رواية طفلة بالإجبار الحلقة الأولى بقلم الكاتبه زهره عمر حصريه وجديده على مدونة النجم المتوهج للروايات والمعلومات
أنا اتخان ؟!
اه يا ناري بقي أنا اتخان
طب و رحمت الغالين لهوريك يا جاسر الكلـ ـب
– يعني اي مراتي بقت عيل صغير انت وايه اللي بتقوله دا يا إياد
– إياد بهدوء: اهدي بس يا جاسر و خليني افهمك
جاسر: اهدي أي و زفت اي حضرتك جاي تقولي إن مراتي اللي عندها خمسة و عشرين سنه بقت بعقل طفل خمس سنين
إياد ببرود: الخبطه اللي اتعرضتلها عملتلها إرتجاج في المخ و الصراحة إحنا مكناش متخيلين إنها هتاثر أوي كدا لدرجة أنها بقت بعقل طفل لكن بجسم انثي
جاسر بغباء: ايوه يعني دلوقتي إيه اللي هيحصل؟!
إياد: دلوقتي اقدر اقولك البس يا معلم عشان تبقي تبطل ترمرم تاني
جاسر: مش وقتك يا إياد دلوقتي انا اتعامل مع رضوى إزاي دلوقتي ؟!
إياد هتتعامل معاها على أنها طفل صغير في ايه يا جاسر انا اللي هعلمك كمان
جاسر بغيظ: إزاي يا ابني دي مراتي فاهم يعني ايه مراتي
 |
إياد بحده: مراتك الحالة اللي هي فيها دلوقتي بسببك فلازم تتحمل نتيجة اخطائك
جاسر نفخ بضيق و افتكر اللي حصل و إزاي رضوي بقت كدا
فلاش باك
جاسر: اي يا منمن يا حياتي
مني: اي يا جسوره يا حب عمري
جاسر بغمزه: مش ناوي تحن يا جن
مني: والله يا جسوره انت عارف إني حونيه من زمان أوي بس انت اللي تقيل أوي أو خايف من المودام
جاسر: فشر اخاف من مين بس و بعدين أنا مش تقلان ولا حاجة دا إحنا كنا لسه عرايس جداد بس
مني ضحكت ضحكة خليعة و قالت :-
هيهيهي و دلوقتي ايه بقي بقيتوا عرايس قدام
جاسر في نفسه يخربيت افيهاتك البايخة يا شيخة و قرب منها و حضنها و قال يا ستي سيبك منها دلوقتي دي نكدية و بتيجي على السيره أصلا
مني بدلع: طب مش كنت اتجوزتيني انا بزمتك مش كنت دلعتك و فرفشتك كدا
لسه جاسر هيرد لقي اللي رد مكانه و قال تصدقي صح كان لازم يتجوزك انتي
جاسر اول ما سمع صوتها بعد عن مني بسرعة و بصلها و قال: رضوى ؟! .
رضوى بصتله بحدة و قالت:-
ايوه رضوى يا بيه ايوه رضوى اللي كانت مخدوعة فيك بتخوني طب استني يعدي على جوازنا فتره اه يا خاين يا غشاش
جاسر: رضوى اسمعيني بس انا ..
قاطعت كلامه و قالت:
مش عاوزة أسمع صوتك نهائي انت فاهم انا اللي غلطانه اني اتجوزت واحد رمرام زيك .. صحيح ما انت زي كل الرجالة ميملاش عنيها غير التراب و سابته و مشيت
رضوى خرجت بتعيط من مكتبه و عماله تشتم و تهزق في جاسر ركبت عربيتها و مشيت
جاسر جاي يخرج وراها وقفت قدامه مني و قالت بدلع:
انت هتسبني لوحدي يا بيبي
جاسر بتأثر من قربها :
كان على عيني يا حبيبتي بس انا لو مرحتش وراها دلوقتي هطلع القديم و الجديد عليا دي توب فان عند رضوى الشربيني نبقي نحدد مكان تاني و سابها و مشي ورا رضوى لحد ما لقاها مش قادرة تسيطر على العربية و دخلت في صندوق الزبالة و الرصيف
جاسر: ينهار اسود.. يا نهار اسود و كمان عملت حدثه البس يا جاسر و نزل بسرعة عليها بعد ما الناس ابتدت تتلم شالها و دخلها عربيته و جري بيها على المستشفى
بااااك
فاق على صوت صاحبه و هو بيقول اهم حاجة متزعلهاش لازم تنفذلها كل طلبتها لحسن يحصلها انتكاسة و ساعتها مش هتكون طفل دي هتكون بيبي بيرضع اللهم بلغت اللهم فاشهد انا بخلي مسؤوليتي تماماً
جاسر هز رأسه بغيظ و عرف أنه داخل على أيام هباب
إياد بضحكة مكبوتة: يلا يا جاسر عشان تشوف مراتك
جاسر وقف و هو من جواه مش عاوز يروح محمل نفسه ذنب اللي حصلها بس دا واقع لازم يتقبله و كل ما تقبله أسرع كل ما كان أفضل مشي مع إياد لحد غرفته رضوى و دخل الاوضة اتفاجي بالوضع ..
رضوى قاعدة على السرير مربعة رجليها و سانده اديها على رجليها و حطاها على خدها بص جمبها لقي الممرضة واقعة على الأرض و هي قاعدة زعلانه
جاسر بحزر: هي مالها واقعة كدا علي الارض يا رضوى
رضوى بزعل و طفولة: كنت بلعب معاها بالبتاع دا و شاورت على جهاز الصدمات و لقيتها وقعدت على الأرض و مش بتتحرك انا زحلانه منها أوي يرضيك كدا تنام في وسط اللعب ، دا انا حتي قولتلها تعالي نامي على السرير مش راضية تقوم تعال انت العب معايا بقي و لسه هتمسك الجهاز تاني جاسر صرخ بصوت عالي و قال
لا يا رضوى استني
رضوى بصلته و قالت: لي بس كدا يا بابي انت مش عاوز تلعب معايا و لسه هتعيط قالها لا يا حبيبتي انا هلعب معاكي باللعب بتاعتك اللي في البيت بس انا مش بابا
رضوى زعقت و قالت:
لا انت بابي و بصت لاياد المصدوم و عمال يبص على الممرضة و يرجع يبص عليها تاني
انت يا دكتور انت مين اللي جابني على المستشفى لما العربية خبطتتني
إياد: دا و شاور على جاسر
رضوى ببراءة: يبقي هو بابي مش كدا
إياد: ايوه هو بابي
رضوى سقفت و اتشعلقت في دراع جاسر و قالت يلا يا بابي عشان نلعب بالالعاب بتاعتي اللي في البيت
جاسر بزهول: اه اه انا بابي .. و بص لاياد و قال بابي ازي دي مراتي مراتي يا ناس
رضوى بصراخ: لا انا لما اكبر مش هتجوزك يا بابي عشان مودي ميزعلش
جاسر بغضب: نعم مين مودك دا يختي
رضوى: مودي يا بابي مش عارفه اللي معايا في الحضانه
جاسر بص لاياد بغيظ اللي ابتسم و قاله استحمل بقي عشان قبل ما تخون مره تانية تفكر ألف مرة
جاسر اخد رضوى و مشي بيها و ركبوا العربية و قال:-
مش عاوز اسمع صوتك لحد ما نوصل البيت و تقعدي بأدب ماشي
رضوى: شغلي شقلطوني في بحر بيره اسمعها على ما نوصل
جاسر: نعم سمعيني تاني كدا عاوزه ايه؟!
رضوى :ايه مش عارفها بتاع حمو بيكا
جاسر بداخله يا ربي بقي رضوى الإنسانه المثقفة الراقية اللي كانت مش بطيق المهرجانات عاوزه تسمع شقلطوني في بحر بيره بصلها و سكت فقالت: ايه مش عارفها خلاص هات بنت الجيران
جاسر: بنت الجيران ؟! هتنحرف والله هتنحرف ايه رأيك اشغلك بيبي شد دودو دودو بيبي
رضوى بتزمر: بيبي شد ايه اللي عاوز تسمعهالي انت مفكرني عيله صغيره لا انا كبيرة على فكرة و هنسمع بقي شاكوش بنت الجيران ها
جاسر: بنت الجيران بنت الجيران اهم حاجة نغور من هنا بس لما نوصل البيت
رضوى بتغني مع الأغنية و كل شوية تبص من الشباب و لو شافت غيل صغير مع أهله تطلعله لسانها
جاسر: بس يا دودو بس يا جميلة
رضوى: هما أطفال نوتي مش بيسمعوا الكلام لكن أنا حلو و شاطره و بسمع الكلام صح يا بابي
جاسر بغلب: صح يا حبيبت بابي و قعد ساكت يفكر هيعمل ايه لما يوصلوا
وصلوا البيت و رضوى قالتله تعال يلا وريني اوضتي
جاسر اخدها على اوضه الأطفال و أول ما دخلت بصتله و زعقت و قالت..
يتبع
اللي بيحب الروايات الكامله والحصريه من هنا 👇 ❤️ 👇
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تعليقات
إرسال تعليق