رواية طفلة بالإجبار الحلقة الثالثة بقلم الكاتبه زهره عمر حصريه وجديده على مدونة النجم المتوهج للروايات والمعلومات

 رواية طفلة بالإجبار الحلقة الثالثة بقلم الكاتبه زهره عمر حصريه وجديده على مدونة النجم المتوهج للروايات والمعلومات 

بصتله كتير و قالت بابي هي مامي فين ؟

جاسر اتوتر من سوالها و خاف عليها بس قال بهدوء :-

هي عند ربنا يا رضوى

رضوى دمعة و عيطت بصوت و قالت :-

يعني أنا معنديش مامي زي كل الناس

جاسر حضنها و قعد يطبط عليها بحنان و قال :-

اهدي يا رضوتي مش انا موجود اهو تعالي يلا افسحك و اجيلك غزل بنات كتير مش انتي بتحبيه

رضوى مسحت دموعها بظهر اديها زي الأطفال بالظبط و قالت :-

ايوة بحبه دا حتي مودي بيجبلي كل يوم من مصروفه

جاسر بغيظ :- الله يخربيت مودي على اللي جابوا مودي في ساعة واحدة يلا يا بنتي بدل ما تقلب دم يلا

رضوى كرمشت وشها و بعدين ضحكت لما افتكرت أنه هيجبلها غزل بنات

جاسر أخد رضوى فسحها و جبلها غزل بنات و رضوى كانت مبسوطة أوي بعدها رجعوا البيت و رضوى قعدت تتفرج على التلفزيون و جاسر بيخلص شغل في مكتبه

رضوى كانت بتتفرج بتركيز و فجأة لقت اللي بيخبط على اديها بهدوء و بيشاور ليها تروح وراه

بهدوء مشيت لحد ما وصلوا لاوضة بعيد عن جاسر و دخلوا و قفلوا الباب كويس

أول ما لفت رضوي ليها خدتها في حضنها جامد و قالت:-

كدا توجعي قلب أمك عليكي يا رضوي ؟!

رضوي دموعها نزلت و قالت:-

والله غصب عني يا أمي بس اللي جاسر عمله فوق المحتمل بصراحه ،

حطي نفسك مكاني دخلت لقيت جوزي مع واحدة في المكتب بيخوني و معداش على فرحنا شهر واحد و فوق كدا دا قعد فترة على ما خرج ورايا مخرجش ورايا علطول يعني أنا مش فارقة ليه

– طب و هتعملي اية يا رضوي ؟!

بصت ليها بإصرار و قالت:-

هعمل الصح زي أستاذ أحمد مكي بالضبط

الأم بصت ليها باهتمام و التانية كملت :-

هعمل اللعبة لاخرها و هنشوف يا أنا يا هو و مش بس كدا دا أنا هطلق منه بس بعد ما اشيبه و احسسه بالذنب اكتر و اكتر …

الأم طربت على صدرها بحركة تلقائية و قالت:-

يلهوي تطلقي ؟! طلاق اية يا بنتي استهدي بالله بس ، ربيع بس بلاش طلاق

رضوي بصت لأمها بحاجب مرفوع و قالت:-

– وإنت عوزاني اقعد مع واحد خاين لية يا أمي ، دا إنت اللي المفروض تشجعيني على الطلاق واخد كل حقوقي منه

سوزي بهلع :-

لا لا يا رضوي طلاق اية يا بنتي دا إنت مكملتيش شهرين جواز

ربعت اديها و قال بعند :-

روحي قولي للبيه الخاين اللي مش ملاحظ دا

سوزي أدركت إن الكلام معاها مش هيفيد بحاجة و قررت تاخدها على قد عقلها و قالت بهدوء :-

ماشي يا حبيبتي ابقي اطلقي بس يلا بينا من هنا دلوقتي لحسن جاسر يحس بحاجة

هزت راسها بتفهم و خرجت بره الاوضة و هي بتتسحب زي ما دخلت و بعدها بشوية خرجت أمها لقيتها واقفة قدام جاسر و على وشك الخناق معاه

– كدا برضوا يا جاسر يا خاين ؟ كدا تخوني ؟! أنا اتخان

جاسر لوهله فرح و افتكر إن الذاكرة رجعت ليها من تاني و في نفس الوقت اتصدم من كلامها و مكنش عارف هيبرر بإيه

جاسر بقي يتهته في الكلام لحد ما رضوي ضحكت عليه و قالت:-

شوفت يا بابي بعرف أمثل إزاي ؟! لو سمحت خدني بقي أعمل مقابلة عشان أمثل مع كريم عبد العزيز

جاسر الصدمة لجمت لسانه و قال:-

تمثيلي ؟! بقي وقعتي قلبي و في الآخر عاوزة تمثيل و مع كريم عبد العزيز ، دا كريم عبد العزيز لو عرف إنك عايشة على الكوكب هينحر هو ، إنتي عرفتي الكلام دا فين

خرجت الموبايل من جيبها و قالت:-

من هنا

جاسر مسك التليفون بيشوف اللي هي بتوريهوله لقي بوست متنزل و بيسالوا عن اطفال فعلا بصلها و بص للسن المطلوب و قال في نفسه :-

طب لو افترضنا إن الشحطة دي عندها عشر سنين الجسم دا جسم واحدة عندها عشر سنين

طبطب عليها باحباط و قال:-

قدامي يا حبيبتي قدامي على النوم يلا دا شكلها عيشة تقصف العمر و بص لنفسه في المراية و قال:-

و العيشة كمان

يتبع….

اللي بيحب الروايات الكامله والحصريه من هنا 👇 ❤️ 👇 

روايات كامله وحصريه

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم