رواية أرملة رجل حي الحلقه الثامنه والتاسعة بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه الثامنه والتاسعة بقلم الكاتب محمد منصور حصريه وجديده
مين اسامة دة يا ماما
دة اللي قالته عفاف ل امها كريمة اللي كانت قاعدة في اوضة عفاف فقالت كريمة
انتي سمعتيني وانا بتكلم مع بركات مش كدة
عفاف
انتو كنتو بتتكلمو بصوت عالي تحت شباك اوضي.
كريمة
دة انتي سمعتي كل حاجة بقي
عفاف
ايوة يا ماما سمعت وعرفت انك انتي وبابا كنتو نص،،،،،
لكن عفاف ما قدرتش تكمل الكلمة وسكتت فقالت كريمة
نصابين قوليها يا عفاف لان دي حقيقية
عفاف
ماما انا مش بحاسبك لاني عارفه انتي اية وان السبب في كل دة هو بسيوني
كريمة
الله ينتقم منه هو سبب كل البلاوي اللي انا فيها ورغم اني خد كل وسائل منع الحمل علشان ما اخلفش منه لكن مع الاسف كل مرة كنت بحمل وانا مركبة الوسيلة وبقيتو تلاته
عفاف
ملهوش لزوم نفتح في القديم لكن قولي مين اسامة دة و احنا فعلا عياله
كريمة
لا. انتو ولاد بسيوني انا صحيح اتجوزت خمسة غير بسيوني ما بين شرعي وعرفي لكن انتو ولاد بسيوني بس
عفاف
ازاي تتجوزي خمسة وانتي علي ذمة بسيوني
كريمة
كان جواز علي ورق لغاية ما ناخد منهم الفلوس اللي معاهم و نهرب. الا اسامة اللي كان جواز حقيقي. لان ابوكي طلقني قبلها ب تلت شهور لان اسامة كان مع فلوس كتير و عيشت مع اسبوع كامل في شرم الشيخ
عفاف
وبعدين ،،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونرجع بالاحداث ل كام سنة وراء ومن جوة فندق في شرم الشيخ كانت كريمة نايمة جنب اسامة علي السرير وقت ما سمعت نقر علي باب الغرفة فقامت من جنبه بشويش وراحت فتحت الباب وكان قصاد الباب بسيوني اللي قال بشويش
نام
كريمة
اخيرا نام مع اني حاطة له تلت برشامات منوم. لكن دماغه مصفحة
بسيوني
ما دة من كتر الكيمياء اللي بيضربها
كريمة
طيب اية هفضل عايشة مع كدة انا خلاص ما بقتش طايقة
بسيوني
اقفلي الباب بس وتعالي ورايا وانا هقول لك هنخلص منه ازاي، ،،،،،،
ومن جوة احدي مطاعم الفندق كان قاعد بسيوني قصاد كريمة وهي قالت بعصبية
انت اية يا اخي شيطان
بسيوني بعصبية لكن بصوت ما تسمعوش الا كريمة
ما تلمي يا مراة لسان امك وافهمي للاخر
كريمة
افهم اية عايزه يصحي من النوم يلاقي بنتك عفاف اللي عندها 7 سنين نايمة جنبه وتقولي افهم
بسيوني
ما دي فضيحة هتخلي يطاطي تحت رجلينا ويا اما يطلقك يا اما محضر اغتصاب طفلة. ودي عقوبتها الاعدام
كريمة
انا مستحيل ادخل بنتي في لعبة نجسة زي دي واحنا مستحملة كل قرفك علشان ما تحرمنيش منهم مش علشان تشغلهم معانا في النصب
بسيوني
خلاص خليكي علي ذمته ووريني هتخلصي منه ازاي
كريمة
هو انت بتخيرني بين اني اموت بالسم ولا اموت بالنار الاثنين موت وفيهم خروج روحي. حرام عليك يا اخي
بسيوني
بقول لك اية رغي كتير انا ما بحبش و انا اصلا جبت عفاف معايا يعني خطط والتخطيط جاهز للتنفيذ ومش مستني رايك يا عسل. وكلمة زيادة بنتك مش هتشوفيها تاني، ،،،،،،
ونرجع ل عفاف وهي بتبص ل كريمة مش مصدقة اللي بتسمعو وكانت كريمة بتعيط بحرقة وبتقول
وقلعتك بايدي وحطيت في السرير جنب اسامة ورشيت فوق جسمك وفوق الملايا دم
علي اساس انه اغتصبك وفعلا لما فاق وشاف المنظر صدق لان المخدرات كانت لحسيت دماغه ودفع لنا اللي يخلينا نستر عليه وطلقني ورجعت تاني مرات بسيوني وعديت السنين وما اعرفش اية اللي فتح السيرة دي تاني
و اسامة دة يقرب اية ل بركات
وعيطت كريمة اوي وعفاف بصت لها وقالت
بتقولي ان وقت دة ما حصل كان عندي 7 سنين. ازاي انا مش فاكره اللي انتو عملتو دة
كريمة
لانك كنتي نايمة. ما انا ممرضة واعرف جرعة البنج اللي تحتاجها طفلة زيك في وقتها علشان تنام يوم كامل
عفاف وقفت وصرخت في امها وقالت باعلي صوت عندها
انتم اية معجنونين من اية من طينة جهنم تعلمي كدة في بنتك ازاي
كريمة حاولت تحضنها علشان تهدي لكنها زقتها بعيد عنها وقالت
اخرجي برة الاوضة.
كريمة وهي مفحومة من العياط قالت
عفاف والله ماكنتش اقدر اقول لا
عفاف وهي بتبص ليها ودموعها مسجونه وراء جفونها قالت
ما قدرتيش تقولي لا لكن قدرتي تقلعيني. وتكشفي لحمي علي كلب
كريمة
كان، ،،،،،،،
عفاف قطعتها وقالت
كان غصب عنك. مش عايزا تقولي كده. ملهوش لزوم
و اطلعي برة
كريمة مالقتش كلام تاني يتقال وحسيت انها خسرت كتير بعد المواجهه دي وكان الموت ارحم لها من البصة اللي شافتها في عيون بنتها وبدات تجر في رجليها وراحت ناحية باب الاوضة وهي بتبص علي بنتها اللي بدات دموعها المسجونه تنزل بغزارة و اديت طهرها ل امها وبصيت من ازاز شباكها وعرفت كريمة انها جرحت بنتها اوي وندمت انها حكيت الحقيقية وفتحت باب الاوضة وشافت صباح بنتها وابنها حامد واتاكد انهم كانو بيسمعو كل اللي اتقال لكنها بدات تجر في رجليها ونزلت تحت وصباح وحامد جريو ناحية اختهم عفاف وخدوها في حضنهم،،،،،،،،،
ونروح ل بركات اللي كان باصص لنيرة بغل شديد وقال
انتي مش هترتاحي الا لما تهدي كل اللي انا بنايته انا وعمك اسامة
نيرة
ما تسيب عمي في اللي هو في وادعي بالموت بدل ما هو محجوز في عنبر الحالات الخطرة
بركات
وماله نسيب عمك علي جنب قولي بقي تفسير واحد للي انتي عملتي دة
نيرة
عملت اية
بركات
قتلتي بسيوني وحطيتي شعر كريمة في ايدة علشان هي اللي تلبس الجريمة
نيرة
مين بسيوني دة ولية هقتله اصلا
بركات
بسيوني جوز كريمة اللي انتي عايزا تلبسيها جريمة قتل علشان الحكومة تعرف مكانها مش كدة ودة اللي انتي بتخططي لي
نيرة
هي خطة حلوة بس ما جتش في بالي و برافو علي اللي عمل كدة خلي ركبك تخبط في بعضها
بركات
يعني مش انتي اللي عملتي كدة
نيرة
لا مش انا. انا بعمل حاجات تانية خالص و اوعدك انها هتعجبك وقريب اوي مكان الزفته انا هعرفه
و سابته ومشيت وبركات قعد علي اقرب كرسي و قال لنفسه
لو مش نيرة يبقي مين اللي قتل بسيوني،،،،،،
في نفس الوقت ومن جوة مخزن مهجور كانت جثة بسيوني مرمية علي الارض ومتغطية بالملايا و قت ما دخلت عليه كريمة وقالت
هتفضل عامل فيها ميت
رفع بسيوني الملايا من فوق جسمة وقال
اصل اللعبة عاجبتني اوي
وقام وخد كريمة في حضنه وقال
مش برضو عجباكي اللعبة يا شمس،،،،،،،،،،،
خلصت اللعبة يووووو اقصد الحلقة. ومن النهاردة كل اللي فات حمادة وكل اللي جاي حمادة تاني خالص. وسلام عليكم
ح(9)
يعني اية يا دكتور الجثة اختفت من المشرحة هو احنا اية في شارع
دة اللي قاله مفتش المباحث حسني اللي بيحقق في قضية قتل بسيوني لدكتور الطب الشرعي اللي استلم الجثة ودة اسمه فاروق. ورد فاروق عليه وقال
يا حسني انت كنت مستعجلني علي جثث التلت بنات اللي لقيناهم في الصحراوي فحطيت جثة بسيوني في الثلاجة وروحت اكل لقمة ورجعت مالقتش الجثة وانت عارف ان النهاردة المشرحة هادية بسبب الغيابات الكتير
حسني
دة عذر اقبح من ذنب ومصيبة سوداء احنا وقعنا فيها.
فاروق
عارف انها مصيبة ان جثة دخلت عندنا المشرحة وتختفي بس اعمل تحرياتك وراجع الكاميرات و اكيد هتعرف توصل للي عمل كدة
حسني
ولغاية ما دة يحصل اقول اية للقادة بتوعي. اللي مستنين الوصول لمعرفه القاتل
فاروق
قول لهم ان التقرير اتاخر بسببي انا لاني شغال علي قضية تانية وما فيش غيري تقريبا ما انت عارف ان معظم الدكاترة دلوقتي بيسافرو برة
حسني
اسف يا فاروق لازم اعرف القادة باللي حصل وان الجثة اختفت دي مسئولية
فاروق
كدة هيتخرب بيتي اعمل يا اخي حساب للعيش والملح اللي ما بينا دة احنا اصحاب
حسني
مش هينفع. لانهم لو ما عرفوش مني هيعرفو من غيري. لان في ادارة البحث الجنائي ما فيش حاجة بتستخبي، ،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونروح ل نيرة اللي كانت في شركتها وقت ما دخل عليها ذكي الممرض اللي شغال في عيادة بركات بصت له نيرة وقالت
اية اللي عندك وما تعرفش تقوله في التيلفون
ذكي
عندكم قصر في المريوطية
نيرة سندت طهرها علي كرسي مكتبها وقالت
دة القصر بتاع عمي اسامة
ذكي
يبقي كريمة هناك
نيرة
دة مهجور مني سنين لدرجة اني كنت ناسيا
ذكي
المهجور بعد الترويق ينفع يتسكن في مش كدة ولا اية
نيرة
اة ينفع لكن وصلت ازاي انها هناك
ذكي
انا ما قولتش انها هناك لكن ممكن تكون هناك
نيرة
ما تقول عرفت ازاي واخلص،،،،،،
نرجع بالاحداث ل كام ساعة لما ذكي كان مول كبير تبع الحج بركات و المول دة هو يعرف في بنت اسمها غرام ودي شغاله في محل ملابس للاطفال والبنات فكان واقف معاها و بيقول
وحشتيني اوي يا غرام
غرام
بطلت اكل من الاونطة دي
ذكي
طيب لية بس كدة يا قمر
غرام
اصل انا لو و حشاك فعلا كنت جيت مع الحج بركات لما كان هنا بياخد هدوم لعيال صغيرة
هنا ذكي انتبه اوي للكلام وقال
عيال صغيرة.
غرام
اة وخد هدوم لي انسات كمان. هو انت احفاد
ذكي
احفاد منين بس وهو ما عندوش الا نيرة ودي لسة ما اتجوزتش
غرام
يبقي واخد الهدوم دي ل دار ايتام
هنا ذكي افتكر حكاية كريمة وعيالها وقال
معقوله يكون هو اللي خطفهم
غرام
خطف مين. انت بتخرف بتقول اية
ذكي
سيبك مني وركزي معايا بالله عليكي وعلي اهلك
غرام
عايز اية
ذكي
ما قالش الهدوم دي تروح فين
غرام
سمعته بيقول للراجل اللي كان مع. المريوطية،،،،،،،
ونرجع لمكتب نيرة اللي قامت من فوق الكرسي بتاعها وقالت
بقي هي الحكاية كدة.
ذكي
مش هتحلي لي بوقي بقي
نيرة
روح الحسابات وانا هتصل بيهم واخليهم يحلو بوقك
ذكي
الهي يعمر بيتك يا ستنا
وخرج ذكي ونيرة كلمت الحسابات وبعدها مسكت موبيلها وطلعت رقم وطلبته ورد صاحب الرقم فقالت بصيغة الامر
جهزلي عربيه بكام راجل بسلاح ومن غير ما الحج يعرف
و خلصت المكالمة علي كدة وحطت الموبيل في شنطتها وابتسمت بخبث وقالت
راجل شايب و عايب ،،،،،،،،
في نفس الوقت دة كان محمد واقف جوة محل موبيلات صغير بتاع واحد اسمه صفر اول ما شافو صفر كان قايم يجري لكن محمد مسكو من ايدة فقال صفر
والله العظيم ما انا اللي عملت كدة
محمد
عملت اية
صفر
اللي انت جاي تقبض عليه علشانه
محمد
انا مش بوليس
صفر بص للبدلة اللي هو لابسها وقال
اومال اية محابس
محمد
محابس. اية يا عم الدش. انا محمد
صفر بدا يهدي وقال
بني ادم عادي
محمد بزهق
لا انسان
صفر كان يجري تاني وهو بيقول
طلعت انسان انا بخاف منكم اوي
مسك محمد ايد صفر تاني وقال
انهد بقي انت اية عرسا وبعدين عايز تجري رايح ناحية الحيطة لية ما تجري ناحية الباب لو عايز تهرب
صفر بدا يهدي تاني وقال
حقك عليه يا سي محمد بس انا تعبت من كتر ما اتقبض عليه واتكهربت كتير وربنا
محمد
انا من طرف عبده صالح
صفر
حبيبي واخويا
محمد
وجاي لك تهكر لي موبيل
صفر
اعتبره حصل. فين الموبيل
محمد
لا انا معايا الرقم بس
صفر
هات الرقم ومالكش دعوي باي حاجة تاني
محمد طلع رقم بركات بص صفر للرقم وقال
اية الرقم المميز دة. اوعي يكون بتاع حد من المشاهير وتعملي مشكلة معاهم اصل كلهم حبايبي
محمد
ما تقلقش
صفر
هاخد كف مريم
محمد
انت تاجر اعضاء ما بتاخدش فلوس
صفر ضحك وقال
في كارنا يا باشا كف مريم يعني خمسة الف
محمد
مش كتير ال خمسة الف
صفر
انت جاي في شراء
ولا منهاده دة موبيل صاحب الرقم هيكون بين ايديك
و هيكون معاك كل اسراره
محمد
هديك اللي انت عايزه بس تنجزني
صفر
وانت واقف معايا اديني تلاتة الف هرن علي حالا هيفتح عليه او يكنسل موبيله بقي معايا
محمد طلع الفلوس وحطها قصاد منه وقال
شوفت فلوس وريني كراماتك
صفر خد الفلوس وحطها في الدرج عنده و فتح اللاب بتاعه و حط رقم بركات في خانه جوة برنامج خاص بعتاوله الهكر ورن و كنسل الحج بركات بعدها بدا يظهر علي الجهاز شفرات وداس اكواد ورموز ومعاها اتفتح موبيل الحج بركات وانبهر محمد فقال صفر
اتنين الف واخليك تسمع وتشوف كل مكالماته اللي فاتت اصله موبيله بيسجلها وادخلك علي الواتس كمان وماسنجر لو حابب ولو عايز تتفرج علي جوجل من،،،،،،،
محمد قاطعه وقال
كفاية رغي انت شغال مع بتوع رنين.
وطلع له كمان الفين وقال محمد
سمعني كل مكالماته اللي فاتت
وبدا بشغل مكالمة وراء مكالمة ومعاها مكالمة الحج بركات ووصل لمكالمة مع وحيد وعرف مكان القصر وخرج من عند صفر جري،،،،،،
ونروح ل نحمد اللي كانت نايمة في اوضتها وقت ما دخلت عليها كريمة وفي ايدها حتة قماشة فتحت بوق نحمده وحطة القماشة فيها وصحيت نحمده علشان تشوف نفسها في عيون كريمة وهي بتتخنق وريحة الموت بدات تفوح في المكان
وبسيوني ماسك طارق برة ومكتفه وبيقوله
مالكش دعوي انت دة حساب قديم هتصفي شمس مع اختها الكبيرة ماهي شافت وسكتت، ،،،،،،،،
ونرجع لوراء كام سنة لما نحمده كانت مع ابوها طه ويتحاول تمنعه من اللي عايز يعملو اصله فحت حفرة ودفن كريمة بالحياة وصرخت نحمده لكن طه رتم فوق اختها اللي كانت وقتها عندها يومين وبص لها وقال
اياك امك تعرف باللي حصل دلوقتي، ،،،،،،،
الحلقة اتعفرت بسبب تراب الدفن. هكنس وبكرة نكمل. وسلام عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق