رواية الحُب ام الغرور الجزء الثاني الفصل الاول والثاني بقلم الكاتبه ملك أحمد حصريه وجديده على مدونة النجم المتوهج
 |
رواية الحُب ام الغرور الجزء الثاني الفصل الاول والثاني بقلم الكاتبه ملك أحمد حصريه وجديده على مدونة النجم المتوهج
بعد مرور سنه
أمام البحر
تظهر لنا فتاه تقف عند البحر وتغمر قدمها الأمواج ... وشعرها الذي يتطاير بسبب الرياح القويه .... ذهبت الفتاه وجلست علي الكرسي المقابل البحر والأمواج تلامس قدمها
كانت توانا تنظر للبحر بحب وتمسك ورقه وقلم لتعبر عن ما بداخلها ...
" اشعُر بِأن العَالم كُلهـ ضِدي لَم أجِد رَاحتي سِوي فِي الكِتابه أمام البحر والموج ف شَعرتُ بِأن المَوج الَذي يُلامس قَدمي لَيس بِمجرد مَوج بَل إنهُ كَيان يُحاول أن يُداعبني و يُواسيني فِي وِحِدتي ... شَعرتُ بِأن نِسمة الهَواء التي تُلامس شَعري بِأنها شَخصًُ يُحاول أن يَحتويني بِما أن العَالم كُله خَذلني لم أجد الرَاحه والأمَان فِي حَياتيِ ولَن أجدهم ... ""
فجأة جاء صوت قاطع تفكير توانا ...
ـ بثينه (رئيسة توانا ف العمل) : انتي يابت مش كفايه بقي كتابه وقعده قدام البحر ؟
ـ توانا : انا اسفه جداً يا استاذه ...
ـ بثينه : طيب يلا روحي نصفي الحمامات قبل ما الضيوف يجو ...
ـ توانا : حاضر ...
ثم ذهبت توانا لتنجز عملها ....
@@@@@@@@@@@@@@@@@@@@
في شركه ضخمه جداً..... وقف الجميع مثل طابور تحيه للرجل الذي يدخل من الباب ....
دخل رجل يرتدي بدله سوداء فخمه بساعته العالميه وبنظارته ذات الطراز الجميل ... اجل أنه هو آدم الانصاري....
دخل آدم بهيبته كالعادة ثم جلس وهو يقول : عايزين نعمل الفلم الجديد ف مكان يكون احسن من هنا محتاجين حاجه جديده ...
ـ أحد الموظفين : زي اي مثلاً ؟
ـ آدم : زي مكان في بحر ....
ـ تحدث حازم قائلا :هنعملها ف البحر مكان تحفه ....
ـ آدم : عندك حق... طيب بحيث كده بقي الجلسه الجايه هتكون ف الغردقه .... متنسوش ... شكرا ... ثم ذهب آدم لمكتبه ...
@@@@@@@@@@@@@@@@@@@@
دخل آدم للمكتب ورمي الجاكيت الخاص به علي الكرسي ثم وقف وهو يضع يده في جيبه ويقف عند الزجاج الذي يطل علي الطريق العام ...
وأخذ يتذكر توانا أو بالأحرى أنه لم ينساها طوال السنه الماضيه ....
دخل حازم لمكتب آدم ورأه يقف
قال له : مش هتبطل بقي تفكر فيها ؟
ـ آدم : مش قادر انسي إلي عملته بس مش قادر انساها لكن مش حباً فيها لا انا بس نفسي الاقيها عشان ادفعها تمن إلي عملته فيا ...
ـ حازم : كفايه بقي يا آدم كفايه لوم ف البنت انت حتي مسمعتهاش ...
ـ آدم : احياناً الحقيقه مش بتبقي محتاجه شرح هي بتبقي باينه ...
ـ تنهد حازم وخرج من المكتب وترك آدم ينظر للطريق من الزجاج ....
@@@@@@@@@@@@@@@@@@@@
رواية الحُب ام الغرور
الجزء التاني .... البارت التاني
@@@@@@@@@@@@@@@@@@@@@
ـ في اليوم التالي ذهبت الشركه لمكان التصوير .....
@@@@@@@@@@@@@@@@@@@@
عند توانا ...
ـ توانا : بس يا فندم انا تعبت يعني وبصراحه مش من المعقول إن الشغل كله يبقي عليا انا ...
ـ المدير : يا بنتي صحابك مشغولين ف الترتيب للاوض معلش اعملي انتي الحمامات المرادي بس ...
ـ توانا : بس ...
ـ بثينه: حاضر يا فندم تحت امرك يلا يا توانا ...
ـ خرجت توانا وهي تقول: بس ده مش عدل يا مدام بثينه بجد ....
ـ كادت بثينه أن تقول لها شئ ولكن قاطعتها زميلتها .... يمني : هو اي إلي مش عدل مادي شغلتك وبعدين ...
لم تكمل حديثها حتي تركتها توانا وذهبت وهي تتحدث ....
ـ يمني : انتي يا بت انا بكلمك ....
ـ توانا: لا اتحرقي بقي مع نفسك انا مشغوله ....
نظرت يمني لتوانا بحقد ....
@@@@@@@@@@@@@@@@@@@
عند آدم
دخل آدم طيارته الخاصه ومعه حازم ...
ـ اسرع حازم وجلس علي الكرسي الخاص ب آدم
ـ آدم : قوم
ـ حازم : لا والنبي انا بحب الكرسي ده ...
ـ آدم: انت يا زفت قوم من الكرسي بتاعي ...
ـ حازم : الطياره بتاعتك كبيره ... اقعد ف اي مكان ....
ـ ولكن فجأة قال له آدم : اي ده آسيا اهي ...
ـ نهض حازم بس عن وهو يقول فين ؟
ـ ثم جلس آدم علي الكرسي الخاص به ...
ـ حازم : انت فظيع ... وبعدين هو انت كل شويه تجيب سيرتها ..
ـ آدم : احسن حاجه أنها جايه معانا عشان متبصش هنا ولا هناك ...
ـ حازم : انا لسه حر فرحي لسه الأسبوع الجاي ...
ـ آدم : طيب بحيث كده بقي اطلع موبايلي واتصلك عليها تقولها الكلام ده ....
ـ حازم : ولا يشغلني ...
ـ آدم : اي يا اسيا ؟
ـ أخذ حازم هاتف آدم بسرعه وذهب به في الخلف ...
قال آدم وهو يرجع ظهره للوراء ويبتسم : مجنون....
@@@@@@@@@@@@@@@@@@@
عند توانا
انتهت توانا من التنظيف .... ثم ذهبت لتستريح ....
ـ بثينه : بصي يا توانا يا حبيبتي انا والله خلصت الشغل كله بس في النهارده ناس ممثلين جايين عشان هيصورو مسلسل أو فيلم .... ف احنا عايزين المكان يكون نظيف .... ف هما هييحو النهارده بليل ف بكره الصبح اوي ما يصحو عايزاكي تنضفي اوضة المدير بتاعهم .... ماشي ؟
ـ اومأت توانا رأسها ....
ـ بثينه : ماشي يا حبيبتي...
@@@@@@@@@@@@@@@@@@@@
دخل آدم ومعه الكثير من الحراس .... لم تستطيع توانا أن تراه بسبب الكثير من الحراس....
يمني : صحيح يا توانا ... انتي عارفه مين الممثل ده ؟
ـ توانا بضيق : لا والله معرفش ...
ـ يمني : ازاي هو في حد معرفش آدم ...
شعرت توانا بأن هذا الاسم نزل عليها مثل الصدمه ثم قالت توانا : انا هروح الحمام ...
@@@@@@@@@@@@@@@@@@@@
في الحمام ...
دخلت توانا وغسلت وجهها واستندت علي الحوض قائله : لا لا مستحيل ازاي اصلا ... انا سبت المدينه كلها ... لا لا يارب ميطلعش هو ....
@@@@@@@@@@@@@@@@@@@@
دخلت توانا في الصباح غرفة التصوير وذهبت عند النافذه وهي تنظر لها ... وفي نفس الوقت دخل آدم وفجأة قال : بصي يا حياة المشهد التاني هيبقي...... وفجأة شعر بنسمة هواء وقلبه نبض بسرعه .... ثم رفع رأسه وقال : توانا ؟
@@@@@@@@@@@@@@@@@@@@@
استووووب عارفه أنه بارت صغير انا اسفه بس بكره اوعدكم البارت هيبقى طويل .....
متنسوش تسيبو اثركم الجميل يا حلوين 🫠❤️
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙
تعليقات
إرسال تعليق