جميع الروايات كامله

 السلام عليكم ورحمة الله وبركاته

رواية ليان الزعيم بقلم آيه عيد الفصل الاول حتى الفصل الحادي عشر حصريه وجديده على مدونة النجم المتوهج للروايات والمعلومات 

رواية ليان الزعيم بقلم آيه عيد الفصل الاول حتى الفصل الحادي عشر حصريه وجديده على مدونة النجم المتوهج للروايات والمعلومات 

نبدا بالبطلة(ليان) ومش لازم نأفور في شكلها يعني هي بنوتة حلوة وخلاص شعرها اسود وعيونها زي عيون خلق الله وقصيرة وشكلها شكل طفولي عندها 18 سنة  طيبة وهبلة باختصار  وهربت من الملجأ ال كانت عايشة فيه لان الست المشرفة كانت عايز تتاجر فيها يعني وكدا ، 

نروح بقي للبطل وما ادراك ما البطل 😏

حاجة كدا مصري علي كوري 😂

طول بعرض انما ايه... (استغفر الله العظيم) 😭😂

احم المهم (اسر السيوفي)

طويل وعريض شعره اسود عيونه عسلي وعند نظرة حادة كعيون النسر ^^  عنده طبعا مجموعة شركات السيوفي

( وبيشتغل في الماس والسلاح بالسر ) يعني مافيا يعني🙂

:

خلصنا تعريف الابطال ندخل علي القصة بقي :

في قصر كبير من قصور الاغنياء قاعدة ست شيك علي الموبايل بتقلب فيه دخلت عليها كبيرة الخدم

كبيرة الخدم ( اسماء) : لو سمحتي يا هانم كنت عايزة اتكلم معاكي في موضوع.

والدة اسر (اميرة السيوفي) : ايه يا اسماء؟

(اسماء) :كان فيه بنت كدا جبتها عشان تشتغل هنا و كانت  عايشة في ملجأ.

(اميرة) :طب وهي كويسة واثقة فيها يعني.

(اسماء) : ايوا واثقة فيها متقلقيش هي بس لسة صغيرة ومش عارفة الشغل كويس.

(اميرة) :خلاص تمام انتي علميها الشغل وعرفيها التعليمات هنا كويس.

(اسماء) :تمام يا هانم عن اذنك.

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

اتجهت ناحية المطبخ ال كان كبير وفخم  لقيتها قاعد علي الكرسي وباصة للارض وباقي الخدم بيشوف شغله راحت عندها واول ما (ليان) شافتها قامت وقفت علي طول

(اسماء) بنظرة تدل علي السيطرة :انا اتكلمت مع الهانم الكبيرة وهي وافقت وانا مش بحب الدلع في الشغل، الشغل شغل تمام.

(ليان) بنظرة بريءة مليانة بالتعب والحزن : ح حاضر

(اسماء) وهيا بتنادي علي واحدة من الخدم : عليااااء

(علياء) بسرعة  : نعم يا كبيرة.

(اسماء) : خوديها علي اوضتها واديها لبس الشغل.

(علياء) : حاضر.

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

اخدتها علياء علي اوضتها وطلعتلها لبس الخدم وسألتها

(علياء) :انتي اسمك ايه؟

(ليان) : انا اسمي ليان.

(علياء) :الله اسمك حلو، وانا علياء.

(ليان) :شكرا

(علياء) بهزار: البسي يلا بسرعة قبل ما كبيرة الخدم تعملنا عقاب مزدوج. 

(ليان) ابتسمت: ههه حاضر

٪٪٪٪٪٪٪٪٪٪٪٪٪٪٪٪٪٪٪٪٪٪٪٪

لبست ليان لبس الخدم كان عبارة عن  فستان واصل لبعد الركبة زي ال بنشوفوا في الافلام الاجنبية كدا

وكانت رابطة شعرها كعكة وفي خصلات شعر نازلة علي وشها والبت كانت كيوتة وحلوة ويعني

كبيرة الخدم اول ما شفتها قالتلها

(اسماء): بصي كدا من الاول هتكوني مسؤلة عن تنظيف القصر، واياكي اسمع بسببك شكوي، وتسمعي الكلام علي طول ومتتكلميش مع حد الا علي قد السؤال وبس غير كدا مفيش كلام فاهمة، و اه متطلعيش الجناح ال فوق خالص  دا خاص با اسر بيه وهو عنده خدم خاص لتنظيف الجناح بتاعه   وحاولي ان شغلك يعجبني فاهمة.

(ليان) وهي باصة للارض  :حاضر 

. (اسماء) :  يلا علي شغلك.

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

برا في الصالة جت بنت عندها 19 سنة ودي تبقي اخت اسر

(ميار السيوفي) ومعاها بنت خالتها ال عايشة معاهم (سيا الدمنهوري)  ال عندها 21 سنة  ووالدتها اخت اميرة والدة

 اسر  ( كريمة الدمنهوري) جوزها مسافر وهيا عايشة مع

 اختها ونفسها تجوز اسر لبنتها

نزل من علي السلم شاب في العشرينات يبقي ابن كريمة واخو سيا الكبير عندو 25 سنة وبتاع بنات 

(سامي) وهو نازل من علي السلم :صبااااح الخير يا عيلتي السعيدة 

(اميرة) : صباح الخير يا سامي، يلا عشان نفطر الفطار جاهز.

اتجه الكل ناحية السفرة وكلهم قعدو مكانهم ما عدا الكرسي الرئيسي في مازال فارغ  سالت كريمة

(كريمة) :امال فين اسر؟

ردت عليها ست كبيرة في السن ومتجهة علي الكرسي بتاعها 

ودي تبقي جدة اسر من الاب

(الجدة'  سميرة) : اكيد جاله مكالمة

خرخ الخدم وكانوا بيقدموا الاكل في الاطباق وكانت معاهم ليان وفي نفس الوقت نزل اسر بهيبته علي السلم ومتجه ناحية الكرسي الرئيسي لان هو يعتبر كبير العيلة

(اسر)  بصوته الرجولي : صباح الخير.

الكل رد عليه بتركيز واحترام

قعد وبدا الكل في الاكل

(اسر) وهو موجه كلامه لسامي :كنت فين امبارح؟

(سامي) بلع ريقه بخوف :ك كنت ف في الشركة 

(اسر) ساب الشوكة وبصله بنظرة تخوف : بجد! 

(سامي) اتوتر وكان لسة هيتكلم فجاءة.... 

ليان كانت داخلة بالعصير وبدون قصد اتشنكلت ووقعت علي اسر وطبعا العصير وقع عليه

اسر بصلها وهيا بصتله وعينها وبقها مفتوحين من ال عملته

والعيلة كلها مصدومة ومستنين اسر هيعمل ايه

(اسر)  بغضب جنوني وصوته العالي  قومها صرخ فيها  :  انتيييي اتجننننتي 

وليان واقفة ومنزلة وشها في الارض وبتعيط ومنكمشة في بعضها بسبب صوته العالي ال يخوف 

(اسر) انتي غبية مبتشوفيييش مين ال جاااااب الغبية ديييي هنا

جات كبيرة الخدم وهي مصدومة وخايفة من اسر

كبيرة الخدم(اسماء) بخوف: ااا اسر  ب بيه  انا انا اسفة ولله انا ال جبتها وهيا لسة جديدة ومتعرفش حاجة  اول واخر مرة مش هتعيدها تاني

ليان رفعت وشها وهي بتعيط وخايفة

واسر كان هيتكلم بس اول ما شافها كدا  وشاف عيونها سكت وملامحه هديت في لحظة وبدون ما يتكلم مش من قدامهم والكل مصدوم ازاي عداها كدا دا لو حد من الخدم غلط غلطة بسيطة بيطرد فورا لي بالذات سكت المرادي......

#ليان_الزعيم

البارت 2

كبيرة الخدم شدت ليان من دراعها واخدتها علي المطبخ وزقتها جامد ووقفت قدامها

اسماء بقسوة  :انتي اكيد اتجننتي، ازاي تعملي كدا ولا من اول يوم ليكي هنا  كمان.

ليان بدموع:ولله انا اسفة مكنتش اقصد انا وقعت بالغلط

 

اسماء :ههه بالغلط.... دا كويس انو مطردكيش انتي تحمدي ربنا دا انتي اول واحد متطرديش من اول غلطة.... بصي بقي انا بقولك اهو لو عملتي اي غلطة تاني متلوميش الا نفسك.... انتيي فاهمممة.

ليان بخوف: ح حاضر

٪٪٪٪٪٪٪٪٪٪٪٪٪٪٪٪٪٪٪٪٪٪

اسر غير هدومه وكان نازل علي السلم ومتجه ناحية البوابة وقفته والدته

اميرة:انت كويس ياحبيبي؟

اسر : كويس

اميرة : متضايقش نفسك البنت لسة جديدة ومش عارفة حاجة كان بدون قصد

اسر:خلاص مش مهم دلوقتي الكلام دا انا رايح الشركة.

جه حازم ودا يبقي الايد اليمين ل اسر ك مساعد ليه في كل حاجة

حازم :انا جهزت الورق يا باشا تأمر بحاحة تاني

اسر :لا يلا بينا

فجأة نادت عليه اخته ميار :استني يا ابيه ممكن توصلني معاك للكلية

عيون حازم لمعت اول ما شافها (اصل الواد بيحبها بالسر) 

حازم بعفوية :اكيد طبعا اتفضلي

اسر بصله :هي بتكلمك انت ولا انا

حازم:احم اسف يا باشا مقصدش

طلعوا برا القصر وكان فيه كمية حراس رهيبة ركب اسر العربية هو واختوا وكان ماشي وراهم عربيات الحراس....

@@@@@@@@@@@@@@@@@@@

في القصر

ليان كانت بتمسح جزء في القصر نادت عليها سيا

سيا: انتي يا بتااعة

ليان مركزتش معاها

سيا :هو اناااا مش بكلللمك

لفت ليان وبصتلها

ليان:حضرتك بتكلميني انا

سيا :اه بكلمك انتي تعاالي هنا

قربت منها ليان

سيا قربت منها وبنظرة خبيثة: ال حصل النهاردة ميتكررش تاني انا عارفة حراكات البنات ال زيك بتحبوا تبصوا لفوق اوي وفي النهاية مش هتوصلي.

ليان :انا ولله مكنتش اقصد اعمل كدا و...

قاطعتها  سيا وبنبرة غرور: انا مش بحب الرغي ال كتير غوري وهاتيلي كوباية عصير

ليان بصت في الارض بحزن وقالت: حاضر

واتجهت ناحية المطبخ

في نفس الوقت جت كريمة

كريمة :كنتي بتكلمي البنت دي في ايه يا سيا؟

سيا بكبرياء :كنت بعرفها مقامها يا مامي

كريمة:خلي بالك منها البنت جميلة وانا النهاردة الصبح شوفت نظرة في عيون اسر  ليها عمري ما شفتها

سيا :متقلقيش يا مامي انا مش هخليها تتهني  بالعيشة هنا اصلا

جت في الوقت دا ليان ومعاها صينية وعليها كوباية عصير

 

ليان:اتفضلي

سيا اخدت كوباية العصير وشربت منها رشفة وبعدين بصت بقرف ل ليان

سيا:ايه القرف دا يععع

ومرة واحدة وقعت الكوباية علي ليان

سيا :طالما مش بتعرفي تعملي حاجة بتشتغلي ليه

ليان بدموع : اا انا....

كريمة بعصبية: انتي لسة هتهتهي غوري من قدامنا يلا

جريت ليان علي المطبخ      

@@@@@@@@@@@@@@

في الشركة

دخل بكل هيبته لابس النضارة الشمسية وحاطط ايد في جيبه والايد التانية فيها التلفون بيعمل مكالمة، وجمبه مساعده حازم ووراه اتنين من البودي جارد ..... كل الموظفات نفسهم بس ف نظرة منوا، وكل الموظفين واقفين بحترام محدش يتجرأ يعدي من قدامه

جريت عليه السكرتيرة وقالتله :حضرتك فيه ميتينج بعد 10 دقايق وبعدها هنروح علي المصانع عشان نتفحصها وفيه غداء عمل النهاردة مع الوفد الالماني وهيكون فيه اجتماع لفحص ميزانية الشركة ال اميركا...

اسر:قهوة علي مكتبي فورا

السكرتيرة :حاضر يا فندم

@@@@@@@@@@@@@@

في مكان تاني، ست كبيرة علي وشها نظرات الشر

رحاب بصوت شديد:ها عرفت مكانها

رد عليها واحد مغطي عينه زي القراصنة كدا

مسعود بصوت خشن:لاا لسة بس الرجالة بيدورو عليها

رحاب :احنا لازم نلقيها البت حلوة وهتكسبنا كتير الراجل موافق انوا يدفع عشانها كتييير

مسعود متخافيش هنجيبها هتروح فين يعني

@@@@@@@@@@@@@@

في القصر وتحديدا في اوضة ليان كانت قاعدة وضامة رجليها ليها وتكلم نفسها

ليان : انا لازم استحمل هروح فين يعني لو رحاب لقتني مش هتسيبني في حالي وكدا كدا دا ارحم من هناك...

وبتفتكر ال كان بيحصل معاها....

فلاش باك

ليان بعياط هستيري: انا اسفة اسفة ولله مش ههرب تاني مش هعمل كدا تاني ارجوكي متضربنيش

رحاب بقسوة ومعاها حزام : اسكتي انا هربيكي وهعملك ازاي تحاولي تفكري بس انك تهربي.

وبعدها فضلت تضرب فيها بقسوة وليان لا حول ليها ولا قوة منهارة من العياط

دخل عليهم مسعود : ما خلاص يا ابلة هتشوهي جسم البت وجمالها دا هيفيدنا لكن وهي متشوهة مين ال هيقبل بيها

وقفت رحاب عن الضرب وراحت تشرب ماية وبعدين نادت علي المساعدة بتاعتها

رحاب : سميية انتي يابت يا سميييية

جت سمية بسرعة:نعم يا ابلة

رحاب :خدي الزفته دي من تحبسيها في الاوضة الضلمة 3 ايام  وممنوع يدخلها اكل وهي كباية ماية واحدة كل يوم كفاية

(اصل المنطق ميقولش ان البت تقعد 3 ايام من غير مياه فا خليت بقي يكون في كوباية كل يوم +طيبة جلبي دي هي ال مشندلة حالي🙂)

سمية وهي بتشد ليان : يا يابت اسمعي كلام الابلة يبا قومييي

ليان بتعيط وبصويت : لااااا ارجوكي مش هعمل كدا تاني متحبسنيش انا بخاف وانا لوحدي في الضلمممة ارجوكيييي لااااااا

فلاش بااااااك

قاعدة بتعيط  وبتترعش علي سريرها وبتفتكر ال حصل معاها

@@@@@@@@@@

بيجي الليل والكل بياكل عشاه لكن اسر لسة مجاش

الوقت اتاخر واميرة بتنادي علي كبيرة الخدم

اميرة: بقولك ايه يا اسماء لما اسر ييجي حطيله العشي اكيد هيجي تعبان..... وانا نعست اصلا وهطلع بقي انام

اسماء : حاضر يا ست هانم متقلقيش تصبحي علي خير

اميرة :وانت من اهلو

@@@@@@@@@@

في المطبخ

اسماء :انا تعبت والوقت اتاخر ولازم اصحي بدري

وبعدين بتبص علي ليان ال قاعدة معاها

اسماء: بصي ياليان الاكل جاهز يا دوب بس هتسخنيه ومتعمليش اي غلطة تمام انا تعبانة وعايزة انام اعتمد عليكي ولا هتكسفيني

ليان بخوف من اسر : بس لي انا يعني انا ا ا انا

اسماء : الكل نايم وهما شغلهم مهم ولازم يصحوا بدري ها انا مش عايزة اتكلم كتير

ليان بستسلام: ااا خ خلاص هستني

وميشت اسماء عشان تنام وليان قاعدة في الصالة مستنية.... لحد ما جت الساعة 1:00 وكانت بتغمض عيد وتفتح عين

وفجأه الباب اتفتح ودخل اسر وهي اتخضت اول ما شافته وقامت وقفت وعينها في الارض

اتقدم ووقف قدامها   باصصلها بنظرة هاديه وايده في جيبه مستنيها تتكلم

ليان اول ما شافته قرب منها رفعت وشها ليه     (اصل الواد طويل اوي)

عيونهم تلاقت وفضلو كدا ثواني وبعدين هي استوعبت نفسها وقالت بتلعثم

ليان: ا ا ا انا ان اس اسفة  كنت م مستنيه حض رتك ع عشان العشا ..... اجهزلك الاكل؟

بصلها بثبات وقال:جهزيه

اول ما قال كدا جريت علي المطبخ وهو عينه منزلتش من عليها

ليان اول ما دخلت المطبخ اخدت نفسها

ليان : ه هو انا كنت بتهته ليه قدامه

بعد خمس دقايق جهزت الاكل وطلعت حطتته علي التربيزة  وهو لسة منزلش فضلت قاعدة خمس دقايق كمان منزلش قررت انها تروح جناحه

طالعة علي السلم وتطلع رجل وتاخر رجل  لحد ما لقت نفسها واقفة قدام جناحه دخلت وبعدين خبطتت علي باب الاوضة محدش رد خبتطط مرة اتنين تلاتة مفيش

ليان :مبدهاش بقي هدخل

دخلت الاوضة وهي خايفة بس ذوهلت منها كان شكل الاوضة حلو اوي والديكور خطير بالون الاسود والعسلي (حاجة اخر فخامة يعني تخيلو بقي)

راحت وقفت عند مكتبة فيها صور وجوايز كتير وقعدت تتفرج عليهم وفجاة من غير ما تحس بال وراها وطي عند ودنها وهمس بنبرة مخيفة: بتعملي ايه هنا؟

اتخضت من الصوت وجت تلف اتكعبلت وكانت هتقع لكن هو مسكها من  وسط*ها  وقربها منو.... وهي فتحت عينها واتصدمت....

كان لابس بنطلون ومكانش لابس تيشيرت وعضلاته واضحة و بار*زة وكان شعره مبلل وواضح انه كان بيستحمي

(استغفر الله العظيم) 🙃

وهي كانت واقفة مصدومة وهو باصصلها بهدوء مرعب

اسوعبت الوضع ال هي فيه وحاولت تفلت منوا لكن هو متشبث بها ومش عايز يسيبها

ليان : ا انا ا ك كنت جاية ع عشان اقولك ا الاكل ج جاهز...

ماذالت تحاول تبعد عنه وهو مفيش

ليان والدموع بدات تتجمع في عنيها : م ممكن ت تبعد ا ارجوك

قرب منها وهمس في ودنها وبنبرة مخيفة : متجيش هنا تاني

وهو في نفس الوضع*ية شال ايده من علي  وسط*ها  

وهي كانها اتحررت من سجن وجريت من قداموا علطول وهي بتنهج

وهي نازلة وبتجري علي السلم شافتها سيا ال كانت طالعة من اوضتها عشان تشرب مياه واستغربت هي كانت بتعمل ايه فوق عند اسر وعينها اتملت بالشر.....

🤍💕

#ليان_الزعيم

البارت 3

دخلت ليان اوضتها وهي بتنهج وخايفة

وافتكرت ال حصل وشها كان شبه الفراولة، قعد علي السرير وقررت انها تحاول تتجاهله وتبعد عنه

@@@@@@@@@@@@@@@@

اما عند اسر راح وقعد علي السرير وطلع سيجارة وبدا يدخن،

وهو مستغرب من نفسو هو عمل كدا ليه اصلا

سند رأسه علي السرير وابتسم لما افتكر وشها وهو شبه الفراولة، ولا وهي بتحاول تبعد عنه زي الاطفال....

طفي سيجارته وابتسم ابتسامة خبيبثة :شكلي كدا هحطها في دماغي

وبعدها عمل مكالمة.... واستلقي علي السرير ونام

@@@@@@@@@@@@@@@@@@@

في الصباح وتحديدا في المطبخ

اسماء كانت رايحة جاية ومتعصبة وبتشرف علي الاكل

اسماء بعصبية: يلا بسرعة الوقت اتاخر، اسر بيه لو نزل وملقاش الفطار جاهز هيتعصب علينا....يلا بسرررعة

وبعدين بتلاحظ ان ليان مش موجودة

اسماء : ليان.... ليااان فين

علياء بخوف : تلاقيها نايمة

اسماء : نعممم نايمة روحي هاتيهاا فورا

علياء بسرعة : حاضر

@@@@@@@@@@@@@@@@@@@@@

فوق في اوضة اسر

صحي من النوم ودخل ياخد شاور..... وبعد مدة طلع من الحمام ولبس بدلته وحط برفانه ال ريحته تهبل

(استغفر الله العظيم🙂)

وجاب ساعته وابتدا يلبسها.... وفجاءة الباب خبط ودخلت سيا من غير ما يسمحلها بالدخول

سيا ببراءة مصتنعة :اسر انا كنت عايزة اط

اسر قاطعها وبحدة : اطلعي برا

سيا بتوتر: اس

اسر بنظرة مخيفة وبحدة : مش هعيد كلامي

خرجت سيا بسرعة من الاوضة خوفا من عصبيته

@@@@@@@@@@@@@@@@@@@

في المطبخ

اسماء بعصبية : انا مبكرهش في حياتي قد التاخير وانتي نايمة ولا علي بالك

ليان بخوف : ولله مكان قصدي راحت عليا نومة

اسماء : افتكري انتي مش هعديلك اخطاءك دي كتير فاهمممة

ليان : حاضر

وبعدين بتروح جمب علياء وبتساعدها في تجهيز الاكل

ومعاهم خادمة تانية

علياء : اتاخرتي كدا ليه في النوم؟

ليان : استنيت امبارح اسر بيه عشان العشا وهو اتاخر

الخادمة الاخري بهزار  : اوعي تكوني وقعتي حاجة تانية عليه

علياء : ههه يمكن عملتها تاني

ليان بتوتر وهي بتفتكر ال حصل امبارح : ل لا طبعا معملتش كدا،..... انا مش عارفة اصلا انتو بتخافو منوا علي ايه ههه؟

علياء والخادمة سكتوا ثواني وبعدين قالت علياء

علياء بجدية : لانه فعلا يخوف اسر بيه مش شخص عادي

... وقالت بصوت واطي : دا من المافيا، اللهم احفظنا

ليان بصدمة : ايه!

الخادمة الاخري : ايوا طبعا امال انتي فاكرة ايه دا مش بيرحم اي حد يغلط معاه وال هو عايزه لازم يحصل يعني يحصل...

الكل سكت لما اسماء صرخت فيهم عشان يخلصوا

@@@@@@@@@@@@@@@@@@@@

في الصالة

الكل نزل علي السفرة بما فيهم اسر.... والخدم بداوا يحطوا الفطار

الجدة سميرة : مش ناوي بقي تفرحني وتتجوز يا اسر... وبتكح جامد.... انا تعبت بقي يابني وعايزة اطمن عليك

اميرة : ايوا يا اسر انا عايزة اشوف عيالك بقي

اسر بجدية: نتكلم بعدين

اميرة : لحد امتا يا اسر، لحد امتا

كريمة بخبث : وافق انت بس واذا كان علي العروسة فا هي جاهزة، وبتلمح علي بنتها

اسر وهو فاهم قصدها كويس وبنفس الخبث : اكيد طبعا ، وهتفرحي اوي يا خالتي خصوصا انتي وبنتك

كريمة وسيا بيطيروا من الفرحة وهما فاكرين فعلا انوا هيتجوز سيا

في نفس اللحظة بتيجي ليان باطباق الاكل وبتيجي تحط طبق اسر وبتقرب منه وهي خايفة

اسر اول ما بيشم ريحتها وبيرفع عيونه ليها،

وهي اول ما بتلاحظ انه بيبصلها بتتوتر وايدها بتترعش

الجدة بتلاحظ ايدها المرتعشة:انتي كويسة يابنتي؟

ليان بتوتر : ا اه اه كويسة

وبتجري علي المطبخ

سامي بيصلها وبيصفر  : مكنتش اعرف ان عندنا هنا حوريات بحر

بيلاحظ ان اسر بيبصله نظرة مرعبة، بيخاف سامي وويقول

سامي بخوف واضح : انا كنت بتكلم عن تيتة

سميرة :اه يا بكاش

........................

بعد دقائق بينهي الكل طعامه، وبيقوم اسر وهو ماسك الموبايل، بيشوف ليان وبيوجه كلامه ليها

اسر : هاتيلي قهوة علي مكتبي

ليان بتخاف وبتبص وراها يمكن بيكلم حد غيرها

اميرة : انت مش هتروح الشركة؟

اسر : هروح بس مش دلوقتي

بتقوم سيا من علي الكرسي ولسة هتتكلم: اس

اسر وهو ماشي وماسك الموبايل :مش وقته

وبيتجه ناحية مكتبه 

@@@@@@@@@@@@@

بعد وقت بييجي حازم وبيشوف ميار

حازم  بحب مخفي : ازيك يا ميار، عاملة ايه؟

ميار بابتسامة  : ازيك يا ابيه حازم.... انا كويسة الحمد لله

حازم وهو سرحان في ابتسامتها : ها انا كويس، ايه اخبار دراستك

ميار : كويسة واديني بحاول اهو

حازم يتشجيع: انا عارف انك شاطرة وهتقدري.... لو احتجتي اي مساعدة متتردديش انك تطلبيها مني

ميار بتردد: ها ا اه اكيد

بتيجي سيا بكبرياء: انت المفروض بتشتغل عندنا يبقي متقفش وتتكلم مع اسيادك

ميار باحراج :سيا ايه ال انتي بتق

بيقاطعها حازم بثقة : حضرتك انا بشتغل عند اسر بيه مش عندك عشان تكلميني بالطريقة الوقحة دي. 

وبيسبها ويدخل مكتب اسر بعد ما سمحله بالدخول

@@@@@@@@@@@

في مكتب اسر

اسر وهو قاعد علي كرسي مكتبه ومركز في الابتوب

اسر : الشحنة وصلت؟

حازم :ايوا يا باشا..... بس كان فيه مشكلة كدا واحنا خلاص حلناها

اسر علي وضعه: ايه هي؟

حازم : اكتشفنا ان واحد من رجالة رجب بيحاول يتجسس علينا عشان يعرف موعد التسليم، بس احنا لقطناه وعلمناه الواجب وهو دلوقتي في المخزن. 

اسر بخبث: كويس وانا هبقي اعدي عليه بنفسي بالمرة يعرف مين هو اسر السيوفي

حازم: انا بعتلك معلومات البنت ال طلبها

اسر :ايوا شوفتها

في تلك اللحظة بتدخل ليان بالقهوة

واسر بيشاور لحازم انه يخرج وبالفعل بيطلع

وليان بتخاف لما بتبقي هي وهو بس

اسر بيقوم وبيقعد علي الانتريه ال في المكتب

ليان بتحط القهوة علي الترابيزة وجت تخرج، وقفها

اسر :استني

ليان لفت ليه :ن نعم

اسر وهو بيشرب القهوة:اسمك ايه؟

ليان : ليان

اسر:عندك كام سنة؟

ليان باستغراب : ليه

اسر بيرفع عيونه ليها وهي بتلف عيونها عنه بتوتر

بيقوم اسر ويقرب منها وهي بترجع لورا لحد ما وصلت للحيطة وهو حا*صرها بايديه

ليان والدموع بتتجمع في عنيها: ا م ممكن تبعد ل لو سمحت ك كدا عيب

اسر بصلها وقال بصوت هادئ ولكن مخيف : لما اسالك تردي علي قد السؤال

ليان بخوف : 18 سنة

اسر بصوته الرجولي :جيتي منين

ليان : م من الملجأ

اسر بعد عنها  وحط ايده في جيبه : وانتي هربانة

ليان اتصدمت ازاي عرف انها هربت هي مقالتش لحد

اسر :انا عارف كل حاجة عنك وعارف المشرفة كانت بتعمل فيكي ايه

ليان بدموع وراسها في الارض :..........

اسر اقترب قليلا منها : انا اقدر احميكي منهم

ليان رفعت راسها ليه : ليه.... وبعدين بتفكر وبترجع تبصله تاني وبشك : و وايه المقابل

ابتسم اسر : شاطرة، بتفهميها وهي طايرة

ليان:..........

اقترب اسر من ودنها وهمس : نتجوز

ليان بصدمة بعدته عنها وبصوت عالي : انت مجنووون، وانا ايه ال يجبرني علي كدا

اسر قرب منها ومسك دراعها بقوة  وبصوت عالي خلاها تتخض منوا : صوووتك ميعلاش قصادي تانيي فاهممة.... واكمل بصوت مخيف

:وال يجبرك علي كدا اني اقدر ارجعك للملجا تاني، او اوريكي انا ممكن اعمل فيكي ايه اسوء من الملجاء حتي انتي لسة متعرفيش مين هو اسر السيوفي

ليان بدموع والم من دراعها ال ماسكه وخايفة تتكلم لينفذ تهديده فعلا، خصوصا بعد الكلام ال سمعته من الخدم انه مبيرحمش

خفف قبضة ايده من عليها ومسك وشها

اسر بصوت هادي : انا اقدر اجبرك انك تتجوزيني دلوقتي،

وغصب عنك، بس بقول لسة طفلة ومينفعش اشد عليها من دلوقتي،.... قدامك تفكري لحد بليل، هكيب المأذون معايا وانا جاي....

 اسر بصوت مخيف :ومش عايز اسمع غير كلمة موافقة. 

كل دا وليان بصاله بصدمة وخوف

بيسيبها ويمشي، وهي بتقع علي الارض وبتنهار من العياط

لسان بنهيار : طب طب اعمل ايه اعمل ايه انا مبقتش قادرة استحمل ان الكل يتحكم في حياتي اعمل ايييه

وبعدين بيجيلها فكرة

ليان وهي بتمسح دموعها بكف ايدها زي الاطفال : ا ايوا لقيتها ا انا ه ههرب تاني هروح في مكان محدش يلاقيني هبعد قد م مقدر

@@@@@@@@@@@@@@@@@@@@@

في الشركة

بيدخل اسر بعصبية ومش بيبقي طايق نفسه

والكل بيخاف يقرب منه وهو في الحالة دي لانهم عارفين انه لما بيتعصب مش بيشوف قدامه

وبيدخل مكتبه وبيقل*ع  جاكت بدلته وبيقعد علي الكرسي

وكل ما يفتكر اسلوبها وكلامها معاه يتعصب

اسر بعصبية : انا.... انا اسر السيوفي ال كل البنات مستنين نظرة مني بس  ومحدش يقدر يرفع عينه في عيني تيجي عيلة زي دي وتعلي صوتها عليا..... بس مش مشكلة قريب هتبقي ملكي وهعلمك ازاي تغلطي قصادي تاني. 

بيدخل في الوقت دا حازم: كنت عايزني يا باشا؟

اسر :جهز المأذون ييجي معانا بليل القصر

حازم :اوامرك يا باشا

@@@@@@@@@@@@@@@@@

جاء المساء

وليان طلعت من الباب الخلفي بعد ما قدرت تتهرب من اسماء من غير ما تحس وجت تنط من فوق البواية الخلفية وقعت ورجلها اتجرحت، وحاولت تسند نفسها لحد ما قامت وبدات تمشي وهي بتتالم

....................................

داخل القصر في الصالة.... قاعدة العيلة كلها

واتصدموا لما دخل اسر عليهم ومعاه حازم والمأذون

اميرة بعدم فهم : ايه دا يا اسر جايب معاك المأذون ليه؟

سيا هي ومامتها بفرحة وفاكرين ان اسر جايب المأذون عشانها

الجدة سميرة :ما تفهمنا يا اسر المأذون بيعمل ايه هنا، معقول هتحقق امنيتي يا حبيبي

اسر قرب منها وقعد عند رجليها :مش هو دا ال كنتي عايزاه

سميرة بفرحة : ربنا يتمملك علي خير يابني

اميرة بفرحة :ومين العروسة يا اسر

كريمة بخبث :الله يا اميرة دا كلو ولسة معرفتيش مين العروسة

سيا بكسوف مصتنع :انا عارفة انك كنت بتحبني ومخبي بس مش مهم انا موافقة خلاص

اسر بصلها بعدم اهتمام ورفعة حاجب :ومين قالك ان انتي العروسة اصلا

سيا وكريمة اتصدموا وبقوا واقفين في نص هدومهم من الاحراج

اسر : اسماااء

جت اسماء بسرعة وراسها في الارض : نعم يا اسر بيه

اسر : نادي ليان

اسماء : حاضر يا بيه

سيا بغيرة : وايه دخل الخدامة دي في الموضوع

اسر بصلها نظرة مرعبة اخرستها

بعد وقت جت اسماء وباين علي وشها الخوف : م ملقتهاش يا اسر بيه

اسر بنبرة مخيفة :يعني ايه

اسماء  بخوف: ولله ما اعرف راحت فسن دورت عليها في كل حته، حتي في اوضتها ملهاش اثر دي كانت لسة قدامي اصلا من 10 دقايق مش عارفة راحت فين

اسر نادا حازم وبحدة : خلي الحراس يلفوا حوالين القصر كويس

حازم :امرك ياباشا

بيخرج حازم، وبيتجه اسر ناحية المطبخ ويطلع للبوابة الخلفية بيفتحها ومش بيلاقي حد، بس بيشوف بقع دم علي الارض، وبعدين بيروح للبوابة الخارجة وركب عربيته واتجه ناحية الجهة ال كان عند اثرها الدم وفعلا بعد 3 دقايق بيشوفها وهي ماشي علي حرف الطريق وبتعرج

بيسرع بعربيته وبيوقف العربية قدامها بالظبط

وهي بتتصدم خصوصا لما لقيته نازل من العربية ووشوا ميبشرش بالخير،

بتلف عشان تجري لكن بتقع بسبب رجلها

وهو بيقرب منها وبينزل لمستواها وهي بترج لورا وهي في الارض، لكن هو بيمسكها بعن*ف

اسر بصوته الرجولي المرعب : بقي عيلة زيك تستغفلني وتحاولي تهربي مني، انتي خلاص دخلتي عرين الاسد

ول بيدخل مبيعرف لباب الخروج طريق

وبيشيلها علي كتفه وهي بتصرخ فيه

ليان بدموع وصراخ :سيبنييييي ارجوك سيينييي انا معملتلكش حاجة سيبنييي..... حد يلحقنيييي

بيقعدها في الكرسي الامامي وبيقرب منها وبيحط حزام الامان، وهي بتحاول تبعده عنها 

لف وركب جمبها وبدا يسوق للقصر، وليان قاعدة تعيط وتصرخ

ليان : سيبنييييي مش عايزة مش عاااايزة اتجوزك

اسر فزع فيها : مسمعشششش صووووتك

ليان اتخضت وخافت وحطتت ايدها علي بقها بخوف ومنكمشة في بعضها

وصلوا للقصر واسر نزل من العربية ولفلها وشالها وهي بتخبط في صد*ره وبتحاول تبعده عنها

دخل بيها وسط زهول الكل وجنون سيا ومامتها

قعدها علي الكرسي وهمس في ودنها بنبرة مرعبة وتخوف :

الاحسن ليكي تقولي موافقة عشان ال شوفتيه في الملجأ كوم وال هتشوفيه مني كوم تاني خالص.

ليان مصدومة وخايفة منوا

وبدا الماذون، والشهود كانوا حازم، وسامي ال قاعد غصب وبسبب خوفه من اسر

المأذون : موافقة يابنتي

ليان وهي باصة علي اسر بخوف : م.... موافقة

اسر ببرود : وانا موافق

.......

كتب المأذون الكتاب

*بارك الله لكما وجمع بينكما في خير *

ليان بكت من الكلمة مش مصدقة انها خلاص اتسجنت في سجن اسر

ذهب المأذون وحازم

أميرة : اسر هو ايه ال بيحصل هنا، هي موافقة غصب ولا ايه ومش معني ليان بالذاات دا معداش يومين علي وجودها

اسر مردش واتجه ناحية ليان ال بتبكي وقرب منها وشالها،

وهي استسلمت ليه ودفنت وشها في رقبت*ه وهي بتبكي

وطلع بيها علي فوق وسط نظرات سيا وكريمة بالشر

@@@@@@@@@@@@@@@@@@@

فوق في اوضة اسر

طلع وهو شايل ليان وحطها علي سريره

اول ما حطها علي السرير لفت وشها الناحية التانية وهي بتعيط ومضايقة

وهو سابها وجه يمشي

ليان بدموع : ليه انا؟

اسر مردش عليها وطلع

وليان انهارت من العياط

@@@@@@@@@@@@@@@@@@@@

تحت في الصالة

اميرة : ممكن تفهمنا بقي

اسر :مش هو دا ال كنتوا عايزينه

كريمة بعصبية وكره : خداامة  خدامية يا اسر طب وبنتي ايه ذنبها فا دا كله

اسر وهو حاطط ايه في جيبه وصوته الرجولي  وبحدة :

اولا صوتك توطيه ثانيا اول واخر مرة تقولي علي مرات اسر السيوفي خدامة وتعرفي حدودك من هنا ورايح..... واذا كان علي بنتك انا موعدتهاش بحاجة انا مكنتش شايفها اصلا

فا انا مليش علاقة بيها

كريمة بتمثيل الحزن : شوفتي يا اميرة شوفتي ابنك بيكلمني ازاي بقي بتعاملوا ضيوفكم كدا

اسر قرب منها :كويس انك عارفة انك ضيفة وبس، يبقي تتعاملي هنا وكانك ضيفة غير كدا هتشوفي مني حاجة عمرك ما شوفتيها

كريمة سكتت باحراج وعينها في الارض

اسر موجه كلامه للجميع بنبرة لا تنفع للنقاش : ال حصل حصل الكل مجبور انه يتقبل ال حصل( ووجه كلامه لكريمة وسيا) وال مش عاجبوا انا مش مانع حد الباب قداموا

وبعدين بيطلع علي فوق

@@@@@@@@@@@@@

فوق دخل اسر الجناح  بتاعه وقل*ع جاكت البدلة ودخل الاوضة وبيرمي الجاكت علي الكرسي وفجأة بيتصدم لما بيشوف ليان واقعة علي الارض وماسمة رجلها ال بتنزف وبتعيط............

@@@@@@@@@@@@@@@

#ليان_الزعيم

البارت 4

اسر بيدخل بيلاقي ليان واقعة علي الارض وبتبكي ورجليها بتنزف د*م، بيجري عليها وبينزل لمستواها

اسر بحدة وعصبية : ما الهانم لو محاولتش تهرب مكنش حصل فيها كل دا

ليان بصتله بكره وساكته

اسر جه يشيلها

ليان بعند والدموع علي وشها: لاا مش عايزة، ابعد عني... اقدر اقوم لوحدي

اسر مهتمش لكلامها وشالها حطها علي السرير، وراح جاب علبة الاسعافات الاولية.... وبدا يضمدلها الجرح

وليان بتحاول تبعد رجلها من ايده

لحد ما اسر شد رجلها لعنده وبصلها بحدة خلاها توقف

وليان مستغربة منه هو ازاي كدا.... 

لف شاش علي رجلها وانتهي، وبعدين وقف وقالها

اسر وهو حاطط ايده في جيبه : قومي غيري لبسك دا

ليان بعند : مش هغير

اسر مسك دراعها جامد وقال بحدة :انا لما اقول كلمة تتسمع فورا

ليان بخوف ودموع: ح حاضر...... ب بس هلبس ا ايه

اسر بعد عنها: بكرا هيجيلك هدوم جديدة، اما دلوقتي البسي اي حاجة من عندي

ليان بصدمة : ن نعم هلبس ايه يعني

اسر وهو متجه لغرفة الملابس .... بيرجع وهو ماسك تيشرت من بتوعه: البسي دا

ليان اتصدمت هو اه واسع وهيبقي طويل عليها لانها قصيرة

بس رجلها هتكون باينة

اسر حط التيشرت قدامها ودخل الحمام

ليان مبقتش عارفة تعمل ايه لو رجع ولاقاها لسة كدا هيتعصب......

اسر طلع من الحمام وهو لابس تيشرت اسود  وبنطلون اسود، 

لاقاها قاعدة علي السرير ومغطية رجلها كويس، لف الناحية التانية وقعد علي السرير

ليان اتصدمت : ه هو انت هتنام هنا

اسر هو ماسك التلفون وضهره ليها : وحضرتك عايزاني  انام  فين يعني

ليان :نام في اي حته لكن متنمش جمبي

اسر ساب التلفون ولفلها وقرب منها وبخبث : ليه؟ خايفة

ليان بخوف واضح :ااا ايه انا ا اخاف و واخاف ليه ي يعني

اسر : يمكن... 

وبدا يقرب منها اكتر وهي تزحف لورا، لحد ما كانت هتقع من علي السرير وهو مسكها وقربها منوا

اسر :احسنلك انك تنامي وتسكتي عشان انا مش رايقلك

ليان :خلاص هنام انا علي الكنبة

اسر بحدة : لو عملتيها ، متزعليش من ال هيحصل

وبعد عنها، ليان خافت ونامت فعلا مكانها

واسر نام وحاطط ايده تحت رأسه

@@@@@@@@@@@@@@@@@

في غرفة سيا ومعاها مامتها، سيا عمالة تكسر كل حاجة علي الارض وتصرخ

سيا بجنون: بقييي يسيبني انااا عشان الخدامة ديييي ولله لاوريها وهخليهااا تلف حوالين نفسهاااا، انا فيه نار جوايا مش عايزة تنطفيييي..... كان لازم اكون انا مدام اسر السيوفي بس لااااا اخدته مني الخدااامة

كريمة وهي قاعدة علي الكرسي وحاطة ايدها علي راسها :اسكتي بقي خلينا نفكر هنعمل ايه، انا مينفعش اسمح لخدامة هي ال تكوش علي كل حاجة كدا

بيدخل في الوقت دا سامي : فيه ايه يجماعة ايه يا سيا اسكتي شوية احسن اسر يسمعك

سيا بعصبية :انت ازاي تشهد علي جوازهم انت اتجننت

سامي :امال اعمل ايه يعني ما انتي عارفة اسر

كريمة :الصويت دلوقتي مش هيعمل حاجة لازم نهدي ونفكر نخلص من البنت دي ازاي

سامي بخبث :متخافيش انا عندي الحل

سيا بسرعة:وايه هو؟

سامي :هخليها تحبني واسر يفتكرها بتخونه فاهو بنفسه ال هيقتلها

كريمة  بشر: ولو بردوا افرض مبصتش في وشك اصلا، فا خلاص اشتغل انت علي خطتك دي وانا هشتغل علي خطة تانية خالص.

@@@@@@@@@@@@@@@@@@@

في الصباح

استيقظ اسر من نومه، بص يشوف ليان  لاقاها نايمة زي الاطفال وشعرها علي وشها بفوضوية

قرب منها وازاح خصلة من شعرها، وهي حست بحاجة علي وشها وفتحت عنيها.... واتخضت لما لقته قريب منها قامت من علي السرير فورا وهي خايفة

اسر بصلها لما قامت بالسرعة دي وبعدين نزل انظاره لتحت

وهي استغربت وبصت لقته بيبص علي رجلها المكشو*فة

رغم ان التيشرت واصل ل قبل الركبة بحاجة بسيطة

نزلت ايديها وحاولت تشد التيشرت لتحت بكسوف

اسر ابتسم علي منظرها وقام دخل الحمام

وهي وشها بقي احمر من الكسوف

............... بعد مدة خرج اسر من الحمام ولبس بدلته وبعدين طلع لاقاها قاعدة علي السرير

اسر وهو قدام المراية :قومي غيري عشان ننزل نفطر

ليان :بس انا مهنزلش

اسر قرب منها وقال بحزم :وانا قولت هتنزلي

ليان بحجة : بس انا معنديش هدوم اكيد مش هنزل كدا يعني

اسر وقف وايده في جيبه وهو عارف انها بتتحجج: لا متقلقيش قومي انتي خدي شاور وهتطلعي هتلاقي هدومك جاهزة

ليان : بس

اسر بمقاطعة : مش هكرر كلامي مرتين

ليان  باستسلام قامت وبقت ماسكة التيشرت بايد والايد التانية بتتسند علي الحيطة عشان رجلها لسة فيها وجع بسيط

اسر شالها وهي اتصدمت

ليان :لا لا انا همشي نزلني

اسر مردش عليها ودخلها الحمام وقعدها علي قعدة البانيو

اسر :مش هاكلك يعني عشان تخافي كل ما قرب منك كدا

وبعذين قال بخبث : لسة في حاجات متمتش.

وطلع وسابها ،وهي قاعدة وشها احمر ومكسوفة

....................

اسر قاعد علي الانتريه وفاتح الابتوب، والباب خبط قام وفتح ولقي الخدم واقفين وشايلين حاجات كتيرة اوي

دخلهم وتحديدا في اوضة الدريسنج.... بدا الخدم يحطوا ويظبتوا في الحاجات كانت فساتين وبجامات ومكياج واحذية وشنط ومجموعات  للعناية بالبشرة  وكل ال تحتاجه اي بنت..... وبعدين بيخرج الخدم،

وليان بتطلع من الحمام  وهي لابسة فوطة علي جس*مها

وبتتلفت يمين وشمال احسن يكون موجود بتخرج بتلاقي غرفة الملابس مليان هدوم كتيرة اوي ليها وكل ال محتجاه واكتر...... موجود بتختار تلبس دريس طويل بحمالا*ت عريضة لونه موف وعليه فرشات بيضاء وبتعمل شعرها ديل حصان وخصلات من شعرها نازلة علي وشها

(البت كانت سكرة يعني، ودا ميمنعش انها هبلة بردوا🙂)

بتخرج بتلاقي اسر مستنيها علي الكنبة وماسك الابتوب

بيرفع عينه ليها ومش بيبقي قادر ينزل عينه من عليها بس بيسيطر علي نفسه وبيقفل الابتوب وهو طالع :يلا

بتمشي وراه بكسوف وهي خايفة رد العيلة هيكون ايه

(انا لو مكانها هلبس وهتشيك ومهيهمنيش حد.... ايه دا دا انا ال كاتبة الرواية 🥲)

@@@@@@@@@@@@@@@@@@@@@

تحت في الصالة الكل متجمع علي السفرة ومستنين اسر

اسر نازل علي السلم ووراه ليان ال اول ماشفت العيلة بتبصلها خافت وجريت ورا اسر ومسكت في بدلته زي الاطفال

وهو سابها وعارف انها متوترة وخايفة

بينزلوا وبيقعد اسر علي الكرسي  الرئيسي بتاعه المعتاد

وبتقعد ليان في الكرسي ال علي يمينه

اسر :صباح الخير

الكل في نفس واحد :صباح النور 

وبيجوا الخدم وبيحطوا الاكل

والكل ابتدا وسيا باصة لليان بحقد،

ليان بتاكل وهي مكسوفة اول مرة تقعد في تجمع عائلي

الجدة سميرة :كلي يا بنتي متتكسفيش

ليان : ح حاضر

كريمة :اكيد مش متعودة علي....

قاطعها اسر بحدة : علي ايه

كريمة بتوتر : ولا حاجة

اميرة قاعدة ساكتة لانها لسة متقبلتش ليان

كريمة وهي قاعدة جمبها وبتوسوس فيها بصوت واطي

كريمة بخبث :دا حت اسر ماخدش رايك يا ترا هيحصل ايه لما الناس تعرف انه اتجوز خدامة منظرك هيبقي ايه قدام صحباتك

اميرة ساكتة وهي مضايقة وشايفة ان كلام كريمة صح

الكل انهي طعامه ووقف اسر: انا رايح الشركة

ليان وقفت لما شافت انه هيميشي وهيسيبها هنا

اسر لاحظ نظرات سيا ال بتاكل ليان

قرب من ليان وشدها من وسط*ها وباسها في خدها

وليان واقفة متسمرة ومصدومة من ال عمله

والكل مصدوم من ال اسر عمله ومش مصدقين

ليان وشها احمر زي الفراولة وساكته

واسر بعد عنها

الجدة سميرة بضحك :اه يا شقي طب استني اما تطلعوا فوقليان حاطة وشها في الارض ومكسوفة

اسر ابتسم : مش بقدر استحمل

وجه في الوقت دا حازم وسلم علي الجميع وبعدين مشي هو و اسر

وليان لسة واقفة مكانها قامت الجدة واخدتها علي الصالة

الجدة : انا اول مرة اشوف اسر بيتعامل مع حد كدا

بتيجي ميار وبتقعد معاهم وبضحك: علي فكرة ابيه اسر اتغير اوي لما انتي جيتي

ليان قاعدة ساكتة ومكسوفة

بتيجي اميرة وبتنادي ميار بضيق :مياار مش عندك مذاكررة يلا علي اوضتك

الجدة سميرة: ما تسيبها يا اميرة ما هي قاعدة مع مرات اخوها اهو

بتتكلم كريمة : اصلها مش عايزة بنتها تتكلم مع الاشكال دي،

حتي لو اسر اتجوزها دا ميخفيش انها كانت خدامة

ليان بتزعل من كلامهم

ميار :متقوليش كدا عليها، انتي بتتكلمي دلوقتي عشان اسر مش موجود

سيا بعصبية : انتي بتتكلمي مع مامي ازاي، شكل البنت دي خلتك تستقوي علينا

ميار بعصبية : انا اتكلم زي ما انا عايزة دا بيتي مش بيتك

اميرة بعصبية :ميااار اتكلمي بأدب ويلا اطلعي علي اوضتتك

ميار بتكت وتطلع اوضتها وهي مضايقة

اميرة لليان :اما انتي بقي كنتي بتشتغلي هنا واكيد مش هنتقبلك بين يوم وليلة يعني فا الاحسن ليكي انك متكلميش حد هنا خالص

ليان قاعدة وراسها في الارض وبتبكي

الجدة بعصبية : امييرة متتكلميش مع البنت كدا

اميرة سكتت بغضب

الجدة لليان :متزعليش يابنتي هي مكانتش تقصد

ليان بابتسامة مزيفة : لا لا انا عازراها اصلا، انا مزعلتش

@@@@@@@@@@@@@@@@@@@@@

في الشركة

اسر قاعد في غرفة الاجتماعات

وفي الكرسي الرئيسي، وفي ناس مهمين من الصين جايين عشان يعملو معاه صفقة وبيعرضوا عليه المشروع

واحد من الموجدين : وهكذا سنبدا بالموضوع سيدي طبعا بعد موافقتك

اسر بيدقق في الورق كويس ولاقي ان فيه غلطة

اسر : لست موافق

وبعدين قام وراح لمكتبه

والكل مصدوم انه مش موافق حتي مقلهمش علي السبب

اسر قاعد في المكتب ودخل حازم

حازم : الشحنة وصلت

اسر :تمام يلا

بيخرج هو وحازم وبيتجهوا لمكان

@@@@@@@@@@@@@@@@@@@

في مكان بعيد عن انظار الناس

اسر واقف بكل هيبته وبيجيبله احد الرجال سلاح كبير

وبيجربه

اسر : المرة ال فاتت اتاخرتوا وانا مش بحب التاخير

الراجل بخوف :ولله يا اسر بيه كان فيه شويه مشاكل مع الحكومة بس حلناها

اسر بصله نظرة مخيفة وطلع سيجارة : اممم حكومة قولتلي

الراجل واقف وهو بيترعش : ا اه

اسر : ويا ترا الحكومة دي كان رجب بردوا

الراجل ركع قداموا وبقي بيعيط : ولله مليش ذنب هو ال قال انه هيدفعلي لو قولتله ميعاد التسليم وانا متكلمتش

اسر وهو باصص للسما :بس انت قولتله معلومة عني وخلاص

الراجل بخوف : اااا....

اسر بنظرة مرعبة :وانا ال يلعب بديله من ورايا ميستحقش انه يعيش

الراجل: لاااا لا اروجوك مش هعملها تانيييي ان......

ملحقش يكمل كلامه بسبب تدلك الرصاص*ة ال طلعت من مسد*س اسر

حازم : يلا يا رجالة لموه من هنا وهاتوا الشحنة دي ورانا

@@@@@@@@@@@@@@@@@@@@@

في المطبخ دخلت ليان

ليان بابتسامة  : صباح الخير

اسماء باحترام :صباح الخير يا ست هانم

(ايوا كدا اتعلمي الادب يا وليه🤫)

ليان : انا لسة ليان علي فكرة مش لازم تقوليلي هانم دي، انتي برضوا اكبر مني وانا ال لازم احترمك

اسماء بابتسامة :لا ازاي انتي مرات الزعيم، لازم نحترمك

ليان بطفولية :يووه بقي انا قولتلك ناديني ليان بقي

الكل ضحك عليها وجريت عليها علياء وحضنتها :وحشتيني يابت

ليان بضحك :ايوا كدا

ليان قعدت معاهم وبقت تهزر وسطيهم

@@@@@@@@@@@@@@@@@@@@

في المساء اسر لسة ماجاش والكل تناول عشاه ما عدا ليان

اسر رجع لقي جددته في وشوا :اتاخرت ليه

اسر :كان عندي شغل

الجدة :وناسي ان انت عندك عروسة

اسر :لا مش ناسي

الجدة :اكلت؟

اسر :لا

الجدة :علي فكرة ليان هي كمان ماكلتش ومستنياك فوق

اسر وهو طالع علي السلم :وحد قالها متاكلش

الجدة : اه يا بارد، انا هخليهم يطلعولك الاكل لفوق

اسر :تمام

@@@@@@@@@@@@@@@@@@

فوق في اوضة اسر وليان

ليان كانت فاكراه هيتاخر زي المرة ال فاتتت

ف شغلت التلفزون علي اغنية وقعدت تجرب مواهبها 

وتر*قص وكانت لابسة بيجامة بحمالا*ت بينك وبنطلون بينك وكانت شكلها مثي*ر

(مثير للشفق ياجماعة بلاش قلة ادب🙃😂)

اسر دخل الاوضة وهي ملاحظتش وهو اتصدم منشكلها وبقي واقف وساند علي الحيطة وبيبتسم بخبث

وليان منسجمة خالص وجت تلف شافته واتخضت وصرخت

ليان :اااااا..... ان انت بتعملي اي هنا، ق قصدي ج جيت ا امتا

اسر قرب منها وهي بترجع لورا لحد ما وقعت علي الكرسي

وهو حاصرها ، وابتسم بخبث وهو بيفك زرا*ير قمي*صه

اسر : شكلها ليلتنا النهارة هتبقي حلوة

ليان وشكا احمر والدموع اتجمعت في عنيها : ا انا ااانت

اسر بصوته الرجولي الهاديء :انا ايه

ليان فلتت منه وجريت علي الحمام وهي بتجري قالت

ليان : انتتت سا*فل... وبتطلع لسا*نها ليه وبتقفل علي نفسها الباب

اسر اتنهد وقعد علي الكرسي وابتسم : طفلة..... بس قدرت توقع الزعيم......

خبطتت الخدامة وطلعت بالاكل وهو قام فتحلها

الخادمة :اسر بيه الست سميرة بتقول لحضرتك ان بكرا هيبقي في حفلة بمناسبة جوازك من الست ليان

اسر : تمام

ومشيت الخادمة

وهو اتجه ناحية الحمام وخبط علي الباب............

@@@@@@@@@@@@@@@@😘😊

#ليان_الزعيم

البارت 5

في غرفة اسر

خبط علي الباب وطلعت ليان وهي لابسة بيجامة واسعة، اسر مسكها وحاصر*ها عند الحيطة

اسر بحدة : انا كام ممكن اعلمك الادب علي الحركة ال عملتيها من شوية دي.... بس متكلمتش وبقول عروسة ومن حقها تتدلع.... بس لو اتكررت تاني هتشوفي حاجة عمرك ما شوفتيها.

ليان بدموع : ح حاضر م مش ه هعمل كدا ت تاني

اسر بعد عنها :وبلاش التهتهة بتاعتك دي

ليان :حاضر

اسر :الاكل جاهز

ليان : مش عايزة اكل

اسر ببرود مش وسابها

وراح قعد علي التربيزة وابتدا ياكل وهي كانت قاعدة علي السرير وجعانة بس كبرياءها منعها

(هبلة.... هبلة، وما ذنب الطعام في الموضوع🙂)

اسر خلص اكل والحادمة جت وشالت الصينية

اسر اتجه ناحية درج في الاوضة فتحوا واخد منو علبة

وراح عطاهالها،

ليان باستغراب: ايه دا؟

اسر حط قدامها العلبة واتجه ناحية الحمام

وهي فتحتها ولقت جواها موبايل غالي اوي

فرحت لانها عمرها ما كان عندها فون، عرفت تفتحه

واول حاجة عملتها هي....... نزلت العاب للاطفال

اسر طلع وهو لابس فانلة سودة وبنطلون

لاقها بتلعب في التلفون ومنسجمة خالص وبتبتسم

راح شاف هي بتعمل ايه لاقها بتلعب لعبة للاطفال

ابتسم علي منظرها، وهي كل دا ملاحظتش انو واقف جمبها

لف وقعد علي السرير الناحية التانية واخد منها التلفون

ليان بزعل طفولي وهي بتحاول تاخد منوا التلفون : لا لا سيبوااا شوية

اسر وهو بيحط التلفون في الدرج ال جمبوا : كفاية عشان عينك..... وغير كدا الوقت اتاخر وهنام

ليان بتحاول تقرب وتفتح الدرج وقعت علي اسر وتنحت

اسر بابتسامة خبيثة : لو عايزة تلعبي انا جاهز للعب

ليان بعدم فهم : يعني هتلعب معايا

اسر لفها علي السرير واعتلا*ها، وليان مصدومة ومش عارفة تتحرر منوا

ليان :اااا انت ب ا بتعمل ا ايه

اسر اقترب منها ودفن رأسه في رقبت*ها

ليان بدموع مكتومة  :ل لا ارجوك م مش ع عايزة

اسر بدا يشم ريحتها وهو مش قادر يسيطر علي نفسوا.... 

وطبع  قبل*ة  علي  رقبت*ها، وهي حست برعشة غريبة. 

ليان: ا........ اسر

اسر وقف دي اول مرة تنطق اسمه علي لسانها، رفع رأسه ليها لاقاها بتبكي ودموعها مغرقة وشها

ليان بدموع : م مش عايزة

اسر ابتعد عنها واتجه ناحية البلكونة وطلع سيجا*رة وبدا ينفث الدخان

وليان جوا انكمشت في بعضها وغطتت نفسها كويس......

وعدا وقت اسر دخل لاقاها نايمة بصلها كتير ،  وبعدين استلقي علي السرير ونام هو كمان

@@@@@@@@@@@@@@@@@@@@@

في الصباح الكل كان مشغول في تحضير الحفلة ومحدش لاقي وقت يقعد، دي حفلة بمناسبة جواز الزعيم

سميرة : يلا يا اسماء خلي الخدم ينضفوا الجنينة كويس اوي..... الناس بتاعة الديكور لسة موصلتش ولا ايه

اسماء:لسة يا ست هانم انا كلمتهم وهما قالوا انهم في الطريق

نزلت ميار من علي السلم : ماااااما هي مصممة الازياء لسة مجتش

اميرة بضيق مما يحدث : علي الطريق

سميرة :ميار لما مصممة الازياء تيجي توديها عند ليان عشان تصمملها فستان

ميار :حاضر يا تيتة

كريمة بقرف: وكمان هنصمم فساتين للخدم

سميرة بعصبية : ابقي قولي الكلام دا لما اسر ينزل

سيا جت وراحت جمب اميرة وبزعل مصتنع : انا قلبي واجعني اوي يا طنط.....

كنت فاكرة ان الحفلة دي هتبقي ليا انا

اميرة بزعل : متزعليش يا سيا.... بس دا نصيب.... واكملت بضيق.... ودا قرار اسر

سميرة انا هطلع انا اصحي اسر وليان.....

@@@@@@@@@@@@@@@@@

فوق في اوضة اسر، اسر كان حاضن ليان من ضهرها

وفجأة الباب خبط وصحي هو وليان علي الصوت وهو قام واتجه ناحية الباب وفتحوا

سميرة :ايه كل دا نوم... واكملت بغمزة... يمكن كنتوا سهرانين امبارح

اسر ببتسامة خفيفة :عايزة ايه يا تيتة

سميرة : فين ليان ... وبعدين دخلت

ليان بابتسامة :صباح الخير يا تيتة

سميرة :صباح الخير يا قلب تيتة.....جهزي نفسك بقي عشان الحفلة

ليان باستغراب :حفلة.... حفلة ايه؟!

سميرة بصت لاسر :انت مقولتلهاش!

اسر قعد علي الكرسي : ملحقتش

سميرة :بصي يا حبيبتي دي حفلة بمناسبة جوازك من اسر الصحافة هتبقي موجودة وناس مهمين اوي هيجوا

ليان بصت لاسر  بتوتر

سميرة :مصممة الازياء هتيجي شوية كدا هتختاري فستان من الماكة الخاصة بيها ولو معجبكيش حاجة هتصمملك حاجة جديدة...... انا هنزل بقي عشان اشوف باقي التحضيرات

وبتخرج الجدة

ليان بتوتر :انت ازاي م متقوليش علي حاجة زي دي،لا وفيه صحافة كمان انا مستحيل انزل

اسر :.......

ليان :انت مبتردش ليه؟

اسر قام واتجه ناحية الحمام وهو بيقول

اسر ببرود :في الحالتين كدا كدا  هخليكي تنزلي يبقي وفري النقاش دا بقي

ودخل الحمام

ليان واقفة خايفة هي لسة مش متعودة علي الناس، لانها دايما كانت محبوسة في الملجأ مش بتشوف حد

قعدت علي السرير وهي قلقانة دخلت اوضة الدريسنج وقعدت علي الكنبة ال موجودة في النص

وخرج اسر من الحمام وكان عا*ري الصد*ر ولابس بنطلون

ليان اول ما شافته :اااااا..... ا غ غطي نفسك.... في حد يطلع كدا

اسر برفعة حاجب : وهطلع ازاي حضرتك من الحمام مثلا.... وانتي اصلا ال قاعدة في اوضة الملابس

ليان وقفت وهي مدياله ضهرها :ك كنت جاية اتكلم معاك

اسر قرب منها واخدها في حضنه ودفن رأسه في رقبت*ها:اممم في ايه بقي

لياان اتصدمت  وجريت بكسوف منه وهي بصوت عالي  :مش عايزززة اقولللل حاجة

اسر ابتسم علي منظرها، وبعدين اختار هدومه

اما برا طلعت وهي بتنهج خصوصا لما حست بانفاسه قريبة منها

قعدت علي السرير ومسكت قلبها :ل لا انا متأثرتش هو ال قليل اد*ب

@@@@@@@@@@@@@@@@@@@@@@

تحت في الصالة

نزلت ليان واسر قرر انو ميروحش الشركة المرادي فا قرر انو هيشتغل في مكتبه وحازم معاه

ليان:صباح الخير

ميار :صباااح الخير، ايه يا عروسة قدامنا حاجات كتير لسة هتتعمل

ليان بتوتر : ا انا معاكي اهو

وبعدين جت المصممة

المصممة : بونجور هبايبي

ليان باستغراب:هي بتقول ايه دي

ميار بضحك :اصلها بتتكلم عربي مكسر اصل هي من فرنسا

ليان بذهول :واو من فرنسا مرة واحدة

سيا بغرور : اكيد متعرفيش ايه هيا فرنسا دي اصلا هههه. 

ليان زعلت وسكتت

(سبوني عليها سبوووني علييها 😠)

 اميرة جت :بونجور يا ايملي، عاملة ايه في مصر يا حببتي

ايملي :كويسة هببتي مصر جميلة اواي

سميرة :طيب يا حببتي ورينا بقي التصاميم ال معاكي

دخولو بنتين بفاستين كتيرة اوي

كريمة بكبرياء : ايملي لو معاكي حاجة رخيصة للبنت دي هاتيها من فضلك.    وهي بتشاول علي ليان

سميرة بعصبية: كريمة التزمي حدودك

كريمة ببرود :هو انا قولت حاجة

ايملي :هببتي انا مستهيل اجيب هاجة رهيصة ليكم انتوا زبايني المفضلين اقل فستان هنا تمنه 200 الف جنيه مصري

ليان اتصدمت

(انا هبوس ايدي وش وضهر شكر لله  لو لقيت 2 جنيه في جيبي اصلا🙂)

بيخرج في الوقت دا اسر وحازم

ايملي :اسر بيه اهلا بهضرتك

اسر قعد علي الكرسي : اهلا

بدات ايملي تعرض الفساتين

حازم كان واقف جمب ميار وهمس:علي فكرة دا هيبقي لايق عليكي اوي

ميار كان في ايدها فستان بيش وابيض عليه تطاريز جميلة 

ميار بكسوف :بجد.... شكرا

اما ليان كانت محتارة تلبس احمر او بينك

قام اسر قام ومسك واحد مميز اوي من الحرير الخالص 

  (تخيلوه انتوا بقي علي مزاجكم 😉)

اسر لليان :البسي دا

وسابه في ايدها وطلع علي فوق 

ليان عجبها الفستان فا قررت ان دا هو ال هتلبسوا

كريمة بحقد وهي شايفة انو اخترلها اغلي فستان من الموجدين

سيا كانت واقفة ومش طايقة نفسها وكانت هتروح تشد الفستان من ليان بس مامتها وقفتها وهمست في ودنها:مش دلوقتي اسر ممكن ينزل يعملنا مشكلة انا عاملة خطة تخليها تتبهدل النهاردة

سيا سكتت وبصت لليان بشر

@@@@@@@@@@@@@@

في المساء

الكل لبس واتشيك وبعض المعازيم وصلو

واسر كان في الاوضة ولبس وكان شكلوا وسيم اوي وليان كانت في اوضة الملابس وبعدين طلعت وكانت شبه الاميرات وشعرها كان كعكة وخصلات نازلة علي وشها

(يادي الخصلات ال مبتقفش دي)

اسر كان مش قارد يشيل عينه من عليها وهي اتكسفت ونزل وشها في الارض، اسر قرب منها ورفع وشها ليه واخرج شي من جيبه وكانت سلسلة الماس علي شكل قلب صغنن وكانت شيك اوي ثرب منها اكتر ولف  ولبسبها السلسلة وهي كانت مصدومة وفي نفس الوقت مبهورة بالسلسلة، ولف تاني وبقي قدامها

ليان بكسوف :ش شكرا

اسر قرب منها وطبع قبل*ة علي خدها، وهي واقفة مصدومة بس حست باحساس حلو، وبعدين مسك ايديها وطلعوا برا

@@@@@@@@@@@@@@@@@@@@@@@

في الصالة

سيا ومامتها واقفين ومش طايقين نفسهم

وفجأة كل الانظار اتحولت علي السلم

وليان واسر نازلين علي السلم وشابكين ايديهم في ايد بعض

والصحافة بدات تصور بالكاميرات

الجدة سميرة بفرحة : ايه الحلاوة دي كلها

ليان بكسوف :شكرا ياتيتا

ميار : ولله وعرفت تنقي يا ابيه

حازم جه من واها :الف مبروك ياباشا

ميار بخضة :خضتني يا حازم..... ا قصدي ابيه حازم

حازم بهمس : ولله حازم دي طالعة منك زي السكر، انا معجزتش يعني عشان تقوليلي ابيه

ميار بكسوف جريت من قداموا

الصحافة بيصورا اسر وليان ال حاطط ايده علي وسط*ها

وهي مكسوفة....وال بيجي اشخاص مهمين وبيسلموا عليهم

بيجي واحد من الرجال المهمين : مبروك يا زعييم الف مبروك

وبيسلم عليه..... بيجي عشان يسلم علي ليان

اسر بيمدله ايده ويسلم عليه تاني

الراجل  بضحك :اوووه غيرة يعني وكدا ولا يهمك

......

كريمة واقفة علي جنب وحطت حاجة في كوباية العصير وبتنادي حد من الخدم، وعطتها الكوباية وقالتلها تديها لليان

ليان واسر بيقعدوا واسر بيتكلم مع شخص معم في خصوص الشغل، وليان قاعدة جمبوا

بتيجي الخدامة وبتدي الكوباية لليان

ليان وهي محروجة و بتبص لاسر  : ممكن اشرب

اسر بيبصلها :اشربي

وليان كانت عطشانة عشان كدا شربتها كلها

وكريمة وسيا واقفين بعيد وبتبص بخبث

كريمة بخيث : دلوقتي دماغها هتلف وهتفضح اسر قدام الناس ههههه

ليان بدات دماغها تلف وبقت بتقول كلام غريب وبقت تتصرف زي الاطفال وكانها سكرانة

بتشد في بدلة اسر..... واسر بصلها باستغراب

وليان بصتله وبطفولية :اسر انا عايزة شوكولاتة

اسر : مش دلوقتي

ليان بدات تبكي زي الاطفال : لا انا عايزة شوكولاتة مليش دعوة

معظم الناس بدات تبصلها

سميرة :في ايه يابني مالها ليان

اسر :مش عارف

ليان :تخيلي يا تيتة طلبت شوكولاتة ومش عايز يجبلي

اسر قام وشدها وراه عشان ياخدها علي الاوضة

وليان بدات تشده

ليان :لاااا مش عايزة اطلع فوق انت وحششش سيبني

اسر بصلها بحدة وشالها وطلع بيها علي فوق

وهي بتخبط في صد*ره : سيبنييي بقولك نزلنييي بقييي

وبعدين بتسكت وبتمسك عضلاته وبتضحك

ليان: الله كل دي عضلات... وحضنته...... يا خلاثي ايه الحلاوة دي دا انت طلعت سكرة وانا مش واخدة بالي خالث

اسر استغرب وحس انها فعلا سكرانة

اخدها الاوضة وحطها علي السرير وجه يمشي مسكته من ياقت البدلة وشدتوا ليها وبقوا قريبين اوي  ووشها قدامه بالضبط

وهو ثابت ومستغرب  ومستني هتعمل ايه

ليان قربت من خدوا وبا*سته

وهو رفع حواجبه بصدمة

لسان بصوت رقيق : خليك معايا، متسبنيش.... 

وحضنتوا وهو ساكت  

ليان : اسر......ا انا.... بحبك

@@@@@@@@@@@@@@@@@@@

#ليان_الزعيم

البارت 6

ليان حاضنة اسر واسر مستغرب منها بس مبسوط

ليان: اسر..... ا انا.... بحبك

اسر اتصدم وبصلها

ليان بطفولية: انا عايزة شوكولاتة بقي

اسر عارف انها مش في وعيها وبتقول اي حاجة وخلاص اكيد مش هتحبوا بالسرعة دي

اسر: طب قومي غيري هدومك

ليان : اه الفستان دا مضياقني اوي

وجريت علي اوضة الملابس.... واسر قاعد مستنيها وهو متاكد ان حد حطلها حاجة في العصير

@@@@@@@@@@@@@@@@@@@@

تحت في الصالة بعد ما الحفلة خلصت والمعازيم مشيو

اميرة بعصبية :فضحتناا شوفتوا عملللت ايه

كريمة بخبث :انا كنت عارفة ان البنت دي مش طبيعية

سيا بكبرياء: اسر ذوقوا دايما حلو مش عارفة ازي اختار البيئة دي

سميرة بعصبية : سيا ممكن تسكتي شوية، يمكن هي تعبت او حاجة

اميرة بعصبية : تعبت، تعببت ازاي يعني انتي مشوفتيهاش وهي عمالة تعيط زي الاطفال وتقول عايزة شوكلاوتة دا ايه العبط دا.... يقولو علينا ايه دلوقتي

كريمة :احنا خلاص اتفضحنا بسبب خدامة

سميرة بغضب :يووه دا انتوا ايه، انا تعبت وهدخل اوضتي اما اسر ينزلكم بقي ويشوف حكايتكم

@@@@@@@@@@@@@@@@@@@

برا في الجنينة

ميار كانت ماسكة التلفون وبتتكلم بخوف : ارجوك انت قولت مش هتعمل كدا انت عايز مني ايه بس

مجهول : انا قولت ال عندي يا اما تيجي يا اما افضحك قدام اخوكي..... وانا بصراحة سمعت كتير عن اسر السيوفي وال اعرفه انه مبيرحمش، فا تخيلي بقي هيعمل فيكي ايه لما يعرف ان اختوا ماشية عل حل شعرها

ميار بدموع و  بغضب وصوت عالي : اخرررس انت عارف كويس اني معملتش حاجة وانت ال ضحكت عليااااا

مجهول :انا قولت ال عندي وانتي ومزاجك بقي

وقفل السكة في وشها

ميار قعدت علي الارض وبدات تبكي

حازم كان واقف بعيد وسمع كل حاجة، قرب منها ونزل لمستواها

وميار رفعت وشها ليه واترمت في حضنه وهي منهارة

وحازم بقي يمسح علي شعرها بحنية

حازم بهدوء :احكي

ميار بعدت عنه وخايفة احسن يقول ل اسر

حازم مسك ايدها :قولي ومتخافيش انا في ضهرك

ميار ارتاحت ليه وبدات تحكي

ميار :ا انا اول ما دخلت الجامعة اتعرفت علي شاب وفهمني انو معجب بيا وبيحبني وانا حاولت ابعد ع عنه كتير لاني....

ب بحب حد تاني.... وبصت علي حازم.....

حازم بصلها بلهفة : مين هو مين دا

ميار بكسوف :......

حازم :طب كملي

ميار : جالي في يوم وقالي انو عايز نبقي اصحاب وبس وكان عايز مني اني افهمه حاجة في المحاضرة وانا صدقته.... واكملت بدموع.... وكنت غبية اخدني عربيته علي اساس هنروح اي كافيه، ل لكن هو خدرني واخدني شقته و....

حازم بغضب : وايييه.... انطقيي

ميار بدموع : م مش فاكرة حاجة كل ال فاكراه اني صحيت وهدومي كانت متق*طعة  و اكتشفت انو مصورني صور وحشة اوي....اكملت بلهفة....ب بس هو م ملمسنيش هو صورني بس انا روحت مع واحدة صحبتي لدكتورة وانا لسة سليمة..... بس المشكلة دلوقتي هو عايزني اروح بكرا الشقة دي

حازم وقف وبغضب :اسمه ايه الواد دا؟

ميار وقفت وبخوف  : و وائل

حازم :معاكي رقمه

ميار :ا اه

حازم :هاتيه

ميار عطته الرقم

حازم :انتي هتروحي عند بكرا وتتصلي عليا قبل ما تتطلعي من البيت فاهمة

ميار بخوف من شكله ال اتحول : ح حاضر

وبيمشي حازم  وميار هي مش عارفة ازي بس حست براحة لما حكتله

@@@@@@@@@@@@@@@@@@@@@

فوق عند اسر

بتخرج ليان من غرفة الملابس

واسر بيتصدم لما بيلاقيها لابسة قمي*ص من بتوعه ابيض

بتجري وتقف علي السرير، وبترفع ايدها لفوق وبضحك:يلاا نلعب

اسر برفعة حاجب : نعم؟!

ليان بتروح عنده وبتقعد علي رجلو

اسر بابتسامة خبيثة  :دا احنا شكلنا اتجرأنا زيادة عن اللزوم، بس عاجبني

ليان بتقرب منه وببراءة : ممكن اطلب طلب صغنون

اسر وهو سرحان فيها وبصوته الرجولي : وانا موافق

ليان بابتسامة : حتي قبل ما اطلب وافقت

اسر  قربها منو اكتر دفن وشه في رقبت*ها  وهمس بهدوء

: وانا تحت ايدك   اطلبي ال انتي عايزاه

ليان : ممكن اروح المدرسة

اسر بصلها :وانتي مقدمة في مدرسة

ليان ببراءة :لا

اسر : تمام بس بشرط

ليان بزعل طفولي عقدت زراعيها :يووه شرط تاني

اسر ابتسم :اممم

ليان بضيق طفولي :ايه هو بقي

اسر :مش دلوقتي هقولك بكرا اما تفوقي من ال انتي فيه.

ليان وقفت وبثقة :بس انا فايقة

وفجأة وقعت علي الارض

ليان:ااااه

اسر ابتسم وحاول يمنع ضحكته :طب يلا تعالي عشان ننام.

شالها واخدها ناحية السرير وحطها عليه

ليان ببراءة :ممكن طلب كمان صغنون

اسر استلقي جمبها :ايه

ليان :ممكن انام في.....

اسر فهم قصدها وابتسم وفتح دراعوا ليها :تعالي

ليان جريت عليه وابتسمت بطفولية ودفنت وشها في حضنه

وهو ابتسم عليها وحس باحساس جميل عمرو ما حس بيه قبل كدا

@@@@@@@@@@@@@@@@@@@@

في الصباح وتحديدا في الملجأ دخل مسعود بسرعة رهيبة علي رحاب

مسعود بصوت خشن :الحقي يا ابلة لقيتها

حنان بلهفة : لقيتها فين ياض

مسعود :دي مشهورة علي السوشيال ميديا يا ابلة ومعاها...... وسكت

رحاب :وريني كدا... اخدت التلفون وشافت الصورة واتصدمت

رحاب بخوف بلعت ريقها : اا اسر السيوفي

مسعود بنفس الخوف :هنعمل ايه دلوقتي الراجل دا مش سهل

رحاب :ما انا لازم اجيبها يعني اجيبها حتي لو هخطفها

مسعود :بس افترضي اسر السيوفي قفشنا

رحاب بعصبية :ما انت لازم تخلي بالك يا غبي احنا لو مرجعناش البت دي هنا هنخسر كتير..... جهز الرجالة ولازم تراقب البت دي لحد ما تخطفها

مسعود بقلق : ماشي

@@@@@@@@@@@@@@@@@@@@@

في القصر، في غرفة اسر

ليان صحيت ودماغها كانت واجعاها اوي حاولت تقوم لاقت نفسها مش عارفة تقوم وكانها مربوطة بترفع راسها وبتتصدم

ليان بصويت:ااااااااا

اسر صحي باستغراب من صويتها :في ايه

ليان بعدت عنه :ا انت ازاي تقرب م مني كدا

اسر ابتسم ورجع استلقي تاني : انتي ال جيتي بنفسك مش انا

ليان بصدمة :نعمم؟!

اسر : ايوا مكنتيش عارفة انتي بتقولي ايه امبارح 

ليان بتوتر : ب بقول ايه

اسر قام وقرب منها وحاصرها في الحيطة واقترب يشم ريحتها، وليان مقدرتش تمنعه ولا تبعد عنه

اسر بصوته الرجولي الهاديء : قولتيلي.... بحبك

ليان اتصدمت :ايه اناقولت كدا

اسر اممم : وقعدتي علي رجلي

ليان صدمتها بتزيد اكتر واكتر

اسر بصلها بابتسامة خبيثة : ولبستي قمي*صي

ليان بصدمة وهي يتبص علي نفسها وفعلا لابسة قمي*صه

جريت علي غرفة الملابس وهي بتصرخ:اااااااا

اسر ابتسمعلي منظرها وفجاة تلفونه رن

واستغرب لما لاقاه عدوو رجب

دخل البلكونة و رد

رجب بخبث :اهلا بعريسنا

اسر ببرود  : عايز ايه

رجب بشر:مش عايز حاجة، كنت عايز اباركلك بس واقولك خلي بابك من العروسة شكلكوا بتحبوا بعض اوي

اسر ببرود : وانت متصل بيا عشان الكلمتين دول

رجب :هههه تفهني انت كدا علطول، كنت بقول يعني لو تسلمني الشحنة ال هتيجي دي او.... هخلي العروسة تزعل

اسر بنفس البرود : طب ما تقول كدا من الاول عشان انا مبحبش اللف والدوران..... واكمل بنبرة مخيفة خلت رجب يخاف

: ولو تقدر تعمل حاجة اعملها، وانا مستني

وقفل السكة في وشوا

@@@@@@@@@@@@@@@@@@

خارج القصر

خرجت ميار واتصلت علي حازم وقالتلوا انا رايحة العنوان كذا

وركبت تاكسي

وراحت الشقة وهي خايفة رنت الجرس وفتح وائل

وائل بخبث :اهلا بالقمر بتاعي، انا كنت عارف انك مش هتكسري كلامي وهتيجي.... ادخلي

دخلت ميار وهي خايفة والدموع في عنيها

وائل قفل الباب واتجه ناحيتها بخبث

وائل :انا مكنش اعرف انك حلوة بالشكل دا، اوبس اسف نسيت اني شفتك قبل كدا من غير حاجة هههههه

ميار بخوف :ا ابعد عني والا هصوت ولم عليك الناس

وائل بسخرية :وانا معنديش مانع بالمرة تعرفي الناس كل حاجة واخوكي يعرف

وابتدا يقرب مزها وهي بترج لورا

فجأة

الباب بيتكسر وبيدخل حازم بغضب جنوني وبيمسك وائل من ياقة قميصه وبيضربه بالبوكس ووائل مش بيبقي قادر عليه

ميار واقفة في الزاوية بتعيط وحازم نازل ضرب في وائل

وائل وشو كلوا بقي ينزف ومش قادر ياخد نفسه

ميار بدموع : ح حازم ك كفاية ارجوك انت كدا هتضيع نفسك

حازم مردش عليها ومكمل

ميار بدموع وصوت عالي :حازم كفاية انا عايزاك جمبي

حازم وقف وبصلها.... وبعدين دخل علي اوضة وائل واخذ التلفون والابتوب وكسرهم مليون حته ودور كويس وملقلاش اي فلاشات او اي حاجة تاني

وبعدين اخد ميار وخرجوا، وركبوا العربية

حازم قاعد بياخد نفسه وهو متعصب

ميار :ح حازم

حازم بعصبية :تانييي مرة متكلميش شبااب في الكلية انتيي فاهمة

ميار بخوف :ح حاضر... وبعدين بتعيط

حازم هدي بعد ما شاف دموعها:انا اسف مكنش قصدي اتعصب عليكي

ميار بدموع :ل لا متتاسف انت معاك حق

حازم بيمسك وشها ويقربها منه :لا انا عملت كدا غصب عني من غيرتي عليكي

ميار بصتله : غيرتك

حازم بصلها بحب :ميار انا.... انا بحبك

ميار مصدومة وبنفس الوقت مكسوفة وساكتة

حازم :ايه مش هتقولي حاجة

ميار نزلت وشها في الارض :ا انا.....

حازم بحزن :انا فهمت انتي بتحبي حد تاني

ميار بسرعة :لااا انا بحبك انت

حازم ابتسم، وميار استوعب هي قالت ايه ولفت وشها الناحيةالتانية بكسوف وهي مبتسمة

حازم  وهو مبتسم : طب هوصلك البيت دلوقتي عشان ميحسوش انك اتاخرتي

وميار ساكتة خالص........

@@@@@@@@@@@@@@@@@@@

#ليان_الزعيم

البارت 7

حازم سايق العربية ومبتسم، وميار لافة وشها الناحية التانية ومكسوفة

ميار بكسوف:احم..... ابيه حازم م ممكن متقولش حاجة لابيه اسر

حازم :حاضر بس بشرط

ميار بصتله :ايه هو؟

حازم بصلها وابتسم :بلاش ابيه دي عشان بتجبلي حموضة

ميار مقدرتش تمنع ضحكتها : ههه حاضر

حازم سرح فيها

ميار بخضة : حازم خلي بالك

حازم بص للطريق وكان فيه شاحنه قدامهم، بس هو قد يتفداها بسرعة

حازم :اسف مكنتش واخد بالي..... كنت مركز في حاجة اهم

ميار بكسوف : طب ركز بقي علي الطريق

حازم :احم طب ممكن اطلب طلب

ميار :اتفضل

حازم :ممكن نتقابل بليل، انا عازمك علي العشا

ميار بابتسامة :اممم.... موافقة

@@@@@@@@@@@@@@@@@@@@@ 

في القصر  وتحديدا في اوضة اسر

خرجت ليان من الحمام لابسة بلوزة وبنطلون اوفر سايس

وشعرها مبلول....... خرجت وهي محروجة انها تواجه اسر

ووقفت قدام المراية تنشف شعرها

واسر كان قاعد علي الانتريه وماسك الابتوب

ليان باحراج : ا ع علي فكرة انا ال عملته ا امبارح دا مكنش ب بقصدي ا انا كنت يعتبر  فاقدة الوعي. 

اسر كان مركز في الابتوب:اممم

ليان والدموع في عنيها:اسفة..... اكيد منظركم قدام الناس كان وحش بسببي

اسر بصلها وقام وقف وهو حاطط ايه في جيبه : مش ذنبك، في حد حطلك حاجة في العصير، وحصل ال حصل خلاص

ليان وهي بتمسح دموعها بكف ايدها : ب بس اكيد عيلتك ا اتضايقت

اسر وهو متجه للبلكونة : انا هتصرف معاهم

ليان وهي منزلة راسها في الارض : ا اسر

اسر وقف وبصلها  :نعم

(الواد بيحب يسمع اسمه منها 🙂)

ليان والدموع في عنيها : ا انت..... انت اتجوزتني ليه

اسر  سكت

ليان بصتله : رد عليا

اسر لفه وشه الناحية التانية وببرود: خلصي عشان ننزل

ليان راحت عنده  وبعند : بس انا عايزة اعرف

اسر بحدة : بعدين

ليان خافت منه بس حاولت تظهر عكس كدا : لا مش همشي الا لما تقولي

اسر صرخ فيها : قووولت بعديين 

ليان خافت ورجعت لورا ودموعها بدات تنزل وجريت علي الحمام

اسر اتنهد وقعد علي السرير، وبدا يفكر في حاجة وهو مضايق

.......... بعد مدة

خرجت ليان من الحمام وعنيها كانت حمرا ومنزلة وشها في الارض

اسر ببرود قام :ورايا

مشيت وراه وطلعو برا الاوضة

@@@@@@@@@@@@@@@@@@@@

تحت في الصالة

الكل قاعد علي السفرة مستنين اسر ينزل

وبالفعل اسر نازل علي السلم ووراه ليان

اسر قعد علي الكرسي بتاعه:صباح الخير

الكل :صباح الخير

وليان قاعدة وساكته، واميرة مش طايقة وجودها

اميرة بضيق :احنا مش هنتكلم بقي علي ال حصل امبارح

ليان اتحرجت

اسر بجدية : بعدين

اميرة قامت بغصب : لا بقي كل حاجة بعدين بعدين انا زهقت، مش كل مرة هتدافع عنها وتسكت كدا، انا زهقت من البنت دي ومش راضية عن وجودها وسطينا.... دي احرجتنا امبارح، وانا مش قادرة احط عيني في عين حد

ليان بدموع وهي محروجة: انا اسفة

و قامت جريت علي فوق

اسر قام وقف بغضب : هو فيه ايه بقي،انتوا ما بتصدقوا مكنتش في وعيها افهموا بقي دي لعبة 

كريمة : لعبة، لعبة ايه دي.... دي اكيد البنت دي عملت كدا عشان تفضحنا مش اكتر

اسر بصلها بحدة :متخلنيش اعرفك الفضيحة بتبقي ازاي

كريمة بتوتر سكتت

قامت سيا بعصبية  : لا بقي  مامي مغلطتش، البن....

قاطعها اسر بنظرة مخيفة :ها كملي

سيا بخوف منه :ا ل لا ولا ح حاجة

اميرة بغضب : بس انا مش متقبلة البنت دي معانا هنا

اسر  بهدوء : ممكن نتكلم شوية علي انفراد

مشي هو واميرة وراحوا الجنينة اميرة قعدت علي الكرسي 

اسر : ماما انا عارف انك مضايقة اني اتجوزت بسرعة، وانك مكنتيش متخيلة اني اتجوز ليان، بس انا كمان كنت مجبور علي كدا

اميرة باستغراب:مجبور، مجبور ازاي يعني

اسر حكالها حاجة وهي اتصدمت....

في الوقت دا سيا كانت واقفة بعيد واتصدمت، وبعدين ابتسمت بشر : الحكاية شكلها كدا هتحلو

@@@@@@@@@@@@@@@@@@@@@

فوق عند ليان

كانت قاعدة علي السرير وبتبكي وضامة رجليها ليها

دخل اسر الاضة  ووقف قدامها

ليان بدموع : ا انا مكنتش ا اقصد ا انا اسفة

اسر قرب منها واخدها في حضنه وهي اترمت في حضنه وقعدت تبكي

وبعد مدة بدات تهدا بس لسة في دموع علي وشها

طلع من جيبه شوكولاته

ليان اول ما شافت الشكولاته نسيت اصلا هي كانت بتعيط ليه وقامت واخدتها منه وهي بتضحك

ليان بضحك : الله انتي جبتلي شوكولاااتة

(همها علي بطنها بقي 🙂)

اسر ابتسم عليها وبعدين اتكلم : انتي كنتي عايزة مني طلب

ليان بصتله باستغراب : ايه هو؟!

اسر :تروحي المدرسة

ليان بصدمة : ا انت عرفت ازاي

اسر : انتي ال طلبتي مني امبارح

ليان بسرعة :يعني انت موافق

اسر  ابتسم بخبث:اممم بس بشرط

ليان بعفوية : اشرط ال انت عايزه انا موافقة

اسر ابتسم اكتر :يعني موافقة

ليان بطفولية :اه... .. ايه هو بقي؟

اسر بخبث : اصل تيتة عايزة وريث العيلة

ليان بصدمة : ا ايه..... ااااااااا     وجريت من قداموا

ليان بصوت عالي :لا خلااص مش عايزة اروح المدرسة

اسر قام وقف وقرب منها بخبث  :اهدي بس

ليان عيطت : لا خلاص مش عايزة اروح

اسر ضحك عليها وبعد وقعد علي السرير : خلاص خلاص انا بهزر اصلا  متعيطيش

ليان اتغاظت : تصدق انك مستفز     وبعدين سكتت لما شافت ضحكته، اول مرة تشوفه بيضحك

ليان وهي سرحانة فيه وغمازاته : انت بتبقي عسل خالث لما تضحك

( اهلا ومرحبا بكم مع الواد ابو غمازات🙂)

اسر سكت وبقي مستغرب من نفسوا دي اول مرة في حياتوا يهزر اصلا

دي لو العيلة عرفت هيغمي عليهم

 اسر :احم انا رايح الشركة

ليان :استني يعني كدا خلاص هتخليني اروح المدرسة

اسر : ايوا

@@@@@@@@@@@@@@@@@@@@@@@

خارج القصر

وصل حازم ومعاه ميار

ميار قبل ما تنزل

حازم: هشوفك بليل

ميار بكسوف :حاضر

حازم بابتسامة : بحبك

ميار بكسوف : شكرا    ونزلت جري من العربية

حازم بحب : اخيرا اللحظة ال كنت مستنيها

@@@@@@@@@@@@@@@@@@@@@@

في مكان مجهوليجلس راجل في اوائل الستينات

رجب بغضب :بقي يتقالي كدا، ولله ما هسكت

جه مساعده : هتعمل اي ياباشا

رجب : هو واثق من نفسوا زيادة عن اللزوم، بس انا هكسرلو ثقته دي

بيدخل واحد من رجالة رجب :احنا عرفنا اخبارها يا باشا.

رجب بسرعة :قول

الراجل :دي كانت عايشة في ملجأ والست المشرفة بتدور عليها وووو.....

رجب :وايه؟ انطق

الراجل : هي متحتطش في الملجأ كدا وخلاص في حد حطها وخلص علي اهلها 

رجب : مين؟!

الراجل : كمال السيوفي

رجب بصدمة :ايه كمال .... وبعدين ضحك بشر.... :ولله ووقعت يا اسر.... بقي ابوك يعمل كل دا وانا اسكت

@@@@@@@@@@@@@@@@@@@@@@

في الملجأ

رحاب قاعدة علي مكتبها وبيجيلها اتصال من مجهول

رحاب :الو

مجهول :انا عارفة انك عايزة ليان ب اي طريقة وانا هساعدك

رحاب بلهفة :بجد؟! ط طب انتي مين

مجهول : مش مهم انا مين المهم ان انا اخلص منها وانتي تاخدي ال عايزاه

رحاب : وانا جاهزة قوليلي اعمل ايه

مجهول : تعملي ال هقولك عليه دلوقتي..............

@@@@@@@@@@@@@@@@@@@@@@

بليل

في غرفة اسر وليان

ليان كانت قاعدة علي السرير ماسكة الموبايل ، واسر كان لسة ماجاش من الشركة

فجأة الباب اتفتح ودخل اسر وكان معاه شنطة كتيرة اوي

دخل وحط الشنط علي الكنبة وراح عند ليان

ليان بابتسامة :مساء الخير

اسر : تيتة تحت قالتلي انك ماكلتيش

ليان : لا اكلت بس هنا في الاوضة، محبتش انزل تحت ويحصل زي ال حصل الصبح

اسر قرب منها :انتي هنا واحدة من العيلة يبقي تنزلي وتقعدي معاهم

ليان : حاضر حاضر

وبعدين شافت الاكياس واتحرجت تروح تشوفها

ليان وهي باصة للاكياس ى ه هي ايه دي؟

اسر قل*ع جاكت البدلة وقعد علي الكرسي :افتحيهم

ليان جريت عليهم وفتحتهم لقيت فيهم لبس المدرسة وشنطة وكتب واقلام

ليان بفرحة :كل دا عشاني انا

اسر :امممم

ليان من فرحتها جريت عليه وحضنته :شكرا شكرااا شكراا

ليان استوعبت انها قعدت في حضنه وكانت لسة هتقوم بس اسر شدها ليه ودفن رأسه في رقبت*ها ومش قادر يبعد عنها

ليان بخوف : ا اسر

اسر طبع قب*لة عليها، وليان حست برعشة غريبة

اسر جه يقرب اكتر.... ليان بعدت عنه

ليان بتوتر : ا انا نعسانة و وعايز ا انام

اسر بصلها كتير دي اول بنت تسيطر عليه بالطريقة دي

(رغم ان هي معملتش حاجة اصلا 🙃)

اسر سابها وهي اخدت الاكياس وجريت علي اوضة الدريسنج

اسر القي راسه علي الكرسي واتنهد : انا مش عارف بيحصلي ايه لما ببقي قريب منك..... رغم ان انتي مجرد وصاية

ليان دخلت اوضة الملابس وهي بتنهج ومش عارفة تعمل ايه

مسكت قلبها وقالت بتوتر : م معقول، معقول بقيت بحس بمشاعر اتجاهه....واكملت بحزن....:بس هو مش بيحبني، انا مش عارفة اصلا لحد الان هو اتجوزني ليه

رتبت حاجتها وبعدين طلعت لقيته غير هدومة ومستلقي علي السرير

قربت من السرير واستلقت عليه واستعدت للنوم

بس فجأة حست بيه  بيحضنها من وراها وبيشدها لعنده

ليان بخوف وهي بتحاول تبعد : ا اسر ممكن تبعد شوية

اسر وهو مغمض عينيه وشدها ليه اكتر :شششش نامي

ليان سكتت واستغربنت منوا، هي مش عارفة هو بيحبها ولا بيكرها ولا ايه حكايته..... 

(هسيبكم علي نار 😁)

@@@@@@@@@@@@@@@@@@@@@

خارج القصر في حته فاضية

واقف حازم مستني ميار    بعد وقت خرجت ميار وهي بتتسحب

حازم اول ما شافها ابتسم: اخيرا اتاخرتي اوي

ميار  بضحك:معلش ولله لحد ما قدرت افلسع منهم

حازم بضحك :طب كدا العشا ضاع

ميار :ههه مش مشكلة نحلي بقي ونجيب ايس كريم

حازم مسك ايديها : احلي ايس كريم لحب عمري

ميار اتكسفت ومشيت معاه

حازم اخدها وراحوا محل ايس كريم غالي وقعدوا كتير مع بعض واتكلموا كتير وحكالها هو بيحبها من ايمتا وهي كمان

@@@@@@@@@@@@@@@@@@

ليان_الزعيم

البارت8

في الصباح الساعة 6 في اوضة اسر وليان

ليان رايحة جاية ومتحمسة للمدرسة

اسر فتح عينه لما سمعها بتتنطط هنا وهنا

اسر وهو علي وضعه:في ايه؟

ليان بحماس :انت مش قولت اني هروح المدرسة النهاردة عشان كدا لازم اجهز كل حاجة

اسر : انا قولت كدا

ليان : لا مقولتش، بس انا استنتجت لما جبت اللبس والادوات االمدرسية

اسر وهو مستلقي علي معدته وحاضن المخدة : طيب يا ست المستنتجة انتي عارفة الساعة كام دلوقتي

ليان : ايوا طبعا ما انا لازم اجهز نفسي واستحمي و....

اسر :خلاص  خلاص شوفي ال هتعمليه وسيبيني انام

ليان راحت علي الحمام..... واسر كمل نوم

@@@@@@@@@@@@@@@@@@@@@@

في اوضة ميار

صحيت من النوم بسبب خبط علي الباب

فتحت الباب واتصدمت لما لقته حازم  ال دخل وقفل الباب وراه

ميار بصدمة :ح حازم انت بتعمل ايه هنا

حازم قرب منها وحاصرها عند الحيطة : جيت اقولك صباح الخير

ميار بكسوف وخوف : افترض حد حس بينا انت لازم تطلع برا

حازم  بحزن مصتنع : مراتي بتطردني من اوضتها مكنتش متوقع الصراحة يطلع منك كل دا

ميار ضحكت : اه هطردك

وبعدين مسكت ياقة بدلته واكملت بدلع : وبراحتي

حازم شدها من وسط*ها : اصبري بس لما يتقفل علينا باب  وتبقي حلالي مش هرحمك

ميار فلتت منه وطلعت لسانها : ولا تقدر تعمل حاجة

لسة هيقرب منها.... فجأة الباب خبط، وميار اتخضت وخافت

ميار وهي بتشد حازم للحمام وبهمس : يلا ادخل بسرررعة

حازم : مش عايز ادخل

ميار بصتله :افترض دا كان ابيه اسر

حازم :عادي هقوله بحبها

الباب خبط تاني

ميار برعب :حازم ارجوك منظري هيبقي وحش قدامهم وهيفهمونا غلط

حازم متجه ناحية الحمام :عشانك انتي

ميار حاولت تهدا وراحت تفتح الباب

لقيتها سيا

ميار :سيا.... عايزة ايه

سيا دخلت علطول : ايه كنتي فين كل دا، انا بخبط من الصبح

ميار بضيق: ها لا كنت نايمة بس.... ايه ال صحاكي بدري انتي اصلا

سيا بغرور :كنت بعمل رياضة.... بس كنت معدية من هنا وسمعت صوت

ميار بتوتر :ا ايه ص صوت....هييجي منين الصوت ما بقولك كنت نايمة

سيا بشك :مش عارفة يمكن حرامي

ميار : حرامي ايه ال انتي بتقوليه دا... دا الحرامي يخاف يعدي من شارعنا اصلا وهو عارف مين ال عايش هنا

سيا وهيا بتتلفت في الاوضة :امممم ماشي وكانت متجهة للحمام

ميار بعصبية :سيا ممكن تطلعي بقي انا ورايا كلية ولازم اجهز نفسي

سيا :الله ما تهدي شوية.... ولا تكوني مخبية حاجة جوا

ميار بضيق :لا مش مخبية حاجة بس حاجتي الشخصية جوا وكدا عيب

سيا : هه ماشي... وبعدين اكملت بخبث.... بس لو طلع فيه حاجة تانية اناي عارفة اني مش بقدر اتحكم في لساني

وخرجت وهي بتضحك

ميار جريت علي الباب وقفلتوا كويس وراحت الحمام

حازم :انا مش عارف انتو عايشين مع المخلوقة دي ازاي

ميار :انا مش بطيقها بس خالتي بقي ال لازقة عندنا ومينفعش اتكلم عشان ماما

حازم : اسر يقدر يطردهم ومحدش يتكلم

ميار :عارفة بس هو خايف علي زعل ماما..... ويلا انت لازم تطلع من هنا فورا

حازم بمشاكسة :ماشي يا  قلبي

ميار ابتسمت

حازم كان متجه ناحية الباب ميار جريت ووقفتوا

حازم:في ايه؟

ميار بقلق :اكيد سيا دي واقفة قدامة الباب هي شاكة اصلا، لازم تنط من البلكونة

حازم بهزار :معقول هتحدفيني من البلكونة في اول مراحل حبنا

ميار بضحك :لا متخفش انا اصلا مقدرش استغني عنك

حازم :قلبي دا بيدوب من ضحكتك

ميار اتكسفت.... وراحت جابت ملايات كتير وربطتهم في بعض وراحت عند البلكونة وربطتها كويس،وحازم  مسك فيهم وبدا ينزل وقرب يوصل وكان هيقع

ميار بخوف عليه : حاسب ياحبيبي

حازم اول ما سمع حبيبي ايده فلتت ووقع، بس محصلوش حاجة

حازم وهو ماسك ضهروا : يخربيت كلامك المعسول ال بيجيبني في الارض

ميار فوق وبتضحك :معلش تعيش وتاخد غيرها

حازم قام وعطاها بوس*ة في الهوا

وميار اتكسفت :باييي

ودخلت جوا

وبدات تجهز نفسها عشان تروح الجامعة وهي مبتسمة من ال حصل وكل متفتكر منظرو وهو بيقع بتضحك

@@@@@@@@@@@@@@@@@@@@@@

في اوضة ليان خلصت ولبست هدومها وكانت قاعدة قدلم المراية بتحاول تظبط شعرها ومش عارفة

اسر بيصحي ويشوفها وهي مبهدلة شعرها بيقوم ويقرب منها

ويمسك شعرها ويظبطوا ، وليان مكسوفة وساكتة

اسر خلص ولف وراح الحمام

ليان :انا مش عارفة ايه التحول دا مرة يبقي حنين ومرة بارد ومرة قليل اد*ب

بعد مدة بيطلع اسر وهو لابس بدلته

ليان قامت من علي الكرسي : انا متحمسة اوي

اسر وهو بيلبس الساعة : هيعملوا ليكي اختبار يشوفوا مدي تعليمك

ليان بثقة :وانا جاهزة، انا صحيح مروحتش مدرسة قبل كدا، بس كنت بتعلم من الكتب ال بتيجي من المؤسسة الخيرية

وقرات كتب كتير اوي ومتعلمة حلو اي

اسر :كويس

وبعدين بيخرجوا برا الاوضة ومتجهين لتحت

@@@@@@@@@@@@@@@@@@@@@@

علي السلم، ميار كانت نازلة وفي نفس الوقت نزل اسر وليان وراه

ميار بذهول :ليان.... ايه الحلاوة دي

ليان بفرحة: شوفتي يا ميار اسر وافق اني اكمل تعليمي وانا رايحة دلوقتي المدرسة

ميار : انتي عندك 18 سنة يعني اخر سنة ليكي؟

ليان :اه

ميار بابتسامة :بالتوفيق.... بس متنسيش اني كبر منك ههه

ليان بضحك :هتفضلي اوزعة في نظري

ميار بهزار وحزن مصتنع: بقي انا اوزعة ماشي الله يسامحك

ضحكت ميار وليان في وقت واحد، ونزلوا علي السلم والكل قعد في مكانه

الجميع مستغرب من لبس ليان

الجدة سميرة : ايه دا يا بنتي لابسة لي كدا

ليان ببتسامة :هروح المدرسة

كريمة :هه مكنش ناقصنا غير طفلة نوديها المدرسة

سميرة  مهتمتش بكلام كريمة : ايه الحلاوة دي، يعني انتي هتروحي دلوقتي

ليان :اه

اميرة : احم.... مبروك

ليان فرحت انها كلمتها كويس وبابتسامة : شكرا

كريمة اتصدمت من اميرة ازاي كدا دي كانت لسة مش طايقاها امبارح

وسيا مكنتش مستغربة وعارفة هي قالت كدا ليه

الكل انهي طعامه زواسر قام وليان مشيت معه عشان يوصلها

اسر لميار : تيجي اوصلك

ميار  وقفت اكل: ااا ل لا حازم.... ق قصدي ابيه حازم هيوصلني

اسر : تمام

طلعوا علي الصالة ومتجهين ناحية الباب الرئيسي

وقفتهم سميرة :استني يا ليان هخلي الخدم يعملولك لانش بوكس

اسر وهو بيطلع حاجة من جيبه :مفيش داعي

وطلع فيزا من محفظته وناولها لليان

ليان رفعت وشها ليه : د دي ليا انا

اسر : اشتري ال انتي عايزاه من الكافيتيرا 

ليان فرحت واخذتها :شكرا

وخرجوا وليان ركبت معاه العربية ووراهم عربيات الحرس 

@@@@@@@@@@@@@@@@@@@@@@

وبعد مدة وصلو  ونزلت ليان ونزل معاها اسر 

ودخلوا المدرسة وليان متوترة وماسكة في بدلة اسر

المدير بلهفة : يا اهلا وسهلا ب اسر بيه اتفضل يا باشا

ودخلو المكتب  وقعدوا علي الانتريه

المدير قعد قدامهم : دلوقتي هتيجي فرقة عشان تختبر المدام

ليان قاعدة ماسكة دراع اسر وخايفة

دخلت اللجنة ومعاهم الامتحان

قامت ليان وقعدت علي كرسي وقدامها طربيزة

وابتدت تحل وهي متوتر وبصت علي اسر ال طمنها بعنيه وهي اتشجعت وحلت كويس

خلصت وجريت قعدت جمب اسر

اللجنة صححت الورق واذهلوا من اجابتها الكاملة وفعلا نجحت

ليان ابتسمت وبصت لاسر بثقة :مش قولتلك

اسر ابتسم عليها

المدير : كدا هي تقدر تبدا اليوم الدراسي من دلوقتي

اسر ببرود : انا مش عايز مشاكل ولو حصل حاجة تتصل بيا

المدير بسرعة :اكيد طبعا حاضر

اسر جه عشان يمشي، ليان مسكت فيه

ليان والدموع في عنيها : ا اسر ا انا خ خايفة

اسر بصلها وحاوط وشها بايده :امال فين الصداع بتاع الصبح دا

ليان  بحزن: مكنتش حاسبة حساب لما اوصل لهنا

اسر :متقلقيش انا معاكي، اهم حاجة تركزي في دراستك عشان تشتغلي معايا في الشركة

ليان بلهفة :هتخليني اشتغل معاك في الشركة

اسر :ايوا طبعا بس بعد ما تتخرجي

ليان بحماس : حاضر

اسر وهو ماشي بصلها : متعمليش مشاكل

ليان ابتسمت :حاضر

ومشي اسر...... والمدير اخد ليان علي فصلها الجديد

@@@@@@@@@@@@@@@@@@@@@@

قدام القصر جه حازم وميار كانت مستنياه   وركبت معاه العربية 

ووصلها علي الكلية ميار قبل ما تنزل حازم قالها

حازم :متكلميش شباب

ميار :حاضر

حازم : متقعديش لوحدك في مكان فاضي

ميار :حاضر

حازم : ولو اتصلت عليكي تردي علطول

ميار :حاضر

حازم :و....

قاطعته ميار بضحك :خلاص يا حازم فهمت ولله

حازم مسك ايدها :خايف عليكي ياقلبي

ميار اتكسفت وشدت ايدها : يلا بقي باي هتاخر

حازم : هبقي اجي اخدك

ميار :تمام

@@@@@@@@@@@@@@@@@@@@@@@

اسر وصل الشركة  وقاعد في مكتبه وبيشتغل علي الابتوب

دخل حازم بسرعة

اسر :في ايه

حازم : رجب عايز يقابلك

اسر رفع عينه ليه وسند رأسه علي الكرسي

اسر ببرود :دخله

دخل رجب وبضكة مستفزة :ههههه حبيبي يا اسر

اسر قعد بهيبة : في ايه تاني

رجب بشر : انا جيلك في كل خير

اسر ببرود : مش فاضيلك انجز

رجب ابتسم : هه حاضر كنت جاي اقولك اني عرفت كل حاجة

اسر بنفس البرود : اممم .... وايه بقي الحاجة المهمة دي ال خلتك تيجي وتقعد قدامي كدا عادي

رجب :ههه ما انا عارف ان ال هقوله صدمة بالنسبالك.... اكمل بهمس..... انا عرفت ابوك عمل ايه

اسر رفع حاجبه

رجب : عرفت عمل ايه في الطفلة المسكينة ال دمر حياتها ورماها في الملجأ

اسر اتصدم بس مبينش صدمته

رجب بخبث :وعرفت مين الطفلة دي...... الطفلة دي تبقي مراتك يا اسر

اسر ببرود :وانت عايز ايه يعني؟

رجب بشر :الشحنة يا اسر عايزها يا اما اروح اقول كل حاجة لمراتك

اسر ابتسم : وانت متخيل كدا اني هوافق

رجب :انت لازم توافق يا اسر والا....

اسر برفعة حاجب  :والا ايه

رجب سكت مش عارف يقول ايه

اسر ببرود : قولتها قبل كدا وهقولهالك تاني، لو تقدر تعمل حاحة اعملها  وانا مستني اشوف هتعمل ايه

وبعدين رجع رأسه لورا :   أبهرني

رجب اتضايق وحس بالاحراج وقام بغضب: اانا مش هسكت يا اسر

اسر ببرود :وحد منعك ما تتكلم

رجب اتنرفز وخرج خارج الشركة خالص

دخل حازم :هو عرف؟!

اسر بغضب :ايوا

حازم :طب وهتعمل ايه؟

اسر : رجب بقي مزعج اوي، لازم اديله قرصة ودن صغيرة

حازم ضحك : كلمة صغيرة دي بتخرب املاك

اسر : اما في موضوع ليان هبقي اقولها الحقيقة

حازم : هتقولها ايه

اسر وقف من علي الكرسي واتجه وقف عند الازاز ال في مكتبه ال بيعرض المدينة وحاطط ايده في جيبه

اسر : هجاوبها علي سؤالها، وهقولها اني اتجوزتها وانا مجبور بسبب وصية ابويا ال ندم بس بعد فوات الاوان......، و انه خلص علي اهلها ....ورماها في الملجأ عشان شوية الماس، ال ضاعوا منه في النهاية وماستفادش منهم حاجة،  وانها اتيتمت بسببه....

هخليها تكمل تعليمها وتشتغل و..... وكل واحد سروح لحاله

حازم بصدمة :هتطلقها

اسر بغضب :امال اعمل ايه يعني ،  انت عارف انها مجبورة علي الجوازة دي وهي هتفضل معايا بس لحد ما تخلص تعليمها

حازم  : احم يعني انت محستش بحاجة اتجاهها

اسر سكت  وافتكر لما بيتسم علي اي حاجة بتعملها، ولا لما بيقرب منها مش بيعرف يقاوم او يسيطر علي نفسه

اسر بتغيير الموضوع : هاتلي اوراق شركة فرنسا

حازم بابتسامة وهو عارف انه وقع بس بيداري : حاضر يا زعيم

@@@@@@@@@@@@@@@@@@@@@@@

في المدرسة، جه وقت البريك وليا قاعدة في الفصل وخايفة تطلع

قربت منها بنوتة ومدت ايدها ليها

نور : اهلا

ليان بصتلها وسلمت عليها : اهلا

نور بابتسامة واسعة : انا اسمي نور، انتي اسمك ايه بقي؟

ليان بابتسامة : اسمي ليان :اتشرفت بيكي يا نور

نور قعدت علي المكتبة ال قدامها : القمر قاعد لوحده ليه بقي

ليان : لا بس دا اول يوم ليا في المدرسة ومش متعودة لسة

نور :اه فهمت... طب تعالي معايا

ليا باستغراب : هنروح فين

نور : هنروح الكافيتريا ناكل حاجة، يلااااا

ليان قامت معاها وراحوا مطعم المدرسة

وطلبوا اكل وقعدوا ياكلوا

وفجأة، طبت عليهم متنمرة المدرسة

(المتنمرة دي البت ال بتبقي عايزة ضربة الشبشب الطائر 🙂)

كارما بغرور :اني بقي البنت الجديدة

ليان :اه

كارما وهي بتكلم صاحبتها ال جمبها :هههه شوفي رقيقة ازاي

، دا احنا هنتسلي اوي

نور بعصبية : كارما ملكيش دعوة بيها هي معملتش ليكي حاجة

كارما بكبرياء :ابعدي انتي عن الموضوع احسن ليكي

.... ووجهت كلامها لليان :وانتي بقي ياسكرة استعدي لايامك معايا عشان هننبسط اوي

ليان خافت وسكتت

@@@@@@@@@@@@@@@@@@@@@

خلص اليوم الدراسي ورجعت ليان القصر وكانت تعبانة جدا وراحت علي اوضتها فورا 

بليل جه اسر  ولاقاها بتذاكر

اسر وهو بيقلع الجاكت :ايه اخبار المدرسة

ليان وهي ماسكة القلم : كويسة وحلوة

مرديتش تقوله علي كارما لانها فاكراها بتقول اي كلام وخلاص

اسر : امممم، حد ضايقك

ليان : ل لا

اسر راح ناحية الحمام عشان ياخد شاور، وليان ذاكرت شوية وبعدين تعبت من المذاكرة وراحت علي السرير وهتستعد للنوم اسر خرج ببنطلون بس وكان عا*ري الصد*ر

راح واستلقي علي السرير

ليان فتحت عينها لقيته بالشكل دا. كانت هتقوم بسرعة زي كل مرة بس المرة دي اسر شدها وقربها منوا واخدها في حضنه

اسر بهدوء :مش هاكلك

ليان بصتله  :انا موافقة ننام كدا، بس بلاش قلة اد*ب

اسر ابتسم :حاضر

ليان بطفولية : هو انت بتنفخهم ازاي؟

اسر برفعة حاجب : هما ايه دول

ليان :عضلاتك

اسر ضحك : طب نامي وانتي ساكته

ليان ابتسمت وقربت وحضنتوا اكتر

اسر كان بيفكر هيقولها الحقيقة امتا ، بس حس ان فيه مشاعر ليها في قلبه.... وضمها اكتر لحضنه

@@@@@@@@@@@@@@@@@@@@@

في الصباح خبطط الخدامة علي اسر

واسر وليا صحيوا واسر قام فتح وليان بتفتح عينها وراحت وراه

اسر للخادمة :فيه ايه؟

الخادمة: فيه اتنين تحت عايزين الست ليان

ليان استغربت

اسر :مين دول؟

الخادمة :واحدة اسمها رحاب وراجل اسموا مسعود

ليان اتصدمت ورجعت لورا ومبقتش عارفة تاخد نفسها كويس، بقت بتتنفس بصعوبة

اسر بصلها :ليان

ليا كانت مرعوبة والدموع في عنيها وعمالة ترجع ورا  لد ما وقعت علي الارض وعمالة تاخد نفسها بالعافية

اسر قرب منها و..........

@@@@@@@@@@@@@@@@@

#ليان_الزعيم

البارت 9

ليان بانهيار ودموع ومش قادرة تاخد نفسها: ا انا.... ا  ل لقوني ه هيخلصوا ع عليا

مشيت الخادمة

 واسر قرب من ليان وحضنها

ليان بدموع وهي في حضنه : ا اسر ارجوك م متسبنيش، ا انا هسمع كلامك ولله ب بس متسبنيش ليهم

اسر بصلها : متنسيش اني قولتلك هحميكي منهم....تعالي معايا يلا

ليان بخوف :ل لاا م مش هنزل تحت، ارجوك م مش عايزة انزل

اسر قومها ومسك ايدها وبصلها بنظرة كلها امان :انا معاكي

@@@@@@@@@@@@@@@@@@@@@@

تحت في الصالة

مسعود ورحاب عمالين يبصوا للقصر وهما مبهورين

والعيلة مستغربة مين الناس دي وعايزين ايه من ليان

رحاب لمسعود  بحقد :شوف البت المحظوظة عايشة فين واحنا عايشين فين 

مسعود : محظوظة طول عمرها البت دي

نزل اسر علي السلم بكل هيبته ووراه ليان ال ماسكة فيه ومخبية نفسها ورا ضهروا

رحاب اول ماشافتهم قامت من مكانها

رحاب بفرحة مصتنعة : لياااان حبيبتي وحشتيني، بقي كل دا متساليش عننا

وقرب عشان تروح عندها وتحضنها..... بس اسر وقفها بكف ايده

اسر بحدة :عايزة ايه

رحاب بخوف :ي يابيه دي بنتنا وانا جيت اطمن عليها، بعد ما عرفت انها اتجوزت

وقربت تمد ايدها لليان

ليان انكمشت في اسر وبدات تبكي

رحاب بغضب بس مش مبينها وهي بتجز علي سنانها: تعالي ياحبيبتي

مسعود :انتي خايفة ليه كدا، هو احنا هناكلك.... تعاليي هنا يا بت

وقرب عشان يشد ليان

اسر بصله بحدة ومسك اديه ولفها خلاها تتكسر

اسر بحدة :تفكر مليون مرة قبل ما تقرب لحاجة تخص اسر السيوفي

مسعود وقع علي الارض من الالم

واسر اخرج مسد*سه ووجه ناحية  رأس مسعود

مسعود رفع راسه  ليه وهو خايف

ورحاب واقفة خايفة ومش عارفة تعمل ايه

والعيلة  مصدومة، واكترهم ليان ال شافت المسد*س في ايد اسر

ليان بخوف من منظر اسر  : ا اسر

اسر لمسعود بنظرة كلها شر : انا اقدر انهيك من الوجود دلوقتي ومحدش هيسأل عليك

مسعود وهو بيبكي :لا يا بيه انا اسف  سامحني، متقت*لنيش

رحاب بخوف وهي بتبلع ريقها : ي يا بيه مينفعش كدا، احنا اسفين ولله.... ا احنا كنا جايين نطمن عليها

اسر بصلها بحدة : اطلعي برا.... ولو عرفت انها شافتك بالصدفة، يبقي تخلصي علي نفسك قبل ما اوصلك

رحاب وهي بتشد مسعود بخوف :ح حاضر يا بيه مش هتسمع اسمي من هنا ورايح.....يلااا قوم ياض

وبالفعل طلعوا... واسر حط مسد*سه مكانه

اميرة باستغراب :مين دول يا اسر؟!

اسر ببرود  : شوية مجانين

سيا واقفة بعيد وهتتجننن ازاي خطتها منجحتش

سميرة : وكانوا عايزين ليان ليه.... وليان مالها واقفة كدا بتعيط

اسر بص لليان ال  بتعيط و بترتعش ومش قادرة تقف علي رجليها

اسر : دول المسؤلين في الملجأ ال كانت فيه ليان، كانوا عايزين ياخدوها

سميرة : ياخدوها فين دول ما هي تمت السن القانوني، والمفروض خلاص ملهاش مكان في الملجأ دا

اميرة قربت من سميرة : تعالي معايا وانا هفهمك.... وبصت لاسر.... ال بصلها نفس النظرة

واخدتها علي الاوضة

اما اسر قرب من ليان ال كانت بتبكي بصوت مكتوم  ودموعها علي وشها.... شالها وطلع بيها علي فوق وهي تشبثت فيه

سيا بغضب : متخلفين معرفوش حتي يعملوا ال جم عشانه

كريمة باستغراب : هما مين دول، ومالك مضايقة كدا

سيا : انا ال جبتهم يا ماما

كريمة :ازاي 

تعالي هحكيلك كل حاجة بس مش هنا

واخدتها علي الجنينة

سيا : ليان دخلت الملجأ بسبب عمو كمال

كريمة بصدمة :ايه؟

سيا :ايوا زي ما بقولك كدا، وانا سمعت اسر وطنط اميرة وهما بيتكلموا.... عمو كمال قبل ما يتوفي كان كاتب وصية لاسر وقال فيها.... انه خلص علي ناس بريئة بسبب طمعه في الماس، ووالد ليا كان بيشتغل معاه ومرديش يعمل معاه صفقة،فا خلص عليه هو ومراته ورمي ليان في الملجأ...

وبعدين ندم عشان كدا كاتب في وصيته لاسر  بعد ما عدا 17 سنة، انه يجيب البنت دي ويتجوزها ويعوضها عن ال حصلها

كريمة بصدمة :ايه؟ بقي كمال يعمل كل دا

سيا بشر : اه للاسف وكل دا وقع علي دماغنا احنا

كريمة بغضب :طب وهنعمل ايه دلوقتي

سيا : احنا هنعرفها الحقيقة بس مش دلوقتي وساعتها هي ال هتغور من حياتنا بمزاجها

كريمة : طب افترضي اسر بيحبها، مشتحيل يخليها تبعد عنه

سيا بثقة وبشر :لا هو اتجبر عليها مش اكتر ومش بيحبها.... ولو هي حبته بقي يبقي مبدهاش اخلص عليها بقي

دخل عليهم سامي

سامي وباين عليه السكر : اهلا بالناس الحلوة

كريمة بغضب :انت اتجننت افترض اسر شافك

سامي بصوت عالي :ما يشوف هو انا خايف منه يعني

سيا بغضب :انت كنت فين

سامي :كنت بستمتع

كريمة :يلا يا سيا نطلعه فوق قبل ما اسر يشوفه دي هتبقي كارثة

وبالفعل طلعوه قبل ما اسر يشوفوا

@@@@@@@@@@@@@@@@@@@@@@@

فوق عند اسر بيحاول يهدي ليان ال دخلت في نوبة عياط هستيري

ليان بدموع : م ممكن ياخدوني ه هيعذبوني وهيدمروا مستقبلي ا انا خايفة

اسر اخدها في حضنه :قولتلك محدش هيقدر يميسك طول ما انا موجود

ليان حست بالامان معاه وبدات تنام

ليان : ا اسر متسبنيش

اسر مسح علي شعرها  :مش هسيبك

وليان نامت وهو نيمها علي السرير وغطاها كويس وقام راح البلكونة وعمل مكالمة

اسر بغضب : مشرفة الملجأ هي ومساعدها، يكونوا في ايدي

حازم :اوامرك يا باشا، بليل هيكونوا عندك.... وهنعملهم عزومة مشرفة في المخزن

وقفل معاه  اسر دخل وقعد علي الكرسي ال جمب السرير وهو باصص علي ليان  وفتح الابتوب وقرر انه ميروحش الشركة وهيشتغل في البيت النهاردة

@@@@@@@@@@@@@@@@@@@@@@@

في الملجأ

رحاب دخلت بعصبية بعد ماراحوا للدكتور عشان ايد مسعود

وقعدت علي مكتبها

مسعود : هنعمل ايه يابلة احنا كنا فاكرينه هيسكت لكن دا طلع بيتكلم بس بايده.... دا انا ايدي لحد دلوقتي لسة واجعاني

رحاب تلفونها رن وردت

سيا بعصبية  : انتوا متخلفين هو دا ال اتفقنا عليه

رحاب : ممكن تعرفيني انتي مين طيب، وعرفتي ازاي ب ال حصل معقول تكوني واحدة منهم

سيا: مش مهم واحدة منهم ولا لا المهم اني عايزة اخلص من البنت دي في اسرع وقت

رحاب كانت لسة هتتكلم دخل عليهم رجالة ملثمين واخدوا مسعود

رحاب بغضب وخوف :انتواااا  مين وعايزين ايه؟

الرجالة اخدوها هي كمان

وسيا علي الخط واستغريت ال بيحصل.... بس قفلت علي طول احسن الرجالة يشوفوا الرقم ويوصلولها

@@@@@@@@@@@@@@@@@@@@@@@

في القصر صحيت ليان وهي مرعوبة وكانت بتحلم بكابوس

اسر قام وقعد جمبها وجابلها مياه

لسان شربت واخدت نفسها وبصت ل اسر: شكرا

اسر وهو بيحط الكوباية :علي ايه

لف ليها وليان قامت وحضنته ولفت ايدها حوالين رقبت*ه

ليان :علي كل حاجة

اسر حضنها هو كمان ومش عارف ازاي

ليان بصتله بطفولية :اقولك سر ومتقولش لحد

اسر :قولي

ليان بكسوف : انا مش ندمانة اني اتجوزتك

اسر بصلها كتير

ليان :انا مكنتش متخيلة اني هحس بالامان دا مع اي حد

ليان بكسوف اكبر وهي باصة في عنيه بحب : مستعدة.... ادي لجوازنا فرصة

اسر بعد عنها بسرعة وقام وقف وهي استغربت

اسر بص الناحية التانية وقال بحدة : انتي هنا عشان تكملي تعليمك وبس غير كدا مفيش، وبعد كدا هطلقك

ليان اتصدمت ودموعها نزلت.....

@@@@@@@@@@@@@@@@@

#ليان_الزعيم

البارت 10

ليان بصدمة ودموع : ي يعني ايه

اسر لف وشه الناحية التانية وبحدة :يعني ال سمعتيه

ليان بدموع :يعني انت اتجوزتني شفقة عليا ولا ايه بالظبط؟

اسر ببرود :انا قولت ال عندي

ليان قامت من علي السرير ووقفت وراه وهي بتمسح دموعها بكف ايدها :

ا انت اكيد زعلان مني او م مضايق  اكيد بتهزر

اسر بصلها بحدة : انا مش بتاع هزار، ويستحسن تفهمي بسرعة ومتضيعيش وقتي

ليان حضنته 

ليان بحزن : ا انا عملت حاجة طيب زعلتك مني

اسر بعدها عنه وبحدة :انا مشغول، مش فاضي للكلام دا

ولف عشان يمشي.... ليان مسكت فيه : اسر استني

اسر اتعصب و وقعها علي السرير  واتجه ناحية الباب 

وسابها في صدمتها وخرج

وليان  بتبكي، واتحرجت انها اتسرعت ولمحتله ب مشاعرها

@@@@@@@@@@@@@@@@@@@@@@@

تحت في الصالة

اسر كان نازل مش طايق نفسه لدرجة ان جدته ندهت عليه كتير ومردش

وطلع خارج القصر وشاف حازم

اسر : جبتهم

حازم :موجدين ياباشا

وذهبوا للمخزن ال كان سري في القصر ومحدش يعرف عنه حاجة

ونزلوا لتحت

مسعود كان مضروب في وشه بطريقة جنونية

ورحاب قاعدة علي الارض وخايفة تطلع صوت ليضربوها هي كمان

وكانت رجالة اسر معاهم

دخل اسر وحازم

اسر قعد علي الكرسي قدام رحاب بكل هيبته

وطلع سيجار*ة  ونفث الدخان

اسر بنظرة مخيفة :قوليلي بقي كنتي عايزة ليان ليه

رحاب بخوف :م ما قولتلك يا باشا ع عشان ن نطمن عليها

اسر اخرج مسد*سه وحطه علي التربيزة ال جمبه بكل هدوء

رحاب خافت وقالت بسرعة : ع عشان ناخدها معانا..... و وفي حد من اهل بيتك هو ال قالنا علي الخطة عشان نعرفها ان والدك هو ال حطها في الملجأ عشان تسيبك وتيجي معايا

اسر بصوته الرجولي : ومين الشخص دا

رحاب بسرعة :ولله ما عرف ياباشا، بس هي ست وبتكلمني برقم مجهول

اسر وجه كلامه لحازم ال واقف وراه :تلفونها فين

حازم جاب التلفون

وااسر فتحه وشاف اخر رقم

اسر عرف الرقم اول ما شافه وعرف انها سيا

بص لرحاب بنظرة مرعبة : يا ترا هعمل فيكي  ايه بقي

رحاب بدموع :ابو*س رجلك يابيه ارحمني، صدقني مش هخليك تسمع باسمي.... ا انا همش وهسيب البلد خالص

اسر بحدة : بس انتي لازم تشربي من نفس الكأس

اسر قام وقف وبصلها بشر :وبنفس الطريقة ال كنتي بتعمليها في الملجا، احنا هنعملها معاكي.... بس هنزود ال باور حبتين

وخرج ورحاب بتصرخ وتترجاه..... وطبعا محدش هيسمعها فوق لان المكان عازل للصوت

@@@@@@@@@@@@@@@@@@@@@

اسر دخل القصر وهو متعصب وشاف سيا

اسر بحدة ل سيا :ورايا علي مكتبي

وسيا خافت وراحت وراه

في الوقت دا كانت نازلة ليا علي السلم وشافت اسر داخل علي المكتب وسيا وراه  واتضايقت 

(ما انتي متعرفيش ال فيها 😁)

@@@@@@@@@@@@@@@@@@@@@@

داخل المكتب

سيا بتوتر :في ايه يا اسر

اسر بنظرة هدوء ما قبل العاصفة : فين ن تلفونك

سيا بخوف:اهو

اخده منها

وطلع من جيبه تلفون رحاب واتصل علي الرقم الاخير

وبالفعل رن تلفون سيا..... ال اترعبت

اسر بصلها بحدة :رقمك بيعمل ايه عند مشرفة الملجا؟

سيا بخوف :ا اسر ا انا...

اسر صرخ فيها : انطقيييي

سيا اترعبت : ك كنت عايزاها تاخد ليان م من هنا

اسر قرب منها وبحدة : وانتي فاكرة اني كنت هسمحلها بكدا

سيا بدموع وبكدب: ا انا بحبك يا اسر وكنت عايزها تبعد عنك بس

اسر بسخرية:تؤتؤتؤ انتي بتحبي املاكي... ابقي انطقيها صح

خبط الباب واسر سمح بالدخول، ودخلت اميرة وكريمة

اميرة :فيه ايه يا اسر؟

كريمة قربت من بنتها :انت كنت عايز من سيا ايه

اسر :اهي عندك اسأليها

وخرج وكان رايح علي الشركة

@@@@@@@@@@@@@@@@@@@@@@@

في اوضة ليان

ليان كانت قاعدة علي السرير بتكلم صاحبتها نور

نور :ايه يابنتي من تاني يوم كدا تغيبي

ليان بحزن :حصلت ظروف كدا مسمحتش

نور :دي كارما فاكرة انك غبتي عشان خايفة منها

ليان :وهي مين كارما دي

نور :دي متنمرة الفصل، دا انا فلت منها بالعافية... الاحسن انك تبعدي عنها ومترديش عليها

ليان وهي مش مركزة في كلامها : ا اه ماشي.... طب انا هقفل دلوقتي عشان اذاكر

نور :ماشي، اشوفك بكرا بقي

وقفلت معاها وليان قاعدة بحزن وهي بتفتكر ال اسر عمله

@@@@@@@@@@@@@@@@@@@@@@@

ميار كانت قاعد مع حازم في الكافيه

وحازم كان سرحان وبيفكر في اسر

ميار :حازم انت كويس

حازم انتبه ليها : ها اه كويس

ميار :سرحان في ايه..... اوعي تكون بتفكر في بنت غيري

حازم بضحك :يعني لو بفكر في بنت غيرك هتعملي ايه

ميار بغيرة : هخلص عليها

حازم بضحك : ومش هتخلصي علي انا كمان، زي باقي البنات

ميار :لا هخليك جمبي ومش هسمحلك تبص برا

حازم بضحك: مسيطرة

ميار بهزار: همشيك مسطرة

حازم مسك ايدها وبحب: انا بحبك لدرجة اني مش شايف غيرك في حياتي..... ميار انتي بقيتي عيلتي وكل حاجة ليا، انتي عارفة اني مليش حد ووحيد انتي الحاجة الحلوة ال في حياتي

ميار بحب : انا هفضل معاك ومش هتخلي عنك، انت الشخص ال قدرت تاخد قلبي وعقلي

حازم :بحبك

ميار بعدت ايدها بكسوف :بطل قلة اد*ب بقي

حازم بضحك : انتي ليه بذات بتقلبي لما اقولك بحبك

ميار سكتت و هي مبتسمة و مكسوفة 

(يالا الكسوف الذي لا ينتهي 🙂)

@@@@@@@@@@@@@@@@@@@@@@@

بليل  الوقت اتاخر واسر بيضيع وقته في الشغل ومش عايز يرجع البيت

دخل حازم : انت مش هتروح ولا ايه يا باشا الوقت اتاخر ؟

اسر وهو مركز في الورق : شوية كدا

حازم : طب انت اكيد تعبت سيب الورق وانا هخلصه

اسر :خلاص ياحازم قولت شوية كدا

حازم : براحتك ياباشا

وخرج حازم، واسر رجع رأسه لورا بتعب.... وبعدين قرر انه هيروح  ،    ولبس بدلته وطلع

@@@@@@@@@@@@@@@@@@@@@@

في القصر وتحديدا في اوضة ليان واسر

دخل اسر  وشاف ليان نايمة علي الكرسي والدموع علي وشها..... شالها وحطها علي السرير

بس هي فتحت عينها

ليان بحزن :اسر

اسر بعد عنها واتجه للحمام

وليان زعلت

بعد وقت خرج اسر ولابس تيشرت اببض وبطلون اسود

لاقها ضامة نفسها ومغطية وشها وصوت عياطها المكتوم مسموع

اتجه ناحيته عند السرير واستلقي وايده علي راسه

وقلبه واجعه عليها بس مش عايز يعترف لنفسه

@@@@@@@@@@@@@@@@@@@@@@

في الصباح 

بتصحي ليان بعد ما نامت بصعوبة وعينها حمرا

وبتقوم وتدخل الحمام وبعد وقت بتطلع وبتلبس لبس المدرسة

بيقوم اسر من النوم وبيروح الحمام

وليان قررت انها تنسي ال حصل وتتجاهله

اسر بيطلع بعد مدة ولابس بدلته السودا وساعته وبرفانه

وليان بتحط حاجتها في الشنطة

وبيطلع اسر علي برا وليان بتمشي وراه وهي ساكته

@@@@@@@@@@@@@@@@@@@@@@@

تحت في الصالة بينزل اسر وليان علي السفرة

والعيلة قاعدة بتاكل

ميار :ليان انتي كويسة؟

ليان بصتلها :اه

سميرة :متاكدة يابنتي.... انتي عينك حمرا

ليان بصت لاسر ال بصلها

ليان : حاجة دخلت في عيني بس

سميرة :طب ابقي خلي بالك بقي

ليان :حاضر

اسر قام

اميرة : انت ماكلتش حاجة يا اسر كمل اكلك

اسر :اكلت

ولف وكان ماشي وقفته سميرة

سميرة: مش هتوصل ليان المدرسة

اسر بص لليان : السواق هيوصلها

ومشي

سميرة بصت لليان : هو فيه حاجة ولا ايه

سيا بغرور :تلاقيها عصبته ولا حاجة

سميرة بغضب :ملكيش دعوة انتي

ليان بتوتر :م مفيش حاجة ياجماعة، يمكن بس عنده اجتماع مهم....ومش مشكلة ان السواق يوصلني يعني

ميار : خلاص هاجي معاكي انتي علي المدرسة وانا علي الكلية

ليان :تمام

وبصت لطبقها بحزن

@@@@@@@@@@@@@@@@@@@@@@@

خارج القصر

اسر كان طالع ومتجه ناحية عربيته.... فجأة شاف سامي ال نزل من عربيته وهو سكر*ان وكان معاه بنت مش تمام

اسر راح عنده بغضب وضربه  ب البوكس لدرجة انه وقع علي الارض

والبنت خافت وهربت

اسر قرب منه بغضب ومسكه من ياقة قميصه وجره جوا القصر

٪٪٪٪٪٪٪٪٪٪٪٪٪٪

دخل القصر وهو بيجر سامي وراه ال مرعوب منه.... ورماه علي الارض

العيلة شافته واستغربت، وكريمة وسيا جريوا علي سامي

والعيلة كلها راحت الصالة

كريمة جريت علي ابنها وبعصبية  : فيه ايه ماسكه كدا ليه؟!

اسر بغضب قرب منه وقومه وضربه بالقلم

اسر بغضب :البيه سكرا*ن وجايب بنات معاه القصر

وضربه تاني :جاي يعمل وسا*خته هنا

كريمة بخوف وهي بتروح لابنها :خلاص يا اسر مش هيعمل كدا تاني اخر مرة

اسر قرب منه ولسه هيضربوا.... سامي جري ووقف ورا ليان

ال واقفة مصدومة وخايفة

اسر بص لليان وبغضب :انتي مش وراكي مدرسة مروحتيش ليه

ليان بخوف : ا انا ك كنت رايحة ا اهو

اسر بصوت عالي : يبقي مستنية ايه

ليان اتخضت منوا

وميار جريت علي ليان : ا اهو حلاص يا ابيه هنمشي، يلا يا ليان

ومشيوا

واسر مسك سامي وبنبرة مليانة شر: انا لو سمعت بس انك رجعت للعادة دي تاني متفكرش انا هعمل فيك انا ممكن اخليك عبرة لاي حد

سامي بخوف :ح حاضر، مش ه هعمل ك كدا تاني

وخرج اسر وراح الشركة

وكريمة وسيا جروا علي سامي ال وشوا اتنفخ

@@@@@@@@@@@@@@@@@@@@@@@

عدا اسبوع والوضع زي ما هو بين  اسر وليان ال تجاهلته نهاءي ومش بتتكلم معاه وهو بدا يضايق من تجاهلها ليه

وبين حب حازم وميار ال بالسر

وبين كره سيا ومامتها لليان وخايفين يقولوا الحقيقة لانهم وعارفين ان اسر مش هيسكت ليهم

وسامي ال من ساعة ما اسر علمه الاد*ب مبقاش يبص لاي بنت

وكارما ال كل يوم تتنمر علي ليان.... وليان ساكتة ومش عايزة تتكلم وفاكرة ان اسر هيزعقلها

@@@@@@@@@@@@@@@@@@@@@@@

في المدرسة ليان كانت قاعدة وقت البريك في الفصل ودخلت عليها كارما وشلتها

كارما قربت منها بخبث : اهلا بالسنيوريتا

ليان ساكتة ومنزلة وشها في الارض بضيق

كارما بشر : هه دي خايفة هههه ايه دا علي فكرة شعرك مش حلو خالص، شعري احلي منوا .... بس انا هظبطلك شعرك

ليان بصتلها.... وكارما طلعت مقص من شنطتها وكانت هتقرب من ليان بس ليان قامت بسرعة وزقتها علي الارض

وكارما اتخبطت في حرف التربيزة ودماغها اتفتحت

ليان واقفة مصدومة وخايفة من ال عملتوا

واصحاب كارما جريوا علي المدير ال لحق كارما وعالجوا رأسها وبقت سليمة، واهلها جم في المدرسة

وتم استدعاء ل ليان واتصلو باسر

٪٪٪٪٪٪٪٪٪٪٪٪٪

في مكتب المدير

والدة كارما بغضب وهي قاعدة 

شاهي :انتي ازاي تتجراي وتعملي كدا في بنتي.... مين اهل البنت دي

رامز والد كارما بغضب :انا مش هسكت، البنت دي لازم تتفصل من المدرسة

المدير :احنا اتصلنا ب الواصي عليها وهو في الطريق

ليان واقفة ومنزلة راسها في الارض وبتعيط

.....

المدرسة اتقلبت لما دخل شخص مهم ووراه البودي جارد

وكل البنات وقافين علي جمب ونفسهم بس في نظرة

والشباب ال مبهورين من هيبته

......

دخل المكتب

 المدير ووالد كارما وشاهي  اول ما شافوه قاموا علي طول

رامز بصدمة : ا اسر بيه

شاهي بصدمة :هو دا اسر السيوفي

كارما ال عينها منزلتش من عليه بانبهار واعجاب

مفيش غير ليان ال خافت اول ما عرفت انه دخل

اسر قلع نظارته وبص ل ليان.... وقعد علي الكرسي، وشاور لاهل كارما يقعدوا

رامز اول ما قعد :اسر بيه متتصورش انا مبسوط ازاي اني شفتك 

شاهي :بجد مش مصدقة اني شفت شخصية مشهورة في المدرسة النهاردة

المدير :اسر بيه يبقي الواصي علي ليان

رامز : هي البنت دي تقربلك يا اسر بيه

اسر ببرود : مراتي

الكل اتصدم وخصوصا كارما ال كانت عايزة توقعه في حبها

رامز بخوف : ا احنا اسفين ولله يا اسر بيه مكناش نعرف ولله..... هي بس وقعت بنتي واتصابت

كارما بحزن مصتنع :انا معملتش ليها حاجة جيت اقولها قاعدة لوحدك ليه اتعصبت عليا ووقعتني بهمجية

شاهي :سوري يا اسر بيه بس مراتك ضربت بنتي بطريقة فظيعة اوي

اسر رفع راسه ل ليان بحدة ال واقفة ساكته وخايفة منه وبتبكي

اسر ببرود : نقدر نفض الموضوع هنا ودلوقتي وال شايفه ان بنتكم سليمة واذا كان علي عقاب ل ليان انا هعاقبها

شاهي كانت لسة هتتكلم جوزها نغزها وقالها بهمس: انا محتاج اعمل معاه صفقة مهمة فا مش لازم يضايق مننا

شاهي سكتت

كارما بكره : دي لازم تتفصل من هنا

اسر بحدة وهو بيبص لابوها : انا قولت ال عندي واظن ان انت مش هتخلي الحكاية توصل لفصل وانت عارف ليه

رامز بتوتر :ااا اكيد اكيد يا اسر بيه انت تأمر

المدير : يبقي تمام كدا يا جماعة طالما الموضوع بقي ودي 

اسر قام  وبص لليان بحدة ومسك ايدها بقوة واخدها معاه

..........@@@@@@@@@@@@@@@@@@

طلعوا خارج المدرسة وركبوا العربية واسر بدا يسوق بغضب

ليان قاعدة خايفة منه وبتعيط بصوت مكتوم

ليان بدموع : ا اسر

اسر صرخ فيها : مسمعش صوتككك...... كلامنا في البيت

ليان اتخضت من صوته واترعبت

@@@@@@@@@@@@@@@@@@@@@@

في القصر

العيلة كانت قاعدة في الصالة ما عجا سيا ل كانت برا

دخلت ليان وهي بتجري وراحت عند سميرة بدموع

سميرة بقلق : فيه ايه يا بنتي مالك؟!

دخل اسر وهو متعصب واتجه عند جدتو

اسر بحدة لليان :علي فوق

ليان بدموع : لا م مش عايزة

أميرة:في ايه يا اسر البنت مالها خايفة كدا؟

اسر بص لليان بحدة وقرب منها ومسكها من دراعها واخدها علي فوق

اميرة :هو في ايه؟

كريمة بضحك : ههه يمكن عملت حاجة غلط

سميرة بصتلها بقرف :انا طالعة اشوف مالهم

@@@@@@@@@@@@@@@@@@@@@@@

فوق عند اسر وليان

دخلوا الاوضة

وزقها

ليان بدموع : ا اسر ولله مكنتش اقصد

اسر بحدة :قولتلك اول يوم مش عايز مشاكل، تقومي تفتحي دماغها

ليان وهي مش عارفة تاخد نفسها من الخوف : ه هي ا ال ك كا نت ب بتتنمر عليا

اسر بغضب :من اول يوم وانت بسالك حد ضايقك ولا لا وانتي مش بتردي

واكمل بحدة : بس انا ال سيبتك ودلعتك زيادة عن اللزوم، واظن اني لازم اوريكي انا اقدر اعمل ايه

ليان وهي بترجع لورا بخوف وبتاخد نفسها بالعافية :ا اسر.... م متخوفنيش منك

وفجأه اغمي عليها..........

@@@@@@@@@@@@@@@@@

#ليان_الزعيم

البارت 11

ليان بعد ما اغمي عليها، اسر جري عليها وشالها وحطها علي السرير.... واتصل علي الدكتورة

اسر وهو ماسك الفون : تيجي علي القصر حالا

الدكتورة :حاضر يااسر بيه

وقفل معاها.... والباب خبط وفتح اسر وكانت جدته ووالدته

سميرة دخلت وبعصبية : فين ليان

دخلت هي واميرة ولقوها مغمي عليها

سميرة بعصبية :انت عملتلها ايه؟!

اسر مردش عليها

سميرة راحت وقعدت قدامها علي السرير

بعد وقت بتيجي الدكتورة.... وبتفحص ليان

 الدكتورة  عطتها حقنة عشان تفوق

اسر : مالها؟!

الدكتورة :جالها انهيار عصبي، اكيد خافت من حاجة او افتكرت حاجة خلتها تخاف.....بس متقلقوش انا عطيتها حقنة وهتفوق دلوقتي

وبتدي لاسر ورقة : ولازم تاخد من الادوية دي عشان تهديها

اسر اخد الورقة : تمام

الدكتورة مشيت من هنا وليان صحيت من هنا

ليان فاقت واول ما شافت اسر  حضنت سميرة بخوف وهي بتبكي

سميرة بحزن عليها :فيكي ايه بس يا بنتي

ليان بدموع :خديني عندك يا تيتة.... م متسبنيش هنا

اسر بحدة : انا رايح اجيب الادوية

وخرج وهو متعصب

ليان بدموع : ا ارجوكي يا تيتة مش عايزة اقعد في الاوضة دي

اميرة بحزن عليها :بس اسر مش هيسكت

سميرة :خلاص خلاص متعيطيش تعالي اقعدي في اوضتي شوية

وبالفعل اخدتها علي اوضتها وجبتلها شوربة

@@@@@@@@@@@@@@@@@@@@@@@

اسر ركب العربية وهو متعصب

اسر بغضب ضرب المقود :غبييي.... غبييي مكنش لازم اخوفها مني.

تلفونه رن  وكان رجب، رد

رجب بعصبية : بقيييي انا يا اسر تلعب معايااا كدا، بتحرق مصانعي يا اسررر.... انا مش هسكتلك وهوريك ازاي تغلط معايااا

اسر ببرود :خلصت.... واكمل بنبرة مخيفة

دي نقطة في بحر من ال هعمله فيك، مش واحد زيك  ال يجي ويتجرأ يهددني.... وانا اسكت

رجب :انا مش هسكت.... هتشوف انا هعم...

قاطعه اسر بقفل الخط في وشوا

@@@@@@@@@@@@@@@@@@@@@@@

عند رجب

بص للتلفون بغضب :قفل السكة في وشيييي، ماشي يا اسر

مساعده :هتعمل ايه يا باشا

رجب بشر : انا لازم انتقم منه.... واكيد مفيش حاجة هتوجعه اكتر من ان مراته تكرهه

واكمل بشر : مراته تبقي عندي بكرا

الراجل بخوف :دي هتبقي صعبة يا باشا، دا اسر السيوفي بردوا.... و و اكيد مش هيخليها تطلع برا من غير حراسة

رجب بغضب : قولتلك انا عايزها قدامي بكرا

الراجل : انا سمعت انها بتروح  المدرسة، نقدر نخطط ونجيبها

رجب بشر :تمام، جهز الرجالة

@@@@@@@@@@@@@@@@@@@@@@@

بليل رجع اسر القصر، ومعاه الادوية وطلع علي فوق، بس ملقاش ليان واتعصب، حط الادوية ونزل علي تحت.... وشاف والدته

اسر بغضب واضح علي وشوا : فين ليان

اميرة :اهدا يا اسر البنت نفسيتها كانت تعبانة.... وجدتك اخدتها اوضتها عشان ترتاح شوية

اسر اتجه ناحية اوضة جدته

اميرة بقلق :اسر استني يا اسر

@@@@@@@@@@@@@

في اوضة الجدة ليان والجدة سميرة قاعدين علي السرير

ليان بحزن :وهو دا ال حصل يا تيتة، انا مكنتش اقصد بس هي كانت بتتنمر عليا.... وانا مقولتش لحد

سميرة :كان لازم تقولي لاسر من البداية.... مكنش حصل كل دا

فجأه الباب اتفتح ودخل اسر وهو متعصب

وليان خافت وانكمشت ورا سميرة

اسر بغضب :انا قولتلك، تتطلعيي من الاوضة؟!

ليان بخوف بس حاولت تظهر عكسه : وانا مش عايزة اقعد معاك

اسر بحدة : علي فوق

ليان بعند :مش طالعة

سميرة :خلاص يا اسر سيبها تنام عندي النهاردة

اسر بدة لليان : انا مش هعيد كلامي

ليان بدموع و عند :ولا انا

اسر اتنهد وقرب منها وشالها علي كتفه

وسميرة واقفة مصدومة ومتكلمتش لانها عارفة انه مش هيسمع كلامها

ليان :سيبنيييي مش عايزة اطلع معاك سيبنييي بقييي

واخدها وطلع قدام والدته والخدم ال في الصالة والكل مصدوم

وليان بتبكي

@@@@@@@@@@@@@@@@@@@@@@

فوق في الاوضة

اسر دخل بغضب ورمي ليان علي السرير

ليان بدموع وهي بتعند و بتقوم عشان تنزل تحت تاني

اسر وقعها علي السرير واعتلا*ها

اسر بحدة :لو فكرتي بس تعمليها تاني.... هزعلك

ليان بخوف وبعند اكبر :وانا مش عايزة اقعد معاك في مكان واحد، ابعد عني بقيييي

اسر شد علي ايدها بقوة وهي اتالمت

اسر :متخلنيش اتصرف تصرف تاني معاكي، مش هيعجبك

ليان بدموع منهارة  :ه هتعمل ايه يعني،اكتر من انك ظلمتني وكنت هتعاقبني في حاجة مكنتش اقصدها..... ولا حاولت حتي تسمعني، ولاتفهم ايه ال حصل

اسر بصلها كتير، واستوعب انه فعلا كان لازم يسمعها وميتسرعش

اسر بعد عنها وليان ضمت نفسها وقعدت تبكي

اسر قرب منها تاني وقعد علي السرير، ومسكها وضمها لحضنه

وليان اتصدمت.... بقاله كتير اوي ماخدهاش في حضنه 

بس ليان قررت انها متستلمش ليه المرة دي ، وهي ال بعدت عنه

وقالت بعند : مش عايزة شفقة تاني

اسر بصلها كتير.... وليان قامت بغضب واتجهت ناحية الحمام

اسر اتعصب وقام دخل البلكونة وطلع سيجا*رة

٪٪٪٪٪٪٪٪٪٪٪٪٪

بعدة مدة خرجت ليان ولابسة بيجامة واسعة

وكان واضح علي عينيها انها كانت بتبكي جوا

اتجهت ناحية السرير ونامت علي جمبها

اسر دخل وغير هدومه.... واستلقي هو كمان وكان باصص لليان ال مدياله ضهرها ومضايق من بعدها عنه  

@@@@@@@@@@@@@@@@@@@@@@@

في الصباح

ليان راحت المدرسة

وكانت قاعدة في الفصل ومعاها نور

نور بذهول :يعني انتي مرات اسر السيوفي ومتقولليش

ليان :مكنتش لاقية داعي اني اقول

نور :يا بنتي انتي طلعتي مرات رجل اعمال كبير، صاحب  اكبر شركات في مصر

ليان حزنت لما افتكرت معاملته ليها 

جت كارما ال حاطة الشاش علي رأسها

كارما بكره: جت الهمجية اخيرا

ليان اتضايقت وسكتت

كارما وهي بتكلم الطلاب : خافوا منها يا شباب دي همجية، وكان ممكن يجرالي حاجة بسببها

ليان قامت وبصتلها بتحدي : بس انا شايفة انك سليمة وبتتدلعي.... والدليل انك جيتي ومقعدتيش في البيت

كارما بغضب : انتي ازاي تتكلمي معايا كدا.... انتي مش عارفة انا بنت مي

قاطعتها ليان بنظرة كلها ثقة : ومتنسيش انا مرات مين، ويقدر يعمل فيكي ايه انتي واهلك

وقربت من ودنها وهمست بتحدي : انا مدام اسر السيوفي

وبعدت عنها :ياريت كل ما تشوفيني تفتكري

وسابتها، وكارما كانت واقفة متضايقة وغيرانة منها

 ليان طلعت برا الفصل ونور جريت وراها

نور بانبهار : انا مش مصدقة، الطلاب كلهم واقفين مصدمين ان حد رد علي المتنمرة.... انا بحبك اوي 

ليان :انا زهقت منها ومن تصرفاتها وكان لازم ارد.... رغم اني مش عارفة انا جبت الشجاعة دي كلها منين

نور بغمزة :عشان زوجة اسر السيوفي

ليان :.........

@@@@@@@@@@@@@@@@@@@@@@

عند ميار في الكلية كانت واقفة مع صحبتها

سمر :مش هتقوليلي برضوا عندك حبيب ولا لا

ميار :يوووه يا سمر ما قلت لا

سمر بعند :انا متاكدة انك بتكدبي

ميار مقدرتش تخبي : ايوا ياستي عندي، ارتاحتي بقي

سمر بفرحة :يييي معقول، اخيرا بقي عنك حبيب

ميار :دا ايه الفرحة دي

سمر : فرحانه بقي عشانك.... قوليلي بقي اسموا ايه، عنده كام سنة، طويل ولا قصير، غيور ولا بارد، ل

ميار :اييييه.... في ايه، كل دي اسئلة.... علي العموم هو شوية كدا ويوصل.... عشان يوصلني للبيت

 قرب منهم شاب

الشاب بكسوف :انسة ميار.... ممكن اتكلم معاكي شوية

ميار بخوف احسن حازم يظهر : ا لا حضرتك انا مش فاضية

وجت تمشي  الشاب مسك ايدها

الشاب بسرعة :استني بس انا كنت عايز اتقدملك.... ممكن تديني رقم اخوكي

فجأة سمع صوت وراه : وماله

لف الشاب وهوب اخد بوكس طار علي الارض 

ميار اتصدمت كان حازم وكان باين عليه انه مش هاديء خالص

حازم قرب من الشاب ومسكه من ياقة قميصه

حازم بغضب قرب من الشاب، بس ميار وقفت في وشه

ميار بخوف :حازم اهدا ارجوك.... كمش عايزة مشاكل في الكلية، هو مكنش يقصد

حازم بصلها بغضب : وانتي سبتيه يمسك ايدك كدا عادي

ميار بسرعة :لا ولله انا كنت همشي بس هو ال مسك ايدي

حازم بص للشاب بغضب والشاب خاف منه

حازم مسك ايد ميار واخدها علي العربية

في العربية

حازم كان سايق وهو متعصب

ميار حاولت تلطف الجو، وهي عارف هتهديه ازاي

ميار بكسوف وصوت واطي : ا خ خلاص بقي يا.... حبيبي

حازم وقف العربية مرة واحدة، وبصلها

حازم بلهفة :انتي قولتي ايه؟!

ميار بكسوف :مقولتش حاجة

حازم : ولله لو ما قلتي لارجع تاني للشاب واخلص عليه

ميار بسرعة : لا لا، قولت حبيبي

حازم ابتسم : طالعة منك زي العسل

ميار بكسوف: حازم

حازم :عيون حازم 

ميار  بكسوف:  عايزة اروح

حازم ابتسم : حاضر 

@@@@@@@@@@@@@@@@@@@@@@@

 في مدرسة ليان

جه وقت انتهاء اليوم الدراسي

وليان كانت طالعة من البوابة وهتركب العربية

بس فجأة صوت رصا*ص طلع وكل الطلاب جريوا

ورجالة اسر طلعوا من عربيتهم وحصل ضرب نيرا*ن

ومحدش لاحظ في الوقت دا ان ليان حد شدها وركبها العربية

في العربية ليان بدموع وهي بتصرخ: الحقونييي

احد الرجال الملثمين : اخرسيييي

ليان خافت ومبقتش عارفة تعمل ايه

@@@@@@@@@@@@@@@@@@@@@@@

في الشركة  اسر كان عنده اجتماع وفجأة الفون رن وكان احد حراسه

فتح الخط

اسر :الو

احد الرجال بخوف : ا اسر بيه مدام ليان.....

اسر انتفض :مالها ليان؟!

الراجل : في رجالة طلعت عليها في المدرسة وخطفوها

اسر بغضب :وانتوا فايديتكم ايييه

كل من الاجتماع مصدوم من تحوله 

اسر قفل معاه وطلع خارج الشركة وركب عربيته  واتصل بحازم

حازم :الو يا باشا

اسر بغضب: انت فييييين 

حازم بتوتر : كنت بعمل شغلانة كدا

اسر :تسيب كل ال في ايدك وتيجي حالا 

حازم :حاضر

@@@@@@@@@@@@@@@@@@@@@@

عند ليان في مكان مهجور قاعد قدامها رجب علي الكرسي

ليان بدموع :ارجوك انا معملتش ليك حاجة

رجب بشر : بس جوزك عمل، وانا لازم انتقم

ليان : اسر

رجب بضحك :هههه ايوا اسر حبيب القلب

واكمل بنبرة خبيثة : ال خبي عليكي انه اتجوزك بسبب ابوه

ليان باستغراب : ق قصدك ايه؟

رجب : قصدي ان ابوه هو السبب في وجودك  السنين ال فاتت دي كلها في الملجأ

ليان بصدمة :ايه؟!

@@@@@@@@@@@@@@@@@@

تابعووووووني للتكمله 

رواية منعطف خطر كامله من هنا

رواية زواج لدقائق معدودة كامله من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا

رواية جحيم الغيره كامله من هنا

رواية مابين الضلوع كامله من هنا

رواية سيطرة ناعمه كامله من هنا

رواية يتيمه في قبضة صعيدي كامله من هنا

الروايات الكامله والحصريه بدون لينكات من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇 

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺

الصفحه الرئيسيه للروايات الجديده من هنا

جميع الروايات الحصريه والكامله من هنا

انضموا معنا علي قناتنا بها جميع الروايات على تليجرام من هنا

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺

تعديل المقال