رواية جدار فاصل الفصل الثاني للكاتب عادل عبد الله حصريه وجديده على مدونة النجم المتوهج
رواية جدار فاصل الفصل الثاني للكاتب عادل عبد الله حصريه وجديده على مدونة النجم المتوهج
تنويه هااااااام ❗️❗️❗️
"" القصة حقيقية حدثت بالفعل مع ملاحظة تغيير الأسماء قليل من التفاصيل الدقيقة ""
نادر : أنا بمو،ت كل لحظة كل ما الوقت يعدي وأعرف إنك هتكوني معاه .
ندي : هيه الليلة دي بس يا حبيبي ، وصدقني وحياة حبنا هكون معاك بروحي وقلبي .
في اليوم التالي
تجلس ندي بجوار عريسها أشرف الذي تملأ وجهه السعادة ، بينما كانت عيناها تتلفت يميناً ويساراً بحثاً عن نادر !!
تكاد لا تشعر بوجود أحداً في غياب حبيب القلب والروح .
أنتهي الحفل و عا،نق ذراع عريسها ذراعها حتي دخلا سيارة الزفاف التي نقلتهما في دقائق إلي منزل الزوجية .
في منزل الزوجية
بمجرد أن دخلت ندي منزلها الجديد وجدت عريسها قد أعد لها الكثير من البلالين والقلوب الحمراء و نغمات الموسيقي الرومانسية الرقيقة !!
بعدها أغلق الباب مبتسماً وعا،نقها في حب قائلاً : أنا مش مصدق نفسي وحاسس إني بحلم ، معقول إخيراً أنا وأنتي أتقفل علينا باب واحد !!! أنا أسعد انسان في الدنيا النهاردة .
بينما كانت هي صامته و تشعر بالنفور منه ، فهو في أعتقادها كان السبب في التفريق بينها وبين حبيبها !!
بعد دخولهما المنزل بنصف الساعة ...
دخلت ندي لتستحم بينما كانت قطرات الماء تتساقط علي رأسها كانت تمتزج بقطرات أخري من الدموع !!
جففت ج،سدها وأرتدت ملابسها لتجد ينظر إليها بنظرات الاعجاب مبتسماً ثم يمسك يدها ويجذبها نحوه قائلاً : أكيد ربنا بيحبني علشان أتجوزت القمر ده كله .
تسحب يدها منه بقوة ، فينظر إليها بدهشة : ايه يا حبيبتي فيه ايه ؟
ندي : أنا عايزة أنام .
أشرف : تنامي !!!!! لا يا حبيبتي أحنا الليلة د،خلتنا مفيش نوم ، فيه سهر وحب و بس .
ندي : بقولك ايه ، لو عايز تسهر أسهر لوحدك ، أنا عايزة أنام .
أشرف : ايه اللي بتقوليه ده يا حبيبتي ؟
ندي : بقولك عايزة انام ، أنت مش بتسمع ولا ايه ؟؟
أشرف : أنتي بتتكلمي كده ليه ؟ مالك ؟
ندي : أنت باين عليك عايز تتكلم كتير وأنا مش فايقة ، يلا بعد أذنك عايزة أنام .
يحاول أشرف جذبها إليه ولكنها تمنعه !!
أشرف : ايه اللي حصل ؟؟ ما أحنا كنا كويسين من شوية !!!
ندي : أنت مش اخدت اللي أنت عايزة ، يلا بقا أنا سبني أنام .
أشرف : أنا حصل مني حاجة ضايقتك ؟؟
ندي : أنا متضايقة لوحدي ، يلا بقا روح نام في الاوضة التانية .
أشرف : أروح أنام فين ؟؟ لا يا حبيبتي من النهاردة هننام احنا الاتنين هنا جنب بعض .
ندي : لا يا حبيبي انا مبنمش جنب حد .
أشرف : لكن انا مش حد ، أنا جوزك !!
ندي : بقولك ايه ، مش هنقضيها كلام وصداع ، هتخرج تنام في الاوضة التانية ولا أروح انا أنام هناك ؟؟
يخرج أشرف من الغرفة بعدما أصابته الدهشة من التغير المفاجئ الذي أصاب عروسته فجأة وبدون مقدمات !!
يقف أشرف أمام باب الغرفة يكاد لا يصدق ما يحدث !! هل هذه هي ليلة العمر الذي ظل يحلم بها !!! بالتأكيد هناك سمة شئ غامض غير مفهوم !!
يدق باب الغرفة عدة مرات دون إجابة منها حتي يستسلم أخيراً ويدخل الغرفة الاخري .
يجلس متردداً بين أن يعود إليها ويدخل الغرفة عنوة ويأخذ حقه دون إرادتها ، لكنه يخشي تلك البداية القا،،سية التي ربما ستتسبب في إفساد حياتهما معاً طيلة العمر .
أخيراً يذهب إلي الغرفة الأخري يحاول أن يستسلم للنوم ولكن عيناه تأبي .
يظل يتذكر ذكرياته منذ أن كان صغيراً حين توفي والده واضعاً حملاً ثقيلاً علي كاهله الضعيف ، و تلك الظروف التي أبعدته عن إستكمال مسيرته في التعليم ووجهته لتحمل مسئولية أخوته ووالدته ، حتي أتم واجباته تجاههم متناسياً ذاته حتي جاءت تلك اللحظات التي حلم بأن تكون عوضاً عما فاته من حياته !!
خرج أشرف ، نهضت ندي وأغلقت باب غرفتها لتنساب دموعها علي وجنتيها فتلتقط هاتفها لتجد عشرات الرسائل من حبيبها يصف فيها معاناته الأليمة !!
أجابته وبادلته الرسائل وظلا هكذا حتي بزغت أنوار الصباح !!
كانت رسالتها الأخيرة له بوعد منها سبق وأن وعدته به لكنه لم يتخيل أبدا أن يتحقق !!!!!!!!!
اليوم التالي
تستيقظ ندي علي صوت دقات أشرف علي بابها !!!
تفتح عينيها بينما مازال النعاس غالباً لها .
ندي " بصوت عال " : فيه ايه ؟
أشرف : قومي بقا يا حبيبتي ، هتفضلي نايمة طول اليوم ؟!
ندي : سبني أنام ، عندك الفطار في التلاجة .
أشرف : تعالي نفطر مع بعض .
ندي : مبفطرش ، يلا بقا وسيبني أنام .
ثم تتذكر وعدها لحبيبها نادر !!!
ندي : أشرف .. أشرف .
أشرف : نعم يا عيون أشرف .
ندي : أستني ، أنا هقوم أحضرلك الفطار .
أشرف : يااااه ، أخيراً رضيتي عني !!!
تنهض ندي سريعا وتبدل ملابس نومها وتخرج إليه لتجده يقول لها : صباح الخير علي أحلي وأجمل عروسة في الدنيا .
ندي : صباح النور ، أنا هدخل اخد شاور بسرعة واخرج اجهز الفطار علطول .
يبتسم أشرف : تحبي أجي معاكي ؟
ندي : لاا لااا ، أنا هخلص بسرعة .
أشرف : حاضر يا حبيبتي ، خدي راحتك .
بعد قليل ...
تخرج ندي بعد الاستحمام ثم تصفف شعرها وتتعطر وتبدأ في تجهيز الطعام .
يأتي أشرف خلفها يحاول مدا،عبتها لكنها تمنعه !!!
تجلس معه يتناولون الإفطار بينما كانت عينيه تبعث إليها بنظرات الحب والاعجاب كانت هي مستغرقة في ترتيب كيف ستستطيع إقناعه بما تريد !!
أشرف : علفكرة يا حبيبتي الساعة دلوقتي واحدة الضهر .
ندي : أعمل ايه يعني واحدة ولا حتي عشرة ؟؟
أشرف : يعني كلها ساعة أو ساعتين وهتلاقي اهلي وأهلك هييجوا يباركولنا .
ندي : وماله ؟ .فيها ايه ؟؟
أشرف : عايزين ندخل نرتاح شوية قبل ما حد يجيلنا .
ندي " بسخرية " : لو عايز ترتاح أدخل أنت ، أنا نمت كتير وأرتحت .
أشرف : يا حبيبتي أنا مش قصدي كده ، أنا قصدي عايزين نعمل زي اي عريس وعروسة .
ندي : ااااه .
يبتسم أشرف : يلا بقا .
ندي : لأ مش دلوقتي .
أشرف : أومال أمتي ؟
ندي : أنا عايزة منك حاجة مهمة الأول لو وافقت عليها هعمل اللي أنت عايزه ، ولو موافقتش يبقا مفيش .
أشرف : حاجة أيه ؟
ندي : حاجة مهمة أوي .
أشرف : أيه هي ؟؟؟
يا تري ندي هتطلب من عريسها ايه علشان تنفذ وعدها لحبيبها 🤔
الحلقات القادمة هتظهر للناس اللي بتتفاعل فقط 👍🥰🌹
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق