رواية بعد فوات الاوان الحلقه الثامنه بقلم محمد منصور حصريه وجديده على مدونة النجم المتوهج
رواية بعد فوات الاوان الحلقه الثامنه بقلم محمد منصور حصريه وجديده على مدونة النجم المتوهج
بعد نص الليل كان طارق ومنصور واقفين قصاد المخزن اللي فيهم اللوح
وكانو بيتاكدو ان مافيش حد شايفهم ولما اتاكدو ان الطريق امان طلع طارق مفتاح المخزن وفتح المخزن ودخل وفضل منصور واقف علي باب المخزن وما كملش طارق كام دقيقة وخرج ومع لوحة وقفل بسرعة ومشيو،،،،
بعد فوات الاوان
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
يطلع النهار ومن جوة المدرسة اللي فيها طارق يقف طارق مع منير جوة الفصل اللي بياخدو في حصة الرسم وكان في ايد منير اللوحة اللي طلع بيها طارق من المخزن وبص منير للوحة وقال
انت عارف اللوحة دي بتاعت مين
طارق
يا استاذ عيب دة انا تلميذك. دي لوحة زهور الخشخاش ل فان جوخ
منير كان باصص للوحة باعجاب شديد وقال
دي لو اصلي مش هتقل عن
10 الف
طارق
ولو اتباعت في مزاد
منير وهو بيمشي ايدة علي اللوحة بص له وقال
تعدي
طارق
طيب نعرف ازاي هي اصلي ولا تقليد
منير
لازم بكشف عليها خبير في المجال دة
طارق
تعرف حد يا استاذ
منير
قبل ما اقول اعرف ولا ما اعرفش قولي انتي جبت اللوحة دي منين
طارق
من الروبابكيا
منير
دة مين الحمار اللي فرض فيها بسهوله كدة. ووصلت له ازاي اصلا. دة مسروقه من سنين
طارق
استاذ منير مش شايف ان بدري اوي الاعجاب دة باللوحة دي ممكن تطلع متقلدة
منير مشي ايدة تاني علي اللوحة وقال
اشك ان الخامة بتاعت اللوحة دي موجودة في زمنا دة او الزمن اللي قبل مننا. بس خليني اكشف عليها
و بعدها نتكلم
طارق مسك اللوحة قبل ما منير يمسكها وقال منير
انت خايف تسيبها معايا
طارق
معلش يا استاذ بس دي امانه لما تحدد ميعاد مع الخبير وتيجي رايح له قولي وانا اجي معاك
منير ابتسم وقال
ماشي يا طارق خدها وامشي دلوقتي وانا هبقي اعرف الخبير دة فاضي امتي واروح له انا وانت،،،،،
ويخرج طارق من المدرسة علشان يلاقي قصاد منه نهال اتفزع وقال
انتي عرفتي ازاي اني هنا
نهال
انت مستغرب لية اني عرفت مكانك مش دي مدرستك
وبصيت نهال للوحة اللي كانت في ايد طارق فقال طارق وهو بيخفي اللوحة عن عيون نهال
اة مدرستي بس مستغرب جاية لية لغاية عندي
نهال
امك بتسال عليك انت واخوك منصور
طارق
كنت بجمع لها فلوس المحامي و رايحين لها النهاردة
بصت نهال للوحة وقالت
والفلوس هتيجي لما تبيع اللوحة دي مش كدة
طارق
دي لوحة تقليد بتتباع
ب خمسين جنية مش اكتر. وانا اللي رسمها
نهال لسة عيونها هتطلع علي اللوحة وقالت
لا. تسلم ايدك دي زيها زي الحقيقي.
وحاولت نهال تلمس اللوحة لكن طارق قدر يبعدها عن ايدها وقال
انا لازم امشي دلوقتي
واتحرك طارق ونهال فضلت باصة ناحيته. وهو عمال يبعد وراحت ناحية كشك في تيلفون ارضي وقالت للي واقف في الكشك
هعمل مكالمة
وفعلا بدات تدور اقراص التيلفون الارضي بتاع زمان وطلبت رقم واستنيت شوية لغاية ما جالها الرد ودة كان صوت عكاشة اللي قالت له
اللوحة التانية ظهرت
عكاشة
متاكدة
نهال
شوفتها بعيني في ايدين طارق
عكاشة
الله. كدة بقي لازم نوصل لباقي اللوح قبل ما يبوعها لوحة وراء لوحة
نهال
لازم نحكم العقل لاننا لو اتسرعنا اسعد باشا صاحب اللوح دي ممكن يشم خبر ويعرف انك لسة عايش ووقتها مش هيرحمك
عكاشة
يعني اسيب ولاد سميحة دول لغاية ما يخربو الدنيا. ويخسروني 200 الف ج. حق اللوح دي
نهال
انا هطلع لهم في احلامهم ومش هخليهم يخربو الدنيا لان لو لوحة واحدة اتعرضت في مزاد من اياه. اسعد باشا هيعرف ووقتها هيدفنا واحنا عايشين
عكاشة
يعني ناوية علي اية
نهال
اللوحة لازم ما تتبعش واعرف هما مخبين فين باقي اللوح. واللي هتعرفني باقي اللوح فين هي سميحة،،،،،،،،
ويتغير المشهد وقت ما انا كنت قاعدة في مكتب المامور قصاد نهال اللي كانت بتقول
والله دة اللي حصل ناس طلعو علي طارق ومنصور كسرو عضمهم وكانو وهما بيضربوهم بيقولو فين اللوح
قلبي اتقطع علي ولادي وقولت
حصل امتي الكلام دة
نهال
قبل ما اجي لك بساعة
سميحة
عملها يسري
نهال
مين يسري دة ولوح اية اللي عايزها من ولادك
سميحة
يسري دة عملي الاسود. غراب ما بيحطش رجله في مكان الا بالخراب والغم بس انا مش هسكت
وقومت وقفت وقولت للعسكري
اندهه لي الظابط الموجود هنا
نهال
عايزا الظابط لية بس
سميحة
لازم اقدم بلاغ في يسري
نهال ارتبكت لانها كانت بتكذب وقالت
لا. بلاغ اية بس انتي كدة هتكبري الموضوع
سميحة
ما الموضوع كبير دة انتي بتقولي ضرب عيالي وكسر عضمهم هستني اية لما يقتلهم
نهال اللي لسة مرتبكة
وهو يعني الحل انك تبلغي الحكومة. لازم نفكر بالعقل وندي يسري دة اللي هو عايزه ونحمي عيالك منه
سميحة
تقصدي ادي له اللوح
نهال
بالظبط عرفيني اللوح دي فين وانا هعرف ازاي اساومة بيهم
سميحة الشك امتلك قلبها من ناحية نهال وقالت
تعرفي انك خايبة
نهال
خايبة لية بس الكلام دة
سميحة
اصلك لو مش خايبة يبقي انتي فاكراني انا غبية ومراة عبيطة يضحك عليها بسهوله
نهال
انا مش فاهمة قولت اية غلط يخليكي تقولي كدة
سميحة
قولي للي بعتك ان مافيش لوح والوحيدة اللي ليها الحق تعرف مكان اللوح دي هي محروسة. ولو شوفتك تاني هاقلع شبشبي وانزل بي علي دماغك. وهنسي انك بنت محروسة. دة لو انتي فعلا بنتها،،،،،،،
وتاني يوم الصبح منير كان مستني طارق قصاد المدرسة وجه طارق ومع اللوحة وقال
خير يا استاذ منير
منير
ميعادنا مع الخبير اللي هيشوف الصورة كمان ساعة
طارق فرح اوي وقال
وهنعمل اية لو طلعت اصلي
منير
هتتحط في مزاد وتتباع باعلي سعر. وانا هيكون ليا نسبة 15 % والخبير برضو 15% والباقي حلال عليكم
طارق فرح اوي واتحرك هو ومنير ناحية الخبير. واتصدم طارق لما لقي نفسه في خان الخليلي قصاد محل يسري وقال
هو دة الخبير اللي انت بتقول عليه
منير
الحج يسري احسن واحد في خان الخليلي ومصر كلها يقول لك اللوحة دي اصلي ولا تقليد
طارق
كل الناس كوم ويسري دة كوم تاني. ولو اخر واحد انا مش هوري اللوحة
ولسة هيمشي طارق لقي ايد مسكت ايدة فبص للي ماسك ايدة وكان يسري وقال طارق وهو متعصب
ابعت ايدك عني
يسري بص للوحة وقال
مش كدة يا ابن الغالي والغالية دة انا برضو عمك يسري
طارق
وانا ماليش اعمام. ابعد ايدك عني
وحاول طارق يسحب ايده من ايد يسري لكن يسري كان اقوي وسحبه ناحية المحل وهو بيقول
ما تبقاش راسك ناشفة وتعالي نتكلم جوة
منير شاف المنظر فقال
هو في اية بالظبط
يسري
عيال اليومين دول ما حدش بيعرف يمشي عليهم كلمة
وسحب يسري طارق تاني ناحية المحل وبغباؤة اكتر لدرجة انه كان هيوقع طارق علي الارض لكن هنا يسمع يسري صوت جاي من اول الممر اللي في المحل بتاعه صوت هو عارفه كويس صوت سميحة بتقول
انا مش قولت مرة لو شنبك دة علي راجل فكر تقرب مني انا او عيالي. لكنك قربت و اشتريت عداوتي ما تلومش الا نفسك
الصدمة كانت هتشل يسري اللي كان بيقول
انتي خرجتي ازاي،،،،،،
مين فيكم يا شطار هيقولي سميحة خرجت ازاي. ويلا سلام ومعاها باي
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق