رواية عاشق زوجتي الفصل الحادي عشر بقلم الكاتبة صباح عبدالله فتحي حصريه وجديده

رواية عاشق زوجتي الفصل الحادي عشر بقلم الكاتبة صباح عبدالله فتحي حصريه وجديده 

رواية عاشق زوجتي الفصل الحادي عشر بقلم الكاتبة صباح عبدالله فتحي حصريه وجديده 

في الشركة

في مكتب جاسر تحديدًا، يدخل جاسر وهو يسحب نور خلفه بعنف، ثم يغلق الباب بسرعة. دفعها بقوة نحو الباب المغلق حتى التصقت به، ووقف أمامها مباشرةً يقول بغضب:

ـ هي حصلت تقربي من الزفت ده قدامي يا هانم؟

دفعت نور جاسر بقوة، حتى كاد أن يقع، وقالت بجمود وهي تتظاهر بالقوة:

ـ انت حصل لعقلك حاجة؟! هي حصلت تفكر اني أقرب من واحد تاني؟! ولا إنت مفكر الكل وسخ زي حضرتك...

وقبل أن تكمل نور حديثها، كان جاسر قد أمسكها من رقبتها بعنف، ملصقًا إياها بباب المكتب مرة ثانية، وقال بفحيح يشبه فحيح الأفاعي:

ـ أقسم بالله يا نور، كلمة تانية زي دي لأكون مخلّص عليكي. والمنظر اللي حضرتك شفتيه مع ملك السكرتيرة أكتر من مرة... أنا ما كنتش بعمل فيه حاجة غلط ولا حرام. ملك بتكون مراتي، زيها زيك بالضبط!

نظرت نور إلى جاسر بذهول، وسقطت الكلمات على مسامعها مثل الصاعقة. لم تشعر بنفسها إلا ودموعها تتساقط من عينيها، وقالت بصوت بالكاد يُسمع:

ـ مراتك إزاي؟! أمال أنا مين؟

نظر جاسر إليها بحزن للحظات، ثم ابتعد عنها وتقدّم نحو المكتب، وقال بأسف وهو ينظر إلى الأوراق أمامه ويعطيها ظهره...  قال جاسر وهو يشيح بوجهه بعيد عن نور:

ـ للأسف أنا عمري ما كنت بعتبرك أكتر من واحدة اتجبرت عليها. إنما ملك... أنا كنت معجب بيها من أول يوم اشتغلت في الشركة، واعترفت لها، وعرضت عليها إننا نتجوز في السر، وهي وافقت.

تقدّمت نور نحوه، أمسكت بكتفه بقوة وسحبته باتجاهها لتجبره أن ينظر إليها، وقالت بصوت باكي:

ـ أنا مش عاوزة أعرف قصة حبك إنت وهي... أنا عاوزة أعرف حاجة واحدة بس: إنت متجوزها قبل مني ولا بعد مني؟

نظر جاسر إلى عيني نور اللتين احمرّتا من شدة البكاء، وقال ببرود:

ـ وتفرّق إيه يعني إذا كانت قبلك ولا بعدك؟

صرخت نور بغضب وهي تمسك قميصه بيديها:

ـ يمكن مش تفرق معاك، بس تفرق معايا أوي! عاوزة أعرف... كنت أنا الزوجة التانية ولا الأولى؟ عاوزة أعرف إيه سبب الذل ده كله!

ثم أكملت بصوت مكسور، ودموعها تنساب على خديها وهي تنظر في عينيه:

ـ حرام عليك يا أخي... أنا عملت إيه فيك عشان تعمل فيا كده؟ ذنبي إيه؟ حرام عليكم...

دفعت جاسر بعيدًا عنها، وقالت بصوت عالٍ وهي تمسح دموعها بقهر:

ـ عاوزة أعرف... أنا كنت الزوجة الأولى ولا التانية؟ أنا أنهي واحدة فيهم؟

كان جاسر واقفًا يسمع كلماتها متقبّل رد فعلها، يحاول ابتلاع ريقه بصعوبة كأن حلقه جفّ وما فيش حاجة تروي عطشه. لم يعرف ماذا يقول، لكنه كان مجبر يعترف بالحقيقة:

ـ ولا قبلك... ولا بعدك.

صمت للحظات، غير قادر أن ينطق بما يريد قوله، بينما قالت نور بضعف وذهول وهي تحدّق في وجهه الذي يتهرّب من نظراتها:

ـ إزاي يعني "ولا قبلي ولا بعدي"؟! إيه... اتجوزتنا إحنا الاتنين في يوم واحد ولا إيه؟

قالتها وهي لا تدري أنها سألت وأجابت في نفس اللحظة. صمتت للحظة، تحدّق في ملامحه المتغيرة، كأنها تقرأ الحقيقة من عينيه. تجمّدت في مكانها ثم تراجعت للخلف، شعرت بالاختناق، وكأن روحها تنسحب من جسدها، وقالت بصوت بالكاد يُسمع:

ـ معقولة... اتجوزتنا إحنا الاتنين في يوم واحد؟!

---

خارج المكتب

كان يوسف واقفًا أمام أحمد، الذي ما زال يحمل محفظة يوسف، وتظهر منها صورة امرأة (أم يوسف)، لكن أحمد لم يلاحظها بعد. مدّ يوسف يده ليأخذ المحفظة، بينما قال أحمد باستغراب:

ـ إزاي يعني؟ مش فاهم! إيه اللي بينك وبين جاسر ابني؟ وإزاي هو السبب في حالتك دي؟

أجاب يوسف بينما كان أحمد يمد له المحفظة، دون أن يلاحظ أي منهما سقوط صورة أم يوسف على الأرض، وظلّا ينظران في أعين بعضهما... يوسف وأحمد.. قال يوسف بحدة وهو يحاول يسيطر على أعصابه:

ـ الأستاذ المحترم خبطني بالعربية امبارح! ومش بس كده، بدل ما ياخدني على المستشفى يعالج جروحي، وقف يتخانق معايا.

نظر أحمد إلى يوسف بذهول وقال بيأس ممزوج بالخجل من أفعال جاسر، بينما رفع يده يربت على كتف يوسف:

ـ أنا بعتذر منك للمرة التانية يا ابني، بجد أنا محرج جدًا منك ومن أفعال جاسر ابني الغريبة دي. بس أنا مستعد أقدم لك تعويض عن اللي حصل لك بسببه.

قاطعه يوسف بسرعة وقال:

ـ عوضي على الله، واحد متشكر، أنا مش عاوز تعويض عن حاجة يا أستاذ. أنا جيت عشان الوظيفة بس، ولسه لحد دلوقتي مش عارف أنا اتقبلت ولا لأ، علشان ما تعبش نفسي وأجي هنا تاني.

وضع أحمد يده على كتف يوسف وقال:

ـ طيب تعالَ بقى نناقش الموضوع ده في المكتب علشان هنا مش هينفع.

وبالفعل أخذ أحمد يوسف وذهب به إلى المكتب، ولم يلاحظ أحد منهم الصورة التي سقطت من المحفظة.

---

نرجع عند جاسر ونور

تراجعت نور للخلف وهي تنظر إلى جاسر الذي صمت ولم يثبت بهذا الصمت إلا أنها على حق فيما قالت. ظلت نور تتراجع لحد ما انصدم ظهرها في شيء صلب، تنظر خلفها لتجد باب المكتب. لمعَت عيناها بدموع أخرى، فتحت باب المكتب كما لو كانت داخلة جحيمًا وأخيرًا ستخرج منه.

خرجت ودموعها تنهمر على خديها، وهنا اصطدمت دون قصد بتلك الخبيثة التي سرقت منها أجمل أيام حياتها، أجمل يوم تتمناه أي فتاة... سرقت منها حضن زوجها الذي كانت تحلم به طول عمرها.

ظلت نور تنظر إلى ملك التي كانت تحمل فنجان قهوة، فانسكب عليها بسبب اصطدام نور. احترق كف نور الذي لم تشعر به من الأساس، كانت نور تنظر إلى ملك بذهول ولا تشعر بشيء يحدث حولها، بينما كانت ملك تصرخ وهي تمسك قدمها التي انحرقت بسبب القهوة. يركض جاسر على ملك وهو يقول بقلق:

ـ ملك! إنتِ كويسة؟ وريني كده.

كان جاسر يمسك قدم ملك وهي تنظر إلى نور باستهزاء، بينما اقتربت أكثر من جاسر وكأنها ستُغشى عليها. لم تتحمل نور رؤية هذا المنظر كثيرًا، فركضت بكل ما تملك من قوة خارج الشركة.

نظر إليها جاسر محاولًا أن ينهض ويركض خلفها، لكن أوقفه صوت ملك الخبيثة التي أمسكت قميصه وقالت بتمثيل التعب وكأنها ستفقد وعيها:

ـ جاسر... مش تسبني أنا.

ثم أغلقت عينيها بخبث وتظاهرت أنها أُغمي عليها. حملها جاسر بسرعة ودخل بها إلى المكتب وهو يصيح:

ـ حد يطلب الدكتور بسرعة!

وبعد ربع ساعة جاء الطبيب وفحص ملك التي ما زالت تتظاهر بأنها فاقدة للوعي، متمسكة بقميص جاسر ولا تسمح له أن يبتعد عنها. وبعد الفحص قال الطبيب بابتسامة:

ـ ألف مبروك يا أستاذ جاسر، المدام بتاعت حضرتك حامل.

وفي هذه اللحظة كان أحمد يدخل المكتب، وقد سمع ما قاله الطبيب. وقف مذهولًا وهو يكرر الكلمة:

ـ حامل؟

التفت جاسر ينظر إلى أحمد بدهشة، بينما أكمل الطبيب ببراءة، وهو يظن أن ملك زوجة جاسر:

ـ أيوه يا أستاذ، ألف مبروك... المدام ملك حامل في الشهر التاني.

يتبع

حطي نفسك مكان نور وحكيلي كنتي تعملي ايه لو عريسك سابك يوم فرحك وراح اتجوز غيرك 🙄

 تفاعل حلو بقا علشان ننزل اللي بعده

الفصل الثاني عشر من هنا

جميع الفصول من هنا

اللي مش متابعني فايته كتير متابعه لصفحتي 

❤️🛺💙🌹❤️🌺💙🌹🛺

اللي بيحب الروايات الكامله والحصريه من هنا 👇 ❤️ 👇 

روايات كامله وحصريه

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹