رواية بعد فوات الاوان الحلقه السادسه بقلم محمد منصور حصريه وجديده على مدونة النجم المتوهج
رواية بعد فوات الاوان الحلقه السادسه بقلم محمد منصور حصريه وجديده على مدونة النجم المتوهج
دخلت نهال الشقة علشان افهم اية حكاية انها بنت محروسة دي وقعد انا وهي علي الكنبة وبصيت لها وقولت
انا اعرف الست محروسة من سنين عمرها ما قالت لي انها ليها بنت
نهال
لانها ما تعرفش اني عايشة
بصيت لها باستغراب شديد وقولت
مش فاهمة
نهال
انا هفهمك. ابويا عكاشة كان متجوز امي محروسة في السر واتفق معاها ان ما فيش خلفة. لكن محروسة حملت رغم انها كانت مركبة الوسيلة
وعكاشة اضايق جدا منها وفكر انه يطلقها لكنه كان بيحبها وحبه ليها منعه من انه يعمل كدة وخلفتني محروسة. وكنت نازلة تعبانه وابويا عكاشة خدني منها وقال لها انه هيروح بيا للمستشفي لكنه سابني انت اخته اللي ماكنتش بتخلف والوحيدة اللي عارفة جوازة عكاشة من محروسة ورجع ل محروسة وقال لها اني موت. وربتني عمتي وخبت عني الحقيقية كاملة
سميحة
واشمعني قالت لك دلوقتي ان ليكي ام
نهال
علشان هي بتموت وخافت تقابل ربنا من غير ما تقولي علي السر دة
سميحة
ولية عكاشة عمل كدة في محروسة الست الطيبة
نهال
علشان افتكر انها حملت فيا بمزاجها وعايزا تلوي ذراعه بالحمل دة وتخلي يعيش معاها علي طول بدل ما هو كان بيروح لها كل اربع وخمس ايام. ودلوقتي انا روحت لعنوان امي اللي خده من عمتي وعرفت انها تعبت اوي واتنقلت المستشفي وعرفت كمان انك انتي تعرفي هي فين. عايزا اشوف امي
كنت باصة في عيونها مش قادرة اصدقها ولا عارفة اكذبها اصل انا اعرف كل كبيرة وصغيرة عن محروسة وعمرها ما قالت لي ان خلفت من عكاشة. لكني هتعامل معاها علي انها فعلا بنتها لغاية ما تثبت هي انها بنتها بجد ولا. ظهرت لغرض تاني هي اللي هتكشفو بنفسها ليا ،،،،،،،،،،
بعد فوات الاوان
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وخد نهال وروحنا المستشفي المحجوزة فيها الست محروسة اللي لسة علي الاجهزة. ووقفت نهال قصاد محروسة وقالت
هي دي امي
سميحة
هي
مسكت ايدها وفضلت تبوس فيها وعيطت ورغم انها كانت بتعيط وبحرقة لكن كان جوايا حاجة بتقولي ان في حاجة غلط. المهم خلصت وقت الزيارة وخد نهال وخرجنا ونهال طلعت منديل وبدات تمسح دموعها وهي بتقول
ما فيش دكتور طمئنك وقال انها ممكن تفوق من الغيبوبة دي
سميحة
ما حدش في ايدة اي حاجة هي دلوقتي بين ايدين ربنا وهو وحدة اللي قادر يخليها تفوق او ياخد امانته
نهال
مش عايزا تموت قبل ما اشبع منها ومن حضنتها اللي اتحرمت منه كتير
سميحة
ربنا يرجعها لينا كلنا. ،،،،،،،،
في نفس الوقت دة كان التقرير الطبي النهائي في حاله تسمم محروسة طلع وهو ان محروسة كل بطاطس فاسدة ودة سبب حالة التسمم اللي حصلت لها
يعني انا كدة براءة نهائية من تهمة الشروع في قتل محروسة لكن مع الاسف يسري كان مظبط مع ممرض هناك ان اول ما التقرير يظهر يتصل بي وفعلا الممرض دة عمل كدة واتصل بيسري
و عرف يسري اللي جوة التقرير فقال يسري
لا. انا عايز التقرير دة يتغير ويتكتب في ان سبب تسمم محروسة هو اضافة سم الزرنيخ فوق البطاطس
الممرض
ايوة بس دة كدة هيكلفك كتير
يسري
الفلوس اللي انتي عايزها هتاخدها بس سميحة تلبس القضية
وقفل يسري وبص له رمضان اللي كان قاعد مع وقال
لية بس كدة دة انت كنت بتقول من كام يوم انك ماتحبش تفتري علي ست وخصوصا انها بتربي يتامي
يسري
سميحة دي مش ست
و متخافش انا مش هسجنها انا بس هبعدها شوية عن الصورة لغاية ما تخلص انت ملعوبك.
رمضان
ماشي الكلام،،،،،
دة اللي كان يسري بيخططة ليا وانا ما اعرفش بي. ووقت ما هو كان بيخطط لكدة انا كنت قاعدة مع نهال ومنصور وطارق بنتغدي ولحظت بصة طارق ل نهال بصة ما حبتهاش فقولت ل طارق
قوم هات الملح
طارق
واشمعني انا اللي اقوم ما تخلي منصور. دة انا الكبير وكلها سنة وادخل الكلية
سميحة
وانت مهما تكبر هتكبر عليه ولا اية قوم هات الملح قولت
طارق قام وهو مضايق وهنا انا قولت ل نهال
عندك مكان يا بنتي تنامي في ولا نروح نجهز لك شقة امك محروسة
هنا طارق ادخل في الكلام وقال
تروح فين ما البيت كبير اهو ويسع من الحبايب ياما
سميحة
شكلك نسيت الاصول ونسيت انت متربي علي اية. عايز ازاي بنت بنوت تنام في بيت في شحطين زيك انت واخوك
طارق
تنام معاكي يا اما في اوضك
سميحة
ما ينفعش وطول ما انا بتكلم عايزاك تكتم
اضايق طارق تاني وسكت وبص في الطبق اللي قصاد منه وهنا منصور قام وقالت له سميحة
رايح فين يا منصور
منصور
شبعت يا امي
كان باين اوي علي منصور انه مضايق لكن سمحية مش عارفة لية فقالت ل طارق
قوم شوف اخوك ماله
طارق كان باصص ل نهال لما رد عليه وقال
بعد ما اخلص اكل
سميحة بحدة
قولت قوم
قام طارق وراح وراء منصور وقفل باب الاوضة وراء منه وقعد جنب منصور وقال
مالك
منصور
مافيش
طارق
لا في وشك باين عليه الغم والنكد
منصور
وعايزني. ما اتغمش ازاي وبنت محروسة دي لما نبيع اللوح هتاخد الفلوس كلها واحنا نفضل زي ما احنا بنسف التراب علشان بس نعرف نعيش
طارق
ولا. اية اللي حصل لك انا عمري ما شوفتك كدة ميت علي الجنية
منصور
انا قتيل اللوح دي. ومش هخلي اللي اسمها نهال دي تاخدهم علي الجاهز
طارق
امك مش هتديها ولا جنية
الا لما تتاكد انها بنت محروسة
منصور
وهتتاكد ازاي
طارق
امك عارفة هي بتعمل اية متخافش عليها
منصور
طيب وانت عملت اية مع استاذ الرسم بتاعك اللي اسمه منير
طارق
اجازته هتخلص بكرة وهشوفه في المدرسة وهقول له. ودلوقتي بقي يلا اطلع كمل اكلك خليني املي عيني من القمر قبل ما امك تاخدها وتمشي
وهنا يسمعوا صوت خبط علي باب البيت فبص طارق ل منصور وقال
تعالي نخرج نشوف مين
هما خرجو من الاوضة علي سميحة وهي بتفتح الباب علشان تلاقي قصاد منها الحكومة اتصدمت وقالت
في اية
الظابط
التقرير النهائي في حاله تسمم محروسة طلع واثبت ان اتحط لها زرنيخ في البطاطس المهروسة اخر حاجة كلتها وانتي كنتي عندها يعني المرة دي القضية لبساكي لبساكي
وشاور للعساكر. وقال
هاتوها
وبداو العساكر يسحبوا سميحة علي البوكس وهي بتبص علي ولادها وبتقول
خلو بالكم من نفسكم اوعو تخلو الدنيا تضحك عليكم. وحافظو علي الامانة يا ولادي. يخوفي اطلع لكم بعد فوات الاوان، ،،،،،،،،،
من النهاردة كل اللي فات حمادة وكل اللي جاي حمادة تاني خالص. اوعو تروحو بعيد. ويلا سلام وباي،،،،،،
تعليقات
إرسال تعليق