رواية حنين الماضي الفصل الثاني بقلم نجلاء ذكي حصريه وجديده على مدونة النجم المتوهج للروايات والمعلومات
 |
رواية حنين الماضي الفصل الثاني بقلم نجلاء ذكي حصريه وجديده على مدونة النجم المتوهج للروايات والمعلومات
بمستشفى الدكتور سالم
وصل يوسف المشفى وقلبه يهفو الى تلك الفتاه لا يعلم لم هو مهتم بها الى تلك الدرجة فهو لم يغفو له جفن من التفكر في قصتها وما واوصلها الى هذا الحد من الانهيار فمن كلماتها التي كانت تهزي بها بالامس شعر بانها قد فقدت غالي ذلك الشعور والانهيار الذي يعلمه جيدا فهو ايضا قد مر به منذ سنوات حين فقد حبه الاول والذي كان يملك وجدانه يشعر ان تلك الفتاة حنين تذكره بشيئا من ماضيه فقد مر وقت وتلقى جلسات تاهيل نفسي كثيرة حتى يمر من تلك الازمة والتى كان ستؤدي بحياته المهنية لكنه مر منها بسلام وتعب ودعم من حوله ليعود لحنين مرة اخرى وبالفعل يستاذن ليدخل فهو يتذكر انها منقبة لكن وضعها بالامس جعله يري وجهها وتلك العيون التي تجذب من يرها للتأذن والدتها بالدخول
- اتفضل ليدخل يوسف بهيئته الساحرة
- السلام عليكم يا امي ايه الاخبار ليتجه بنظره الى تلك الجالسة بسلام على الفراش بيدها كتاب الله تقرأ به بخشوع وقد انزلت نقابها قبل دخوله فهي كانت تقوم بالتاكد منه انه يخفي وجهها لتتصدق وترفع عيناها اليه تلك العين الساحرتين بلمحة الحزن والقهر التى تحتلها لترد بنبرة هادئة
- الحمد لله يا دكتور بخير لتسرع والدتها لتحدث ابنتها
- ده دكتور يوسف اللى لحقك امبارح كتر خيره فضل معانا لغاية ما اطمن عليكي مع انه كان خلص شغل ومروح لتشكره حنين بامتنان
- شكرا جدا يا دكتور معلش تعبتكم امبارح ليرد بمهنية
-العفو على ايه ده واجبي لتساله حنين
- طيب انا هروح امتى عايزة ارجع البيت ليرد عليها بمرح
-ايه يا انسة حنين زهقتي منا ولا ايه لتبتسم تحت نقابها بمرار
-لا يا دكتور بس كده كده هروح وانا هبقى مرتاحة في البيت مش بحب المستشفيات ليرد باطمنان
رواية حنين الماضي الفصل الثاني بقلم نجلاء ذكي حصريه وجديده على مدونة النجم المتوهج للروايات والمعلومات
- طيب يا ستي هتروحي النهاردة ان شاء الله بس دكتورة مها هتعدي عليكي تطمن عليكي وتتكلم معاكي شوية وتروحي لتسأله
- دكتورة مها ليه ودكتورة ايه
-دي دكتورة نفسية شاطرة جدا هتحبيها بس الانهيار اللى كان عندك امبارح كان شديد ولازم دكتورة نفسية تشوفك لترد بالم
- دكتورة نفسية ليه انا مش مجنونة وبعدين الوجع اللى في قلب محدش هيحس بيه افتكر اني اروح احسن ليرد عليها بود
- اولا انتي مش مجنونة ولا حاجة والدليل انك هديتي اهو بفضل ايمانك وكتاب ربنا اللى في اديكي وثانيا ممكن لما تحكي اللى جواكي لحد فاهم ممكن يساعدك انك تمري من ازمتك دي بسلام وعموما انا واثق في دكتور مها جدا لتبتسم على اصراره
- ماشي يا دكتور هنتظر دكتورة مها واقعد معاها ممكن تكون سبب بعته ليا ربنا في الظروف دي علشان اعدي من محنتي دي ليبتسم لتظهر وسامته لتخفض حنين عينيها بخجل ليقراء التقرير الخاص بها
-تمام يا انسة حنين انتي كده الحمد لله تمام اتمنى انك تحاولي تبقي احسن وان شاء الله بعد جلستك مع دكتورة مها هعدي عليكي قبل ما تمشى ليستاذن وينصرف وهو لا يعلم لم اخبرها انه سيعود اليها ثانيا فهي لا تحتاج الى ان يمر هليها مرة اخرى لكنه اراد ان يراها قبل ان ترحل
رواية حنين الماضي الفصل الثاني بقلم نجلاء ذكي حصريه وجديده على مدونة النجم المتوهج للروايات والمعلومات
مر بعض الوقت وحضرت دكتورة مها لترى حنين وتتكلم معها وبالفعل ما ان دخلت حتى وجدت سيدة في منتصف خمسنيات من عمرها وفتاة ترتدي نقاب على السرير وبيدها مصحف تقراء به لتلقي التحية لترد عليها هدى اما حنين فتصدق وترد عليها
- وعليكم السلام ورحمة الله وبركاته لتبتسم لها مها بود
-انا دكتورة مها ازيك يا حنين لترد عليها بهدوء
-الحمد لله لتطلب مها من هدى ان تتركهم وحدهم لتغادر هدى تذهب الى محمد حيث انه بخارج الغرفة يجلس منتظرا ان يسمحوا لابنته بالمغادرة لنعود لمها وحنين
-حنين احنا هنتكلم مع بعض شوية علشان انتي ترتاحي لتنظر لها حنين وهي تركز بكلامها
-انتي عارفة انك كنتي جاية في حالة انهيار وطبعا اكيد ليه اسبابه لو عايزة تكلمي عنها انا هسمعك ساعات الواحد بيبقى عايز يتكلم مع حد غريب عنه ويطلع اللى جواه علشان يرتاح اعتبريني مش موجودة اتكلمي كانك مع نفسك مثلا قولي ايه اللي تعبك يمكن اقدر اسعدك وترتاحي انتي انسانة جميلة ومؤمنة بربنا ويمكن ايمانك القوي هو اللى فوقك النهاردة وانا شيفاكي قاعدة بتقراءي في كتاب الله بخشوع ده لوحده كفيل يريح قلبك بس ميمنعش اني احاول اساعدك لترتاح لها حنين وتبدء بالحديث معها اه افكارها ليست مرتبه تحكي مواقف من حياتها بغير ترتيب كذكريات تستعيدها كلها مرتبطة بشخص واحد وهو علاء، ظلت مها معها ما يقرب الساعتين تستمع لها وتتحدث معها الى ان شعرت حنين فعلا براحة كبيرة وامان بالحديث معها لتتركها بابتسامة وهي تبلغها
-على فكرة يا حنين اتمنى ان الجلسة دي تتكرر بس برضو برضاكي يعني اتمنى انك تتبعي معايا وانتي عايزة كدة وان شاء الله هتبقي بخير حبيبتي لترد عليها حنين بود
- انا فعلا ارتحت وانا بتكلم مع حضرتك واتمنى ان يكون في جلسات تاني وبدعي ربنا جرح قلبي يطيب لان الالم كبير اوي لتربط مها على يديها
-ان شاء الله حبيبتي انا هكتب ليكي على دوا تخديه وان شاء الله نتقابل كمان ثلاث ايام لتبتسم لها حنين
-ان شاء الله لتنظر مها الى ابتسامتها الجميلة وتلك النغزة التي بخدها
-على فكرة يا حنين انتي جميلة ولازم تبقي واثقة في نفسك لتتركها وتغادر وتقابل والديها بالخارج لتلقي عليهم التحية وتحدثهم عن حالة حنين حيث انها قد صدمت في من احبت ولم تتوقع يوما ان يتركها لتطلب منهم الذهاب معها الى مكتبها لكي تتحدث معهم قليلا
- انا طبعا فاهمة ان حنين كانت متعلقة جدا بعلاء ليرد محمد بحزن على ابنته
-للاسف من صغرهم والكل عارف ان حنين لعلاء وعلاء لحنين دايما معاها هي واخوها لانه وحسين من سن بعض وحنين اصغر منهم بثلاث سنوات لتسال مها
-طيب فين اخوها حسين لترد هدى
-موجود بس احنا مقولناش ليه على تعب اخته يا حبيبي بيرجع من الشغل متاخر وتعبان وهو كده كده بيجي يقضي معانا كل جمعة هو مراته وعندهم ولد وبنت محمد ومريم وحنين روحها فيهم لترد مها
-طيب حنين علاقتها ايه بحسين ومراته ليرد محمد
- علاقتهم كويسة الحمد لله جدا وامل مراته صاحبة حنين جدا وزيها زي حنين عندنا وهي بتعتبر حنين اختها لترد مها
-طيب حلو اوي طبعا احنا عايزين الكل يساند حنين تتخطى اللى حصل واكيد حسين وامل والاولاد وحضرتكم هيكون ليكم دور وكمان هي ذكرت ماما نعمات لترد هدى
-اه دي تبقى والدة علاء وبتعتبر حنين بنتها هي اللى مربياها معايا الصراحة الست الدنيا في كوم وحنين كوم تاني لتبتسم مها
-هي حنين فعلا انسانة جميلة وتستحق ان الكل يحبها تمام كده ان شاء الله طبعا لو حنين حبت هيكون فيه جلستين كل اسبوع اول شهر او لحد. ما احس بتحسن حالتها وان شاء الله تعدي حنين من ازمتها بس اهم حاجة حاولوا تبعدوها عن اي توتر او زعل الفترة دى وهستناها كمان تلت ايام زي ما بلغتها وانا عندي احساس انها هتيجي ليرد محمد وهدى
-ان شاء الله
~~~~~~~~~~~~~~~~~~
مر ثلاث اشهر على انتظام حنين في جلساتها مع الدكتورة مها ولقد تقربت لها كثيرا وكذلك مها قد احبت حنين وكانت تعاملها كأم وصديقة ليس كطبيبة وبالفعل تحسنت حالة حنين كثيرا لكن للاسف حنين بمنطقة شعبية وهناك يكثر القيل والقال منهم من يتعاطف معها ويشعرون بالحزن على تلك الملاك الذي غدر به ومنهم ضعاف النفوس والذين يشمتون بها ويروجوا القصص عن ترك علاء لها قبل زفافهم بشهور قليلة وبعد حب وخطبة دامت سنوات لكن لان اهل حنين وهي ايضا محبوبون بالحي الذين يقيمون به لم يجرؤ احد على التصريح بتلك القصص لكنهم فقد يتداولونها بجلسات النميمة الخاصة بهم.
وكما طلبت دكتورة مها من اهل حنين فقد كان ايضا لاخيها وزوجته واولاده دورا في تحسن حالتها فكان حسين عندما ياتي اسبوعيا باسرته يقوم باصطحاب حنين لقضاء يوما بالخارج مابين الذهاب بالاولاد الى مناطق الالعاب فكانت حنين تعود لطبيعتها الطفولية مع ابناء اخيها وبين الذهب الي احد النوادي والتي صادف اشتراك دكتورة مها بها فكانت تقابلها بالصدفة هي وزوجها لتسلم عليها وترحل لتجالس اخيها وزوجته امل والتي كانت لها في تلك المحنة اكثر من اخت كانت تجلس معها وتستمع لها وتهون عليها وجعها وتحاول ان تطبب جرحها اي ان الجميع تكاتف للتخفيف عن حنين حتى نعمات والدة علاء فكانت تقوم يوميا بزيارتهم كعادتهم منذ سنوات ولا تاتي بذكر اسم علاء معها وفي احد الايام وكان هذا اليوم هو موعد جلسة حنين مع دكتورة مها ما ان خطت حنين وابيها االشارع الذين ييقيموا به حتى لاحظت حنين نظرة غريبة باعين الجيران ما بين شفقة وحزن حتى انها تمسكت بيد ابيها لتسأله بصوت منخفض
- بابا هو فيه ايه هو انا لبسه حاجة غلط او نقابي مش مضبوط لينظر لها والدها بحزن
-لا يا حبيبتي انتي زي الفل لتسال
-طيب هو ليه الناس بتبص عليا وكأن فيا حاجة حسسوني زي اول يوم طلعت من المستشفي من تلات شهور ليرد والدها بتلجلج
-ابدا حبيبتي مفيش حاجة متحطيش في بالك المهم عاملة ايه مع دكتورة مها لتبتسم اسفل نقابها وتتحدث مع والدها بود
-الصراحة يا بابا دكتورة مها انسانة جميلة جدا وبتعملني بطريقة كاني بنتها مش مريضة عندها عارف يا بابا لما دكتور يوسف قال لازم اقابل دكتورة نفسية انا قولت هو انا اتجننت ولا ايه ليقطعها والدها
-بعد الشر عنك حبيبتي لتكمل بنفس الحماس
-ما ده يا بابا اللي بنشوفه في الافلام والمسلسلات انا قولت فعلا انا اتجننت لكن لما قابلت دكتورة مها وكلمتها اول مرة حسيت اني مش بتكلم مع حد غريب عني بالعكس كانها صديقتي قريبتي وارتحت ليدعو لها ابيها بحب
-ربنا يريح قلبك يا بنتي لتكمل
-ساعات يا بابا الواحد بيكون محتاج فعلا يتكلم مع حد غريب عنه حد يقدر يفضفض معاه ويطلع مشاعره منغير ما يبقى قلقان من حكمه عليه او بمعنى اصح حد بعيد عن المشكلة بيشوفها من برة وقتها مش مشاعره هي اللى بتحكم لكن عقله وبيبقى شايف الصورة اوضح بكتير ده اللى بحسه مع دكتورة مها غير طبعا اننا بقينا اصحاب جدا ودايما تسال عليا خلال الاسبوع لحد الجلسة الجديدة ليبتسم والدها
-فعلا دكتورة مها ربنا يبارك لها وانا فعلا حاسس انك بقيتي افضل لتنظر الى ابيها بحب
-ده بفضلكم كمان يا بابا انت وماما وحسين وامل حتى طنط نعمات كلكم كنتم سند ليا ودايما بحس انكم ضهري واغلى ما عندي
-ربنا يريح بالك يا حبيبتي ليحدث نفسه ربنا يعدي اليومين دول على خير لازم اتكلم مع دكتورة مها الاول وهي اللى هتعرف تتصرف
بالفعل وصلت حنين ووالدها الى المستشفى وانتظرت حنين لتدخل الى دكتورة مها اما والدها فتركها فى غرفة الانتظار وتعلل بانه يريد ان يقضي حاجته وطلب مقابلة الدكتورة مها من مساعدتها قبل دخول حنين له
قامت المساعدة بالسمح له بذلك ليدخل يقابلها ويخبرها بعودة علاء من السفر وخوفه من ان تتاثر حنين بذلك لتتفهم مها الوضع وتطمئنه انها ستمهد الامر لحنين وتخبرها به.
***********************
يتبع
تعليقات
إرسال تعليق