سكريبت كذبه بيضه للكاتبة خديجه السيد حصريه وجديده على مدونة النجم المتوهج للروايات والمعلومات

سكريبت كذبه بيضه للكاتبة خديجه السيد حصريه وجديده على مدونة النجم المتوهج للروايات والمعلومات 

المعلم كارم دخل البيت واتفاجئ بمرات ابوه نبيله ضربت بنته صغيره على ايديها وقالت بحده: بطلي تحفي بالاكل يا بنت على مهلك خلصتي طبق اللحمه كله هو انا كل شويه هفضل هقوم اعمل، هجيب صحه منين على طلباتك انتي واللي في البيت.. وبعدين خفي اكل لحمه وكلي باقي الاكل الثاني.. 

اروى حست بالحرج والزعل فثبت الاكل ودخلت جوه.

كارم اتضايق وقرب وقالها: ايه يا مرات ابويا معلش عارف انك بتتعبي معانا بس سيبيها تاكل براحتها و لو الاكل خلص ولا حاجه يبقى قوليلي وانا اشتري غيره.

نبيله بسخرية: ولما تشتري غيره مين هيقوم يعمله هو انا هجيب صحه منين لكل ده ما تريحنا بقى وتتجوز وتشوفلك واحده تخلي بالها من البنت.. هو انا كنت خلفتها ونسيتها ولا حد قالك روح طلق مراتك اللي سابتلك البنت وهي راحت تتجوز.

كارم: خلاص يا مرات ابويا ما لوش لازمه الكلام ده.. وانا قريب اشوفلها واحده تخلي بالها منها طالما بقت خدمتك ليها تقيله على قلبك قوي كده.. مع اني انا اللي بصرف

نبيله: يا نهارك اسود ومنيل انت بتذلني باللقمه انا وابوك تعالى يا شهاب شوف ابنك بيقول إيه؟ بيعايرنا ويذلنا عشان انت طلعت على المعاش والمرتب ما بقاش يكافي وهو اللي بيساعد ويصرف.. ما تقولهالي في وشي بقى بالمره اعملي بلقمتك .

شهاب طلع وقال بزعل: وبعدها لك يا كارم هو انت كل مره هتفتح الموضوع ده مع مرات ابوك، هي مش صغيره و هتقدر تخلي بالها من البنت ومن غير زعل دي مسؤوليه اللي رحت اتجوزتها ورميتك وراحت اتجوزت غيرك.. واحنا مش ملزومين ندفع ثمن اخطائك.

كارم: يا ابويا انا ما قلتش كده لكن دي عيله صغيره برده ومحتاجه اللي يعوضها.. علي العموم خلاص يا مرات ابويا انا هشوفلها واحده تخلي بالها منها ذي ما قلت.

نبيله: طب ما انت عملت قبل كده وبيطفشوا بسبب عمايل بنتك.. وانت كمان كل ما تلاقيهم بيزعقوا لها تتعفرت وتطردهم على طول عشان كده ريح نفسك واتجوز احسن وانا ممكن اساعدك في الموضوع ده وعروستك عندي.. هاجر بنت اختي ما انت عارفها يا حج.

شهاب: البنت فعلا مؤدبه وكويسه وبعدين ده اللي يلزمك يا كارم زوجه تخلي بالها من البنت ومنك مش خدامه عمرها ما قلبها يكون حنين عليها 

كارم بضيق واستهزاء: يعني قرايبي مش حاينين عليها اروح اجيب واحده من بره الله اعلم هتعمل إيه في البنت.. تشكري يا مرات ابويا انا قفلت الموضوع ده خالص ومش هتجوز .. واذا كان على بنتي انا اللي هربيها لوحدي.

**

ياسمين كانت قاعده في المدرسه بتدي الدروس للاطفال وبدات تسالهم بعد ما شرحت عشان تعرف مركزين معاها ولا لا، لكن لما وصلت لدور أروي وقفت تبصلها وهي متوتره وخايفه وما قالتش حاجه واصحابها ابتدوا يضحكوا عليها في الفصل.

ياسمين: بس ولا صوت بدل ما اذنبكم بره على السبوره وبعدين ايه اللي بيضحك.. تحبوا اعملكم امتحان مفاجئ قصاد بعض كلكم عشان نعرف درجاتكم... شايفاكم دلوقتي سكتوا يبقى تحترموا زمايلكم وما تضحكوش عليهم ولا تستهزاوا منها بالطريقه دي تاني.

ياسمين بعد شويه كان ضرب الفسحه ضرب لكن طلبت من اروى ما تمشيش فقالتها بحنان: ايه يا اروى انتي ما كنتش كده يا حبيبتي مش كنتي دايما بتقفلي درجات الامتحان ايه اللي حصلك.. في مشكله عندك في حد هنا بيضايقك قوليلي وما تتكسفيش.

اروى بدموع: ماما مشيت وسابتني وبقيلي كتير قوي مش بشوفها.

ياسمين: يا حبيبتي الله يرحمها هي راحت عند ربنا.

اروى: لا يا مس مرات جدو دايما بتقولي احنا لو ما شديناش عليكي في البيت هتطلعي زي امك تطلقتي من جوزك وتروحي تتجوزي واحد ثاني.. ولو ليكي عيال هترميهم زي ما امك رمتك.

ياسمين اتصدمت من الكلام واستغربت اكتر وقالت في سرها: ازاي يقولوا كلام زي كده لطفله في سنها ناس ما بتفهمش صحيح.. لا حول ولا قوه الا بالله طب ذنبها ايه البنت الصغيره دي تتعاير بامها كده.. ده حتى الموضوع مؤثر على مستواها وهو مش حاسين بيها 

ياسمين طبطبه عليها بحنان وقالتلها: بصي يا حبيبتي ساعات بنتحط في مواقف كبيره علينا لكننا بنعتبر نفسنا في اختبار ولازم ننجح عشان نسبق الكل.. اكننا داخلين مسابقه يعني عشان نكسب في الاخر.

اروى: بجد.. طب هنكسب ايه في الاخر.

ياسمين: رضا ربنا وان احنا بنصبر على الابتلاء عشان في الاخر يجازينا ويدخلنا الجنه.. مع الناس اللي بنحبهم مش انتي برده نفسك تدخلي الجنه وربنا يفضل يحبك.. يبقى لازم تقاومي اللي انتي فيه ده وما تخليش اي حاجه تاثر عليكي وترجعي تذاكري زي زمان.

اروى: ما هو انا مش بلاقي حد في البيت يذاكرلي بابا بيرجع من الشغل متاخر.. ومرات جدي وجدو على طول مقضينها خناق معايا و ما حدش بيحبني 

ياسمين: لا يا حبيبتي ما تقوليش كده هم ممكن بس عشان مشغولين والناس الكبار كده بعد كده بتزهق وما يبقاش عندها بال طويل..

اروى: لا يا مس هم مش بيحبوني بدليل لما بقعد اكل معاهم بتقومني بنص الاكل وتقولي كفايه عليكي كده انتي طفصه وبتاكلي كتير.. رغم يا بابا قالها كتير ما تعملش معايا كده وهو اللي بيدفع لكن بتزعقلي اكتر وتقوله انها مش قادره على خدمتي.

ياسمين: لا حول ولا قوه الا بالله طب يا حبيبتي.. ايه رايك لو جيت اديلك دروس بنفسي واذاكرلك بس لازم تقولي لبابا الاول.

**

هاجر بسعاده: بتتكلمي بجد يا خالتي شورتي علي كارم يتجوزني طب هو هيجي امتى يطلبني من ابويا

نبيله: ما هو انتي لو اديتيني فرصه اكمل للاخر هقولك انه رفض وقال مش عاوز يتجوز خالص.. اسمعي يا بنت انتي لازم من هنا ورايح تفضلي عندي في البيت عشان يشوفك قد ايه مهتميه بالبنت.. يمكن تاثري عليه.

هاجر بضيق شديد: ما انا حاولت قبل كده والبنت مش طايقاني ولا انا بصراحه طايقاها ولا ليا خلق لتربيه العيال.. وبعدين هو انا ناقصه ايه عشان يرفضني دي رجال الحاره كلها نفسها تشوف نظره مني وانا اللي مش راضيه.. اعمل ايه في قلبي بقى اللي حبه.

نبيله بسخرية: قلبك برده ولا فلوسه اللي طمعانه فيها وعاوزه ينامك من الحب جانب.

هاجر: وانتي يعني مش بتعملي كل ده برده عشان الورث.. عشان عارفه ومتاكده ان عم شهاب اللي انتي متجوزه ده ما حلتوش حاجه وكارم هو اللي ورث كل حاجه من امه اللي ماتت.. يبقى خلاص تحطي ايدك في ايدي ونحاول نلعب احنا الاثنين عليه.

نبيله: ما انا في الاول كنت فاكره الموضوع صح لكنه منشف دماغه، مراته الاولى معقداه اصلي.. المشكله الخايب ابني أيوب على طول فلوسه مضيعها على الحريم عشان كده شهاب عمره ما بيفكر يمسكوا حاجه وكارم هو اللي مسيطر على فلوسه وفلوسنا.

هاجر بخبث: ماتقلقيش يا خالتي سيبي كارم عليا، والرجاله كلها ملهاش الا سكه واحده 

**

كارم اتفاجئ ببنته صاحيه وكانت مستنياه قالتله على موضوع الدروس وهو ما لقاش عنده مانع، طالما ده هيكون لمصلحتها 

وبدات ياسمين فعلا كل فتره تبدا تديها دروس في البيت ومستواها اتحسن شويه شويه، لكن برده كانت لسه بتلاقي المعامله القاسيه منهم وكارم مشغول في الشغل ومش عارف كلها تفاصيل كل حاجه بتحصل....!! 

وفي يوم ياسمين كانت ماشيه في الحاره واتفاجئت بعربيه عدت جنبها وكانت في ميه في الارض اترشت عليها وبهدلتلها هدومها، فبصت على نفسها بصدمه وقالت بغضب: انت يا حيوان يا بغل مش تقف تشوف عملت ايه.. ده ماشي ولا اكنه عمل حاجه طب والله العظيم لاوريك.

كارم كان بيسوق العربيه وهو مش منتبه اللي عماله تزعق وراه لانه كان حاطط السماعه في ودنه وعمال يتكلم في الشغل لكن فجاه سمع صوت قزاز العربيه بيتكسر فوقف العربيه  بصدمه ونزل 

لقي ياسمين كانت واقفه قدامه وفي ايديها الطوب اللي كانت بتحدفه على العربيه.

كارم: يا نهارك اسود ومنيل ايه اللي انتي عملتيه في العربيه ده أنتي مجنونه ولا في عقلك ايه بالظبط.. الله يخرب بيتك ده انا لسه جايبها عشان اخلص بيها الشغل تكسريها بالطريقه دي.

ياسمين اتصدمت من رده فعلها المبالغه هي كمان، فسابت الطوب من ايدها وقالت بتوتر : 

ما هو انت اللي عصبتني انا ما كانش قصدي بس انت اللي بدات على فكره انت مش شايف عملت في هدومي ايه وانت ماشي بالعربيه مش واخد بالك ولا حتى رضيت تقف وتعتذر .

كارم بحده: يعني انتي عشان شويه ميه جت على هدومك تقومي تكسريلي قزاز العربيه ذمه اهلك شايفه دي قصاد دي.. 

ياسمين: هو انت بتزعقلي ليه ما انت اللي غلطان كنت وقفت اعتذرت كنت ساعتها هكبر دماغي لكن انا موتي وسمي الانسان اللي بيبقى غلطان ويقاوح.

كارم: انا برده اللي بقاوح دي انتي بني ادمه مستفزه تحبي دلوقتي اكسرلك دماغك دي واقولك دي قصاد دي عشان تعرفي انتي عملتي ايه.

ياسمين: تكسر مين طب فكر كده تقربلي و شوف هعمل فيك ايه هو انت فاكرني عشان واحده ست هسكتلك.. ولا انت ولا 10 زيك يقدروا يعملوا معايا حاجه.. ايه في ايه انت بتقرب كده ليه.

كارم أبتسم باستهزاء وسخريه بعد ما قرب منها وقال: بشوف هتعملي ايه معايا .. مش قلتي ولا انا ولا 10 زيي يقدروا عليكي اديني قدامك اهو وريني هتعملي ايه.

ياسمين حاولت تدري خوفها وقالت: هتيجي على واحده ست غلبانه زيي ما هو خلاص ما بقاش في نخوه ولا رجوله، والرجاله صحيح كلهم راحوا في الحرب مش نصهم وبس.. ايه مفيش راجل عدل في ام الحاره دي يلحقني ويعرفك مقامك وانك غلطان 

كارم: مالك خفتي كده ليه مش كنتي من شويه عامله فيها السبع رجاله في بعض عرفتي انك جبانه ولا تقدري تعملي حاجه.. 

وبعدين ما تلعبيش بالنار يا شاطره عشان الحاره دي تبعي اصلا كلها عشان كده محدش وقف يعبرك.. 

ياسمين بتوتر: عشان عارفين انك مفتري وظالم.. ولو فكرت تقربلي فعلا هطلع تليفوني واصورك وانزلك على النت وتبقى فضيحه

كارم: لا و انتي الصادقه عشان عارفين ان انا ما اظلمش حد وانك اكيد اللي غلطانه.. وانا ما شفتكيش اصلا وانا معدي عشان اعرف اعتذر لكن ده برده ما عندكيش الحق انك تكسريلي العربيه وانا فعلا لو شخص وحش كنت دفعتك ثمنها غصب عنك.. يلا يا شاطره من هنا وبعد كده ما تلعبيش الا مع اللي قدك.

ياسمين اتعصبت واتضايقت منه وبعد كده اتحركت ناحيه العماره اللي ساكنه فيها اروى عشان تديها الدرس.. لكن كل ده كان شايفه أيوب أبن نبيله وابتسم باعجاب وهو بيبص لياسمين !. 

**

كارم رجع من بره هو ما كانش طايق نفسه واتفاجئ بهاجر قدامه اللي قربت منه بدلع وقالت: ازيك يا معلم كارم شفت القلوب عند بعضها ازاي رغم ان انا عارفه انك على طول مابتتاخر في شغلك لكن من حظي الحلو جيت النهارده بدري.

كارم بضيق: العربيه عطلت مني فوديتها عند الميكانيكي عشان كده رجعت بدري.. بس تعبان وعاوز انام معلش بالاذن.

هاجر وقفت قدامه منعته وحطت ايديها على كتفه وقالت: اخص عليك ده بدل ما تقولي انستي ونورتي وتقعد معايا شويه وتطمن على احوالي وتحكيلي ايه اللي مضايقك.. هو انا برده غريبه عنك يا معلم كارم .

كارم كان لسه هيبعد ايديها وهو مخنوق لكن فجاه شايف نفس البنت اللي تحت كسرتله العربيه كانت طالعه من جوه: ايه ده هو انتي بتعملي ايه هنا عندي في بيتي.

هاجر بضيق وغيره: و انت تعرفها منين يا معلم كارم دي المدرسه الجديده اللي جايه تدرس لبنتك اروى.. ومواعيدها بتكون في نفس مواعيد شغلك يبقى عرفتها منين ان شاء الله.

ياسمين استغربت من اهتمامها بيه فخمنت يمكن خطيبته ولا مراته عشان كده ردت وقالت: هي اروى تبقى بنتك ما كنتش اعرف.. على العموم زي ما خطيبتك ولا مراتك قالتلك انا المدرسه بتاعتها.

كارم رد بسرعه وقال: لا دي مش مراتي دي قريبتي انا مش مرتبط أصلا.. وما اتجوزتش ولا خطبت من بعد ما ام اروى طلقتها.

هاجر كشرت وبصتلهم بغضب وشك واستغربت ليه مهتم قوي بررلها أوي كده، خصوصا كارم كمل وقال: هو انتي ابله ياسمين بقى اللي عماله أروي كل شويه وجعي دماغي بيها ليل ونهار 

ياسمين: نعم قصدك ايه.

كارم: لا خالص مش قصدي حاجه انا يعني كان نفسي اقابلك لولا مشغول عشان اشكرك الحقيقي، لأن حسيت الفتره اللي فاتت اروى بنتي ابتدت تتغير لما اهتمتي بيها فشكرا جدآ على كل حاجه عملتيها معاها.

ياسمين: لا على ايه العفوا ده وجبي عن اذنكم بقى انا لازم امشي.

كارم: طب ما تيجي اوصلك في طريقي بما انك خلصتي ما يصحش برده تروحي لوحدك في وقت زي ده.. 

هاجر بغضب مكتوم: ايه يا معلم كارم هو انت مش لسه من شويه قلت عربيتك وديتها للميكانيكي يبقى هتوصلها بايه وبعدين هي عيله صغيره اكيد عارفه طريقها واحنا لسه بدري.. وده شغلها واكيد عارفه انها ساعات بتتاخر او لو صعب قوي كده عليها تبطل الشغلانه دي ما حدش قالها تيجي هنا.

ياسمين اتصدمت من طريقتها معاها رغم انها ما عملتهاش حاجه وكارم اتضايق كمان وقال بحزم: انا بتكلم في الاصول يا هاجر وبعدين الست كثر خيرها عملت مع بنتي اللي محدش منكم عمله عشان كده واجب عليا اوصلها اتفضلي يا انسه وانا واقفلك تاكسي حتي من تحت عندنا في الحاره اكون واثق فيه.

**

هاجر بعصبية: بقولك في حاجه ما بينهم انا متاكده اصلك ماشفتش كانت بتكلم معاها ازاي ومهتم قوي يوصلها ده انا ياما باجي ولا عمره عرض عليا يوصلني.. لا كده هيروح مننا فعلا ولازم نلاقي حل. 

نبيله: وانا اقول يا ربي مهتميه قوي بالبنت الصغيره ليه وجاتلها لحد هنا بتديها دروس وتقعد تسال البنت على احوالها وحنينه معاها قوي اكتر من امها نفسها لو كانت موجوده.. اتاريها بتنمر على ابوها بس لعبتها صح اكيد عارفه انه معاه فلوس 

هاجر: عشان كده بقولك لازم نتصرف مش بعد ما اتعشمت واحده تيجي تاخده على الجاهز..وهي شكلها حليت في عينه ومين عالم في ايه تاني بينهم واحنا ما نعرفش.

نبيله: ما البنت حلوه برده وشكلها لسه بنت بنوت.. ده حتي ابني ايوب اللي رافض الجواز وعاوز يفضل يتصرمح بره عجبته وكان عاوزها بس انا قلتله ما تحرجش نفسك واكيد مش هتقبل بيك دي مدرسه وانت معاك اعداديه بالعافيه. 

هاجر انتبهت فجاه لكلامها وقالتلها: طب تصدقي فكره يبقى الحل هنا ابنك أيوب لازم يتجوز البنت دي.. عشان كارم ما لقيش غيري ولو بيفكر فيها يراجع نفسه ان خلاص بقيت لاخوه وما بقتش تنفعه.

نبيله: وهي هترضى اكيد طبعا هترفض بالذات لما تعرف انه مقطع السمكه وديلها و كل يوم مع واحده شكل طب يا ريتها تلمه عشان شهاب يرجع يثق فيه ويمسكه حاجه لكن اكيد مش هترضى..  

هاجر بخبث: واحنا هناخد رايها ليه، احنا هنجبرها وانا هقولك ازاي. 

**

هاجر بدأت تراقب ياسمين وتدور وراها وعرفت انها عايشه مع خالها ومراته اللي نفسهم في اي وقت يخلصوا منها ويجوزوها.. وده طبعا جالها على الطبطاب.. وبدات تحط الخطه كالاتي.

**

ياسمين كانت نازله على السلم واتفاجاه باللي وقف قدامها وسد طريقها وقال بخبث: ازيك يا ابله ياسمين مش عارفاني ولا ايه انا ابقى عم اروى اللي بتديها دروس عندنا.. شكلك كده مستعجله تعالى اوصلك طالما خلصتي 

ياسمين: لا متشكره انا عارفه طريقي كويس عن اذنك.

ايوب اتضايق من ردها و وقف قدامها وقال باستهزاء: ايه ما منعتيش يعني لما كارم جه يوصلك ولا هو بيدفع اكتر قوليلي وانا اظبطك اصل انا بدفع في الحاجات دي كتير وبقدر الستات الحلوه اللي زيك.

ياسمين اتعصبت واتصدمت من كلامه وما حسيتش بنفسها الا وهي بتضربه بالقلم وطلعت على بره من غير ولا كلمه وهو وقف مصدوم من فعلتها وعيونه بتطق شرار.

**

ياسمين في يوم كانت رايحه كالعاده تدي دروس لاروى و نبيله قالتها بحزن مزيف: أروي 

تعبانه قوي يا ابله ياسمين وما وراهاش سيره الا إنتي ونفسها تشوفك ما تدخلي تخدي بخاطرها هي في الاوضه دي.

ياسمين اتخضت عليها وفعلا دخلت وقربت من السرير لكن اتصدمت لما رفعت المفرش ولقيت أيوب هو اللي نايمه وفتح عينه وقرب منها وهو مبتسم بسعاده وقال بخبث: جيتيلي لحد عندي يا ابله ياسمين 

ياسمين اتخضت منه ومن تصرفاته وبسرعه حاولت تطلع لبره لكن اتفاجئت بالباب اتقفل وفضلت تخبط جامد وتصرخ بدموع خوف لان ايوب كان ابتدي يقرب منها غصب عنها لحد ما الباب اتفتح وظهر كارم إللي قال بحده: ابله ياسمين هو انتي ايه اللي جابك هنا؟ وانت كمان يا ايوب إيه التصرفات اللي بتعملها دي أنت اتجننت مالك ومالها 

ياسمين كانت هتقع لكن كارم لحقها وكان باين عليها التعب وعماله تترعش وقبل ما تتكلم اتفاجئت بصوت خالها اللي ما تعرفش جي منين وقالها بعصبيه وغضب: هي دي الدروس دي اللي بتديها في البيوت يا قليله الربايه مين الاتنين دول وبتعملي ايه عندهم.. 

نبيله جت وقالت بصدمه مزيفه: يا لهوي بتعملي يا ابله ياسمين هو انتي مش سالتيني  الاول على أروى وقلتلك انها مع هاجر بنت اختي بتفسحها وقلتلي عاوزه كوبايه ميه ودخلت اجيبها لك طلعت ما لقيتكيش ودلوقتي الاقيك هنا في اوضه ابني.. و إيه اللي قطع هدومك كده 

شهاب: ايه ده في ايه مالكم كلكم ملمومين على ايه.. مش دي المدرسه بتاعه اروى هي بتعمل ايه هنا وانت كمان يا كارم انت وايوب بتعملوا ايه هنا.

نبيله شعلله الدنيا وقالت وهي بتقصد ايوب ابنها: هي محتاجه سؤال ما العباره باينه، ابنك حط راسنا في التراب يا فضيحتنا وسط الخلق ما تقلقش يا حج الواد مستعد يصلح غلطته.. واديك شايف الغلط جاي من الاثنين وهي اللي عنده في الاوضه.

ياسمين انصدمت من كلامهم وبصيت ناحيه ايوب اللي كان بيبتسملها بانتصار وفهمت ان دي كلها لعبه منهم بالذات ان نبيله قالت حاجات ما حصلتش اصلا، لكن هزت برفض وقالت: انتم بتقولوا ايه اتجوز مين انتم مجانين الكلام ده ما حصلش اصلا انا كنت جايه هنا عشان...

خالها ابراهيم ضربها جامد وقال: اخرسي دي كمان ليكي عين تتكلمي بعد عملتك السوداء دي احمدي ربنا انهم هيستروا عليكي.. هي غلطتي من الأول سبتك تروحي تدي دروس في البيت بعد ما كنت قلقان وانتي اللي اقنعتيني بالعافيه.. لكن دلوقتي فهمت اللي فيها غصب عنك هتتجوزيه ولا عاجبك قوي تدوري على حل شعرك معاه 

شهاب بغضب: مش قادره اصدقك انت يا كارم تعمل كده ما احنا ياما قلنا عاوز تتجوز اتنيل اتجوز لكن وصلت كمان انك تعمل كده في بيتي عيني عينك كده.. الراجل معاه حق لازم تتجوز البنت غصب عنك

كارم والكل اتصدم لان شهاب فهم غلط وقبل ما حد يصلحله موقفه كانت ياسمين بسرعه قالت: خلاص انا مستعده اتجوز كارم طالما انتم مصممين عشان يصلح غلطته معايا.

**

هاجر صرخت بجنون: يعني انا ارتب واخطط وبرده تاجي تاخده على الجاهز انا هتجنن ازاي ما فتحتش بقك وعطلتي الجوازه دي باي شكل كتب الكتاب بيتكتب تحت اعمل ايه اكتر من كده عشان ابوظلهم الجوازه.

نبيله بخوف: يا بنت اخرسي خالص الله يخرب بيتك بدل ما حد يسمعك ويفهم اللعبه اللي عملناها هتخربي عليا .. انا حاولت انطق انا وابني ونصلح الموقف لكن ما حدش اداني فرصه من البدايه فاكرين كارم هو اللي عمل كده عشان كان واقف جنبها وهي بتتحمى فيه 

هاجر بحقد: انا ما ليش دعوه بكل ده انتي اتفقتي معايا على حاجه لازم تحصل كارم لازم يكون ليا باي شكل من الاشكال.. ان شاء الله اقتله ولا اقتلها مش هخليها تتهنى بيه.. كارم بتاعي انا وبس.

**

= اتفضلي يا هانم.. ايه هتعملي فيها مكسوفه  مش قلتي ان احنا مدورينها مع بعض وبينا حاجه وانا كنت بصلح غلطتي منك من شويه.

ياسمين كانت واقفه قدامه بفستان الفرح بعد ما دخلت البيت معاه والفرح اتفض ورفعت عيونها اللي مليانه دموع وقالت بتردد: انا عارفه ان انت ما عملتليش حاجه ومش انت المقصود لكن والله ما كنت قادره اتخيل ان يجمعنا بيت واحد انا واخوك الفاشل ده.. اللي كل يوم مع واحده.

كارم شدها جامد بعصبيه وغضب وقال: وانتي عارفه كل التفاصيل دي منين انتي بينكم حاجه بجد وانا جيت زي المجنونه اول ما سمعت صوتك وكنت جاي انقذك تورطيني معاكي عاجبك منظر اهلي وهم بيبصوا لي على ان واحد واطي كده.

ياسمين: والله العظيم ما بينا حاجه مرات ابوك بتكذب قالتلي ان بنتك تعبانه جوه وانا دخلت اشوفها لقيت اخوك هو اللي نايم على السرير وبسرعه قفلت الباب علينا من بره، وبعد كده اتفاجئت بيه بيحاول يتهجم عليا.. وانا عارفه انه وحش كده عشان كنت كل مره بشوفه بيحاول يضايقني بيقرب مني عافيه لكني كنت بصده والمره دي ما قدرتش

كارم: المفروض بقي اصدق الكلمتين دول ولو فرضنا كلامك صح انا مال اهلي عشان تورطيني بورطه زي دي وتطلعي منظري قدامهم وحش.. وانا طول عمري بتقي الله في اي حد قدامي عشان عندي بنت وحتى لو ما عنديش بخاف ربنا تعملي فيا عامله زي دي.

ياسمين انهارت من العياط وقالت: والله غصب عني انت مش عارف خالي لما اصدق يخلص مني النهارده قبل بكره وهيدبسوني بالعافيه اتجوز أيوب ومهما اشوف منه مش هيرضوا يطلقوني.. وانا عشان عارفه انك محترم فعلا اضطريت اتبلى عليك لكن انا دلوقتي مستعده والله ما اقولهم الحقيقه لكن قبل الجواز ما كنتش هقدر.

كارم صعبت عليه شويه ما ينكرش ده لكن بعد عنها وقال بحده: يعني انتي ورطيني معاكي عشان أنا طيب معاكي وابن حلال طب تعالى بقى هطلعه عليكي..ما الظاهر فعلا الطيبه دي ما تنفعش في الزمن ده.

ياسمين اتوترت منه بخوف وتوتر: كارم انت بتقرب مني ليه عشان خاطري ما تعملش حاجه تخليني اكرهك بعد ما كنت بحترمك..

كارم قرب منها وشدها من وسطها وقال بنبر ارعبتها: هو انتي خليتي فيها احترام مش احنا مقضينا مع بعض خلينا بقى نكملها بس في الحلال.. أهو اتاكد بالمره كان في حد قبلي ضحكتي عليه ولا انا اول ضحيه ليكي.

ياسمين بدموع: هو انت بجد بتفكر فيا بالطريقه دي وفاكرني بعمل اللعبه دي على الرجاله 

كارم بجمود: انا مابقيتش واثق في حد والورطه اللي انتي ورطهالي تخليني اشك فيكي بكل شكل وليا حق في اللي هعمله عشان انتي اللي وصلتينا لكده.. وانتي خلاص بقيتي على ذمتي وانا عاوز بقى اتاكد من شرف مراتي .

ياسمين فضلت شويه بصله بوجع ومش عارفه هي اللي غلطانه ولا هو لكن سكتت باستسلام تماما وهو استغربه جدا، لكن برده شيطانه سيطر عليه وكمل في اللي بداوا.

**

ياسمين صحيت الصبح على صوت الباب بيخبط ولقت كارم كان واقف وقالها بتردد: 

دول اكيد اهلنا قومي يلا عشان نستقبلهم.. 

ياسمين قامت فعلا ومااتكلمتش وجهزت نفسها وخرجت بره ليهم تستقبلهم بابتسامه مزيفه.

كارم لاحظ وجود أيوب معاهم اللي عيونه ما نزلتش عن ياسمين فتعصب جدا وقال بحده: 

جري ايه يا أيوب هو انت عيونك رايحه فين خليها في الارض بدل ما اقوم اقالعهلك وعود نفسك بعد كده توفر زيارتك احسن ونتقابل تحت.. ولا انت مش هتطلع هنا عشان تقابلني وتطمن على اخوك برده.. قولي عشان لو في حاجه تانيه انا ما اعرفهاش نتحاسب عليها.

أيوب نزل عينه في الارض فعلا بخوف وقلق منه.. وياسمين بصه ناحيه كارم واستغربت انه دافع عنها.

هاجر بغيظ وغيره: وانت بتعاتبه ليه ما تعاتب الهانم اللي كانت قاعده جنبك ودخلت الاوضه بتاعته اليوم إياه وحاولت توقعه في شباكها وتغريه و...

كارم: هاجررررر! قسما بالله العظيم اللي هجيب سيره مراتي بالوحش كانه بالظبط بيهني وانتي عارفين اللي بيدوسلي على طرف بعمل فيه ايه جايين هنا يبقى باحترامكم اكثر من كده يبقى الباب يفوت جمل...

نبيله بتوتر: خلاص يا ابني احنا مش جايين نتخانق باركنا واطمنوا عليكم وخلاص يلا بينا يلا قوموا.

بعد فتره أروى جت وكانت فرحانه قوي ان ياسمين هتفضل معاها تراعوها، واخيرا هتلاقي الاهتمام مش حد يزعقلها زي ما كانت بتعمل مرات جدها وجدها كمان ولا انشغال والدها عنها.. 

عشان كده حبيتها قوي اتعلقت بيها وكارم كان ملاحظ ده ومبسوط من التغير اللي بقت فيه بنته.. 

وفكر ليه ما يديهاش فرصه ويحاول ينسى القديم بالذات بعد ما اتاكد ان اول واحد في حياتها يلمسها.. لكن الطريقه اللي اتجوزها واليوم اللي شافها فيه باوضه أيوب كانت بتخليه في حيره وشك طول ما هو مش لاقي مبرر للي حصل.

**

ياسمين دخلت بتردد وقالت: اروى قالتلي ان أنك عاوزني خير في حاجه.

كارم: خدي يا ياسمين الشنطه دي.. هتلاقي فيها هدوم تخصك يا رب بس تطلع مقاسك ولا روحي قيسيها على طول عشان لو فيها حاجه اعرف ارجعها طوالي.

ياسمين: هدوم ليا انا بس انا ما طلبتش حاجه وما كانش في داعي.

كارم: انا متعود كل عيد بجيب لاروى لبس جديد فما كانش ينفع اجيب لبنتي وما اجيبش لمراتي كمان وانتي مسؤوله مني يا ياسمين واي حاجه تحتاجيها بعد كده تعالي اطلبيها مني على طول.

ياسمين بحرج: شكراً بس أنا هنزل الشغل من اول الشهر ومش هحتاج حاجه ولا هتقل عليك.

كارم بحده: شغلي ايه اللي هتنزلي ده وهتصرفي منه على نفسك .. و انتي مين قالك اصلا ان هاسمحلك تشتغلي وانتي على ذمتي.. شوفي بتاخدي كام وانا هديكي اضعفهم.

ياسمين بضيق: ايه طريقه الكلام دي، انا مش بشتغل عشان الفلوس وبس انا بحب الشغلانه دي واهتم بالاطفال و لو اهتميت بالفلوس مش هتعرف تعوضني بالاطفال اللي بحبهم ومتعوده عليهم كل يوم اشوفهم الصبح 

كارم رد عليها باستهزاء وسخريه: لا ممكن اعوضك بالاطفال بطريقه ثانيه انك مثلا مع الوقت تبقى حامل وتخلفي مني.. ساعتها هيكون ولادك اولى وانتي لو عايزه نجيب اكتر من عيلين ما عنديش مانع طالما هيلاقوا اللي يرعوهم.

ياسمين شهقت بصدمه وقالت بخجل: انت قله الادب إيه اللي انت بتقوله ده وبعدين انا ما عنديش عيال قصدك على اروى فانا مش هقصر معاها في حاجه.

كارم قرب منها وسحبها من وسطها وقال وهو بيبص في عيونها جامد: انا كلامي واضح بقولك عيلنا في المستقبل واي حاجه تحتاجيها انا اللي متكفل بيها.. لكن انا مش هقدر استحمل احس بالوحده تاني انا وبنتي من غيرك وارجع من الشغل ما لقيكيش مستنياني باللقمه اللي من ايدك زي الشهد واهتمامك البسيط باي حاجه بتعمليها عشاني انا وبنتي.. عشان خاطري وافقي لاني مش عاوزه اغصبك.. لاني مش هسمح للاهتمام ده يقل تاني .

ياسمين كانت واقفه مصدومه من كلامه اللي  ما توقعتوش وبعد كده قالها وهو  بيمسح على شعرها بحنان: ياسمين يلا روحي قيسي الهدوم قلتلك عاوز اعرف مقاسك ولا لا هستناكي هنا روحي وما تتاخريش.

ياسمين كانت حاسه بضربات قلبها هتفضيحها لو فضلت فعلا اكثر من كده قدامه عشان كده خدت الهدوم تروح تقيسها او تهرب من قدامه.. 

وبعد فتره طلعت وهي بصه في الارض بحرج و كارم بصلها جامد وقال: لا مش هينفع تنزلي بيه مستحيل اخليكي تعتبي بيه لبر.

ياسمين: ليه ده والله شكله حلو أوي.. ولا مش حلوه عليا.

كارم: بالعكس شكله حلو عليكي جدا عشان كده مش هينفع تنزلي بيه وكمان شكلها البنت اللي بعتهلي جابتلي مقاس تاني لانه مجسم عليكي بالظبط.. 

ياسمين بتوتر: خلاص هروح اقلعه عشان تجيب مقاس اكبر.. فهمت تمام.

ياسمين شهقت بصدمه لما حست بيه بيسحبها كارم ناحيته وقالها بهمس: انا مش هخليكي تخرجي بيه بره لكن في نفس الوقت مش هرجعه البسهلي أنا هنا؟ وكده كده انا الوحيد اللي يحقلي اشوفك بالشكل ده واكتر كمان..

ياسمين بخجل شديد: كارم ما يصحش كده اروى لسه صاحيه.

كارم بخبث: يعني مشكلتك ان البنت صاحيه تمام خليكي هنا لحد ما انزلها عند جدها عشان نقعد براحتنا مع بعض...

ياسمين بصت عليه بذهول لما لقيته فعلا بعد عنها وراح يند على بنته ونزلها تحت وبعد كده رجعلها.....

**

هاجر كانت جايه تحاول تطلع لكارم وتضايق مراته لكن خالتها فاجئتها وقالتلها: مش موجودين يا اختي ليل ونهار خروج وحتى لو موجودين بيسربوا البنت عندنا وافهمي لوحدك بقى اللي بيحصل فوق انا عارفه اتعلق بيها قوي كده امتى.. ده كان زي اللي محروم ولما اصدق حتى الشغل ما كانش بيقدر ياخد اجازه منه بقى يعمل لنفسه ثلاث ايام اجازه بحالهم عشان يبات في حضن الهانم.

هاجر اتعصبت واتضايقت أوي وكانت هتطق من الغيره، فرفضت انها تروح وفضلت لحد بالليل مستنياهم واول حاجه عصبتها لما شافت شنط قد كده شايلها: لما صدقتي تتجوزي الراجل عشان تبيعي إللي قدامه واللي وراه.. هي واحده صحيح زيك كانت تحلم بجوازه زي دي للدرجه دي خالد كان حرمك ولما صدق رماكي لينا 

ياسمين حسيت بالاهانه والزعل من كلامها: الله يسامحك انا عيني مليانه وجايه من بيت شبعانه الحمد لله ومش محرومه كارم هو اللي صمم يجيبلي الحاجات دي رغم ان انا مش مضطره ابررلك 

هاجر بسخرية: ما انا شايفه كل حاجه بعيني يا أختي وفاهمه كويس بتقربي من البنت ليه عشان تكسبي الكبير.. يا حربايه يا خطافه الرجاله يا..

كارم في الوقت ده كان طالع وشايل بنته اللي نامت على دراعه وسمع الكلام فقرب منها وقالها: بتهيا لي ان انا صبرت عليكي كتير لكن اكتر من كده مش هستحمل.. انا هتصل بابوكي حالا واعرفه قله ادبك وكمان لما كنتي زمان بتقربي مني وعاوزاني بالعافيه ليكي.. واكيد ساعتها هيعاقبك.. وده عشان تحرمي تاني مره تشتمي مراتي وتقلي منها يا زباله.

هاجر حطت ايديها على وشها بصدمه اول ما ضربها بالقلم لكن صدمتها الكبيره لما طلع التليفون فعلا واتصل بابوها وبدا يشتكيله منها وقال كل عمايلها السوداء حتى نواياها منه 

وابوها جي وهو على اخره منها وجابها من شعرها وكانت فرجه في الشارع وحلف وقتها أنه هيسفرها البلد ويجوزها من هناك.

ونبيله بدات تخاف تقرب من ياسمين لانها خلاص بقت متاكده ان كارم ما بقاش يسيب حقه.. وبدات تتراجع عن افكارها..

انما ياسمين كانت مش مصدقه قد ايه بيدافع عنها وبيعمل كل ده عشانها.. وكانت جواها مبسوطه قوي بده ولقيت نفسها بتتمنى ان كارم يفضل في حياتها.. لانها فعلا كانت مفتقده السند والحمايه.

**

كارم أبتسم بتلقائيه اول ما شاف ياسمين خبطت ودخلت الاوضه بتاعه المكتب فقالها: 

تعالي مالك واقفه كده ليه.. مستنيه استئذان ولا ايه ده بيتك لو كنتي ناسيه.

ياسمين دخلت بخجل وحطت القهوه قدامه وقالت: انا قلت اجهزلك القهوه وادخل اديهالك طالما طولت في الشغل.. وربنا يعينك كارم هو انا ممكن اطلب منك طلب.

كارم بخبث: آه قولي بقى انك عامله القهوه دي عشان عاوزه مني حاجه مش عشان صعبت عليكي زي ما قلتلي من شويه..

ياسمين: لا والله ابدا انا بقيلي كتير مستنياك بره عشان تخلص وتيجي اتكلم معاك لكن لما لقيتك طولت صعبت عليا وقلت اروح اعملك القهوه.

كارم ابتسم وقال: ده انتي متابعاني بقى تمام قولي عاوزه ايه.. وانا هوافق على طول بس بلاش حكايه الشغل دي تاني.

ياسمين: لا انا خلاص رجعت في كلامي بالذات ان اروى هي اللي بقت تتحايل عليا وهي صعبت عليا جدا الظاهر انها كانت فعلا مفتقده الاهتمام ده قوي.. انا كنت عاوزه اروح ازور بنات خالي وحشوني قوي ونفسي اشوفهم 

كارم: انا ما عنديش مانع بس عادي يعني تروحيلهم ومحدش هيضايقك هناك بكلمه.. لو عاوزاهم يجوا هنا وانا بره براحتك البيت بيتك لكن انا خايف تروحيلهم يضايقوكي بحاجه وانا مش معاكي عشان ادافع عنك.

ياسمين ابتسمت على كلامه وقالت: ما تقلقش انا هروح وقت يكون خالي مش موجود اصلا هم غيره احنا زي الاخوات عشان متربيين مع بعض وبنعامل بعض كويس... هي ساعه واحده بس وقبل ما ترجع من الشغل هتلاقيني جيت ومجهزهلك كل حاجه.

كارم مسك ايديها وبسها وقال: انا مش بتكلم عشان ارجع الاقي لقمتي انا عاوز ارجع الاقيكي انتي شخصيا موجوده واقفه بتستقبليني بابتسامتك اللي تخطف القلب دي اهم حاجه عندي ارجع الاقيها.. غير كده روحي وارجعي بالسلامه.

ياسمين لقيت نفسها بتترسم على وشها ابتسامها عريضه وفي اللحظه دي ما كانتش قادره تسيطر على ضربات قلبها بسبب تغيره المفاجئ ناحيتها وقد ايه كان مقدر كل حاجه بتعملها.. 

لكن كانت خايفه لا يكون بيعمل كده عشان يرد لها اللي بتعمله مع بنته مش حاسس هو كمان بنفس احساسها اللي جواها.

**

ياسمين راحت فعلا تاني يوم عند قرايبها والحقيقه هي كانت مصممه تروح لغرض ثاني وطلبت من واحده منهم تروح معاها المستشفى عشان كان شاكه انها حامل وفرحت قوي لما طلع الاختبار ايجابي وبسرعه راحت محل كارم وهي مش قادره تستنى يرجع وتقوله على الاخبار الحلوه لكن هناك انصدمت بي ؟!. 

لما شافت واحده بتقرب منه وبتقول: لحقت تنساني يا كارم ده انا كنت مراتك حبيبتك  وحبك القديم.. عارفه ان انا غلطت زمان لما سبتك انت وبنتي لكن خلاص دلوقتي نقدر نرجع اللي راح وانا اتطلقت والله.. طب بص في عيني وقولي انك بتكرهني.. ده انا ميسون حبك الاول والاخير.

كارم بعد ايديها عنه بقرف لكنها قربت منه تاني بتصميم وفي اللحظه دي ما قدرتش تمسك نفسها ياسمين وقربت جابتها من شعرها بعصبية: هو مش قالك تبعدي عنه يا زباله يا واطيه مالك ومال جوزي.. غوري من هنا بدل ما اتفرج عليكي الشارع يا قليله  الربايه بتقربي من راجل غريبه عنك ليه بالطريقه دي.

كارم انصدم من وجودها وما يعرفش طلعت منين لكن وقف مذهولا من اللي عملته في طليقته، إللي صرخت بالم وقالت بغيظ: هو مين ده اللي راجل غريب عني، حتى لو مش جوزي دلوقتي يبقى ابو بنتي وان شاء الله هيطلقك ويرجعني.

ياسمين: والله طب انا هوريكي بقى مين اللي هيرجعك عشان شكلك كده بتتعشمي بحاجات مستحيل تحصل.. 

كارم كتم ضحكته بالعافيه لما لقى ميسون بقت عماله تترجاه يحوشها عنها وهي خلاص هتمشي من هنا، فمسكها جامد وقال: خلاص يا ياسمين هي مشيت اهي اهدي شويه.. يا بنتي وبطلي الجنان ده في ايه بالراحه على نفسك.

ياسمين بعد ما كانت متعصبه وهتروح تجري وراها تضربها تاني وقفت تحط ايديها على بطنها وقالت بتلقائيه: اه صحيح انا نسيت ان انا حامل.

كارم بصدمه: ياسمين انتي بتقولي ايه انتي حامل بجد طب انتي كويسه حاسه بحاجه انتي اتجننتي طب داخله تضربيها ليه بالطريقه دي .. انتي اتاكدي طب منين.. 

ياسمين: والله نسيت وما دريتش بنفسي لما شفتها بتقرب منك كده انا كويسه ما تقلقش عليا مش حاسه باي تعب انا بخير.. وبعدين اتاكدت من المستشفى اللي كنت فيها من شويه انا وبنت خالي وما قدرتش استحمل ترجع البيت واقولك قلت اجي هنا واقولك الخبر.. فرحان.

كارم بسعاده: فرحان وبس.. اخيرا هيكون عندي عيله  زي ما كنت بتمنى.. انا بحبك قوي يا ياسمين واحلى حاجه انك دخلتي حياتي ونورتيها. لسه كمان هتزيد بيكي وبعيالنا

ياسمين ابتسمت قوي وقالت: وانا كمان بحبك يا كارم.

النهايه.

اللي بيحب الروايات الكامله والحصريه من هنا 👇 ❤️ 👇 

روايات كامله وحصريه

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم

❤️💙🌹🌺❤️💙🌹🌹💙❤️🌺🌹💙❤️🌺🌹💙❤️