رواية مليكه الأسد الجزء الثاني الفصل الاول والثاني بقلم إيمي الطيب حصريه وجديده في مدونة النجم المتوهج للروايات والمعلومات
 |
رواية مليكه الأسد الجزء الثاني الفصل الاول والثاني بقلم إيمي الطيب حصريه وجديده في مدونة النجم المتوهج للروايات والمعلومات
بقلم ايمي الطيب
فكرة انك روحت مني مش قابلها
شوف نهايه انا وانت غير دي نستاهلها♡.
***************
اوعي تنخدع من البدايه مش دايما البدايات الحزينه بتكون نهايتها زيها
***********
...: مبروك يافهد مبروك يا سيرين قالتها بضيق
فهد بحب: الله يبارك فيكي ياماما
سيرين بخبث: الله يبارك فيكي يا طنط
ياسمين بصتلها من غير نفس ومشيت
وكل كان بيبارك لفهد وسيرين
وفي الي كان بيبارك بفرحه وفي الي كان بيبارك بحزن وفيه الي مكنش موافق وكان بيبارك من غير نفس
************** بقلم ايمي الطيب
في مكان تاني حيث غرفة القمر بتعتنا جاسمين
جاسمين قاعده في اوضتها بتعيط وهي سمعه صوت الزغاريط والاغاني تحت
جاسمين ببكاء شديد: بقا كده يا فهد بعد كل الحب الي حبتهولك تعمل فيا كده بس انا الي غلطانه اني حبيتك بس صدقني ل هشيل حبك من قلبي وهطلعك من حياتي
وعشان اثبتلك انك ولا حاجه ومش فارق معايا انا هنزل وهبركلك كمان
وقامت لبست فستان احمر طويل ومنفوش من تحت وعليه حجاب اوف وايت وهلز بنفس اللون الطرحه وحطت ميكب ومسكره خفيفه ونزلت
استوووب(نعرف الشخصيات فهد رائد ياسين الغرباوي
ابن رائد وياسمين عنده 29سنه واصغر رجل اعمال في العالم بنا نفسه بنفسه ومرضيش يعتمد علي باباه او عمو او جدو عيونه بنيه زي حبة البندق وشعره اسود وتقيل وبشرته قمحاويه وطويل)
(جاسمين: عندها 18سنه بنت اسد ومليكه في كلية ألسون قسم اسباني بتحب فهد ومتعلقه بيه ومن هي صغيره بس فجأها بيوم وهو بيقول هيخطب سيرين عنيها عسلي وشعرها بني محروق وبيضاء وخده من ملامح مامتها مليكه وقصيره يعني اوزعه كده)
(سيرين كانت صديقة فهد في الثانويه بنت مغروره وطماعه وبتحب فهد عشان فلوسه وكمان لأنها بتكره جاسمين لسبب هنعرفه بعدين)نرجع للروابه
****************
تحت في قصر الغرباوي
كانو كله بيهني فهد وسيرين،
عند اسد والعيله
ياسين: امال فين جاسمين يا اسد
اسد: مش عارف يابابا
مليكه: هي كانت في اوضتها وعديت عليها قالتلي هجهز وانزل
نرمين: انا هطلع اشوفها وكانت لسه هتقوم لقت الانوار اتقفلت واتفتحت بس الضوء كان متسلط علي تلك الجميله التي كانت تقف علي السلالم
نرمين ببتسامه: اهي وصلت
الكل بص علي السلم مكان الضوء لقو جاسمين وقفه بكل كبرياء ولما لا فهي بنت اسد الغرباوي وحفيدة ياسين الغرباوي
ونزلت علي السلالم وكل منبهر من جمالها وسيرين كانت متغاظه عشان جاسمين خطفت الجو منها وفهد كان بيشيط لان كان شايف نظرات الناس ليها وبالأخص الرجال
جاسمين نزلت وراحت عند فهد وقالت
جاسمين ببتسامه مصطنعه: مبروك يا ابيه مبروك سيرين
سيرين بخبث ودلع: الله يبارك فيكي جسي عقبالك
جاسمين، بثقه: قريب ياروحي وانتي هتنورينا دا حتي انتي هتبقي واحده من العيله
فهد واقف ومتغاظ من كلمها وشاط اكتر لما قالت قريب
جاسمين: عن اذنكوا
ومشيت
وخلصت الخطوبه وكل واحد روح والكل العيله طلعت تنام
ملحوظه (الغرباوي ومريهان مراته ماته في حدثة عربيه)
******************
تاني يوم في قصر الغرباوي
وتحديدا في غرفة البطله
قامت جاسمين بنشاط ولبست بنطلون بوي فرند اسود وتيشرت ابيض وجاكت اسود بكم وعليه كوتشي ابيض وشنطه نبيتي غامق ونزلت
جاسمين بمرح: يا اهل الداااااار انا صحيييييت
مليكة بضحك: انا الي كنت بعمله في امي بيطلع عليا
وكملت صوتك يا زفته
جاسمين بمرح: الله خليك رويح يا ابا روجدي
اسد ضحك عليها وقال: ههههههههههه كلك أمك وهي صغيره
مليكه بصتله برفعة حاجب: قصدك اني كبرت يا اسد
أسد بحب: يا روح اسد انتي مهما كبرتي هتفضلي فنظري
صغيرتي
جاسمين: اه يابابا يا جامد
فجاة دخل فهد ببرود: صباح الخير
الكل صباح النور
وكل قعد يفطر
جاسمين وهي بتبص ناحية باباها وفي نفس الوقت بتخطف نظرات من تحت لتحت لفهد
جاسمين: بابا انا كنت عاوزه اقلك حاجه
اسد بإستغراب: ايه الاحترام ده يابت قولي
جاسمين بتوتر وهي بتراقب حركات فهد من غير ما حد ياخد باله: في عريس متقدملي وعايز يقبلك
فهد كان بيشرب في الوقت ده راح شرق وقعد يكح
اسد بعقل: اسمه ايه وشفتي فين
جاسمين: اسمه سراج وزميلي في الجامعه
اسد: اممممممم وانتي رأيك ايه
جاسمين عشان تستفز فهد: هو شاب محترم والجامعه كلها بتحلف بأدبه وبصراحه بغكر اوافق بس طبعا بعد موافقتك يا بابا
فهد طول الوقت قاعد عمال يدوس علي ايده وهو اساسا شاااايط من جوه
اسد بجديه: تمام هشوف وهحدد ميعاد
جاسمين: تمام يابابا
فهد ببرود عكس البركان اللي جواه: يلا عشان اوصلك الجامعه بس هنعدي علي سيرين الاول
جاسمين بحزن ولكن اخفته ببراعه وقالت بمرح ومكر: شكرا. يا ابيه تقدر تروح انت لخطبتك وانا صقر هيوصلني مع نرمين ومها و سيلين مش كده يا صقورتي
صقر في سره: البت دي عايزه تخلص مني بدري
وقال بصوت عالي؛: كده ياقلب صقورتك
فهد بغيظ: تمام بس متنساش الشركه يصقورتها ومتتأخرش وقام بغضب ومشي
واول ما مشي
أسد: مروحتيش مع ابن عمك ليه يا جاسمين
جاسمن بكدب: عادي يا بابا عشان اسيبه براحته مع خطيبته ثم اكملت: يلا ياصقري عشان نمشي
صقر: يلا يختي انتي وهيا عشان انا هموت انهارده
جاسمين: بعد الشر بتقول كده ليه
صقر: لا متخديش في بالك
جاسمين وهي بتضحك: اوكي يلا بقا هتأخرنا علي الجامعه
صقر يحب اخوي: يلا يا اخرة صبري
*******************
عند فهد في العربيه
فهد وهو بيسوق: ماشي يا جاسمين اما وريتك وهو بيقلد صوتها: اصل في عريس متقدملي وعايز يقبلك ولا ايه مش كده يا صقورتي ماشي ياجاسمين ماشي
وعدي علي سيرين وخدها وصلها للنادي وراح الشركه
***********************
في شركة فهد
دخل فهد وهو متعصب وعفاريت الدنيا كلها بتلعب قصاد وشه وطبعا كل الموظفين كانو خايفين منه
دخل مكتبه وطلب السكرتيره
السكرتيره خبطت ودخلت
السكرتيره بخوف: نعم يافندم
فهد بغضب: هتيلي القهوه بتاعتي وصفقة المنصوري وناديلي رعد وصقر وسيف
السكرتيره: حاضر يافندم بس مستر صقر لسه موصلش
فهد بغضب: تمام ناديلي رعد وسيف ولما صقر يجي قوليله يجيلي
السكرتيره: تمام يفندم بعد اذنك
*********************
وبعد خمس دقايق
اتفتح الباب ودخل رعد وسيف
سيف بمرح: ايه مالك ياعم الشركه كلها مورهاش غير المدير الي داخل متعصب مالك
فهد بغيظ: طب اقعد ساكت بدل ما اقوم اروقك
رعد بهدوء: مالك يافهد الي معصبك
فهد: هو الي يعرف اختك يبقي هادي
رعد بإستغراب: جاسمين مالها جاسمين
فهد حكالهم الي حصل كله
سيف بضحك:ههههههههه دا انت هتشوف ايام سوده يافهد
رعد بعقل: انت الي غلطت يافهد واخترت انك تخطب سيرين
فهد بحزن: انا خطبت سيرين لأني بحب جاسمين واخاف اظلمها معايا وهي لسه صغيره
فجاة اتفتح الباب ودخل صقر وهو بيقول بمرح: صباحو ياشباب
فهد بغيظ: اهلا يا خويا
صقر بمرح: طب انا مالي يا لمبي
سيف بإستغراب: هو في ايه
صقر بضحك: انا هقولك (ثم قص عليهم كل ماحدث الصبح)
سيف: وانت هتعمل ايه يافهد
فهد بعصبيه: مش عارف بس كل اللي اعرفه اني مش هخلي الجوازه دي تتم
رعد بضحك: ههههههههه يعيني بس تصدق تستاهل لأنك لعبت مع واحده من جنس حواء
سيف بمرح: يعيني دا انت هتشوف ايام عنب
صقر بمرح: عشنا وشوفنا كتلة الجليد بتعصب
فهد بغيظ: اطلع بره يحيوان انت وهو كله يروح يشوف شغله
كل صحابه طلعه وهما بيضحكه. وبعد ماطلعو
قهد: ماشي ياجاسمين برضو مش هتبقي لغيري
*********************
عند بطلتنا
كانت في الجامعه
بعد ما خلصت محاضرتها
كاتت طلعه عشان تروح لان مها ونرمين وسيلين لسه عندهم محاضرات ولكن وقفها صوت شاب وسيم
سراج: جاسمين
لفت جاسمين
جاسمين: سراج ازيك
سراج ببتسامه: الحمدلله انتي عامله ايه
جاسمين: الحمدلله خير في حاجه
سراج: احم بصراحه كنت عايز اعرف يعني الموضوع اللي كلمتك فيه
جاسمين: احم انا كلمت بابا وهو هيحدد ميعاد وهبقي اقولك عن اذنك
وطلعت بره الجامعه ولكن اتفجأت بوجود
يتري ايه هو سبب كره سيرين لجاسمين
يتري فهد ناوي علي ايه
ويتري هل هيوافق أسد علي زواج جاسمين من سراج
يتري جاسمن شافت ميييين
رواية مليكة الاسد 2 (محبوبتي)
البارت التاني
بقلم ايمي الطيب
انتَ عارف المُصيبة فين؟
المُصيبة إن العقوبة نار، مش قلم ولا قلمين.
اسفه يا حبايبي علي التاخير بإذن الله كل يوم الساعه 8 هنزل بارت
*****************
ملحوظه (فهد بيحب جاسمين بس خايف ياخد خطوه مش تكون هي بتحبه عشان فرق السن أما جاسمين بتحبه بس هي فكره أنه شيفها أخته)
جاسمين بصدمه: فهد
فهد كان واقف ساند علي العربيه ومربع إيده
وأول ما شفها اتعدل وبصلها وإبتسملها
جاسمين راحت عنده وقالت: ايه ده فهد رائد الغرباوي بنفسه هنا خير
فهد: جي أوصلك لأن مها وسيلين ونرمين لسه عندهم محاضرات وصقر هيجي يخدهم لما يخلصوا
جاسمين حبت إنها تستفزه : اممممم لا مرسي هاخد تاكسي
فهد وهو بيجز على سنانه:جاسمين بلاش تعصبيني وحالا تركبي العربيه
جاسمين بصتله بثقه:مش هركب ومش هروح معاك يافهد حتي لو قعدت استني البنات تخلص و أروح معاهم
فهد بصلها لدقايق وراح ماسك إيديها ودخلها العربيه
وركب هو كمان ساق العرببه وكان الصمت سيد المكان
فهد بحب حاول أن يخفيه قال دون أن ينظر لها: ممكن متقلبيش وشك وبعدين انا عايز اعرف مش احنا دايما اتفقنا نكون اصدقاء ونقول كل حاجه لبعض ممكن اعرف صحبتي مالها
جاسمين بحزن ولكن اخفته عنه: مفيش يا فهد
فهد: امال متغيره بقالك فتره ومبقتيش تسهري معايا زي الاول ليه
جاسمين: مفيش عشان عندي مذاكره
فهد ببتسامه: امممم طب ما تيجي نتغدي مع بعض أهو حتي تفكي من ضغط المذاكره شويه ها تقبلي عزومتي على الغدا
جاسمين ببتسامه خفيفه: اممممممم شكل مزاجك رايق علي العموم موافقه
فهد ببتسامه: يلا بينا
وبعد فتره وصلو المطعم
نزلت جاسمين ونزل قهد
ملحوظه( جاسمين وفهد قبل ما يخطب سيرين كانوا دايما بيتكلمو مع بعض فهد كان دايما خزنة اسرار جاسمين وجاسمين كمان كده واتفقوا انهم يكونوا أصدقاء ولكن بعد ما فهد أعلن ان هيخطب سيرين جاسمين بقت تبعد عنه ومبقوش يتكلموا) نرجع للروايه
************************
داخل المطعم
دخل فهد وجاسمين
راحو على طرابيزه في المطعم
وفهد شدلها الكرسي عشان تقعد قعدت وهو قعد قدامها
وقال: تحبي تاكلي ايه
جاسمين ببتسامه خجوله: اي حاجه
فهد بحب مقدرش يخفي: ايه رأيك اطلبك علي
ذوقي
جاسمين: اوك
وفعلا طلبوا الاكل
ولكن وهما بياكلو دخلت عليهم سيرين
سيرين بخبث لكي تخفي غيظها عندما رأت جاسمين مع فهد: ايه ده فهد حبيبي انت هنا وراحت حضناه
ولكن ابعدها فهد بهدوء وقال: سيرين انا كام مره أقولك مينفعش تحضنيني لأنك لسه مش تحليلي
سيرين بخبث لتداري احراجها: بس انا هبقي مراتك
فهد ببرود: لما تبقي مراتي ابقي اعملي كده لكن من هنا لحد ما تكوني مراتي مينفعش تحضنيني
كل دا جاسمين متبعاه ومن جواها هتموت وتقوم تجيبها من شعرها وفي نفس الوقت مبسوطه ان فهد صدها
سيرين بخبث: ازيك يا جاسمين عامله ايه
جاسمين بغير نفس: اهلا سيرين
سيرين: إيه دا انتو بتتغدوا
جاسمين بغيظ: اه عند حضرتك مانع
سيرين بخبث: لا يا حبيبتي
جاسمين في سرها: حبك برص يا بعيده
سيرين: ممكن اقعد اتغدي معاكوا
فهد كان هيتكلم ولكن قاطعته جاسمين
جاسمين: الف هنا انتو انا هروح عشان عايزه أنام عن اذنكم
فهد: استني هوصلك
جاسمين وهي بتبص لسيرين: لا خليك أنت مع خطيبتك وسابته ومشيت
سيرين: إيه يا حبيبي مش هناكل
فهد بصلها وقال ببرود وغيظ: أه يلا ناكل
**************************
عند جاسمين
كانت طالعه من المطعم وهي متنرفزه
وقفت تاكسي وقالتله عنوان البيت
وكانت بتكلم نفسها في التاكس
جاسمين بغيظ: اااااه يا ما كان نفسي اجيبها من شعرها
لا وبتحضنه حضنتها عقربه البعيده
وبعد شويه وصلت البيت ودخلت وهي متعصبه والدموع متحجره في عنيها
واول ما دخلت لقت مامتها مليكة وياسمين وساره وساندي
مليكة بقلق: مالك يا جسي
جاسمين بتهرب: مفيش ياماما انا هطلع انام تصبحي علي خير وطلعت جري علي اوضتها
بس قبل ما توصل لأوضتها وقفها أسد والدها
وقال: جيسي تعالي يا حبيبتي عايزك
طبعا راحت جاسمين علي أوضة والدها
أسد:،،،،،،،،،،،،،،،
*****************
عند فهد فى المطعم
كان فهد قاعد مع سيرين ولكن كان عايز يمشي
سيرين بدلع مقزز: ايه يا حبيبي مالك سرحان ليه
فهد بضيق: مفيش لو خلصتي أكل يلا خلينا نمشي
سيرين بحزن مصطنع: إيه ياحبيبي زهقت مني ولا إيه
فهد ببتسامه مصطنعه: لا ياحبيبتي بس انا ورايا شغل ممكن بقا نمشي
سيرين بدلع: اوكي يا حبيبي يلا بينا
******************************
عند جاسمين
اول ما دخلت الأوضه راحت فتحت درج الي جنب السرير
وطلعت صوره لفهد وقعدت تبصلها وفجأه لقت دمعه فرت من عنيها وكأنها إشاره لتنفتح في البكاء وظلت تبكي حتي تعبت من كتر البكا ونامت
**********************
عند صقر
راح الجامعه عشان يجيب مها وسيلين ونرمين
وصل قدام الجامعه ونزل وسند علي العربيه
لحد ما يخرجو وفعلا كانوا طلعوا ولكن صقر شاف حاجه جعلت الدم يغلي في عروقه
**********************
عند سيلين والبنات
كانو خارجين من الجامعه ولكن قاطع سيرهم
ظهور شاب في اوائل العشرينات
الشاب: انسه سيلين
وقفت سيلين والبنات وبصو للشاب
الشاب: آزيك يا أنسه سيلين
سيلين ببرود: حضرتك موقفني عشان تقولي ازيك
الشاب بإحراج: احم أنا إسمي معتز وبصراحه كنت عايز حضرتك في موضوع كنت عايز اقابل والدك عشان عايز اطلب إيدك واخش دنيا
وقبل ما ترد جاء صوت من خلفها: لا وانت الصادق أنت هتخرج منها
سيلين بخضه: صقر
صقر راح انقض علي الولد وقعد يضرب في لحد ما كان هيموت في إيده
سيلين بصراخ: صقر صقر خلاص كفايه هيموت في إيدك
عشان خاطري خلاص
سابه صقر والولد وكان لا يبان في وشه شيء
وشد سيلين وقال ليها وللبنات: يلا قدامي علي العربيه
وطبعا سيلين قاعده جنب صقر قدام ومها ونرمين ورا
وصقر سايق ولكن عروق رقبته وايده نافره ووشه مليء بالغضب
وسيلين ومها ونرمين كانوا خايفين بس طبعا أكتر واحده كانت خايفه منه سيلين
وبعد شويه وصلو القصر
والبنات دخلت القصر وكل واحده دخلت اوضتها وطبعا محدش شافهم لأن الأمهات كانو فى المطبخ
وبعدها دخل صقر وطلع علي اوضة سيلين
*********************** بقلم ايمي الطيب
عند أوضة سيلين
كانت قاعده خايفه من رد فعل صقر وفي نفس الوقت مبسوطه من غيرته بس قالت بحزن: أكيد خايف عليا زي مها ونرمين يعني زي أخته
ملحوظه(سيلين بتحب صقر من زمان بس هوا ميعرفش
وصقر بيحب سيلين من زمان وبرضو سيلين متعرفش) نرجع للروايه
وصل صقر قصاد أوضة سيلين
وخبط ودخل وكان و مازالت عروقه نافره
سيلين بخوف: إيه ياصقر في إيه
صقر كان بيقرب وهو ساكت وهي كانت بترجع لورا لحد قبل ما توصل للحيط وشدها من إيديها وقال بصوت هادي ولكن مخيف: أنا قيلك إيه قبل كده مش قايل ملكيش علاقه بولاد وراح مزعق قايل ولا مش قايل ردي
سيلين بخوف وبكاء: والله هو الي وقفني وقالي الي انت سمعته وكنت هوقفه عند حده بس انت جيت ورديت قبل ما أرد
صقر بصلها شويه ولما شاف دموعها قلبه رق ولكن مبينش وسبها وخرج
وهي قعدت تعيط
******************
عند فهد
خرج هو و سيرين وروحها البيت وبعدين طلع علي القصر
ملقاش حد فطلع كان هيروح عند أوضة جاسمين ولكن غير رأيه وراح علي اوضته وخد شاور وغير هدومه لتيشرت اسود وبتطلون رصاصي
وسرح في معشوقته لحد ما نام
********************** بقلم ايمي الطيب
علي الغدا كان الكل اتجمع ماعدا سيلين وجاسمين
ياسين: امال فين جاسمين وسيلين
مليكة: سيلين بتاخد شاور ونزله وجاسمين قالت انها عايزه تنام وإنها انغدت بره
وطبعا فهد كان قاعد
وبعد شويه دخلت سيلين وعنيها كانت حمره من كتر العياط ومحدش لاحظ غير صقر لأنه كان مركز معاها من اول ما دخلت وقعد يشتم في نفسه لأنه السبب في دموعها
وبعد شويه خلصو اكل والكل قعد في الصاله
********************** بقلم ايمي الطيب
في، الصاله
كان الكل متجمع فجأة نزلت جاسمين
وهي مبتسمه وقالت: مساء الفل عليكم
الكل: مساء النور يا جسي
وطبعا فهد كان قاعد بس متكلمش
جاسمين: احم اسدي
أسد بحب أبوي: قلب أسدك عايزه إيه يا حبيبتي
مليكة بغيره: ولما هي تبقي قلبك أنا ابقي إيه يا أستاذ أسد
أسد بضحك علي غيرة صغيرته قال بحب: انتي حياة الأسد كلها ياصغيرتي
جاسمين بتصفير: الله عليك يابابا يا جامد
مليكة بخجل: اتلمي يابت إبتسم أسد علي خجلها
أسد بجدية: كنتي عايزه إيه يا جيسي
جاسمين وهي بتبص لفهد وبعدها بصت لوالدها قالت: أنا موافقه علي سراج
أسد:،،،،،،،،،،،،،،،،،،،،،،،
استوووووووب
ويتري أسد قالها إيه
ويتري أسد قالها إيه لما استدعاها لغرفته
ويتري فهد هيكون رد فعله إيه
ويتري إيه نهاية خبث وشر سيرين
وهل يتري صقر هيتفدم لسلين ولا لا
وهل هيعترفلها بحبه
هنعرف المرات الجايه
سلاموووووووز
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق