رواية خفايا الدروب البارت الخامس والسادس بقلم الكاتبه ندي ناصر حصريه وجديده
رواية خفايا الدروب الفصل الخامس والسادس
رواية خفايا الدروب الجزء الخامس والسادس
رواية خفايا الدروب الحلقه الخامسه والسادسة
رواية خفايا الدروب البارت الخامس والسادس بقلم الكاتبه ندي ناصر حصريه وجديده
ندىٰ وهي تقوم تقعد على السرير: مين يخبط في ساعه زي. دي
سلمىٰ بهزار: يمكن قره عيني جي ياخدني منك
ندىٰ وهي بتلبس اسدالها: يشيخه تبا ليكي ما انتي اسلوبك يطفش القرد
وتخرج للباب
ندىٰ من ورا الباب: مين
ام سالم: انا ام سالم يا ندىٰ
ندىٰ تفتح بابتسامة بشوشه: في حاجه يا طنط حضرتك بخير وعمو؟!
ام سالم بزعل: انا هبات معاكم النهارده وخليه هو لوحده بقى
ندى: طب ادخلي وفهمينا ايه اللي حصل عشان قلبك يقوى على حبيب القلب كده
تدخل ام سالم و ندىٰ تقعد معاها و سلمىٰ تخرج ليهم
سلمىٰ وهى ترمي نفسها على الكنبه: الجميل زعلان ليه بس كده
ام سالم بزعل: يرضيكم يصلي العشاء لوحده وميصحنيش اصلي معاه حاضر زي كل يوم يروح هو يصلي ويسبني نايمه وياخد حسنات اكتر مني
ندىٰ بابتسامة حنونه وهي بتقرب منها وتحط ايدها علي خدها: هو انتي متخانقه عشان كده بجد يعني مفيش خناق زعيق اي نوع من انواع التطاولات مثلا
ام سالم وهي تضع ايدها علي صدرها: تطاولات ايه بس عمك ابو سالم مفيش اطيب منه ولا في رجولته اصل مش اي راجل يبقى راجل غير لو مخلي مراته تشكر فيه من طيبته معاها بس هو عايز يخلي في فرق بينا في الجنه ان شاءلله
 |
سلمىٰ بابتسامة وضحكه خفيفه: يارب اوعدنا قره عين زي عم ابو سالم عشان الحياه قاسيه لوحدها من غير حبيب
ام سالم بضحك: والله تستاهلوا رجاله ملو هدومهم ويهننوكم ده كفايا خفه دمكم وادابكم وجمالكم
ندىٰ: تسلميلي يا طنط البيت بيتك ومطرحك بس متفهمنيش غلط انتي هتقدري تبعدي عنه ده احنا عارفين البير وغطاه برضوا
ام سالم بكسوف: والله ثانيه وحياتي هو اصلا هتلاقيه بيخبط دلوقتي
وفعلا في نفس اللحظه خبط الباب
سلمىٰ بابتسامةبلهاء: بركاتك يا طنط علمينا السر الجامد ده
ام سالم: اختشي يا بت تعالي يا ندىٰ لمي اختك عشان ماشيه ومعلش سهرتكم
ندىٰ من المطبخ: استني اعملك الشاي
ام سالم من علي الباب: لا يخبيبتي اشرب شرباتك قريب ان شاءلله
ام سالم قدام شقتها
ابو سالم بحنان: يرضيكي عيني متتاملش جمال عيونك دول
ام سالم بكسوف: يراجل اختشي ده احنا قدام الباب
ابو سالم بحب: ده انا اجيب ميكروفون واسمعهم الحب يبقى ازاي ويمسك ايدها ويبوسها حقك علي قلبي بس حسيتك تعبانه قولت اسيبك تنامي
ام سالم بحب: مسمحاك بس متعملهاش تاني عايزه ابقىمعاك في الجنه
ابو سالم: طب تعالي عشان نصلي مع بعض واعوضك بقراءه سوره طه يستي
« اتيتك بعد ضلتي وجت يدك مأمني فكيف اترك ليلي يمضي دوني بدري بين اضلعي» گ/ندىٰ ناصر
♡♡♡♡♡♡♡♡♡♡♡♡♡♡♡♡♡♡♡♡♡♡♡
في صباح جميل بورد الچوري الجميل
سلمىٰ تخرج من الاقوضى: بطني بتوجعني اوي يا ندىٰ
ندىٰ وهي تسقي ورد الچوري: اعملك حاجه دافيه طيب ولا في حاجه موتراكي مهو انتي مش بتتعبي كده غير لما تتوتري
سلمىٰ وهي تعدل حجابها: اه في دكتور جاي جديد وانتي عارفه الواحد بيصدق لما يتعامل مع دكاتره من اول السنه
ندىٰ وهي بتقرب منها وتحط الفيونكه للخمار: انتي شطوره مهما كان الدكتور مين ويستي اعملي اللي عليكي وسيبي الباقي علي ربك المهم اذكار يا استاذه
وانا مجهزالك اكلك
سلمىٰ بتسأل: امال لبسه ورايحه فين كده بدري
ندىٰ: رايحه معاد عشان الكافيه دعواتك
وكانت ترتدي ميني دريس بينك اسفله جيبه بيضه وخمار ديجيتال يجمع بين البينك والابيض وكوتش ابيض وشنطه بينك
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
هيثم بهزار: متشيك ورايح فين كده اوعا يواد تقابل بنت كده ولا كده ده انا اعملك فرح وقتها وما هصدق بجد
زيدلن ويسيب البرفان: ما هو بنت فعلا بس مش اللي في دماغك يا كلب ده عشان الكافيه
هيثم بغمزه: حلوه قول قول متخبيش
زيدان بنظره جانبيه: طبيبعتها مختلفه بنت محافظه بحجابها فستان واسع من غير ميكب لبقه في الكلام مش من البنات اللي بنشفها بس هو تعامل شغل بس مش اكتر
هيثم وهو بيبصله ويحط ايده علي خده: شغل شغل هو احنا قولنا حاجه
زيدان وهو ياخد مفاتيحه: هيثم هو معندكش شغل ولا بيت محتاجك
هيثم بتمثيل الزعل: يعم سيبلك البيت وماشي اصلا عندي شغل وممكن اغيب اسبوع كده
زيدان: خلي بالك من نفسك يعم لحد ماربنا يسهل
♡♡♡♡♡♡♡
تصل ندىٰ للكافيه وتبص للمكان بكل تفاصيله
من حولها وتسمع صوت من وراها
: اتاخرت عليكي
ندىٰ تلف : ابدا انا لسه واصله من دقايق
زيدان: اتفضلي في المكتب ولا تحبي هنا
ندىٰ بابتسامة: خليها هنا احسن الجو جميل النهارده
زيدان: مفيش مشكله زي ما تحبي اتفضلي على التربيزه دي
♡♡♡♡♡♡♡♡♡♡
علي التربيزه
زيدان بابتسامة: تحبي تشربي ايه
ندىٰ: لا شكرا عايزه اعرف ايه هي شروط حضرتك والسعر وكل الامور دي
زيدان بهدوء: انا صاحب شركه للاستيراد والتصدير و الكافيه كنت فاتحه وانا بدرس فهو بالنسبه ليا كتير اووي ومش عايزه يضيع ولا يتقفل انا بالنسبه ليا ده مش مجرد كافيه شغل ده مكان بنيته بكل جهدي كله فكون عايز شريك وهيكون بالنص ان شاءلله
ندىٰ بابتسامة: اللهم بارك المكان فعلا جميل وباين فيه. المجهود في التفاصيل وزي ما قولت لحضرتك هو مش مجرد مكان ليا ده حلم قديم مجتش فرصه ان احققه غير دلوقتي وان شاءلله اكون قده جدا بس النسيه حضرتك قولت النص فالمبلغ هيبقى كام
زيدان: هو هيبقى نص مليون وده اقل حاجه اكيد حضرتك عارفه
ندىٰ بجديه: الصراحه عارفه ان ده اقل حاجه وانا موافقه تحب امتى نمضي العقود
زيدان: اتصل على المحامي دلوقتي مفيش مشكله
ندىٰ: بس انا مش معايا المبلغ كاش حاليا فمش هينفع امضي من غير ما اسلم حضرتك حقك
زيدان بابتسامة ليخفف التوتر : فلوس ايه بس احنا شركاء واكيد يا استاذه ندىٰ مش هتاكلي حقي اتفضلي معايا جو اعرفك المكان باللي بيساعدوا في نظامه لحد ما يجي المحامي
ندىٰ تهز راسها علامه على الموافقه وتمشي نحيه الكافيه لجوا
زيدان في نص الكافيه بصوت عالي نسبيه: ممكن الكل يجتمع حاليا لمده خمس دقايق
ليجتمع الكل ويقفوا جنب بعض
زيدان: صباح الخير الاول
الكل يرد صباح الخير
زيدان: احب اعرفكم باستاذه ندىٰ هتبقى شريكتى النص يعني هى ليها زي في كل حاجه اتمني تعرفوها بنفسكم
وبعد ما كل احد عرفها بنفسه لتبدا ندىٰ بتعريف نفسها
انا ندىٰ ناصر السيوفي: خريجه حقوق شئون وترجمه قانونيه عمري 23 سنه اتمني وجودي يبقى خفيف علي قلوبكم
لتاتيها المباركات علي كونها شريكه في الكافيه
زيدان بيكلم ندىٰ : استاذه ندىٰ المحامي وصل ممكن تيجي معايا المكتب
ندىٰ: اكيد اتفضل
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
سلمىٰ في الموقف للعربيات:
فينك يا ساره هفضل كل ده مستياكي يعني
ساره بأسف: اسفه يا سلمىٰ مش جايه النهارده رايحه مع ماما عند الدكتور النهارده
سلمىٰ: يعني هروح لوحدي النهارده في اكتر يوم محتجاكي جنبي فيه يا ساره
: ممكن اونسك انا يا جميل بدل صحبتك
سلمىٰ لسه هترد لاقت اللي بيضرب اللي بيضايقها
محمد بغضب ليها: اسبقيني علي العربيه
سلمىٰ لسه هتعترض
محمد بغضب: والله لو مركبتي دلوقتي لخليي الموقف كله يخرب عليها وطيها
لتركب سلمىٰ العرببه خوف من غضبه
الناس تحاول تشيل الولد من ايد محمد لحد ما يبعد عنه ويىكب العربيه
محمود بيركب ويشوف سلمىٰ مركزه مع شكل الولد وهي بتقص ظوافرها باسنانها: عجبك انتي كل شويه ابهدل حد عشانك
سلمىٰ بغضب وتبصله: انت مالك انا بعرف اخد حقي كبرت الموضوع اووي و
محمد بغضب: مسمعش صوتك لحد الجامعه وهاخدك بعد الجامعه وهاتي رقم اختك اعرفها وربي وما. اعبد يا سلمىٰ المح واحد يكلمك بس تاني وانتي عارفه تعاملي
سلمىٰ بغضب وصوت عالي: انت ايه يدخلك في حياتي اصلا انت مجرد ابن عم اصلا يعني ملكش اي حق وطول عمري بدافع عن نفسي ومش بلجئ لحد يعني مش ضعيفه يا استاذ انت عشان تكلمني كده ووصلني الجامعه عشان اخرتني وانا مش ناقصه خالص وانت اسهل حاجه عندك مد الايد
محمد يشغل العربيه ويديها التليفون: اكتبي رقمك ورقم اختك اخلصي وايدي بتتمد علي اللي بيفكر يجي جنب حاجه تخصني ومسمعش كلمه لحد ما نوصل فاهمه
سلمىٰ: ل...
محمد بصوت عالي: فااااهمه
سلمىٰ بغضب تاخد التليفون: فاهمه ومترفعش صوتك تاني عليا وتكتب الارقام وتبص للشباك بسكوت
محمد يوصلها الجامعه و سلمىٰ تنزل من غير كلام
محمد بهدوء: سلمىٰ استني
سلمىٰ تقف ومن غير ما تلف
محمد: انا اسف بس سمي اللي يكلم حد يخصني وانا واقف
تلف سلمىٰ ليه: انا مش بخص حد انا بخص نفسي فاهم وصوتك ميعلاش عليا تاني بكره الصوت العالي فاهم ولو سمحت ابعد عني انا بعرف ادافع عن حالي وانا كنت متوتره لوحدي اصلا وزودت البلا طين اكتر انا ماشيه وياريت ملكش دعوه بيا بقى
محمد بهدوء وابتسامه مستفزه: والله انتي تخصيني يا بنت عمي ها وصوتي مش هيعلا تاني مش عشانك بس شكله بتتعبي منه
سلمىٰ تبصله بسكوت لما اتكلم عن تعبها
ليكمل بملاحظه سكوتها.: سلمىٰ روحي محاضرتك وانا هوصلك وده مفهوش نقاش وربنا يوفقك واستني و يلف يفتح العربيه ويجيب منها حاجه ويديهالها: ده كوره حلوه بتهدي العصبيه
سلمىٰ بتبصله بصدمه:خليهالك احسن يا بارد وبعدين معندكش شغل ولا عواطلي انت ياخي شوف حياتك بعيد عني
وتمشي وتدخل اول محاضره
_____
فى المدرج
• بس بس بس بت يا سلمىٰ
سلمىٰ بتمالك عصبيتها وتلف وراها:ايه يا لارا ايه ماما بتنادي قطه
لارا بضحكه: اسفين يا قطتي متعرفيش اي اخبار عن الدكتور الجديد بيقولوا انه شب
سلمىٰ: شايب ولا شب المهم نخلص
لارا باعجاب: شايب ايه بس ده قلبي اللي شايب من الجمال
سلمىٰ بقرف:والله انكم بنات اخر زمن ولسه هتلف
سلمىٰ بصدمه: وده ايه جابه هنا يارب ما يكون اللي في بالي
_____________________________
هيثم بجديه:يفندم انا مقولتش حاجه لده كله انا ضابظ مخابرات مش ضابظ مرور عشان تكلمني كده; وانا فاهم شغلي يا حضرت العقيد
العقيد: هيثم انت من اكفئ الضباط وحياتك تهمنا فبلاش السفريه دي انت لازم تروح بني سويف هناك في صفقه بتحصل هناك ومنعرفش عنها غير حاجات بسيطه وانت عارف ايه المطلوب
هيثم ويمسح وشه علامه علي الغضب:يعني مش هسافر حاضر يا فندم اللي تأمر بيه المفروض السفر امتي
العقيد:خلال اسبوع من النهارده
هيثم:حاضر يا فندم اى اوامر تانيه
العقيد: لا ضبط امورك سلام دلوقتي
هيثم:سلام يا فندم نفس اعرف عين مين في خياتي وانا هقتله
♡♡♡♡♡♡♡♡♡♡♡♡♡♡♡♡♡♡♡♡
بارت 6
زيدان: حضرتك تقدري تتابعي النظام كله فالمكان مكانك خلاص
ندىٰ بحماس: اكيد ان شاءلله هتابع كل تفصيله وتكمل بهدوء حرج هو عادي لو جددت حاجات في الكافيه
زيدان بابتسامة لرفع الخجل: المكلن مكانك خلاصبس طالما التغيير هيفيد ان المكان يبقى احلا فانا موافق متقلقيش وهسيبك عشان عندي شغل وده رقمي اي حاجه هتلاقيني معاكي علي التليفون
ندىٰ وهي تاخد الرقم: تمام شكرا استاذ زيدان
ليسمعوا صوت عالي برا
تخرج ندىٰ وزيدان من المكتب ليعرفوا المشكله
" يا فندم وطي صوتك وهنحل المشكله بهدوء
* لا مش هوطي صوتي يعني ادفع فلوس واعقد مستني كل ده وفي الاخر تقولي خلص ومحتاجين وقت عشان يجهز
"يا فندم.....
تتحرك ندىٰ نحيتهم ويتابعها زيدان بعنيه ويسيبها تتصرف
ندىٰ بهدوء: محمود شوف شغلك وانا هتعامل لتكلم الزبون اتفضل حضرتك ايه المشكله
" انا طلبت اوردر من بتاع نص ساعه واستنيت علي اساس انه موجود ويجي بعدين انه خلص ومحتاجين وقت اكسترا مش محترمين وقتنا يعني
ندىٰ بهدوء وابتسامه: وقت حضرتك اكيد يهمنا نقدر نعوض حضرتك بحاجه ولو في متسع من وقتك نحضر فيه اوردك ده ده يبقى من زوق حضرتك الجميل اكيد و حضرتك صاحب مكان ويشرفنا تواجد حضرتك في اي وقت واكيد دي اول مشكله تقبلك هنا فاتمناش نخسر حضور حضرتك اللي يهمنا
" احم هي فعلا اول مشكله بس هو كنت متعصب وكان التاخير عصبني اكتر وذوقك يخليني اقعد مفيش مشكله عندي واسف علي المشكله اللي عملتها
ندىٰ بابتسامة ودوده: ربنا ييسر حال حضرتك والمكان مكانك تقدر تستني الاورد ولو تحب ايس كيك تحفه عندنا هيحجبك اكتر
" بابتسامة: اكيد مفيش مشكله
لتستاذن ندىٰ منه وترجع لمكان زيدان
ندىٰ بتسائل: ليه متحركتش وكلمته قبلي
زيدان بابتسامة: احب اشوف تعاملك بس عجبني تصرفك ما بين انك مخسرتيش الكلاينت وبين ان الناس شافتك بعين راضيه
ندىٰ بخجل طفيف: انا معملتش حاجه غير بقول ديما امي كانت تقولهولي «ادفع بالتي هي احسن » كلنا مضغوضين ومستنين حاجه بسيطه بنخرج فيها الضغط فكان لازم نتعامل بهدوء وهو هيدرك مشكلته من نفسه
زيدان يؤمئ باعجاب من تفكيرها : دلوقتي اقدر اسيبك وامشي وزي اتفاقنا رقمي معاكي في اى حاجه اتصلي
يمشي زيدان ندىٰ تقف بهدوء
ندىٰ تدخل المطبخ وابتسامه مش بتفارقها لما تكلم حد : استاذه ملك ممكن من وقتك دقايق لو سمحت
ملك بسرعه: طبعا ده انا افضالك لو مش فاضيه يا استاذه
ندىٰ: لا محبش كده انا زي اختك فتعاملي معايا عادي خلصي اللي وراكي وانا محتجاكي بس تعرفيني كميه كل حاجه هنا عسان نعمل احتياط لكل حاجه
ملك: من عنيا حاضر يا استاذه
ندىٰ بضيق عنيها وضحكه: يا لوكه قوليلي ندىٰ عادي ولا اقولك قولي ندوش وتكمل بمرح وعلي فكره مش اي حد بخليه ينادي بدلعي
ملك بضحكه: خلاص يا ندوش ربع ساعه واكون عندك تحبي تشربي ايه وةنا جايه اجيبه
ندىٰ: اللي تحبيه معنديش مشكله
________________
فى كليه آلسن
محمد: احب اعرفكم انا دكتور محمد احمد هدرسلكم ماده مقررات ثقافيه بدل دكتور سليم ومتقلقوش انا نظامي خفيف مع الملتزم تمام دلوقتي هاخد الغياب واللي يسمع اسمه يتكلم
لارا باعجاب: شوفتي يابت يا سلمىٰ حلو ازاى ده احلا بكتير من دكتور سليم ويخواتي علي البدله الرمادي تحفه اووي بجد
سلمىٰ بغيظ: ما تتهدى يا ماما هو موراكيش غير سلمىٰ سلمىٰ وبعدين انتي جايه. محاضره ولا تشقطي عشان كده عماله اقولكم غض البصر. عشان دماغكم الحلوه دي
لارا بملل: يوه يا سلمىٰ محدش يتكلم معاكي غير وتدخلي الدين
لتسمع سلمىٰ اسمها وترفع ايدها من غير كلام
محمد باستفزاز: انا قولت اللي يسمع اسمه يتكلم انا مش هشوف كل واحد يعنى
تبص ليه سلمىٰ بغيظ وتقول بهمس: شكلي مش هخلص منه
وبعد شويه تسمع لارا اسمها
لارا بدلع مبالغ: انا هنا يا دكتور
محمد يهز راسه بسكون وعيونه مركزه في كشف الاسامي
لارا بزعل: ده شكله مش سهل زي دكتور سليم بس علي مين ده انا لارا
تبصلها سلمىٰ بصدمه من جرائتها
محمد بنظره متفحصه الكل: كده خلصنا الاسامي هبدا المحاضره وطبعا مش عايز اقولكم اللي هاخد بالي بيتكلم هيطلع برا و اللي هساله ومش هيجاوب هيجيلي مكتبي عشان اشوف اي مشاكله في الجزئيه
لارا عماله تتكلم مع كل حد شويه وجت تتكلم مع سلمىٰ
سلمىٰ بغضب: لارا انا خلقي ضيق لوحدي وصوتك مخليني مش عارفه اركز اصلا ولو سالني مش عارفه هجاوب صح ولا غلط
محمد بياخد باله ان سلمىٰ بتتكلم مع لارا
محمد : اعتقد ان قولت اللي هسال
ويسال لارا سؤال ولارا مش عارفه تجاوب لاكن حد قلها الاجابه من وراها وقالتها محمد خد باله بس معقلقش
وجه يسال سلمىٰ و سلمىٰ واقفه متوتره ومش عارفه تتكلم
محمد: تجيلي بعد المحاضره المكتب يا استاذه محدش هيفيدك في الرغي
شب اتكلم: يا دكتور سلمىٰ اشطر حد في الدفعه اصلا بشهاده كل الدكاتره وشهادتنا كمان فممكن معرفتش تفهم كويس ولا حاجه
محمد بغضب: هي وكلتك محامي ليها ملكش دعوه بحد فاهم
سلمىٰ واقفه مكسوف من الموقف وان الكل مركز معاها
وبعد المحاضره تخلص سلمىٰ تلم حاجتها وجت تخرج
محمد: استاذه سلمىٰ ياريت تكوني في مكتبي خلال خمس دقايق
سلمىٰ تهز راسها وتمشي بسكون
محمد في نفسه: هو انا ذوتها النهارده ولا ايه بس هي مش هتيجي غير كده
______________________
بني سويف
احمد في المكتب
ليجد. الباب بيخبط ويسمح بالدخول
مليكه بملل: بابا هو بنات عمي مينفعش يجوا هنا بجد نفسي اعرفهم
احمد بحنان: يا حبيبت قلبي انتي عارفه اللي فيها هناك امان ليهم اكتر من البلد ومحمد مخلي بالهم منهم ومكلفه بكده
مليكه بحزن: طب مينفعش اروح عندهم انا طيب
احمد: هو ينفع بس مش دلوقتى علي الاقل كمان شهر اخوكي قالي ان هما مشغولين خصوصا ان ندىٰ عندها شغل جديد بتعمله و سلمىٰ في جامعه اخوكي وهو بيدرسلها لسه قايلي امبارح وهم عندهم امتحانات كده الفتره دي قبل اخر امتحان معرفش بقى حوارات الجامعات ده
مليكه بتفهم: خلاص يا بابا ربنا يسهل وتخدل عليهم حوريه
حوريه: كيفك يا خوي قولت اعمل باصلي واسأل انا طالما نسيتني وبتشوف مليكه كيفك يا بنت الغالي
مليكه: بخير يا عمتي بعد اذنك يا بابا
احمد: مع السلامه يا حبيبتى
حوريه برفع حاجب: بقت تتكلم مصراوي قوي يعني بس مبقتش تسال يخوي علي خيتك الوحيده
احمد: معلش يا حوريه والله مشغول وخصوصا لقيت في مشاكل في الحسابات
حوريه بتفحص: مشاكل ايه كفل الشر
احمد: ابدا محمد خد جزء من ورث البنات وكنت فاكر خد كل الاوراق بتاعت الفلوس فلازم ياخدوا حقهم
حوريه بخبث: متجيبهم هنا دول بنات فى الاول والاخر وقعدتهم لحالهم دي فضيحه لينا احنا معندناش الكلام ده في عليتنا ولا دي اصولنا يا خوي
احمد بحكمه: بنات اخوي انا متابعهم من غير كلام وحياتهم هناك مجيش انا يوم وليله اغير حياتهم ومحمد هناك مخلي باله من اي حاجه وتقلقيش انتي بس
حوريه بلوي بوقئها: وانا يعني مش هقلق علي ولاد اخوي وكمان دول مش رجاله دول بنات والله اعلم كيف تربايتهم ولاد صفاء
احمد بغضب وضرب على المكتب: حوريه كلمه تاني على بنات ناصر انتي عارفه غضبي كويس فالزمي حدك احسن ليكي خلي بالك من جوزك وبيتك اللي مهملاه كل شوي
حوريه وهي تقف: حاضر يا ابن امي وابوي انا مهملاك خالص
وتمشي حوريه خارج الغرفه
حوريه برا المكتب وفي نفسها: قال ليهم حق قال بنات صفاء مش هياخدوا مليم تاني انا هتصرف وياهم بس الصبر ويايا
______________________________
بعد يومين
هيثم في غرفته ويجهز الشنطه وهو يتأفف
ليدخل زيدان باستغراب: مالك مش طايق دبان وشك ليه يا ابني مش كنت مبسوط انك مسافر برا مصر ولا كأنك مش ضابظ ورايح مهمه
هيثم بضيق: مهو نقك ده اللي جايبني لورا
زيدان وهو ينام علي السرير: انا بنق يا معفن ونقيت في ايه يعني
هيثم وهو يقعد علي السرير السفر اتلغى ورايح بني سويف عشان في مهمه هناك ومحتاجين تفاصيل وحوارات اقل اه بس برضوا كنت متحمس لبرا مصر اكتر
زيدان وهو يستند علي كف ايده: ومالك زعلان ليه بلدك اولا ياض وبعدين ده انا لقيت بلاوي متلتله في الشركه ولا كنت داير كان لازم اهتم بالحسابات وفي لعب كتير بس اهو فوق وبلم الدنيا
هيثم بجديه: خلي بالك يا زيدان عشان انتي ناس كتير عايزه وقعتك وعملت ايه صح ويكمل بغمزه في الكافيه
زيدان وهو يقعد
هيثم بزعيق: انت من امتي بقيت بتتحرك كتير كده كرمشت السرير ومش هروق تاني
زيدان بملل: صوتك يا بغل اتحرك براحتي ولو علي الكرمشه هروقها متشغلش بالك وبعدين انت هتصاحبني انا سايبك وماشي اصلا عيل بومه
هيثم بضحك: اهرب اهرب والله شكلك باقع ولا داري يا صحبي
زيدان بيرجعله ويشيل مغرش السرير : خلي بقى الهزار ينفعك ويسبه ويمشي
كل ده وهيثم بيضحك والله لترجع واقع
__________________________
في مكتب محمد
سلمىٰ بهدوء وعيونها في الارض: حضرتك طلبتني
محمد بهدوء: اقعدي يا سلمىٰ
تقعد سلمىٰ
محمد وهو يفك رابطه القميص: بصى انا عارف ان ذوتها معاكي النهارده بس قولت ممنوع الكلام وعايز تركيز صح. ولا لأ
سلمىٰ بدموع مس عايزه تنزلها تهز راسه علامه علي صحه كلامه
محمد: سلمىٰ بصيلي وانا بتكلم
سلمىٰ تاخد نفسها ونفس وضعها: شكرا انا مرتاحه كده وانا بغض بصري كفايا اللي حصل الصبح اصلا
محمد بابتسامه : هو لو بقيت خطيبك عادي تبصيلي ولا لازم ابقى جوزك
سلمىٰ تبصله بصدمه من كلامه وتقوم بتوتر: انا لازم امشي
محمد بضحك: طب اهدي اهدي مش قصدي انتي احمريتي كده ليه وعلي فكره خت بالي يومها ان لارا اللي كلمتك وانك مش عارفه تركزي منها بس محبتش اتكلم يومها
سلمىٰ : خلاص اللي حصل حصل انا لازم امشي عندي محاضره
محمد بهدوء: تمام وابقي خلي ام سالم تقعد معاكم بليل تكون ندىٰ خلصت شغل ورجعت
سلمىٰ باستغراب ليرد محمد جايلكم في حاجه ضروري بليل
:__________________
بليل في بيت ندى
تدخل ندىٰ البيت: السلام عليكم
سلمىٰ : وعليكم السلام يا دودي ادخلي
ندىٰ بتعب: بقولك صحيح محمد كلمني وقال انه جي في حاجه ضروري
سلمىٰ بهدوء وتوتر : اه قالي ما هو دكتوري في الجامعه
ندىٰ بتقرب منها وتبوسها: قالي يا حبيبتي من قبل ما تعرفي محترم اني وليه امرك يعتبر
سلمىٰ تحضنها: ندىٰ انا محتاجه حضنك اووي بجد حسه ان تايهه الفتره دي
ندىٰ تطبط عليها: يا عيوني انا جنبك فاي حاجه طالما مش بتغضب ربنا ولا عيب وانا واثقه فيكي اووي بس يا قمري اروح اخد شور عشان اشوفه عايز ايه
بعد ساعه
محمد يخبط وام سالم تفتحله: اتفضل يا ابني
محمد بابتسامه بشوشه: ازيك يا امي
ام سالم بود: كويسه يا حبيبي ادخل
يدخل محمد ويأدي السلام وترد عليه السلام ندى و سلمىٰ
ندى وبتشاور علي الركنه: اتفضل يا محمد البيت بيتك
محمد: البيت منور بناسه بس انا جاي في كم حاجه مهمين
ندىٰ: لازم تشرب حاجه الاول ده عيب في حقنا
محمد: خلاص اشرب قهوه مظبوطه
ندىٰ تشاور ل سلمىٰ
سلمىٰ تقوم تعملها
ندىٰ : احم اعتقد كده تتكلم وتفهمني
محمد بتوتر بسيط: انا عايز اتقدملها زي ما قولتلك قبل كده في الكافيه بس هي دماغه لسه ناشفه ما انتي عارفه اختك بس ده مش موضوعنا انتي لازم تيجي البلد معانا
ندىٰ باستغراب وتسائل: ليه اجي البلد انت عارف الموضوع غريب لولا ان شوفت عمي واكدلي كل حاجه مكنتش اتعاملت معاك بثقه
محمد بهدوء: ورثك لسه مختيهوش كله وفي نفس الوقت مليكه نفسها تشوفكم اووي وعمك كمان عايز يشوفكم في بلدكم
ندىٰ : بس ده صعب علي سلمىٰ مش ليا ومقدرش افضل هناك كتير خصوصا شغلي ودراسه سلمىٰ هنا
محمد بهدوء ولسه هيتكلم
لقى سلمىٰ بتجيب القهوه
سلمىٰ بتوتر منه: اتفضل
محمد بابتسامه وهمس سمعته سلمىٰلقرب المسافه : اعقبال الشرباتنا ان شاءلله
سلمىٰ بتوتر: ندىٰ هدخل اونس طنط ام سالم
ندىٰ بحنان: ادخلي يا حبيبتي
ندىٰ وتبص لمحمد: خف علي البت شويه هي مش قدك ولولا عارفه نيتك كويس كنت عملت معاك الصح
محمد بضحكه خفيفه: بحاول والله وهي اللهم بارك مش بتتهد علي العموم لازم تيجي وحمايتك مهمه بتاعتي متقلقيش المهم كمان يومين نسافر عشان كمان اسبوع من دلوقتي سلمىٰ عندها امتحانات يدوب هما يومين هناك ونترجعوا مكانكم وكل حاجه زي ما هي
ندىٰ بتنهيده:خلاص هضبظ اموري خلال اليومين دول
محمد: خلاص استاذن انا ولازم امشي
يمشي محمد وام سالم تخرج من قوضي الضيوف هي و سلمىٰ
ندىٰ: لازم تقعدي معانا يا طنط ده انا جه غي نفسي اعمل كيكه تستاهل حلاوتك
ام سالم بهزار:لو كده كوبايه الشاي بالمره معاكي
سلمىٰ واقفه سرحانه تقرب منها ندىٰ وتطبطب عل كتفها وتمشي للمطبخ
_______________
زيدان:بص وربي وما اعبد لو مبعدش عني لعليا وعلي اعدائي
علي:العصبيه مش هتفيد يا زيدان لازم الهدوء خصوصا انهم بيلفوا حولين شريكتك في الكافيه
زيدان باستغراب: واي دخل ندىٰ اصلا
على :ما هو ده اللي مستغربه بس بنراقب لحد ما نفهم
زيدان: تب راقب كويس عشان شكلهم مش هيخلصوا
_____________________
فى الكافيه
ملك بتخبط علي مكتب ندىٰ وتدخل
ندىٰ; : تعالي يا ملك في حاجه ولا ايه
ملك بادب:; في ناس عايزينك برا بس شكلهم مش مريح
ندىٰ; بهدوء:; روحي وانا جايه حالا
تخرج ندىٰ; وتشاورلها ملك مكانهم وندى توصل مكان ما شاورت
ملك تسيبها وتتصل بزيدان
زيدان فى التليفون:نعم يا ملك في حاجه
ملك بتوتر:هو في ناس شكلها غريب ولا مريح عايزين ندىٰ خصوصا وقولت ابغلك حضرتك تكون موجود لان احساسي مش مرتاح
زيدان:انا اصلا خلاص قربت متقلقيش بس خليكي متابعه
ملك:حاضر يا استاذ زيدان
في جهه ندىٰ
ندىٰ تقرب منهم: حضرتكم في حاجه خير
: اتفضلي يا اللي دايره علي حل شعرك ومش عارفينك حاكم
««««««««««««««««««««««
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
البارت السابع والثامن والتاسع من هنا
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق