رواية ولاد المعلم الحلقة التاسعة عشر والعشرون والحادية والعشرون والثانيه والعشرون والاخيره بقلم الكاتبه أماني سيد حصريه وجديده
 |
رواية ولاد المعلم الحلقة التاسعة عشر والعشرون والحادية والعشرون والثانيه والعشرون والاخيره بقلم الكاتبه أماني سيد حصريه وجديده
بعد ما خرجوا كلهم من الاوضه شد دكتور على الكرسي وقعد بجانب علا
على : ازيك يا علا عامله ايه
علا : كانت عرفاه من صوته لانها سمعته اول مافاقت
. الحمد لله انا بخير وشكرا على كلامك معايا اول ما فقت
على : علا انا سمعت جزء من حكايتك وعرفت اد ايه تعبتى الفترة اللى فاتت وكنت معاكى فى غرفه العمليات لانى للاسف كنت بحاول اوقف النزيف اللى كان موجود بسبب الإجهاض فايه رايك لو حابه تتكلمى مع حد محايد ابعتلك دكتور حسن ده دكتور نفسي ممكن يساعدك في تخطى اللى حصل معاكى
علا : اولا يا دكتور انا بشكر حضرتك جدا اولا على وجودك ليا فى اوضه العمليات وعملت كل المحاولات فى وقف النزيف وعدم شيل الرحم ثانيا على كلام حضرتك ليا اول مافقت لانه كان سبب من اسباب انى اراجع نفسى فى حاجات كتير
ثانيا لو حضرتك قولتى العرض ده قبل الحادثه كنت وافقت عليه لانى كنت تايهه وخايفه ومش عارفه اروح فين او اعمل ايه كنت بدور على الهروب وخايفه من المواجهه
بس احب اطمن حضرتك انا دلوقتي شايفه نفسى بشكل مختلف مكنتش شايفاه قبل كده دلوقتي حاسه ان فى حياه تانيه محتاجه تتعاش شايفه هدف محتاجه اوصله وهو انى انجح في حياتى بشغلى وانى اعيش مبسوطه فى سعادة مستنيانى فى كل خطوه بمشيها عشان احقق حلمى نفسى احس بلذه الانتصار وانا بوصل لشئ بحارب عشانه
على : انتى مش بس مش محتاجه دكتور نفسي لا انتى كمان تنفعى تبقى دكتوره نفسيه
علا بمشاغبه ودلع : عشان تعرف بس انك كسبت بقعدتك معايا ال ١٠ دقايق دول
على : طيب على كده بقى انتهز الفرصة وكل يوم اقعد معاكى ١٠ دقايق ناخد من خبرتك فيهم
علا : حاطه صوباعها على دقنها وبتحركه كانها بتفكر . وايه المقابل 🤔🤔🤔
على : مممممممم لا فى مقابل كبير هيساعدك على تحقيق حلمك
علا : قول المقابل وانا افكر
على : محتاج مساعد محاسب هنا فى المستشفى وكنت
عامل اعلان بس لسه مقبلتش حد لان مافيش حد مناسب ايه رايك
علا بمعاكسه : طيب انت محتاج مساعد انا هعمل ايه
على : تبقى المساعد
علا : ازاى ابقى مساعد وانا مؤنسه اسمها مساعده مساعده
على : طيب يا لمضه ها قولتى ايه
علا : انت فعلا بتسالنى موافقه طبعا
على : خلاص يا لمضه الاسبوع الجاى تبداى تكون صحتك اتحسنت وقدرتى تقعدى
علا : تمام وشكرا اوى لحضرتك انا مقدره اللى بتحاول تعمله معايا وإن شاء الله هكون عند حسن ظنك
على بصلها بابتسامه وسابها ومشى
#______________#___________#_____________#
عند بيجاد واشرقت
بيجاد : ازيك يا اشرقت عامله ايه
اشرقت: انا بخير الحمد لله
بيجاد: كويس انك جيتى انهارده وجودك جمبى كان مطمنى ومريحنى
اشرقت: انت ابو ابنى وبينا عشرة برضو
بيجاد : بس
اشرقت: سكتت
بيجاد: اشرقت انا عارف انك بتحبينى زى مانا ما بحبك ارجوكى ادينى فرصه تانيه صدقينى مش هخزلك تانى
اشرقت ومش هتخبى عنى اى حاجه تانيه
بيجاد: ابدا يا ستى مش هخبى عنك اى حاجه تانيه وعشان تصدقى انا هنا بتابع مع دكتور نفسي
اشرقت: طيب كويس انك عملت كده انت كنت محتاج كده من فتره
بيجاد: افهم من كده انك موافقه
اشرقت بصتله وابتسمت
وفعلا وصلها عند اهلها واتفق معاها انها هيجى ياخدهمش من غير قصقققصصصا كمان يومين تكون الست وضبتلها الشقه وهى لمت حاجتها
اتصلت اشرقت بدهبيه وبلغتها
اشرقت: الو ازى حضرتك يا ماما عامله ايه
دهبيه : ازيك يا حبيبتي
اشرقت : كنت عايزه اعرفك إن انا وبيجاد رجعنا لبعض
دهبييه : الحمد لله انك هترجعى تنورينى تانى بس ليه رجعتى على طول كده مش اتفقنا امبارح انك هدوخيه شويه
اشرقت: بكسوف معلش بقى منا حاسه انه محتاجنى الفترة دى فقلت لازم ابقى جمبه
دهبيه : يا حنينه 😏😏. وهتوصل. امته يا حنينه
اشرقت : كمان يومين تكون الست نضفت الشقه
دهبيه : ماشى يا حنينه تنورى بيتك
###__________#__________##__________#___
عند عشق وسامح
سامح: شفتى يا عشق علا هتنزل تشتغل معانا في الحسابات
عشق: اه دكتور على قالى
: على فكره بيجاد واشرقت رجعوا لبعض ماما لسه مبلغانى
سامح : مبروك . وانتى بقى مش ناويه
عشق: ناويه على ايه
سامح : تحن يا جن
عشق: ايه ده انت مين
سامح: ابن عم امين
عشق : سامح
سامح : قلبه
عشق لسه هتمشى
سامح : ايه يا عشق بس فى ايه
عشق: انت اللي فى ايه
سامح: بحبك يا عشق بحبك وكل اما اجى اقولك يحصل حاجه ولو استنيت اكتر من كده الله اعلم ممكن يحصل ايه انتوا عيله كبيره ومشاكلكم كتيره فنلحق نفسنا كده
عشق : ومين قالك اني موافقه عليك
سامح: نعم يا ختى امال البت سافانا العلقه اللى ضربتيهالها دى لما جت قالتلى انها بتحبنى كانت ليه لله وللوطن
عشق: عادى يعنى ابن بلدى وبحافظ على الانتاج المحلى لبت بلدى
سامح : طيب ماتركزى انتى على الانتاج ده 😉
عشق : سابته ومشيت وهى ماشيه قالتله ٠١٠
وبعدين قالتله ده رقم بابا كلمه
سامح جرى وراها استنىي طيب واحده واحده
##________#__________#_________
عند جاد وباسمه على التليفون
باسمه: شفت اللى حصل
جاد: اه مصر كلها بتتكلم اشرقت رجعت لجاد
باسمه: هههههههههههه اه وانت بقى مش ناوى ترجعلى
جاد : امال انا بكلم مين دلوقتي
باسمه: لا عايزاك تكلم الراس الكبيرة
جاد : مممممم افكر
باسمه: انت بايخ على فكره
جاد : عارف ماتقلقيش هكلم الراس الكبيره ونيجى نتقدم على طول
باسمه: 😚😚😚
#______#___________#
عدى اسبوع على ابطالنا وكان بيجاد بيتابع مع دكتور حسن وكان بيرتاح جدا بعد ما بيتكلم معاه
Flash back
حسن: ازيك يا بيجاد
بيجاد: احسن يا دكتور الحمد لله
حسن: لسه محتفظ باللعب والموبايلات
بيجاد: هديهم لولادى 😂😂😂😂
حسن: لا اجابه مقنعه هو انت مكنتش ناوي تخليهم يلعبوا بيها
بيجاد: لا للاسف انما دلوقتي ماعنديش مشكله
حسن: طيب وعلا
بيجاد: علا انا ظلمتها وان شاء الله تلاقي الشخص اللى يعوضها
حسن: من قلبك
بيجاد: 😂😂😂😂 مش اوى صراحه بس من قلبى اتمنلها حياه مستقره
حسن: متابع اخبارها
بيجاد: الصحية اه
حسن: مامتك حبتها اوى
بيجاد: عشان بتفكرها بنفسها بس انا ماما كانت شخصية قوية
حسن: بيجاد هو انت كنت بتفكر تتجوز على اشرقت وعلا
بيجاد : ………
ياترا بيجاد كان ممكن يتجوز اكتر من واحدة
رواية ولاد المعلم الحلقة العشرون
مازال الحديث مستمر بين دكتور حسن وبيجاد
مجرد ما سأل دكتور حسن بيجاد عن زواجه من التالته بيجاد فضل يضحك جامد والدكتور استغرب رد فعله
الدكتور : افهم من كده انك كنت ناوى على التالته
بيجاد : لا الرابعه كمان
الدكتور : اوعى تقول انك اتجوزت عرفى
بيجاد : كنت هعملها ورجعت نفسى حسيت ان اشرقت ماتستهلش اعمل كده معاها
بيجاد : طيب وعلا
بيجاد: علا بالفعل كان ليها ضره
الدكتور: حبيت مين فيهم
بيجاد : اشرقت علا بالنسبالى زى اللعب اللى عندى اللى كنت بمتلكها كنت بحبها وبحافظ عليها عشان نفسى . كانت بنت حلوه وجميله شقيه ودلوعه كانت مميزه والكل فى الجامعة كان بيحاول يقربوا منها بس هى كانت بتصدهم وده خلانى اتعلقت بيها اكتر وفعلا بقت بتاعتى اسيبها لغيرى ليه
الدكتور : طيب وليه طلقتها
بيجاد: عشان اقتنعت انها انسانه من لحم ودم وليها مشاعر انا خلاص عرفت واتاكدت انى بحب اشرقت لان لما بعدت كان تفكيرى كله مع أشرقت وابنى انما علا احساسى اتجاها ذنب مش هيروح غير لما تعيش حياتها رغم ان صعب عليا بس ده الصح
الدكتور: هتفكر تتجوز تانى
بيجاد: لا مستحيل مش هعرف احب بعد اشرقت
خلصوا الجلسه بعد كلام دام لمدة ساعتين
#________#_______#________
عدى حوالى ٣ شهور فى التلات شهور شهور دول أتغيرت حياه الجميه
____________#_____________#____
عند علا كانت بتشتغل بضمير وكانت صحتها كل يوم بتتحسن بشكل ملحوظ وكل يوم تذداد جمال وكانت ام منعم مهتمه باكلها وانه يكون صحى وكان دكتور على متابعها من بعيد وشايف اد ايه هى جميله ونشيطه ومحاولتش تقرب منه عشان الفلوس لانه كان معتقد فى البداية انها قربت من بيجاد ووفقت على وضعها عشان خاطر الفلوس فضل من وراها بسال عليها وسال دكتور حسن بشكل غير مباشر واكدله انها مارتبطتش بببيجاد عشان خاطر الفلوس لكن كانت محتاجه سند وحمايه وبقت تتواصل اكتر مع اخوها وعرض عليها انها تسافر تعيش معاه هناك لانه مش ناوى يرجع تانى وهى وعدته انها هتفكر
_______________#______
عند اشرقت وبيجاد كانت ممشيه بيجاد على العجين مايلغبطوش وكان كل اما يتأخر عن البيت تخليه يصورلها نفسه وزيدان رفض يرجعله فلوسه وعجوله غير لما يطمن على علا وكانت أشرقت من وقت للتانى بتتواصل معاها وبالفعل بيجاد بسبب سمعته السابقه فى السوق قدر يقف على رجله من تانى وكسب تجار جداد
#________#_________#___
عند باسمه جاد راح خطبها من اهلها وهما رحبوا بيه لانهم عارفين انه عكس بيجاد رغم انه توئم وبالرغم من اللى عمله بيجاد الا ان اختياره لبنتهم ورجعوها ليه وانهم شايفينها مبسوطه فى حياتها خلاهم يوافقوا على جاد بدون تردد
#____________#_________
عند وجد كانت عايشه مرتاحه مع جوزها وكانت بتاخد بالها من نفسها ومنه وكل فتره كانت بتنزل تعمل شوبنج وتغير من مودها عشان مايجلهاش اكتئاب تانى وهو دايما كان بيقرا عن اكتئاب ما بعد الحمل عشان يقدر يتعامل معاها لما تولد ومايغلطش مره تانيه لانه بيحبها وماعندوش استعداد يخسرها او يخسره بيته
###_______#___________
عند عشق سامح راح اتقدملها واهلها وافقوا واشترطوا عليه يجبلها شقه جنبهم في نفس المكان واشروا شقه من الشقتين اللى فى العماره اللى قصادهم يونس اشترى الشقه التانيه عشان يبقى جمب بناته واحفاده وجاد ركن باع شقته وسكن في شقته اللى كان واخدها فى نفس العماره مع اخوه وابوه ووجد بتقنع جوزها انها تبيع شقتها وتروح تسكن جمب امها واخواتها وجارى اقناعه بالنقل
وبالفعل غدا خطبه عشق وسامح وكانوا عازمين كل زمايلهم وصحابهم وأهلهم وعلا ودكتور على كانوا معزومين
وعشق اتصلت بعلا واخدتها معاها الكوافير لانها الاقرب ليها بحكم شغلها انها معاها فى نفس المستشفى وكانت على معرفة قديمه معاها ومهمه الفرش واختيار حاجه المطبخ كانت مهمه اشرقت كانت بتنزل معاها تشترى هى وباسمه جهازها سوا بحكم خبره اشرقت واشرقت وباسمه طلبوا ميكب ارتيست تروحلهم البيت عشان تكون مع ابنها
#_________#___________#
جه يوم الخطوبه بتاعت عشق وكانت خطوبه وكتب كتاب والكل راح عشان يستقبل عشق من مركز التجميل وحضر الدكتور على ومعاه والدته خرجت عشق من الكوافير برقفه سامح وكان واقف وراها علا شافها بيجاد ودكتور على.
بيجاد لما شافها بص لاشرقت واتكلم معاها فى حاجة عشان يشتت انتباهه ومايبصلهاش واستغفر فى سره
عند على ووالده
ام على : مين دى
على : دى علا مساعده مدير الحسابات في المستشفى
ام على : وعلى كده انسه
على : لا مطلقه
ام على : بس حلوه اوي يارب اخلاقها تكون زى شكلها وسابت على وركب العربية مكنتش عايزه علا تشوفها معاه
دهبيه راحت على عشق وحضنتها وسلمت على علا وحضنتها وكانت فرحانه ومبسوطه بولادها ونفسها تطمن على علا عشان تكمل فرحتها وراحوا كلهم القاعه ومامت على كانت مركزه على علا واستغربت اوى لما عرفت ان علا طليقة بيجاد وازاى اهله بيحبوها كده واتاكدت ان العيب كان من ابنهم مش منها وده طمنها اكتر واخدت بالها من نظرات ابنها ليها وفى الفرح دكتور على كان مركز جدا مع علا وعلا اخدت بالها بس ماحبتش تركز في الموضوع لحد ما جه دكتور زميلها يتكلم معاها وطلب منها يتكلموا فى الجنينه عشان الدوشه وهى خرجت معاه وبدون شعور خرجت وراها والده على
الزميل: استاذه علا انا بقالى فترة معاكى فى الشغل بحاول اكلمك لكن انا محرج بصراحه وخايف تفهمينى غلط انا معجب بيكى وعايز ارتبط بيكى
علا : انا مقدره جدا مشاعر حضرتك بس انا شايفاك زميل مش اكتر
الزميل: طيب مافيش اى امل
علا : للاسف لا وانا بعتز بمعرفتك جدا كزميل واتمنى ده مياثرش على علاقتنا كزملاء وبعتذر من حضرتك لازم ادخل عشان واقفتنا غلط سمعتها والده على وكانت مبسوطه اوى من اخلقها وراحت قعدت جمب على تانى
على : كنتى فين يا ماما
ام على : كنت في الحمام وبعدين قابلت علا اللى سالتك عليها كانت خارجه مع واحد في الجنينه فخفت يكون بيضايقها فرحت وراها
على : طيب وهو كان بيضايقها
ام على : بخبث لا ابدا دول هما خرجوا يتكلموا
على بتكشيره : وهو ايه الموضوع اللى بينهم اللى خلاهم يتسحبوا ويطلعوا بره
ام على : عادى كان بيطلبها للجواز
على بصوت عالى نعم وبعدين تدارك نفسه
ام على : فى ايه طبيعي البت يجبها عرسان واحده حلوه وجيله واخلاقها عاليه
على : والهانم قالت ايه
ام على : مسمعتش منا مش هقف اتصنت روح اسالها لو عايز تعرف
على : بصلها بلوم يعنى مشيتى وراها وعرفتى كان عايزها فى ايه ومعرفتيش ردها
ام على : وانا مالى هو انا هتجوزها المهم انها مطولتش ودخلت على طول
على سابها وقام عشان يسلم على العرسان ويستاذن عشان يمشي
على : مع السلامه يادكتوره عشق مع السلامه يا سامح وعقبال الليله الكبيره
سامح : الله يبارك فيك وعقبالك يا دكتور
على : ان شاء الله مع السلامه
عشق : مش واخد بالك من حاجه
سامح: ايه هى
عشق : لما قلتله عقبالك قالك ان شاء الله
سامح: تصدقي صح ده كان بيكره اسم الجواز
عشق: شكله وقع من غير مايقولنا
سامح : ياترا مين دى اللى قدرت تخليه يحبها يا بختها
اثناء خروج دكتور على قابل علا
دكتور على: استاذه علا اتفضلى عشان اوصلك فى سكتى
علا : لا شكرا انا هطلب اوبر
على : لا مايصحش وغير كده والدتى معايا
علا : مش عايزه اتعب حضرتك
على : لا مافيش تعب ولا حاجه
مشى على معاه علا وراحوا لماماه عشان ياخدوها ويمشوا وبالفعل اخدوها ومشيوا ومامته ركبت قدام وعلا ورا
ام على : ازيك يا علا يا بنتى عامله ايه
علا : بخير يا طنطت
ام على : مبسوطه بالشغل في المستشفى
علا : اه جدا الحمد لله
ام على : طيب الحمد لله تعرفى انا بحب اسم علا او. كان نفسى اخلف بنت واسميها على عشان شبه اسم على الفرق بينهم الحرف الاخير
على : تصدقى صح لسه واخد بالى وضحك هو وعلا
علا : خلاص اعتبرينى بنتك
ام على : خلاص هاتى رقمك عشان ابقى اتصل بيكى وبالفعل اتبادلوا الارقام
وعلى مكنش متضايق من تصرف مامته رغم انه عارف تفكير مامته
رواية ولاد المعلم الحلقة الحادية والعشرون
بعد تبادل الارقام نزلت علا عند بيتها وكمل بعد كده على ومامته وهما في الطريق
ام على : باين عليها بنت حلال علا بس غريبه ان علاقتها باهل طليقها حلوه وكلها ود كده
دكتور على : لان جوزها كان انانى وشخص نرجسى
ام على : هى مالهاش اهل
على حكالها كل قصتها وكل اللى يعرفه عنها
ام على: كويس انها سابته هى ماتستهلوش ربنا يرزقها بالاحسن وبالصالح وواضح انه هيحصل قريب عشان فى واحد كلمها انهارده اللى قلتلك عليه ده
على بصلها بطرف عينه ومامنش على كلامها وصلوا البيت وكل واحد دخل غرفته
#____________#____________#______
عند اشرقت وببجاد
عشق كانت حلوه انهارده اوى
بيجاد : ربنا يوفقها وجوزها واضح عليه محترم اوى
اشرقت: اخدت بالى على فكره
بيجاد: من ايه
اشرقت: من تجاهلك لعلا وانك كنت بتغض بصرك عنها
بيجاد: مابقتش تحللى عشان ابصلها انا مطلقها طلاق بين
اشرقت : محنتلهاش
بيجاد : حاسس بالذنب بس وده طاغى على اى احساس تانى عندى ولو لسه بحبها مش هتمنى ان ربنا يكرمها بابن الحلال
اشرقت: واضح انه هيبقى قريب
بيجاد : حد طلبها ولا ايه
اشرقت: يعنى دكتور على كان عينه عليها طول الفرح وفى دكتور تانى برضه كلمها انا اخدت بالى وغير كده مامت على جت سالتنى عليها واستغربت لما عرفت انها ضرتى
بيجاد : حس ان الكلام هيضايقه قفل معاها ربنا يوفقها واللى فيه الخير يقدمه ليها بقولك ايه مش ناويه بقى نخاوى سند هيفضل وحيد كده كتير
اشرقت: قصدك ايه
بيجاد : قصدى تسكت شهر زاد عن الكلام الغير مباح 🤭🤭🤫🤫🤫
#________#___________#_____________#_____
عند باسمه وجاد فى التليفون
جاد : عقبالنا بقى
باسمه ضحكت بكسوف
جاد : خلاص هانت كلها شهر ونعمل الفرح بقولك صحيح اهتميتى بلبس البيت
باسمه: اه جبت جلاليب وبيجامات حلوه فى لون معين بتحبه
جاد : انا مالى ومال الجلاليب والببجامات جبتى من الحاجات التانيه ولا اجيب انا
هنا باسمه اتكسفت وقفلت السكه فى وشه وجاد فضل يقهقه من الضحك على كسوفها
#___________#___________#_____________#_
تانى يوم فى المستشفى كان داخل على من البوابه وكانت علا واقفه تتكلم مع اخوها في التليفون
علا : الو يا حبيبي انت عامل ايه
اخوها : وحشتيني يا علا اوى فكرتى فى كلامى بخصوص انك تيجى تعيشى معايا هنا
علا : صعب اوى انا خلاص بنيت نفسى وليه شغلى وشقتى وربنا عوضنى بام منعم ام تانيه ليه انا دلوقتي راضيه بحياتى وحباها كده سبنى اكمل فيها
اخوها : خلاص يا حبيبتي اللى يرسحك وانا فى اقرب فرصه هنزل مصر عشان اشوفك واطمن عليكى
علا : توصل بالسلامه يا حبيبي مع السلامه
اخوها : مع السلامه اشوف وشك بخير
بعد ما خلصت المكالمه قابلت قدامها دكتور على
علا : دكتور على ازى حضرتك
على : بخير يا علا عامله ايه فى الشغل مرتاحه هنا
علا : اه يا دكتور مرتاحه جدا ومبسوطه اوى بجد شكرا ليك على دعمك وثقتك فيا
على : من اول مره شفتك فيها وانا متاكد انك محتاجه فرصه ولو الفرصة جتلك هتقدرى تستغليها عشان تعيشى حياة افضل من اللى فاتت وبالفعل رأيى فيكى طلع في محله
علا : بلمعه عين وانا كلامك ده بيشجعنى وبيحببنى دايما في الحياة
على : لو احتاجتى اى حاجه في اى وقت اوعى تترددى لحظه واحده انك تكلمينى انتى عارفه مكان مكتبى
علا : اه يا دكتور شكرا ليك مع السلامه وسابته ومشيت وهى عنيها بتلمع وقابلتها عشق
عشق : ايه لمعه العيون دى بقالنا فتره ماشوفنهاش
علا : انتى بتقولي ايه مافيش الكلام ده طبعا انا بس مبسوطه عشان دكتور على معجب بشغلى
عشق: اه قولتيلى دكتور على معجب بشغلك انا فكرته معجب بحاجة تانيه
علا : عشق اخص عليكى وبعدين ازاى تفكرى ان دكتور زى دكتور على ممكن يبص لواحده زى
عشق : زيك ازاى انتى زى القمر ومتعلمه
علا : مش بالشكل يا عشق اولا مطلقه ثانيا وضع اجتماعى وعلمى مختلف واحد زى دكتور على ده لما يفكر يتجوز هيجتوز واحده زيه على الأقل دكتوره او مستوى اجتماعى متقارب إذا كان اخوكى كان مخلينى في السر عشان وضعه الاجتماعي مع أنه ماديا اقل من دكتور على مع احترامى ليكوا كلكم يا عشق ما بالك بقى واحد بوضع دكتور على كونه يكلمنى اصلا او يقف معايا ده فى حد ذاته تواضع وانتى جايه تقوليلى اعجاب
عشق : عارفه يا علا مشكلتك ايه انك مش عارفه قيمه نفسك
علا : لا انا مش هبص لفوق عشان ماتعبش عن اذنك عشان متاخرش على الشغل
مشيت علا وسابت عشق بتفكر في كلامها
عشق لنفسها انا متاكده من ان دكتور على معجب بعلا
اثناء شرودها قابلت سامح
سامح: مالك يا عشق سرحانه في ايه
عشق: في علا
سامح: حصلها حاجه او حد ضايقها
عشق لأ
سامح: أمال في ايه
عشق حكتله كل اللى قالتهولها علا
سامح: مايمكن دى اوهام في دماغك
عشق: لا انا متأكده بقولك ايه عايزاك تساعدنى
سامح: اساعدك ازاي
عشق: هقولك
#____________#___________#__________
عدا كام يوم تانى وراحت عشق لعلا وقالتلها ان خطوبه صاحبتها بكره ولازم تجهز وطلبت منها تنزل تختار معاها فستان وعلا وافقت وبعدها راحت لدكتور على
#____
عشق : خبطت على باب مكتبه ودخلت
دكتور على
على : اتفضلى يا عشق
عشق: بعد اذنك محتاجه انهارده بقيت اليوم اجازه
على : فى حاجة مهمه
عشق: اه خطوبه علا صحبتي ومحتاجة انزل اشترى شويه حاجات وبعد ازنك هعمل اذن كمان لعلا
على : علا ،🔥🔥🔥🔥🔥 عشق ممكن تاخدى إذن انما علا صعب وغير كده هى ليه مجتش طلبت منى بنفسها. الأذن مرفوض واتفضلى على شغلك ولو هى عايزه إذن تيجى تاخده بنفسها
كان قاعد على على نار 🔥🔥🔥من فكره انها لحقت تتخطب وهو مستنى شهور العده تخلص عشان يكلمها وقرر ان يتكلم معاها قبل خطوبتها
دكتور على اتصل بالسكرتاريه وطلب منهم يبعتوله علا وعلا دخلت المكتب
على : تعالى يا علا محتاج اتكلم معاكى
علا : اتفضل
على : انتى لسه فى مشاعر ناحيه بيجاد
علا : لأ طبعا ( لان من جواها فى مشاعر لعلى لانه تقريبا قدامها كل يوم وبتسمع مدح زمايلها وغير كده تحفيزه الدايم ليها خلى غصب عنها مشاعرها اتحركت ناحيته)
على : طيب والعريس الجديد
علا : حضرتك عرفت منين
على : اتاكد من كلام عشق انه صح
: ممكن تجاوبيني
علا : لأ
على : طيب حدديلى معاد بكره مع ام منعم واهلك جاى اقابلهم
علا واقفه مبلمه مش فاهمه او بتحلم هى حاسه فى حاجة غلط ومش مجمعه 😳😳
علا : حضرتك مش فاهمه تقصد ايه
على : حضرتك ايه يا علا انا عايز اتقدملك واتجوزك وتقوليلى حضرتك
علا : 😳😳
على : علا انتى معايا
علا : اه معاك
على : طيب بكره يا علا بكره ها حدديلى معاد عشان اجى انا وامى
علا : حاضر وسابته ومشيت وحاسه انها بتحلم وهى ماشيه قبلت عشق ومكنتش شايفاها
عشق : علا يا علا
علا : ها نعم يا عشق
عشق : مالك يا بنتى فى ايه
علا : هو انا صاحيه ولا نايمه
عشق : انتى صاحيه وفى الشغل كمان
علا : يعنى حقيقى
عشق : هو فى ايه
علا : دكتور على عايز يتقدملى بكره
عشق بفرحه بجد طيب حلو اوى هبلغ ماما وبابا عشان يحضروا ويقابلوه
علا : اللى انتى شايفاه اعمليه انا ماشيه وسابتها وراحت الحمام واتصلت بام منعم
ام منعم : الو علا انتى كويسه
علا : اه يا ماما انا كويسه بقولك دكتور على
ام منعم : ماله
علا : عايز يجيى يقابلك عشان يطلبنى منك
ام منعم زغرطت الف الف مبروك يا حبيبتي هاتيه بكره وقفلت معاها وكانت عشق كلمت مامتها وباباها وبلغتهم وهما فرحوا اوى وقرروا يروحوا كلهم بما فيهم جاد وبيجاد وباسمه
عدا اليوم بدون اى احداث جديده
روح على اخر اليوم قبل ما يمشى عدى على علا
على : علا تعالى يلا عشان اوصلك
علا : مافيش داعي انا بروح كل يوم لوحدى
على : لأ مافيش الكلام ده ويلا عشان بالمره اعرف مكان بيتك
مشى على ومعاه علا واخدها قاعدوا فى كافتريا عشان يتكلموا
على : عارفه يا علا انا كنت معجب بيكى من اول مادخلتى المستشفى وكنت برفض اكلمك او احاول اقرب منك عشان كنتى لسه متجوزه وبعديها لسه كنتى غى العده وكان حرام انى احاول اتقرب منك عشان اسمه تخبيب
علا : يعنى ايه تخبيب
دكتور على هقولك قصه حلوه
.
واحد بيحب واحدة متجوزة !!!!
بيحبها بجنون وشايف ان دي حاجة مش بإيده ،،
بتحبها ومش بإيدك ؟ ماشى
ابعد وحاول تنساها بس متخالفش الشرع ✨ ..
افرض خالفته ،، ده اسمه التخبيب.
يعني كلمتها أو شاغلتها ده اسمه تخبيب ،، حتي لو مافيش زنا وملمستهاش ،، اسمه برضو تخبييب
وده من الكبائر ،، نقطه ،، انتهي ..
والتخبيب هو إفساد المرأة علي زوجها أو إفساد الراجل علي مراته ..
في الحديث ” ليس منا من خبب امرأة علي زوجها ”
وفي الحديث برضو ” لا يدخل الجنه خب ”
وخد بقا التقيلة
لو اتطلقت ملكوش جواز وجوازكم باطل “عند المالكية والحنابلة”
طب انا كلمتها ومتطلقتش ؟؟
ده اسمه تخبيب ومن الكبائر وجوازكم هيبقي باطل
لو انشغلت وأعرضت عن زوجتك أو هي أعرضت عن زوجها
وعاشت في تشويش خاطر وبلبلة فكر وقلق نفسي وتوتر أعصاب وتكدير لحياتها الزوجية ،، ده اسمه تخبيب ومن الكبائر تانى
وجوازكم هيبقي باطل
طب انا بحبها وكلمتها وهي اتطلقت لأسباب تانيه ؟
ده اسمه تخبيب ومن الكبائر ،، وجوازكم باطل برضو
_طب أنا كلمتها ومعملتش أي حاجة تانيه ومقصدتش افسد عليهم حياتهم ؟
ده اسمه تخبيب ومن الكبائر ، وجوازكم باطل
_طب انا كلمتها وتبت وهي كدا كدا كانت هتطلق ؟
ده اسمه تخبيب ومن الكبائر ،، وجوازكم باطل
_الجواز هنا “باطل” عند “المالكية” لعِظَم الذنب وكعقاب دنيوي للمخببين ومعاملتهم بنقيض قصدهم
والكلام ينطبق علي الرجال والنساء 👌🏻 ..
وده شامل معجنة الاختلاط في الشغل وميادين الحياة
زى مين خدت ده من مراته ومين خد دي من جوزها ،، ويمثل حوالي ٧٠٪ من حالات الطلاق اللي هتشوفها ..
والعك ده كله داخل فيه الفضفضة والدردشة والمرقعة ودحرجة التماسي في مزبلة السوشيال ميديا مع زميلى أو زميلتى فى العمل أو الدراسة أو اى مجال فى الحياة ، وده كتير وسهل و بقا “عادي” جداً دلوقتى ..
أي كلمة أو تلميحة ممكن أوي تدخلك في الخانه دي وانت ولا علي بالك ،، وحتي لو متقصدش
مينفعش تقول لزميلتك ، كتكوتة ، شطورة ، صغنونة ، أمورة ، يلا علشان احبك .. الخ ،، من كل الالقاب اللى ملهاش علاقة بالشغل .
_كل دى كبائر كتير تُرتكب دلوقتي وبيتقال عليها “عادي”
_فاللهـم اني اعوذُ بگ من الخبث والخبائث ،
على : فهمتى بقى ليه كنت دايما بحاول ابعد عنك وبطمن من بعيد لبعيد بس عشان ماقعش في الكبائر
علا على كبر جدا جدا فى نظرها بعد كلامه ده واتمنت فعلا انه يكون من نصيبها فضلوا يتكلموا وهو حكالها كل حاجه عنه وهى حاكتله كل حاجه عنها وعن عيلتها وجوازها من بيجاد بعد كده وصلها البيت ووصل هو كمان بيته
دخل على الصالون لقى مامته قاعده
على : ماما عايزك فى موضوع
ام على: هنروح نتقدم لعلا امته
على : 😳😳عرفتى منين حد كلمك
ام على: مين هيكلمنى يا دكتور انت مش شايف نفسك دى مصر كلها عرفت انكم بتحبوا بعض إلا انتوا
على : هى علا كمان باين عليها
ام : على 😂😂😂😂😂
رواية ولاد المعلم الحلقة الثانية والعشرون
الخاتمه
ام على : يابنى ده انتو طول الفرح انت باصص عليها ولما هى تبص عليك تدور وشك ولما انت تبص عليها تدور وشها دى مصر كلها لاحظت وانتوا مش واخدين بالكم
على باحراج : طيب بكره على ٨ كده هنروحلهم ان شاء الله
#_________#___________#____________
عند دهبيه اتصلت بعلا
علا : ازيك يا حبيبتي عامله ايه
دهبيه : ازيك يا علا صحيح الكلام اللى سمعته ان دكتور على جاى بكره يتقدمك ام منعم قالتلى هى وعشق
علا : اه يا طنط فعلا هو كلمنى انهارده وطلب انه يقابل اهلى بكره
دهبيه : كده يا علا وانتى مش تقوليلنا هو انا وزيدان مش قولنالك اعتبرينا اهلك
علا : انا لسه كنت هكلمكم لانى لسه داخله الشقه حالا لسه حتى مغيرتش هدومى
دهبيه : خلاص اذا كان كده سماح بكره الجمعه هتلاقينى انا وعشق معاكى من اول اليوم وزيدان وجاد هيجوا بليل
علا : تنورونى طبعا
قفلت معاها علا وكانت مبسوطه لانها حاسه إن ليها ضهر حتى لو مش من دمها بس كون إن فى حد مهتم بيا ده فى حد ذاته شعور جميل
نامت علا وصحيت تانى يوم على صوت عشق وهى بتصحيها وحضرالها فستان حلو لونه دهبى ومعاه كل مستلزماته ودهبيه كانت جايبه معاها الناس اللى بيساعدوها في البيت وكانت جايبه الغدا جاهز على السوا والحلويات وكل شئ ممكن يحتاجوه
#_____________#_______________#________
عند بيجاد وزيدان وجاد
زيدان: انهارده دكتور على هيروح عشان يخطب علا وكلنا هنكون معاها انا وامك واخواتك
بيجاد: ربنا يتمملها على خير
جاد : من قلبك يا بيجاد
بيجاد: صدقني انا بتمنالها السعاده انا الحمدلله مبسوط فى حياتى مع اشرقت واتمنى انها تعيش حياه سعيده
زيدان: طيب انت طبعا ماينفعش تيجى معانا
بيجاد : عارف عشان مايكونش في حساسيه من اى نوع لأى حد
جاد : تمام ربنا يقدم اللى فى الخير احنا قلنا نعرفك عشان لو لسه في اى حاجه جواك تعرف ان ماعدش ينفع
بيجاد : ماتقلقش واتفضل الشيك ده المؤخر بتاعها مممن تديهولها ولو احتاجت حاجه تعتبرنى زى اخوها
جاد : متقلقش انا وابوك موجودين انا بعتبرها اختى وابوك بيعتبرها زى بنته
لبس جاد وزيدان وفعلا راحوا عند علا وطلب زيدان من علا انهم يتكلموا لوحديهم شويه
زيدان: تعالى يا علا اقعدى طمنينى عليكى انتى عامله ايه
علا : انا بخير الحمد لله
زيدان: انا دايما بطمن عليكى من دهبيه وبوصلك سلامى معاها
علا : بيوصل
زيدان: علا انتى لسه في حاجه من جواكى من ناحية بيجاد
علا : لا بيجاد بقى ماضي بالنسبالى وانا حاليا عايزه اعيش الحاضر
زيدان: طيب الحمد لله بالنسبة لدكتور على انتى فى مشاعر ناحيته ولا هو بالنسبالك فرصه لتكوين بيت
علا : لا انا مش بفكر بالطريقه دى نهائى انا من ساعت ماشتغلت في المستشفى دايما بسمع عن دكتور على وعن الخير اللى بيعمله وازاى هو انسان طيب ومواقفه معايت وتشجيعه الدائم ليا كل ده خلى ليه مشاعر فى قلبى .
زيدان: تمام يعمى انتى مقتنعه بيه من قلبك وهقلك
علا : بصتله بخل وسكتت
زيدان: افهم من كده السكوت علامه الرضا . يبقى على خيره الله هو كلمنى وقالى هيجى الساعه ٨ بالظبطت يعنى فاضل ربع ساعه شوفى ايه اللى ناقصك فيها
صحيح خدى الشيك ده
علا : ايه ده
زيدان: ده المؤخر بتاعك خديه وشوفى عايزه تعملى ايه بيه
علا : بس اما مش محتاجاه
زيدان: انا عارف بس ده حقك بلاش جدال يلا عشان تلحقى
علا اخدت الشيك ودخلت اوضتها وكانت عشق مستنيها عملتلها الميكب وجهزتها
عشق: بسم الله ماشاء الله زى القمر يا علا
علا : حبيبتي يا عشق شكرا على وجودك جمبى
عشق: وشكرا انك فى حياتى . بقولك دكتور على جه بره مش يلا عشان تقدمى المشاريب
خرجت علا وقدمت المشاريب
ام على : بسم الله ماشاء الله احنا انهارده جايين طلب ايد علا لعلى ابنى
زيدان: واحنا يشرفنا دكتور على سمعته سابقاه والكل بيشكر فيه وعلا بنتى ونعم البنات
دكتور على: انا كنت بستاذن حضرتك اننا نعمل كتب كتاب ودخله على طول انا الفيلا بتاعتى جاهزه وهى تيجى تشوفها ولو محتاجه اى حاجه انا ممكن اغيرها
زيدان: انتى رأيك ايه يا علا
علا كانت ساكته ومحرجه
ام على : السكوت علامه الرضا يبقى على خيره الله الشهر الجاى ده على طول يبقى الفرح وكتب الكتاب عشان لو فى حاجه ناقصه نلحق نجبها
على : طيب نقرا الفاتحه بقى
كلهم قاعدوا وقروا الفاتحه وبعد كده اتشعوا فى جو من الفرح وزيدان ودهبيه كانوا مبسوطين عشان خاطر علا لانها طيبه وتستاهل
#________#_______
عند بيجاد واشرقت
اشرقت: يعنى انهارده خطوبه علا
بيجاد: اه
اشرقت: وانت مرحتش ليه
بيجاد: عشان مايكونش في احراج لحد وخصوصا إن دكتور على كان عارف انى جوزها فملهاش لازمه اروح كده كده كلهم معاها
اشرقت : انت متضايق
بيجاد: لا مبسوط عشانها انت كنت عايش بذنبها
اشرقت: لا ده نصيب ماتشلش ذنب حد
بيجاد: عندك حق
###___________
عند جاد خرج وكان بيكلم باسمه
جاد : علا اتقرت فتحتها لدكتور على
باسمه: ربنا يتمملها على خير
جاد : بقولك ايه فرحهم الشهر الجاى احنا بقى نعمل فرحنا اخر الشهر ده انا بكره هكلم باباكى واحدد معاه ميعاد
باسمه : خلاص وانا موافقه ولو سالنى هقوله موافقه
جاد : اهم حاجه المعاد مناسب متفاجئش بيوم الفرح بحاجة تاجل الدخله
باسمه بعدم فهم : حاجه زى ايه
جاد : حاجه من حاجات البنات دى
باسمه قصدك على مكملتش كلامها وراحت قفلن السكه فى وشه وده خلى جاد يضحك عليها بيحب يشوف تصرفتها لما بيكسفها
رجع تانى للقاعده وكانوا بيتفقوا على الدهب والمؤخر
ام على : احنا بكره ننزل نجيب الدهب والميزانية مفتوحه اللى انتى عايزاه هاتيه
علا : ربنا يباركلنا فيكى
ام على : وانتى يا ام منعم هتيجى تعيشى معانا الفيلا كبيره وهما هياخدو الدور اللى فوق كله ليهم وانا وانتى الدور اللى تحت واهو نسلى بعض
ام منعم : لا انا كفايه عليا كده وهرجع بلدى بقى
علا وشها قلب وبصتلها بدموع
: عايزه تسبينى انا بعتبرك امى
ام منعم: انا اطمنت عليكى وسيباكى مع ناس بتحبك
علا : لا انا عايزاكى جمبى ماتسبنيش وكل فتره نسافر سوا نقعد كام يوم هناك انا كده كده حبيت المكان هناك ايه رايك
ام منعم : يابنتى هبقى حمل عليكى وكل واحد بيحب ياخد راحته في بيته
ام على : ماتقلقيش هيكون ليكى جناح كامل كل واحد هيكون ليه جناح كامل
ام منعم: خلاص يا علا انا كمان اعتبرتك بنتى ومش هسيبك وهقعد معاكى
ام على : ربنا يخليكم لبعض
جه اخر الشهر وكان فرح جاد وباسمه وكان الكل حاضر ومبسوط والكل مرتاح البال وكان بيجاد لسه بيروح لدكتور حسن كل فتره عشان يقدر يسيطر على نفسه وعلى طباعه ويخف من سلوك التملك والانانيه والنرجسيه وكانت اشرقت واقفه جمبه وعارفه انه بيروح للدكتور بس سايباه على راحته ومش قايلاله انها عارفه لانها عارفه انه بيعمل كده عشانهم وعشان مايتعبهمش وهى متفهمه موقفه
تمت
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الثالثه والرابعه من هنا
الحلقه الخامسه والسادسه والسابعه من هنا
الحلقه الثامنه والتاسعه والعاشره والحادىه عشره والثانية عشرة والثالثة عشره من هنا
الحلقه الرابعه عشر والخامسة عشرة والسادسة عشر والسابعة عشر والثامنة عشر من هنا
الحلقه التاسعه عشر والعشرون والحادية والعشرون والثانيه والعشرون والاخيره من هنا
اللي بيحب الروايات الكامله والحصريه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق