رواية أصوات البحر الفصل الاول بقلم الكاتبه شروق فتحي حصريه وجديده على مدونة النجم المتوهج للروايات والمعلومات

رواية أصوات البحر الفصل الاول بقلم الكاتبه شروق فتحي حصريه وجديده على مدونة النجم المتوهج للروايات والمعلومات 

رواية أصوات البحر الفصل الاول بقلم الكاتبه شروق فتحي حصريه وجديده على مدونة النجم المتوهج للروايات والمعلومات

هو أنتوا ليه مش بتظهروا يا بنتي غير بالليل؟!...حتى البحر إزاى تنزلوا بليل كده؟! 

صديقتها وهي تبتسم لها وتنظر للبحر: 

_ده أحلى حاجه أنك تنزلي البحر بليل!

وهي تهز كتفيها بتعجب منها: 

_إزاى بجد؟!... ده كفايه صوت البحر بليل ده رعب كفاية(وهي تكمل بمزاح) ده الواحد ممكن تطلع لي عفريتة وتسحبه ومحدش هياخد باله! 

صديقتها وهي تضحك عليها من تفكيرها: 

_طيب جربي بس أنك تنزلي بليل!...مش هتحبي أنك تنزلي غير بليل! أسمعي مني يا "ليل"... 

وهي تحرك يدها خلف رأسها برفض: 

_لأ عن نفسي مش عايزه أجرب!... أنزلي ولما تاخدك عفريتة البحر مش ليا دعوة! 

ليقاطع حديثهم صوت نداء والدة ليل، لتنظر لها ليل: 

_نعم يا ماما! 

والدة ليل وهي تقترب منها بخطوات قلقة: 

_يا بنتي ايه اللي مقعدك قريبة أوي من البحر كده لوحدك! 

لتعقد ليل حاجبيها بتعجب: 

_لوحدي ايه يا ماما أنا قاعدة مع" رُسيل"... 

نظرت والدتها حيث أشارت، ثم هزت رأسها بقلق: 

_مفيش حد قاعد معاكي...أنتِ بتقولي ايه؟!

عادت "ليل" لتنظر بجوارها، فتجمدت عيناها واتسعت حدقتاها بصدمة: 

_ايه ده هي راحت فين؟!... دي كانت قاعدة جمبي دلوقتي!

والدتها وهي تضع يدها على وجهها بقلق: 

_لأ أنتِ تيجي ورايا...أنتِ بقى خطر تقعدي لوحدك! 

وهي تبتلع ريقها بتوتر، وهي مازالت عاقدة حاجبيها، وحروفها تخرج بتلعثم: 

_طيب يا ماما روحي...وانا جاية وراكي!

وما إن ابتعدت والدتها، بقيت "ليل" تحدّق بجوارها بحيرة، حتى انتبهت إلى صوت مألوف قادم من جهة البحر. التفتت سريعًا، لتجد "رُسيل" تقترب منها مبتسمة: 

_مالك يا بنتي وشك أصفر كده؟! 

ازدادت دهشة "ليل"، عقدت حاجبيها أكثر: 

_أنتِ يا بنتي نزلتي البحر أمتى؟!...أنتِ مش كنتي قاعدة جمبي دلوقتي؟! 

لتضحك عليها بعدما جلست بجوارها: 

_ما أنتِ لما بصيتي على مامتك أنا نزلت! 

هزّت "ليل" رأسها بتعجب، قبل أن تلمح شيئًا يخرج من البحر ببطء، خطواته الثقيلة تقترب منهم، ومع كل خطوة كانت أنفاسها تتسارع، وقلبها يكاد يقفز من صدرها حاولت أن تزيح نظرها بعيدًا عنه، حتى لا يفضحها ارتباكها وإعجابها الخفي

حتى أصبح واقف أمامهم: 

_أنا مش عارفه ليه مش بتنزلي معانا يا "ليل"!

🥰✨🖋بقلم شروق فتحي🖋✨🥰 

لتبتلع ريقها بتوتر، وتنظر له بنظرات مذبذبه: 

_مفيش أنا بخاف بس أنزل البحر بليل. 

ليبتسم لها وهو يجلس بجوارهم: 

_تخافي ايه يا بنتي...دي المتعة كلها بليل!

لتسمع صوت والدتها تناديها مرة أخرى، فتوشك أن تنفجر غيظًا؛ فهو أخيرًا أتى من تنتظرهُ. وقفت بغضب طفولي: 

_حاضر جايه...معلشي هروح أشوف ماما عايزة ايه؟! 

ليهز رأسها بتفهم، لتذهب لوالدتها وهي عاقدة حاجبيها: 

_في ايه يا ماما...هو أحنا جايين نقعد على البحر ولا نقعد هنا؟!

والدتها وهي تنظر لوالدها: 

_بنتك خلاص أتلبست...بتقول في ناس قاعدة معها وهي كانت قاعدة لوحدها! 

وهي تحرك رأسها بملل، وهي تأخذ نفسًا عميقًا: 

_يا بابا "رُسيل" كانت نزلت البحر...وأنا مكنتش خد بالي! 

والدها وهو يعقد حاجبيه بتعجب: 

_حتى الأسم غريب... أحنا كل ما نسألك تقولي قاعدة معها...ولا مره شوفنها؟! 

ليل وهي تقترب من والدها: 

_يا بابا دي طيبه خالص...وأنا حاسه أني أعرفها من زمان! 

والدتها وهي تمسك الكوب الذي أمامها: 

_وأنا قلبي مش مرتاح! 

وهي تأخذ نفسًا كأنه يخرج من بين ضلوعها: 

_صدقيني يا ماما طيبه خالص...هروح بقى علشان مستنينى! 

ليرفع والدها أحد حاجبيه: 

_هي مش كانت "رُسيل" بتاعتك دي بس؟! ليه في جمع هنا؟! 

وهي تبتلع ريقها بتوتر: 

_يا بابا عيلتها! وأنا بقى بقيت صديقه العيلة! 

ثم هرولت بعيدًا هربًا من نظرات والديها.

ضحكت "رُسيل" ما إن اقتربت منها: 

_في ايه يا بنتي جايه جرى كده، كأن حد بيجرى وراكي؟! 

وهي تجلس بجوارهم، وتأخذ أنفاسها: 

_علشان ماما مش تقولي أقعدى! 

ثم رفعت بصرها نحو مبنى بعيد قليلًا، عيناها تتأملانه بتركيز: 

_مش عارفه كل ما أبص هناك (وهي تشير على أحد المباني) بحس أن في واحد واقف! 

رُسيل وهي تبتلع ريقها وتنظر لها بتوتر: 

_وأنتِ شايفاه!..... 

ووووو

نهاية الفصل أتمنى أن يكون نال أعجباكم (لماذا توترت يا ترى رُسيل؟! وهل هناك أمر تخفيه؟! وهل هناك أمر مريب بالفعل بها؟! وهل ذلك الشاب لهُ علاقة؟!) 

للكاتبة_شروق_فتحى

أشتقت كثيرًا لتعليقاتكم وتفاعلكم الذي يرفع من معنوياتي دائمًا أتمنى أن تكون رواية عند حسن ظنكم💖💖🥰

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇 

صفحة روايات ومعلومات ووصفات

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺