رواية بعد فوات الاوان الحلقه الخامسه بقلم الكاتب محمد منصور حصريه وجديده على مدونة النجم المتوهج
رواية بعد فوات الاوان الحلقه الخامسه بقلم الكاتب محمد منصور حصريه وجديده على مدونة النجم المتوهج
بصيت ل عيالي المربوطين وجراكن البنزين متفضية فوق راسهم لكن في شئ غريب وهو ان البنزين ما بيختلطش بالمية وبيفضل علي الوش وفي اوضة ولادي البلاط هبطان ودة عمل حفر مية بتيجي من حنفية الحمام اللي. بتنقط عمال علي بطال يعني اللي كان متغرق بي عيالي مية مش بنزين. وكمان ما فيش ريحة بنزين جاية من الاوضة عرفت وقتها ان يسري بيلاعبني علشان اطلع لوجات تانية افدي بيها عيالي وبدات افكر اعمل اية لكن ما خرجنيش من التفكير
الا صوت يسري اللي كان بيقول
ساكتة لية
سميحة
تعرف انك خايب يا يسري
يسري
لا. قلة ادب انا مش عايز.
والا اقسم بالله اولع اوسخ عود كبريت معايا وارمي ،،،،،
مخلتهوش يكمل جملته وخد الكبريت من ايدة وولعت العود ورميته جوة اوضة العيال وانطفي العود ويسري اتصدم اني عرفت خدعته،،،،
بعد فوات الاوان
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بعد ما رميت عود الكبريت روحت فكيت عيالي وانا بقول
انا مخلفة رجاله مش حريم لما راجل ناقص زي دة يربطكم كدة
يسري كان بيسحب نفسه ورايح ناحية باب البيت فقولت له
لو شنبك دة علي راجل فكر تقرب تاني مني انا او عيالي وانا اشترتيك محبتك بلاش بلعب العيال دة تشتري عداوتي
خرج من البيت زي اوسخ جبان وطارق قال بعد ما فكيته
خدنا علي خوانه
سميحة
مش عايزا اسمع اي كلمة منك او منه
وبصيت لمنصور اللي كان بيغير هدومة المبلولة ودخلت اوضي وقفلت الباب عليه وانا بفكر الايام اللي جاية مخبئية اية وانا هقدر استحمل اللي بيعمله يسري لغاية امتي. وهنا كان لازم ابيع اللوحات كلها وتبقي معايا فلوس اشليها في البنك لغاية ما الست محروسة تفوق بس ابيعها ازاي وانا ممكن يضحك عليه في ثمنها
وهنا سمعت باب الاوضة بيخبط قولت
مش عايزا اكلم حد
طارق
يا اما انا ما قدرش علي زعلك وعايز اعرف منك يسري لية عمل فينا كدة ولوحات اية اللي بيتكلم عليها
سميحة
روح نام انت لسة صغير علي شيل الهم
طارق
يا اما انا عارف ان اللوحة اللي كانت هنا وسط الروبابيكيا بتاعت دا فاينشي ولو هي اصلية فتسوي لها دلوقتي 100000 او اكتر
الرقم صدمني وجريت علي الباب وفتحته وقولت ل طارق
انت بتقول اية
طارق
بقول اللي اعرفه ما انتي عرفاني من زمان وانا مجنون بالرسم
سميحة في سرها
يا ابن الكلب يا يسري لوحة ب 10000 تاخد منها ب 3000 بس. دة انا طلعت حمارة.
وبعد كدة قالت ل طارق
طالما انت بتفهم في اللوح دي انا عايزاك تساعدني
طارق
في اية
سميحة
هقول لك، ،،،،،،
ويتغير المشهد. واحنا دلوقتي جوة المخزن اللي في اللوحات وطارق ومنصور بيبصو لل 100 لوحة باعجاب ممزوج بالطمع وقال منصور
كل اللوح دي بتاعتنا
سميحة
بتاعت الست محروسة والطمع اللي شوفته في عيونكم دة مش عايزا اشوفه تاني
وفي الوقت دة كان طارق بيفحص اللوح وهو مش مصدق عبونه كلها لوح كان بيرسمهم وكلها مسروقة من بلادها لكن دخلت مصر ازاي ولما شوفت طارق مركز اوي مع اللوحات كدة قولت
اية نعرف نبيعهم
طارق
لو كل اللوحات دي اصلي يبقي ما فيش الا المزادات
سميحة
والمزادات دي بتتعمل فين
طارق
انا ما عرفش لكن استاذ منير بتاع الرسم اللي عندنا في المدرسة يعرف
سميحة
وصلني بمنير دة،،،،،،،،،
ونروح لبيت رمضان وقت ما كان يسري قاعد مع وكان بيضحك وبيقول
بقي كل دة يطلع من سميحة طلعت ولية مش سهلة
يسري
انا كل اللي مجنني عرفت ازاي اني انا دالق علي عيالها مية مش بنزين
رمضان
هو انت فاكرها واحدة هبلة اكيد ما شمتش ريحة للبنزين ما انت برضو غبي كان لازم تعكر المية بشوية بنزين علشان الريحة
يسري
هي فاكره انها كدة قدرت عليه طيب ورحمة جوزها لعلمها الادب وقضية تسمم محروسة هخلي الحكومة تفتحها تاني وتوريني بقي هتخرج منها ازاي
رمضان
يا عم بلاش. وهي ما تعرفنيش سيبني انا اتعامل معاها
يسري
انت غشيم وهي ولية دماغها انشف من الحجر
رمضان ضحك
انا برضو اللي غشيم اومال انت بعد اللي عملتو يتقال عليك اية. انا سيبتك تجرب سيبني انا بقي اجرب واشوف في لوحات معاها تاني ولا. ما فيش،،،،،،
وبعدها بكام يوم لقيت باب الشقة بيخبط قومت افتح لقيت بنت في الثلاثينات الخالق الناطق محروسة وهي صغيرة استغربت وقولت
انتي مين
البنت دي رديت عليه وقالت
انا نهال. بنت محروسة
برقت من المفاجاة، ،،،،،،
دي فعلا بنت محروسة ولا. لعبة جديدة بيلعبها يسري ورمضان علي سميحة. اللي يعرف يقولي حاكم انا هموت واعرف مين نهال دي. ويلا سلام وباي
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق