رواية حكاية مريم الحلقه الاولى بقلم محمد منصور حصريه وجديده على مدونة النجم المتوهج
رواية حكاية مريم الحلقه الاولى بقلم محمد منصور حصريه وجديده على مدونة النجم المتوهج
أحنا دلوقتي في اوضة نوم واحدة رقاصه أسمها فتحية السيد. وشهرتها توحه. وهي عندها حوالي 35 سنه ومن ساعه ما وعيت علي الدنيا وهي رقاصه وماتعرفش تعمل حاجه الا الرقص ومن وراء الرقص عملت فلوس زي الرز وحاطه فلوسها كلها في شقتها في خزنه كبيرة وقافله عليها بكلمه سر من حروف بنتها رضوي. اللي عندها 7 س وفتحيه او توحه كانت رقاصه مكروة من كل اللي حواليها عشان ديما لسانها غلاط ما ينطقش الا أقذر الالفاظ. واللي بيقرب منها بيقرب بس عشان عايز منها مصلحه او طمعان في حاجه تخصها. ودليل علي كدة البلطجي جنزير اللي عايش معاها بورقه عرفي قال يعني متجوزها واللي كاتب رضوي علي أسمه وهو مش متاكد هي بنته ولا لا. لكن المصلحة تحكم. والمهم انها تصرف عليه وفي المقابل فتحية مستحمله جنزير عشان بيحيمها والكل في كار العوالم بيعمل له حساب ويخافو منه..........
حكاية مريم
من تاليفي.
محمد منصور.
منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وأول من الساعه دقت 9 ص. وأثناء ماكانت فتحيه نايمه تستيقظ علي صوت خبط علي باب شقتها فقامت من النوم وهي مفزوعه وبتنفخ ومش طايقه نفسها لانها نايمه قبل شروق الشمس بلحظات . فقامت مع علي سريرها وراحت ناحية الباب وهي بتقول بعصبية
بطل خبط علي الباب ياللي تنقطع ايدك
وفتحت الباب بعصبيه شديدة فليقت قدامها شاب وسيم جدا في العشرينات من عمرة يدعي بدر و يرتدي لبس العمال اللي بيشيلو طوب ورمل فتنظر له فتحية باستحقار وتقول
أنت مين.
وتنظر فتحية علي أيدة وتقول
واللي عايزه قطعها دي عمال ترزع علي الباب بتاعي ليه
بدر بلغه الصعيدا يقول بعصبية
مالك يا ولية. عماله تغلطي لية
فتحية بعصبية
ولية. الولية دي تبقي أمك
بدر بعصبيه شديدة
اما انتي مراة قليلة الادب صحيح
فتحية وهي تمسك بدر من لايقة قميصة
نعم يا روح أمك. هي مين اللي قليلة الادب. وديني وما أعبد مش هاسيبك الا وانت محبوس
بدر وهو يمسك يدها بقوة ويلفها حوالين ظهرها ويقول
هي حصلت يامراة انتي تمدي ايدك علية.
فتحية وهي تحاول الافلات من يدة القوية تقول
سيب أيدي يا جلنف أنت
بدر بغضب شديد
أنا جلنف يا مراة ياغلاطة
في هذة اللحظة يقف البواب أمامة ويقول له
بس بس. في ايه يا بدر سيب أيد الست فتحية ما ينفعش كدة
بدر للبواب الذي يدعي منتصر
بتغلط ليه هي وكمان عايزا تضربني ألمراة الغلاطة دي
فتحية
وحياة امك لأربيك. واعرفك المراة الغلاطه دي هاتعمل فيك أية
فيبعد منتصر بدر عن فتحية وهو يقول لها
حقك علية يا ست فتحية. بدر دة أبن حلال. ومايقصدش اللي بيقوله. وكمان مرة حقك علي راسي من فوق
فتنظر فتحية لمنتصر وبمنتهي قلة الذوق تقول
راسك انت وهو تحت جذمتي.
وتنظر لبدر وتقول بتهديد
وانا هاعرفك ازاي تمد أيدك عليا.
بدر بعصبيه وهو يحاول الهجوم علي فتحية
يامراة. يا بن، ،،،،،،،
منتصر وهو يمنعه من الشتيمه ويقول لة
بدر. خلاص. وبعدين انت أية اللي طلعك هنا
بدر
عندي نقلة رمل وطوب والعربية بتاعت الولية دي واقفة تحت الونش مكان ما هاننقل خوفت يحصل لعربيتها حاجه طلعت أستسمحها تنزل تنقل عربيتها بعيد شوية لغاية ما اطلع الطوب والرمل. لقيتها بتغلط وبتشتم وحاجة اخر قلة أدب. لكن أنا غلطان اني فضلت أسأل اهل المنطقة لغاية ماعرفت ان دي عربيتها وطلعت لها. لكن انا هانزل دلوقتي وأصلا العربية مش متعشقة انا هانقلها بعيد عن مكان الونش ومش عايز منها حاجة
وينزل بدر مسرعا وفتحية تقول لمنتصر
هو الجعر دة ها ينقل العربية بأية
منتصر
ماعرفش
فتحية
طيب أنزل امنعه والا وحياة بنتي لو حصل خدش في العربية مش هارحمه
فينزل منتصر مسرعا خلف بدر وهو ينادي علية وتدخل فتحية الي بالكونه شقتها وهي تقول
لما اشوف المجنون دة هايعمل أية في عربيتي
وبصيت فتحية من البالكونه لقيت بدر وهو بيرفع العربية ومعه أتنين من رجالة تبعه. ورغم ان منتصر بيحاول منعه لكنه مش قادر عليه وفي اللحظة دي وبدر بيرفع العربية بمنتهي القوة اعجبت فتحية برجولته وقوته وقالت لمنتصر.
خلاص يا منتصر سيبه
فينظر لها منتصر وبدر باستغراب شديد فتضحك وهي تنظر لبدر ،،،،،،،،،
ومرت الايام وبدأت فتحية تلف خيوطها حوالين بدر كالعنكبوت وبدات تتكلم معه بمنتهي الحنية والدلع وبدر لم يستحمل جمالها وحنيتها ووقع في شباكها. لغايه ما جيت ليلة وبدر عند فتحية فقالت لة
أنت هاتفضل كدة معذبني ومش عايز تريحني وتسمع كلامي
بدر
اسمع كلامك في اية. اني اكون ليكي بالحرام. لا.
فتحية وهي تلف يدها حوالين رقبته
ومين قال بس تكون لي في الحرام. ما احنا هانتجوز عرفي
بدر بسخرية
العرفي هو الحرام نفسه. وكذبة طلعوها شوية اشكال ربنا يرحينا منهم
فتحبة
يعني اية
بدر بحسم
يعني انا مش هاعمل حاجة تغضب ربنا.
فتحية بضيق
خلاص. يبقي نتجوز رسمي طالما انت عايز كدة يا روح قلبي،،،،،،
ومن داخل الكبارية اللي شغالة في فتحية تجلس فتحية في حجرتها وجنزير البودي جارد الضخم يجلس أمامها ويقول لها بعصبية
انتي بتقولي بقي عايزاني بنفسي أجيب لك ماذون وتتجوزي اللي أسمه بدر دة
فتحية
وفيها أية.
جنزير
فيها أني جوزك. يا توحه
فتضحك فتحية ضحكه عوالم وتقول له
جوز مين. فوق يا جنزير واوعي تصدق الورقة المعفنه اللي بيني وبينك. دة احنا كتبنها كدة عشان تحميني وما حدش يطمع فيا. يعني قدام الناس انت جوزي انما بيني وبينك انت. شغال عندي وبمرتب
جنزير
كدة يا فتحية غلط.
فتحية
غلط علي الزلط يا روح امك. جنزير أوعي تنسي نفسك والنهاردة بالليل تكون عندي ومعاك ماذون كدة وكدة واتنين شهود
جنزير باستغراب
يعني اية بقي ماذون كدة وكدة
فتحية
يعني واحد يعمل مأذون ويعمل نفسة بيكتب كتابي وياخد قرشين ويغور
جنزير
طيب ولية اللفة دي كلها.
فتحية
هو كدة بدر عايز يتجوزني في الحلال
جنزير
لا. والله عندة اخلاق قوي. يعني عارف انك رقاصة وعايز يتجوزك.
فتحية
ماهو ماوافقش علي الجواز مني الا بعد ما قالت لة اني بطلت رقص
جنزير بدهشة
وعليكي بأية دة كله ما تسيبك منه
فتحية
عاجبني وانت عارفني بقي لما حاجة تعجبني لازم اخدها
جنزير
عجبك في اية كلسونه المقطع ولا ريحتة المعفنه. عايز اعرف الواد دة في اية زيادة عني
فتحية وهي ترفع حواجبها وتنظر له
راجل. ماقبلش مرة تشتمه ولا تهينه. لكن انت بقرشين هاتجوزني لي ولو في زفة هاخليك تمسك لي الشمع ولو قلعت اللي في رجلي وضربتك بي. هاتقولي اضربي تاني
جنزير بضيق ولكنه يكتم غيظة
ولما هو راجل كدة وعجبك ما تتجوزي رسمي
فتحية ضاحكا
هو انا غبية عشان اخلي راجل يتحكم فيا. كفاية اللي حصل من جوزي الاولاني. واللي بسببة كرهت الجواز
جنزير
ولما يسال علي القسيمه
فتحية
قبل ما يسأل علي القسيمه هاكون زهقت منه ورميته زي اللي قبله وقبله.
وتضحك وتقول
وهاخليك كمان تجيب لي واحد غيرة
فينظر لها جنزير ويضغط علي اسنانه من شدة الغيظ، ،،،،،
وبعديها بكام يوم يقف بدر أمام باب شقة فتحية ويخبط علي الباب فتفتح فتحية لة الباب ومعها جنزير فينظر لها بدر غاضبا ويقول
مين دة يا مراة
فتنظر فتحية لجنزير وتقول
جوزي.
بدر باستغراب شديد
جوزك ازاي وانا.
فتحية ضاحكا
وانت كمان جوزي. بس خلاص زهقت منك.
بدر بعصبية
يعني اية زهقتي. انتي مراتي
فتحية
مرات مين يا بابا. انت صدقت الراجل ابوة عمه اللي جة لغاية هنا وجوزنا دة كان كدب عشان تبقي بتاعي وخلاص قرفت منك ومن هدومك المقطعه. ويالا بقي غور من هنا
وتستعد فتحية لكي تغلق الباب ولكن بدر يمنع الباب من ان يغلق ويقول بعصبية
أنتي تضحكي علية انا يا مراة يا واطية
ويمد بدر يدة لكي يضرب فتحية ولكن جنزير يمسك يدة
ويقول له
أنت اتجننت يلا. وعايز تمد ايدك علي توحه وانا واقف
ويدفع جنزير بدر بعيد عنه ولكن بدر يهجم علي جنزير ويبدا بينهم صراع دامي ينتهي بان جنزير يكسر يد بدر كسر مضاعف مما يجعل بدر يصرخ بشدة ويتالم من شدة الوجع ويتجمع سكان العمارة علي صوت الصراخ. ويطلب البوليس وياتي ويتم القبض علي جنزير. ،،،،،،،
وبعدها بأسبوع تخرج فتحية من الكبارية وتجد رجل عجوز ملابسة مهلهة والفقر اكل من جسمه ما اكل وبجلس امام عربية فتحية وينظر ناحية فتحية فتلاحظ فتحية نظراته لها وتذهب ناحيته وهي منفعلة وتقول
انا كام مره اقول لك ما تسندش علي العربية بتاعتي بهدومك الوسخه دي والا هاخلي البودي جارد يرموك بعيد
فينظر لها الرجل العجوز ويقول بمنتهي الحب
ماتزعليش يا مريم. مش هاعمل كدة تاني
وينهض بصعوبه ويمشي من امامها وهي تنظر له وتقول باستغراب
مريم. بيكلم مين دة
وتركب سيارتها وتنظر ناحية الرجل العجوز وهو ينظر لها. ،،،،،
وبعدها بيومين ومن أمام العمارة اللي ساكنة فيها فتحية تقف فتحية بسيارتها فيتجة منتصر البواب ناحيتها مسرعا ويقول لها
ماتنزليش من العربية يا ست فتحية
فتحية باستغراب
منزلش لية.
منتصر
بدر مات
فتحية بدهشة
مات ازاي. دي الخناقة خلصت بينه وبين جنزير بكسر في ايدة
منتصر
لا. مش كسر وبس. اللي عرفته من رجالة بدر انه حصل لة نزيف داخلي بسبب خبطة في دماغه. والنزيف دة سبب موته. وأخوة مطاوع عرف وجه من البلد وراح أستلم جثة اخوة ودفنه وجاي علي هنا عشان ياخد بتارة منك
فتحية بجبروت
مني انا. وانا مالي
منتصر
ما هو بدر قبل ما يموت أتصل ب اخوة. وقال له علي كل حاجه حصلت واخوة حلف انة مش هايرجع البلد الا لما ياخد تارة منك
فتحية بخضة
يادي المصيبة السودة. هو أنا ناقصة. مايروح اللي اسمة مطاوع دة ياخد حق اخوه من جنزير اللي قتله
منتصر
مش دة المهم. المهم دلوقتي تهربي يا ست فتحية. قبل ما تقع الفاس في الرأس وأوعي تقربي ناحية العمارة الا لما أتصل انا بيكي عشان اللي عرفته من رجاله بدر ان مطاوع دة قتال قتله ومش هايسيبك في حالك
فتحية
وفين رضوي بنتي
منتصر
نايمة جوة مع عيالي. اخش اجيبها لك. وانتي الله يخليكي ابعدي عن العمارة خالص اليومين دول لغاية ما مطاوع دة يرجع بلدهم
فتحية وهي تنزل من العربية.
عقبال انت ما تجيب رضوي هاطلع شقتي اجيب هدومي وهدوم رضوي
منتصر
ماشي يا ست فتحية بس بسرعه. قبل ما يجي مطاوع
وطلعت فتحية للشقة مسرعا وفتحت الخزنه بتاعتها وخدت كل فلوسها وهدومها وهدوم بنتها. ونزلت جري وركبت عربيتها وانطلقت مسرعا وضحك منتصر وهو بيبص علي العربية وقال لنفسه
غوري ربنا ريحنا منك ومن لسانك الطويل وسكتك الشمال
وخرجت زوجة منتصر ووقفت قدام جوزها وقالت
مشيت
منتصر
غارت في داهية
زوجة منتصر
وصدقت فعلا أن بدر لي اخ اسمه مطاوع وعايز يقتلها
منتصر
طبعا صدقت. وخدت هدومها وهربت دي كانت موسخه لينا العمارة.
ويتنهد منتصر ويقول
بس ماتعرفيش قد أية انا زعلت علي بدر انه مات لكن بصراحة اول ما عرفت انه مات بسبب الخناقة اللي حصلت بينه وبين البلطجي جنزير. قولت لنفسي جت من عند ربنا أكدب عليها واقول لها ان بدر لي اخ اسمة مطاوع وعايز يقتلها. عشان تسيب الشقة وتغور بعيد عننا
زوجة منتصر
ولما تسيب شقتها أنت هاتستفيد اية
منتصر ضاحكا
الا هاستفيد اية. اول حاجة هأجر الشقة. مفروش من الباطن واخد من وراها فلوس كتير . ومن ناحية تانيه أبقي نضفت العمارة من وساختها
زوجة منتصر
ولما ترجع في اي وقت
منتصر
مش هاترجع. لان اللي زي فتحية دي تخاف من الموت اللي زيها جنتها علي الارض وبس، ،،،،،،،
وبعدها بكام ساعه تكون فتحية بداخل حجرة في اوتيل خمس نجوم ومعها بنتها وشنطة سفر كبيرة فيها كل فلوسها وكام شنطة تاني فيهم هدومهم. وتتكلم في الموبيل مع سيد متعهد الحفلات بتاعتها وتقول له
أيوة يا سيد. شوف لي شقة بسرعة وماحدش يعرف عنوان ليها الا انت
سيد
بس كدة من عينية يا ست الكل
وتغلق الخط فتسمع رضوي بنتها تقول لها
ماما. هو احنا سيبنا شقتنا لية
فتحية
عشان هاشوف شقة احلي من اللي أحنا كنا فيها
رضوي
واللي احنا فيها كانت مالها. ماهي كانت حلوة
فتحية وهي تحضن بنتها.
اللي جاية هاتبقي احلي،،،،،،
ومن داخل محل منظفات بسيط جدا في منطقة شعبية تقف امراة في الستينات من عمرها تدعي منيرة وكانت تبيع لزبونه مسحوق غسيل فيقف أمامها رجل في الاربعينات من عمرة يدعي الشيخ حسان ويقول لها
ازيك يا خالتي منيرة
فتنظر له منيرة فرحا وتقول
أزيك يا حسان عامل اية
حسان
أنا بخير أنتي اللي عاملة أية. وعمي رضوان رجع ولا لسة
منيرة بحزن
لسة يا حسان يا ابني من ساعة ما خرج وقال لي أنه عرف مكان مريم ومش هايرجع من غيرها وهو ما رجعش
حسان
هو لية مش قادر يصدق أن مريم ماتت
منيرة
ما انت عارف هو كان بيحبها قد اية وخصوصا انها ماتت وهي زعلانه منه وكانت طالعه تجري في الشارع وهي خايفة منه وخبطتها العربية وموتها قصر جامد علية وبدأ يشوف أي واحدة من سن مريم او فيها شبة منها علي انها مريم.
حسان
انا والله قالب الدنيا عليه ومش ساكت لكنه مالهوش أي أثر
منيرة
ربنا يرجعه بالسلامه. ويصبرني علي فراقه
فيخرج حسان من جيبة مبلغ من المال ويعطي هذا المال لمنيرة وهو يقول
طيب خدي دول خليهم معاكي
فتحاول منيرة أبعاد الفلوس عند يدها وهي تقول
مستورة يا حسان والله.
حسان وهو يترك الفلوس في يدها يقول
وبعدين بقي هو انا مش زي هاشم ابنك.
منيرة بحزن
هاشم اللي نايم فوق ومش فارق معه ابوة اللي مش لاقينه لغاية دلوقتي. والمهم عندة سيجارة الحشيش
حسان
أدعي له بالهداية
منيرة
ربنا يهدي. ويحس بيا شويه وينزل يقف في المحل مكاني بدل ما انا واقفه مش قادره
حسان
انا كلمته كتير لكنه مش عايز يرجع عن الطريق اللي ماشي في، ،،،،،،،،،
وبعديها بكام يوم ومن داخل القسم اللي محجوز في جنزير يقف جنزير قدام سيد في اثناء الزيارة ويقول جنزير بغضب
هو ايه. اللي تعمل لي أيه. أنا في المصيبه دي بسببها
سيد
هو حد قال لك تستغبي علي الواد لغايه مايموت في أيدك
جنزير
اجله بقي. هو أنا يعني كنت اعرف أني لما اخبطه بالحديده علي دماغه هايجي له نزيف داخلي ويموت
سيد
واحد زي الحيطه زيك محتاج حديدة يضرب بيها ليه ماكفايه أيدك اللي زي المرزبة
جنزير بغضب
الواد كان عفي وصحته حلوة. وبعدين خلاص بقي. اهو اللي حصل المهم تعرف فتحيه انها تتصرف وتخرجني من المصيبه دي
سيد
هاتتصرف تعمل لك أية تاني. جابت لك احسن محامي. وقال انك هايتحكم عليك بالميت 10 س. عشان اتعمل لك قضية ضرب أفضي اللي موت.
جنزير
هو مين دة اللي هايتسجن 10 س. انا مش هادخل التخشيبه لوحدي فهم فتحية كدة
سيد
هاتعمل أية يعني
جنزير
هاقول انها اللي حرضتني علي قتل بدر. ويالا بقي عليا وعلي أعدائي
سيد
بس كدة غلط يا جنزير.
جنزير بلامبالاة
غلط. صح. . هو دة اللي عندي. يا تطلعني منها لتكون معايا في السجن،،،،،،،
ومن داخل الكبارية تجلس فتحية مع سيد اللي حكي ليها كل اللي قاله جنزير وقالت
الواطي.
سيد
قفلت عليكي زي الدومنه لازم تهربي
فتحية
أهرب. أهرب من أخوة بدر اللي عايز يقتلني ولا من جنزير اللي عايز يتبلي عليه ويهيج الحكومه ضدي
سيد
قدامك حل تاني
فتحية
لغاية دلوقتي مافيش. لكن لازم أفكر في حل انا لو حصل لي حاجه بنتي هاتتبهدل من بعدي،،،،،،،
وتخرج فتحية من الكبارية فتجد نفس الرجل العجوز وهو عم رضوان يجلس أمام سيارتها فتنظر له بغضب وتقول بعصبية
أنت تاني.
رضوان
معلش. حقك علية مش هاعمل كدة تاني يا مريم
فتحية وهي تهجم علية وتمسكة من ذراعه وتقول له
أبعد عن عربيتي وسختها بهدومك
فينهض عم رضوان وهو يبكي وينظر لها ويقول
لسة برضو مش عايزا تسمحيني يا مريم
فتنظر له فتحية بأستغراب وقلبها بدأ يلين له ولكنها تركب عربيتها وهي في العربية تسمع بكاء عم رضوان ولكنها تدور العربية وهي تنظر له وهو ينظر لها ويبكي فتبطل العربية وتنزل منها مسرعا وتخرج منديل من شنطتها وتمسح دموعه وهي تقول
أنت عمال تعيط لية كدة. ومين مريم دي
رضوان وهو يبكي بحرقة ويبوس رجل فتحية
أنتي مريم بنتي. ليكي حق تزعلي بس ارجعي معايا وانا والله مش هاضربك تاني
فتحية وهي تبعدة عن قدمها وتقول
أنا مش مريم. ممكن أكون شبهها. بس والله انا مش هي
رضوان
للدرجه دي زعلانه مني. طيب ارجعي معايا امك مستنياكي
وفي هذة اللحظة يخرج سيد من الكبارية مسرعا ويتجة ناحية فتحية ويقول لها
جنزير غدر بيكي.
فتحية بخضة
بتقول اية
سيد
المخبر حامد اللي جوة القسم واللي انا مخلي يراقب جنزير عشان لو عمل اي دقه نقص لسة متصل بيا حالا. وقال لي ان مامور القسم قال لجنزير انه هياخد في القضية دي مؤبد وجنزير اول ما سمع الكلام دة اتجنن وبقي زي الطور الهايج وقال انك انتي اللي قولتي له يقتل بدر وهايطلع امر من النيابة وهايتقبض عليكي. لازم تهربي بسرعه يا فتحية
فتحية
اهرب بس. اروح فين
سيد
اي حتة. ماحدش يعرفك فيها وياريت لو تغيري أسمك
فتحية
أغير اسمي.
فتنظر لرضوان وتفكر للحظات ثم تقول لسيد
مافيش غير أني اكون مريم
وتنظر لرضوان مرة أخري ،،،،،،،،،
اية اللي جاي وازاي هاتعيش فتحية باسم مريم ومرات رضوان هاتقبلها وهي مريم. وتصدق انها بنتها ولا. لا.
تابعوني وانا هقولكم. اصل انا خباص 😂😂
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
تعليقات
إرسال تعليق