رواية أنثي في حضن الاربعين البارت السابع عشر بقلم الكاتبه إسراء معاطي حصريه وجديده على مدونة النجم المتوهج
رواية أنثي في حضن الاربعين البارت السابع عشر بقلم الكاتبه إسراء معاطي حصريه وجديده
بتفوق نغم تلاقي نفسها نايمه علي السرير اللي قصاد عمران وفيه دكتور وممرضه جمبها
وعمران قاعد قصادها بقلق عليها وبيقولها بلهفه انتي كويسه يا حبيبتي
بتمسك نغم دماغها بوجع وتقولو ايوه كويسه بيسألها اكتور ايه اللي حصل
بتقولو انا دخلت لاقيت واحد واقف جمب عمران لابس بالطو ابيض وكمامه بس استغربت شكلو لان عارفه ان حضرتك اللي بتيجي تتابع حالتو لسه بقولو مين حضرتك مردش عليه لاقيتو جري وزقني وقعت علي الارض ودماغي اتخبطت جامد وكان ف ايدو حقنه لسه هيديها ل عمران ف المحلول
بيقول الدكتور ل عمران باين حد مصمم علي قتلك يا عمران بيه ولازم بنبلغ الشرطه ب كده
بيؤمي عمران ليهم وهو دماغو شارد ف التفكير
عند حبيبه بتكون قاعده بحزن ودموعها بتنزل وهي بتتقول ل نفسها هو انا ليه حظي وحش اووي كده ليه بعد م قولت خلاص الدنيا ضحكتلي يحصل كده وبتفتكر لما عمار بعتلها انو عاوزه يقابلها امبارح ونزلت فعلا وراحتلو ولاقتو بيقولها انو بدأ يتعلق بيها بس فيه حاجه لازم تعرفها واتصدمت لما لاقتو بيقولها انو كان متجوز ومراتو اتوفت وعندو بنت طبعا حبيبه اتصدمت ومن غير تفكير قالتلو لا هي ب النسبالها ممكن تفكر ف الموضوع لاكن اهلها هي متأكده انهم مش هيرضو وسابتو ومشيت
وبترفع وشها للسما وهي بتقول يارب ساعدني.
عند شريف بيدخل المستشفي بكل هدوء وبيقف ويبص بهوس علي نغم اللي واقفه ف الكافيتريا وبيقول ل نفسو هتبقي ليه يا نغم ولو علي موتي وبيكمل بنفس الهدوء ويقف قدام باب اوضه عمران ويضغط علي ايدو بغل ولاكنو بيحاول يتعامل عادي وبيخبط علي الباب
وبيسمع عمران بيأذن ب الدخول بيفتح الباب وبيدخل وهو بيقولو بحنان ولهفه اتقن تمثيلهم ب احتراف ويقوة بحزن جالي علي صوتو الف سلامه عليك يا صحبي ويروح ويسلم عليه وعمران يبادلو السلام ويقعد قصادو شريف ويقولو ايه يا عمران اللي عمل فيك كده انا اتصدمت لما شوفت الاخبار
بيبصلو عمران وهو بيقولو بسخربه اتصدمت بق يا جدع اعزمك علي فرحي والاقي الكل كوليه وانت لا بغض النظر عن اللي حصل ف اخرو بيرد عليه شريف وعو بيقولو حقك عليا يا صحبي والله كان عندي سفريه شغل مفجأه وانت عارف الشغل مبيستناش
وقبل م عمران يرد عليه بتدخل نغم وهي بتقولو بتفاجأ اول م تشوف شريف ايه دا استاذ شريف حضرتك عامل ايه وبتعمل ايه هنا
بيبتسملها شريف ابتسامه صادقه وهو بيقولها الحمدلله يا نغم بخير انتي اخبارك ايه وانا هنا علشان عمران صاحبي وبيضغط علي سنانو بعنف وهو بيقولها واخويا من زمان
بيجعد عمران حواجبو ب استغراب وهو بيقولهم انتو تعرفو بعض
بترد نغم وهي بتقولو ايوه استاذ شريف كان جارنا ف العماره وكان م بينو ومبين بابا شغل وانا وماما كنا علي تواصل مع مراتو لغايه اما هو عزل وبابا اتوفي واتقطعت الاخبار
وتوجه كلامها ل شريف فرصه سعيدهيا استاذ شريف وتسيبهم وتخرج وشريف يقول ل عمران ها يصحبي وصلتو للعمل كده
يرد عمران عليه بحيره وهو بيقولو والله يا صحبي معرف
يرد شريف بلؤم وخبث اكيد فريد
عند فريد بيكون قاعد قصاد فيروز وهو بيقولها انتي متأكده من اللي انتي عاوزه تعمليه دا يا فيروز
بترد فيروز وتقولو ايوه يا فريد بيتنهد فريد بقلق وهو بيقولها هعملك اللي انتي عوزاه يا فيروز حاضر وربنا يستر
بيبص عمران ل شريف وهو بيقولو لا
بيتوتر شريف ويقولو ب استغراب ليه م كل الناس عارفه العداوه اللي بينك وبينو ولا يكون نسيت
يبصلو عمران ب اشمئزاز خفي وهو بيقولو لا منسيتش وبيضغط علي سنانو وهو بيقولو لا ونسيت كمان انو كان السبب ف موت اختي ولا ايه د انت اكتر واحد عارف
بيتوتر شريف ف قعدتو ويحس انا عمران عرف حاجه وبيبلع ريقو وهو بيقولو اكيد يا صاحبي عارف
بيسكت عمران وهو بيبصلو ب شك ومتأكد ان شريف ل يد ف اللي حصلو بعد اللي عرفو من فريد وفيروز وبيقول ل نفسو ب العقل والهداوه يا عمران والله ل اندمك يا شريف
بيستأذن شريف ويمشي بسرعه وعمران بيبص عليه بغموض وبتدخل بعدها نغم وعمران بيقولها خرجتي ليه بترجع نغم شعرها ورا ودنها بتوتر وهي بتقواو ولا حاجه يا حبيبي علشان بس اسيبك مع صاحبك براحتكو
بيؤمي ليها عمران ب هدوء وهي بتتنهد ب راحه
عند اهل نغم الجده بتبدأ ان هي تفوق وتبق كويسه عن الاول وكلهم بيفرحو ب دا وبيطمنو عليها وببحددو فرح رحيم ووعد.
وبعد مرور يومين صحه عمران بتتحسن وبيرجعو البيت وكل اللي ف البيت بيحمدو ربنا انو بق كويس وبيقعد معاهم تحت شويه
وبيستأذن منهم ويطلع هو ونغم واول م بيدخلو عمران بيقفل الباب ويحيط وسط نغم ب ايديه وبيزقها علي الباب وبيحيطها بجسمو وهي بتتخض من الحركه بتاعتو وتقولو فيه ايه يا عمران بيقرب عمران منها اكتر وهو بيدفن دماغو م بين ثنايا عنقها المرمي وبيشم عبيرها ب حب وانسجام وهو بيقولها ولا حاجه يا قلب عمران
ونغم بتزقو بعيد عنها بخجل وهي بتقولو ب همس ضعيف بس يا عمران بيطلع عمران من حضنها
وهو بيقولها انتي خايفه مني
بتهز نغم راسها ب لا
بيملس عمران علي وشها بحنان وهو بيقولها مكسوفه مني
تهز نغم راسها بلا
وعمران ايدو بتملس علي شفايفها بحب وهو بيقرب منها اكتر وبيقولها بهمس طب ليه مش انا جوزك ويبوسها علي شفايفها برقه وحنان وهي بتتوه من لامساتو وحنانو اللي بيعاملها بيه من غير وعي بتلاقي ايديها تلقائي بتتلف حوالين رقبتو
وهو بيشيلها لغايه السرير وبينيمها عليه ويعتليها بحب بس نغم بتبعدو وتقولو بهمس خجول عمران بلاش انت تعبان بينفي عمىان وهو بيقولها انا فعلا تعبان بس منك انتي وبيقرب من شفايفها بحب وهي بتستسلم ليه من حنانو وحبو ليها.
عند رامز بيروح من الشغل وهو تعبان بسبب الضغط اللي عليه لانو سادد مكان عمران ف الشركه بيروح ويبتسم بحب وهو سامع صوت نور جاي من المظبخ بتدندن بكل حب ومرح ل ابنها اللي عمال يضحك معاها بضحكتو البريئه اللي بتخطف قلب رامز بيدخل عليهم وهو بيشيل عمر من علي الارض وبيتجه ل نور اللي واقفه عمد المطبخ بتعمل حاجه وهي مش منتبهه ل رامز ورامز بيحاوط وسطها بحب
وهي بتشهق بصدمه وتقولو اخص عليك يارامز خضتني يبوسها رامز من خدها ويقولها بحنان سلامتك من الخضه يا قلب رامز ها بتعمللينا ايه كده
بتقولو بحماس بعملك كيك ب الشوكلاته هتاكل صوابعك وراه
يغمزلها بمرح ويقولها انا عاوز اكلك انتي
بتضحك عليه نور وهي بتقولو ماشي يا بكاش يلا نزل عمر وادخل خد دش علي اما اغرف الغدا والكيك يجهز
يبسوها رامز من خدها وهو بيقولها حاضر يا حبيبتي وينزل عمر يكمل لعب ويدخل الحمام وهو بيحمد ربنا علي وجودهم ف حياتو.
عند حبيبه بتكون قاعده علي البحر بترسم رسمه حزينه ولكنها بتبتسم ابتسامه مكسوره لما بتفتكر عمار والرسمه العشوائيه اللي كام رسمهالها وغصبا عنها بتنزل دمعه من عينيها وبتمسحها بسرعه ووسط م هي بترسم بتتفاجئ ب عمار بيقعد جمبها وباين عليه الحزن هو كمان
وبيقولها بردو بترسمي رسمه حزينه طب ليه مش انا قولتلك انتي اللي قادره تتحكمي ف الرسمه بس عارفه
بتنتبه ليه حبيبه
ويقولها عمار بضعف وهو بيبص ف ملامحها انتي ممكن تتحكمي ف الرسمه بس مستحيل تعرفي تتحكمي ف قلبك ذي م بردو مبتقدريش تختاري قدرك واللي ربنا كتبهولك وانو يحصل معاكي ساعات يا حبيبه بسأل نفسي ليه الواحد مش بيقدر يختار اللي بيحبو انا عرفتك من فتره قصيره اهه بس قلبي حبك حبك والله يا حبيبه غصبا عني انا مخترتش ظروفي ب ايدي ولا اخترت الصدفه اللي جمعتنا ولا عارف اتحكم ف قلبي اللي حبك افتحيلي قلبك واديني فرصه صدقيني انا عاوزك
بتبصلو حبيبه وتقرر انها هتسمع كلام قلبها ومش هتيجي علي نفسها هي تعبت ومن حقها تعيش دموعها بتنزل وهي بتهز راسها
وهي بتقولها انا موافقه يا عمار اديك فرصه ودا لان قلبي الي عاوز كده وهحاول علي قد م اقدر اني اكون معاك وهثق فيك
بيمسك عمار اديها بحب وهو بيبوسها بحب وحنان وبيقولها صدقيني هكون قد الثقه دي.
عند عمران بيكون نايم ونغم نايمه ف حضنو وعليهم الغطا وعمران بيمشي ايدو علي كتفها وبيقولها انتي كويسه
بتقولو نغمه بصوت خفيض وخجل ايوه
بيبصلها عمران وهو بيقولها بحنان بصيلي بترفع نغم راسها ليه تلقائيا
وهو بيقولها عارفه يا نغم انتي بجد ب النسبالي الام والاخت والصحبه والحبيبه انتي عوضتي تعب الايام اللي عشتها انتي حاجه كده فريده من نوعها انا حبيتك من كل قلبي قدرتي تطلعي الحب والحنان اللي جوايا
ويملس علي وشها بحنان وهو بيقولها بحبك يا نغم
وترد عليه نغم ب همس وانا كمان بيعتليها عمران بحب ويقرب شفايفو من شفايفها وياخدها ف جوله حب مجنونه مره تانيه.
فالقصر بينزل نغم وعمران وهو ماسك اديها ب كل حب وبيتفاجئ
من حبيبه اللي بتعيط
وامها اللي بتزعقلها ب عنف وداليا واقفه واخداها ف حضنها
وحسن وابوه لسه جاين من بره
وحسن بيسأل مامتو وهو بيقولها ف ايه يا ماما بتزعقي كده ليه وبيروح عند حبيبه وياخدها ف حضنو وهو بيقولها وحبيبه بتعيط ليه
وعمران يسيب ايد نغم اللي راحت ل حبيبه ويسأل
منال ب استغراب وهو بيقولها خير يا مرات عمي
بتقولهم منال تعالو شوفي بنتي اللي اتقدملها اكبر ناس ف البلد ووزرا ومستشارين وناس تقيله جايه تقولي انا فيه واحد عاوزه يتقدملها لا وكمان مراتو ميته وعندو بنت وشغال دكتور ليه بايره ولا معيوبه علشان اسيبك تتجوزي جوازه ذي دي دا علي جثتي
بيسأل حسن حبيبه وهو بيقولها صح الكلام دا يا حبيبه بتؤمي ليهم حبيبه وهي بتقولهم ايوه بحبو وعوزاه
وحسين لسه هيضرب بنتو ب القلم عمران بيمسك ايدو
وهو بيقولو اهدي يا عمي مش كده الامور تتاخد ب الهدوء والتفاهم والعيله كلها بتتجمع ويروحو يقعدو ف الصالون
ونغم واخده حبيبه ف حضنها ووسط م هما بيتكلمو الباب بيخبط
وفريد بيدخل عليهم الصالون ويرمي السلام وكلو بيرد ب استغراب
وبتظهر من وراه فيروز وهي بتبوصلهم ب دموع وحب وتقولهم ب حنين وحشتوني وكلهم بيتصدمو وبما فيهم وعمران وبيقولو ب صوت واحد فيروز؟؟؟؟؟
السلام عليكم عاملين ايه يا حبايب قلبي
والله بعتزرلكو من كل قلبي علي التأخير بس والله العظيم غصبا عني انا عندي امتحانات وكنت مروحه من يومين ناويه اكتبلكو بارت لاكن حصلت حاله وفاه ف البيت والمفرود كان فرحي بعد شهر والله اعلم هيتأجل ولا ايه الدنيا وكمان مضغوطه ف التجهيزات بقالي فتره ف والله كل حاجه جايه عليه وكمان فيه ضغط جسدي ونفسي عليه وكنت ناويه اوقف الروايه لاكن تعلقكو بيها محبتش اني اعمل كده واسفه لو مش برد واسفه لو بتأخر لاكن والله انا مضغوطه جدا وفيه بيدخلو علي الخاص يتكلمو بطريقه مش لطيفه وانتي مش بتردي وانتي متكبره انتي متعرفيش ايه الظروف اللي عندي ولا ايه اللي مانعني ولا انا واخده منك فلوس ولا بيوصلني جنيه منك يا حبيبتي ف مش مسموح ب اي حد يكلمني بطريقه مش حلو هيلاقي مني رد غير لاقك وكل الحب والتقدير لكل اللي بيحبوني وبيدعموني بحبكو 🫂
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق