيب يلا ما تتأخريش

لارا : طب و لو جدو سأل عليكو هقوله ايه ؟

زمردة : مش هتقولي حاجة .. انتي كمان هتيجي معانا عشان تفكي عقدتك دي

لارا : عقدتي ؟! انا معقدة ؟!

زمردة : كلنا مليانين عقد يا حبيبتي

دينا : هو ده الكلام

اتى فارس و هو يفرك عيناه بنعاس

فارس : صباح الخير

حلا : فارس زيزي هتاخدنا لشيخة اسمها سعدية بتاعة سحر و شعوذة .. ايه رايك تيجي معانا

فارس بذهول : بجد ؟! هتروحو لساحرة ؟؟

زمردة : انتو متخلفين ؟ كام مرة قولت اسمها شيخة .. شيخة .. ما بتعملش سحر بس هي كدة ست مبروكة و بتفك الاعمال لوجه الله

حبيبة : انا مش هروح .. ايه الجنان ده ؟

دينا : طب خلاص اقعدي انتي و احنا هنروح .. انا عايزة اسألها على حاجات كتير

فارس : تفتكري هيكون عندها علم لو كتاب شمس المعارف حقيقي و لا كله هري و كلام فارغ ؟

دينا : اهو احنا نجرب .. من زمان نفسي اروح عند دجالة و اشوف العفاريت بتوعها

حبيبة : انتو اتجننتو ؟! حرام الي بتقولوه ده شرك.. انا مش بروح للاماكن المريبة دي

دينا : انتي هتكفرينا يا متخلفة ؟ ده علم .. و بعدين هيا هتعملك عمل يعني ؟ دي هتفكهولك

حبيبة بعناد : مستحيل و لو حد فيكم فكر يروح انا الي هقول لجدو

حلا : اتلمي يا بت .. ده انتي جبانة جبن انا مشفتوش قبل كدة .. غامري شوية هيجرالك ايه ؟ الست مش هتاكلك يعني

زمردة : اموت و اعرف مين الي قالكم اني هاخدكم عند ساحرة ؟ انتو المسلسلات لحست دماغكم و لا ايه ؟ دي شيخة يا متخلفين .. يعني بتعالجها بالقرآن و الدعاء

حبيبة : اوك لو انا عيانة اعالج نفسي و اقرا انا مش محتاجة لشيخة .. عن اذنكم

زمردة بحدة : تعالي هنا يا بت .. لو ما مشيتيش بالزوق هناخدك بالعافية و لا ايه يا عيال ؟

دينا بحماس : هو ده .. يلا بينا

حبيبة بخوف : لازم اقول لأوس .. هيقلق عليا اوي

حلا : انا مش بطيق الستات الي من غير شخصية .. ما جوزك متخمد دلوقتي امشي معايا

حبيبة : لا مش هخرج من غير ما اقوله .. ع الاقل اقول لجدو او بابا

حلا : ماشي هنديكي جائزة افضل بنت مطيعة .. امشي قدامي يلا

حبيبة بعناد اكثر : مستحيل .. انتي مش شايفة بطني افرضي حصل معايا حاجة .. ازاي هخرج من غير ما يكون معايا راجل ؟!

فارس : ليه هو انا اراجوز هنا ؟ .. هنروح بالعربية نص ساعة و نروح على طول ما فيش داعي للدراما بتاعتك دي

زمردة بحزم : هاتوها غصب عنها يا بنات .. انا بعمل كدة عشان مصلحتها .. امشو ورايا يلا

امسكتها حلا من طرفها اليمين و دينا من طرفها الشمال و سحبنها باتجاه الخارج

ركبو السيارة و انطلقوا باتجاه بيت الحجة سعدية

و بعد دقائق …. نزلو جميعهم ينظرون امامهم بسرحان .. كان بيت صغير و عتيق و بعيد عن البيوت الاخرى و امامه مساحات خضراء واسعة

فارس بانبهار : الله .. البيت ده جميل جدا .. فكرني بالزمن الجميل

حلا : طب ايه هنفضل نتأمل البيت كدة ؟

خبطت زمردة على الباب .. خرج لهم رجل مسن يتكئ على عكاز خشبي قديم و بيده سيجارة يدخنها بشراهة

فارس : سوسو موجودة ؟

زمردة : اتهد يولا .. الحجة سعدية فاضية ؟

الرجل : ايوة .. اقولها مين ؟

زمردة : قولها زيزي الشقرا

الرجل : مودام زيزي .. اهلا و سهلا .. اتفضلي ثواني و هجيبلك الاذن

دلف الجميع للبيت

فارس : انتي متأكدة انها حجة ؟

زمردة : اه

فارس : ايه الي اه ؟ خادمها بيحشش

زمردة : ده جوزها يا اهطل

فارس : يعني هيا حجة و جوزها منحرف ؟!

زمردة : اتلم ياض و اقعد ساكت

حبيبة بخوف : يجماعة امشو نروح انا هموت من الخضة

خرج الرجل و قال : اتفضلو الحجة بانتظاركم .. امشو ورايا

دخلو الاوضة .. فتح الرجل باب على الارض و قال : انزلو يلا

حبيبة بذهول : ننزل فين ؟! انا مش هقدر انزل

زمردة : كفاية دلع يا بت في سلم هننزله و نشوف الحجة سعدية

دينا بحماس : ده سرداب زيكولا مش كدة ؟!

حلا : اتلمي يا دينا

نزلو جميعهم و نظرو حولهم … ليظهر امامهم عجوز نحيلة و قصيرة جدا تجلس على الارض مغمضة عيناها و امامها نار خضراء اللون و في حجرها قطة سوداء

فارس : سلام قولا من رب رحيم .. هيا دي بني ادمة و لا اميرة الاقزام ؟

حبيبة بخوف : انا ايه الي وصلني لكدة يا ربي

دينا بسعادة : شكله الحوار بجد يعيال .. شايفين النار لونها اخضر ازاي

لارا بهمس : دي بتضحك عليكم و ده كله كدب .. عاملة الجو ده عشان نصدقها

حلا : يا سلام و انتي عرفتي منين .. بتقولك النار خضرا يعني الست دي عندها قدرات خارقة بجد

لارا : منتي لو فلحتي بالكيميا كنتي هتعرفي ان ده ناتج عن تفاعل ذرات النحاس .. يعني مش حاجة واو

فارس بسخرية : ده انتي طلعتي مسئفة و انا مش عارفة

لارا بحدة : اسمها مثقفة يا غبي

سعدية بسكون : هششششش .. زيزي الشقرا .. عايزة ايه ؟!

زمردة : انا جايلك عشان تساعدي العيال دول و تعرفي وجعهم

سعدية : قولي للبت الحامل تقعد قصادي تماما و الباقي حوليها

زمردة : اقعدي يا حبيبة يلا

جلسو جميعا على الارض و بدأت سعدية بالتمتمة بكلام غير مفهوم ليسمعو صوت اجراس قوي جدا

فارس : ايه الجو ده هو احنا في كنيسة و لا ايه ؟!

سعدية : هشششش انتو في حضرة عمي الامام

حلا : عادل الامام ؟!

سعدية : هشششش .. امسكي يا بنتي ده

حبيبة باستغراب: ايه ده ؟!

سعدية : ده عسل اسود نادر جدا .. مش زي العسل الي هنا .. تاكلي منه كل يوم معلقة لغاية ما تخلصي العلبة

حبيبة : لا انا مش بحب النوع ده

زمردة : اتكتمي يا بت ده هيفيدك

سعدية : اسمعيني كويس .. اول ما تروحي هتجيبي مصاصة ..

فارس بمقاطعة : امك رقاصة

حلا : اتكتم يالا دي هتسلخك قرد دلوقتي

سعدية : هتجيبي مصاصة و تحطيها تحت سريرك .. لو جيه عليها النمل اعرفي ان الي عملك العمل من اهل بيتك

حبيبة : يا سلام ؟! و اجيبها نكهة ايه ان شاء الله ؟

سعدية : فراولة … خودي ده

حبيبة باستغراب : ايه ده كمان ؟!

سعدية : ده حجاب تحطيه تحت مخدة جوزك .. عشان الي عملك العمل راح لشيخ و هيعمل لجوزك عمل جلب .. يعني هيطلقك و يتجوز غيرك

حبيبة بسرعة : بعد الشر

سعدية : خلصت دي .. قومي و قعدي الي بعدك

قامت حبيبة و جلست مكانها لارا

لارا بخبث : لو انتي ساحرة بجد .. اعرفي مالي من غير ما اقول

سعدية : اعوذ بالله .. مين قالك اني ساحرة ؟ انا بس بداوي الناس من الناس الي معندهاش قلب

لارا : حافظينهم .. كل الدجالين بقولو كدة

سعدية : يبقى انتي مش تعبانة انتي جاية تحققي معايا

لارا : ابدا .. بس لو انتي شاطرة يعني كنتي هتقولي ايه مشكلتي من غير ما انطق

سعدية : دي هناك .. عند ملوك الج..ن و الشا..يطين .. مش عندي

دينا بحماس : انتي تعرفيهم ؟! تعرفي دجن و جسار ؟

سعدية باستغراب : لا .. انتي ليكي بالكلام ده يا بت ؟

دينا : لا .. بس قريت عنهم في كتب اسامة مسلم

حلا : انتي حمارة يا بت ؟! ده خيال ملهوش صلة بالواقع

فارس : طب انا عندي سؤال .. شمس المعارف كتاب حقيقي و لا متفبرك ؟

سعدية بلخبطة : مين دول يا زيزي ؟ بيقولو كلام غريب جدا

دينا : ايه الهبل ده ؟ ازاي ساحرة و ما عندكيش معلومات عن العالم الاخر ؟

سعدية بغضب : انا مش ساحرة افهمو بقا .. انا ست مؤمنة و حاجة لبيت الله .. بقرا على الناس و بديهم طرق يتخلصو من الاعمال

حبيبة : و الله ؟! و ازاي الي بيفك الاعمال ما يعرفش حاجة عن عالمهم ؟

لارا : دي دجالة و بتضحك عليكم و دلوقتي هتقول عايزة خمس فرخات و سن ديناصور و ضفر ببغاء اخرس مراته خانته في موسم التزاوج مش كدة ؟

سعدية بصراخ : بس بقا ايه التخلف ده

في هذه اللحظة استيقظ القط و هجم على دينا

دينا بصراخ : ابعدو العفريت ده عنييييي

امسكته سعدية و اعادته لحضنها و بدأت تملس على ظهره

سعدية : انتو الي جاينلي مش انا الي طلبتكم .. يبقى تسمعو الكلام او تمشو من سكات

زمردة : بس يا عيال سيبو الست تعرف مشكلتكم

فارس : طيب خلاص .. حضرتك قولتي تعرفي تفكي الاعمال .. قوليلي بقا ايه انواع السحر و عددهم كام ؟

سعدية بنفخ : العيال دول هيشلوني .. دول احفادك يا زيزي ؟

زمردة : لا قرايب احفادي .. المهم انتي طلع معاكي ايه ؟!

سعدية : مفيش حاجة اطمني .. الاولاد دول سلام .. بس البت الحامل في حد مستقصدها

زمردة : منا جيتلك عشان كدة .. البت بطنها محجرة و مش عارفة تولد .. و بتشوف كوابيس ليل و نهار

سعدية : اممم .. دي هتبقى عيبة لو مولدتش اليومين دول .. لازم احضرلها الخليط السري

********************

نزل اوس للاسفل و بدأ يبحث عن حبيبة

زياد : انت فينك يا عم .. كل ده نوم ؟!

اوس باستغراب : فين حبيبة ؟! و ليه البيت هادي كدة ؟

زياد : معرفش .. مشوفتش حد من الشباب غير غادة و فريدة و كارما

اوس باستغراب : راحو فين يعني ؟ و تيتة زمردة ازاي هادية كدة ؟!

زياد : و الله ما اعرف

تت سعاد تزامنا مع نزول تميم

اوس : طنط فين حبيبة ؟

سعاد : هيا مش بالاوضة ؟ ده انا افتكرتها لسا نايمة

اوس باستغراب : مفيش حد من الشباب موجود .. فين حلا و دينا ؟

سعاد : دول كانو هنا الصبح .. يمكن خرجو للجنينة هروح اشوف

تميم : جدتك فين ؟ اكيد عملت مصيبة

اوس بقلق : حبيبة ما راحتش عند فريدة ؟!

تميم : لا .. مشوفتش غير طنط خولة في شقتي

اتت سعاد و قالت : مفيش حد بالجنينة غير كارما .. هما راحو فين ؟!

اوس : هكلم حبيبة

اتصل اوس بحبيبة

في بيت سعدية

حبيبة بفزع : يا انهار اسود .. اوس بيكلمني .. هقوله اييييه ؟!

فارس بسرعة : قوليله روحتي للسوق مع زيزي .. اوعي تجيبي سيرتي انا بعرضك يا حبيبة

حبيبة : هششش هرد عليه

ردت عليه حبيبة و قالت : الو

اوس : حبيبة انتي فين ؟!

حبيبة بتوتر: انا نزلت السوق مع زيزي و البنات قولت اشتري كام حاجة عشان الولادة .. مش هتأخر

اوس باستغراب : و من امته بتخرجي من غير ما تقوليلي ؟!

حبيبة : و الله كنت هقولك بس انت كنت نايم و ما هانش عليا اصحيك

اوس : طب انتي فين بالزبط عشان اجيلك ؟

حبيبة بتوتر : لا لا مفيش داعي .. انا اصلا بالطريق هروح .. ما تتعبش نفسك

اوس بشك : حبيبة .. انتي كويسة ؟! مال صوتك ؟

حبيبة : ابدا بس عشان كنت بمشي فتعبت شوية .. انا قعدت اهو .. هستنا حلا تخلص الي بايدها و هاجي على طول

اوس : طيب ما تتأخريش و لو حصل اي حاجة كلميني

حبيبة : اوك .. سلام

قفلت المكالمة بسرعة و وضعت يدها على قلبها

حبيبة : منكو لله خلتوني اكدب .. امشو نروح بسرعة

سعدية بسرعة : مفيش مرواح دلوقتي .. لازم تتضايفو عندنا

دينا : لا ميرسي مش بنشرب حاجة عند …

سعدية بحدة : لو قولتي ساحرة هسلط عليكي محروس

دينا بحماس : محروس ده ج..ن ؟!

سعدية : لا القط بتاعي

لارا : امشو نروح و بلاش جنان .. اهو ما استفدناش حاجة من المشوار ده

سعدية بحدة : قولت مفيش مرواح دلوقتي .. اقعدي

في بيت عبد الله

اوس : حبيبة نزلت السوق مع تيتة و البنات

زياد : اممم عشان كدة البيت رايق .. جدتك دي رهيبة

تميم : يلا بكرا جدي هيجي و ياخدها من هنا

زياد : بقولكو ايه يا شباب .. هشام عازمكم على قعدة عربي ما تيجو نروح و نغير جو

تميم : الله .. زمان عن الايام دي

اوس : زياد .. مش فاضين للعبط ده ورانا شغل

زياد : ساعتين من مش هيطير الشغل لو خرجنا اتبسطنا شوية .. عموما انا عزمت يزن و كنت هقول لفارس الرخم بس ملهوش نصيب

تميم : على كدة انا رايح وش .. امته هتروحو ؟

زياد : دلوقتي حالا .. دول بقالهم من الصبح قاعدين

اوس : يا سلام ؟! اول مرة اسمع ان في حفلات الضهر .. ما طول عمرها بالليل

زياد : ده هناك في الكابريهات .. دي قعدة محترمة كلها شباب رجولة و اولاد اصول

تميم : اشطا يلا بينا .. انا قرفت من جو المستشفى عايز اغير المود ده

زياد : طب امشو يلا و اهو نعدي على يزن نجيبه معانا

اوس : لا روحو انتو انا ورايا شغل

زياد : شغل ايه يا ابني احنا في اجازة .. و بعدين مراتك لسا ما جاتش يعني نص ساعة نغير جو مش هيحصل حاجة

تميم : ابعتلها مسج و قولها انك خرجت .. مفيش داعي للالتزام ده اهو نجدد روح الشباب بدل ما احنا عجزنا قبل اوانا كدة

اوس بنفخ : ماشي

**************************

لارا بغضب : قولتلك عايزين نمشي بقالنا ساعتين محبوسين هنا .. في ايييه ؟

زمردة : كفاية يا سعدية و الله وجبتي معانا و زيادة .. سيبنا نمشي بقا العيال تأخرو

سعدية : و الله ما انتو ماشين قبل ما تدوقو الرز بلبن بتاعي

حلا بنهم : رز بلبن ؟ تمام قاعدين

في هذه الاثناء … نزل عن السلم رجل اصلع ذو عضلات ضخمة و قامة طويلة

فارس ببلاهة : مين العملاق ده ؟!

الرجل بخشونة : بقالي كتير ما شوفتش ضيوف عندك يما

حلا بذهول : يما ؟! دلوقتي الفيل ده ابن النملة دي ؟!

سعدية : نمر يا ابني جبتلك العيال دول شوف انهي انسب حد فيهم

نمر بتدقيق : اممم دول كويسين .. بس ليه جايبالي وحدة حامل و التانية عجوزة ناشفة ؟

زمردة بغضب : هي مين دي الي عجوزة ؟! ده انت الي برميل و ابو زلبطة يا ابن القرعة

نمر بحدة : سكتي المرا الخرفانة دي يما

سعدية : بقولك يا نمر يا حبيبي .. ايه رأيك تمشيها ؟ .. دي خالتك زيزي و كانت صاحبتي

زمردة : اه يا زبالة بتضحكي علينا يا سعدية ؟! .. ماشي انا هوريكي و هوقفلك حالك ده بس اصبري عليا

نمر : ايه الكوتشي الحلو ده ؟ مقاس جزمتك كام يا ست انتي ؟

زمردة بغرور : 37 .. انا اصلا رجليا صغيرة و مش بيبان عليا السن

نمر : طب اقلعيه يلا .. هاخده هدية للبت احلام خطيبتي

زمردة بفزع : انت اتجننت ؟ عارف ده براند ايه و تمنه كام ؟!

نمر : يعني غالي ؟ هو ده المطلوب .. اقعليه و الا هتتحطي تحت مكنة التعذ..يب

زمردة بخوف : لا لا… هقلعه هقلعه

خلعت حذائها و وضعته امامه

نمر : و انتي يا عروسة اقعلي الانسيال ده

حبيبة بخوف : مستحيل .. ده هديه من جوزي و لسا جايبهولي امبارح

نمر : لو عايزة تحافظي على العيل الي ببطنك اقلعيه

حبيبة بخوف : ماشي

خلعته و اعطته اياه

دينا : ده احنا جايين نتقلب بقا .. دي مش اخلاق دجالين ابدا

نمر : اقعدي ساكتة احسنلك

دينا : مسكين ما يعرفش انا مين و مرات مين .. ده انت هتتنفخ ياض

فارس : مزتي انتي ساكتة ليه ؟! فين بطولاتك ؟

حلا بسرحان : ده كان يفرمني و يعمل من عضامي شوربة كولاجين … انت مش شايف شكله

فارس : عندك حق .. هيعملو فينا ايه المرادي ؟! تفتكري هيطلع صاحب اوس و لا هنتفرم ؟

حلا : ع الاغلب هنتفرم

نمر : البت الحامل و العجوزة دي مش محتاجينهم سيبيهم يمشو .. دول الاربعة كويسين

حبيبة بخوف : هتعملو بيهم ايه ؟!

نمر : ما تخافيش هنشغلهم بدل ما هما فاضيين كدة .. خرج دول يابا

تقدم الرجل المسن و امسك زمردة و دفعها نحو السلم

حبيبة ببكاء : منكو لله يا اغبياء .. شفتو عملتو ايه ؟!

فارس : ما تقلقيش علينا روحي انتي و اطلبي بوليس النجدة

نمر بخبث : مهو لو ده حصل اعرفي ان قرايبك دول بقو تحت التربة .. لو عايزة مصلحتهم اتكتمي و ما تقوليش حاجة

حبيبة ببكاء : ارجوك سيبنا نمشي كلنا و هديك اي مبلغ انت عايزه

نمر : مش عايز فلوس .. ما تخافيش عليهم انا محتاجلهم بحاجة كدة ساعتين زمن و هيكونو بالبيت عندك

حبيبة بخوف : محتاجلهم بايه ؟!

نمر : هاخدهم يساعدوني بتقطيف البامية .. اتكلي على الله انتي .. خودي ده الكرت بتاعي لو قلقتي عليهم كلميني

تناولت منه الكرت بسذاجة و قالت : اوك .. ما تتأخروش عشان جدو ممكن يقلق

نمر : طيب اتكلي على الله يلا

دينا بهمس : حمارة و غبية

لارا : ده هبلة و صدقته المتخلفة

خرجت حبيبة و زمردة من البيت و بدأت حبيبة تبكي

زمردة بضيق : اه يا كسوفي و سواد وشي اه .. ماشية بالشارع حافية زي ولاد الشوارع

حبيبة بغضب : ده الي فرق معاكي ؟! مش خايفة غير على شكلك ؟! العيال مخطوفين و انتي بتفكري برجليكي ؟!

زمردة : كان يوم اسود يوما قررت اساعدك .. انا مالي و مالك اصلا .. ده انتي هبلة رسمي و بيتضحك عليكي بكلمتين

بدأت حبيبة تمشي بسرعة و تتكلم : قال عمل قال .. ست رجعية .. ازاي تفكري بالطريقة دي ؟؟ و العيال دول متخلفين و فرحانين بالمصيبة دي .. انا مالي و مالكم ما كنت اتخمد جنب جوزي و اقعد مبسوطة و مرتاحة .. لازم اوقع نفسي بمشكلة و استنا حد يحلهالي .. امته هبقى قوية و ادافع عن نفسي زي حلا .. امته هتعلم ما اسمعش كلام حد و امشي وراه زي الهبلة .. كان لازم يعني اورط نفسي ؟ .. قال ايه رايحة لدجالة عشان اتعملي عمل و هيا هتفكه .. هو انا حد يعرفني اصلا ؟! .. ده انا عمري ما اذيت حد و ماشية جنب الحيطة على طول .. ليه كدة .. ليييه ؟!

نظرت حولها و لم تجد زمردة

حبيبة بتوتر : راحت فين دي كمان ؟! …..

نظرت حولها و لم تجد زمردة

حبيبة بتوتر : راحت فين دي كمان ؟! لازم اكلم اوس مش هينفع كدة

امسكت هاتفها و اتصلت باوس و لكنه لم يجيب

حبيبة بدموع : ايه الي بيحصل ده ؟! اوس ليه مش بيرد

اتصلت بوالدها

حبيبة : بابا .. اوس فين ؟

حسين : خرج مع الشباب هو ما قالكيش ؟!

حبيبة : لا .. بابا ممكن تيجي تاخدني .. انا بالشارع لوحدي و خايفة اوي

حسين بذهول : ايه الي مخرجك بالوقت ده يا بنتي ؟ الدنيا الضهر و الجو حر عليكي .. انتي فين بالزبط هجيلك حالا

حبيبة : انا بالشارع بس مش بعيدة اوي عن البيت .. بابا تعالا بسرعة انا مش قادرة امشي

حسين : طيب خليكي عندك انا جايلك

******************

اوس ببرود : دي القعدة الي كنت هتموت عليها يا زياد ؟

زياد : ايه مش حلوة ؟

اوس : تقرف .. المكان مكتوم و ريحة الشيشة و السجاير تسد النفس

يزن : فعلا حاجة بمنتهى القرف

تميم : بالعكس القعدة رايقة و صوت الست مديها عظمة و وقار والله

اتى هشام و جلس بجوارهم

هشام : ايه يا باشوات ؟ ما ترحرحو معانا كدة و تتبسطو

يزن : هو اخوك ده خرج من السجن امته يا هشام ؟

هشام : من اسبوعين كدة .. ليه عندك امر ضبط و احضار يا حضابط ؟

يزن : لا ابدا .. انا جاي زيارة بس

تميم : البتاع ده طعمه يقرف .. ايه ده يا هشام ؟

هشام : ده عرق سوس مخلوط مع شوية اعشاب

تميم : اوعا يكون حاجة مش تمام .. احنا معانا ضابط و ممكن يحبسك

هشام بضحك : حرام عليك يا ابني هو انا بتاع الكلام ده ؟

اوس : عن اذنكم انا اتأخرت

هشام : و المصحف ما انت قايم .. ده احنا قولنا اخيرا رجعلنا اوس و فك عقدة الخواجة بتاعته

اوس بحدة : هشام .. كفاية الجو ما عجبنيش

هشام : طب اقعد شوية عشان خاطر العيش و الملح الي بينا

زياد و هو ينفث الدخان : اقعد يا اوس ربع ساعة مش هتخسر حاجة

يزن : طب عن اذنكم انا هعدي ع القسم عندي شغل

هشام بسرعة : اتفضل اتفضل .. انت ضابط و امن البلد مسؤوليتك

يزن بشك : طيب .. سلام يا شباب

خرج يزن بينما نظر هشام لزياد و قال : كان لازم تيجبو الضابط معاكم يعني ؟!

زياد باستغراب : اشمعنا ؟!

هشام : ده بياخد كل حاجة جد و ما بيصدق يشوف غلطة على اي حد عشان يحبسه .. المهم سيبكم من الجو ده .. انا هزبطكم

تميم بارتخاء : هتعمل ايه ؟ انا حاسس اني دايخ

اوس بحدة : هشام انت شربته ايه بالزبط ؟

هشام بضحكة : ما تقلقش مش خ..مرة دي وصفة كدة جبتها من عند العطار بتوديك لعالم تاني

زياد : ايه الي عملته ده يا متخلف .. ازاي تشربه حاجة كدة ؟!

هشام : ده انا كنت مستني الضابط يروح عشان ابسطكم معايا … خشي يا دودو

دلفت فتاة ترتدي عباية سوداء و مجرد ان شغل الشاب الموسيقى الشعبية خلعت عبايتها ليتضح انهتا ترتدي ملابس رقص تكشف عن اغلب معالم جسدها

اوس بذهول : ايه ده ؟! انت اتجننت يا هشام ؟!

هشام : هو ده الانبساط .. دلعيهم يا دودو

زياد : هشام .. احنا ما اتفقناش على كدة .. ايه ده ؟!

قربت البنت من اوس و بدأت تتمايل عليه بدلع .. دفعها عنه و قام كأن عقرب قد لدغه

اوس بغضب : الحق عليا الي مشيت ورا عيال زيكو

اتجه للخارج و غادر المكان .. بينما الفتاة اقتربت من زياد الذي كان سيذهب و حاصرته و هو يحاول الابتعاد .. بعد ثواني انتقلت الى تميم و بدأت تتمايل عليه

زياد : تميم فوق .. لازم نمشي

تميم بارتخاء : مش قادر .. جسمي كله متخدر

زياد بغضب : اقفلو الزفت ده .. هشام انت زودتها اوي .. ايه الجنان ده ؟

هشام : فيها ايه لما تروق على نفسك بدل الخنقة دي يا ابني ؟! ده انت كام يوم و هتتجوز و هتنسى الايام دي … و لا انت عشان بقيت رجل اعمال خلاص هتكبر علينا

زياد : هشام احترم نفسك .. انت ايه الي وصلك للمرحلة دي ؟ ده انا قولت انك خلاص اتغيرت و بقيت بني ادم

تميم بدوخة : زياد .. ساعدني امشي من المكان النجس ده

زياد : انت عارف يا هشام لو العمدة شم خبر و عرف حاجة عن الي بتعمله ده هيعمل بيك ايه ؟!! ده هيحاكمك وسط الناس

هشام ببرود : و لا يفرق معايا .. انا كدة صاحب مزاج و احب ادلع نفسي .. لا اذيت حد و لا اجبرت حد يقعد القعدة دي

زياد : فعلا .. انا الغبي الي قبلت عزومتك من الاساس .. تعالا يا تميم نروح

اتجه لتميم و اسنده و خرجو سويا .. بينما هشام ينظر لهم بابتسامة خبيثة اقتربت منه الفتاة و بدأت تتمايل و هو يرقص معها بسعادة

*********************

في بيت عبد الله

عبد الله : حبيبة .. العيال فين ؟!

حبيبة بتوتر : مع تيتة زمردة .. انا توهت عنهم فكلمت بابا يروحني

عبد الله بشك : حبيبة .. متأكدة ؟

حبيبة بتمثيل : اااه .. حاسة اني دايخة و هيغمى عليا

سعاد بلهفة : حاسة بطلق يا بت ؟!

حبيبة : لا بس دماغي بتوجعني اوي عشان اتحركت زيادة عن اللزوم

سعاد : طب تعالي ارتاحي يا حبيبتي .. ما كانش لازم تخرجي اصلا انتي على وش ولادة

حبيبة : ما تيتة فضلت تزن عليا و خدتني معاها بالعافية

دلف اوس بهذا التوقيت

اوس : حبيبة انتي روحتي امته ؟

حبيبة : من شوية بس … كلمتك كتير ليه ما كنتش بترد ؟

اوس : نسيت موبايلي بالبيت .. اهو ع الطربيزة .. فين الباقي ؟

حبيبة بتوتر : مش عارفة انا توهت منهم و روحت لوحدي مع بابا

اوس بشك : طب تعالي اوديكي الاوضة عشان ترتاحي شوية

حبيبة : ايوة لازم ارتاح … عن اذنكم

استمر عبدالله ينظر لاثرها بشك و هي ذاهبة

في اوضة اوس و حبيبة

اوس : هتفضلي عاملة التمثلية دي كتير و لا هتقولي عملتو ايه بالزبط ؟

حبيبة بتوتر : هو انا باين عليا حاجة ؟

اوس : من ساعة ما كلمتك في الموبايل و انا عارف انك بتكدبي .. كام مرة قولتلك ما تكدبيش عليا عشان انا عارفك كويس ؟

حبيبة ببكاء : و الله جدتك هي الي ورطتني

اوس باستغراب : ورطتك بايه ؟! ايه الي حصل بالزبط ؟

حبيبة بخوف : هقولك بس .. بس ما تتعصبش ارجوك

اوس : ماشي قولي

حبيبة : جدتك اصرت انها تاخدني لشيخة .. قالتلي معملولي عمل و حاجات غريبة .. انا بالاول رفضت بس هيا اخدتني بالعافية

اوس بذهول : انتي يا حبيبة ؟! انتي تروحي للناس المتخلفة دي ؟!

حبيبة : و الله انا رفضت بس هيا اجبرتني .. اكيد مش هغامر بحياة ابني عشان الكلام التافه ده

اوس : طيب .. و ايه الي حصل دلوقتي ؟ راحو فين ؟

حبيبة : و احنا عند الست الدجالة جيه ابنها و خد دينا و حلا و فارس و لارا معاه قال عشان يساعدوه بشغل و هما وافقو .. و تيتة زمردة خرجت معايا بس بعدها سابتني لوحدي مش عارفة راحت فين

اوس بصدمة : يا سلام ! و اكيد فارس و دينا شبطو بالدجالة و حبو الجو بتاعها .. و سابوكي تروحي لوحدك مش كدة ؟!

حبيبة : انت مش مصدقني ؟

اوس : بالعكس متأكد انك بتقولي الحقيقة .. انا عارف دماغهم بتوديهم لفين .. و زيزي دي لوحدها كارثة

حبيبة : ما تقلقش عليهم ساعتين زمن بالكتير و هيبقو هنا

اوس : و لو جدك سأل عليهم هنقوله ايه ؟

حبيبة بخوف : انا مليش دعوة .. هما راحو بمزاجهم و سابوني لوحدي

اوس باستغراب : مالك يا حبيبتي .. ليه خايفة كدة ؟!

حبيبة بتوتر : مش عارفة .. خايفة جدو يتعصب عليا

سحبها لحضنه و قال : ما تخافيش يروحي انتي ملكيش ذنب .. و بعدين جدي عارف تيتة زيزي و عمايلها ما تقلقيش

حبيبة و هي تتشبث بقميصه : اوس اوعا تسيبني .. انت ما تعرفش قد ايه اتخضيت يوما كلمتك و ما ردتش عليا

اوس : انا اسف يا حبيبتي و الله نسيت الموبايل بالبيت

حبيبة : كنت فين ؟ مش قولت عندك شغل

اوس : امم .. بس زياد فضل يزن عليا عشان نروح لواحد صاحبنا .. روحت بسرعة و رجعت

لفت يداها حول رقبته و خبأت وجهها في عنقه و هو يملس على ظهرها بحب

اوس بخبث : انتي قد الحركة دي ؟

حبيبة بتوهان : اممم … معاك بس بحس بالامان

بحركة سريعة منه اصبحت حبيبة مستلقية على ظهرها و اوس فوقها

حبيبة بفزع : اوس بتعمل ايه .. هو ده وقته ؟

اوس بخفوت : هششش .. دلوقتي قلقك ده كله هيروح بعيييد

حبيبة : اوس انا بجد قلقانة عليهم بعدين نبقى نعمل كدة

اوس بخبث : نعمل ايه ؟!

عضت شفتها السفلية بخجل

اوس : هتفضلي تتكسفي مني لغاية امته يعني

حبيبة بخجل : كفاية يا اوس عشان خاطري

بدأ بتقبيل رقبتها فارتخت بين يديه و اخذها بجولة من الحب كفيلة بأن تنسيها اسمها

*****************

جمع نمر هواتفهم و وضعها في يد والدته

نمر : يلا اجهزو يا قمامير

فارس : انت عايزنا بايه يا باشا ؟!

نمر : هتسلمو شحنة بضاعة بالعربية بتاعتك

دينا : و ايه البضاعة دي ؟؟ سل..اح ؟

نمر : لا .. ممنو..عات

حلا بشهقة : انت اهبل يا ابني ؟! عايز تورطنا مع الحكومة ؟

دينا بحدة : على فكرة انا مرات ضابط .. يعني مش هيسيبك الا لما يجب اخرتك

نمر : نفذو من سكات .. ما تخلونيش استعمل معاكم اساليبي الخاصة

لارا : و لو ما نفذناش ؟ هتعمل ايه ؟

نمر : هقعدكم على مكنة التعذ..يب .. الي هناك دي

نظر جميعهم نحو الالة .. كانت عبارة عن كرسي متصل باسلاك كهربائية و جانبه ازرار للتحكم

سعدية : اعذروني يا عيال معنديش حل تاني .. ابني وشه بقا معروف عند البوليس مش عايزة اخسره

حلا بسخرية : تصدقي صوعوبتي عليا

فارس : احنا مستحيل نشترك بحاجة زي كدة .. دي جر..يمة

نمر : نفذه الي بقوله من سكات .. هنروح كلنا للمكان انتو هتنزلو للتسليم و انا هكون مستنيكم بالعربية

دينا : و امته العملية دي يا اسطا ؟!

نمر : كمان ساعتين

لارا : طول عمري اعرف انها بتتعمل بالليل اشمعنا انت هتعملها بالنهار ؟!

فارس : فعلا الضلمة استر للحاجات الي زي دي

نمر : لا بالليل البوليس بيكونو مصحصحين جامد و دايرين بالطرقة عشان السرقة الي بتحصل الايام دي

فارس : انت ار..هابي كريتيف على فكرة

نمر : اقعدو يلا عشان اشرحلكم طريقة التسليم .. صحصحو معايا كدة

دينا بخفوت : مصحصين يا باشا

جلسو جميعهم حول طاولة جانبية و قدمو رؤوسهم من بعضهم البعض .. اخرج نمر خريطة و ووضعها امامهم

نمر : دلوقتي الجماعة الي هتستلم هيكونو بالمنطقة دي .. هيا مقطوعة و مفيهاش لا بيوت و لا ناس .. التسليم هيتم بدقيقتين تدوهم الكيس ده و هما هيدوكم ظرف فيه فلوس

حلا : كل القلق ده عشان نسلم كيس الهدايا ده ؟!

نمر : امم و لو اتقفشنا هنلبس كلنا مع بعض

دينا بخفوت : و البضاعة بود..رة و لا حش.يش ؟ اصل الكيس صغير اوي

نمر : لا ده بر..شام .. ما تركزوش بالتفاصيل .. دلوقتي هنطلع نركب العربية و هتنزل انت تسلمهم و البنات دول هيكونو وراك عشان الهيبة

لارا : هيبة ؟! دلوقتي البنات بقت تعملكم هيبة ؟! جاتكم القرف يا عرة الرجالة

نمر : لو هتشتمي هقوم حالا اوريكي مكنة التعذيب بتشتغل ازاي و تبقي عبرة ليهم

فارس : سيبك منها و ركز معايا .. دلوقتي لو حصل غدر و خدو البضاعة و ما ادونيش الفلوس هعمل ايه ساعتها ؟؟

نمر : ما تقلقش المعلم مش بيغدر .. امشو ورايا يلا

حلا : مش لازم نتنكر زي بتوع المسلسلات ؟

نمر : لا بالعكس لازم يكون شكلكو طبيعي و ابن ناس

لارا : ابن ناس ؟ يبقى ضاع مستقبلي

دينا : و انا اعتبروني اتطلقت قبل ما اتجوز اصلا

حلا : اشوفكم بالنيابة يا عيال .. فارس حبيبي هتوحشني اوي

فارس : معلش يا روحي نستحمل كام سنة .. على العهد حتى نلتقي

نمر : اخرسو بقا ايه كل الرغي ده .. امشو ورايا يلا

************************

كانت تضع رأسها على صدره و قد نامت من شدة التعب و التفكير

اوس : حبيبة .. حبيبتي

حبيبة بفزع : ها… في ايه ؟؟!

اوس : مالك يا حبيبتي في ايه ؟

حبيبة بتوتر : هما حلا و دينا ما رجعوش ؟؟

اوس : لا لسا .. جدي و اهلك اتعصبو بصراحة

حبيبة : يلهوي … طب و تيتة زمردة ؟

اوس : كمان لسا ما روحتش .. حبيبة هو في حاجة ؟

حبيبة بخوف : لا .. بس قلقانة عليهم ليه اتأخرو كدة قالولي ساعتين زمن و هيروحو

اوس : و انت صدقتيهم ؟! دول اكيد عملو مصيبة

حبيبة : طب ما تيجي ندور على تيتة زمردة .. هيا سابتني و راحت لوحدها

اوس : ما احنا عارفين تيتة بتحب تعمل اكشن و تقلقنا عليها و بالاخر بيبقى هزار رخم

حبيبة : بس المرادي يمكن بجد .. امشي نشوفها راحت فين انا هموت من الخضة

اوس : طيب خليكي مرتاحة انتي … انا هكلم يزن و هو هيدور عليها في كل البلد

حبيبة : لا لازم اروح للشارع الي سابتني بيه اكيد فضلت قريبة منه

اوس : طيب قومي خودي شاور و اجهزي عشان نروح و نرجع بسرعة .. و اهو نعدي كمان ع الست الي روحتولها نسألها على فارس و البنات

حبيبة بتوتر : اوك

بعد وقت نزلت حبيبة مع اوس

ايهاب : حبيبة فارس ما قالكيش خد لارا و راحو فين ؟!

حبيبة بتوتر : قالو هيلفلفو شوية بالعربية مع حلا و دينا و يروحو

ايهاب : انا هوريك يا فارس .. طول عمره مستهتر و بيعمل الي بدماغه و بس

خديجة : انت مكبر الحكاية كدة ليه ؟ ده خرج معاهم عشان يفسحهم

ايهاب : خرج من الصبح من غير ما ياخد اذن حسين و لا خولة و خد لارا من غير ما يقولي كمان .. ده عادي بالنسبالك ؟

حسين : اتأخرو اوي العصر هيأدن و هما لسا ما رجعوش

خولة : البت دينا دي عايزة حد يربيها من اول وجديد .. من ساعة ما جينا لهنا و هيا مش طبيعية خالص

اوس : طب انا هاخد حبيبة و نروح نشوفهم راحو فين

عبدالله : قولهم يروحو بسرعة .. طول ما هما مع زمردة مش هيجبوها لبر ابدا

سحر بنفخ : الله يسامحك يما دايما جايبالي الكلام

اوس : تميم و زياد روحو ولا لسا ؟

سحر : روحو يا حبيبي تميم راح شقته و زياد قاعد بيشتغل في الجنينة

سعاد : اوس يا ابني خد بالك من حبيبة .. مش لازم تتعب كتير

اوس : لا مش هتنزل هخليها بالعربية بس هيا هتوريني كانو فين بالزبط .. عن اذنكم

خرج اوس مع حبيبة و التقو بزياد

زياد : على فين العزم ؟!

اوس : امشي معايا ندور عليهم دول لغاية الان ما رجعوش

زياد : يا ليلة سودة اكيد عملو مصيبة دول كلهم متخلفين

اوس باستغراب : بتكلمي مين يا حبيبة ؟

حبيبة بتوتر : بحاول اكلم البنات يمكن وحدة فيهم ترد

اوس : منا من الصبح بكلمهم محدش بيرد .. امشو يزن مستنينا هو هيروح لبيت الدجالة و احنا هندور على زيزي

زياد بذهول : دجالة ؟!

اوس : هحكيلك بالطريق ما تضيعش وقت

*********************

ركن فارس سيارته في منتصف الطريق و نزل هو و حلا و دينا و لارا بينما نمر ينتظرهم في المقعد الخلفي

فارس بضحك : انا حاسس نفسي رايح ادي حبيبتي هدية الفلنتاين بالكيس ابو ورد ده

حلا : انا ايه الي جابني هنا … بالاول كنت رايحة لمشعوذة و دلوقتي بقيت دي..لر

فارس : دي..لر كيوت اوي

دينا : كفاية سهوكة و اتلمو .. لو حد عرف حاجة عن المصيبة دي هيتخرب بيتي انا و الي خلفوني

لارا : هيعرفو … صدقيني هيعرفو و هنبقى بخبر كان .. ده ان خرجنا من السجن من اصله

توقفت امامهم سيارة سوداء و نزل منها ثلاثة رجال .. وقف احدهم امام فارس مباشرة و الاخرين وراءه

الرجل : انا تبع المعلم حسن

فارس : و انا تبع المعلم نمر

ابتسم الرجل و نظر لاصحابه

الرجل بسخرية : هو نمر الاصلع بقا معلم ؟

فارس : سيبك من الحوار ده و سلم الامانة بسرعة عشان الجو لبش و ممكن نتقفش

الرجل : تمام

ناوله الكيس و تناول فارس الظرف من يده .. فتحه و نظر للمبلغ

فارس : انت بتستعبط ؟! دول خمس تلاف جنيه !

الرجل : ده المبلغ الي اتفقنا عليه

فارس بذهول : نعم يا اخويا ؟! تلبسوني قضية اتجار عشان خاطر خمس تلاف جنيه بس ؟؟

الرجل : انت هتقعد ترغي ؟ غور من هنا ياض قبل ما حد يقفشنا

حلا بحدة : طب اتكلم عدل مع خطيبي لاحسن تشوف الوش التاني

الرجل باستهزاء : طب يلا يا حلوين روحو للنمر بتاعكم

دينا : امشو يا شباب مش عايزين … اعااااااااااا

خلال اجزاء من الثانية كانت قوات الامن تحيط بالمكان و يرفعون اسل..حتهم نحو الشباب

الرجل : ده كمين و لا ايه ؟!

الضابط : سلم نفسك انت و هو … المكان كله محاصر

فارس : صلاة النبي احسن .. شكلنا لبسنا بجد

لارا بقهر : منا قولتلكم .. متوقعين ايه من الحوار ده ؟؟ يعني هتنتهي نهاية سعيدة مثلا ؟

فارس : كنت عارف هيحصل كدة .. كله من الغبي الي اسمه نمر ده

حلا : صباح الفل .. روحنا بداهية

تقدم منهم مجموعة من العساكر و قيدوهم جيدا

فارس بصوت عالي : في واحد في العربية .. في واحد في العربية

توجه احد الضباط لسيارة فارس و القى القبض على نمر … ركبو البوكس جميعهم و انطلقو نحو قسم الشرطة

******************

في الشارع .. كان يقف يزن و اوس و حبيبة و زياد تحت شجرة برتقال على طرف الطريق

يزن : روحت للست قالتلي ما شافتش حد ابدا

حبيبة بذهول : مستحيل احنا كنا عندها الصبح

يزن : بصراحة انا اول مرة اشوف الست دي رغم اني اعرف اغلب اهل البلد و عارف الستات الي بيشتغلو الشغل ده كويس اوي .. بس دي جديدة عليا

اوس : يعني راحو فين مثلا ؟ .. اكيد هيشلوني

حبيبة بتوتر : اوس .. انا لازم اعترفلك بحاجة

زياد : استر يا رب .. انا قولت خوفك ده مش طبيعي

اوس : قولي يا حبيبتي في ايه ؟

حبيبة ببكاء : انا ما قولتلكش الحقيقة كاملة .. بصراحة دينا و حلا و فارس و لارا كلهم فضلو غصب عنهم هناك و الراجل قالي هياخدهم يساعدوه بشغل و هد..دني لو قولت لحد هيأذيهم

اوس بذهول : يعني هما مخطوفين دلوقتي ؟!

زياد : و انتي باردة كدة عادي ؟!

حبيبة : لا الراجل وعدني هيسيبهم يروحو بعد ساعتين و اداني الكرت بتاعه عشان اطمن عليهم

اوس : يا رب هتشل .. هتشل لو فضلت كدة .. ارحمني يا رب

زياد بضحك : اداها الكرت بتاعه .. بلطجي ماشي بكرت

يزن : ممكن اشوف الكرت الي بتقولي عليه ده

اخرجت حبيبة الكرت و اعطته ليزن

يزن بتدقيق : جربتي تكلميه ؟

حبيبة : ايوة الخط مقفول

يزن : كدة نقدر نقول مبروك اتضحك عليكي يا مرات اخويا

حبيبة ببكاء : كنت حاسة و الله كنت حاسة

زياد : طيب و بعدين ؟ هندور عليهم في انهي داهية ؟!

اوس : طب و زيزي راحت فين ؟

حبيبة ببكاء : ما اعرفش سابتني هنا عشان الراجل خد الكوتشي بتاعها و ما اعرفش راحت فين بالزبط

يزن باستغراب : يعني هتكون راحت فين ؟!

فجأة سقط على رأسه حبة برتقال

زمردة من فوق الشجرة : انا هنا يا جميل

اوس : انتي طلعتي فوق ازاااي ؟!

زمردة : ايه الي ازاي ؟ زي البني ادمين .. حد ينزلني يلا

يزن : و هتنزلوها ازاي دي ؟!

زمردة : افتح ايديك كدة و امسكني

يزن بفزع : و انا مال اهلي ؟ ما حفيدك عندك هو الي يشيل الليلة

اوس : انزلي يا زيزي يلا .. انا مش فاهم انتي ازاي طلعتي اصلا

زياد : الست دي عندها لياقة فظيعة ده احنا شباب و ما بنعرفش نعمل زيها

امسك اوس يدها و ساعدها على النزول

زمردة : جبتيلي حاجة البسها برجليا و لا لأ

حبيبة : لا

زمردة : البت دي هتنقطني .. خود مراتك من وشي يا اوس

اتجهت زمردة للسيارة و ركبت في المقعد الخلفي

يزن : استني يا ست .. فين باقي العيال طيب ؟ زمردة : نمر ابن سعدية خدهم عشان شغل .. اعتقد في وراه مصيبة

اوس : شغل ايه ده الي عايزهم بيه ؟

زمردة : اكيد حاجة غلط

اوس : يا سلام ؟ يعني عارفة ان الست دي مش كويسة و ابنها ماشي بالغلط و برضو اخدتي العيال و روحتيلها

زمردة : ما انا عملت كدة عشان مصلحة مراتك .. صحيح سعدية واطية بس برضو صاحبتي من زمان و اروبة .. بتعرف تفك الاعمال في مينيت

اوس : انا هتجلط .. الاقيها منك و لا من شلة المجانين الي عايش معاهم … دلوقتي حالا هتروحي معايا للست دي و تعرفي منها الشباب راحو فين

حبيبة بخوف : و افرض ابنها عرف و اذاهم

يزن : زيزي هانم .. الست دي ساكنة هنا من زمان ؟

زمردة : لا هي بالاصل ساكنة في حتة تانية و ده بيت اخو جوزها بيجو هنا في الوقت ده من السنة .. اصلها بتلقط رزقها بكل مكان .. بس يحرام من ساعة ما جات هنا من تلات شهور ما حدش داس بيتها .. يمكن عشان مش…

اوس بمقاطعة : كفاية يا تيتة ابوس ايدك .. عندك وقت للكلام و العيال مختفين ؟!

كانت سترد عليه و لكن قاطعم صوت رنين هاتف يزن .. رد يزن على المتصل

يزن : ايوة يا احمد .. ماشي جاي حالا

اغلق الهاتف و نظر لاوس و قال : اوس انا لازم اروح القسم عندي شغل .. هخلص بسرعة و اجيلك نروح للست دي مع بعض

اوس : يزن مفيش وقت العيال ممكن يكونو بخطر

يزن : طب اقولك .. هروح اجيب الست دي و احقق معاها بالقسم احسن

زياد : صح كدة .. بالقسم هتخاف و تقر بكل حاجة

زمردة : و انا هروح معاكم .. عايزة الكوتشي بتاعي

حبيبة بجنون : انتي ايييييه ؟! كل الي بتفكري بيه الكوتشي بتاعك ؟؟ انتي الي وقعتيهم بالمصيبة دي .. حسي بالذنب شوية

زمردة : مراتك لسانها طويل يا اوس و مش محترمة اني جدتك على فكرة !

اوس : ده منظر جدة ؟! ابوس ايدك يا زيزي بطلي رغي و ما تفقعليش المرارة

********************

في قسم الشرطة

الضابط بملل : كفاية بقا يا بنتي صدعتيني … اسكتي ربنا يهديكي

حلا : بقولك بريئة .. من حقي ادافع عن نفسي

فارس : يا حضرة الضابط احنا كنا مجبورين ننفذ كلام الي اسمه نمر ده عشان ما يأذيناش .. ده هد..دنا هيعذبنا و كان معانا واحدة حامل يعني كان ممكن تتعرض للخطر

الضابط : طيب الكلام ده تقولوه لما يجي الضابط الي هيستلم القضية دي .. نزلهم ع الحجز يا ابني

لارا : حجز ايه يفندم .. انت مش شايف شكلنا ؟! انا لسا صغيرة ع السجن

الضابط : ما تخافيش يا بنتي مش هيحصلك حاجة بس احنا عندنا شوية اجراءات لازم تتم مش هتفضلو متلقحين بوشي يعني

دينا بابتسامة : هتحبسونا يعني ؟!

الضابط : انتي مبسوطة بالكارثة الي عملتيها ؟! دي جناية يا بنتي ربنا يهديكي

دينا بسعادة : تحفة يا ربي تحفة

حلا : اتلمي يا بت ده احنا هنشوف ايام سودة

الضابط : خودهم يا ابني و هاتلي بنادول دماغي هتنفجر من رغيهم

تقدم احد العساكر و قال : اتفضلو معايا من فضلكم

حلا بابتسامة : السجن هنا محترم اوي

فارس : اشوف وشك على خير يا حبيبتي هتوحشيني اوي

حلا : خود بالك من نفسك يالا و ما تخليش حد يجي جنبك

فارس : انتي هتقوليلي .. ده انا مستني اللحظة دي من زمان

العسكري : كفاية يفندم صدعتونا .. اتفضلو معايا

اخذ فارس لحجز الرجال بينما البنات الى حجز النساء

حلا باستغراب : ايه ده ان شاء الله ؟! ليه مفيش حد هنا ؟!

دينا : معرفش .. يمكن احنا جايين بدري

لارا : ليه يختي كنتي عايزة تقابلي حد بالمكان ده ؟!

حلا : هففف كنت هموت و اضرب حد عشان اطلع طاقتي السلبية دي

دينا بسرحان : شكله الموضوع ابسط مما تخيلت .. دلوقتي هيجي يزن و هيقول قدام الكل دي خطيبتي و ملهاش ذنب و يلا خرجوها

حلا : بجد ؟ انتي مصدقة حوار المسلسلات التركية ده ؟ .. يا بنتي يزن ده لو جيه و شافك هنا هيرمي يمين الطلاق بوشك و يرحلك للنيابة

لارا : يعني لو ده حصل و خطيبك طلع جنتل مان و سابنا نمشي من غير ما يضيع مستقبلنا .. تفتكري جدك مش هيعرف بالحكاية دي ؟ تفتكري هنرجع البيت عادي كأن شيئا لم يكن ؟

حلا : بكل الحالات هيطلع عين الي خلفونا .. انا ان ما اتحبستش اكيد اكيد بابا هيدبحني و يغسل شرفه بايده

لارا : و انا بابا هيتبرا مني و يطلق امي بعد الفضيحة دي

دينا : انتو متشائمين جدا على فكرة

دلف فارس حجز الرجال و انصدم من اعدادهم و اشكالهم المخيفة

فارس ببلاهة : هيلووووو

نمر بسخرية : اهلا بالخاين

جلس فارس بجانبه و قال : خاين ؟! على العموم ربنا يفك كربك يا زميلي

نمر : كل الي حصلنا بسببك منك لله

فارس : و انت ايه الي ملخبط وشك كدة ؟ ده انا سايبك من دقيقتين و كنت زي الفل

نمر : ولاد الكلب علمو عليا .. ما تبصلهمش لاحسن يضربوك

فارس : تصدق عندهم حق .. ورطت نفسك و ورطتني انا و البنات عشان خاطر خمس تلاف جنيه يا حمار ؟! ما كنت تقولي كنت هديك اكتر و بالحلال

نمر : اعوذ بالله .. ده انا كنت اموت و لا اخد فلوس من حد كدة .. ما بحسش بقيمة الفلوس غير لما اتعب بيها

فارس : و الله ؟! يعني انك تشتغل د..يلر كدة جبت الفلوس من عرق جبينك ؟!

نمر : انت مش فاهم .. ده الكيف انا بتبسط كدة بحب احس اني عملت حاجة مميزة مش تقليدية و عادية .. منا كنت شغال بكشك زمان و زهقت .. الشغل ده بيخليك كل يوم تحس انك بتجدد

فارس : اوه ماي جاد .. ده انت شمال الشمال يا نمر .. عارف لو اتجوزت و خلفت بنت .. هتبقى نمرة هههههه

نمر : تافه

فارس : و الله ما في تافه غيرك .. في بني ادم عاقل يسلم ممنو..عات بالنهار يا غبي ؟! لا و ايه بكيس هدايا .. كل المجازفة دي عشان كام شريط بر..شام ؟!

نمر : محنا قولنا هنعملها كدة يمكن ما نتفشش زي المرة الي فاتت

فارس : و انت اتقفشت امته يعني ؟

نمر : لا انا هربت الرجالة بتوع المعلم هما الي اتقفشو

فارس : طب خلاص خلاص ما تحكيليش قصة حياتك .. سيبني بهمي … ااااه و الله و بقيت سوابق زيك يا مزتي

******************

بعد ان روت لهم حبيبة كل ما حدث بالتفصيل توقفت سيارة اوس امام قسم الشرطة

يزن : اوس تقدر تمشي انت … انا هدور عليهم و احقق مع الست دي

سعدية : زيزي ابوس ايدك قوليلهم يسيبوني انا مليش دعوة

زمردة : نسيبك بعد كل الي عملتيه ؟ ده انتي سرقتي الكوتشي بتاعي و الانسيال بتاع البت الغلبانة دي و فوق كل ده لميتي موبايلات العيال يا زبالة .. ملعون ابو كدة صحوبية .. الهي تدخلي ما تطلعي يا زبالة .. انا عايزة اعمل محضر يا سيادة الضابط

حبيبة : و بالنسبة للعيال الي اتخطفو دول عادي يعني ؟!

زمردة : الي اتخطف يرجع يضنايا

اوس : كفاية بقا .. يزن احنا ما ينفعش نروح من غيرهم .. كدة جدي ممكن يقلق فاحنا هنستناك هنا خلص الي بايدك بسرعة و شوف حكاية الست دي ايه

يزن : طيب .. اتفضلي قدامي

دلف يزن القسم و توجه الى مكتبه

العسكري : يزن باشا .. المتهمين تحت بالحجز تحب نعرضهم على حضرتك دلوقتي ؟

يزن : استنا اما اشوف حكاية الست دي الاول

العسكري : بس يا فندم المتهمين في بينهم بنات و باين عليهم بنات ناس .. ميصحش يفضلو يستنو كدة

يزن باستغراب : بنات ؟! كام واحدة ؟

العسكري : تلاتة يا باشا

يزن بذهول : معقولة هما ؟! .. جيبهم حالا

العسكري : كلهم و لا البنات بس ؟

يزن بغضب : كلهم يا ربيع كلهم

امسك الملف امامه و بدأ يقرأه بعينيه

بعد دقائق .. دلف فارس و نمر اولا ثم دلفت البنات بعدهم

خبط يزن يداه الاثنتان على الطاولة بغضب و قال : انتو هنا بتعملو ايييييه ؟!

انكمشت لارا و تمسكت بدينا التي تحاول ان تظهر ثباتها

حلا بغضب : انتي هنا يا اوزعة .. جيتي لقدرك برجليكي .. و ديني لاطحنك دلوقتي

يزن بغضب : اسكتي انتي .. ايه الي جابكم القسم يا متخلفين ؟

فارس : الجحش ده وقعنا بمصيبة و لبسنا قضية مخد..رات

يزن بصدمة : و الله ؟

فارس : اقسم بالله

يزن : يعني مش انتو الي روحتوله برجليكم ؟! انتو الي وقعتو نفسكم بالورطة دي لما روحتو للدجالة يا اغبياء

دينا بابتسامة خوف : ايه ده انت عرفت الحكاية من اولها ؟!

يزن بغضب عارم : يا عسكري .. خودهم برا و سيبلي البنت دي

فارس : ده وقته يا حضابط ؟!

يزن بحدة : اخرس انت .. خرجهم و اقفل الباب وراك

خرج الجميع و بقيت دينا وحدها امام يزن

دينا بتوتر : و الله هما الي…

يزن بجنون : مش عايز اسمع و لا كلمة .. ايه الي عملتيه ده ؟! مش للدرجادي الاستهتار .. بالاول روحتي لست دجالة و دلوقتي جايالي القسم بقضية مخ..درات .. ما فكرتيش بسمعتك و شكلك قدام الناس ؟! ع الاقل اعملي حساب لاهلك .. انا موقفي ايه دلوقتي قدام زمايلي ؟! هقولهم دي مراتي الي جاية القسم بالتهمة المنيلة دي ؟! فهميني عايزة توصلي لايه يا دينا ؟!

دينا : و الله ما كنت اعرف ان ده هيحصل .. اكيد مش هخرب بيتي بايدي و بعدين هما الي …

يزن بغضب : انتي روحتي للست دي بارادتك … محدش غصبك عشان تتهوري كدة .. ما تحطيش الذنب على غيرك و انتي اول وحدة شجعتيهم .. قوليلي دلوقتي هتحلي المشكلة دي ازاي ؟

دينا : البركة فيك يا حضابظ

يزن : انا مش بهزر … انتي متخيلية شكلي هيكون ايه لما يعرفو ان المتهمة دي تبقى مراتي ؟ … ما فكرتيش بامك الغلبانة لما تعرف ان بنتها كانت بالسجن عشان تهورها ؟ ما حسبتيش حساب ان اهل باباكي ممكن يعرفو بالكلام ده ؟ هيبقى شكلك ايه قدامهم ساعتها قوليلي ؟

دينا بغصة : كفاية يا يزن مش انت و الدنيا عليا .. بقولك انا مليش ذنب الراجل هو الي اجبرنا نعمل كدة

يزن بحدة : لو ما روحتيش للست دي من الاول ما كانش حصل كل ده

دينا ببكاء : و انا اعمل ايه ما زيزي هيا الي كانت عايزانا نروح عشان حبيبة

يزن بنفاذ صبر : يعني بعد كل الي عملتيه ده برضو مصممة ان انتي الضحية ؟

دينا و هي تبكي : قول بقا انك ما بقيتش تحبني .. او انك ما حبيتنيش من الاول .. ما انت لو كنت بتحبني كنت عملت زي كل ابطال الروايات و جيت انقذتني بدل ما تهزقني كدة .. دول بيخوضو حروب عشان حبيباتهم بس انت مش عايز حتى تعترف اني مراتك

يزن بذهول : ارحمني يا ربي .. يا بنت سيبك من جو الروايات ده و خليكي بالواقع .. انتي لبستي قضية مخد..رات يا دينا مش اسيرة في اسر..ائيل عشان اخوض حرب و انقذك

دينا ببكاء شديد : اهو شوفت ما بتحبنيش

يزن : ممكن ما تعيطيش عشان اعرف احل المصيبة دي ؟

دينا : لا .. مش هبطل عياط و وريني بقا هتعمل ايه

يزن : و الله ؟!

شدها من خصرها بقوة نحوه حتى التصقت به و اخذ يقبل شفتيها بعنف شديد

دينا بتوهان : من امته في ضابط بيبوس متهمة عنده يا يزن بيه ؟!

يزن : المتهمة دي تبقى مراتي

دينا بعبوس : اه مراتك الي مش عايز تخلصها من المصيبة الي هيا فيها

يزن : و مين قالك اني مش هخلصك .. بس برضو كله بحسابه يا مدام

دينا بتحذير : كام مرة قولت الكلمة دي بتستفزني ؟!

يزن : انتي مش بموقف يسمحلك تدي ملاحظات يا متهمة هانم

دينا : اوك يا حضابط .. ممكن جدو ما يعرفش حاجة عن الحكاية دي عشان ما اسمعش تهزيق تاني ؟!

يزن : مش لما ناخد اقول القبيلة الي برا الاول ؟! ده في محضر و ليلة سودة مستنياكم

دينا : ما قولنالك بريئين … محضر ايه الي بتتكلم عليه ده ؟!

يزن : هاتي ايدك كدة

امسك يدها و بدأ يعد على اصابعها

يزن : عندك قضية سر..قة و قضية نص.ب و احتيا.ل و قضية خط..ف و قضية تجارة ممنو..عات

دينا : يا انهار اسود كل ده ؟!

يزن : ايوة … انا هكلم اوس يجيب جدته و مراته عشان دول شهود عيان ع الي حصل ده .. لازم افهم الحكاية من طقق للسلام عليكم عشان اعرف هكتب ايه بالمحضر

دينا : طيب و مستني ايه ؟ انا ماما هتنفخني لو تأخرت اكتر من كدة

***************************

بعد وقت .. في بيت عبد الله

عبد الله : ليلتهم سودة ان شاء الله

سحر : ليه يعمي حصل حاجة ؟

عبد الله : لا

خولة : اتأخرو اوي مش كدة ؟ قلبي واكلني ع البنات

حسين : يمكن حصل معاهم حاجة اخرتهم .. انا هكلم اوس و اشوفهم راحو فين

ايهاب : اقسم بالله ما هعديها كدة .. و الله لاوريك يا فارس الكلب

غادة : بكلم زياد و فارس محدش بيرد عليا

حسين : و اوس مش بيرد برضو

سعاد : انا قلقانة على حبيبة اوي .. دي بطنها قدامها مش لازم تخرج

حسين : مهي مع جوزها .. بس بنتك التانية دي الي مختفية

سعاد : ما برضو فارس جوز حلا دي مكتوب كتابها

حسين بحدة : بس بنتي لسا عندي و ما عملوش فرح يبقى ما تخرجش من غير اذني

سعاد : و الله حلا لو راحت لاخر الدنيا هتعرف تخلص نفسها و ترجع بس البت حبيبة دي غلبانة

كارما : لارا قافلة موبايلها

غادة : كلهم قافلين موبيلاتهم

مصطفى : يمكن يكون مقلب منهم عايزين يخوفوكم و خلاص

خديجة بقلق : ما اعتقدش .. لارا مش بتطيق الحركات دي

عبد الله بنظرات ذات مغزى : اول ما يجيو محدش يفتح بوقه بكلمه .. انا الي هكلمهم الاول

عدنان : انت عارف حاجة يابا و مخبي علينا ؟!

عبد الله : الصبر .. الصبر يا ابني

دلف جميع الشباب و اولهم زمردة

عبد الله بهدوء : يا اهلا و سهلا .. كنتو فين ؟

زياد: كانو في السوق مع زيزي بيشترو حاجات

عبد الله : مفيش اكياس بايديهم

دينا : بصراحة احنا كنا …

عبد الله بمقاطعة : من غير كدب عشان انا عارف كل حاجة

حلا بتوتر : و عرفت ازاي ؟ حضرتك مراقبنا ؟

عبد الله : اممم تقدري تقولي كدة يا حلا .. بس اخر حاجة توقعتها يعني ان حبيبة تكدب عليا .. و لا ايه يا حبيبة ؟

حبيبة بتوتر : جدو .. اقسم بالله كان غصب عني

عبد الله : فين يزن ؟

اوس : بالقسم

عبد الله : كلمه و قوله يجيلي حالا

زياد : الله يرحمه … اترملتي يا دينا

حسين : هو فيه ايه بالزبط يا عمي ؟ العيال عملو حاجة غلط ؟

عبد الله : العيال يا حسين راحو مع زمردة هانم عند ست دجالة

حسين بذهول : ده بجد ؟!!!!

زمردة بانفعال : انا كنت عايزة مصلحتهم .. البنت دي حالها مش عاجبني و قالتلي انها بتشوف كوابيس و اديكو شايفين تأخرت بالولادة اوي .. و الست قالت ان حد عملها عمل

سعاد بشهقة : بجد ؟ و الله قلبي كان حاسس .. قالتلك مين الي عمله ؟

زمردة : اه قالت انه حد من البيت ده .. و انا بصراحة عرفته

خديجة : يا انهار اسود .. لازم نكلم حد يقرا علينا البيت كدة هيتخرب و البت ممكن تروح فيها

خولة بتوتر : و دينا راحت معاكم ليه ؟! حد عملها حاجة ؟ اصل حالها مش عاجبني من فترة

زمردة : ما تقلقوش كل حاجة هتبقى تمام سعدية ادتني الطريقة

سحر : هيا سعدية رجعت البلد امته ؟

زمردة : من كام اسبوع كدة .. بيتك يا بنتي مليان طاقة سلبية لازم تحصنيه كويس

سحر : اقسم بالله ليل نهار المبخرة شغالة و القرآن ما بيتقطعش .. مين ده الي عايز يأذينا ؟!

عندنان : خلصتو حلقة الدجل و الشعوذة دي ؟!

سحر : انا هكلم الشيخة زهرة تيجي ترقي البيت

عدنان : كفاية خزعبلات يا سحر انتي هتبقي شبه امك ؟!

ايهاب بغضب : رايحين لشيخة قولنا ماشي .. بس واخدين الشحط ده معاكم ليه ؟؟؟

فارس بتوتر : زيزي هيا الي قالتلي

زمردة : كداااب .. انت جيت بمزاجك .. انا ما أجبرتش حد

حبيبة : لا اجبرتيني و حتى لارا ما كانتش عايزة تروح و انتي الي اقنعتيها

عبد الله : انتو حنيتو للعقوبة مش كدة يا عيال ؟

دينا برجاء : و النبي يا جدو لااااااا و الله اتهدينا النهاردة

عبدالله : اخبار خطيبك الضابط ايه يا دينا ؟ لسا عنده استعداد يتجوزك ؟

دينا بعدم فهم : ايه علاقة ده بكلامنا ؟

عبد الله : يعني بما انك بقيتي سوابق و كدة .. الا انتو كنتو بتاجرو بايه ؟

خولة بذهول : هو في ايه يا عمي

دينا بتوتر : الله يرحمني

زمردة باندفاع : على فكرة كل الي حصل بسبب البنت دي

حبيبة بذهول : و الله ؟ انا عملت ايه ؟ انتي الي وديتنا بداهية

حلا : اقسم بالله يا بت لولا العيل الي ببطنك كنت جبتك ارض و اكلتك بسناني

دينا : حمارة.. عمرك شوفتي بطلجي شايل كرت يا هبلة ؟؟

حبيبة : و الله انا عمري ما قابلت بطلجية قبل كدة

لارا : دي عبيطة و صدقت انه هيروحنا كدة عادي بعد ما نقطفله البامية

ايهاب : بامية ايه يا لارا ؟ انا مش فاهم حاجة عملتو ايييه ؟؟؟

لارا بتوتر : بابا .. انا روحت معاهم غصب عني و حصل الي حصل بقا

ايهاب بجنون : حصل ايه انطقييي

عبد الله : العيال دول كانو بالقسم عشان اتمسكو و هم بيسلمو بضاعة

ايهاب بذهول : و الله ؟!

عبدالله : و لو يزن ما لحقهمش كانو هيلبسو القضية و نبقى سيرة على كل لسان .. مش كدة يا دينا ؟

دينا : هو انا ممكن اسأل سؤال ؟ .. حضرتك عرفت منين ؟

عبدالله : و الله انا عايش في البلد دي من يوما اتولدت طبيعي يعني يكون ليا حبايب بكل حتة فيها

ايهاب بجنون : و رحمة امي ما هسيبك يا فارس

فك حزام البنطلون و سحبه

فارس بفزع : في يا بابا انت هتغتصبني و لا اييييه ؟؟؟

ايهاب : و رحمة امي لاخليه يعلم على جلدك

هرب فارس و تبعه ايهاب و يضربه بالحزام

حلا : ايه الي بتعمله ده يا عمي مش ..

لم تكمل كلامها بسبب حزام ايهاب الذي هوا على كتفها

حلا : لاااااا …لا يعمي انا مليش دعوة

انتقل ايهاب للارا و ضربها و هي ركضت و تمسكت بفارس الذي يركض حول طاولة الطعام و ايهاب يجري ورائهم

عبدالله بصوت عالي : كفايةةةةةةةة .. بس يا ايهاب سيب العيال

ايهاب و هو يتنفس بسرعة : و رحمة امي لاوريك يا فارس .. خلااص بقيت منحرف انت و خطيبتك و اختك ؟! عايزين توطو راسي يا كلاب ؟؟

فارس : بقولك متورطين .. اهو جيه يزن اسأله

ايهاب : ما انت لو راجل ما كنتش هتروح معاهم من الاساس و لا كنت هتسمح لخطبيتك و اختك و قرايبك يروحو للمكان ده

يزن بذهول : هو في اييه ؟! ده فخ يا اوس ؟

اوس : تقدر تقول كدة .. تقريبا هم عرفو كل حاجة من غير ما اقولهم حتى

زياد : الحمدلله المرادي انا و اسرتي الجميلة ملناش يد بالي حصل ابدا .. يتعاقبو لوحدهم بقا

عبدالله : يزن كويس انك جيت يلا يا حنين اقف جنبهم .. مش عايز حد من الكبار يتكلم نص كلمة .. انا الي هحاسبهم يا جماعة

يزن : ايه ؟ هتحاكمنا و لا ايه يا جدي ؟!

عبد الله : انتو الي رجعتوني للايام دي و انا بصراحة كنت مستنيكم على غلطة

اوس بابتسامة : يعني هتعاقبهم ؟

عبد الله : اعاقبكم .. اسمها اعاقبكم يا اوس .. تميم قاعد عندك بتعمل ايه ؟ اتفضل يلا اقف بالطابور

تميم بذهول : ليه انا عملت ايه ؟

عبدالله : هتعرف بعدين .. اقف معاهم يلا

زمردة : طيب عن اذنكم انا هروح انام و اريح بشرتي شوية

عبدالله : على فين يا زمردة هانم ؟ ده انتي اول وحدة هتتعاقبي ………

عبدالله : على فين يا زمردة هانم ؟ ده انتي اول وحدة هتتعاقبي

زمردة بصدمة : نعم ؟!

عبد الله : فريدة عملتي الي قولتلك عليه ؟

فريدة بخبث : طبعا يا جدو اخدت كل حاجتها و خبيتها .. و مش هتعرف تاخد حاجة منها

زمردة : كوا ؟! انتي ازاي تمدي ايدك على حاجتي يا بلونة انتي

فريدة : و الله جدو الي طلب مني انا مليش دعوة

عبد الله : سحر .. طلعي الجلابيات القديمة و ادي امك واحدة منهم .. تصدقو يا عيال انا نفسي بايه دلوقتي ؟

دينا بتوتر : بايه ؟

عبد الله : عيش بلدي من تحت ايد زيزي هانم

دينا بحماس : انا هعمله

عبد الله : اسكتي انتي يا دينا .. زيزي هانم هي الي هتعمله دلوقتي … و انتو عقوبتكم هتبدي من بكرا

حلا : هيا ايه عقوبتنا يجدو ؟!

فارس : هنرجع نلعب بالغيط تاني ؟؟

عبد الله : لا يا ظريف .. قبل ما تقطفو بامية للغريب غيط جدكم اولى .. هتنزلو تقطفوها كلكم مع بعض كدة

زياد : كلهم الي هما مين يعني ؟!

عبد الله : كلكم .. بنات و اولاد .. ما عدا فريدة و حبيبة و غادة

لارا : و الله اشمعنا حبيبة دايما مستبعدة ؟؟ كل مرة هي الي بتورطنا و ما بتتعاقبش معانا .. ده ظلم

سعاد : انتي مش شايفة بطنها ؟! هتنزل تشتغل معاكم ازاي و هيا على وش ولادة ؟

حبيبة : و بعدين انا روحت غصب عني و انتي شاهدة لما دينا و حلا خدوني بالعافية

لارا بغيظ : بس كل الي حصل كان بسببك

زمردة : استني يختي منك ليها … انا مش هشتغل حاجة في البيت ده .. ايه الكلام الاهبل الي سمعته ده ؟ انتي يا بلونة وديتي حاجتي فين ؟

عبد الله : الي قولته هيتنفذ .. انتي هنا في بيتي و الي يقعد في مكان لازم يحترم قوانينه .. و لو مش عاجبك اتفضلي الباب يفوت جمل

زمردة بغضب : اكيد همشي من البيت العجيب ده بس هاتولي حاجتي الاول

عبد الله : دلوقتي حاجتك عند فريدة .. خوديها منها لو قدرتي عليها

زمردة بغضب : هاتي حاجتي يا بت انتي

فريدة : اسفة يا تيتة ما اقدرش .. خصوصا انك من ساعة ما وصلتي عمالة تشتمي بيا .. اعتبريها رد اعتبار او رهينة عندي لغاية ما العقوبة تخلص

زمردة : اه يا حرامية و الله لابلغ البوليس .. حضرة الضابط احبسها دي حرامية

يزن لدينا : هي بتكلمني انا ؟

دينا : ايوة

يزن : و الله يا مدام زيزي انا اتعلم عليا مرتين قبل كدة من الراجل ده .. و دي التالتة مش عايزهم يبقو اربعة الهي تحجي يا شيخة

زمردة : همشي ازاااااي من غير حاجتي يا متخلفين ؟ .. بطاقتي و جواز السفر و فلوسي كلهم بالشنطة

سحر : و ما تتخيليش ان بابا هيبعتلك فلوس او اخواتي ممكن يساعدوكي … عشان بابا زعل منك جامد و ما بقاش عايزك

زمردة بذهول : يعني ايه ؟!

سحر : يعني المحامي كلمه و قاله انك عايزة ترفعي قضية خلع .. عايزة تخلعي جوزك بعد العمر ده يماما ؟! عييييب و الله عيب

زمردة : مستحيل .. توفي ما يقدش يعيش من غيري ابدا

تميم بضحك : توفي ؟ لسا بتقوليه توفي يا تيتة ؟!

زمردة : اخرس انت .. انا مستحيل اشتغل حاجة في البيت ده

سحر : مقدامكيش حل تاني يما .. لو خرجتي من هنا هتروحي لفين ؟ معكيش لا فلوس و لا حاجة … و لو عايزة تفضلي هنا لازم تنفذي اوامر عمي

زمردة بانفعال : مش هشتغل ..ده عايزني اعمل عيش بلدي .. انا اقعد انخل و اعجن زي الخدامة ؟!

عبد الله : و هتلبسي جلابية كمان .. ده احنا لسا بأول الطريق اصبري بس

سحر : يلا يما قدامي عشان اديكي هدوم الشغل

زمردة بغضب : عايزة تشغلي امك يا بت يا عاقة

سحر :معلش يماما دي قوانين البيت .. منا بشتغل من يوما اتجوزت شوفتني قولت حاجة .. مش انتي الي بتقولي السن مجرد رقم يلا عايزين نشوف شطارتك بقا

عدنان : مسكترة علينا ناكل عيش من تحت ايديكي يا حماتي ؟! ده عيد بالنسبالنا

زمردة بقهر : ماشي انا هوريكم .. و الله ما هعديها كدة .. هتشوفو

سحر : طيب يلا يا حبيبتي قدامي عشان تورينا هتعملي ايه

امسكتها سحر من يدها بهدوء و اخذتها للطابق العلوي

تميم : انا لغاية دلوقتي ما عرفتش ايه الي عملته عشان اتعاقب

عبد الله : منا لو قولت هنا ممكن يروح فيها قتيل فخليها سر احسن

زياد : طب انا اقسم بالله ما عملت حاجة .. ليه الظلم ده يا جدو ؟

عبد الله : ما تحلفش بس

فارس : طب و الله حضرتك بتتلكك عشان تعاقبنا .. ما انت عارف اننا بريئين و اهو يزن اسأله

عبد الله : مهو متهم معاكم و هيتعاقب زيه زيك يا حنين

كارما بتوتر : جدو هو انا هتعاقب ؟

عبد الله : لا يحبيبتي انتي كمان مستبعدة .. بس هتشرفي عليهم معايا

كارما بسعادة : يسسس

دينا : ضروري نلبس الجلابيات يا جدو ؟ ينفع ننزل بلبس عادي ؟

عبد الله : ضروري يا دينا .. المرادي ده شغل بجد مش اي كلام زي المرة الي فاتت .. يلا الحقو ارتاحو عشان بكرا هتتعبو اوي

يزن : طب استأذن انا

عبد الله : رايح فين يالا … مفيش مرواح

يزن : اه انا اسير يعني .. تمام هنام فين ؟ برا زي المرة الي فاتت ؟

عبدالله : لا يحبيبي انت دلوقتي كاتب كتابك يبقى هتنام في البيت

يزن بخفوت : قصده باوضتك يعني

دينا : اتلم .. ده انت هتتبسط اوي مع زياد

يزن : و الله ؟!

عبد الله : يلا كل واحد يروح يشوف وراه ايه .. جايكم ايام سودة ان شاء الله

حلا بخوف : و النبي يا جدو تكلم بابا .. من ساعة ما وصلت و هو بيبرقلي

حسين : اخرسي يا حلا

عبد الله : حسين .. لو سمحت يا ابني قولتلك انا الي هعاقبهم .. ما تكبرش الحكاية بقا

حسين : ما اكبرهاش ؟ بنتي متهمة بقضية ممنو..عات و عايزني ما اكبرهاش ؟

حلا : برييييئة قالولك بريئة

عبد الله : كفاية يا حسين غلطهم و هيتحاسبو عليه مش هنقعد نعيد الكلام كل شوية

حسين بحنق : تمام .. زي ما انت عايز يا عمي

توجه عبد الله لمكتبه بينما ذهب الباقين كل الى اشغاله

اوس : يلا يا حبيبتي لازم ترتاحي

حبيبة : جدو زعل مني .. انا كدبت عليه

اوس : جدي لو زعل من كل الدنيا مش هيزعل منك يا حبيبتي

حبيبة : بس كان بيلومني .. سمعته قال ايه .. انا لازم اروح اكلمه

اوس : اوك ان كان ده هيريحك يلا بينا

توجهت الى مكتب جدها و خبطت الباب و دخلت مع اوس

عبد الله : في ايه تاني ؟!

حبيبة ببكاء : جدووو و الله ما كان قصدي اكدب بس انا كنت خايفة

عبد الله : طب ليه بتعيطي ؟

اوس : هرمونات

قام عبد الله و توجه لها و حضنها

عبد الله : بس يا حبيبتي العياط مش كويس عشانك … انا مش زعلان منك

اوس و هو يسحب حبيبة : كلمها من غير احضان دي مراتي انا و انا بس الي احضنها

عبد الله : اسكت انت .. حبيبتي انا مش زعلان منك بس مش عايزها تتكرر عشان انا ادرى بمصلحتهم و لو قولتيلي من الاول كنت هحلها من غير ما يتبهدلو كدة

حبيبة : و الله كنت مخضوضة عليهم و زيزي سابتني و اختفت ساعتها

عبد الله : زيزي دي سبب كل المصايب الي بتحصل ع الارض

حبيبة : اه و الله هي الي قالت للبنات ياخدوني غصب عني

عبد الله : بس اهي هتدفع تمن كل حاجة عملتها من يوما اتولدت لغاية النهاردة .. دي هتشوف ايام منيلة بس استنو و شوفو هعمل بيها ايه

اوس : من دلوقتي هقولك يا حبيبة اوعي تاكلي حاجة من الي هتعمله .. ممكن تسمنا كلنا دي و لا يفرق معاها

حبيبة بخوف : يا انهار اسود .. لا لا مش هاكل

عبد الله : و لا حد هياكل .. دي بس بداية للعقوبة .. روحي ارتاحي يا حبيبتي انتي تعبتي اوي النهاردة

حبيبة : يعيني مش زعلان مني خالص ؟

عبد الله بابتسامة : لا يحبيبتي .. خود مراتك ترتاح يا اوس يلا

اوس : حاضر .. امشي يا حبيبتي

*******************

نزلت زمردة للمطبخ .. كانت ترتدي جلابية واسعة باللون البني الغامق و تلف رأسها بوشاح اسود

زمردة بقرف : دي اخرتي البس كيس زبالة ؟!

سحر : ماما امسكي الدقيق اهو و عندك كل حاجة في المطبخ جاهزة .. يلا اقعدي و اعملينا العيش بقا

جلست زمردة على قطعة خشبية و وضعت سحر وعاء كبير جدا امامها

زمردة بضجر : ايه كل ده يا بنتي هاتي حاجة صغيرة .. ده انا هعمل حتتين بس

سحر : لا يماما عمي طلب كمية كويسة .. و ما تفكريش انك تحطي بيها حاجة كدة و لا كدة عشان هيجبرك تاكلي اول وحدة

زمردة بغضب : اخرسي يا بت بتستقوي على مامتك يا بنت الكلب ؟!

سحر : و الله ده قانون البيت .. انتي عايزاني اتطلق بعد العمر ده و اقعد جنبك يما ؟!

زمردة : طب حطي الدقيق خلصيني

بدأت زمردة تعجن و في كل ثانية ترفع يديها لتتنفس … مسحت جبينها بيدها فاتصق العجين برأسها و مقدمة شعرها

زمردة بصراخ : اعااااااا انا تبهدلت اويييي .. تعالي يا بت الحقيني

دلفت خديجة و خولة بسرعة

خديجة بفزع : ايه الي حصل ؟ انتي كويسة يا طنط ؟

سحر : مفيش حاجة بس جيه شوية عجين على شعرها

خولة : طيب و ايه المشكلة ؟ ده عجين عادي يا طنط

زمردة لسحر : هاتي حاجة امسح بيها وشي يا بنت الكلب

سحر و هي تمسح وجه والدتها : ما انتي الصبح كنتي عيلة بضفاير و بتتنطيي على الي خلفونا .. ايه الي حصلك دلوقتي ؟ لحقتي تعجزي يما

زمردة بغضب : اخرسي انتي العجوزة .. انا بس مليش بشغل الفلاحين ده

خديجة : الا قوليلي يا طنط هو بجد سعدية قالتلك ان حبيبة معمولها عمل ؟

زمردة : ايوة .. و قالت انه حد قريب منها الي عمله

خولة بشهقة : يا انهار اسود .. مين يا زيزي ابوس ايدك تقوليلينا .. البت على وش ولادة و ممكن تتأذي

زمردة بخفوت : سلفتها .. دي الي بتغير منها و مش عايزاها ترتاح بحياتها

سحر : ايه الكلام ده يما ؟! فريدة و حبيبة زي الاخوات و اعز .. و بعدين فريدة لا بتخرج و لا بشوف حد دي طالع عينها مع اسر

خديجة : بس برضو الغيرة ممكن تعمي البصر يا سحر .. يا انهار اسود دي هتعمل حماية على بنتي انا خايفة تأذيها

خولة : لا لا فريدة ابسط من كدة بكتير مستحيل

سحر : و الله ماما بس الي ما بتطيقهاش عشان كدة عايزة توقع بينها و بين حبيبة .. حرام عليكي يما

زمردة : اسكتي انتي ايش فهمك .. مرات ابنك لغاية النهاردة ما ولدتش و شكلها كدة هتتعب لقدام

سحر : ما الطبيعي يما البكرية تخلص شهرها كله ايه الكلام ده بس

زمردة : هه طالعة عبيطة لعماتك .. ده بدل ما تقومي تعمليلها كوباية قرفة تجيبلها الطلق وقتي

سحر بنفاذ صبر : انتي ما بتعجنيش ليه ؟! اشتغلي يلا .. انا هروح اعمل العشا .. يلا يا خديجة انتي و خولة قومو ساعدوني

************************

في اوضة البنات

غادة : انا مش فاهمة انتو ايه الي حصلكم ؟! ازاي وافقتو تروحو للمكان ده ؟

حلا : ابوس ايدك ارحمينا .. احنا ما صدقنا خلصنا من الحوار ده كله

غادة : مش هسكت يا حلا .. انتي ليه محسساني انك عملتي حاجة عادي ؟ انتو ارتكبتو اثم كبير .. روحتو لدجالة و سألتوها و ده حرام

دينا : ما كناش نعرف انها دجالة .. كنا فاكرينها شيخة

حبيبة : كدابة انتي اتبسطي اوي انها دجالة .. و انا يا غادة حذرتهم بس هما ما سمعوش كلامي

دينا : البت دي هتفقعلي مرارتي حد ياخدها من وشي

غادة : ليه ؟ عشان قالت الحق ؟ انتي عارفة يا دينا ان دلوقتي مش هتتقبل صلاتك اربعين يوم ؟ كل ده عشان طيشك الي خلاكي تروحي لست دجالة

دينا : و الله انا ما كنتش مصدقاها .. انا بس كنت عايزة اعرف لو الحاجات الي بالروايات صح و لا خيال و هبل

غادة : مش لازم تسألي على حاجات زي كدة

دينا : ليه ما السحر و الج..ن و الشيا..طين كله ورد بالقرآن فيها ايه لو وسعنا دائرة العلم شوية

غادة : في حاجات لو عرفتيها ممكن تتأذي يا دينا .. الي عملتوه حرام و لازم تستغفري ربنا

دينا : استغفر الله العظيم ربنا يسامحني .. و الله ما كانش في نيتي اعمل ذنب

دلفت فريدة و قالت بغضب : الساحرة الشريرة الي تحت لازم تتأدب

حلا : قصدك زيزي ؟

فريدة : ايوة .. قال ايه انا عملت لحبيبة عمل تخيلو ؟!!!!

حبيبة بضحك : سيبك منها دي ست مش طبيعية

فريدة : مستفزة .. و الله لاوريها و هفضل ورا جدو عشان يزود العقوبة اكتر و اكتر

دينا : بجد طلعت واطية اوي .. ازاي دي جدة ؟! ده انا عجزت من دلوقتي و هي لسا شباب

حلا : لا و بتقول على جوزها توفي تخيلي .. فظيعة

فريدة : طب انتو عارفين انا لقيت ايه بشنطة هدومها ؟

حبيبة : ايه ؟

فريدة بضحك : مايوه .. تخيلي

دينا بذهول : بجد ؟!! و جايباه ليه ان شاء الله ؟ عايزة تغري جدو جنب الترعة ؟!!

غادة : اخرسي يا دينا .. الا صحيح زياد هيتعاقب ليه يا فريدة

فريدة : معرفش يمكن عشان كدب على جدو

غادة : طب تميم عمل ايه ؟

فريدة : معرفش و الله .. كل حاجة بسبب زمردة الساحرة الشريرة

حلا : اقسم بالله لو الست دي مش كبيرة بالسن كنت جبتها من شعرها .. مستفزة و من ساعة ما جات مبطلتش مشاكل

فريدة : طب تعالو نبص عليها و هي بتشتغل و الله شكلها ينعنش القلب كدة

حبيبة : ده انتي قلبك مات يا فريدة

فريدة : و الله هي الي مش سايباني بحالي

حلا بجوع : امشو امشو عايزة اعمل كوباية شاي و اغط العيش بيها كدة مممم .. يلا ننزل

*********************

سحر : و الله و بقيتي شاطرة يماما .. كفاية كدة الكمية كويسة .. انزلي للفرن يلا

زمردة : انزل فين ؟ ما الفرن اهو

سحر : لا .. عمي ما بيحبش الا العيش المعمول على فرن الطين

زمردة بصدمة : نعم يختي ؟؟ طين ؟! لا امبوسيبل … ما اقدرش

خديجة : لو ما نفذتيش ممكن عمي يزود العقوبة اكتر يا زيزي

زمردة : طب هو فين الطين الي بتقولي عليه ده ؟

سحر : الفرن تحت قبل الزريبة على طول .. استني هنده الشباب يروحو معاكي و اهو ينقلو دول معاكي

نزلت الفتيات وراء بعض

سحر : حلا روحي اندهي للاولاد .. قوليلهم ييجو يساعدو زيزي تنقل العيش للفرن الي بالارض

حلا بحماس : حاضر .. بس انا هاخد اول رغيف

سحر : ماشي بس خلصيني

حبيبة بخفوت : طنط .. هو مش حرام نتعبها كدة ؟ دي ست كبيرة يعني

فريدة : اخرسي يا حبيبة خليها تتعلم شوية

سحر : حبيبتي ماما الحمدلله بصحتها و الشغل ده بسيط و مش متعب دي بتعمله و هيا قاعدة .. على الاقل ما طلعناهاش فوق شجرة برتقان زي الصبح

حبيبة : اممم و الله عندك حق

فريدة : ما ينفعش كدة .. احنا لارم نغيظها يا بنات

دينا : نعمل ايه يعني ؟

فريدة : لازم نهتم بنفسنا .. و نحط كريماتنا و ماسكاتنا قدامها عشان تتقهر

غادة : حرام عليكي يا فريدة دي بمقام جدتك

فريدة : اتكتمي

تجمع الشباب بالمطبخ

زياد : هنشيل ايه يا طنط ؟

فارس باندفاع : انا هشيل زيزي

سحر : اتلم يلا .. هتشيلو دول و تودوهم للفرن .. بس ماما الي تخبز مش انتو ماشي ؟

تميم : اكيد يعني ما حدش فينا يعرف يخبز اصلا

سحر : طيب شيلو يلا .. ماما معاكي نص ساعة و العيش يكون جاهز

فريدة : هيا العجينة مالها ملزقة كدة ؟ انتي مش مزودالها دقيق ؟

زمردة بتحذير : بت انتي .. ان ما اتخرستيش هجيبك من شعرك و اعملك ممسحة للمطبخ ده

فريدة : هتشتمي هروح لجدو و هو يجيبلي حقي

زمردة بصراخ : انا ليه اتعاقب لوحدي ؟!! ليه العيال دول ما يتعاقبو معايا ؟

حلا بفحيح : ورديتنا هتبتدي بكرا الصبح من بدري .. بس انتي الراس الكبيرة و لازم تدوقي الاكتر يا زمردة

فارس : لا زمردة ايه ؟ ده احنا دخلنا كوكب اكشن

تميم : ما بلاش غتاتة يالا .. اكبر منك ليها ده انتو شوية و هتتجوزو

خديجة : يلا يا عيال انزلو العبو حوالين طنط زيزي

اكملت بخفوت : عينكو عليها بقا لاحسن تزوغ منكو

تميم : اعيش و انتقم و الله ما هرحمك يا تيتة يا مفترية .. استعنا ع الشقا بالله

كان الشباب يمشون نحو الفرن و كل منهم يحمل صنية على رأسه تحتوي على اقراص العجين

زمردة و هي ترفع طرف جلابيتها : انتو بتعملو من العيش ده كل يوم ؟

حبيبة : لا احيانا طنط سحر بتعمله و احيانا بيجيبو عيش عادي

زمردة : يعني جدك عايز يمرمطني بس

حبيبة : انا لغاية دلوقتي مش قادرة افهمك .. ازاي عايزة تطلقي بعد العمر ده ؟

زمردة : العمر مجرد رقم و الطلاق ملهوش علاقة بالسن يا ساذجة

حبيبة : بس حسب كلام اوس ان انتي كنتي بتحبي جدو توفيق اوي .. ايه الي اتغير دلوقتي ؟ ازاي هتستحملي تعيشي من غيره ؟

زمردة : ايوة بنحب بعض بس برضو مش لازم يغلط بيا

فريدة : و الله كتر خيره الي استحملك عمر بحاله .. ده انتي قعدتي عندنا يومين بس و كرهتينا الدنيا

زمردة : اخرسي انتي يا بلونة .. انا مش فاهمة تميم ايه الي عاجبه بيكي

فريدة بغرور : كل حاجة .. الشغل الي انتي مش بتعرفي تعمليه ده انا اعمله بخمس دقايق

زمردة بغيظ : بلونة .. غوري من وشي اتلهي بالبيبي بتاعك

حبيبة : زيزي .. هتعملي ايه لو جدو توفيق حصله حاجة و انتي بعيدة عنه ؟ هتسامحي نفسك ؟

زمردة بفزع : تفي من بوقك يا ولية .. بعد الشر عن قلبه … ان شاء الله البلونة دي تفرقع قدامي يا رب

فريدة : حسبي الله و نعم الوكيل .. انتي مالك يا ست انتي ؟ انا لغاية دلوقتي ما اتجنتتش لو عايزة تشوفي جناني قوليلي بس و انا اسلط عليكي جدو

زمردة : انتي قاعدة عندي ليه ؟ ما تروحي تشوفي جوزك لاحسن يخونك و انتي شكلك كدة

فريدة : فشر .. تميم مستحيل يبص لغيري .. يا بنات خودو بالكم منها انا هروح اشوف اسر

زمردة بنرفزة : غوري يا بت قبل ما اولع بيكي .. البتاع ده بتولعوه ازاااي ؟!!!

اقتربت منهم دينا و قالت : هاتي انا هولعه و انتي جهزي العيش .. البت حلا ريلت على نفسها من الجوع

نظرت فريدة للشباب … كان جميعهم يلعبون بكرة القدم في الارض بحماس شديد

فريدة : بصو للعيال دول كمان .. و الله لو جدو يشوفهم بس

حبيبة : ارجوكي يا فريدة كفاية .. ما تسيبيهم يلعبو براحتهم هما جم ناحيتك ؟!

فريدة : على قولك .. انا هروح .. باااي زيزي

زمردة بغضب : الهي تروحي ما ترجعي يا بعيدة

بعد وقت .. اجتمع افراد العائلة في حديقة البيت و اعدت سعاد الشاي

زمردة بتعب : اهو خلصت شغلي كله .. ادوني حاجتي بقا

عبد الله : العيش متحروق كدة ليه ؟

زمردة : اعمل ايه ده الي قدرت اعمله

سحر : و الله يعمي ده شغل كويس لوحدة اول مرة بحياتها تخش مطبخ

عبد الله : تمام .. اتفضلي يا زمردة هانم مدي ايدك

زمردة بقرف : مستحيل مش هاكل من الاكل ده

عبد الله : هتاكلي .. يلا يا سحر ادي امك لقمة

سحر : خودي يماما دوقي على الاقل

زمردة : ما حطيتش بيه حاجة مفيش داعي للكلام ده

اخذت حلا رغيف و قطعت منه جزء ثم غطته بكوب الشاي .. رفعت القطعة عاليا و فتحت فمها لتأكلها بشراهة

سعاد بحدة : ما تاكلي زي الناس يا بت

كارما بقرف : بيئة هقول ايه

حلا : ما دي طريقة اكله .. الله !

لارا : بس مش قدامنا جاتك القرف .. شبه عبد العال في ريا و سكينة

حلا بتمثيل : و كتاب الله المجيد ؟

لارا : طفسة

فارس : جرا ايه يا بت ما تسيبوها تاكل براحتها .. و الي مش عاجبه يقوم بقا

ايهاب بتحذير : فارس اخرس انا مش طايق اسمع صوتك .. نرجع احنا لمصر و شوف هعمل بيك ايه يا كلب

فارس باستخفاف : من هنا لشهرين هتكون ناسي الحكاية كلها

ايهاب بحدة : اتلم ما تخلينيش اقوم اضربك من دلوقتي

فارس : خلاص خلاص اتلميت اهو

****************************

في صباح اليوم التالي

نزل جميع الشباب للطابق الارضي و هم يرتدون الجلابيات و كانت دينا ترتدي ذهب والدتها كله كعادتها

عبد الله : فريدة .. جمعتي الغسيل زي ما قولتلك ؟

فريدة : ايوة يا جدو و اهو في وسط البيت زي ما طلبت مني بالزبط

عبد الله : طيب اندهي لزمردة هانم يلا

خرجت زمردة من المطبخ و هي تضع على وجهها مادة بيضاء

حلا : ايه الي حاطاه على وشك ده يا زيزي ؟!

زمردة : ده ماسك النشا و ماء الورد … مضطرة اتصرف طالما حاجتي محجوزة

دينا بابتسامة : ده شكلي لما اعجز يا يزن

يزن : يبقى مبروك اتطلقتي يا هانم .. انا اصلا نفسي اضربها بالنار ما بالك انتي تبقي شبهها

عبد الله : زمردة هانم قدامك طشت الغسيل اتفضلي اغسلي على ايدك يلا

زمردة : و الله ؟! .. في غسالات كتير هنا استعملوها و اغسلو هدومكم

فريدة : و الله احنا هدومنا و غسلناها .. دول هدوم بنتك و احفادك اتفضلي يلا

كارما : ما بلاش لؤم يا فريدة حرام عليكي

فريدة : هي الي بدأت الحرب معايا يبقى تستحملني

رن هاتف عبد الله

عبد الله : انزلو انتو للغيط و انا هحصلكم .. فريدة عينك عليها و اندهي لسحر و سعاد كمان

فريدة بخبث : من عنيا يا جدو

زمردة بهمس : يجد جدري في جلدك يا جربوعة

تميم : يلا يا عيال اتفضلو

فارس : باي زيزي .. سي يو

زمردة بغضب : غور من وشي يالا

توجه الشباب للغيط

فارس بشك : على فكرة جدو كل شوية موبايله بيرن

زياد : و ايه الغريب بده ؟

فارس : يعني جدو مش بيحب الموبايلات كتير .. و انا سمعته امبارح بالليل بيتكلم بيه بصوت واطي كدة و كان واخد باله كويس

تميم : المعنى ؟

فارس : شكله جدو هيعملها يا عيال

حلا : يعمل ايه يا اهبل ؟ انت اتجننت ؟

فارس : طيب ما تيجو نراقبه .. يمكن يكون بيلعب بديله

زياد : اتلم يالا عايزنا نتعاقب تاني ؟!

كارما : على فكرة انا عارفة جدو بيكلم مين

زياد : بيكلم مين يا حبيبة جدك ؟ ……..يتبع

مغامرات عائلية

همس كاتبة

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم

جميع الروايات كامله من هنا 👇 ❤️ 👇

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺

النجم المتوهج The glowing star

القائمة الرئيسية

الصفحات

رواية مغامرات عائليه الفصل الاول حتى الفصل التاسع بقلم همس كاتبه حصريه وجديده على مدونة النجم المتوهج

أخر المواضيع من قسم : روايات وقصص

تعليقات

إرسال تعليق