رواية أم العيون السود الحلقه الخامسه من تاليفي محمد منصور. ** منص ** حصريه وجديده على مدونة النجم المتوهج
 |
رواية أم العيون السود الحلقه الخامسه من تاليفي محمد منصور. ** منص ** حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي الوقت دة ترن نغمه الرسايل علي اللاب الخاص بحلا فتبص حلا للاب مسرعا. وجعفر يبص للاب في نفس الوقت ويمد أيدة ناحيه اللاب ويفتح اللاب ويلاقي رساله من وردة فيبص ل حلا ويقول
وردة اختك
فتبلع حلا ريقها بالعافيه وترد حلا علي وردة وجعفر يقول لها
انا داخل الحمام اخد شاور. عايز اخرج القي حلا جاهزا علشان تبسط جوزها
فتبص له حلا وتسكت وهو يدخل الحمام وتبص في اللاب وتكتب لوردة
الرساله بتاعتك وقعت قلبي افتكرتها من ادم.
وردة تكتب
هو جعفر كان جنبك
حلا
اة.
وردة
وهاتفضلي في العذاب دة لغايه امتي
حلا
بعدين نتكلم يا وردة. سلام انتي دلوقتي عشان الحق ابعت رساله لي ادم واعرفه ان جعفر رجع
وردة
سلام
وبسرعه تبعت حلا رساله ل ادم
★جعفر هنا اوعي تبعت لي او تحاول الاتصال بيا. انا اللي هتصل وقت ما ظروفي تسمح ★
وتمسح الرساله من عندها بعد ما تتاكد ان ادم استلمها وتمسحها رسالتها مع وردة وتقفل اللاب اول ما تسمع باب الحمام بيتفتح ويخرج جعفر ويبص لها وهو بيضحك وهي تبص له وكانه الموت بيقرب منها ويقرب منها جعفر وهي رغم انها بتحاول تبعد عنه لكن خدها في حضنه وبدات انفاسه تختلط بانفاسها وهي مش طايقة الحضن دة ولا طايقة نفسه وبتصرخ صرخات وجع مكتومة. وبتعيط وهي بتبص لبعيد عنه وبتقول
قلبي ملك ادم وجسمي ملك جعفر. يارب الرحمه من عندك. انا مش قادره استحمل وعمري ما كنت خاينه لجوزي ولا عمري هاكون خاينه. يارب. ارحمني ،،،،،،،،
وفي نفس الوقت ومن جوة اوضة ادم كان ادم بيبص للرساله اللي بعتتها حلا ومخنوق وبيتخيل كل اللي بيحصل ببن حلا وجعفر صرخ ورمي طقطوة صغيرة كانت جنب منه علي التسريحة جت في ازاز طرفة الدولاب وقال
ازاي حد غيري يلمسها ويتمتع بيها حلا دي حبيبتي انا. ولازم تكون ليا مهما كان التمن.
ويتخيل ادم اللي بيحصل ويسمع صوت حلا. ويبص للمرايا الموجودة في اوضة ويتخيل جعفر في صورة خيال اسود وحلا. في احضانه وبتمد ايدها لي وبتقول له
الحقني منه. انا ليك انت مش لي هو
فيمد ايدة ناحية المرايا ويحاول ينقذ حلا. لدرجة انه كسر مرايا طرفة الدولاب علشان يقدر يحررها منه واتكسر الازار ودخل في ايد ادم. وبدأ الدم يجري علي ايد ادم بغزاره وادم بيصرخ وبيصرخ وفي الوقت دة. دخلو عليه الاوضة هاله وفريدة. صرخت فريدة امه من منظر الدم وحاولت تبعد ادم عن المرايا وهي بتقول
ادم في اية. واية اللي كسر طرفة الدولاب كدة
ادم بصوت حزين
سيبوني الحقها من ايدة. هي اصلا مش بتحبه. دي بتحبني انا
هاله وهي بتسند ادم للسرير
هي مين دي.
فريدة
ادم. انت كتت بتحلم ولا ايه.
ادم وهو لسة غضبان
سيبوني الحقها. انتو ماتعرفوش حاجه
فتبص هاله لفريدة
ماما ادم كدة شكله عندة انهيار عصبي لازم ياخد حقنه مهدئه وبسرعه والا ممكن يعمل أي حاجه في نفسه
فريدة
يا نهاري. طيب اتصرفي ياهاله
هاله
حاولي تهدئيه وانا هانزل بسرعه اجيب الحقنه من الصيدليه اللي تحت البيت
فريدة بقلق شديد علي ادم
طيب بسرعه يا هاله.
وتسيبهم هاله وتخرج بسرعه وفريدة تحضن ادم وتقول
ادم. مالك. يا ابني
فيبص لها ادم وهو بيعيط ويقول
بحبها وهي بتحبني. لقيت الحب يا ام ادم. انا اللي كنت محروم من الفرحة لقيتها
فريدة
مين بس دي
ادم
ام العيون السود
فريدة
ادم انا مش فاهمه منك حاجه
ادم
ومش هاتفهمي وماحدش هايفهمني ابدا
وفضل علي الحال دة لغاية ما رجعت هاله بالحقنه واديتها ل ادم اللي بدأ يهدأ واخر كلمه بيقولها قبل ما تغمض عيونه.
حلا. ،،،،،،
وتعدي الليله. وتشرق الشمس ويصحي ادم يلاقي هاله قصاد منه معها كام سندوتش كدة وازازة عصير فرش. فتبص له وتقول
صباح الخير
ادم
صباح الخير
ويشوف ادم ايدة المربوطة بشاش فيقول باستغراب
هو ايه اللي حصل
هاله
جالك امبارح انهيار عصبي شديد. وكنت بتكسر ازاز المرايا بغل. وبتقول كلام مش مفهوم وطول الليل بتنادي علي واحدة اسمها حلا.
ادم
كل دة حصل مني
هاله
واكتر من كدة. مين بقي حلا دي
ادم بشجن وبعد تنهيدة
حلا. تبقي أم العيون السود
هاله
فهمني بقي ايه حكايه ام العيون السود دي
فبدا ادم يحكي لهاله حكايه حلا وازاي اتعرف عليها وحكايه اللوحه اللي رسمها من خياله وطلعت حلا شابها بالظبط وقصه الحب الغريبه اللي اتولدت ما بينهم. وخلص ادم الحكايه بصيت له هاله وقالت ضاحكة
يا سلام علي القصه الرومانسيه الجامدة قوي
ادم
انتي بتضحكي يا هاله
هاله
اومال عايزني اعمل ايه
ادم
تدليني علي الطريق الصح
هاله
ادم. مافيش حد بيحب حد كدة وهو ماشفهوش الا عن طريق النت. وتاني حاجه عايز تحب حب. بس بلاش الحب الحرام
أدم
الحب الحرام. يعني ايه
هاله
يعني يوم ما تحب حب حد ينفع يكون ليك وملكك مش تحب واحدة علي ذمه راجل تاني. دي كدة خيانه لمراتك وخيانه لجوزها
ادم
انا مش خاين يا هاله ولا هي كمان خاينه بس احنا الاثنين محتاجين لبعض. ومانقدرش نبعد عن بعض
هاله
انت متاكد انك محتاج لها ولا محتاج لحبيبتك اللي في اللوحه اللي انت رسمتها
ادم باستفسار
مش فاهم
هاله
انت تخيلت حبيبتك ورسمتها من خيالك وطلعت الصورة لواحدة موجودة بجد واللي هي حلا. بس مش شرط أن حلا دي تكون هي حبيبتك اللي في الصورة. لانك ببساطه ماتعرفش حلا دي الا عن طريق النت واي علاقه عن طريق النت بتكون علاقه ناقصه كتير قوي.
ادم
بس انا حاسس انها حبيبتي اللي ياما حلمت بيها واتمنيتها
هاله
وجوزها ومراتك وعيالك وعيالها. عايز راي اختك الصغيرة العلاقه دي حرام وغلط
اتصدم ادم من كلام هاله اللي صح بنسبة 100 %100 وهاله كملت وقالت
وبعدين انت من بلد وهي من بلد تانيه يعني عمرك ما هاتقبلها ليه تعيش معها قصه حب حرام
ادم
ومين اللي قال اني مش هاقابلها. قادر ربنا اللي جمعنا صدفه يجمعني بيها في بلد واحدة. يعني ممكن انا سافر لها بلدها
هاله ضاحكه
ولما تروح لها هاتقابل جوزها وتطلب أيدها منه
أدم
انتي بتتريقي عليا يا هاله
هاله
علشان ماينفعش اغشك انا برة قصه الحب بتاعتك فشايفة اللي انت مش شايفة.
ادم
انتي ليه مش عايزا تفهمي قد ايه انا بحبها
هاله بحدة
ترضي ان مراتك اللي انت مش طايقها تكلم حد غيرك وهي علي ذمتك. بلاش ترضي ليا انا اكلم واحد متجوز ويبقي بيني وبينه علاقه حرام
يسكت ادم فتقول هاله
رد عليه تقبلها
ادم بضيق
لا.
هاله
يبقي خلاص ملهوش لزوم تضيع وقتك وعمرك وانت عايش في وهم قصه حب حرام في حرام. شوف مستقبلك وربي عيالك اللي اتحرموا منك بسبب المشاكل اللي بينك وبين مراتك وهما مالهمش ذنب فيها، ،،،،،،،،
وبعدها بكام يوم استغلت حلا وجود جعفر في الشغل واتصلت ب ادم فرد ادم عليها وقال وهو حزين
ازيك يا حلا
حلا باستغراب
مالك. شكلك مش عاجبني. هو أنا ايه ما وحشتكش
ادم
حلا. اللي بيني وبينك لازم يكون لي نهايه والنهايه النهاردة انا مش هاكلمك تاني طول ما انتي علي ذمه جعفر
حلا وهي بتعيط
ليه بتقول كدة. انا عملت أيه زعلك
ادم وهو مش عايز يبص في عينيها
انا قولت اللي عندي وماعنديش حاجه تاني أقولها.
حلا بحرقة
ادم
ادم
حلا انا ابويا رباني علي اني ما عديش قدام محل هدوم وجوة منه هدوم ماقدرش البسها. ازاي افرح اني بكلم واحدة متجوزة ما قدرش المسها.
وقغل ادم المكالمه وحلا صرخت وقعدت تعيط وقفلت اللاب وهي غضبانه وحاولت تكلم ادم اكتر من مرة لكن مافيش فايدة. وادم قلبه بيتعصر لكن دة الصح. وبدا يزور عياله لكنه ما يقعدش مع سناء ،،،،،،،،
وعدي اسبوعين بالظبط وحلا بتحاول انها توصل ل ادم لكن مافيش فايدة ادم اختار الطريق الصعب. وهو الفراق
رجعت حلا للتدخين تاني وبشكل مخيف تقريبا كانت بتشرب علبه في اليوم وفي يوم من الايام كانت حلا قاعدة قدام اللاب بتاعها وفاتحة الموقع اللي كان عليه اللوحة بتاعتها وبتبص للصورة اللي رسمها ادم والتعليقات اللي انكتبت عليها. يقف جعفر وراء منها من غير ما تحس بي ويبص للصورة واللي مكتوب تحت منها أم العيون السود. بريشه ادم السني فيقول جعفر وهو يمسك شعر حلا بعنف شديد
مين ادم السني ده ويعرفك منين عشان يرسم لك صورة وينزلها كمان علي النت
حلا مفزوعه وخائفه من جعفر. تقول
دي صورة لواحدة شبهي
فيضربها جعفر بمنتهي العنف ويقول لها
انتي لسه هاتكدبي. انطقي
حلا بخوف شديد
والله دي مش انا
فيضربها جعفر تاني ويقول
خاطية خاينة زباله. وديني لازم اعرف عايلتك حقيقتك يا زباله
حلا بتوسل
وربي وما اعبد ما في شئ بيني وبين هذا الرسام
جعفر
ابقي قولي الكلام دة قدام المجلس العرفي اللي هعمله لابوكي
فتتخيل حلا الفضيحة اللي هاتحصل ليها ولعيلتها وما يقدرش قلبها يستحمل. وتيجي الازمة القلبية ل حلا ووشها يزرق ودقات قلبها تتزايد تاخذ نفسها فيرميها جعفر علي الارض وهو يقول
موتي عشان ارتاح منك. اما الكلب اللي اسمه ادم السني دة مش هارتاح الا لما انتقم لشرفي منه
وساب حلا وهي عندها اذمه قلبيه ومش قادرة تاخد نفسها وماسكه صدرها من شدة الوجع. بدات تزحف لغاية ما وصلت للاب بصعوبه وفتحت الماسنجر وفتحت مكالمه فيديو بصعوبه لي اختها وردة. ولكن وردة استقبلت المكالمه الفيديو ولكنها كانت بتتكلم مع زميل ليها في الشغل في موضوع يخص الشغل وحلا تبص للكاميرا وهي مش قادرة تتكلم وبصيت وردة للفيديو وهي بتقول
ايوة يا حلا.
ولكنها تقع عيونها علي حلا وهي بتقع علي الارض مغمي عليها. ،،،،،،،
وبعدها بكام ساعه يقعد جعفر مع صديق له يدعي. عبد الله وهو مهندس كمبيوتر وكان عبد الله بيدور عن حساب ادم السني اللي اشترك في المسابقه وظهر له الموبيل الخاص بحمص وقال عبد الله
الحساب ده بيفتح من عند مطعم اسمه الف هناء. ودة العنوان بتاعه. والحساب دة بعت رسايل كتير لمراتك لكن مراتك حذفت الرسايل وهو لا.
جعفر بغضب
وفين الرسايل دي
وفتح عبد الله الرسايل اللي بعتها حمص لي حلا علي انه ادم. وبص جعفر للرسايل بغضب شديد وهي كلها رسايل ليها ايحاءت جنسية سخيفه. فقال جعفر بغضب شديد
ابن الخاين. اخر ايام حياته.
وخرج الموبيل بتاعه واتصل باخوة ظافر واللي هو عايش في مصر. وقال له
عايز منك يا ظافر تنتقم لشرفي من خاين ابن خاين أسمه ادم السني
وسكت للحظات ثم قال
اذبحة في وسط الشارع علشان يكون عبره لكل خاين وسارق اعراض، ،،،،،،،،،،،
ومن النهاردة كل اللي فات حمادة وكل اللي جاي حمادة تاني خالص
أيه اللي مستخبئ لك يا ادم. علي ايد ظافر. وايه اللي هايحصل لحلا وهتلحقها وردة ولا. أيه اللي جاي تابعوني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق