القائمة الرئيسية

الصفحات

رواية ليان الزعيم البارت الثامن والتاسع والعاشر بقلم الكاتبه آيه عيد حصريه وجديده على مدونة النجم المتوهج للروايات والمعلومات

رواية ليان الزعيم البارت الثامن والتاسع والعاشر بقلم الكاتبه آيه عيد حصريه وجديده على مدونة النجم المتوهج للروايات والمعلومات 



رواية ليان الزعيم البارت الثامن والتاسع والعاشر بقلم الكاتبه آيه عيد حصريه وجديده على مدونة النجم المتوهج للروايات والمعلومات 


اسر بغضب :انا ملمستكيش

تولين :ازاي بس يااسر، دا انا وانت كنا علي سرير واح


اسر قاطعها بغضب :اياكي تكلميني بالطريقة دي، فاهمة

وبعدين قرب منها وقال بحدة :انا متاكد ان جرأة القلب دي مش منك.... انتي في حد وراكي


تولين بتوتر :ا ايه ل لا طبعا

اسر فهم من توترها ان في حاجة

طلع بسرعة من مكتبه


٪٪٪٪٪٪٪٪٪٪٪٪٪٪٪٪٪٪٪٪


في الصالة

اسر طلع من مكتبه متعصب وشاف حازم ونادا عليه وحازم راح وراه، وخرجوا من القصر

وخرجت تولين

والعيلة مستغربة من منظر اسر ، واستغربت اكثر لما لقوا تولين طالعة من المكتب


قربت منها ليان بعصبية : انتي بتعملي ايه جوا

بصتلها تولين من فوق لتحت ، وبعدين سابتها وطلعت فوق


@@@@@@@@@@@@@@@@@@@@@


في مكان مجهول


كان حازم واسر موجدين


اسر بغضب :انا متاكد انها بتكدب


حازم :طب اهدا بس


اسر بصله:وصلت للراجل


حازم :عرفنا انه سافر مدينة تانية، وبعتت الرجالة يجبوه، وعرفنا حاجة مهمة اوي كمان


وبدا حازم يحكيله


اسر :تمام وعلي ما يجبوه انا عارف هتعامل معاها ازي 


حازم :طب وهتعمل ايه؟! 


اسر حكاله علي خطته 

حازم :وليان


اسر سكت وبدا يفكر


@@@@@@@@@@@@@@@@@@@@@


قدام مستشفي اسر كان واقف مستني حد

جت تولين : انت اتصلت بيا وقولتلي اجي هنا ليه


اسر بصلها بحدة :عشان نتاكد

وشدها من ايدها بقوة، ودخلو


٪٪٪٪٪٪٪٪٪٪٪٪٪٪٪


دخلو في اوضة الكشف، ودخلت وراهم الدكتورة


اسر : عايز اعرف هي حامل ولا لا


الدكتورة :تمام

ووجهت كلامها لتولين :اتفضلي لو سمحتي نامي هنا

وشاورت علي سرير الكشف

تولين اتجهت ليه وقعدت بتوتر

والدكتورة قربت منها وقفلت الستارة


واسر قاعد مستني


.......... بعد مدة


الدكتورة فتحت الستارة وطلعت قعدت علي مكتبها


اسر : ها


الدكتورة : هي حامل حضرتك


اسر بص لتولين ال عاملة نفسها مكسوفة

اسر قام وقف :تمام


وقرب من تولين وبحدة :ورايا

وخرج، وتولين خرجت وراه


@@@@@@@@@@@@@@@@@@@@


بليل في القصر


دخل اسر هو وتولين ونادا علي اسماء


اسماء :نعم يابيه


اسر بهدوء :نادي علي الكل


اسماء :اوامرك يا بيه


وراحت ونادت علي كل العيلة بما فيهم  تامر وكمال

ليان نزلت مستغربة انه جمع العيلة


اميرة باستغراب :في ايه يا اسر


اسر بص علي ليان وبعدين بص علي تولين 


اسر :انا هتجوز تولين

الكل اتصدم

وتولين بصت علي تامر وابتسمت ابتسامة خفيفة

ليان واقفة مش بتتحرك


اميرة بعصبية :ايه ال انت بتقوله دا، انت مستوعب انت بتقول ايه؟!


اسر بهدوء :انا عارف انا بقول ايه كويس.... وتولين حامل في ابني

الخبر نزل علي ليان زي الصاعقة ودموعها بدات تنزل وهي ساكتة


اميرة بعصبية : ايه العب"ط ال بتقوله دا، ازاي قربت منها كدا.... قربت منها في الحرام يا اسر


اسر ببرود :انا هصلح غلطتي وهتجوزها


اميرة :انت اتجننننت، ايه دا ال تصلح غلطتك، انت مش فاهم انت عملت ايه.... انا زن" يت، انت عصيت ربك يا اسر


(وهو دا يعرف ايه عن الدين 🫠استغفر الله العظيم)


اسر بغضب : مكنتش حاسس بنفسي، عملت كدا بالغلط.... وانا قولت خلاص هتجوزها وهصلح غلطتتي، انا مش هتخلي عن ابني عشان اي حد


كل دا وليان واقفة بتعيط وساكتة بصدمة

وتولين وتامر واقفين مبتسمين علي الاخر 


سميرة بحزن: ط طب و ليان 


اسر بص لليان وقرب منها بهدوء : هطلقها

ليان سمعت الكلمة من هنا ووقعت علي الارض من هنا وغمي عليها

ميار جريت عليها وبدموع :ليه كدا يا اسر، ليه هي عملتلك ايه


اسر قرب من ليان بقلق بس مبينش، وشالها وطلع بيها علي فوق


واميرة واقفة ماسكة رأسها بغضب


وميار بصت لتولين بك"ره وقربت منها


@@@@@@@@@@@@@@@@@@@@@


فوق في اوضة اسر وليان


اسر دخل وحط ليان علي السرير وبص عليها كتير وقرب منها وبا*س رأسها

وبعد وبصلها

اسر بحزن :هصلح كل حاجة يا قلب اسر، بس انا مضطر 

وغطاها كويس وقام وخرج من الاضة


@@@@@@@@@@@@@@@@@@@@


نزل تحت ولقي ميار ماسكة شعر تولين والكل بيحاول يبعدها عن تولين


ميار بغضب :بقي انتي يا حتة بتاعة، تلعبي علي اخويا وتفهميه انك حامل منه..... انا مش هسيبك النهارة غير اما طلع عينك


تولين اول ماشافت اسر عملت نفسها بتعيط

تولين بدموع : ارجوكي ابعدي عني، اه ابني.... ابني هيضيع مني،انا حامل سبيني، الحقوني، الحقني يا اسر


اسر قرب بسرعة وبعد اخته عنها بغضب:فيييي ايييه،ممسكاها ليه كدا.... انتي ناسية انها حامل


ميار بعصبية :وانت ناسي ليان المسكينة ال بتحبك فوق دي


اسر :انا قولت ال عندي، هتجوز تولين وهطلق ليان


اميرة وقفت قدام ابنها بتحدي : طب انا، يا جوازك من البنت دي يااسر

ومشيت علي اوضتها بسرعة، واسر راح وراها


ميار كانت هتقرب تاني من تولين وقف في وشها تامر


تامر بعصبية :ما خلاص انتي عايزة تضر*بيها وخلاص


ميار بغضب :وانت مالك انت؟! ايه ال دخلك، اه ما انت مشترك معاها في الجر"يمة


تامر :التزمي حدودك، وهي حامل وحرام تعملي كدا

ولف لتولين ومسك ايدها وراحوا علي الاوضة


سميرة قربت من ميار بحزن :يلا يابنتي، تعالي اقعدي معايا جوا لحد ما نشوف ايه ال هيحصل

مشيت معاها ميار بحزن

وكمال راح ودخل اوضته


@@@@@@@@@@@@@@@@@@@@@


في اوضة ليان واسر


ليان صحيت وقامت قعدت علي السرير وهي ماسكة رأسها بالم

وبعدين افتكرت ال حصل تحت، وقعدت تعيط بانهيار


ليان بدموع لنفسها : انا مكنتش متخيلة تعمل فيا كدا، انا عملتلك ايه غير اني حبيتك


قعدت تعيط كتير، لحد ما اخدت قرار، قامت وراحت اوضة الملابس.... وجابت شنطة وبدات تحط فيها بعض من هدومها

واخدت ورقها واخدت معاها شوية فلوس وسابت تلفونها

..... شدت الشنطة وطلعت برا

وفتحت باب الاوضة براحة وبصت وملقتش حد  وخرجت


@@@@@@@@@@@@@@@@@@@@


تحت علي السلم

نزلت ليان واستغلت ان مفيش حد من العيلة موجود


وراحت علي المطبخ


٪٪٪٪٪٪٪٪٪٪٪٪٪٪٪


في المطبخ كانت علياء هي ال موجودة


علياء بصتلها بصدمة : ل ليان انتي رايحة فين؟!


ليان بدموع : ارجوكي ياعلياء، خرجيني من هنا.... ا انا مش عايزة اعيش هنا ارجوكي


علياء بخوف :ب بس اسر بيه


ليان مسكت ايدها بسرعة :مش هيعرف، واانا هبعد عن هنا ومحدش هيعرف انك ساعدتيني.... ارجوكي ياعلياء مش هنسالك معروفك معايا دا ابدا


علياء بتوتر :م ماشي، تعالي يلا.... انا هساعدك عشان بحبك بس


ليان ابتسمت :وانا كمان


اخدتها علياء وطلعوا من الباب الخلفي


علياء طلعت برا شافت واحد من الحراس بصت علي ليان بخوف، وليان بصتلها بقلق


علياء راحت للحارس وبقت تتكلم معاه في اي حاجة


وليان انتهزت الفرصة وجريت وطلعت من البوابة الخلفية


 وفضلت تجري لحد ما طلعت علي الطريق واخدت تاكسي


@@@@@@@@@@@@@@@@@@@@@


في اوضة اميرة


كانت قاعدة علي الكرسي بصدمة : يعني ايه؟!


اسر وهو قاعد جمبها :يعني ال بقولك عليه، كل دا تمثيل


اميرة بقلق : كدا غلط يا اسر، كان لازم تعرف ليان


اسر بضيق :مينفعش اعرفها حاجة، تامر ممكن يأذ"يها في غيابي


اميرة :يعني كمال طلع بيضحك علينا


اسر :ايوا


اميرة بغضب :انا كنت عارفه ان عمره ما هيتعدل


اسر :المهم انتي كمان تمشي علي الخطة.... وانا هقوم اشوف ليان


اميرة بصتله بقلق :وايه ال يخليك واثق ان ليان مش هتبعد عنك


اسر قام بس وقف لما سمع كلام والدته

اسر بحدة:وانا مش هسيبها تبعد عني، مش هسمح انها تسيبني وتمشي....حتي لو اضطريت اني احب*سها في الاوضة


وخرج من الاوضة


@@@@@@@@@@@@@@@@@@@@


في اوضة تامر


تولين بغضب :انا كان ممكن امسكها من شعرها زي ما عملت معايا، بس انا سكت عشان خطتك دي


تامر قرب وحضنها :معلش ياروحي، من هنا ورايح محدش هيقدر يقولك نص كلمة


تولين بصتله :تامر انت عارف اني عملت كدا عشانك


تامر بابتسامة خبيثة : طبعا يا قلبي عارف، وعارف انك بتحبيني كمان


تولين حضنته وابتسمت بس تامر بقي بيضحك بسخرية عليها من ورا ضهره


تولين بصتله بدلع :طب ايه، مش هتجبلي هدية بقي بمناسبة ابننا


تامر بابتسامة خبيثة  :لا ازاي، دا ابني برضوا..... اصبري بس نخلص من ال احنا فيه وناخد ال عايزينه، وانا هجبيلك احلي هدية، هو انا ليت غيرك


تولين بصتله بحب وحضنته

وهو كان قر*فان من حضنها ليه


@@@@@@@@@@@@@@@@@@@@


اسر دخل الاوضة وملقاش ليان، حس ان قلبه وجعه


راح بسرعة ودخل الحمام وملقاش حد

رجع وكان هيخرج بس لقي الدولاب في اوضة الملابس مفتوح

قرب بتوتر وهو خايف ليكون ال في باله، فتح الدولاب ببطيء

وال في باله حصل

ملقاش هدوم ليان ولا اوراقها، قعد يدور عليها في الاوضة كلها ملقهاش


طلع من الاوضة بسرعة


@@@@@@@@@@@@@@@@@@@@@


تحت في الصالة نزل اسر بسرعة رهيبة


اسر بصوته الجهو"ري : لياااااااان


كل العيلة طلعت علي صوته حتي الخدم


حازم دخل من باب القصر بقلق :في ايه يا اسر؟!


اسر بغضب : جهز الرجالة، خليهم يدوووورو علي لياان في كل حتتتة


حازم بصدمة :هي.....؟!


اسر بغضب فظيع :ايوا، عملتهااااااا


حازم طلع بسرعة وامر الرجالة يدورا عليها واسر خرج بسرعة وركب عربيته


@@@@@@@@@@@@@@@@@@


#ليان_الزعيم


البارت 9


عند بيت نور

فتحت الباب ولقت ليان قدامها، ليان حضنتها وقعدت تعيط


نور بقلق : مالك يا ليان، فيه ايه؟!


ليان بعدت وبصتلها :م ممكن ا بقي عندك شوية 


نور وهي بتدخلها:اكيد طبعا اتفضلي


دخلت ليان وسلمت علي والد ووالدة نور وطلعوا اوضتها


٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪


في اوضة نور

قعدت ليان علي السرير وجمبها نور


نور :ممكن تقوليلي ايه ال حصل


ليان مسحت دموعها :ولا حاجة، كنت عايزياكي بس تساعديني اني اطلع من البلد دي


نور :طب وانتي معاكي جواز سفر


ليان بصتلها :لا


نور :يبقي ازاي هتسافري بقي


ليان :خلاص، اروح اي مدينة تانية


نور :طب ممكن تحكيلي ايه ال حصل


ليان دمعت، وبدات تحكيلها


نور بصدمة : كل دا يطلع منه؟!


ليان : ا انا عايزة ابعد من هنا، عايزة اروح مكان تاني.... مش ه هفضل تحت رحمته


نور :طب اهدي طيب.... وهتعملي ايه يعني؟!


ليان بدموع :هشتغل وهدرس، بس مش هقعد هنا


نور :تمام.....بصي انا اخويا عنده مطعم في اسكندرية تقدري تروحي هناك وانا هخليه يشغلك عنده، ايه رايك


ليان بحزن :م موافقة


نور :طب معاكي فلوس تكفيكي


ليان :اه معايا، هحاول ااجر شقة هناك


نور :ماشي، تقدري بقي تمشي الصبح


ليان بسرعة :لا طبعا اسر هيدور عليا، وممكن ييجي لحد هنا.... ه هو عارف عنوانك


نور :كمان، خلاص قومي دلوقتي وانا هخلي بابا يوصلك


@@@@@@@@@@@@@@@@@@@@@


عند اسر

كان في العربية وسايق وماسك التلفون


اسر بغضب : تعرفلي عنوان اي حد هي تعرفه، وتخلي الرجالة يدوروا كويس في كل حتة


حازم :حاضر يا اسر، بس انت رايح فين؟!


اسر بحدة : هروح بيت صحبتها

وقفل معاه وزود السرعة


اسر بغضب ووجع في قلبه :م مش هسمحلك تبعدي عني، انتي ليا.... وانا مش هخليكي تضيعي من ايدي


واكمل طريقه


@@@@@@@@@@@@@@@@@@@@


في بيت نور الساعة 12 ليلا


الباب كان بيخبط بطريقة مرعبة


نزل والد نور وفتح الباب


اسر بغضب :فين مراتي؟! 


والد نور بتوتر :ا اسر بيه، اهدا لو سمحت


اسر بغضب اكبر:قولتلللك فيين مراتي


نزلت نور بسرعة هي ووالدتها

نور بخوف :ل ليان، انا مشوفتهاش


اسر بشك :انتي بتكدبي


نور بتوتر :و وهكدب ليه يعني، انا بقولك ما شوفتهاش انا مش بشوفها غير في الجامعة


اسر عرف انها بتكدب

طلع مسد*سه وحطه علي رأس والدها


والدة نور بخوغف :لا، لا ارجوك متعملش كدا


اسر بنظرة مخيفة لنور :انا ممكن اخلص عليه قدامك دلوقتي ومش هيهمني حد


نور بدموع :ارجوك سيبه، قولتلك معرفش


اسر بغضب :انطقييييي


والدة نور بخوف ودموع  :في اسكندرية


نور بصت لوالدتها

والدتها بصت ليها بخوف وغضب :اسكتي انتي، انتي مش شايفة هيعمل ايه فا ابوكي


اسر رجع سلا*حه مكانه وبعد وراح لعربيته بسرعة

ومسك تلفونه واتصل علي حازم وبغضب : قطر اسكندرية، توقفه باي طريقة


حازم :هي ليان هناك


اسر :ايوا، وبسرعة بقي اخلص


حازم :حاضر


@@@@@@@@@@@@@@@@@@@@


في القطر

ليان كانت قاعدة وباصة للشباك وبتبكي بصوت مكتوم


ليان في سرها ودموع :

م مش قادرة، مش قادرة اكتم اكتر.... ا انا تعبت ل ليه، ليه يا اسر ا انا عملت ايه؟! ا انا قلبي واجع"ني اوي، م مش عارفة اخفف وجع"ي ازاي.... ل ليه د دا انا كنت بحبك.... ه هي دي نتيجة حبي، انت كر"هتني فيك وفي تصرفاتك معايا....ا انا مبقتش عارفة انا مين او عايزة ايه


جه راجل التذاكر


الراجل :التذكرة يا بنتي


ليان مسحت دموعها ودورت علي التذكرة برجفة، وطلعتها وعطتهاله


بعد شوية قعد جمبها شاب 


الشاب بصلها :اهلا

ليان اتوترت ومردتش عليه


الشاب :انا اسمي مازن


ليان اتضايقت ومردتش


مازن :علي فكرة انا رايح اسكندرية انتي رايحة فين؟!


ليان بصتله بعصبية :وانت مالك؟!


مازن باحراج :انا اسف، بس يعني مش بحب اقعد وانا ساكت


ليان :وانا مش عايزة اتكلم

ورجعت بصت للشباك


@@@@@@@@@@@@@@@@@@@@@


في المحطة


اسر وصل ولقي حازم والرجالة


اسر بسرعة :ها؟!


حازم :القطر اتحرك من ساعة، وملحنقهاش


اسر :طب عرفت هيا كانت في القطر ولا لا؟!


حازم : لا ملقناش اسمها في السجل


اسر رمي تلفونه ال كان في ايده علي الارض بغضب


اسر بحدة لحازم : جهز طيارة هلكوبتر الصبح، هسافر اسكندرية


حازم :اجي معاك؟!


اسر :لا

ومشي وركب عربيته واتجه للقصر


@@@@@@@@@@@@@@@@@@@@@


رجع اسر القصر ودخل القصر وهو متعصب ومش شايف حد قدامه

تولين جت ووفقت قدامه :اسر


اسر زق"ها وهو مش شايفها اصلا وكمل لفوق


تولين بعصبية :يعني حتي بعد ال حصل وانت مش معبرني 


اميرة شافت اسر وراحت وراه


@@@@@@@@@@@@@@@@@@@@@@


فوق في الاوضة

اسر دخل وقعد يبص علي الاوضة شوية ويفتكر تحركاتها وهي رايحة هنا وهنا في الاوضة، وذكرياتهم مع بعض


دموعه بدات تتجمع في  عنيه واتعصب وبقي يكسر اي حاجة


اسر بغضب : انتيييي ملكيييي مش هسمحلك تبعدي عني


قرب من السرير ولقي بيجامة من بيجامتها عليه، مسك البيجامة وقعد جمب السرير علي الارض بتعب


اسر وهو حاضن البيجامة وبيبكي وببحة  : ا انا اسف، سامحيني وارجعي.... ا انا عارف اني غلطت.... 


اميرة بصدمة من وراه :ا اسر.... انت بتعيط


اسر استوعب ومسح دموعه بسرعة وقام  بكل هيبة


(ما هي ضاعت خلاص🙂)


اسر ببرود :عايزة ايه؟!


اميرة قربت منه : كنت عايزة اقولك انك فعلا غلطت يا اسر، كان لازم تقولها الحقيقة.... بس انت ال خسرتها بايدك


اسر بصلها بحزن

اميرة حضنته، واسر حضنها بقوة


اسر بحزن وقه"ر :م مكنتش اقصد، م مكنتش متخيل انها هتبعد عني.... كنت فاكر انها لما بتسكت بتعدي بس هيا كانت بتكتم جواها


اميرة حضنته بقوة وهي بتبكي علي ابنها


@@@@@@@@@@@@@@@@@@@@@


في محطة اسكندرية الصبح طلع والساعة 6


ليان كانت نايمة في القطر


مازن :يا استاذة، يا انسة


ليان صحيت بخضة


مازن :ايه اهدي،  دا احنا وصلنا


ليان استوعبت وبدات تلم حاجتها وقامت


مازن :طب هو انتي رايحة فين؟!


ليان بعصبية :يووه بقي، هو فيه انت لا تعرفني ولا انا اعرفك وجي تسالني كدا


مازن :خلاص انا اسف


ليان خرجت من القطر وفتحت الورقة ال مكتوب فيها اسم المطعم وهي مش عارفة هتروح هناك ازاي


مازن من وراها :ايه الحظ دا، علي فكرة انا رايح نفس المكان


ليان بصتله بضيق :تمام شكرا، وانا كمان عارفة


مازن :براحتك

وجه يمشي

ليان بسرعة :ب بس ممكن توصلني معاك

مازن بابتسامة :اتفضلي

مشيت معاه وركبت تاكسي


@@@@@@@@@@@@@@@@@@@@@


في القصر وتحديدا في اوضة تامر

كان ماسك تلفونه وبيتكلم بعصبية


تامر بغضب :انت بتقول ايه؟! ازي اتسرقت يعني، انا كنت شايلها في مكان محدش يقدر يوصله


الراجل بغضب : مش عارف، الشحنة دي هتكسبنا فلوس كتير.... واهي راحت مننا


تامر :والكاميرات؟!


الراجل :با"يييظة، مش عارف ازاي بس با"ظت


تامر :طب هعمل ايه، دا احنا سرقناها من اسر بالعافية


الراجل بشك :خلي بالك من اسر هو مش سهل، وانا حاسس انه ورا الموضوع


تامر :ازاي ما هو ميعرفش حاجة ومشغول في مشاكل قد كدا دلوقتي


الراجل : اسر لو فيه ملون مشكلة فوق راسه مش بينسي حقه برضوا، انا حذرتك اهو


وقفل معاه، وتامر قعد يفكر بقلق


@@@@@@@@@@@@@@@@@@@@@


 في الصالة


اسر نزل بكل هيبة ولقي تولين في وشه


تولين :ممكن تقولي هنتجوز امتا بقي؟!


اسر بحدة :انا مش فاضي لكلامك التافه دا


تولين :بس انت قولت ان احنا هنتجوز، وكمان ابني ال في بطنك دا هعمل بيه ليه


اسر مردش عليها وخرج من القصر

وتولين واقفة متعصبة 


جت اميرة وبصتلها بك"ره : من الافضل انك تتعودي علي قلة الكلام شوية


تولين بغرور حطت ايدها علي بطنها :اعمل ايه بقي، دا ابنه وهو عايزه.... واحنا خلاص هنتجوز وهبقي ست القصر، والكبير قبل الصغير هيسمع كلامي، ما انا هجيب الوريث بقي


اميرة بابتسامة سخرية : هه لما نشوف

ومشيت من قدامها


@@@@@@@@@@@@@@@@@@@@@


خارج القصر كان في هلكوبتر


اسر :كل حاجة جاهزة


حازم :ايوا، وشوفنا كاميرات محطة اسكندرية ولقينا ليان نازلة من القطر فعلا


اسر : تمام، انا ماشي


حازم :طب اجي معاك؟!


اسر :لازم حد يكون هنا، مينفعش نسيب العيلة في ايد التلاتة دول


حازم :تمام


@@@@@@@@@@@@@@@@@@@@@


في اسكندرية


وصلت ليان المطعم  وكان كبير ومعاها مازن


مازن وهو بينزل الشنط :اها اتفضلي ياستي


ليان اخدت شنطتها منه ودخلت المطعم


قابلت واحد في وشها


فاروق :انتي صاحبة نور؟!


ليان :اه انا


فاروق :تمام نور اختي قالتلي انك محتاجة شغل وانا موافق


ليان بصت لمازن :شكرا


مازن :العفو، انا كدا كدا بشتغل هنا، بس كنت واخد اجازة عشان اشوف عيلتي


فاروق :طب يلا روح شوف شغلك


مازن :حاضر

ومشي مازن


فاروق :انا جهزتلك سكن عشان تقعدي فيه، تقدري تروحي ترتاحي فيه دلوقتي.... هو قريب من هنا واحدة من الجرسونات هتيجي تعرفك الطريق


ليان :شكرا 


ليان دخلت المطبخ والبنت ال جوا اخدتها وراحوا السكن 


@@@@@@@@@@@@@@@@@@@@


اسر وصل اسكندرية 


وحازم اتصل عليه


اسر :الو


حازم : انا عرفت هي فين


اسر بسرعة :قول اخلص


حازم :في مطعم ****


اسر :عرفت ازاي؟! 


حازم :احم، اصل احنا روحنا هددنا صحبتها تاني بابوها


اسر ابتسم :تربيتي


حازم بضحك :دا انت استاذي


اسر قفل معاه واتجه بسرعة للمطعم


@@@@@@@@@@@@@@@@@@@@@@


في المطعم 


 اسر  دخل بكل هيبته ونظارته الشمسية ووراه اتنين بودي جارد

 وكل البنات انظارها بقت عليه بانبهار


(اتنيلي انتي وهي)


جه فاروق بسرعة وخوف


اسر بحدة :ها


فاروق بخوف :وصلت يا بيه، وهي دلوقتي قاعدة في السكن


@@@@@@@@@@@@@@@@@@


#ليان_الزعيم


البارت 10


عند ليان

دخلت السكن وكان في عمارة صغيرة دخلت شقتها وكانت اوضة وصالة.... وكانت متبهدلة خالص


ليان دخلت وهي بتبص شمال ويمين وقفلت الباب

حطت شنطتها علي التربيزة الصغيرة ال موجودة فيها


فجاة الباب خبط.... فتحت ولقت مازن


ليان باستغراب : في ايه؟!


مازن وهو بينهج : ه هو انتي تعرفي حد اسمه اسر السيوفي


ليان اتصدمت :ا اسر


مازن :يعني انتي تعرفيه، طب انا حبيت اعرفك انه قرب يوصل هنا


ليان بخوف وصدمة : ايه؟!


مازن :ايوا صاحب المطعم قالو مكانك وهو قرب يوصل هنا


ليان مبقتش عارفة تاخد نفسها :ا ايه؟! ط طب اعمل ايه


مازن : هو انتي عايزة تقابليه


ليان بصتله بسرعة :لا


مازم :اممم، طب ايه رايك تيجي معايا


ليان بتوتر :اجي معاك فين


مازن :انا عايش في شقة  في الشارع ال جمبك، تقدري تيجي معايا


ليان بتوتر :ل لا، ا انا معرفكش


مازن :ولله ما هعملك حاجة تعالي معايا بقي

ومسك ايدها وجه يطلع بسرعة


بس فجاة


اسر كان قدامه وباصص ليه بنظرة مليانة ش"ر

ليان اتخضت وخافت

اسر بص لمازن وبعدين بص علي ايده ال ماسكة ليان


ليان بصت لايدها ال في ايد مازن، وبعدتها عنه بسرعة وخوف

مازن بتوتر :ا انا......

قاطعه اسر ب بو*كس في وشه بقوة لدرجة انه وقع علي الارض ونز*ف من فمه


ليان اتصدمت وانكمشت في بعضها

اسر قرب من مازن وبدا يض*رب فيه بقوة


(الواد ملهوش ذنب اصلا 🙂) 


ليان واقفة تعيط، وكانت هتجري وتهرب من الشقة

بس اسر مسكها من ايدها بقوة

اسر بحدة : اياكي


ليان بقت تحاول تبعد عنه

ليان بعصبية :ابعد عنيييي انا مش عايزاك، ابعدددد


اسر شدها لعنده بقوة وبحدة : بس انتي مراتي، يعني ملكي 


اسر  شالها علي كتفه، وليان بتخبط في ضهره  وبتصرخ وهو ولا حاسس بضر*بتها


اخدها  ونزلو تحت.....وركبها في العربية وكتفها بحزام الامان


ليان بدموع وعصبية : نزلني مش عايزة اجي معاك، انا بكررررهك


اسر قرب منها بغضب : اياكي اسمعها منك تاني


ليان بصتله بتحدي والدموع علي خدودها : بكرهك


اسر ابتسم بهدوء علي عنا"دها  وقرب منها وطبع قب*لة علي خدها

وليان بتحاول تبعد بضيق بس مش عارفة عشان مكتفها ورابط ايدها


اسر  بعد وبصلها بابتسامة حب : وحشتيني


ليان بصتله بضيق  ولفت وشها الناحية التانية 


اسر ساق العربية وبدا يتحرك ووراه عربيات الحراس


@@@@@@@@@@@@@@@@@@@@


في القصر، العيلة كانت متجمعة


جت ميار ودخلت وجريت علي مامتها وحضنتها


ميار بدموع :دا بجد يا ماما، ليان سابت البيت ومشيت


اميرة بحزن :ايوا للاسف


تولين بغرور :انا مش عارفة انتو مهتمين بيها كدا ليه....المفروض تهتموا  ب أم حفيدكم


اميرة بصتلها بق*رف، ومردتش عليها


سميرة : احنا مش ناقصين الدلع البا*يظ بتاعك دا


تولين :ولي يا تيته، دا انا حتي هجبلك ابن حفيدك


ميار راحت وقفت قدامها

ميار بحدة :احسنلك تسكتي، عشان معملش فيكي ال حصل امبارح تاني


تولين بعصبية :علي فكرة انتي حامل زي، المفروض تراعيني  شوية


ميار بسخرية :هه

وبعدت عنها


تولين في سرها بش"ر :انا هعلمك ازاي تكلميني كدا تاني


اميرة  وميار خرجوا وقعدوا في الجنينة....وسميرة راحت اوضتها 


@@@@@@@@@@@@@@@@@@@@@


في فندق فخم جدا في اسكندرية


نزل اسر ولف وفتح الباب لليان وقرب منها وبدا يفك حزام الامان

ليان اول ما اتحررت من حزام الامان حاولت تطلع من العربية وتجري بس اسر مسكها جامد وقرب منها


اسر بحدة :يستحسن  متعمليش الحركات دي تاني


اسر اخدها ودخل جوا ووقفوا عند الاستقبال


سكرتيرة الاستقبال بابتسامة : اسر بيه، اهلا بحضرتك الجناح الخاص بحضرتك جاهز يا فندم


ليان كانت هتتكلم بس اسر حط ايده علي فمها


السكرتيرة بصت علي ليان باستغراب


اسر بص لليان وهو موجه كلامه للسكرتيرة : اصلا مراتي و بتغير عليا، ولسانها فالت


وليان بصاله بغضب


السكرتيرة :اه لا ولا يهمك.... اتفضل ال كي كارد مفتاح الجناح اهو


اسر اخده منها وشد ليان وطلعو فوق


وليان بتحاول تبعد عنه او تصرخ بس هو كان اقوي منها ومثبتها


@@@@@@@@@@@@@@@@@@@@@


في مكان مجهول


دخل تامر وكان في راجل قاعد علي الكرسي ودا نفس الراجل ال ليان شافته في العربية 


تامر : انا مش عارف اعمل ايه؟!


عاصم ببرود :اتصرف


تامر بغضب : اتصرف ازاي، ما انا قدرت اخليك تسرق منه شحنة تساوي مليارات.... وانت ضيعتها من ايدك


عاصم قام بغضب :ما حضرتك ال خبيت الشحنة في مكان تافه


تامر :تافه؟! انت اكتر واحد عارف ان المكان دا الدبا"نة متقدرش توصله


عاصم : انا هتجنن، انا حاسس ان في حاجة غلط


تامر : طب هعمل ايه؟!


عاصم :خلي تولين تكمل في الخطة، يمكن بسبب ابنكم نقدر ناخد كل حاجة من اسر


تامر :طب وكمال


عاصم بسخرية :ايه خايف عليه، رغم انه مش ابوك اصلا.... هو ال طماع وبيموت في حاجة اسمها الماس غير كدا مكانش ساعدنا في الخطة


تامر بابتسامة : لا انا بقولك هنعمل فيه ايه، ما اكيد مش هنفضل نديله في الماسة الماسة كدا


عاصم :متقلقش، انا هخلص منه قريب.... هو كدا كدا كان متو*في  في نظرهم فا لو راح مش هيبكوا عليه تاني


تامر :وتولين، دي بت لازقة اوي.... وانا مش طايقها


عاصم :اول ما ناخد ال احنا عايزينه نخلص عليها هي وابنها


تامر بتمثيل البراءة :بس دا ضنايا


عاصم بصله، وفجاه الاتنين بقوا واقفين يضحكوا باستفز"از


@@@@@@@@@@@@@@@@@@@@


في الفندق

اسر دخل ب ليان الاوضة ليان بعدت عنه بسرعة


ليان بعصبية :قولللتلك متلمسنيش، انا عايزة امشي من هنا


كانت هتشمي وعدت من جمب اسر، بس اسر مسكها من ذراعها وشدها ليه

اسر بحدة : صوتك ميعلاش

ليان بضيق :لسة بنفس غرورك


اسر باصص ليها بهدوء  وساكت


ليان بعدت بضيق والدموع بدات تتجمع في عنيها :عايز مني ايه تاني، روح لل هتتجوزها، وابنك ال مينفعش تتخلي عنه عشان اي حد.... حتي انا

اكملت بدموع : انا طول حياتي ساكتة وبقول مليش غيره، هو بيحبني مش هيسيبني، اروح فين  لو مشيت من عنده، انا معرفش حد غيره.... بس انت طلعت اناني ومش بتحس غير بنفسك ومحستش بيا ولا بالماضي بتاعي،وفكرت في ماضيك انت بس 


مسحت دموعها وقالت بقوة :انت مش كنت هتطلقني، يلا طلقني انا مش عايزة اعيش معاك


اسر بحدة :انسي ان انا اعمل كدا


ليان بعصبية ودموع :بس انا مش هقدر انسي، مش هقدر انسي انك قولتها في وشي


اسر مسك ايدها، بس ليان بعدت ايها بسرعة


ليان بعصبية :اياك تلمسني تاني، انا مش هسمحلك تسيطر عليا تاني او تتحكم فيا


اسر بغضب : بس انتي مراتي واقدر المسك زي ما انا عايز


ليان بسخرية : لا يا اسر،  مش لازم عشان انت جوزي يبقي تلمسني زي ما انت عايز.... انا انسانة وليا رأي برضوا


اسر بتنهيدة :انا هسيبك تهدي دلوقتي، بس مش هستني كتير

وبيخرج وليان بتجري وراه بس هو بيقفل الباب كويس

والمشكلة انها في دور عالي يعني متقدرش تنط من البلكونة


راحت وقعدت علي السرير بضيق وبدموع


@@@@@@@@@@@@@@@@@@@@@


بليل 

 في القصر


في اوضة ميار وحازم


حازم واقف في البلكونة

جت ميار من وراه وماسكة قطعة تفاحة

حضنته وبصتله ومدت التفاحة قدام فمه


ميار :اتفضل، بتفكر في ايه


حازم اكل القطعة:بفكر في اسر

ميار بحزن :انا مش عارفة المشاكل دي هتخلص امتا


حازم ضمها ليه :متقلقيش هتنتهي قريب


ميار بصتله وبزعل :اعي تدخل عليا بواحدة وتقولي دي حامل مني


حازم بضحك :يا شيخة دا انا بقيت بخاف من كل البنات بسببك


ميار حطت رأسها علي صد*ره :ايوا كدا


حازم ضمها : بحبك يا ام امير


ميار بصتله بنرفزة :ايه ايه ايه امير مين


حازم بضحك :ابننا


ميار :لا يا اخينا، انا هسميه معتز


حازم بابتسامة :نخلي معتز رقم اتنين بقي


ميار : لا معتز، يعني معتز


حازم ضمها :خلا معتز، معتز.... هو انا اقدر ارفضلك طلب


ميار :حازم انا جعانة


@@@@@@@@@@@@@@@@@@@@


في الفندق


ليان كانت لسة قاعدة نفس قعدتها

اسر فتح الباب ودخل الجرسون وحط الاكل علي التربيزة


ليان بسرعة :الحقني ارجوك انا مخطو"فة


الجرسون بصلها باستغراب

اسر ببرود :اطلع انت

خرج الجرسون بكل احترام


اسر قفل الباب وراح قرب من ليان وبعد خصلة شعرها لورا

اسر بهدوء :الحركات دي مش عايزها تاني


ليان بعدت عنه بعصبية


اسر قل*ع جاكت البدلة :مش هتاكلي


ليان  قعدت علي السرير وعقدت ذراعيها بعصبية :مش هاكل


اسر قرب منها وميل لمستواها : بقيتي عنيدة كدا امتا

ليان بعدت عينها عنه بضيق

اسر قرب منها اكتر، وليان اتوترت


انفاسهم بقت قريبة واسر بيقرب اكتر

قرب من وشها ولسة هيبو*سها

ليان بعدته بسرعة ووقفت


ليان بعصبية : انا مش هسمحلك


اسر بغضب : انتي اتغيرتي اوي في يوم وليله


ليان بدموع :بسببك، انت ال غيرتني


اسر اتنهد وقرب منها تاني


اسر بنظرة حزن :ليان ا انا عارف اني غلطت معاكي، ا انا اسف


ليان بدموع :مش قادرة اسامحك

وجريت من قدامه ودخلت الحمام بسرعة


اسر قعد علي السرير وحط ايده علي رأسه بحزن


فجاة سمع صوت حاجة اتكسرت، قام بسرعة واتجه للحمام


اسر وهو بيخبط علي باب الحمام بقلق :ليان، ليان افتحي


بس مسمعش رد من جوا


@@@@@@@@@@@@@

تابعووووووني 



الفصل الحادي عشر من هنا



بداية الروايه من هنا



رواية منعطف خطر كامله من هنا



رواية زواج لدقائق معدودة كامله من هنا



رواية خيانة الوعد كامله من هنا



رواية نار الحب كامله من هنا



رواية الطفله والوحش كامله من هنا


رواية منعطف خطر كامله من هنا


رواية فلانتيمو كامله من هنا



رواية جحيم الغيره كامله من هنا



رواية مابين الضلوع كامله من هنا


رواية سيطرة ناعمه كامله من هنا


رواية يتيمه في قبضة صعيدي كامله من هنا



الروايات الكامله والحصريه بدون لينكات من هنا


إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇 


❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺


الصفحه الرئيسيه للروايات الجديده من هنا


جميع الروايات الحصريه والكامله من هنا


انضموا معنا علي قناتنا بها جميع الروايات على تليجرام من هنا


❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺








تعليقات

التنقل السريع
    close