رواية غرام أهل الصعيد الفصل الثالث والرابع بقلم هدي سمير حصريه وجديده على مدونة النجم المتوهج

رواية غرام أهل الصعيد الفصل الثالث والرابع بقلم هدي سمير حصريه وجديده على مدونة النجم المتوهج 

رواية غرام أهل الصعيد الفصل الثالث والرابع بقلم هدي سمير حصريه وجديده على مدونة النجم المتوهج 

صباح يوم جديد مليئ بالاحداث جهزت العيله بأكملها حتى يرجعوا الي القاهره حيث عملهم 

-مش كنا قعدنا كام يوم هنا

-الشغل واجف بجالوا إكتيرر يچي شهرر شهرين عشان تچهيزات الفرح مفيش غير جابر وشريف اللي كانوا شايلين الشغل ننزل احنا بجى نِشيلوا شويه ولاا اي

-اللي تشوفوا ياحج انا هكمل باقي الحاجه واجيلك

جائت حتى تذهب من امامه وقفها صوته الصارم

-وااه عتكملي ايه عااد وهما لازمتهم ايي اجعدي چاري

" ثم نادى بصوت عال" 

-يااا عطيهه انت ياا عطيهه

-اؤمرني ياحچ

-الامر لله،جولي انت لازمتك ايه اهني

-بشتغل تحت طوعك ياحچ

-ولما انت بتشتغل اهني ليه الحاچه هى اللي بتشيل الحاچه عاد ،هم يلاا شيل خليناا نرچعوا لغشلناا

"انصرف من امامهم منفذاً طلب سيده "

بينما نظر هو الي زوجته وشريكه دربه قائلاً بحنان:-

-جولتلك اجعدي چاري يا رقيه

جلست بجانبه معاتبه اليه بخفوت كعادتها معه:-

-مَكنتش زعقتله كدا يامحمد انت عارف ان انا بحب اعملك كل حاجاتك بأيدي 

نظر لها مجيباً بحب وبعض الصرامه:-

-وانتي عارفه زين اني معحبش اتعبك من بعد تعبك اسمعي الكلام عاد من ميتى وانتي مش بتفذي حاچه جولتهالك يا رقيه!

-مقدرش ياحج ،بس انا مش عارفه مالي من بعد جواز جواز جابر وسلمى انا عارفه كويس ان انت معملتش كدا غير بعد ما اتأكدت انو بيحبها ،بس انا حاسه ان سلمى مش مبسوطه دا احلى يوم في حياه كل بنت وهى مكانتش فرحانه

تنهد قائلاً:-

-اني لولا عارف زين حبه لسلمى مكنتش وافجت على چوازهم ولو حصل اي بس اني عارف زين ان ولد اخوي بيعشج بتك ،بس هى اللي راسها ناشفه حبتين وهو هيعرف يتعامل امعاها متجلجيش انتي ويلاا روحي استريحي شوي جبل ما نمشي لسه المشوار طويل وهتتعبي 

---------------

نطقت بعصبيه ليس لها مثيل:-

-يعني ايه مش هنرجع القاهره معاهم ازاي

رد بعصبيه مماثله لها بل تعلوها سمعها كل من في المنزل:-

-اتكلمي زينن يااا سلمى اني ساكتلك بمزاچي معاوزشي ازعلك منيي ،ومطرح ما جوزك يجعد تجعدي ورچلك فوج وراسك ومعاوزشي حديت تاني في الموضوع داا اوعيي مش وشيي قال جملته ثم ابعد جسدها بيده الي وراء بعنف خارجاً من الغرفه بل من المنزل بأكمله وسط عصبيته وذهولها من طريقته معها فهي كانت تظن انها مهما عملت به سيصمت لانه يحبها لكنها لا تعلم ان مهما كلن يعشقها لا يقبل رجل ان تحادثه زوجته او اي امرأه هكذاا نزلت سريعاً حيث منزل اباها وجدته جالساً مع والدتها ذهبت اليه محتصناه قائلاً بدموع:-

-باابيي 

ربت على ظهرها مجيباً بحنو فهو سمع شجارهما بالاعلى بسبب علو صوتهم:-

-مالك ياحبت عينيي

-عاوزني اقعد هنا يا بابي ومنزلش معاكوا القاهره

رد عليها بهدوء صارم:-

-چوزك يابتي ومطرح ما يجعد تجعدي چاره، انتي مشيفاشي امك كيف امعاي مطرح ما كُنت عمرها ما ردتلي طلب ولا زعلتني ،الست الصوح هى اللي تسمع كلمه چوزه طالما معتعملشي شئ عفش

بعدت عن حضنه قائله بأستغراب وهى توزع نظرتها بينه وبين والدتها المتابعه حديثهم بحزن على حال ابنتها

-يعني ايه يابابي مش فاهمه ،انت كنت عارف من الاول انو ناوي يقعدني هنا بعيد عنكوا ومقولتليش 

ثم وجه حديثها الي والدتها قائله بدموع:-

-مامي ردي انتي، انتي كنتي عارفه بدا

هزت رأسها نافيه ثم نظرت الي زوجها حتى تسمع اجابته فقال بهدوء:-

-ايوهه كنت عارف انك عتجعدي اهني فيها ايه يعني،انتي واخوي كنا جاعدين اهني جبل ما اتچوز امك واخوي مهران يتچوز خالتك فاطمه لولاش شغلنا اللي بعدنا مكناش تركنها بلدنا و اتدلينا القاهر وكان زمانك متربيه وسط اهلك وحبايبك اهني!

-انا ماليش دعوه بكل داا ، ازاي توافق على حاجه زي دي ازاي انا هلم حاجاتي واجي معاكوا 

جئت حتى تذهب من امامها وقفها صوت والدها الصارم قائلاً:-

-على شجتك يا سلمى وصوتك ميعلااش على چوزك تاني يلاا

نظرت له بأستغراب قائله:-

-بابي ،ثم حولت نظرها الي والدتها حتى تتدخل لكنها لم تنطق بكلمه واحده فردت دامعه من عينها ثم هرولت لاعلى دون ان تنطق بكلمه

نظرت رقيه الي زوجها بلوم قائله بعتاب :-

-ليه كدا يا محمد مقولتش ليه انه هيقعدها هنا على الاقل كنا مهدنا الموضوع

رد عليها بجمود:-

-المفروض مطرح ما يجعد تجعد معاه، مالناش صالح بيهم يتصفلوا مع بعض يلا همي خلينا نعاودوا كفايه الشغل اللي واجف داا

------------------- 

-صباح الخير يامامي ،صباح الخير يابابي

لم يرد عليهم احد جلسوا يتناولوا الطعام في صمت حتى قاطعوا والدهم قائلاً بجمود وهو يقبل جبهة زوجته:-

-انا رايح المكتب يا دريه،ومفيش خروج مش هعيد كلمتني تاني

خرج تاركهم دون ان ينطق بكلمه لهم

بينما نظروا الي والدتهم قائلين:-

-مامي

لم ترد عليهم اتجهت الي خارج غرفه الطعام فذهبوا ورأها 

-مامي لو سمحت ردي

-يامامي بليزز ردي مكناش قصدين نتأخرر

نظرت لهم اخيراً قائله:-

-ولما انتو مكنتوش قاصدين تتأخروا ليه متصلتوش بينا تبلغونا ان الطريق زحمه ،ولما اتصلنا بيكوا مردتوش انتو متخيلين احنا كنارعانلين ازاي والا فكار اللي جتلنا ساعتها ياهانم انتي وهى

نطقت شمس بلطف:-

-يامامي احنا مش صغيرين لكل دا واحنا فعلاً مخدناش بالنا من الوقت

نظرت لها بحده قائله:-

-اسكتي يا شمس احسنلك انتي بالذات متتكلميش ،انتي روحتي ليه اصلاً احنا مش كنا بعدنا عن العيله دي وقطعنا كل حاجه معاهم انا معرفش يحيي ازاي وافق انكوا تروحوا هناك لا وكل دا وجايين متأخرين لا براڤو

نطقت رغد اخيراً بدموع:-

-ماميي بليزز مكانش قصدنا مش هنتأخرر تانيي، بس بليزز بلاش تخاصمينا انتي وداد 

زفرت بحزن ثم احتضنتهم قائله بحنو:-

-احنا مش مخاصمينكوا بس انتو غلطوا لما اتأخرتوا تعالوا نقعد نتفرج على ال t.v لحد ما بابي يرجع وتتأسفوا ثم وجه حديثها الي شمس :-

-شمس

-نعم يا مامي

-شوفتي شريف امبارح

ردت بحزن قوي:-

-اه،اه شوفتوا

نظرت الي عينها الذي لمعت بالدموع قائله بحنو:-

-بابي كان عندو حق انو مكانش راضي يخليكوا تروحوا

-لا يامي سلمى هتفضل صاحبتي ودي مالهاش علاقه بيني انا وشريف ،وبعدين هما كانوا ساعتين وخلاص عدو ،المهم انا هروح لبابي المكتب انا ورغد نصالخوا ايه رايك

-لااا، انتو مسمعتوش امبارح وهو بيقول مفيش خروج ،كدا هيزعل اكترر

ردت رغد قائله:-

-بس احنا هنصالحوا يا مامي ،مش هنخرج في حته

-لا ياحبيبتي لما يرجع عشان ميزعلش مننا 

---------------

-يلاا يا رأفت يا ولدي خلينا نرچعوا

-يلاا يا حج انا جاهز اهو، نظر حوله ثم قال بأستفسار:-

-اومال شريف فين يا بابا ،مش شايفه هو نزل قبلنا ولا ايه

-معارفشي ياولدي ،حالو معاجبشي حد واصل

-جايبين في سيرتي ليه

-كنت فين ياعم انت

-كنت نايم هكون فين يابونت

-طب يلاا عشان بابا مستعجل 

نظر الي والده ثم ذهب اليه مقبل يده قائلاً:-

-صباح الخير ياحج ،انا جاهز يلاا ،بس فين جابرر وسولي مش نازلين معانا ولا ايه

-لااه يا ولدي منزلينش عيقدوا اهني

نطق بعدم فهم وهو ينظر الي اخاه الذي لم يفهم شيئاً:-

-ليه يابا

-هينزلوا كيف ياولدي وهو ماسك الشركه اللي هني هنهملوا بلدنا وشركتنا اياك 

نظروا الي بعضهم بعدم فهم فقال رأفت مستفسراً:-

-يعني سولي هتفضل قاعده هنا هى وجابر؟!

زفر قائلاً بصرامه منهياً ذلك الحديث عن الموضوع:-

-ايوهه ويلاا بلااش كتر حديت اختكوا دلوجت بقت مسؤله من چوزها ومطرح ما يقعد تبقى معاه هم انت وهو يلاا

ونطلقوا عائدين الي القاهره تاركين تلك الدموع المودعه لهم بحزن من تركهم لها بذلك السهوله كأنها عاله عليهم 

------------

ظل يعمل بعصبيه ليس لها مثيل فالاول خره يفقد اعصابه على احد ،فقدها على من عشقها، فهى سبب ذلك فمراراً وكتراراً حذرها من حديثها معه بتلك النبره لكنها ظنت انه سيتساهل معها ،،ظل غاضباً من نفسه فدموعها وهى تحادثه لم تفارق باله فهو سبب تلك الدموع لم يقصد مد يده عليها ابداً فهو لا يرى شيئاً عندما يتعصب ظل يعمل حتى اتي النساء فذهب عائداً الي بيته الذي اصبح خالي بعد ذهاب العيله بأكملها

------------------

-خلااص بقى يا بابي مش هنعمل كدا تاني

-وعد

-وعد

احتصنهما قائلاً:-

-طب تعالوا بقى احكولي عملوا ايه

ظلوا يحكوا له ما حدث معهم ختى قاطعهم سؤاله المفاجئ ل شمس قائلاً:-

-وانتي يارغد شوفتي شريف؟!

هزت رأسها فلمع الدمع بأعينها الذي كانت تحاول اخفاؤه منذ حديثها مع والدها

مد يحيي يده لها حتى يمسح دموعها قائلاً بحزن على حالها:-

-اهو عشان الدموع دي قولتلك متروحيش انا غلطان اني وافقت اصلاً

ردت بأبتسامه مصطنعه:-

-لا يابابي انا اصلاً مكلمتوس انا شوفته بس وهو بيرقص مع لرجاله

-طب وابوه شافك

-لاا

-طب يا حبايبي قوموا يلاا عشان نتعشي سوى ونتفرح على فيلم حلو سوى

ذهبوا الفتيات حيث غرفه الطعام بينما ظل والدهم ناظراً للفراغ بشرود حتى قاطعته زوجته قائله:-

-مالك يا يحيي،خلاص شمس مبقتش تفكر في شريف

-لا بتفكر يا دريه،هى منستهوش اصلاً

-طب هنعمل ايه ما ابوه السبب

-ربنا يهدي الحال ،يلا عشان ميلاحظوش غيابنا

#الحلقة_الرابعة

رجع جابر الي بيته فوجده خالي ثم دلف الي جناحه الخاص به وبزوجته فوجدها جالسه بصمت تنظر للفراغ تنهد بصمت فهو لا يحب ان يراها حزينه ومن من؟؟ منه جلس ناظراً لها حتى قطع الصمت قائلاً:-

-جومي يازينه البنات رچلك عتوچعك زياده 

لم ترد عليه واصرت الصمت فقال بعد دقائق بحزن:-

-طب زعلانه منيي رچلك زنبها ايه عااد جومي عتوچعك ومعتعرفيش تنامي منيها

نطقت بنعاس وهي تتثاب:-

-مالكش دعوه بيا انا مرتاحه كدا

زفر قائلاً:-

-طيب اعدلي رچلك ونامي عشان اكده رجبتك عتوجعك متتعبش جلبي وياكي

لم ترد عليه بسبب نومها فهي ظلت تبكي طوال اليوم حتى انهكها التعب 

اتعدل في جلسته ثم وقف وسار بأتجاهها حتى يعدل جسدها في الفراش لكنها تألمت بصوت عال ،ابتعد عنها سريعاً قائلاً بقلق ظاهر من شكله ونبره صوته:-

-وااه مالك يازينه البنات عملتك حاچه واني مش واخد بالي !

هزت راسها نافيه ثم ردت عليه بألم متقاطع من ارجلها:-

-رجلي وجعاني

رد عليها بعتاب قائلاً:-

- جولتلك اعدليها مسمعتيش كلامي

هم من جانبها ساحباً هاتفه حتى يهاتف الطبيبه المتابعه لها فأوقفته قائله:-

-لاا بلاش تتصل بـ دكتور واقعد انت ارتاح ،انا هاخد الدواء وهبقى كويسه

جلس بجانبها ساحباً انبوبه المرهم  شارعاً في دهنها مكان احدى الجراحات التي جرتها في احدى ساقيها بسبب تعرضها لاحد الحوادث منذ اشهر ،فسحبتها سريعاً من يده قائله بأرتباك :-

-لاا هدهنها انا قوم انت غير هدومك واتعشى 

ثم تذكرت ما فعله بالصباح فقالت بتكشيره:-

-وبعدين متكلمنيش اصلاً انا مش ناسيه اللي انت عملتوا الصبح، انت خدعتني ياابن عمي مقولتليش انك ناوي تبعدني عن كل اللي اعرفه واقعد معاك هنا 

تنهدت بحزن قائله بخفوت:-

-انا بتكلم معاك ليه ،اذا كان بابا نفسه سابني ومشي وكان عارف انك ناوي تقعدني هناا،يبقى هلوم عليك انت

نظر لها بثبات قائلاً:-

-انتي ليه محسساني اني خاطفك دا بلدك ودول ناسك ومعتلاجيش حد يحبك زيهم انتي اهني تنامي في آمان وانتي مطمنه ان محدش هيأذيك واصل،وبعدين انتي في اي وجت عاوزه تشوفي اهلك اني مش همنعك منيهم واصل هننزلوا في الاچازات،هنروحوا بيعد ليه شمس صاحبتك مش لما اتزوجت شريف جات اهني وعاشت سنتين لولاش اطلجوا كان زمانهم اهني، يازينه البنات اني في الاول ولاخر زوچك مش هضرك

تجاهلت كلامه قائله:-

-بس شمس كانت هى وشريف بيحبه بعض مش واخدها غصب ياابن عمي يا جوزي!

-نامي يا زينه البنات نامي، بس كلي الاول،شكلك مجربتيش من الوكل من امبارح 

هزت رأسها نافيه وهى تعاود الي النوم مره ثانيه:-

-لا مش جعانه هنام

سحب الغطاء من عليها قائلاً قائلاً بأمر:-

-لااع جومي يازينه البنات كلي عااد انتي عارفه اني معحبش اجول الكلمه مرتين

------------

رجع رأفت وعيلته الي القاهره ثم دلفوا جميعهم الي منزلهم بينما صعد مهران وزوجته الي الشقه المجاوره لهم

جلست فاطمه قائله بأرهاق وهى تفك حجابها:-

-اخيراً وصلنا الطريق متعب اوي

جلس مقابها قائلاً بمداعبه:-

-واهه لا انتي اللي شكلك كبرتي عاد ومعتستحمليش ساعتين تلاته في العربيه

نظرت له قائله بعتاب:-

-اخس عليك يا مهران بقى انا كبرت ماشي، بس لو انا كبرت تبقى انت كمان كبرت خد بالك

نطق بشموخ وهو يعدل من نفسه :-

-اني كبير في المجام ودا كفايه

نظرت له مجيبه بحب:-

-طول عمرك كبير ومقامك كبير،اومال جابرر طالع لمين غير لابوه ،طالع شبهك في كل حاجه حتى شخصيتك مع الكل حاجه ومعايا انا حاجه تانيه خالص،هو كمان مع سلمى حاجه تانيه 

ثم اكملت بحزن ظاهر:-

-بس للاسف مش بتحبه،بقى في حد يلاقي حد بيحبه كل الحب دا وميحبوش ..انا زعلانه عليه اوي

تنهد مرتباً على يدها قائلاً:-

-ولدك معيتزعلش عليه واصل دا راچل وانا خابر ولدي زين هو هيعرف يتعامل امعاها وجريب هتلاقيها بجت تعشجه كومان دا ابن مهران النچار يا فاطمه

ابتسمت له بحب مرتبه على ظهره:-

-ربنا يباركلنا فيك ياحبيبي،وتشوف عيله،ويسعدك يا جابر يابني يلا ننام يا حج عشان تعبت من الطريق ولا اقولك غير هدومك عقبال ما احضرلك العشاا

-لاا يا بطه اني كومان هنام بس كلي انتي حاچه جبل ما تنامي ،انتي مكلتيش في الطريج

-----------

صباح يوم جديد 

خرجت رغد من منزلها متجها الي احدي النوادي حتى تستكمل تمرينها فقابلت في طريقها الي الداخل احد الفتيات التي تعرفت عليهم في النادي

-ايه دا رغد فينك يابنتي كل داا،مش باينه خالص ليه كدا

-هاي ريم، موجوده اهو بس مكنتش باجي،واديني جيت اهو عشان اكمل التمرين، عامله ايه

-انا تمام الحمدلله 

اومأت لها ثم سألتها بأستفسار:-

-اومال فين الكوتش عماله ادور عليه مش لاقياه

-مجاش انهارده النادي 

ضربت على جبهتها قائله:-

-اوبس، انا نسيت انو مش بيحي في اليوم دا ،خلاص همشي انا 

-تمشي ليه بس يابنتي تعالي اقعدي معانا شويه انتي مش باينه بقالك كتيرر

-ريموو، بجد مش في المود وكنت جايه عشان اسلي نفسي شويه بس اهه الكوتش طلع مش بيجي في اليوم دا وانا كنت ناسيه خالص 

-انتي مالك كدا حساكي متغيره فيكي حاجه

ظلت ساكته بعض الوقت ثم قالت بحزن:-

-مخنوقه اوي يا ريم سلمى اللي كنت بروحلها لما اتخنق اتجوزت وطلعت هتقعد في الصيعد ولسه عارفه الكلام دا الصبح بعد ما مشيت منوعندها وكمان وشمس اختي طلعت هى كمان اللي فيها مكفيها 

-ايه دا سولي هتقعد في الصعيد

-اه

-طيب ايه رأيك تنزلي شغل تسلي وقتك فيه بدل ماانتي زهقانه كدا

-لا انا مش بتاعت شغل واصحي كل يوم في نفس الميعاد ونفس المكان اللي هروح كل يوم بنفس الاشخاص وكل حاجه روتين بقى كدا لا ياستي شغل لا

نطقت بذهول من حديثها"-

-يخربيت كميه الطاقه السلبيه اللي عندك ،انا هروح استقيل من شغلي حالاً،انا اساساً ايه حابني النادي النهارده انا طول عمري بخلص شغل وبطلع على بيتي وعيالي

-سوري ياريموو مش قصدي ،بس دي الحقيقه على فكره انا مش بهز اا

توقفت عن الحديث قائله وهى تنظر الي ريم المنصدمه من كثره حديثها فقالت وهى تهم بالنهوض حتى تذهب الي بيتها:-

-هو انا رغايه صح،سوري بقى ياريمو جت فيكي انتي ،انا كنت عاوزه اتكلم وانتي جيتي في وشي اول مادخلت النادي،طب انا همشي  بقى عشان ماما متقلقش من تأخيري وهبقى اكلمك لنا انزل النادي تاني باي ريموو

خرجت رغد من النادي ثم اتجهت نحو سيارتها فأوقها صوته الذي تعرفه عن ظهر قلب:-

-مين انسه رغد هنا في النادي منورانا

التفت له قائله بخفوت:-

-اذيك ياا رأفت اا اقصد استاذ رأفت اذي حضرتك عامل ايه

قال  بنظرات متفحصه فهى دوماً تهابه دون سبب يذكر:-

-استاذ؟! شيفاني واقف بقلم وعصايه على سبوره، انا كويس 

لم تنظر له واتجهت تتابع سيرها حتى تذهب من امامه بسرعه فقال لها بحده اوقفتها:-

-هو انتي بتكلمي هوا عشان تمشي وانا بكلمك ياانسه !

التفت له ناظره برهبه ودموع تلمع بعينها:-

-لاا مش قصدي بس كنت عاوزه امشي عشان ماما ماقلقش علياا

نظر لها بأستغراب فما سبب دموعها تلك فهو لم يفعل لها شئ حتى توصل لتلك الحاله 

-طب وانتي هتعيطي ليه انا كلمتك ياانسه؟!

هزت رأسها نافيه وهى على وشك البكاء قائله:-

-اناا ..ممكن امشي صح؟!

-امشي انا مش ماسكك اتفضلي

ذهبت سريعاً من امامهربينما ظل هو ينظر في ظلها الذي اختفي بأستغراب فهيا تهابه دائماً ..وعندما سأل اخته عن السبب قالت لهزانها تهايه منذ ان راته يضرب احد عندها بالكليه هز رأسه مكملاً سيره حيث النادي حتى يكمل تدريبه

----------

-ياشريف يا ولدي

-اؤمرني يا بابا

-الامر لله واحده، روح على الصعيد تاني وامسك الشغل مع ابن عمك ،انت عارف انو لساته متچوز چديد وهو مصر انو يندل الشغل ف روح وشيل عنه شويه

هز رأسه متفهماً قائلاً:-

-حاضر ياحج هروح الصبح بدري ان شاء الله تؤمرني بحاجه تاني

-لا ياولدي ،هعوز ايه تاني غير راحتك وراحت بالك

-ربنا يسهل ياحج ادعيلي انت بس انت والحجه

-واحنا بأيدنازايه ياولدي غير الدعا ربنا يهدي النفوس

------------

نطقت شمس بأستغراب من عوده رغد: -

-رجعتي ليه بدري كدا ،دا انا كنت لسه جيالك اقعد معاكي هناك شويه

-الكوتش مجاش انهارده فرجعت اقعد اعمل ايه ،اومال بابي ومامي فين

-بابي راح المكتب ومامي بتاخد شاور ونازله

-اوكي

-مالك

حكت لها رغد عن مقابلها ل رأفت

-طب وانتي بتخافي منو ليه رأفت كويس على فكره رغم خناقتنا مع بعض بس هو كويس ومش بيخوف ولا حاجه

-انا عارفه بس بخاف منو بوضو

سألتها بتردد:-

-طب وواا ..شريف

-مالو 

-مشوفتيهوش

-لاا 

ثم اكملت بحزن على حال شقيقتها:-

-هو مكلمكيش من ساعتها

هزت رأسها بنفي ثم قالت حتى تغير مجري الحديث:-

-هقوم اعمل فشار عشان نتفرج على فيلم سوى ،قومي غيري هدومك بقى عقبال ما مامي تنزل وبابي يرجع من المكتب ياقلبي

**********

يتبع 

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙