رواية ظل حب قديم الفصل السادس والسابع والثامن بقلم الكاتبه آيه دياب حصريه وجديده على مدونة النجم المتوهج للروايات والمعلومات
 |
رواية ظل حب قديم الفصل السادس والسابع والثامن بقلم الكاتبه آيه دياب حصريه وجديده على مدونة النجم المتوهج للروايات والمعلومات
_ كويسة بس انت ايه اللي جابك هنا
فرك شعره بشكل عشوائي وهو بيدور على حجة لكن ملقاش
_ مش عارف بس كنت مخنوق و لقتني جاي على هنا
_ ايوا في ثيرابست على اول الشارع ولا ايه
_ انا....
قاطعته بعصبـ'ـية
_ لو سمحت متجيش هنا تاني
_ انا اسف لو ضا'يقتك مكنتش اقصد
مشيت من غير ما ارد عليه معرفش ليه اتعاملت معاه كدا
بس تمام كدا كدا مش هشوفه تاني
و طبعاً دا اللي كنت فاكراه لحد ما روحت تاني يوم الشركة
اول ما وصلت الشغل لقيت الموظفين بيلفوا حوالين نفسهم
_ في ايه يا شريف
_ مستر أمير رجع من السفر
قالها و هو بيجري على مكتبه
_ هو ايه حوار الاسامي دي.. ناقص يطلع في الاخر أمير المجنو'ن
قولت كدا وانا بضحك و بضر'ب كف على كف
لقيت صوت جاي من ورايا
_ يعني طلع دا لقبي عندك
اتجمدت مكاني وانا بحاول استوعب صوت مين اللي ورايا دا
لفيت وانا ببصله بصد'مة
_ أمير
كان مربع ايديه و بيبصلي بغيـ'ـظ وهو رافع حاجبه
شهقت بصد'مة و حطيت ايدي علي بوقي و طلعت اجري على مكتبي
وقفت قدام المروحة و انا بهوي بإيديا مش عارفه الحرارة دي جايه منين
بس تقريباً دي كانت دماغي بتو'لع من اللي بيحصل
فضلت طول اليوم مستخبية في المكتب مطلعتش منه
الاول كنت بخا'ف اقابل طارق دلوقتي بقى طارق وأمير
و حقيقي مشوفتش حظ زي حظي في الدنيا دي
جه معاد اني اروح و طلعت من المكتب وانا بتسحب زي الحرا'مية
عشان محدش منهم يشوفني لكن وقفني صوت طارق
_ خديجة
لفيت ليه و اتكلمت بهمس
_ نعم
قرب عليا و اتكلم بنفس الهمس
_ انتي بتتكلمي كدا ليه
بعدت عنه بسرعه بعد ما ادركت اللي عملته
_ احم لااا بس زوري بيو'جعني شويه
_ الف سلامه عليكي
_ الله يسلمك
قولتها وانا بمشي لكن مسك دراعي بصيت لأيديه برفع حاجب
رفع ايده بسرعة
_ اسف... بس ممكن نتكلم شويه
_ مفيش بينا كلام غير في الشغل وبس و دلوقتي معاد الشغل خلص
عن اذنك يا استاذ طارق
نزلت بسرعه واتجاهلت كلامه لقيته نازل ورايا
_ خديجة احنا لازم نتكلم مينفعش اللي بتعمليه دا
فضلت متجاهله كلامه ومكملة مشي لحد ما وصلنا الشارع تحت
لقيته بيشدني بالعافية
_ خديجة متعمليش فيا كدا ارجوكي
_ ابعد عني يا طارق
قولتها وانا بحاول ابعد لكن معرفتش
_ متضيعيناش تاني يا خديجة كفاية السنين دي كلها
كانت عيونه كلها و'جع وهو بيتكلم يمكن عيونه الحاجه الوحيدة اللي مش بتكد'ب فيه و دا اللي كان مجـ'ـنني طول الفترة اللي فاتت
ازاي عيون طارق اللي كانت بتبصلي بكل حب خا'نتني و بصت لغيري
_ محدش ضيعنا غيرك يا طارق... انت اللي وصلتنا لكدا
ضغط على دراعي اكتر واتكلم بعصـ'ـبية
_ انتي ليه مش عايزة تعترفي ان جنا'نك دا هو اللي عمل فينا كدا
كل مره كنتي بتز'علي فيها كنتي بتختفي و تعملي بلوكات
وافضل زي الغبـ'ـي اجري وراكي و ادور عليكي و اصالحك
قلتلك بدل المرة الف بلاش الحركات دي وانتي مفيش فايدة فيكي
ايوا اخر مرة تعبـ'ـت منك و مدورتش عليكي كنت عايز اعرف هتقدري
تكملي من غيري ولا لأ... كنت بختبر حبك ليا
عايز اشوفك هتجري ورايا زي ما كنت بعمل معاكي ولا لأ
بس ازاي خديجة تجري ورا حد ازاي خديجة تجرح كبريائها
لكن طارق... طارق عادي... طارق معندهوش كرا'مة عادي
_ طارق انت بتو'جعني
قولتها وانا بحاول افك دراعي منه لكنه ضغط عليه اكتر
_ و دا ميجيش جمب و'جع قلبي حاجة
_ ابعد عني يا طارق.. ابعد
_ الحقيقة بتو'جع صح
_ بقولك ابعد يا طارق
فجأة لقيت حد ضر'ب طارق بوكس و زقه بعيد عني
_ امير
كنت لسه هجري على طارق لكن امير مسك ايدي واتكلم بصوت جهو'ري
_ لو قربتلها تاني هقتـ'ـلك انت فاهم
كنت لسه هجري على طارق لكن امير مسك ايدي واتكلم بصوت جهو'ري
_ لو قربتلها تاني هقتـ'ـلك انت فاهم
_ مستر امير الموضوع مش زي ما انت فاكر خديجة خطيبتي
لقيت امير ساب ايدي وبصلي
_الكلام دا صح
هزيت راسي بنفي
_ انا مش مخطوبة
مسك ايدي تاني و شدد عليها و هو بيوجه كلامه لطارق بتحذ'ير
_ لو ضايقتها تاني انا مش مسؤول عن اللي هعمله
اخدني معاه و مشي لحد ما وصلنا لعربيته
فتح الباب و اتكلم بعصـ'ـبية
_ اركبي
_ لا شكرا هروح لوحدي
_قولتلك اركبي
ركبت معاه وفضلنا فترة ساكتين بعدها قرر يقطع الصمت دا و اتكلم
_ هو دا اللي اتجوز صحبتك
هزيت راسي بنفي
_لأ
_ امال مين دا
_ ممكن مجاوبش
_ براحتك
اتنهدت وانا بسند راسي على الشباك
_ انتي كويسه
غمضت عيني وانا بحاول اكتم دمو'عي لكنها نزلت برضو
_ انا اللي كنت غلـ'ـط... انا اللي غلطا'نه
وقف العربية و بصلي باهتمام من غير ما ينطق حرف
_ هو كلامه صح انا اللي غلطانه... انا كنت انا'نية معاه
طارق كان بيحبني انا اللي وصلتنا لكدا
قولت كلامي بعيا'ط و مبقتش عارفه اتحكم في نفسي
طارق كان صح عمري ما فكرت في الموضوع من وجهة نظره
كنت دايما شايفة انه انا اللي معايا الحق كنت مغلطا'ه
من غير ما افهم منه انا ازاي كنت وحشـ'ـة معاه كدا
قاطع تفكيري امير و هو بيناولني منديل
_ اهدي يا خديجة
مسحت وشي و اتكلمت بإحراج
_ انا اسفة... انا مش عارفه دا حصل ازاي
لقيته طبطب عليا وهو بيبتسم
_ انتي كنتي بتقولي عليا امير المجنو'ن صح
_ انا اسفة يا مستر أمير... انااا...
قاطعني وهو بيدور العربية
_ تيجي اوريكي الجنو'ن اللي بجد
ساق العربية بسرعة جداً و انا كنت بتشاهد في الكرسي اللي جمبه
_مستر امير هدي السرعة شويه مينفعش كدا
ضحك و زاد السرعة اكتر
_ يخر'بيتك
بصلي بصد'مة
_ انتي قولتي ايه
_ انا... انا اسفة بص قدامك هنمو'ت
ضحك مرة تانية و فضل ماشي بنفس السرعة لحد ما وصلنا للبحر
اخدت نفس اول ما وقف العربية
_ايدا انا لسه عايشة بجد
_ انزلي
_ ايه هترميني في البحر المرة دي
_ انزلي يا خديجة انزلي
نزلنا من العربية و هو مشي ناحية البحر فضلت واقفة مكاني
لقيته بيشاولي امشي
_ اقلعي
_ افندم
قولتها وانا ببصله بصد'مة
ضر'ب جبهته بكف ايده
_ الشوز يا خديجة
_ هاااا... اااه الشوز
ضحك و وطى يخلع جزمته و رفع البنطلون و نزل الماية
عملت زيه و مشيت وراه
_ انت بتعمل ايه
مد ليا ايديه وابتسم
_ تسمحيلي نكمل رقصتنا
_ رقصتنا؟
افتكرت لما.........
_ تسمحيلي بالرقصة دي
بصتله بعدم فهم شاور بإيديه على ودانه
_سامعة المزيكا دي
_ فين دي
_ مش مهم انا سامعها
قالها وهو بيشدني عليه و بيرقص
_ لا دا انت مجنو'ن بجد
ضحك وهو بيلفني وبيكمل ر'قص
_ بطلي كلام و استمعتي باللحظة
مسكت كتفه و انا بسند عليه
_ كان نفسي استمتع بس انا دوخت
_ احم... حيث كدا نطلع على المستشفى
ضحكت بعد ما افتكرت اليوم دا
_ مادام ضحكتي يبقى افتكرتي... يلا
_بس...
_ عارف المزيكا... ثواني
طلع موبايله و شغل ميوزك و مد ايديه ليا
مسكت ايديه و انا بضحك
_ مجنو'ن
_ بس قمر خلينا متفقين
قالها وهو بيغمز وحقيقي مشفتش ا'جن من كدا
رقصنا لحد المزيكا ما خلصت و فجأة لقيته بيرش عليا ماية
_ امير لااااااا
ولا حياة لمن تنادي طبعاً كمل لحد ما غر'قني
فضلنا نلعب بالماية و نضحك
كنت بضحك من قلبي وانا معاه
نساني كل اللي حصل من شويه
واقترن لتاني مرة بذكري بشـ'ـعة وحولها لذكرى مبهجة اوي
_ انا هروح ازاي كدا
قولتها و انا ببص لهدومي اللي بقت كلها ماية
شدني من ايدي وهو بيضحك
#الحلقة_السابعة
_تعالي
ركبنا العربية و لقيته وقف قدام مول كبير
_ هنعمل ايه هنا
_ انزلي بس
نزلت معاه ودخلنا المول لقيته بيختارلي فستان
_جربيه كدا
_ ايه دا
_ هدومك غرقانة اكيد مش هتروحي كدا
_بس...
_ ايه مش عاجبك... شوفي دا كدا طيب
_ لا لا عاجبني هروح اجربه
_ تمام... هشوف حاجه ليا عبال ما تخلصي
دخلت اقيس الفستان وحقيقي كان تحفة كأنه متفصل عليا
لكن بصيت على التيكت لقيته بنص مرتبي حرفياً
كنت لسه هغيره لقيت حد بيخبط عليا
_ نعم
_ استاذة خديجة ممكن تخلصي امير بيه مستنيكي من بدري
هي عرفت ان أمير يبقى بيه منين هو مشهور للدرجادي
ايدا ثواني هو امير يبقى مين في الشركة اصلا
طلعت الموبايل و جيت اعمل سيرش على جوجل
بس انا حتى معرفش هو اسمه امير ايه
سرحت في افكاري لحد ما لقيت الباب بيخبط مرة تانية
فتحت الباب وانا فكراها البنت اللي نادتني من شويه
لقيت امير في وشي
_واااااو
طلعت منه وهو بيسقف اول ما شافني بالفستان
_مش حلو
قولتهاا بسرعه وجيت اقفل الباب لقيته سده برجله
_مش حلو ايه انتي بتهزري
شدني من ايدي و قال للبنت اللي في المحل تحطلي هدومي اللي جيت بيها في شنطة
_ وقفت قدام المراية و انا بتفرج على الفستان مش عارفه افرح بجماله
ولا اعيط على نص المرتب اللي ضاع
لقيت انعكاس أمير في المرايا بيتسملي و هو واقف ورايا
لا ارادياً لقتني ببادله الإبتسامة
قرب عليا وهمس في ودني
_علفكرة طالعة زي القمر
_ احم... ميرسي
نزلنا تحت عشان نحاسب و نطلع لكن اتفاجئت انه عدا الكاشير و مكمل مشي عادي
_ امير الحساب
_ حساب ايه
شاورت بإيدي على اللبس لقيته ضحك
_ احم... هو انا مقولتش ليكي ان المول دا بتاعي
_ ايييه
هز اكتافه بضحك
_ يلا بينا
_ لا مش همشي غير لما ادفع
_ اعتبريه هدية
_ وانا اعرفك منين عشان اقبل منك هدية
_ اصلا
هزيت راسي بـ ايوا
مد ايديه يسلم عليا
_ انا امير الملاح المدير التنفيذي للشركة اللي حضرتك بتشتغلي فيها
_ المدير التنفيذي
قولتها وانا بحط ايدي على بوقي بصد'مة
شد ايدي و سلم عليا بضحك
_ يلا نمشي بقا
_ لا لازم ادفع الحساب الاول
جريت على الكاشير و انا بطلع الفيزا لكن ملقتهاش
وحاجة في منتهى الاحرا'ج بجد
_ شكلك نسيتها يلا بقا
_ لا هي في الشنطة انا متأكدة ثواني بس
قلبت الشنطة كلها على مكتب الكاشير
لكن من غير فايدة ملقتش حاجه
_مش نمشي بقا ولا ايه
_ بس....
خد مني الشنطة و مسك ايدي ومشي بيا على برا
_ ايه رأيك نتغدا سوا
_ لا انا لازم اروح
_طيب اركبي اوصلك يلا
_ لا انا هروح لوحدي
قولتها و انا بوقف تاكسي
_خديجة
نادي عليا قبل ما اركب و فضل باصص ليا كأنه بيفتكر حاجه
قبل 6 سنين
_ طارق ايه رأيك في العربيه دي
_ هاااااا
_ هاااا ايه.. يبني بقولك ايه رأيك في العربيه دي
_ ثواني يا امير بس
_ بتكلم خديجة كالعادة.. طيب مش ناوي توريهالي انا صحبك علفكره
من حقي اتعرف على مراتك المستقبلية
_ مش هخليك تشوفها عارف ليه
_ ليه
_ عشان لو شوفتها هتحبها
_ليه هو حد قالك اني وا'طي
_ مش وا'طي بس خديجة دي زي السحر مستحيل حد يشوفها و ميحبهاش و انا بغير عليها من عيون الناس
_ ايه المحن دا يا طارق الله يقر'فك... اقفل معاها طيب و ركز شويه كدا عايزك
_ لا ما انا مش بكلمها اصلا
_ امال بتعمل ايه
_ واحدة جديدة
_ يعني ايه انت بتهزر
_ لا والله بكلم واحدة جديده فعلاً
ثواني خديجة بترن
--------
_ الو يا خديجة
_انت فين
_في الشغل هخلص واكلمك
_انت متغير معايا بقالك فترة و عمال تتحجج بالشغل
_ انا مش ناقص ضغط يا خديجة اقفلي دلوقتي
_دلوقتي انا بقيت ضغط
_ يبنتي ارحميني بقا
_ انت لسه منزل استوري و مردتش عليا... انت ملاحظ انك بقيت تتجاهلني
_ لا دا انتي دماغك تعبانه بجد
----------
_ طارق انت قفلت في وشها
_ اممم
_ انت بتعمل كدا ليه انا كنت فاكرك بتحبها بجد
_ ما انا بحبها بجد برضو
_ انت عبيـ'ـط يبني... بتحبها و بتخو'نها و بتعاملها كدا امال لو بتكر'هها هتعمل ايه
_ امير فكك من الحورات دي... هااا كنت عايز توريني ايه
_ طارق متبقاش غبـ'ـي متضيعيش خديجة منك
_ انا تعبـ'ـت منها و من دماغها مبقتش عارف اتعامل معاها
_ اقعدوا مع بعض و اتفاهموا بس متعملش حاجات تخليك تخسر'ها
وتند'م بعدين
_ فكك يا امير .. وريني العربية اللي بتقول عليها كدا
________________
ناديت عليه بصلي بانتباه كأني قطعت تفكيره
_خديجة انتي مكنتيش غلط..... متخليش حد يقنعك انك غلط
انتي اتأ'ذيتي كتير متنسيش دا
هزيت راسي بإبتسامة وركبت التاكسي
كلامه هون عليا الحر'ب اللي كانت دايرة جوايا
انا كمان اتأ'ذيت و مينفعش اخلي طارق يقنعني بعكس دا
_____________________________________
_ انت راجع من السفر ناوي على ايه يا امير
_ طارق ازيك معرفتش اسلم عليك كويس امبارح
_ انت عايز ايه من خديجة يا أمير
_ تؤ تؤ عيب اسمها ميتنطقش على لسانك... خديجة دي بقت ليا خلاص
قرب عليه طارق و مسكه من ياقه قميصه بعصبـ'ـية
_ ملكش دعوه بخديجة يا أمير
شال ايديه ببرود وهو بيرفع حاجبه بتحذير
_ قولتلك اسمها متنطقهوش تاني
_ جاي تنتـ'ـقم صح...ابوك ما'ت و كتب الشركة الام تحت ادارة اختك فريال و سارة اتجوزت من كام يوم حسيت انك خسر'ت و جاي تحر'قنا صح
_ هنتقـ'ـم من مين... منك انت يالا
دا انت كنت فاكرك بعتني مقابل حاجة عليها القيمة
قولت هرجع الاقيك عندك شركة في الاخر طلعت مدير حسابات شركتي
بذمتك مش مكسوف من نفسك وانت واقف قدامي كدا
_أمير...
_ اسمي أمير بيه
" قالها بصوت جهور'ي "
و دلوقتي حالاً تطلع من مكتبي و تروح تكمل شغلك بدل ما تترفد خالص
__________________________
دخلت الشركة لقيت الموظفين كلها بتبص عليا بطريقة غريبة
فكرت في حاجه غلط في شكلي او شعري
دخلت مكتبي و انا ببص ع نفسي في المراية لكن ملقتش حاجه
استغربت اللي حصل لكن اتجا'هلته
وبدأت شغل لحد ما قاطعني رنة موبايلي
_الو يا مريم
_ خديجة اللي في الاخبار دا بجد
_ اخبار ايه يبنتي
_ صورك انتي و أمير الملاح مغرقة السوشيال
_ ايييييه
#الحلقة_الثامنة
دخلت الشركة لقيت الموظفين كلها بتبص عليا بطريقة غريبة
فكرت في حاجه غلط في شكلي او شعري
روحت مكتبي و انا ببص ع نفسي في المراية لكن ملقتش حاجه
استغربت اللي حصل لكن اتجا'هلته
وبدأت شغل قاطعني رنة الموبايل
_الو يا مريم
_ خديجة اللي في الاخبار دا بجد
_ اخبار ايه يبنتي
_ صورك انتي و أمير الملاح مغر'قة السوشيال
_ ايييييه
فتحت موبايلي لقيت صورنا امبارح على البحر و في المول
مالية الاخبار و عنوان الخبر
" الظهور الاول لحبيبة رجل الاعمال الشاب أمير الملاح"
فجأة طارق دخل عليا المكتب من غير ما يخبط حتى
_ خديجة الكلام اللي في الاخبار دا بجد
_ انت ازاي تدخل عليا المكتب بالشكل دا
_ ردي عليا الكلام دا صح
_ و انت مالك صح ولا غلط
_ متعمليش فيا كدا يا خديجة
قالها وهو بيقرب عليا زقيته وانا بز'عق
_ قولتلك اطلع برا انا مش نقصاك دلوقتي
_ خديجة متعمليش فيا كدا
_ انت فاكر اننا ممكن نرجع بعد السنين دي كلها
فاكر بعد خيا'نتك ليا انا ممكن ارجعلك
لو عدا 100 سنة انا مستحيل انسى اللي عملته فيا
انت خلتني اشك في كل حاجه.. خلتني افقد الثقة في كل اللي حواليا
امشي يا طارق... امشي و انسى بقا
_ خديجة.....
_ انا شفتك مع مراتك في الفرح و شوفت الدبلة اللي في ايدك
جاي تستغفلني تاني
_ انا مش متجوز يا خديجة و الدبلة اللي في ايدي بتاعة والدي
لابسها من لما اتوفى
قرب عليا اكتر و ملس على شعري رجعت لورا بسرعه
لكن قربني ليه تاني مكنش في فاصل بينا غير انش واحد
_ عارف اني غلطت... و اني وجعتـ'ـك كتير بس انا معرفتش اكمل من بعدك... مقدرتش اقرب من حد تاني
اديني فرصة يا خديجة.. فرصة واحدة
حضـ'ـني حاولت ابعده لكن معرفتش فضلت ازقه و اضر'ب فيه وانا بعيـ'ـط
_ ابعد يا طارق ابعد
_ كفاية بعد ارجوكي
اتكلمت من وسط دمو'عي
_ قولي ان اللي بينا مكنش كدب ..... ان كل اللي عشناه مع بعض كان حقيقة الشك في كل الذكريات دي هلكـ'ـني
ملس على شعري و اتكلم بحنية
_ مكنش كد'ب... والله ما كان كد'ب انا محبتش غيرك
زقيته جامد و قدرت ابعد المرة دي
مسحت دمو'عي
_ لو سمحت اطلع برا
_بس...
_ انسى اللي حصل دلوقتي و امشي و ياريت منتكلمش في الموضوع دا تاني
_خديجة.....
قاطع كلامنا اتصال بابا
_الو
_ انتي اللي في الصور دي يا خديجة
_ بابا انا....
_ انتي تجيني البيت حالاً دلوقتي بدل ما اجي اخدك من شعرك قدام الشركة كلها
_ بابا ارجوك اهدى انا....
فجأة لقيت أمير بيشد مني الموبايل معرفش دخل امتى أصلا
_ استاذ مصطفى انا امير الملاح
حاولت اخد منه الموبايل لكن شاورلي اسكت
_ انا عايز اتقدم لخديجة لو حضرتك فاضي النهارده انا هاجي معاها كمان ساعة
طارق كان لسه بيجري عليه لكن امير ضر'به في رجله وقعه في الارض وهو لسه بيتكلم مع بابا... كل دا وانا واقفة اتفرج ومش قادره استوعب اللي بيحصل دا كله
_ انتي موافقه على اللي بيحصل دا
قالها طارق وعينيه بتطق شرا'ر
لقيت امير شدني من دراعي قدام طارق و طلع بيا برا
وقف في نص الشركة قدام الموظفين
_ استاذة خديجة تبقى خطيبتي و كرامتها من كرامتي
اي حد هيفكر يقربلها او يضايقها ولو بكلمه يبقى هو اللي جنى على نفسه
كان الكل بيبص علينا و بيتهامس حرفياً كنت بتمنى الارض تنشق و تبلعني
_ كل واحد على مكتبه و مش عايز اسمع كلام عن الموضوع ده تاني
قالها بصوت جهور'ي خلى الموظفين كلهم يجروا على مكاتبهم
الوحيد اللي فضل واقف هو طارق قرب علينا وهو بيسقف
_ لعبة حلوة بجد يا استاذ أمير
_ امشي من وشي يا طارق انا مش ناقصك
قالها وهو بيشدني و ماشي لكن وقفنا طارق وهو بيمسك ايدي التانية
_ خديجة مش هتروح معاك في مكان
زقيت ايديهم هما الاتنين و اتكلمت بتحذ'ير
_ محدش يقرب مني
سبتهم و طلعت من الشركة كلها وانا حرفياً بلف حوالين نفسي
مش عارفه اعمل ايه و لا اروح فين و كملت لما لقيت بنتين
عمالين يبصوا ويشاوروا عليا لفيت وشي الناحية تانيه
ومشيت لقيتهم جايين ورايا
_ لو سمحتي... انتي اللى في البوست دا صح
قالتها بنت منهم وهي بتوريني صورة ليا انا وامير
حطيت ايدي علي وشي و انا بحاول اخبيه
_ لا مش انا
جيت امشي لقيتهم وقفوا قدامي
_ علفكرة طالعين حلوين اوي.. ممكن اتصور معاكي
انا بلوجر علفكره
_ ما هو مش انا اللي في الصور دي واحدة شبهي
حاولت افهمهم كتير لكن من غير فايدة كانوا مصمين ان دي انا
هو انا ايوا بس ليه الاصرار فجأة لقيت امير شدني من ايدي و جري بيا بعيد عنهم
_ احنا بنجري ليه
مردش عليا وكمل جري لحد ما بعدنا مسافة كبيرة عنهم
وقفنا واحنا بنتنفس بالعافية
_ ايه اللي انت عملته
_ بقالي 5 دقايق واقف اتفرج عليكي و انتي مش عارفه تهربي منهم
فحسيت اني لازم اتدخل
قالها وهو بيهز اكتافه بضحك
_ يعني كنت بتتفرج عليا كل دا
هز راسه وهو بيناولني شنطتي
_ نسيتي دي في المكتب
_ ممكن اعرف ايه اللي انتي عملته في الشركة دا ومع بابا كمان
_ بستر عليكي
_ ايييه
قولتها بصد'مه
هز راسه وهو بيضحك
_ انت شايف انه دا وقت ضحك يعني
_ اسف.. اسف
قالها وهو بيحاول يكتم ضحكته
ضر'بته في كتفه بعصبيـ'ـة
_ انت مدرك الوضع اللي احنا فيه
مسك ايدي وهو بيبص في ساعته
_ ممكن تهدي ويلا بينا عشان اتأخرنا على والدك
قالها وهو بيمشي
_ انت بتتكلم بجد
كمل مشي و مردش عليا
_ انا بكلمك علفكرة اقف عندك
وبرضو معبرنيش ولا وقف
جريت وراه لحد ما وصلته و وقفت قدامه
_ انت مجنو'ن.... انت هتروح تقول لبابا ايه دا ممكن يقتـ'ـلك لو شافك
_ محدش هيقـ'ـتل عريس بنته
_ ياربي... امير بيه ارجوك افهم اللي انت بتقوله دا مينفعش
_ وليه مينفعش
_ عشان.... عشان... معرفش بس هو مينفعش
اصلا هتتقدملي بناءً على ايه... انت تعرفني منين اصلا عشان تتقدملي
بعدين بدل ما تحل المشكله بتدبسنا في مشكله اكبر
_ خديجة انتي لسه بتحبي طارق
السؤال صد'مني مبقتش عارفه ارد
انا مش عارفه اصلا اذا كنت لسه بحبه ولا لأ
بس الاكيد اني مقدرتش اتخطاه لحد دلوقتي
لكن طبيعة مشاعري ناحيته مش قادره احددها
_ مش عارفه
قولتها وانا بهز اكتافي ببساطة
_لو بتحبيه كنتي قولتي او على الأقل سكتي خالص
مد ايديه ليا وهو بيبتسم
_ خديجة.... ممكن تديني فرصة
افتكرت طارق لما قالي نفس الكلمه من شوية
_ خديجة انا كمان مو'جوع زيك... خلينا نحاول نكون دواء لبعض
خلينا نتعافى سوا
بصيت على ايديه اللي ممدودة ليا و في نفس الوقت كان كلام طارق بيرن في وداني لحد ما......
رأيكم وتوقعاتكم في التعليقات مع أجمد تفاعل عشان اكمل نشر الرواية ومتنسوش تفاعلكم هو اللي بيشجعني اكمل 💞 عايزين نوصل البارت ل500تعليق❤️💪
تابعووووووني
❤️🌺🌹❤️🌺🌹❤️🌺❤️
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق