رواية النصيب البارت السادس والسابع بقلم نور محمد حصريه وجديده على مدونة النجم المتوهج للروايات والمعلومات
 |
وبعد منتصف الليل
يارا فتحت عنيها وبصت على حازم جنبها وهو غارق في النوم بخبث وتسحبت لخارج الغرفه بهدووء بعد مالبست عبايه تسترها كويس
ونزلت تحت لشقه جمال وفتحت الباب بالمفتاح اللي اخدته من حازم وهو نايم ودخلت وهي بتتسحب لغايه غرفه حبيبه
وفتحت باب الغرفه ودخلت في ايدها كانت س،ك،ينه كبيره اخدتها من الشقه بتاعتها وهي بتبص تجاه حبيبه بشر وقالت بهمس وتوعد:قال هستني كام شهر كمان لغايه مايطلقها ده انا متأكده انها ممكن تأثر عليه وتاخده مني في ظرف يومين بس انا مش هسيبها توصل للمرحله دي معايا وهخلص منها دلوقتي حالها خطافه الرجاله دي
نهت جملتها وقربت بخبث وشر من سرير حبيبه وهي بتبص عليها بنتقام وغضب وقالت:باي باي ياحبيبه دلوقتي هخلص عليكي وهتنقم منك زي ما قتلتي ابني ياخطافه الرجاله
ونزلت بعدها بس،،كينه على حبيبه وهي نايمه بعمق
بس فجأه حبيبه حست بوجود شخص فوقها ففتحت عنيها بسرعه وقبل مايارا تنزل السكينه عليها حبيبه مسكتها منها بس ايدها للاسف اتجر*حت بشده
ويارا عنيها وسعت بصدمه منها وحاولت تسحب الس،،كينه منها بس حبيبه استجمعت قوتها كلها وشدت منها السكينه بعنف ورمتها بعيد وقالت بألم ووجع كبير: انتي بتعملي ايه؟!..
عاوزه تقتلـ*ـيني يايارا جايه لغايه اوضتي وناويه تقتـ*ـليني فيها وبدم بارد كمان انا عملت لك ايه لكل ده حرام عليكي
يارا بصتلها بسخريه وحده وقالت: هه عملتي ليا ايه مش كفايه انك قربتي من جوزي وابني مات بسببك كمان ياحيوانه
حبيبه ضمت ايدها اللي كانت بتنزف بوجع وقالت: انا مقربتش من جوزك بل العكس حازم هو اللي قرب مني وقتها اما بنسبه بقى لمو*ت ابنك فده مش زنبي انا لانه من الاول الحمل مش ثابت والدكتور قال احتمال كبير انه ينزل وغصب عني كمان
يارا ملامحها كلها اتغيرت كان شكلها لا يبشر بالخير ابدا وقربت تاني من حبيبه وهي مصره تخلص منها المره دي بس حبيبه بعدت عنها بسرعه وقالت بتهديد وخوف: والله لو قربتي مني خطوه كمان انا هصرخ جامد وهلم عليكي العماره كلها فالاحسن ليكي تخرجي من هنا واخر مره اشوفك في اوضتي تاني فاهمه
يارا بصتلها بغضب بس بعدت عنها بخوف لان حبيبه كانت جديه اوي في كلامها وتوجهت لباب الغرفه وقالت: ماشي ياحبيبه فلتي من ايدي المره دي بس اوعدك المره الجايه هخلص عليكي بجد لو شوفتك قريبه من جوزي تاني ياخطافه الرجاله
يارا خلصت كلامها وخرجت من الشقه كلها بغضب وضيق وحبيبه تهندت براحه ودموعها نزلت بخوف وهي بتضم ايدها بألم ووجع بس في الحقيقه وجعها حقيقي كان موجود في قلبها من حب طفولتها اللي وصلها للمرحله دي في حياتها
وهي لسه طفله صغيره بس شافت اللي محدش شافه في حياته من وجع وعذاب قعدت على السرير واحضرت علبه الاسعاف الاوليه وبدأت تضمض جرحها ودموعها كانت بنتزل بغزاره وحسره على حياتها التعيسه
وعلى الجهه الاخرى
دخلت يارا شقتها وتوجهت لغرفه نومها بعد مابدلت هدومها تاني بس وقفت بصدمه وخوف لما لقت حازم واقف قدامها
ورفع حاجبه بشك واستغراب من شكلها قدامه وقال بتعجب: انتي كنتي فين يايارا انا صحيت فجأه ملقتكش جنبي روحتي فين في الوقت ده؟!
يارا بلعت ريقها بتوتر وخوف وقالت: انا انا كنت بشرب ميه بس ياحبيبي ليه في حاجه؟!
حازم بصلها بشك وتفكير بس تهند ومسك ايدها وقرب من السرير وقال:لا مفيش بس قلقت عليكي ياله ننام بقى لان الوقت اتأخر اوي
يارا نامت جنبه وقلبها كان بيدق بعنف وقلق لغايه ماغلبها النوم ونامت هي وحازم
وفي الصباح في شقه جمال
جمال كان على السفره وحنان بتحط الاكل قدامه وفجأه خرجت حبيبه من غرفتها ووجهها كان اصفر وشاحب بسبب اللي حصل معاها في الليل
وجمال اول ماشاف شكلها وقف وقرب منها بقلق وقال: مالك ياقلبي وشك اصفر كده ليه و
قاطع كلامه لما عنيه وقعت على ايدها الملفوفه بشاش ابيض وقال بخوف: مين عمل فيكي كده ياحبيبه ايدك مالها ياحبيبتي؟!
حبيبه بصتله بتعب وتوهان وامها حنان قربت منها علشان تتطمن عليها وقالت: حبيبه ردي على ابوكي وقولي حصل معاكي ايه يابنتي انتي كويسه؟
حبيبه هزت رأسها بهدووء وقالت: ايوه انا كويسه متقلقوش عليا وده جرح بسيط بس انا انجرحت لما صحيت احضر ليا حاجه اكلها باليل
جمال بصلها بشك وقلبه مكنتش مصدق كلام حبيبه ابدا لان واضح على وجهها ان حصل معاها حاجه اكبر من كده بس تهند ومسك ايدها السليمه وقال بحنان: تمام ياحبيبتي تعال معايا علشان تفطري وبعدها انا هاخدك لدكتور علشان نتطمن على جرحك ده
حبيبه توترت اوي من كلامه وخافت تتكشف الحقيقه قدامهم فقالت بتعب وتوتر: لا انا كويسه اوي يابابا صدقني ده حرج بسيط مش محتاج اروح لدكتور يعني انا كويسه
جمال بصلها بستغراب بس محبش يضعط عليها فقال بحب: تمام زي ماتحبي يابنتي بس لو حصل معاكي حاجه وعاوزه تحكي انا موجود دايما اسمعك ماشي ياحبيبه
هزت حبيبه رأسها بتوتر وقالت: حاضر يابابا
جمال اخدتها وقعدوا على الفطار وكان بيأكلها بأيده بحنيه وحب وحبيبه كانت سعيده جدا بوجوده اللي دايما بيعوضها عن نقص أي شخص تاني في حياتها بجانب امها منبع الحنان طبعا
وعلى الناحيه الاخرى في شقه حازم
حازم جهز نفسه علشان يخرج النهاردا لشغل ولبس بدلته وظبط نفسه كويس وتوجه لباب الشقه
ونادي على يارا وقال: يارا انا خارج الشغل دلوقتي عاوزه حاجه مني ياقلبي
خلص كلامه بس مفيش رد وصله من يارا فتوجه لغرفه نومه بقلق ودخل وهنا اتصدم بشده لما شاف يارا قاعده على الارض قدامه وهي منهاره في العياط
فجرى عليها حازم بقلق وعدم فهم وقال: يارا مالك بتعيطي كده ليه اهدي مالك ياقلبي؟
يارا بصتله وجرت حضنته بقوه وقالت بصوت باكي ومنهار: بابا بابا ياحازم الداده رنت عليا وقالتلي ان بابا مات دلوقتي
حازم انصدم بشده من الخبر ده وحاول يهديها شويه وهو بيقول:لا اله الا الله إنا لله وإنا له لراجعون كل نفس زائقه الموت ربنا يرحمه خلاص كفايه يايارا ده قضاء ربنا ادعيله بالرحمه دلوقتي ياحبيبتي
يارا كانت منهاره بشده وحازم كان حاضنها علشان تهدى وبعد وقت هديت شويه وبعدت عنه وقالت بدموع:انا عاوز اروح اشوفه فورا ياحازم ارجوك خدي عنده دلوقتي
حازم مسح دموعها بحنيه وقال:حاضر قومي غيري هدومك وانا هستناكي بره ماشي
هزت رأسها بسرعه ودخلت الحمام تغير هدومها وحازم خرج من الغرفه وتهند براحه غريبه وقال بهمس:يااه الحمد لله يارب اخيرا قبلت دعائي وخلصت منه يا ما انت كريم يارب
يارا بعد دقايق بس خرجت وحازم اخدتها وراحوا عزاء ابوها سوى
وفي الليل رجع حازم لبيته تاني علشان يغير هدومه ويرجع ليارا تاني اللي سابها في غزاء ابوها لوحدها
نزل من عربيته وتوجه لعماره اللي ساكن فيها بس فجأه سمع صوت وحده ست تبقى جارتهم في العماره اللي قدامهم وهي بتنادي عليه
فوقف لها حازم بحترام وقال:نعم ياام محمود اتفضلي عاوزه حاجه مني
ام محمود بلعت ريقها بتوتر قدامه وقالت:لا يابني شكرا انا بس اول ماشوفتك نزلت من عربيتك قولت انزل الحقك قبل ماتدخل البيت علشان شوفت امبارح حاجه مهمه لازم تعرف انت بيها كمان
حازم بصلها بستغراب وتسائل وقال:حاجه؟! حاجه ايه يعني ياام محمود قولي انا سامعك
ام محمود حمحمت بخوف وقالت بهمس:بصراحه يابني انا من امبارح مش قادره انام من بعد اللي شوفته في شقه جمال ابوك احم قصدي يعني في اوضه حبيبه مراتك لانك عارف ان بلاكونه اوضتي قريبه منها و
قاطعها حازم بصدمه وحده لما سمع اسم حبيبه في الموضوع وقال:حبيبه؟! مالها حبيبه حصل معاها ايه يعني قولي بسرعه ياام محمود لو سمحتي
ام محمود قربت منه بخوف وتوتر وقالت:انا شوفت امبارح مراتك يارا عندها في الاوضه فستغربت الموضوع وقربت من البلاكونه بتاعتي علشان اشوف كويس وهنا انصدمت يابني لما لقيت معاها سكـ*ـينه وكانت عاوز تقـ*ـتل بيها حبيبه وهي نايمه بس ربك ستر وحبيبه فاقت ولحقت نفسها في اخر لحظه
حازم سمعها بصدمه وزهول والغضب ولع جوه قلبي وضم ايده بشده وتوعد وقال بغضب مكتوم:انتي متأكده من كلامك ده ياام محمود لانه لو طلع غلط انتي هتتأزي اوي مني صدقيني
ام محمود بلعت ريقها وقالت بصدق وتأكيد:لا يابني حد الله بيني وبين الكذب انا بقول الحقيقه وحتي هتلاقي مراتك حبيبه ايدها اليمين مجر*وحه لما مسكت السكينه قبل مامراتك يارا تقتـ*ـلها بيها انا شوفتها بعنيا
حازم عنيه اسوده وبص لام محمود وقال بغضب وتوعد ليارا:تمام شكرا ياام محمود على خدمه دي بس لو سمحتي الموضوع ده مش عاوز حد يعرف بيه هنا لانك عارفه ان يارا ابوها مات النهاردا ومش عاوزين شوشره في الوقت ده وانا هتصرف معاها بطريقتي الخاصه تمام
هزت ام محمود رأسها بطاعه وقالت: حاضر يابني انا بس جيت اقولك علشان تتصرف انت معاها مش اكتر وكده عملت اللي عليا عن ازنك
ام محمود مشت من قدامه وحازم توجه فورا لشقه جمال ابوه وقلبه بقى بيدق بقلق ورعب على حبيبه
وصل قدام الشقه ورن الجرس ففتحت له حنان اللي قالت بضيق:افندم عاوز ايه ياحازم بيه؟
حازم بصلها بقلق وقال:عاوز حبيبه هي جوه مش كده نادي عليها عاوزها؟
حنان ضمت ايدها لصدرها بعتراض وقالت: وانت عاوزها في ايه بقى انا بنتي علاقتك بيها اتقطعت خلاص وسيبها بقى في حالها احسن كفايه اللي حصلها بسببك
حازم تجاهلها ودفعها ببرود ودخل نادى على حبيبه بس بدون فايده لغايه ماطلع له جمال من غرفته وقال:حبيبه مش موجوده هنا ياحازم طلعت فوق سطح العماره يابني
حازم بصله وتوجه للباب بصمت وحنان كانت هتجري خلفه بخوف على بنتها بس جمال مسك ايدها بسرعه وقال:سبيه يطلع لها حازم مستحيل يأزيها ياحنان وحبيبه محتاجه تقعد معاه دلوقتي
حنان بصتله بقلق بس جمال اخدها في حضنه وقال:صدقيني انا بعمل ده كله علشان حبيبه بس وبكره الايام تثبت لك كلامي ده ياحنان
حنان ضمته بقلق وخوف على بنتها بس جوها ثقه كبيره في جوزها جمال لانه عمره ماخذلها قبل كده
اما عند حبيبه فكانت قاعده على السطح وهي شارده زي العاده لما بتكون حزينه بتطلع هنا تقعد مع نفسها لغايه ماترتاح
بس المره دي طلع لها حازم اللي اول ماشافها قدامه وجه نظره تجاه ايدها الملفوفه بشاش الابيض وجرى عليها بقلق وخوف ومسك ايدها بحنان وقال:حبيبه انتي كويسه مش كده ايدك بتو*جعك صح تعالي معايا نروح لدكتور فورا نطمن عليها
حبيبه انصدمت من وجوده معاها لانها عارفه انه اخد يارا ومشى من الصبح بعد ماعرفت بخبر موت ابو يارا فبصتله بصدمه وزهول وقالت:انت جيت هنا ليه وسايب طنط يارا هناك لوحدها ده النهاردا اول يوم عزاء ابوها واكيد هي بحاجه كبيره ليك و
قاطعها حازم اللي قال بحده وانفعال:بس بس بقى ياحبيبه كفايه انتي هتفضلي لحد امتي كده انتي لازم تتعلمي متشفقيش على حد أزاكي وحاول يمو*تك كمان فاهمه
حبيبه توترت اوي من كلامه وقالت:انت قصدك ايه ياابيه انا انا..
رد عليها حازم بضيق وحزن:انا عرفت اللي حصل معاكي ياحبيبه بس وحيات عيونك ماهسيب حقك ابدا لكن الصبر حلو برضو
حبيبه وقفت بعد ماحست انها ممكن تضعف دلوقتي قدام كلامه لها فقالت:انا هنزل علشان اتأخرت اوي على ماما و
سكتت فجأه لما لقت حازم قرب وحضنها بقوه ودفن وجهه في رقبتها بعمق وقال بهمس وضعف: حبيبه انا محتاجك دلوقتي محتاجك اوي صدقيني
حبيبه تسمرت بين ايديه بضعف ونبضات قلبها بقت زي الطبول ومده ايدها تجاه صدره بتحاول تبعده عنها بضعف وقالت بكسوف:ابيه لو سمحت ابعد عني ميصحش كده انا..
قاطعها حازم اللي قرب من شفايفها بحتياج وحب وبعد دقايق بعد عنها وسند جبيبه على جبينها وقال بنفس عالي:انا عارف اني وجعتك اوي زمان ياحبيبه بس صدقيني انا عملت ده كله علشان تبقى معايا انا بحبك والله بحبك اوي
حبيبه تاهت في الصدق النابع من عنيه وحست ان قلبها هيقف من فرط سرعته بسبب مشاعر عشقها الكبير لحازم
وحازم ابتسم بحب وحملها على ايديه بشتياق وقرب وجهه منها وقال: اوعدك مش هجرحك تاني ومش هوجعك تاني ياحبيبه وكل دقيقه هثبت لك اني بجد بحبك بس ثقي فيا وفي حبي ليكي انا عارف انك كمان بتحبيني زي مانا بحبك ياحبيبه قلبي
حبيبه ضعفت اوي قدام كلامه اللي سيطر على مشاعرها من فرط حبها ليه وحازم نزل بيها لشقته تحت ودخل غرفه النوم وهو لسه شايها بحب واحتياج وقضوا سوى احلا وقت من حياتهم مع بعض
وبعد ساعه حازم كان محاوط خصر حبيبه بسعاده كبيره وقلبه لسه بيدق بعنف بسبب قربها منه وحبيبه كانت دافنه وجهها في صدره بكسوف وحب بس فجأه بصوا الاتنين قدامهم بصدمه وزهول لما لقوا يارا دخلت عليهم الغرفه
واول ماشافتهم كده قدامها شهقت بصدمه وجرت على حبيبه مسكتها من شعرها بغضب وقالت بجنون:ياحيو*انه يازباله ازاي نايمه هنا في شقتي وعلى سريره وفي حضن جوزي كمان ياخطافه الرجاله مش كفاكي اللي عملته فيكي امبارح ياو*سخه ووو
يارا غلطت غلطه عمرها والبارت الجاي هنشوف وش تاني خالص من حازم اللي هيصدمنا كلنا برد فعله مع يارا والقصه هتنقلب لحكايه تاني خالص تفاعل علشان القادم مشوق اوي اوي 😇💥💥
#البارت_السابع(النـصـيـب)
وبعد ساعه حازم كان محاوط خصر حبيبه بسعاده كبيره وقلبه لسه بيدق بعنف بسبب قربها منه وحبيبه كانت دافنه وجهها في صدره بكسوف وحب بس فجأه انتفضوا الاتنين سوى بصدمه وزهول لما لقوا يارا دخلت عليهم الغرفه
واول ماشافتهم كده قدامها شهقت بصدمه وجرت على حبيبه مسكتها من شعرها بغضب وقالت بجنون:ياحيوانه يازباله ازاي نايمه هنا في شقتي وعلى سريره وفي حضن جوزي كمان ياخطافه الرجاله مش كفاكي اللي عملته فيكي امبارح ياوسخه
حبيبه نزلت دموعها بوجع وحست ان شعرها هيطلع في ايد يارا وهي بتحاول تدافع عن نفسها وتفلت منها بس يارا كانت ماسكه شعرها بقوه وغضب
لغايه ماوقف حازم بخوف وغضب وقرب من يارا وسحبها بعنف من قدام حبيبه وصرخ فيها بقوه وحده وقال: ابعدي ايدك عنها يازباله ازاي تتجرئي تلمسيها كده قدامي يابت الـ****
يارا انصدمت منه لانه اول مره يكلمها بالسلوب العنيف ده وسحبت ايدها منه بعنف وقالت بغضب وغيره: انت ازاي تكلمني بالأسلوب البشع ده ياحازم انت نسيت انا ابقى بنت مين وكمان نسيت كلامك ليا ياخاين انت مش قولتلي قبل كده انك مش هتقرب منها تاني قولت كده والا لا رد عليا
حازم ضم ايديه لصدره ببرود وقال: قولت ورجعت في كلامي يايارا هانم لانها بختصار تبقى مراتي ومفيش مخلوق ليه حق انه يبعدني عنها
خلص كلامه ببسمه مستفزه وقرب منها بخبث وغضب وكمل بحده: اما بانسبه بقى اني نسيت انتي تبقى بنت مين فانا هقولك فورا انتي هتبقى ايه من هنا ورايح
سكت فجأه ومد ايده بسرعه خاطفه وشد شعرها بقوه وقال بغضب وتوعد: انتي هتكوني هنا مجرد خدامه ليا ولاهلي كمان يابت معتز بيه ابو العز الله يرحمه لان اللي كنتي بتخوفيني بيه خلاص مات ودلوقتي هتشوفي وش حازم جمال ابو الوفى الحقيقي يايارا هانم
يارا بقت تصرخ من الوجع تحت ايده وحازم كان بيشد شعرها بغل وكره وكل مايفتكر انها حاول تقتل حبيبته حبيبه يزيد اكتر ويارا بقت تحاول تفلت منه بس مش قادره عليه
وحبيبه نزلت دموعها بخوف من شكل حازم اللي تحول قدامها لشخص تاني اول مره تشوف شكله اللي بقى مرعب لها بس كمان شكل يارا صعب عليها اوي فأخدت هدومها ولبستها بسرعه
وجرت على حازم بدموع ومسكت ايده وهي بتقول:كـفـايـه ياحازم ارجوك سيبها كفايه حرام عليك كفايه
حازم بصلها بغضب بس هدي شويه لما حبيبه مسكت ايده وبقى بيتنفس بصوت عالي علشان يهدى اعصابه قبل مايأزيها هي كمان وبعد ايده عن يارا
بضيق وقال:حبيبه ابعدي عنها انا لسه معملتش لها حاجه دي حسابها بقى تقيل اوي معايا
حبيبه بقت بتبص على يارا وهي بتتطمن عليها بدموع وقالت:انتي كويسه ردي عليا ياطنط يارا انتي كويسه اخدك لدكتور طيب
يارا بصتلها بحقد وغل ودفعتها بعيد عنها وقالت:ابعدي عني ده كله بسببك انتي ياخطافه الرجاله منك لله ياحبيبه مش مسامحاكي ابدا على اللي حصل ده منك لله
حبيبه نزلت دموعها بحزن من كلام يارا وحازم بصلها بغضب رهيب ولسه هيقرب منها تاني لقى حبيبه جرت عليه ومسكت ايده وقالت بترجي ودموع: لا والنبي متقربش منها تاني ياأبيه هي عملت كده بسببي انا حاسه بشعورها دلوقتي علشان مفيش ست هتتحمل تشوف جوزها في حضن وحده تاني غيرها انا السبب في ده كله مش هي
حازم بصلها بصدمه من كلامها البريئ وقال بضيق: بس انتي كمان مراتي ياحبيبه وده حقك عليا زيك زيها ولو هي مش عاجبها الوضع ده انا اقدر اطلقها دلوقتي وكل واحد يشوف حياته بقى يايارا هانم
حبيبه بصتله بصدمه من كلامه اللي عمرها ماكانت ممكن تتخيل انه يقول كده ويارا نزلت دموعها بصدمه وحسره ووقفت قربت منه بضعف لاول مره تبقى ضعيفه كده قدامه
وقالت بضعف ودموع: تطلقني ياحازم بسهوله دي قدرت تقولها دلوقتي طيب مش انت بتحبني وعلطول كنت تقولي انا مستحيل اتخلى عنك يايارا لانك القلب والروح ها رد عليا اتغيرت كده ازاي في يوم وليله بس حصل ايه غيرك كده معايا
حازم بصلها ببرود وحبيبه قلبها وجعها على حاله يارا قدامها وحست بازنب تجاها ويارا قربت اكتر من حازم وبصتله بحسره وضعف وقالت: رد عليا انت اجوزتني ليه ها مش انت قولتلي انك بتحبني وأمنيه حياتك انك تتجوزني مش كده رد عليا ده مش كان كلامك ليا زمان ياحازم
حازم ابتسم بستفزار وقال بكل برود اعصاب: صح ده كان كلامي وانا مكذبتش عليكي لاني فعلا كان أمنيه حياتي اني اجوزك علشان تبقى كل املاك ابوكي ملكي كنت بفكر في تأمين مستقبلي على حسابك واستحملت تكبرك واسلوبك الزباله معايا علشان مخسرش ده كله
سكت حازم دقيقه وضحك بشماته وقال:بس اللي كنت خايف منه خلاص مات وكل حاجه بقت تحت ايدي يعني مفيش داعي دلوقتي اني امثل الحب والطاعه قدامك وقريب اوي هملك كل حاجه ملكك لانك ببساطه عامله ليا توكيل بكل شئ ملكك من زمان ودلوقتي لو عاوزه تعيش معانا هنا تمام بس تحت طوعي واللي اقوله يتنفذ بالحرف الواحد مش عاوزه يبقى سكه السلامه والشارع يسع حبايب الف
يارا من شده صدمتها فيه مقدرتش تتحمل اكتر من كده قدامه ووقعت اغمي عليها وحبيبه جرت عليها بخوف وشفقه وبقت تحاول تفوق فيها تحت نظرات اللا مبالاه من حازم
حبيبه بقلق وهي بتلمس وجه يارا بخوف:يارا فوقي ارجوكي فوقي معايا
فضلت تحاول بس بدون فايده فصرخت في حازم برعب وقال بحده:حازم تعال شوفها حرام عليك دي مش بتفوق معايا
حازم بصلها ببرود بس قرب منها وحمل يارا تجاه السرير ووضعها عليه وقال:سبيها هنا وهي هتفوق لوحدها هي بس اغمي عليها من شده الصدمه اللي تعرضت لها
بقلم الكاتبه نور محمد
حبيبه بصتله بصدمه وعدم تصديق وقالت بضيق:انت ازاي كده ازاي بقيت كده انا اول مره اشوفك بالجحود ده ياحازم انت مستحيل تكون حازم اللي حبيته زمان من طيبته وقلبه الحنين مع كل الناس
حازم قرب منها ومسك ايدها بحنيه وقال بحب:لا ياحبيبه انا نفسه حازم بتاع زمان بس انا حنين مع اللي يستاهل الحنيه دي وجاحد مع اللي يستاهل مني الجحود ده تعالي معايا ياحبيبتي ومتخافيش مش هيحصل لها حاجه
حبيبه بصتله بصدمه من طريقه كلامه معاها وقالت بعتراض:لا انا مش هسيبها قبل ماتفوق واطمن عليها كمان لاني مش زيك بقيت بدون ضمير ومعدوم الانسانيه ياحازم بيه
حازم ضم ايده بغضب بس كتم غضبه قدامها علشان متخفش منه لانها الوحيده في الدنيا اللي مستحيل يقدر يخوفها منه حتي لو حصل ايه فتهند بعمق وقال:طيب انا هطلب لها الدكتور علشان خاطرك انتي ياحبيبه بس بعد كده مش عاوز اشوفك معاها او قريبه منها حتي مفهوم
حبيبه هزت رأسها بطاعه وقعدت جنب يارا وهي قلقانه عليها وحاسه بزنب الكبير تجاها
وبعد وقت وصل الدكتور وفحص يارا تحت نظرات القلق من حبيبه وعدم الاهتمام من حازم
وبعد ماخلص قال:المريضه تعرضت للاسف لانهيار عصبي والافضل لها انها ترتاح ومحدش يدايقها ابدا في الوقت ده وانا كتبت لها مهدئات لحالتها شويه وهتفوق بأذن الله عن ازنكم
خرج الدكتور وحبيبه قربت منها وقعدت جنبها بحزن عليها وبقت تمسح على شعرها بحنيه وحازم كان واقف بعيد عنها وهو بيراقبها بضيق
وقرب منها وقال:انتي ازاي كده بجد ازاي قاعده جنبها وشفقانه عليها بعد ماكانت امبارح بتحاول تقتلك وتخلص منك كمان حبيبه فوقي الطبيه الزياده اللي عندك دي هتضيعك في المستقبل صدقيني
حبيبه بصتله ببرود وقالت:لا بالعكس الطبيه دي هي اللي هتحميني دايما يأبيه لان ربنا مستحيل يسيب عبد قلبه ابيض في مشكله ابدا وانا واثقه في ربنا انه ديما هيفضل معايا مدام محافظه على طبيه قلبي دي
حازم بصلها بحب كبير من برائتها اللي دايما بتجزبه بشده لها وقال ببسمه:طيب انا هخرج احضر لينا اكل ناكل سوى اكيد انتي جعانه اوي دلوقتي مش كده؟
حبيبه هزت رأسها بهدووء وحازم خرج يحضر لهم الاكل بسعاده وبعد وقت يارا فتحت عنيها بتعب
وحبيبه كانت قاعده جنبها وابتسمت لما لقت يارا فاقت وقالت ببسمه وسعاده:الحمد لله انك فوقتي انا كنت قلقانه اوي عليكي
يارا بصتلها بتوهان وحازم دخل الغرفه وهو حامل صنيه الاكل وقرب من حبيبه وقال:ياله ياقلبي انا حضرت لنا الاكل اللي بتحبيه علشان ناكل سوى
حبيبه بصتله بستغراب ويارا وقفت بحماسه لانها كانت فاكره انه بيتكلم عليها مش على حبيبه وقالت بفرحه وحماسه:بجد ياحبيبي انت حضرت ليا الاكل اللي بحبه و
سكتت فجأه لما عنيها وقعت على الاكل قدامها ومكنش الاكل اللي بتحبه ابدا فقالت بستغراب وتعجب:بس ده مش الاكل اللي بحبه ياحازم انت غلطت في الاكل والا ايه؟
حازم بصلها بصدمه ولسه هيرد عليها حبيبه قالت بسرعه وشفقه:اه ياحبيبتي الظاهر انه غلط في الاكل فعلا بس مش مشكله انا هخرج احضرلك الاكل اللي انتي بتحبيه تمام
يارا هزت رأسها بتفهم وحازم سند الاكل وقرب من حبيبه وقال بهمس:انتي بتعملي ايه انا حضرت الاكل ده مخصوص علشانك انتي ياحبيبه وهي لو عاوزه تاكل تقدر تطلع تحضر لنفسها أي حاجه تاني احنا مالنا بيها اصلا
حبيبه بصتله بضيق وقالت بشفقه:حازم حرام عليك انت مش شايف شكلها بقى ازاي والدكتور قال محدش يدايقها ومتنساش ان ابوها كمان مات وبقت دلوقتي يتيمه ومش لها حد تاني غيرنا حس بحالتها بقى حرام عليك
حازم عقد حواجبه بضيق بس تهند بخنق وقال:ماشي هعمل كده بس علشانك انتي لانها متستهلش اقف جنبها اصلا بس هعاملها كويس علشان خاطر عيونك انتي ياحبيبه قلبي
حبيبه ابتسمت له بسعاده وبصت تجاه يارا بشفقه كبيره لما لقتها قعدت قدامهم وهي بتاكل بجوع كبير وقربت منها وبقت تأكلها بأيدها بحنيه وهتمام
الروايه النصيب حصريه بقلم الكاتبه نور محمد
ومرت كام يوم والوضع كما هو عليه وحبيبه كانت تقعد دايما مع يارا ومش بتسيبها لوحدها ابدا لغايه ماتعدي المرحله الصعبه دي من حياتها ويارا كانت مرتاحه معاها وحست انها مش وحيده بوجود حبيبه جنبها رغم بعد حازم عنها وتجاهله المستمر لها
وفي يوم حبيبه قررت انها تروح المدرسه بتاعتها لانها زمان مرحتش وفات عليها دروس كتير وبعد ماخلصت يومها الدراسي خرجت من المدرسه ووقفت قدام بوابه المدرسه وهي منتظره حازم ياجي ياخدها بعربيته زي العاده وبعد دقايق بس
وقفت عربيه حازم قدامها بس على مسافه منها ونزل منها حازم وهو بيبتسم لها بحب وحبيبه فرحت اوي لما شافته قدامها ولسه هترجي عليه بس فجأه تسمرت مكانها بصدمه وزهول لما لقت شاب تاني
قرب منها وحضنها بقوه وفرحه كبيره وهو بيقول:حبيبه ياروح قلبي وحشتيني موت انا رجعت من السفر اهو زي ماوعدك علشان نجوز ياقلبي انا وحشك كمان مش كده؟
حبيبه وقف الزمن عندها في اللحظه دي وبصت تجاه حازم بخوف لما لقت عنيه بقت لونها احمر من الغضب وعروقه برزت بشده وووو
يتبع.
حد صعب عليه يارا في البارت ده او لا بس انا شخصيا صعبت عليا تتوقعوا مصيرها مع حازم هيكون ايه في النهايه🥺 وحبيبه اللي قلبها ابيض دي حازم هيعمل فيها ايه🤭 اللي جاي دمااار تفاعل كبير وهنزل بارت كمان ❤️🔥
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
