رواية الخادمه التى الفصل الاول حتى الفصل السادس عشر بقلم الكاتب اسماعيل موسي حصريه وجديده على مدونة النجم المتوهج
 |
انتى يا بت يا زفت انتى أجرى اعمليلى قهوة بسرعه ومتتأخريش!!
حاضر
مشت بتول بسرعه ناحيت المطبخ وجلس يراقبها للحظه
لا تجيب بتول الا بكلمه واحده مهما كان الأمر الذى تتلقاه
مقتصدة جدا فى الكلام ورسميه جدا فى التعامل
فمنذ حضرت إلى البيت الكبير وهى ليست كبقية الخدم إلى بيحاولو ينافقوه او يتكلمو معاه او حتى يجرو واطى معاه
وهو سيد البيت ولن تكسره خادمه وسيخضع الجميع له
انه يتعمد ان يعاملها بقسوه، ويتعمد أيضآ ان يعامل بقية الخدم بلطف وانسانيه، لكن بتول لا تتذمر ابدا، فهو يتذكرها عندما حضرت إلى البيت وكانت صغيره فى الخامسة عشر بمثل عمره،قبلها والده قبل وفاتة، فقد كانت يتيمه توسط لها احد المعارف لتعمل عنده لانها بلا عائله
وقتها كان يراها ويرى وجهها وشعرها قبل أن تتحجب، وبعد مرور خمسة أعوام لا زال جسدها نحيل لكنه لا يتذكر ملامحها ولا يعرف اى أنثى أصبحت..
وقد وضع لنفسه قواعد فى التعامل مع الخدم ورثها من والده ولا يكسرها ابدا، لا يطرد احد تعسفا، لا يشتم، ويدفع المرتب كل مطلع شهر مع زياده وعلاوة وكلما مضت عدة اعوام على وجود خادمه لأنهم يتغيرون بأستمرار، البعض يتزوج والبعض الآخر يجد عمل اخر يرفع مرتبه
احضرت بتول القهوه ووضعتها على الطاوله، تقف دائما بعد ذلك بثبات لا متناهى حتى يطلب منها ان ترحل
او يقول خلاص انا مش عايز حاجه تانيه وهذا ما يغيطه من بتول، انها لا تقول ابدا عايز حاجه تانيه يا بيه؟ مثل بقية الخدم، فيتركها واقفه بعض الوقت قبل أن يحرك يده لترحل
انها أنشط واحده فى الخدم ولا تتوقف عن العمل مطلقآ
وكلما نزل الرواق وجدها تعمل، تنظف او تمسح او ترتب شيء قبل أن تذهب لغرفتها
فقد حدد لها والده دون عن كل الخدم غرفه بمفردها، يتذكر ان والده قال إنها فتاه ستكبر وتحتاج خصوصيه
وعندما كان طفل سأل والده لماذا هذة بالذات؟
قال والده لأنها بلا عائله وقريبا ستنضج وليس لها والدة تعتنى بها وان جسدها سيتغير وهى لا تعرف ذلك وسيكون الوضع محرج لها
ولا يعرف لماذا حتى الآن يحافظ على عهد والده ولم يحاول ان يكسر كلمته، او يجعلها مثل بقية الخدم رغم تذمر كبيرة الخدم عنايات أكثر من مره
وقد لا يراه لمدة أسبوع أو أكثر لكنه عندما يراها يعاملها بتلك الطريقه وقد لاحظ شيء عليها انها دائما نظيفه فى نفسها وانيقه رغم ان كل خدمه كذلك
ورغم مرور السنين لم يسأل احد عنها فهو لم يرى لها قريب أو أهل، إنها وحيده جدا، مثله بالضبط بعد أن توفى والده
ترك الجورنال مرمى على الطاوله ثم خرج الي سيارته وذهب إلى العمل، تتولى بتول ترتيب الفوضى إلى يتركها تيمور خلفه
وفى الغالب يترك اشياء معينه بالقصد، خاتم، ساعه
لفافة تبغ، قلم، منديل، ملحوظه وعندما يعود يجد كل شيء فى مكانه
تأوى بتول إلى غرفتها فى الساعه السابعه مساء ولا تخرج منها الا صباح اليوم التالى، غرفتها واسعه ولها شرفه
لديها تلفاز خاص وراديو وكتب تحضرها من مكتبة البيت الكبير، لديها حمام خاص وخزانة ملابس كبيره واول شيء تفعله فى الصباح الذهاب إلى الحديقه ورى الورود التى تزرعها بأستمرار، طلبيات الورود النادره التى تصلها تزرعها حتى حولت جزء من الحديقه للوحه جميله من الازهار
ثم تجلس تحت احد الأشجار على الأريكه لبعض الوقت
شارده مع كتاب حتى تصرخ عليها عنايات او تلمح تيمور يدلف إلى البيت
#الخادمه_التى
٢
دخل تيمور الفيلا لمح سادين جالسه تحت الشجر دلف إلى الرواق وصرخ انا كنت سايب حاجه هنا
ركضت عنايات بجسدها النحيل، بتول إلى كانت بتنضف هنا
وصلت بتول أيضآ، تمشى بثبات غير عابئه بصراخ تيمور
مدت يدها تحت الوساده وأخرجت خاتم من العقيق ثم قربته من تيمور هامسه اتفضل...
الخاتم دا كان فين؟ سألها تميور بتنمر
انت نسيته تحت الكنبه وانا لقيته وسبته هنا لحد ما ترجع
استشاط تيمور من الغضب، كل الخدم يحترمونة ويفخمونه
يقولون حضرتك وسيادتك الا بتول، لا تقول ذلك الا عندما يأمرها او يوبخها
ميت مره اقولك لما تتكلمى معايا تقولى حضرتك، انا مش عيل بلعب معاكى فى الشارع
ارتسمت ابتسامه على وجه عنايات التى تكره بتول منذ حضورها إلى الفيلا
كان مقرر ان تتولى بتول مسؤلية كبيرة الخدم ومدبرة المنزل
لكن تيمور لم يتقبل ذلك لأنها تتحداه سرا كلما استطاعت فأحضر لها عنايات لتكون مسؤله وتنغص عليها حياتها
لكن بتول غير مهتمه كأنها تعيش فى عالم موازي ولا شأن لها بالفيلا او غيرها
همست بتول حاضر، فيه حاجه تانية حضرتك عايزها؟
هعوز منك ايه يعنى، اتفضلى امشى
يتمنى تيمور ان يرى تعبيرات وجهها ان يراها تبكى او حتى تبتسم لكن ذلك الجدار الذى يخفيها عنه يضايقه
فكيف يعرف انها لا تضحك عليه وهى تعتذر؟
او انها تسخر منه وهى تقول حاضر ؟ مما أشعره بالضيق
ثم جلس على الأريكه وقصدت بتول غرفتها
تختفى بتول داخل غرفتها ولا يعرف ما تفعله ربما تراسل احد الاوغاد سرا وتقضى معه اوقات طويله على الفيس لو الواتس وقبل ان يسأل نفسه لما يفكر بتلك الطريقه
فتح الفيس وبحث عن اسمها، ظهر له أكثر من اسم او صوره
ليس معقول ان يرسل تيمور مدكور صاحب الشركات طلب صداقه عشوائى، ثم كيف يتذلل ويرسل لها طلب صداقه؟
لا لن يفعل ذلك ابدا
رغم ذلك امر سكرتيرتة دعاء ان تنشيء له حساب فيس بوك اخر وهمى متذرع بأنه يريد ذلك الحساب ليعرف وجهة نظر عملائه واعدائه فيه
بعد أن أصبح حساب الفيس بوك الوهمى جاهز للعمل غير تيمور كلمة السر
ثم جلس متحير لبعض الوقت قبل أن يصرخ بتول؟
فتحت بتول باب غرفتها
نعم يا تيمور بيه
انتى قاعده فى غرفتك بتلعبى فى التليفون وسايبه الازهار من غير ما تتروى؟
كان تيمور يدفع كلفة تلك الازهار قبل زراعتها
وكلما طلبت بتول شتلات جديده يدفع فواتيرها بلا جدال
فقد كانت تعجبه أفكار بتول
همست بتول، لكن انا رويت الازهار الصبح يا تميور بيه
انت بتكدبينى يا بتول؟
فيه زهرة هناك الميه موصلتهاش وبعدين هاتى التليفون ده إلى مخليكى مش واخده بالك من شغلك
همست بتول مستحيل اديك تليفونى
اها ضحك تيمور ليه خايفه من ايه؟
مش خايفه من حاجه لكن دى حاجه شخصيه
سيبى تليفونك هنا دا امر، وكمان مفتوح
مش هسيب تليفونى حتى لو طردتنى من الفيلا
وكلما ازداد عنادها ازداد شك تيمور الذى ابتسم
على فكره انا كنت بهزر معاكى انا هحتاج تليفونك ليه يعنى
قصدت بتول الحديقه وهمس تيمور، بقا عامله فيها شريفه؟
ماشى انا هوريكى، هفضحك قدام نفسك يا بتول
ثم استخدم عنايات التى احضرت حساب بتول من واحده من الخدم صديقه عند بتول وارسل لها طلب صداقه وهو يبتسم.
راح تيمور يتصفح حسابها، المنشورات والبوستات والتعليقات
كان يشعر بالغضب من نفسه لتقديمه تلك التنازلات التى وصلت به لتصفح حساب خادمه لكن الفضول كان يلتهم لدرجه أكبر من حنقه.
#الخادمة_التى
٣
ظل طلب تيمور الذى ارسلة من حساب فيك معلق لأكثر من اسبوع وكل يوم تيمور يتفقد الحساب متوقع ان يكون طلب صداقته قبل، ثم بدأت الشكوك تلعب داخله
لماذا لا تكون بتول توقعت ذلك؟ وكان فى حقيقة الأمر العلاقه التى تربطهم أكبر من علاقة خادمه بصاحب فيلا او قصر، لقد كان عمرهم متقارب ولعب معها عندما كان طفل صغير فى الحديقه، وكان ذلك الخلط يفسد تفكيره بين رغباته الدفينه وما يطمح له
اخر مره عندما نظر إلى هاتفه اطلق تنهيدة غضب، والقى هاتغة على الطاوله
كيف متقبلش طلب صداقتى؟
رد صوت عقله لأنها متعرفش ان الحساب ملكك، ممكن يكون بتاع اى شخص
حتى لو كان الحساب لا يملك أسمى كان لازم تقبل طلب صداقتى، وكل ما فكر زاد عناده
انا هعاقب بتول بطريقه صعبه وشديده، مش انا الى طلب صداقتى يرفض
سحبت تيمور هاتفه وطلب رقم، اهلا تيمور بيه
اهلا نرجس هانم عامله ايه؟
بخير يا تيمور بيه !! هو انت رسمى ليه كده يا تيمو؟
مفيش، انا عايز منك خدمه، أطلقت نرجس تنهيده
فيه واحده جديده صح؟ انا بعرفك لما بيكون دماغك مشغول
ها اسمها ايه وبتشتغل ايه؟
اسمها، أسمها عنايات وبتشتغل مضيفة طيران، أضطر تيمور للكذب، لن يفضح نفسه امام نرجس ويقول انها خادمته
دا اسم بلدى اووى يا تيمور ؟
لازم البنت دى صاروخ عشان تخلى تيمور مدكور بنفسه يتنازل ويفتش وراها
بصى يا نرجس هى حسابها على الفيس بأسم بتول المغربى
عايزك تبعتى ليها طلب صداقه وتبقى صاحبتها
همست نرجس انا عارفه البنات إلى بتغير اسمها على الفيس
يا ساتر حاجه كده لؤم وخبث
نرجس؟ الموضوع دا مهم بالنسبه ليا عايز نتايج سريعه
حاضر يا تيمور، ايه مش ناوى تعدى عليه؟
مش دلقوتى يا نرجس انا مش فاضى
خلص تيمور مكالمته وهو يشعر بالاهانه، اهانة نفسه واضطرارة النزول للمستوى القذر ده
كل دا سبب بتول، انه يحملها الذنب كله، رغم تعدد علاقات تيمور خارج الفيلا الا انه عمره ما حاول يعمل حاجه داخل الفيلا، الزم نفسه بقوانين صارمه تحفظ كرامته ومكانته
مثل كل زوج هناك شخصيه داخل المنزل وأخرى خارجها قد تتفاجيء من حجم قذارتها
مسك تيمور تليفونه مره تانيه، مش متقبل فكرة ان طلبه لسه معلق لحد تلك اللحظه
بتول داخل غرفتها وتيمور فى الرواق بيدخن سيجاره
عنايات؟ فين بتول...
خلصت شغلها ودخلت غرفتها يا تيمور بيه، طيب نادى عليها من فضلك يا عنايات
طرقت عنايات باب غرفة بتول وعادت إلى تيمور لحظات وتكون عندك
تأمر بحاجه تانيه حضرتك؟
شكرا يا عنايات
انفتح الباب وخرجت منه بتول، كانت بتكره اليوم الى تيمور بيطلبها فيه
كانت مرتاحه منه ومش بتشوف وشه غير كل أسبوع لكن دلوقتى لازق فى الفيلا معظم الوقت
وقفت بتول قدام تيمور
ايوه انت طلبتنى؟
قلتلك ميت مره أسمى تيمور بيه ولما تتكلمى معايا تقولى حضرتك
أطلقت بتول تنهيدة قرف، حضرتك طلبتنى يا تيمور بيه؟
وكان مزاجه تعكر بعناد بتول، كان على وشك ان يخاطبها بطريقه جيده
لكن بتول تجد دائما وسيله لافساد الأمر
سأل تيمور، فيه طلبيات زهور وصلت تانى القصر؟
بتول عارفه ان تيمور مش مهتم بالازهار ولا الورود ولا الأشجار
اه فيه طلبيه هتوصل بعد يومين
رفع تيمور بصره اسم ايه؟
ضيقت بتول حاجبها، هو ايه إلى اسمه ايه يا تيمور؟
قلتلك تيمور بيه وصرخ تيمور بغضب، انا مش هفضل أحذرك كل دقيقه
ماشى، تيمور بيه، اصل الزهره مؤنس وانت قلت اسمه
همس تيمور انا اقصد الورد اسمه ايه؟
لازراج يا تيمور بيه
طيب لما يوصل ابعتيلى الفاتوره علشان ادفعها
حاضر يا تيمور بيه، ممكن امشى
وقحه هكذا همس تيمور فى سره
هذه خادمه متنمره متمرده وقحه وانا هعرف اربيها
ازاى اكون بكلمها وتطلب تمشى؟
انا اى ست تتمنى تتكلم معايا
أجرى اعملى شاى
حاضر يا تيمور بيه
اعدت بتول الشاى وجابته حطته قدام تيمور
ايه ده؟ سألها تيمور بتربص
همست بتول الشاى إلى حضرتك طلبته
رفع تيمور رجله وزق الطاوله بالشاى على الأرض
انا قولت اعملى شاى، مقلتش اعملى شاى وهاتيها هنا
يعنى ممكن اخليكى انتى تشربيه او اى واحده من الخدم
وقفت بتول بصمت حتى لا تفقد هدوئها
واقفه ليه؟ نضفى الفوضى إلى عملتيها دى عايز اول ما انزل من غرفتى الاقى السجاد بيلمع
داخل غرفته كلم تيمور نرجس، ها عملتى ايه؟
بعتلها طلب صداقه ولسه معلق
البنت دى ماسكه التليفون اربعه وعشرين ساعه معقول تكون ما شافتش طلب الصداقه +؟ كان تيمور بيسأل نفسه بشك
طيب خليكى وراها لحد ما ترد
نرجس !! انا عايزها تقع ولما تقع كلمينى
حاضر يا تيمور متقلقش، كلهم بيعملو كده بيبانو صعبين لكن فى الآخر نرجس بتكسب
#الخادمة_التى
٤
مش بتقبل طلبات صداقه؟ كانت نرجس تتفحص هاتفها بضيق، لكن ان نرجس وهعرف اجيبها
فتحت الماسنجر وارسلت رساله لبتول، بعد التحيه عامله ايه وعايزاكى فى موضوع مهم
رساله مبهمه هكذا ارادتها نرجس، لأنها حتى الآن متعرفش شخصية بتول سواء كانت متمرده او خجوله او حتى متزمته فلكل نوع معامله خاصه
وكان تيمور كل شويه يتصل عليها وأخر مره آنبها، بقى هى نرجس إلى انا اعرفها؟
دا انا قولت يومين تلاته وهتجيب قرارها ولما سألته نرجس هى شغاله فى شركة طيران ايه مردش عليها
انا بعتلها رساله ولما ترد عليه هجيب لك قرارها
امسك تميور هاتفه ونظر إلى طلب صداقته المعلق بغيظ
وهو بيسأل نفسه ليه مهتم للدرجه دى بالموضوع ده؟
انت راجل صاحب شركه وعايش حياتك وعندك كل حاجه مجابه، هتفرق ايه معاك واحده ذى بتول!؟
لازم اكسرها، تنهد صوت متمرد داخله، لازم اكشف أسرارها
انها خادمتى ومن حقى اعرف عنها كل حاجه انا عايزها
نرجس موفقتش ساكته عرفت بطرقها ان تيمور ماسافرش لأى مكان وان قصة مضيفة الطيران فيك وان تيمور عايز حاجه معينه من غير هى ما تعرف
داخل غرفتها بصت بتول على طلبات الصداقه الغريبه إلى وصلتها فجأه
وقرأت الرساله المبهمه إلى وصلتها من نرجس
وشعرت باستفزاز موضوع ايه إلى هتكون واحده متعرفيش عايزانى فيه؟
ولأنها تعرف انها غير مهمه، وحيده ومهمشه بعد وفاة والديها وان لا أحد يسأل عنها
حذفت الرساله، هتكون عايزه ايه يعنى منى؟
وكان نرجس تنتظر فقد ظهر لها ان الرساله قرأت لكن الرد لم يأتى ابدا
وتعددت رسائل نرجس إلى بتول على الخاص وبتول لا ترد
فهى اصلا مكنتش تعرف هتتكلم ازاى مع شخص متعرفوش او حتى لو كانت تعرفه
بتول مش بتكمل جمله كامله على بعض من غير تقف بسبب الخجل او لأعتبارات أخرى
هاتفت نرجس تيمور
تيمور البنت إلى بتتكلم عنها مستحيل تكون مضيفة طيران
هو انت ممكن تقول الحقيقه يمكن اقدر اساعدك؟
ردت عليكى يا نرجس؟
لا مردتش وواضح انها مش هترد
طيب خلاص انا هتصرف وأغلق تيمور الخط فى وجه نرجس
بعد يومين كانت نرجس فى المول بتتسوق لما قابلها فهد
كان من ضمن الشله ووالده صاحب شركه زى تيمور وفيه بينهم منافسه فى السوق وفى كل حاجه
مش صاحبك لايف على وأجده جديده؟
صاحبى مين؟
تيمور مدكور، بس البت ايه مش معبراه خالص
رفع فهد يده لا طالما البت مش معبراه لازم تعرفينى عليها
انا معرفهاش لكن معايا حساب الفيس بتاعها، اخذ فهد حساب بتول
مهما كانت طلباتها ومهما كان إلى عايزاه طالما رفضت تيمور هيقدمه ليها، هيعمل المستحيل علشان تكون صديقته
ارسل لها طلب صداقه ومعه رساله على الخاص
انه رجل أعمال وبيبحث عن موظفين
قرأت بتول الرساله والشك لعب فيها
رجل أعمال؟ طيب ازاى وصل لحسابها ويعرفها من فين؟
ثم ابتسمت، دى اكيد واحده من العاب تيمور مدكور لان عنايات كانت بتسأل عن حسابها على الفيس
ردت بتول على الرسالة
شغل ايه حضرتك؟
رد فهد بسرعه فى قسم الحسابات
لكن انا مش خريجة تجاره!!
تخصصك ايه سأل فهد؟
صمتت بتول مده طويله قبل أن تكبت ان مدبرة منزل
كبيرة خدم وكانت تكتب وهى تضحك على رد فعل تيمور لما يقراء الرساله
لكن الرد صدمها، من حسن حظك ان كبيرة الخدم فى قصرى قدمت استقالتها وانا محتاج كبيرة خدم وبمرتب مجزى وهيكون ليها سكن خاص
فتحت بتول باب غرفتها وبصت على الصاله، تيمور كان قاعد وماسك تليفونه
ابتسمت بتول فى سخريه ماشى يا تيمور !!
المرتب كام؟
عشرة الاف جنيه
ابتلعت بتول ريقها
دى بيهزر اكيد
تميور اتجنن
لو عايزه الوظيفه قابلينى بكره فى مقر الشركه واداها العنوان
#الخادمه_التى
٥
لا تعرف بتول عنوان شركة تيمور، ولم تخرج للشارع منذ مده طويله، وظنت انه دعوه مبطنه من تيمور حيث كبريائه منعه من دعوتها لزيارة الشركه التى كان يملكها والده فرغم كل شيء كان تيمور صديقها فى الطفوله
طلبت اذن من عنايات، ففى قصر صقر لابد أن تسير الأمور بشكل رسمى، تخاطب عنايات عنايات تخاطب صقر ثم تحصل على الموافقه
ولأن عنايات لا تطيق بتول فعندما سمعت الطلب ركضت إلى تيمور
منذ أكثر من عامين ومنذ وصول عنايات لم تخرج بتول من القصر ماالذى اخرجها يا ترى؟
تيمور بيه بتول قدمت طلب أجازه
اجازة؟ همس تيمور بأنزعاج، هى تعبانه ولا ايه؟
معرفش حضرتك بتقول وراها مشوار مهم
سمع تيمور كلمة مشوار وشعر بالتعاسه، لكن لابد أن يكون صارم امام عنايات فقال مفيش مانع
لكن بينه وبين نفسه فكر فى سره اكيد رايحه تقابل حبيب القلب، الولد إلى بتكلمه ليل نهار على الفيس ويجعلها تغلق على نفسها غرفتها وتكتفى به عن العالم
لم تتأخر بتول خرجت مرتديه ملابس محتشمه تشق الطريق وسط الحديقه
سحب تيمور نفسه وتسلل خلفها ركب سيارته وراقب التاكسى الى وقف قدام شركة الد اعدائة مراد السلحدار
هو فيه ايه؟ سأل تيمور نفسه بقلق
بتول جايه تعمل ايه هنا؟
أوقف تيمور سيارته ودخل مقر الشركه خلف بتول متحجج بلقاء مراد السلحدار
وفى طريقه كان يبحث عن بتول فى كل ركن لكنه لم يجدها
دخل مكتب مراد السلحدار وتحدث معه عن صفقه شائكه بينه وبين شركته ثم غادر المكتب وفى طريق خروجه
لمح بتول تجلس فى مكتب نائب الشركه فهد مراد السلحدار
شعر تيمور ان قلبه توقف
بتول قاعده مع فهد وقدامها كوباية قهوة وفهد بيتكلم معاها بكل ارتياحيه
ولم يتمكن من كبح جماح نفسه، اقتحم المكتب وصرخ فى بتول انتى بتعملى ايه هنا؟
نهض فهد، انت متعصب ليه يا تيمور بيه؟
اسكت انت صرخ تيمور انا بكلم بتول
وكدت بتول ان تبكى،راحت تحاول أن تشرح لتيمور الحكايه كلها لكن لسانها توقف
انت بتصرخ فيها ليه كده؟ هى عبده عندك؟
بتول انسانه كبيره وراشد وتقدر تدافع وتقرر مصيرها بنفسها ومتنساش انك فى شركتنا
شعرت بتول ب الآهانه والاحراج وصرخ تيمور وهو يجذب ب
يدها يلا قدامى على القصر
وقف فهد بينه وبين بتول، انا مسمحلكش تجبرها على اى حاجه، احنا قاعدين بناقش عقد عمل لو عندك مشكله شخصيه مع الانسه بتول تقدر تحلها فى القصر عندك
يلا يا بتول صرخ تيمور
همست بتول انا مش هروح وبلاش تصرخ فى بالطريقه المهينه دى
بقا كده صرخ تيمور بكل غضبه وهمس ماشى ثم غادر الشركه
على فكره ملوش اى حق يعاملك كده، مش معنى انك شغاله عنده فى القصر انه اشتراكى بفلوسه
اذا كانت دى معاملته ليكى قدام الناس فأنا مش قادر اتخيل بيعاملك ازاى داخل القصر
وتذكرت بتول كل الإهانات التى وجهها تيمور لها وتعمده ازلالها فى كل أسبوع
وكان فهد عرض عليها تشتغل فى القصر عنده بمرتب مرتفع
لكنه قال شوفى انسة بتول بعد إلى شوفته بعينى انا بقدملك فرصة عمل تانيه
لو عايزه تشتغلى سكرتيره هنا فى الشركه انا موافق
همست بتول سكريتره منقبة؟
وايه المشكله انسه بتول احنا على فكره مسلمين زيك
وبعدين انتى قولتى انك بتعرفى تتكلمى انجلش
همست بتول وبكتب كويس كمان
طيب خلاص بصى يا ستى انتى هتروحى تقابلى شؤن العاملين وهيختبروكى لو نجحتى منصب السكرتيره بتاعك وبكده تبقى كل حاجه بمجهودك من غير واسطه ولا يحزنون
راحت بتول الاختبار وهناك تفاجيء الموظف ان بتول بتكلم انجلش زى الأجانب وبكتب بخط جميل وحروف صحيحه
لدرجة انه سألها انتى خريجة جامعه أمريكية؟
لأول مره تشعر بتول بالفخر، الدروس إلى كانت بتاخدها على اليويتوب جابت فايده
منحها فهد حرية الاختيار والتفكير وانصرفت بتول من الشركه بعقل مضطرب وقلب حالم
وصل تيمور الفيلا ودون سابق كلام هشم فنجان القهوه وضم قبضته وضرب الحائط حتى جرحت يده
#الخادمة_التى
٦
فى طريق العوده فكرت بتول ان تخبر تيمور بالحقيقه
كل ما حدث كانت تظنه مزحه، كانت تظن ان تيمور من ارسل لها الرساله.
عادت بتول من الخارج وعندما دخلت القصر كان تيمور فى انتظارها
القت التحيه كعادتها وقصدت غرفتها، صرخ تيمور استنى عندك!!
وقفت بتول واستدارت خير فيه حاجه؟
بصراخ قال تميور ايه البرود إلى انتى فيه ده؟
احترم نفسك قالتها بتول لأول مره، انا معملتش حاجه غلط
كل إلى عملتيه ده ومعملتيش حاجه غلط؟ كان ناقص ايه كمان؟
لو عايزه زيادة فى المرتب كنتى اطلبيها وانا كنت هلبى طلبك
ابتسمت بتول من غيرة تيمور
الصراحه الموضوع مش كده يا تيمور
امال الموضوع ايه يا هانم؟
تحلت بتول بالصبر، انا وصلتنى رساله وافتكرت إنك بعتها ليه
انا ابعت رساله ليكى انتى؟ صرخ تيمور بسخريه، انتى خدامه عندى
ملقتيش غير فهد؟ ايه، علاقتك بيه؟
ملكش دعوه بحياتي الشخصيه يا تيمور بيه
انا خدت اذن وخرجت ورجعت فى ميعادى اكتر من كده ملكش حاجه عندى
الله الله وكمان بقالك لسان وبتردى؟
ايوه بقالى لسان وبكره هسيب القصر واشتغل فى الوظيفه الجديده !!
قرب تيمور من بتول وصرخ ابقى جربى تخرجى من اوضتك وانا هكسرلك رجلك
يلا أجرى على غرفتك غيرى هدومك وتعالى شوفى شغلك
انا مسمحلكش تكلمنى بالطريقه دى يا تيمور انا مش عبده عندك
انا قررت اسيب الشغل خلاص استقالتى هتكون قدامك الليله
ودخلت غرفتها واغلقت الباب على نفسها.
فى الرواق كان تيمور يسأل نفسه كيف تواصلت بتول مع فهد؟ كيف وصل إليها؟ وكيف يعرفها اصلا
بتول لا تخرج من القصر الا مره كل زمن وفجأه تحصل على وظيفه؟
لاما بتول كدابه لاما فى حاجه غامضه فى الموضوع
وكان يريد أن يسأل بتول متى وصلتك رسالة فهد؟
لكن كرامته نقحت عليه
وكان يعرف ان الامور ستعود إلى مجاريها مع بتول فقد سأت بينهم الأمور أكثر من مره
وليس بجديد عراك بينهم، ثم قصد غرفته فى قمة الغضب
فى الصباح اعدت بتول حقيبتها الكبيره وجرت على الرخام نحو الحديقه فركضت عنايات كبيرة الخدم خلفها
انتى رايحه فين يا بتول؟
ماشيه يا عنايات ساييالك القصر بالى فيه
همست عنايات، تيمور بيه يعرف كده؟
قالت بتول ان تيمور غير مسؤل عنها وعن حياتها وانها مجرد خادمه فى القصر انهت خدمتها
روحى قولى لتيمور انى مشيت
ثم جرت حقيبتها ببطيء وهى تتلكاء كانت تعرف ان عنايات عندما تخبر تيمور برحيلها سيركض خلفها ولن يسمح لها ان تغادر القصر
لكن عنايات لك تخبر تيمور ووجدت راحه فى رحيل بتول عن القصر
بعد وقوفها لأكثر من عشرة دقائق على باب القصر شعرت بتول بالحرج، تيمور لم يركض خلفها
ولم يرسل واحده من الخدم لتوقفها فأحذت سيارة أجره وتركت المكان
عندما ذهب تيمور إلى الشركه كان باب غرفة بتول مغلق
وظن انها غاضبه كعادتها
وعندما عاد من العمل كان باب الغرفه مغلق فلم يسأل عن بتول فقد كان غاضب منها هو الآخر
لكن فى صبيحة اليوم الثالث سأل تيمور عنايات فين الخادمه بتول؟
قالت عنايات بتول اخذت حقيبتها ورحلت
امتى حصل دا وازاى محدش بلغنى؟
من تلت ايام يا تيمور بيه وبتول طلبت من حدش يجيب خبر قدامك، فأنت غير مسؤل عنها ولا عن حياتها وقد قررت أن تترك القصر إلى الأبد
وترجوك ان لا تبحث خلفها.
#الخادمة_التى
٧
كان تيمور يسمع كلمات عنايات بقلب مضطرب وروح تعيسه، معقول بتول قالت كده؟
واكتر كمان يا بيه بس كلام مقدرش ولا ينفع اقوله لحضرتك
خلاص يا عنايات تقدرى تتفضلى
اشعل تيمور سيجاره وهو فى قمة الحزن، ازاى هانت عليكى
العشرة يا بتول
دا انتى كنتى زى وكان بوده ان يقول اختى التى لم تنجبها امى لكن داخله كانت هناك مشاعر تائه
يمكن أنا كنت عصبى معاكى او قاسى لكن كل دا كان مجرد استفزاز وعمرى ما قصدت أذيكى بالفعل
كنت برخم عليكى من اكتر كأنك واحده من عيلتى
لأنك واحده من عيلتى وعشتى معايا اكتر من والدتى الله يرحمها
وقرر ان ينساها ان يتركها الى الأبد لكن قلبه لم يطاوعه
كان قلبه يقول بتول مخرجتش من القصر ابدا
تلاقيها دلوقتى تايها ومحتاسه تعمل ايه؟
هتسكن فين؟
والولد فهد مش ملاك ولا غرضه نبيل ومش هيسبها فى حالها
لكنها اهانتك اكتر من مره يا تيمور امام فهد فى الشركه
ومن الممكن أن تهينك مره اخرى وترفض الرجوع معك
لا، همس تيمور مش هسيبها غير لما اطمن عليها
حتى لو كانت عند فهد لازم اعاين مسكنها واكون جنبها لحد ما تشتغل
اخذ سيارته وقصد شركة فهد ثم صعد السلم نحو مكتبه وكان أكثر هدوء هذه المره
اول ما قعد سأل فين بتول يا فهد؟
فهد معرفش يا تيمور، انا مش مسؤل عنها ولا ابوها ولا اخوها
تيمور نت فضلك يا فهد خلى الخلافات إلى بينا بعيد عن بتول
بنت غلبانه ومتعرفش حاجه فى الحياه
اها، وانت بقا الشاب الشجاع إلى هينقذها؟
حضرتك خطيبها مثلا او اخوها؟
فهد؟ قولى بتول فين؟
معرفش يا تيمور وحتى لو كنت اعرف مش هقولك ومن فضلك اتفضل انا عندى شغل
ورحمة ابويا لو حصل لبتول حاجه لأخربه على الكل يا فهد
ثم غادر تيمور مقر الشركه
يا ترى البنت دى راحت فين؟
وقبل ان يركب سيارته لاحظ وجود فتاه تجلس جوار حقيبه على الرصيف كانت تشبه بتول، نزل من سيارته وراح ناحيتها
بتول؟ لأنها كانت منقبه وغير متأكد من هويتها
ايوه بتول ومن فضلك ابعد عنى
بتعملى ايه هنا؟ انتى مجنونه؟
ملقتش مكان اقعد اسكن فيه وبعدين خفت فهد دا يعملى حاجه مقدرتش ادخل الشركه
وقاعده هنا من تلت ايام؟
لا طبعا، ردت بتول بثقه، كنت بروح اكل واصلى واقعد فى كافيه لحد الصبح
طيب يلا هاتى شنطتك وتعالى معايا
قلتلك ملكش دعوه بيا يا تيمور انا حره
فتح تيمور عنيه بغضب، قلتلك تعالى معايا
فردت بتول مش جايه يا تيمور
بقا كده، امسكها تيمور من ذراعها وجذبها بقوه وباليد الاخرى جر حقيبتها
وبتول تهمس سبنى ملكش دعوه بيا
دفعها تيمور داخل السياره وهو يصرخ اترزعى هنا متتحركيش
هصرخ واقول انك خاطفنى يا تميور
قلتلك اسكتى صرخ تيمور بغضب وقاد سيارته نحو شركته
ثم وضع الحقيبه فى صندوق السياره
يلا اخرجى من العربيه
بس انت قلت اترزعى فى مكانك ومتخرجيش؟
صبرنى يارب
معلهش انسه بتول اسف، اتفضلى اخرجى من فضلك
نزلت بتول من العربيه ووقفت امام الشركه الكبيره
تعالى معايا وصعدا معا سلم الشركه نحو مكتب تيمور
انسه بتول اقعدى مع السكرتاريه لحد ما اخلص شوية شغل وارجع
همست بتول ايوه كده ونعمة ربى لو كنت عاملتنى معامله سيئه مكنتش هسكت
كنتى هتعملى ايه يعنى؟
بتول___ كنت هعضك
جلست بتول فى مكتب السكرتاريه وبعد مده شعرت بالضيق
تسللت وذهبت إلى مكتب تيمور
ودخلت بلا استئذان وقعدت على الكرسى
وكان هناك أحد مديرى الافرع يعرض على تيمور صفقه
رمقها تيمور بطرف عينه وكمل كلام مع المدير
خلى المترجم يترجم العقد وبعد كده نشوف هنعمل ايه
حاضر يا فندم
ونه مدير الفرع من على مقعده
بتول شدت الورقه من مدير الفرع وهو ماشى ورينى كده؟
ثم نظرت إلى العقد وبعد ثلاثة دقائق
ترجمة ألعقد بصوره كامله دون خطاء واحد
همس تيمور انتى '؟ انتى بتعرفى انجلش كويس للدرجه دى
ملكش دعوه صدمته بتول امام مدير الفرع
اردفت بتول والعقد دا واضح ان فيه تلاعب بالالفاظ وانصحك ترفض الصفقه لان فيها فخ
#الخادمه_التى
٨
لما خرج مدير الفرع من مكتب تيمور إلى كان بيبص لبتول بأبتسامه ساخرة
بتول قالت انت لازم ترفد مدير الفرع ده
تيمور ليه أن شاء الله؟
لأنه مشترك فى الصفقه دى وجزء من الفخ يعنى تكونش فاكر انه احضر العقد دون تجرمتة؟
هو عارف انك مشغول ولما يجبلك العقد من غير ترجمه انت هتطلب منه يترجم العقد وتنسى كل حاجه بمرور الوقت وتنسرق
همس تيمور، وفرى نصايحك لنفسك يا شاطره
بعدين انتى مين سمحلك تدخلى مكتبى من غير استأذان؟
مفكرتيش ممكن يكون شكل ايه قدام الموظفين
صوبت بتول صباعها تجاه تيمور وانت لما خطفتنى مفكرتش شكلى هيكون ايه قدام الناس؟
انا اديتك نصيحه لوجه الله وانت حر تقبلها، ترفضها
انتى فاكره علشان عرفتيلك كلمتين انجلش تبقى تفهمى فى كل حاجه؟
الاداره موضوع كبيير ومحتاجه خبرات ودراسه وتجارب
قالت بتول ماشى، ممكن اعرف حضرتك جبتنى هنا ليه؟
انا مرضتش اعمل فضيحه وسط الشارع لكنى هحاسبك هنا
انتى؟ تحاسبينى؟ قالها تيمور بسخريه
تيمور؟ متعصبنيش من فضلك، انت عايز منى ايه؟
تيمور بيه يا بت
او تيمور باشا
ضحكت بتول، دا كان زمان يا استاذ من دلوقتى انت اسمك تيمور وبس
انا مبقتش شغاله فى القصر ولا تحت وصايتك
ممكن اعرف انتى عايزه ايه بالضبط؟
زيادة مرتب؟
وظيفه جديده؟
طلباتك ايه يا بتول هانم؟
قالت بتول، انا مش هشتغل معاك ولا ارجع معاك انا عايزه أحقق ذاتى بعيد عن اى مساعده
صرخ تيمور بتول؟ ورفع حاجبه وهو يضرب الطاوله بيده
اخلصى!
عايزاك تعاملنى باحترام
ها وايه تانى؟
وظيفه داخل الشركه
يا سلام وايه كمان يا هانم؟
مرتب مجزى واتعامل زى اى موظفه هنا ويكون لى سكنى الخاص
انا موافق على كل حاجه الا موضوع السكن الخاص ده
انتى مش هتعرفى تعيشى لوحدك
ملكش دعوه !! حددت بتول نبرتها بدقه متناهيه
هترجعى القصر يا بتول ورجلك فوق رقبتك وشوفى مين هيمنعنى
انا همنعك يا تيمور ايام تعتقد انى ضعيفه، انا قويه يا تيمور
قويه جدا
صرخ تيمور اسكتى ولا كلمه يلا انجرى قدامى على العربيه
حاضر، انت بتزعق كده ليه اصلا؟
فى العربيه قعدت بتول جنب تيمور فى المقعد الإمامى
وهمست تيمور انا عايزه اتعلم السواقة !!
مش شايفه ان طلباتك بقت كتيره اوى يا بتول؟
مش معنى انى تنازلت ونزلت ادور عليكى لوجه الله انى بنك أحلامك وكل إلى بتتمنيه يتنفذ
هتعلم السواقة يا تيمور وهشترى عربيه اروح بيها الشغل عندك بعد ما ابقى رئيسة قسم أو نائب الشركه وبكره هتشوف بعينك
انا لسه موافقتش انك تشتغلى فى الشركه على فكره يا بتول هانم
على الاقل هتلاقى شخص يساعدك همست بتول بثقه
لما وصلو القصر جر تيمور حقيبة بتول والقاها داخل الرواق بعنف
روحى غيرى هدومك وحدى دش تلاقيكى معفنه بقالك تلت ايام
مين دى إلى معفنه يا استاذ؟ قلتلك ميت مره احترم نفسك
عرض فهد لسه متاح إلى الآن
اياكى ؟؟ صرخ تيمور وهو يمسك بتول من شحمة اذنها
انك تجيبى سيرة فهد مره تانيه
والا ورحمة ابويا هضربك
سيب ودنى صرخت بتول وهى تبعد يده، انت متوحش بجد
ثم ركضت تجاه غرفتها
وفى المساء عندما اعدت عنايات الطاوله وجدت بتول تجلس على الطاوله مع تيمور
وتيمور منشغل بهاتفه، اشتعلت نار الحقد فى صدرها
#الخادمه_التى
٩
كيف تجروء بتول وتجلس مع تيمور باشا على الطاوله؟
هى البنت دى نسيت نفسها ولا آيه
وازاى الباشا سايبها تقعد كده من غير ما يزعق ويشخط فيها؟
فكرت عنايات ان تيمور بيه مش واخد باله ومشغول فى التليفون فهمست، الأكل جاهز يا تيمور بيه
رفع تيمور عنيه، شكرآ عنايات
بعدها نظر إلى بتول، انتى بتعملى ايه هنا؟
بتول _بستعد للأكل زيك
همس تيمور، لا انتى اتجننتى خالص ثم لاحظ ان عنايات وافقه مبتسمه فشكر عنايات وطلب منها تمشى
قال بتول هتخدمنى امشى انتى يا عنايات
وبعد ما عنايات ما مشيت
صرخ تيمور انتى بتعملى ايه؟ نسيتى نفسك ولا ايه؟
منستش حاجه يا تيمور، وعارفه انا ايه كويس
لكن انا مش الخادمه بتاعتك دلقوتى ومش هكون خادمه
انا اديتك شروطى وظيفه وسكن وانت وافقت عليها
والى بعمله دلوقتى جزء من الاتفاق اى انسان فى سكن محتاج يأكل ويشرب
لكن طالما دا مضايقك وانت مش مستنضف تاكل معايا
هاكل لوحدى وحملت طبقها واختفت داخل غرفتها
وكان تيمور يهمس بين الفضول والغضب، تديله صباعك
ياكل ايدك، بقا انا اقعد اكل مع الخدامه بتاعتى
ولو حتى كانت موظفه عندى هتاكل معايا على نفس الترابيزه؟
لكن مجرد وجودها على الطاوله بعد سنين من الاكل بمفرده حمل اليه ذكريات الماضى.
والده ووالدته العائله التى حرم منها، الا تعتبر بتول واحده من العائله ليه هو غضبان كده اووى
ثم اقنع نفسه عندما تحضر بتول للأكل مره اخرى سوف يتركها تفعل ما يحلو لها
بعدما انهت بتول طعامها خرجت إلى تميور
لو سمحت ممكن اعرف شغلى فى الشركه هيكون ايه علشان استعد؟
تيمور، تستعدى ازاى ان شاء الله؟
انا محتاجه اشترى ملابس واحذيه وكده، ثم حضرتك بتسأل ليه؟
شغلك هيكون فى السكرتاريه يا بتول، فيه هناك اتنين وانتى هتكونى التالته
تقدرى تستعدى براحتك
شكرا وتركت بتول الرواق نحو غرفتها
عايزه تشترى ملابس؟
اكيد محتاجه فلوس
اخرج تيمور بعض النقود وذهب بها إلى غرفة بتول
لكن كرامته منعته ان يطرق بابها
فترك النقود امام باب الغرفه، نقود كتيره اكتر من عشرة الاف جنيه
وشعر ان ضميرة مرتاح فقصد غرفته من فوره وذهب فى النوم
اثناء مرورها لاحظت الخادمه وفاء رزمة نقود امام باب غرفة بتول فأخبرت كبيرة الخدم عنايات
التى حضرت فورا ورأت النقود
فلوس ايه دى؟ وايه إلى جابها هنا؟
يكونش إلى بفكر فيه صحيح؟ تيمور بيستلطف البت دى وعايز يكسبها؟
ثم وضعت رزمة النقود فى جيبها قائله ان رفض الرزق حرام
عندما استيقظ تيمور الصبح ملقيش بتول ولما سأل عليها
عنايات قالت إنها شافتها ماسكه فلوس كتير وخرجت من الصبح
ابتسم تيمور، خطته نجحت بتول قبلت فلوسه ولما تمنعها كرامتها ولا عصبيتها من قبول مساعدته
لحظتها كانت بتول محشوره فى الاتوبيس تبحث عن مقعد
فقد قررت توفير كل قرش لتبداء حياه جديده
انها تحتاج ملابس انيقه لتصبح مثل بقية الموظفين
وتحتاج أغراض أخرى ولازم توفر النقود كلها حتى تقبض المرتب الجديد
وصلت بتول الشركه وقدمت نفسها للسكرتاريه انها الموظفه الجديده وجلست تتعلم الشغل الجديد
كيف يكون وما هى وظيفتها بالضبط وعرفت انها لن تدخل على تميور فى مكتبه ابدا، فعملها يتعلق بترتيب المواعيد الخارجيه وبعض الشؤن الأخرى
وشعرت بتول بالسعاده لأنها هتكون بعيده عن تيمور وضغط
الشغل معاه
لأكثر من اسبوع لم يرى تيمور بتول اللهم الا صدفه عندما يمر على مكتب السكرتاريه
ولاحظ ان ملابسها لم تتغير بل كما هى وان بتول تتناول طعامها فى المكتب وليس مقل بقية الموظفين فى المطعم
بل تحضر ساندوتشات تأكلها بمفردها
ولما دخلت عليه صوفيا السكرتيره
سألها عن بتول!؟
قالت صوفيا بتول بنت شاطره وهيجى منها بسرعه
وكان تيمور عرف انها بتيجى الشركه مواصلات وبترفض تركب معاه العربيه
وحتى الآن لم تجلس معه على السفره بعد أن اهانها بل تأكل الطعام الذى احضرتة من الخارج فى غرفتها بمفردها
ثم تظل طول الليل فى غرفتها ولا تخرج ابدا
ثم اكتشف ان مدير الفرع كما اعتقدت بتول كان مشترك فى خدعه مع شركه منافسه وان العقد الذى قدم له
كان مجرد فخ فقام بطرد مدير الفرع وهو يهمس بتول كان عندها حق
لما حضرت بتول فى الصباح إلى الشركه عرفت ان الشركه بستعد لحدث هام
الاستعدادات والتجهيزات، النظافه والترتيبات كل ذلك أخبرها ان فيه حاجه مهمه هتحصل
ولما وصلت مكتبها وسألت، اخبروها ان فيه وفد من دولة كوريا الجنوبيه وصل علشان يبرم صفقه مع تيمور بيه
صفقه مهمه هتاخد الشركه فى مكان تاني
وكان كل الموظفين بيتكلمو عن الصفقه دى
ووصل الوفد الكورى فى موعده بالثانيه واستقبلة تيمور مع نائب الشركه السكرتيرة صوفيا فى مكتبه
وبعد دقائق خرجت صوفيا منزعجه
فيه ايه سألتها بتول
صرخت صوفيا الزفت المترجم موصلش لحد دلوقتى
المترجم المرافق للوفد الكورى حصلت معاها ظروف
ثم اجرت أكثر من اتصال تطلب مترجم
وكان عليها ان تنتظر أكثر من ساعه وعندما أبلغت تيمور بالأمر تعصب جدا
خرج من المكتب وراح يصرخ فى صوفيا ان ده تقصير من السكرتاريه وكان لابد يعملو حساب كل حاجه وان الصفقه لو باظت مش هيقدر يرجع الوفد الكورى مره تانيه
وكان عصبى جدا لدرجه مخيفه، الصفقه دى بيرتب ليها من اكتر من سنه
تميور شاف بتول
صرخ بتول؟
نعم يا تيمور بيه
لما قولتى انك بتتكلمى كورى كنتى بتهزرى ولا بتتكلمى بجد؟
كنت بتكلم بجد يا تيمور بيه لكن مش اوى طبعا
وكانت بتول مرتعبه وخائفه فقد تعلمت اللغه الكوريه من أجل مشاهدة المسلسلات الكوريه وليس من أجل العمل
تعالى واريا، امرها تيمور بعصببه ودخل المكتب
القت بتول التحيه التى تحفظها من المسلسلات
ثم جلست وبعد دقيقه شعرت انها تستطيع أن تتحدث معهم فعلا وتفهم لغتهم وان الأمر ليس مختلف
مما دفعها ان تنهض وتطلب من تيمور ان يبداء الاجتماع
ترجمت بتول كل حرف قيل داخل الاجتماع واختلف الطرفان على شرط معين، كل واحد مصمم على رأيه
وسط التزمت ده والإصرار واحد من الوفد الكورى وكان صامت من اول الجلسه يستمع بس
وجه كلامه لبتول وسط الدربكه دى كلها سألها كم سؤال وكان بيسمع اجابتها بوجه مبتسم
بعد كده وقف نفس الراجل والباقين وقفو، رفع ايده وقال الصفقه تمت
وتيمور واقف مبلم وجنبه السكرتيره ونائب الشركه
بتول وصلت الوفد لحد باب الشركه ورجعت على مكتبها
وبعد ما قعدت على مكتبها شويه، تيمور طلبها فى مكتبه
وقفت بتول على باب مكتب تيمور وسمعت طراطيف كلام خلت عقلها وجسمها كله يروح لحته تانيه ومكنتش قادره تقف على رجليها، خبطت على الباب وفتحته
حضرتك طلبتنى ياتيمور بيه؟
انبسط تيمور ان بتول التزمت معاه باللغه الرسميه قدام
نائب الشركه إلى قال والله برافو عليكى يا بنتى
الصفقه كانت هتضيع لولا وجودك
هى عملت ايه يعنى اكتر من اى مترجم؟ رد تيمور بسخريه
انحرج نائب الشركه لكنه فضل على رأيه
عملت انها انقذتنا من ورطه ولازم نشكرها بعد اذنك ان هصرفلها شهر مكفأه
مفيش مانع رفع تميور ايده بتناكه
لكن بتول همست متشكرة لزوؤقك يا رأفت بيه لكن انا مش هقبل المكافأة دى انا عملت إلى ممكن اى موظف عادى يعمله
شكرا لحضرتك
تيمور بيه فيه حاجه معينه حضرتك طالبها منى؟
عايز أعرب مدير الشركه وصاحبها كان بيتكلم معاكى فى ايه قبل ما يقبل الصفقه
قالك ايه وقولتيله ايه؟
تنهدت بتول بصوت مسموع وقالت ان شوية تفاصيل فى العقد متشغلش بالك يا تميور بيه
ممكن امشى من فضلك؟
اه اتفضلى
وهمس رأفت فى سره والله بنت مؤدبه ولو عندى ولد جاهز لكنت طلبت ايدها
بتتنيل تقول ايه؟ وصرخ تيمور وكان سمع كلامه
مبقلش حاجه يا تيمور يا ابنى انا هقوم اشوف شغلى.
شعرت بتول بحاجه للبكاء فقصدت الحمام واغلقت الباب على نفسها وبكت حتى جفت دموعها
ثم غسلت وجهها وخرجت نحو مكتبها وهى مصممه ان تقف أمام العالم كله بمفردها..
#الخادمه_التى
10
قعدت بتول قادم شاشة الكمبيوتر بثبات تقفل شغلها المتأخر
الشغل إلى صوفيا امرتها تشتغل عليه
همست صوفيا _انا مكنتش متخيله ان واحده زيك ممكن تتكلم كورى؟
بتول _ليه يعنى!؟
لانك مش متعلمه تعليم جامعى اعتقد انك اخر حاجه وصلتى ليها الشهاده الاعداديه؟ اردفت صوفيا بسخريه
وبعدين شغلك كان بعيد عن السكرتاريه وفى مجال الخدمه ودا ملوش علاقه بشغلنا
- بتول __ وملفتش نظرك انسه صوفيا درجاتى فى الشهاده الاعداديه؟
__صوفيا، بصراحه لا وضحكت جامد، دى شهادة اعدادية يا بتول مش شهادة جامعه علشان اركز فيها
وبعدين ايه الشيئ المميز فى شهادتك
بتول __ملوش لازمه خلاص
صوفيا _لا بجد قولى
بتول __انا كنت واخده ترتيب على المحافظه
صوفيا _بضحكة ساخره ما شاء الله واضح جدا
طيب ليه وقفتى تعليم واشتغلتى خدامه؟
بتول _النصيب بقا
صوفيا __ النصيب ده هو الى جابك هنا، لانك خدامة تيمور اشكرى النصيب يا بتول
وكانت بتول تعرف ان صوفيا تسخر منها وكلما شعرت بالأهانه صممت ان تثبت للجميع أنها تستحق افضل من ذلك
وانها ليست اقل منهم
وشعرت بالحزن لأن الجميع يعرف انها كانت خادمة فى قصر تيمور ولا تعرف من الذى نشر أخبارها داخل الشركه
حتى ان الجميع ينظر إليها الان نظره مختلفه، تحولت نظرة الاحترام إلى نظرة سخريه فى عيون الموظفين
حتى النادل إلى بيجيب الشاى ليها بقا بيبص ليها بسخريه
نهضت صوفيا وقربت من كمبيوتر بتول ثم انحنت خلف ضهرها ماسكه جيبتها حتى لا يظهر بدنها تحت القميص الأبيض وهمست ايه خصلتى ولا محتاجه مساعده؟
خلصت همست بتول بضيق انا خلصت كل المهمات
ضرب تيمور جرسه داخل المكتب
وعندما يضرب تيمور جرسه تذهب له واحده من السكرتاريه حسب الترتيب
صوفيا ثم هدى
بينما بتول كما وضحت صوفيا لا تذهب للمكتب مطلقآ
منح تيمور الأوامر لصوفيا إلى خرجت بسرعه ناحيت مكتب الحسابات
وبعدها بدقيقه ضرب الجرس
هدى مكنتش موجوده، وصوفيا راحت مكتب الحسابات
بصت بتول حواليها وبعد كده مكنتش عارفه تعمل ايه
والجرس فضل يضرب وقررت تفضل فى مكانها لحد ما تيمور خرج من مكتبه ناحيت مكتب السكرتاريه
وصرخ ايه طرشتى؟ مش سامعه الجرس؟
بتول __ انا ممنوعه ادخل المكتب حضرتك، انسه صوفيا محرجه عليه ادخل مكتبك
ومن امتى بتحترمى الأوامر يابتول!؟ لو كنتى بتحترمى الأوامر كان زمانك لسه فى القصر
صمتت بتول مفتحتش بقها وهى تسمع الإهانات تتكرر
قال تيمور على العموم افضل انها ما سمحتش ليكى تدخلى مكتبى
اول ما صوفيا توصل خليها تدخل المكتب عندى
حاضر
وبعدما رحل تيمور كادت بتول تبكي مره تانيه، دا حتى مفكرش يشكرها على إلى عملته وترجمة الاجتماع
يا ريتها رفضت تترجم والصفقه كلها تبوظ
وزاد من حنقها وغيظها ان تيمور صرف لكل الموظفين فى الشركه شهر
ما عدا بتول لأنها رفضت داخل مكتبه تاخد الشهر علاوة
وكان فى البدايه يحترمها الموظفين لأنها من طرف تيمور
لكن بعد أن وصلت الإشاعات الخاصه بعملها كخادمه فى قصر تيمور وانه عطف عليها واحضرها هنا لأنها فقيره
بأفكار احتقاريه خبيثه وبدأت تسمع الهمسات فى كل مكان تذهب اليه
الكل يتحدث خلفها ويأتى بسيرتها حتى شعرت بتول انها مش هتقدر تكمل اليوم فى الشركه
فأخذت اذن وتركت الشركه ورحلت
فى الشارع بكت بتول كتير جدا لحد ما نقلبها تبلل بالدموع
ولأول مره تشعر انها وحيده فعلا
وانها تحتاج حضن والدتها، الجميع يناصبها العداء وهى لم تفعل اى شيء سيء
مسحت بتول دموعها واكلت فى مطعم فى الشارع ثم ذهبت إلى مدرستها القديمه وسحبت أوراقها من المدرسه وفى اليوم التالى طلبت أجازه من شؤن العاملين وحصلت عليها
ومع شروق الشمس كانت لابسه وجاهزه وخارجه من القصر
تيمور شافها، رايحه فين؟
رايحه مشوار بعد اذنك
وبالنسبه للشركه؟ انتى فاكره نفسك شغاله فى القصر؟
كل ما تتعبى تروحى غرفتك؟
همست بتول انا اخذت أجازه رسميه من الشركه يا تيمور بيه
أجازه؟
معقول؟
همس تيمور بقلق وكاد يسألها مالك فيه حاجه؟
لكن بتول استأذنت ومشت ببطيء تجاه الشارع
اخدت تاكسى وغابت عن عينه
#الخادمه_التى
١٠
قدمت بتول أوراقها فى المدرسه الثانويه ورغم كبر سنها الا مدير المدرسه سمح بذلك لأنه رأى فيه
شخص يحاول ان يحقق حلمه وكان قد حرم من حلمه زمان عندما اجبره والده على الزواج من بنت عمه
وقال ان مكتبه مفتوح لها فى وقت وانه سيزلل العقبات لها
تركت بتول المدرسه بلمحة فرح ثم قررت أن تبتاع فستان قبل أن ترجع الى القصر، ثم قضت بقية يومها داخل غرفتها
وكان الوفد الكورى زار الشركه وأتم الصفقه وسأل مديرها عن بتول تلك الفتاه الصغيره التى تتحدث الكوريه بلكنه محببه
اعتذر تيمور ان بتول غير موجوده وانه احضر مترجم رسمى من أجل الصفقه وشعر تيمور بالغضب والغيره
فهو لا يعرف كيف أثرت بتول فى الوفد بتلك السرعه
وكيف يقول كبير الوفد ان بتول كانت سبب فى إتمام الصفقه؟
وعندما نظر الى مكتب السكرتاريه ورأى مقعد بتول شاغر
شعر بالفراغ
فقد كان يستمتع بمراقبتها من خلف الزجاج دون أن تشعر ويستمتع بمضايقتها
ولا يعرف اين هى الان؟ يا ترى ماذا تفعل الان وكيف تقضى وقتها
ولام نفسه انه لا يعرف تفاصيل كتير عنها وانه كان يعتبرها مجرد خادمه فأخرج هاتفه وأجرى اتصال صغير
عرف منه ان بتول عادت إلى القصر تحمل حقيبه بلاستيكيه فيها فستان ومعها أوراق وكتب كثيره
___
غادر تيمور مكتبه باكرا وأمر صوفيا وهدى ان تأجل الاجتماعات ثم قاد سيارته تجاه القصر
لما دخل بعربيته القصر شاف مشهد غير مألوف، بتول تركض فى الحديقه لابسه ترينج رياضى بوجه مخفى تسابق نفسها
وقف تيمور عربيته وخرج منها وقعد يتفرج عليها لحظه
وهو يهمس البت دى اتجننت ولا ايه
ثم دلف إلى الرواق يدخن سيجاره وظل جالس حتى انتهت بتول ودخلت متعرقه الى الرواق
وكانت عنايات تشتكى إلى تميور كثرة الشغل وان الخادمات غير قادرات على القيام بكل العمل
رحيل بتول شكل ازمه وفراغ وان عليه ان يعين خادمه جديده او يطلب من بتول ان تساعد فى شغل القصر
مرت بتول بلا اهتمام لكن تيمور اوقفها
... استنى عندك
وقفت بتول خير يا تيمور بيه؟
كنتى بتعملى ايه؟
زى ما حضرتك كنت شايف كنت بجرى
بتجرى ليه؟
بمارس رياضه فيه مشكله؟
لا مفيش همس تيمور لكن أصلها غريبه يعنى
لا مش غريبه ولا حاجه ان هركض والعب بوكسينج واعمل كل الحجات إلى بحبها
تلعبى بوكسينج؟
اه ردت بتول بثقه
بقا انتى تعلبى بوكسينج بجسمك ده؟
شدت بتول قامتها، ايوه هلعب ممكن بعد اذنك امشى دلوقتى
بتردد همس تيمور
ممكن اعرف كنتى بتعملى ايه بره؟ وليه خدتى يوم أجازه؟
صمتت بتول ثم باحراج قالت، دى حجات خاصه افضل ما اتكلمش عنها
ثم غادرت المكان وقصدت غرفتها
فكر تيمور بسخريه، بقا دى تلعب بوكسينج؟ هى فيه جسم تلعب بوكسينج دى رفيعه اووى، ثم راح يتخيل مظهرها وهى تلكم كيس الملاكمه ووجد داخله فضول ان يتفرج عليها وهى تضرب اى شيء
حتى لو كان كيس ملاكمه ثم نظر إلى جسده وهيئته وكيف انه لا يهتم بنفسه ولا يركض فى الحديقه ولا يمارس رياضه
وانتظر بتول ان تخرج لكنها ظلت فى غرفتها تذاكر فى الكتب
فذهب إلى غرفته وهناك وقف امام المرأه يعاين جسده
وأدرك انه يحتاج ان يمارس الرياضه لكن دون أن تعرف بتول او اى شخص آخر
ثم هاتفته نرجس تسأله عن المسأله التى كانت تشغله وكان جوارها صوت شاب
يعرف تيمور ان مغامرات نرجس لا تنتهى لكنه كان يعرف الصوت إلى جنبها
شكرها تيمور، كل حاجه بقت تمام متشغليش بالك ركزى فى إلى فى ايدك
دا فهد صح؟
لازت نرجس بالصمت ثم أطلقت ضحكه كبيره واغلقت الخط
_____
فى الشغل تعمدت بتول انها متكلمش مع أى شخص
تقعد قدام الجهاز بتاعها وتخلص شغلها
وقت البريك تاخده مع نفسها وتاكل لوحدها
مبتعده عن تيمور وموظفى الشركه إلى أبعد حد وكان شغلها نضيف بلا أخطاء رغم تعليمها الذى لم تكمله
بتول؟
نعم انسه صوفيا.....
تيمور بيه عايزك فى المكتب
لما سمعت بتول اسم تيمور مزاجها اتعكر، هو عايز ايه دلوقتى
هى صوفيا وهدى مش كفايه عليه
اقعدى... امرها تيمور بلا اهتمام
قعدت بتول بصمت
احنا كملنا الصفقه الحمد لله ومضينا العقود
الف مبروك همست بتول من غير نفس
على فكره كبير الوفد سأل عنك هو ليه بيسأل عنك
اشمعنا انتى بالذات؟
-----تنهدت بتول بضيق، لأنه رجل محترم
ازاى يعنى سأل تيمور بقلق
_____ لما عرف انى كنت خدامه بمسح واكنس فى بيوت الناس وتعلمى اللغات بنفسى من غير مساعدت حد
ثم الشغل هنا وكفاحى قدر ده وقالى حاجه خلتنى ضحكت
قالك ايه؟ سألها تيمور بشك
___قال ان سبب اتمامه للصفقه ان بيبص للمستقبل
وانه شايفنى فى المكان ده بعد كام سنه ودا يخليه يطمح فى شراكات كتير قادمه لما ابقى مديرة الشركه وخلانى اوعده انى لما ابقى مديرة الشركه هواصل التعامل مع شركته ولا ابرم عقود مع شركات أخرى
همس تميور بسخريه، بقا كبير الوفد الكورى قال كده؟
بتول بثبات ايوه
تيمور _-_ تعرفى انك مؤلفت قصص جامده؟
بطلى كدب بقا!؟
انتى كذابه جدا امشى اخرجى من مكتبى ومش عايز اشوف وشك مره تانيه
#الخادمه_التى
١١
خرجت بتول من المكتب تكتم دموعها، لقد أقسمت مائة مره ان لا تتحدث إلى تيمور وها هى تنال العقاب، ان التحدث إلى بعض البشر أكبر خطاء يمكنك أن تركبه فى حياتك
تعرف بتول انها فتاه عاديه وليست مثل بعض الفتيات الذين يعتقدون انهم مختلفين
رغم ذلك تعرف ان من حقها ان تتلقى معامله حسنه تشعرها ان العالم لازال بخير
يتيمه ووحيده ليس لها أصدقاء ايه تقدر تعمله اكتر من كده علشان تتلاشى ظلم الناس؟
فى الحمام غسلت وجهها ثم عادت الى مكتبها، لن تطلب شفقة اى انسان
ولن تحلم بشخص يطبطب عليها ويمنحها الأمان والحب، امام جهازها تثمرت مثل قطعة خشب ومضى الوقت حتى رحل كل الموظفين ورحل تيمور نفسة
كانت بأول اخر موظف يخرج من الشركه، ليست مره واحده بل كل يوم، كانت تظل بعد رحيل الموظفين تدرس وتدرس حتى تتعب ثم ترحل تجاه القصر ثم إلى غرفتها، اختارت ان تعيش حياه هزليه من غرفة النوم إلى العمل والعكس كل يوم
وتيمور يراقبها بفضول وحماس متوقع ان تلين ان ترضخ ان تخضع يكيفه كلمه واحده منها ليتغير معها لكن بتول اثبتت انها صلبه مثل الحجر
وفى يوم تأخر فيه تيمور فى المكتب وعندما خرج لمح بتول فى مكتبها، سأل حارس الأمن عنها
فأخبره انها تتأخر بأستمرار ان الانسه بتول اخر موظفه تغادر الشركه كل يوم على مدار أكثر من شهر......
لا يعرف احد ماذا تفعل بتول داخل مكتبها وسرت اشاعه انها ضعيفه فى العمل وتحتاج وقت طويل لتنهى مهماتها
او انها تلتقى عشيق سرى بعيد عن عيون الناس خوفا من صقر بيه
ان الناس سوف تخترع لك عيب، ماذا تنتظر من مجتمع يقول عندما يصف شخص انه محترم جدا ومؤدب لكن عيبه انه طيب
فعليك ان تعرف اذا لم يكن لك عيب وهذا مستحيل فأنت تعرف وانا اعرف اننا نمتلك عيوب، سيخلقون لك عيوب
وكانت بتول ممتنه لأنها مجرد همسات فهم بذلك يرفعون عنها الحرج فى الرد عليهم
بتول مكنتش عايزه مشاكل خالص او وجع دماغك
وكانت تلك الهمسات تصل إلى اذن بتول وكان عذائها ان الجميع جبناء واوغاد يتحدثون خلف ظهرها
ظلت بتول صامته كما عاهدت نفسها نجحت فى الترم الاول فى المدرسه ولم يجد احد خطاء واحد فى شعبها واصبحت تتحدث الانجليزيه بلكنه امريكيه مثل أهل بلادها فقد كانت تشاهد افلام غير مترجمه تقوم ترجمتها بنفسها
ومضى أكثر من شهرين حتى أوقف بتول شاب يعمل فى قسم الحسابات بدرجة سوبر فايزر
انسه بتول عايز اتكلم معاكى لو سمحتى
وبتول حاده مثل السكين فهمست مش بتكلم مع حد
ربت الشاب على لحيته، لأنه بتول منتقبه وهو ملتحى وهذا يمنحهم كيميا ويسهل مأموريتة، فهو يلمح لها انه من نوعيتها المفضله
نعم سمعت مره شيخ سلفى يحذر الفتيات السلفيات من الزواج من العامه امثالى يعنى ويقول لهم ستخسرى دنيتك واخرتك اذا تزوجتى من شخص من العامه
ولم اسمعه يقول تزوجيه وادخلي به الجنه إطلاقآ
وهذا ليس بأمر حصرى،فهناك أيضآ المنحلين والمنفتحين الذين لا يقبلون بأحد من خارج محيطهم
المهم ان الشاب ربت على لحيته
وبتول أصرت، انا مش بتكلم مع حد ابعد عن طريقى من فضلك
ولازم اوضح ان بتول مكنتش تقصد ان تجرحة او تهينه
بتول فعلا مكنش عندها رغبه تتكلم مع أى مخلوق بشرى
يعنى الأمر غير منوط بالشاب دا إطلاقآ
واحست بتول بده فوضحت، من فضلك ان لا اقصدك تحديدا
لكن انا مش بتكلم مع حد
ثم ابتعدت بعيد عن الشاب وتركته مثل مخدة ملقيه على الأرض صفع بها زوج وجه زوجته الحسناء
ابتعدت وهى تدعو الله ان لا يقول الشاب كلمات تضطرها ان تنزل لمستواه وترفع صوتها
وتمنت ان يغلق ذلك الوغد فمه اللعين
فمهما كان هذه شركه وسمع وشوشره واعود واكرر ان بتول فقيره جدا وطيبه جدا ومش عايزه مشاكل خالص
قال الشاب اخر كلماته.. هى فاكره نفسها ايه بنت معفنه
سمعت بتول الكلمه فهى ليست صماء
وانا وانت نعرف انها تسمع جيدا فما كان منها الا ان تنهدت بغضب
وارادت ان تعود إليه وتعرفه من تكون تلك المعفنة
والدته؟ ام اخته
لكنها اختارت ان تكون سلبيه، فقصدت مكتبها وجلست مثل قطعة خشب بلا حركه
ولأن يومها لا يمكن أن يمر دون مفاجأت فقد مر تيمور بيه من أمامها
يرتدى بذه ايطاليه وساعة رويلكس وحذاء، من زارة
وعطره يفوح فى كل المكان
وتيمور بيه لا يعرف ما تمر به بتول ولا ماتشعر به ولا حجم الآهانه التى تعيش فيها
انه من نوعين الأشخاص الاوغاد الذين لا يعنيهم كيف نعيش
المهم ان تكون مبتسم حتى لو كان قلبك يتقطع
بتول؟
نعم تيمور بيه؟ حضرتك بتدور على انسه صوفيا لو مدام هدى؟
غير مهتم قال تيمور انتى بتتأخرى ليه جامد فى الشركه
نهضت بتول، تيمور بيه لو انت مش خايف على مظهرك
الاجتماعى قدام الموظفين، نظرتهم ليك لما تقف مع الخدامه إلى بتمسحلك القصر؟
لو انت مش خايف لازم انا اخاف على صورتك ومكانتك
حاول تيمور ان يلمح السخريه فى بنبرة بتول لكن دون فائده وهذا ما ازعجه
تيمور عرف ان بتول غاضبه جدا فأخد بعضه من سكات بعد ما امرها ان تبعتله صوفيا على المكتب
لا ارى اى مانع ان لا يحب شخص ان يتحدث إلى الناس ولا حتى رؤيتهم
ان يفضل وحدته على الصخب
ويبجل فنجان قهوه أكثر من صديق
او ان يحترم كتاب ويحبه ويحتضنه أثناء نومه
عندما تأخر الوقت فكرت بتول، هل ترضخ للاشعات وتترك العمل بدرى؟
ام تستمر فى عملها وتركيزها غير عابئه بنظرة العالم والمجتمع
#الخادمه_التى
١٢
تحققت بتول من ساعتها وهمست، ياه معقول الساعه خمسة العصر؟ كان المغرب على وشك الأذان، نهار الشتا قصير مثل الكذب
شنطة بتول مرميه على الكرسى جنبها، مركونة زى حياتها التى لم تبداء بعد
لمست بتول جلد الحقيبة البارد، يلا بينا كفاية كدة، وضعت قلمها داخل الحقيبة ثم نهضت
وقصدت باب المكتب، نزلت درج السلم كان هناك بعض الموظفين لا زالو داخل مقر الشركه مما اشعرها بالأحباط
تحب بتول ان تمشى فى الشارع شوية تتأمل وجوه الناس الى عايشين حياتهم بطريقه عاديه، العائله التى حرمت منها
تبتعد بتول عن اماكن تكدس الناس لكن ذلك مستحيل فى القاهره بعدها وقفت تنتظر الباص
ومثل العمل الردى لمحت شاب الشركه يمشى تجاهها، تنهدت بتول بضيق، هى ناقصاك انت كمان ليه بتصعبها عليه؟
فيه ناس مش بتسيبك فى حالك ابدا حتى لو بعدت عنها
ناس لزجة لا يمكنها العيش دون أن تقرف خلق الله
تصمت انت مدان، تتحدث فأنت مدان لانك بتتكلم بحجات هم مش عايزينها، قررت بتول ان تصمت، هترمى نفسها فى الاتوبيس وتخلص من الورطة دى
وقف الشاب قريب منها ومن عنيه كان بيبص عليها من تحت لتحت
تحركت فتاه كانت بتفصل بينهم فأصبح الشاب يقف جنب بتول على طول
كان بمقدور بتول ان تركب تاكسي لكن بتول مش جبانه ولا تحب الهرب الا فى حالات نادره
ازيك انسه بتول. ؟
سمعت بتول الصوت وكما ذكرت من قبل بتول مش طرشه
صمتت بتول لم ترد
تحدث الشاب ببطيء وهمس انا اسف !؟ ++! انا غلطت فى حقك وارجو انك تقبلى اعتذارى
رفعت بتول ايدها محصلش حاجه حضرتك لكن ممكن تسيبنى فى حالى؟
همس الشاب، طيب ممكن تدينى فرصه من فضلك؟
لا،.. ردت بتول بثبات، للأسف انا مش محتاجه ولا بفكر ولا عايزه أدى اى شاب فرصه
انا مرتاحه كده وذى ما قولت لحضرتك الأمر لا يتعلق بك خالص ولو سمحت بطل تكلمنى فى الشارع قدام الناس !!
بضيق قال الشاب هيحصل ايه يعنى؟
انتى ليه كده؟
استغفر الله العظيم تنهدت بتول، يا اخ افهم انا انسانه عاجبه نفسى بعقدى وكلاكيعى ومش عايزه حد يكلمنى او اتكلم مع حد، احترم خصوصيتى من فضلك
.... انت فاكره نفسك إيه؟ ارتفع صوت الشاب
انا عارف كل حاجه عنك، الموضوع مش سر يعنى، انتى كنتى مجرد خدامه ليه بتتصرفى بتعالى وتكبر كده؟
ليه عايزه تعيشى بقية حياتك تخدمى فى بيوت الناس
انا بقدملك فرصه !!
طيب كويس جدا أن حضرتك عارف الحكايه، انا خدامه وراضيه بحالى خلاص بقا
راضيه بحالك؟ عاجبك تخدمى تيمور عن انك تكونى انسانه ليكى مكانه وكيان
مش شغلك حضرتك، توقف عن مضايقتى متجبرنيش اطلع اسواء ما فى ؟
براحتك انسه بتول، لو كنتى فاكره انى هفضل أجرى وراكى تبقى غلطانه انا الف مين يتمنانى
وانا اتمنالك الخير مع غيرى وكان الباص وصل، استعدت بتول تركب الباص
صرخ الشاب، استنى عندك !!
تراجعت بتول مره تانيه، عايزه ايه؟ كملتك باحترام اكتر من مره، لو مبعدتش عن طريقى همسح بكرامتك الأرض
ميغركش لبسى ومظهرى انا اعرف ادافع عن حقى كويس
همس الشاب بسخريه، مش غريبه عليكى، هنتظر ايه من واحده خدامه يعنى
رفعت بتول ايدها وبكل عزمها ضربت الشاب على وشه وركلته فى معدته واخيرا ضربته بالشنطه فى دماغه
ثم لحقت بالباص قبل ما يطلع
وقفت بتول جوه الباص مذهوله مش عارفه هى عملت كده ازاى؟
وكان بعض الناس بييصو عليها، الناس إلى شافو الخناقة
اقعدى يا بنتى جدعه والله، الشباب مبقاش عندها حياء
خاطبتها امرأه مسنه من عمر والدتها
قعدت بتول فى المقعد متيبسه من غير كلام حتى وصلت القصر.
اخدت بتول اليوم التالى أجازه، محبتش انها تروح الشركه وتشوف الشاب ده او غيره او حتى تسمع كلام من تيمور
مودها كانت متغير وممكن تنفجر فى اى شخص
قضت يومها فى الغرفه تذاكر وتراجع دروسها وتشتغل على المهمات إلى حددتها لنفسها
وكانت شغاله على موضوع حساس من فتره طويله منتجات شركة تيمور
دراسه تفصيليه للمنتجات، المميزات والعيوب وكيف يمكن معالجتها
كان بقالها فتره بتابع تعليقات المشتريين وبتشوف ردود أفعالهم على المنتج وقدرت تحدد مجموعه من العيوب لازم الشركه تحسنها منتظره الوقت المناسب تقول لتيمور عليها
وقامت بدراسه عميقه خلال شبكة الإنترنت، دراسه اكاديميه لأيجاد حلول
قبل العصر رن تليفون بتول برقم تيمور
... تيمور ؟؟ غريبه جدا هو بيتصل ليه وعايز ايه؟
فتحت بتول الهاتف، خير تيمور بيه اقدر اخدمك ازاى
انا اخدت أجازه رسميه
عارف، عارف، قاطعها تيمور قبل ما تكمل كلامها
انتى كويسه!؟ سألها تيمور بنبره هاديه
الحمد لله بخير تيمور بيه
انتى مريضه؟ فيه حد ضايقك فى الشركه؟
تحب بتول ذلك الشعور، الاحساس ان فيه شخص مهتم بيك
شخص بيوفرلك الحمايه
انسانه تقدر تلجاء اليه وقت أزماتك، لكنها عارفه ان المشاعر دى بتجر عليها نكبات كتير بعد كده وان تيمور سريع التحول
انا مش مريضه كنت عايزه يوم أجازه مش اكتر
متأكده انك كويسه؟
ترددت بتول، لطالما حلمت من زمان ان يكون هناك شخص تقدر تحكيله عن الحجات إلى بتحصل معاها
شخص ممكن يسمعها ويضحك معاها او يضحك على الى عملته
كانت تفتقد تلك المشاعر ضريبة العزله
متأكده تيمور بيه
دخلت صوفيا، سمعت بتول صوتها وهى بتقدم الملفات لتيمور علشان يوقعها
صوتها الناعم مثل النغمه الموسيقيه انتظرت ان يغلق تيمور الهاتف فى وشها
لحظه واحده يا انسه صوفيا بكلم بتول
.... بكلم بتول؟ للحظه مصدقتش بتول بتسمع ايه
دا مقلش الخدامه
مقلش بكلم اى حد
متحرجش يقول انه بيكلمنى
هو انا بحلم؟
بتول؟ رن صوت تيمور فى السماعه انا مضطر اقفل
لو احتجتى حاجه كلمينى
ياه تنهدت بتول وهو مذهوله بعد ما المكالمه انتهت، انا فى حلم ولا علم؟
.. مرت لحظة شك فكرت فيها بتول ان تيمور بيعمل كده قدام صوفيا علشان يبين انه انسان كويس
لكن بعد مرور دقيقه ابتسمت، دى مش طريقة تيمور
هو فيه عيوب كتيره، لكنه مش مضطر يعمل كده خاصه انه اكتر من مره هزقها وأنبها قدام صوفيا وغيرها
#الخادمه_التى
١٣
الحب مثل هرشة فى مؤخرة الظهر لا يمكنك الوصول إليها بيدك، لكنها تدغدك وترغب بحكها
شعور مأساوى انك تحاول الوصال إليها بلا فائدة، لكنها تطل هكذا مثل الحب عندما يبداء.....
لدى صديقتنا بتول يوم مميز، استيقظت مع صياح الديكه
طبعا لم تكن مسرورة بذلك، كانت ترغب بالنوم أكثر مثل اى فتاة
ثم بدأت حرب حقيقيه مع شعرها الذى بدا مثل الليفه او سلك الألمنيوم، لكن فى النهايه ابدى شعرها الناعم استسلامة امام الفرشاة التى كانت بتول تحركها بنعومه
واعتقد انك الان تهمس بفضول كيف يكون شكل تلك المدعومة بتول
انها فعلا صديقتى وادعمها لكنى لا أعرف كيف تبدو ولا يصبح اى شخصين صديقين ما لم يعرفا بعضهم البعض جيدا
إليك الآتى..
بتول كانت فتاه عاديه مثل اى فتاه، لم يكن بها اى شيء مميز
لكنها كانت مميزة، هناك شعرها الناعم الذى ورثته عن والدتها
المائل إلى البنى فى بعض خصلاتة، لم يكن طويل جدا
لكنه كان طويل للدرجه التى تسمح له الوصول إلى خصرها
وكان وجهها مدور ليس مثل القمر بالطبع لكن مثل قرص مشبك وحتى اكون منطقى أكثر من الازم كان وجهها يتوهج باللون الوردى، اجل، انها بقعه فى جسدك فى منطقة ما مختفيه تحت الملابس ولا تصلها الشمس ابدا وكانت عيونها واسعه، واسعه جدا تسطيع ان تقول ان عيونها العسليه كانت تأكل وجهها وحتى لا تصاب بالدهشه فعليك ان تعرف اننا نحن معشر الرجال نصف النساء مثل الأطعمة، نقول مثل العسل او مثل القشطه مثل الرومان مثل التين او البرتقال
شفاهها دقيقه خليط بين الموف والأحمر القانى
وهناك رقبتها واذنها وذقنها الذى تزينة قبلة ملائكه تمتلك أسنان لامعه ولديها عدت ابتسامات مذهله لا يعرفها غيرى بالطبع، فقد كان لبتول عدت ابتسامات تتغير مع تغير مزاجيتها.
ولأنها صديقى أيضآ، سأحتفط ببعض الأسرار لنفسى فأنا أكره كونى واشى واكره أكثر الذين يتحدثون فى ظهري عندما اترك خيالى يسرح ويتهمونى انه فصل بلا إحداث
ارتدت بتول ترينج رياضى وحذاء ابيض وخرجت للركض فى الحديقه وبعد أن انقطعت انفاسها رجعت
اخدت حمام طويل وارتدت ملابسها وخرجت نحو العمل مع شروق الشمس
داخل الشركه جلست بتول فى مكتبها غير عابئه بأى شيء سوى عملها حتى وصلت صوفيا التى لم تكن أجمل من بتول
لكن لا أحد يعرف ذلك
فقد كانت صوفيا جميلة الشركه، الفتاه الأكثر اناقه وجاذبيه
المعتده بنفسها، التى تعرف انها اجمل بنت فى الشركه
وصلت متعبه، تلوم المواصلات والاستيقاظ بدرى ومضايقات الرجال
همست صوفيا
.. بتول....... حضرتى الشغل؟
أخرجت بتول الملفات وجدول الأعمال ووضعته امام عيون صوفيا
القت صوفيا نظره على الملفات وقالت جيد
تيمور بيه وصل ولا لسه؟
لسه موصلش يا صوفيا
كويس يعنى اقدر اشرب فنجان قهوه على رواقه
ونادت على عصام النادل الذى يكون فى قمة الفرح كلما تقدم لخدمة صوفيا
بتول تشربى حاجه معايا؟
شكرا انسه صوفيا، انا شربت من بدرى
_____فنجان قهوة يا عصام بسرعه لو سمحت
اكره الذين يقولون خلف كل أمر يصدرونه بسرعه
روح بسرعه
تعالى بسرعه
خلص ده بسرعه
اشعر انهم غير انسانيين بالمره، انسانيون باظافر طويله
حدود الثامنة والنصف وصل تيمور بيه، همس أثناء مروره صباح الخير
نهضت صوفيا وبتول صباح الفل يا فندم
مر تيمور دون أن ينظر إلى بتول
وامس رغم سؤاله عنها فى الهاتف لم يطرق باب غرفتها ليطمأن عليها
غير مهم، هذا مكان عمل، بتول تفهم ذلك إلى حد بعيد
صوفيا ؟؟ صرخ تيمور من مكتبه هاتى الملفات وجدول اعمال اليوم
ايه، مثل كل موظف صغير وكئيب فى اى شركه ، تعمل بتول بجد ثم يأتى شخص آخر ليأحذ مجهودها
جميل همس تيمور وهو يعاين الترتيبات والمواعيد لكن ما آثار انتباهه ملحوظه داخل جدول الأعمال
عشرة دقائق فراغ فى الفضاء الحر للهرب من الضغوطات
صوفيا؟
نعم تيمور بيه
انتى الى عملتى الجدول ده؟
ومن غيرى يا فندم اكيد انا، ليه فيه حاجه غلط
بالعكس يا صوفيا كويس جدا برافو عليكى
شكرا يا فندم، شكرآ يا تيمور بيه
قبل أن ينهى تيمور كلامه وصل مهندس ناجى المسؤل عن خطوط الإنتاج
وكان غريب ان يقصد مكتب تيمور فى وقت باكر قبل الاجتماع اليومى
استقبله تيمور بقلق
فيه ايه يا ناجى؟
فيه مشكله صغيره يا تيمور بيه، واحد من المنتجات بتاعتنا بيتعرض لانتقادات واسعه، عيوب فى الإنتاج وفترة الضمان
ياراجل، همس تيمور، دى حاجه مش جديده طول عمرنا بنتعرض لانتقادات
صحيح يا فندم، لكن المره دى مختلفه، الشركه الكوريه بتطالب بتحقيق وتصحيح جودة المنتج
وضع تيمور ايده فوق دقنه، دى أكاد ضربه تحت الحزام من شركه منافسه
همس ناجى ولو يا فندم لازم نحسن المنتج وبكده نسكت كل لسان يجيب سيرتنا
.... ومستنى ايه؟ اعمل لجنه تحقيق وتوصل لنتايج اعرضها عليه، انا مش عايز اخسر الصفقه الكوريه مهما حصل حتى لو غيرت طاقم العمل كله
إلى محيرنى يا فندم ان المنتج كان تمام وفجأه من كان شهر بدأت المشاكل دى تحصل
بتفكر فى ايه يا ناجى؟
بفكر يا فندم ان فيه شخص أو أشخاص فى خط الإنتاج بتعمل ضدنا، دا عمل مدبر
اه، طيب، حقق بسرعه، انا عايز نتايج خلال أسبوع
فى الخارج همست صوفيا لبتول اكيد فيه مصيبه
مهندس ناجى مش بيدخل المكتب غير لما يكون فيه مشكله
ولسة مكملتش كلامها صرخ تيمور، صوفيا؟
وعندما وقفت أمامه أمرها ان تتابع التحقيق وتبحث عن همسات عن مؤامره او خيانه داخل الشركه
ثم جلس تيمور بمفرده، شارد وقلق، لو خسر الصفقه دى بعد الفلوس إلى صرفها علشان يكسب الصفقه الشركه هتروح فى داهيه
ركب الهم وجهه الرقيق وراح يدخن لفافات التبغ بلا توقف
انهت بتول شغلها وهى بتذاكر لمحت صدفه الأوراق إلى بتطبعها صوفيا الخاصه بالمنتج والحيثيات المرتبطه به
كانت بتول درست الحجات دى يتعمق حتى انها حافظه كل كلمه فيها
لكن الوقت والمواقف علمتها تحط لسانها جوة بقها، فقد كان لقائها الاخير مع تيمور داخل مكتبه مزعج جدا
وصفها بالكذب وقلل من شأنها
تطورت الأمور بسرعه، خلال أسبوع أوقفت الشركه الكوريه استيراد المنتج لحين إصلاح العيوب الموجوده فيه
وفشل المهندس ناجى فى حل العقده، فقد ظهر امامه المنتج سليم مثل كل مره والمكونات كلها لم تتغير
#الخادمه_التى
١٤
عندما تتعطل الصفقات تظهر المشكلات داخل الشركات، تيمور كان عصبى جدا، فهو غير مستعد لفقد الصفقه مهما حدث
شكل لجان فحص وتدقيق، استأجر مهندسين من خارج الشركه، ظهرت بعض الأسباب المرجحه للتأثير على جودة المنتج فى المكونات او فى الآلات وكان التخلص منها يحتاج بعض الوقت والتكاليف...
فى مرحله ما لابد أن تمضى الحياه بكل شخص نحو وجهته
كانت بتول تتمتع بالحماسة والمثابرة، البرنامج الذى وضعته لنفسها، الاستيقاظ باكر، الركض، العمل، المذاكره، كورسات اليوتيوب، تفعل كل ذلك بصبر، كائن فى منتهى الخفه يعيش بين الناس لكنه غير ملحوظ، غير مهتمه بما يحدث فى الشركه فهى مجرد موظفه، سكرتيره تحديدا تفعل المطلوب منها لازياده ولا نقصان
رغم كده لما كانت تلمح ألحزن والهم والشرود كانت بتحس بالزعل
كانت عايزه تتكلم معاه وتهديه وتطمنه
لكن يمكن القول ان بتول لديها مشكله فى التعبير عن أفكارها
وان كلماتها تميل إلى الوقوف طريقها
وكل ما حاولت تتكلم مع تميور مش بتقدر، كانت عارفه انها هتبوظ الدنيا، او ان الامر سوف ينتهى بتعنيف وصراخ تيمور فى وجهها وربما يحرجها ويصرخ ملكيش دعوة
فى وقت البريك خرجت بتول تاكل فى الجنينه الساندوتشات إلى بتحضرها بنفسها فى البيت وهى قاعده فى امان الله
لقيت تميور خارج من الشركه ولما شافها مشى ناحيتها وقعد جنبها
ازيك يا بتول؟
الحمد لله تيمور بيه كويسه
سيبك من تيمور بيه دى يا بتول احنا لوحدنا
شعرت بتول بالحزن فى نبرة تيمور، مالك فيه ايه؟
مفيش شوية مشاكل فى الشركه مش عارف اخلص منها
وضع تيمور دماغه بين اديه، مصيبه كبيره لو الصفقه باظت
انا ما صدقت اخلصها، وواخد قروض من ألبنك بضمان الصفقه
بتول ان شاء الله كل حاجه هتبقى كويسه
تبقى كويسه ازاى بس وكل اللجان مش عارفه المشكله فين
تيمور هو انا ممكن اطلب منك حاجه من غير ما تزعق او تحاول تهينى
تيمور اتفضلى
بتول انا عايزه أشارك فى التحقيق ده اعتقد انى ممكن الاقى الحل
تيمور يا بتول دى مش لعبه، دا منتج ومحتاج متخصصين
انت مش هتخسر حاجه يا تيمور لو وافقت
تميور بلا اهتمام ماشى
لكن انا عندى شرط يا تيمور
شرط ايه يا بتول
لو حليت المشكله هتطل تسخر منى وتعاملنى كويس
تيمور دا لو انتى حليتى المشكله انا هشيلك فوق دماغى
اتفقنا همست بتول بخجل وهى بتتأمل ملامح تيمور التعيسه
بعد ما تيمور ما مشى، خرجت بتول الأوراق إلى كانت شغاله عليها
الدارسات التى كانت شغاله عليها بقالها مده طويله وتتبع خط سير الإنتاج
المنتج تدهور على فترات مش مره واحده دا كان واضح من ردود أفعال المشترين
ودا اللغز إلى كانت شغاله عليه بتول، نزلت بتول منطقة الإنتاج وطلبت الأوراق الخاصه بالمنتج
ملفات وأوراق كتيره جدا اخدتها مكتبها وسط نظرات السخريه من المهندس ناجى والعمال
فى مكتب السكرتاريه فرشت الأوراق قدامها ولما صوفيا سألتها كدبت عليها
قالت دى مهمه كان طالبها منها تيمور عدى اليوم بسرعه
انا ماشيه يا بتول هتيجى معايا اوصلك فى طريقى
لا انا هقعد شويه لازم اخلص الشغل إلى معايا
رحل موظفى الشركه واحد ورا التانى
جلست بتول في مكتبها بهدوء محاطة بكومة من الأوراق والملفات كانت تعلم أن نظرات السخرية من المهندس ناجي والعمال تعكس شكهم في قدرتها على حل المشكلة، لكنها لم تهتم، كانت ثقتها قائمة على شيء واحد: قدرتها على رؤية الأنماط وسط الفوضى.
بدأت بتول بمراجعة تقارير الجودة والتقييمات الواردة من العملاء خلال الأشهر الماضية، لاحظت نمطًا غريبًا: المنتجات التي تم تصنيعها في فترات معينة كانت تحصل على تقييمات أقل من غيرها، قررت أن تتحرى عن سبب هذا التفاوت.
فتحت الملفات التي تحتوي على تفاصيل توريد المواد الخام، وبدأت في تحليل البيانات كانت هناك فواتير شراء من موردين مختلفين، وعند التدقيق، لاحظت شيئًا غير طبيعي، بعض المواد الخام التي وصلت خلال الأشهر الماضية كانت من مورد جديد وغير مألوف.
"غريب... لماذا لجأوا إلى هذا المورد؟"، فكرت بتول.
انتقلت إلى مقارنة الخصائص الكيميائية والفيزيائية للمواد الخام من الموردين المختلفين، استعانت بقاعدة بيانات الشركة لتجد أن المواد الجديدة كانت أرخص بكثير، لكنها أقل جودة بشكل واضح،المواد الأصلية كانت تتمتع بخصائص تجعلها تتحمل الضغط العالي وتدوم لفترات أطول، بينما المواد الجديدة كانت تُظهر ضعفًا في نفس الاختبارات.
تأخر الوقت الساعه تعدت الحادية عشر ليلآ، غادرت بتول المكتب وفى طريقها لاحظت حاجه غريبه، انه فيه شخص بيراقبها من بعيد، حست بتول بالخوف وقفت تاكسى وهربت من المكان
اليوم التالى فى الشركه ، لم تكتفِ بتول بالبيانات النظرية،طلبت عينات من المواد الجديدة والقديمة، وذهبت إلى قسم الفحص في المصنع، حيث أجرت اختبارات بنفسها، وضعت العينات تحت اختبار التحمل الحراري والضغط الميكانيكي، كما توقعت، انهارت المواد الجديدة تحت نفس الظروف التي اجتازتها المواد الأصلية بسهولة.
بعد ساعات من العمل الدؤوب، اكتشفت بتول السبب الحقيقي وراء تدهور جودة المنتج: الشركة قررت استخدام مواد خام منخفضة الجودة لتوفير التكاليف هذه الخطوة، رغم أنها قللت النفقات على المدى القصير، كانت تدمر سمعة المنتج وتؤدي إلى خسائر أكبر على المدى الطويل
عادت بتول إلى مكتبها على وجهها ابتسامه، اخيرا هتنال الاهتمام والتقدير إلى تستحقه ، بدأت في كتابة تقرير شامل
لم تكتفِ بالإشارة إلى المشكلة، بل قدمت حلولًا عملية:
1. العودة إلى المورد الأصلي رغم ارتفاع تكاليفه، لأن الجودة التي يقدمها هي ما يميز المنتج.
2. تحسين عمليات فحص المواد الخام عند استلامها لضمان عدم تكرار المشكلة.
3. وضع نظام رقابة أكثر دقة على خط الإنتاج لضمان توافق المنتج النهائي مع المواصفات.
فكرت بتول ان تحمل التقرير إلى تيمور صباح اليوم التالى لان الوقت كان ليل وكل الموظفين رحلو
بعد كده خطرت فى بالها فكره جديده انها تعملها مفاجأه لتيمور، استخدمت المفتاح إلى موجود فى السكرتاريه لفتح مكتب تيمور وحطت التقرير فوق المكتب مع رساله صغيره
انا وفيت بوعدي، لما اشوف هتوفى بوعدك ولا لا يا تيموو
فى منتهى السعاده غادرت بتول المكتب والشركه
واول ما نزلت الشارع اقنعت نفسها انها بحاجه لوجبة عشاء مكافأه على كل المجهود إلى بذلته فى اليومين إلى فاتو
ولم تلحظ تلك الأقدام التى تراقبها من بعيد
بعد أن أنهت بتول وجبة العشاء في مطعم صغير قريب من الشركة، شعرت بالاسترخاء والرضا، كانت تسير في الشارع الهادئ وهي تفكر في رد فعل تيمور عندما يقرأ التقرير صباحآ تخيلت ملامحه المندهشة، وربما نظرة احترام أخيرًا نحوها لكنها لم تكن تعلم أن ذلك الهدوء المحيط كان يخفي خطرًا قريبًا.
بينما كانت تقترب من زقاق ضيق يعبر إلى الطريق الرئيسي، شعرت بيد قوية تجذبها من الخلف حاولت الصراخ، لكن قماشًا مبللًا برائحة نفاذة ضغط على وجهها خلال ثوانٍ معدودة، خارت قواها وسقطت مغشيًا عليها.
#الخادمه_التى
١٥
عندما وصل تيمور الشركه ودلف إلى مكتبه وجد ملف جديد على مكتبه، على الملف كان هناك ورقه ورديه بها رسالة
وايضا ورده وحيده
انتزع تيمور الرساله إلى كانت مكتوبه بخط اليد، اتمنى اكون قدرت اساهم فى مساعدت حضرتك وبين قوسين اسم صوفيا
فتح تميور التقرير بفضول ثم اتسعت عينيه كانت معلومات دقيقه عن المنتج دراسات وحلول واضحه لا تقبل الشك
لم يصدق نفسه من الفرحه، صرخ صوفيا.. ؟
دلفت صوفيا المكتب بخجل
انتى الى عملتى التقرير دا يا صوفيا؟
ايوه يا تيمور بيه، حاولت اساعد بأى حاجه
تميور..... مكنتش اعرف انك بارعه فى علم التباين والانماط
انا منبهر الصراحه ومش عارف اشكرك ازاى
مش عايزه شكر يا تيمور بيه، انا بعتبر الشركه شركتى والحمد لله انى قدرت اساعد بأى حاجه
كانت صوفيا قد وصلت إلى الشركه الساعه الثامنه صباحآ ولم تجد بتول كعادتها التى تحضر باكرا
تنهدت صوفيا بغضب وهمست يوم أجازه تانى يا بتول؟
ثم دخلت إلى مكتب تيمور لترتب الأوراق لكنها فوجأت بالتقرير الموضوع على المكتب، وبرسالة بتول
قرأت صوفيا التقرير باندهاش، ثم لعب الشيطان بعقلها
كده بتول هتطلع اووى، مش بعيد تطلع فوق كتفى انا كمان والشركه كلها هتتكلم عنها، سحبت ورقة بتول ومزقتها
وكتبت ورقه أخرى ووضعتها داخل الملف.
طلب تميور المهندس ناجى ومنحة التقرير، طلب منه اخضاعة للدراسه واتباع التعليمات الموجوده داخله
اشتغل بسرعه يا ناجى كفايه الخساير إلى تكبدتها الشركه
سرى الخبر داخل الشركه مثل النار الكل بداء يتحدث عن تقرير قدمته صوفيا سيصلح عيوب المنتج
بعد رحيل ناجى مسح تيمور المكان ولم يجد بتول
تذكر كلماتها قبل أيام رغبتها فى حل لغز المنتج
وتذكر انه لم يراها امس داخل القصر، فسأل صوفيا عنها
أخبرته صوفيا ان بتول لم تحضر إلى الشركه أليوم ولم تأخذ أجازه أيضآ
همس تيمور فى سره معقول يكون راحت عليها نومه؟
وفكر ان يتصل بعنايات ويسأل عنها
لكنه وجد انه اليوم سعيد ولا يمانع ان تأخذ بتول يوم او يومين او حتى اسبوع أجازه
......
لما فتحت بتول عنيها وجدت نفسها فى غرفة جدرانها من الخشب، سقفها مرتفع
هناك مقعد وسرير، طاوله قديمه عليها مجموعه من الكتب وكوب شاى فاضى
اعقاب سجائر فى منفضه
كان هناك حمام ملحق بالغرفه ووجدت إلى جوارها طعام
وتحت السرير الذى ترقد عليه بطانيه مفروشه على الأرض ووساده تخبرك ان هناك شخص قضى ليلتله نائم إلى جوارها
كان هناك نافذه واطئه وعندما نظرت إلى الخارج لمحت رجل أو شاب يملاء دلو من مجرى مائى، كانت الدلو بيده ويحدق على ما يبدو إلى شجره وحقل ممتد امامه
شعرت بتول بالخطر وارتعش جسدها، تفحصت نفسها وجسدها وملابسها، كان كل شيء فى مكانه مما أشعر ها بالراحه
انفتح باب الغرفه ودخل منه الرجل وكان وجهه ملثم
ترك الدلو جوار الباب
وجلس على المقعد ضهره إلى بتول وأخرج سيجاره ثم وضع قدميه على الطاوله
وفتح كتاب يتوسطه قلم وبدا كأنه يتحدث مع نفسه
____-كانوا عايزنى اعتدى عليكى او اتخلص منك، لكن من حسن حظك اننى وجدتك مجرد فتاه صغيره حمقاء
بدأت بتول تشعر انه يتحدث إليها لكنها كانت مغمضه عينيها بالفعل
اكمل الرجل، لا أعرف الظروف التى جعلتك تمرحين وسط مؤامره على اى حال، لكن استطيع ان أخبرك ان الامور لن تؤل الى خير
من المفترض منى ان اعذبك الان، ان احلق شعرك الأسود الطويل او ان اطفيء سيجاره فى وركك، ان اضربك واقدم لك قطعة خبز يابسه مثلما يحدث فى الأفلام
ثم تنهد الرجل بغضب وأطلق دفعه من الدخان الأزرق
على فكره ممكن تردى انا عارف انك صاحيه
توقفى عن العابك الصبيانيه تحملى مسؤلياتك
كانت بتول مقيده يديها خلف ظهرها وتشعر بالوجع ربما كان الرعب حتى الآن مخليها مش حاسه بالألم
همست بتول بخوف وقلق، قل لى اولا كيف عرفت ان شعرى طويل؟
هل تجرأت ونظرت؟...... ثم خجلت وبدأت الدموع تنزل من عنيها
هل ابدو لك وغد ابلبع المخدرات والترامادول يا انسه؟
الأفلام افسدت عقلكم التافه
إذآ وشهقت بتول قل لى كيف عرفت ان شعرى اسود وطويل؟
ضرب الرجل الطاوله بيده وتراقصت عقب السجائر فى المنفضه
سنترك مسألة كونك اسيره ونتحدث عن شعرك الناعم الوسيم؟
الا تعتقدى ان هذا تفاهة متناهية العبث؟
من فضلك؟ همست بتول وهى تبكى ريحنى، كيف عرفت ان شعرى اسود طويل ناعم؟
همس الرجل... لما اتأكد سوى الأن، فتاه غبيه، الا تفهمى؟؟
وظيفتى تمنحنى الحق فى طرح افتراضات واتلاعب بالكلمات ثم يأتى شخص غبى مثلك ويؤكدها بكل حماقه
اطلق الشاب ضحكه متقطعه واردف، لا ينقصى الا ان اقول ان لديك شامه فى وجهك
__صرخت بتول بنياح صبيانى يبقى انت كداب انت اكيد شفت وشى
استدار الشاب بوجه مبتسم ساخر تحت اللثام، وقال كل فتاه تمتلك شامه فى مكان ما فى جسدها، لستى مميزة
ووجود شامه لا يجعل اى فتاه مميزة توقفى عن النياح لا اريد ان اصاب الصداع
ثم نهض بطريقه مسرحيه، وضع ابريق الشاى على اللهب وصنع كوب شاى قربه من بتول
ثم حل قيدها وهو يتنهد بقرف، سأكون رحيم معك رغم ان ذلك ضد وظيفتى ومعتقداتى فكل فتاه لعيينه مثلك تستحق عقاب
نظفى نفسك، تناولى افطارك، أدى صلاتك، سأكون خارج الغرفه بعد أن انتهى سأقوم بربطك مره آخرى، اتفقنا؟
همست بتول اتفقنا
على الباب سألته بتول
انت هتقتلنى؟
هتتغتصبنى؟
صرخ الشاب لماذا يعتقد الناس ان كل مجرم لا يمتلك شرف؟
ثم بنبره غامضه همس انا لسه مقررتش هعمل فيكى ايه
لم تستطع بتول ان تمنع نفسها النظر من خلال الشرفه لترى الشاب ينزع قميصة ويخرج مجموعه من السكاكين
يقوم بتصويبها على دائره مصنوعه من الورق
#الخادمه_التى
١٦
كان التقرير محق بشأن المخاوف التى تحدث عنها، فبعد تغير بعض الموردين والمواد المستخدمه منخفضة الجودة والتكاليف انمحت السلبيات وعاد المنتج لقوته، امر تيمور بصرف مرتب شهر لكل موظف بعد أن هدأت مخاوفه
وكان قد مضى يومين دون أن تظهر بتول، دون أن يلمحها فى الشركه او القصر، غياب دون اذن كانت توقع عليه صوفيا مديرة بتول فى العمل، وكانت صوفيا سعيده لاختفاء بتول
فقد وفرت عليها مناهدات وشروحات، انها تشعر براحة ضمير الان، حلت المشكلة ولم يعد احد يفكر فيها، نالت الترقيه التى كانت تستحقها وزياده فى المرتب وبعد غياب يومين بدأت صوفيا، تفكر جديآ فى اختفاء بتول إلى الأبد، فهى غير مستعده لخسارة مكاسبها مع احتمالية ان تيمور ممكن ياخد كلامها على محمل الجد...
مع بداية اليوم التالت طلب منها تميور تكلم كبيرة الخدم عنايات، وتسأل عن بتول، سبب غيابها، تأخرها عن العمل
وتطمن عليها لتكون مريضه او اى حاجه
بقرف وضيق كلمت صوفيا عنايات، من زمان وهما مش بيطيقو بعض
ازيك يا عنايات تيمور بيه بيسأل عن بتول
عنايات،.... وانا مالى؟ ايه علاقتى ببتول
صوفيا دا كلام تيمور بيه مش كلامى يا عنايات
عنايات... انا بخدم تيمور بيه مش بتول او غيرها
صوفيا بخبث... طيب خبطى عليها وشوفيها لتكون مريضه؟
عنايات.... بضيق، هو انا مفيش ورايا غير البنت دى؟
انا عندى شغل كتير داخل القصر
شمت صوفيا ريحة كره بين عنايات وبتول فهمست وانا كمان مش فاضيه لبتول والله مش ناقصاها اصلا
خلاص قوليله انها نايمه او بتتنيل تعمل اى حاجه
انا بقالى اكتر من يومين مشفتهاش
صوفيا... هى ممكن صوفيا تكون سابت القصر؟
بدأت عنايات تنتبه وتهتم، عملتها قبل كده ليه لا
استنى كده ابص عليها
دخلت عنايات غرفة بتول، مكنتش موجوده هناك سريرها مترتب ذى ما هو، لكن حقيبتها واغراضها داخل الغرفه
للأسف شنطتها وهدومها موجوده جوه الاوضه، ثم صرخت على الخادمه هدى وسألتها عن بتول
الخادمه هدى همست بتول بقالها اكتر من يومين مش بتيجى القصر
ومنذ ان خرجت قبل ثلاثة أيام مرجعتش
عنايات بتنام بره يعنى؟
هدى.. اعتقد كده
عنايات، بأبتسامه ساخره، هى وصلت لكده؟ هى فاكره القصر فندق..... تعمل إلى هى عايزاه وترجع وقت ما تحب
لكن حقها طالما تيمور بيه سايبها براحتها
يا عالم بتعمل ايه بقالها ليلتين بره ولا نايمه عند مين وبتعمل ايه
عنايات..... قولى لتيمور بيه انها مش موجوده
صوفيا واقوله على الحجات التانيه؟
عنايات.... انتى بتهددينى يا صوفيا؟
صوفيا... بالعكس بتكلم بجد
وبعد ابتسامه متبادله ولأن المصالح متشابهه، عنايات مش عايزه بتول فى القصر
وصوفيا عايزه تتخلص من بتول فى الشركه وصل الكلام إلى تيمور باتفاق مسبق
سمع تيمور كلام صوفيا، ان عنايات سمعت بتول تتحدث عن مغادرة القصر، وكلام احمق تافه اخر، لكن عنايات خلت صوفيا تحلف ان دا سر ومش هتقوله لحد
لكن لان صوفيا بتحترم تيمور والشركه افشت السر
تيمور.. يعنى بتول سابت القصر؟
صوفيا، مش عارفين يا تيمور بيه، لكن المؤكد ان بتول بقالها يومين بتبات بره البيت
تيمور مش قلقان من الموضوع ده لأنه واثق فى اخلاق بتول مهما سمع من كلام عنها، بتول مش ممكن تعمل حاجه وحشه
لكن انها تسيب القصر من غير سبب
وبعد ما حكى ليها عن مشاكله ومخاوفه تمشى كده؟
معقول بتول تكون توقعت ان الشركه هتنهار فرحلت قبل أن يفلس؟
لكن وجود ملابسها فى القصر ينفى ذلك
سمعت صوفيا تيمور بيقول ان بتول مش ممكن تعمل اى حاجه غلط حتى لو باتت سنه بره البيت
ابتسمت فى سرها، طالما ان دا مستبعد اكيد هيوجع تيمور اووى
لو قدرت تدبر حاجه زى كده، بتول هتنطرد من الشركه
وسرها هيموت إلى الأبد
خرجت من المكتب واتصلت بعنايات
صوفيا.. عنايات عندى سؤال كده خصوص بتول
عنايات.. سؤال ايه؟
صوفيا.... هو فيه شخص فى حياة بتول؟
عنايات.... بتفكرى فى ايه يا صوفيا؟
صوفيا // بفكر فى حاجه تريحك وتريحنى إلى الأبد
عنايات ___ بتول ملهاش علاقات، لكن فى مره سمعت شخص اسمه فهد صاحب شركه كان عايز بتول تشتغل عنده
ادينى كده خمس دقايق اتصل بنرجس واعرف الحكايه
نرجس صديقة تيمور بيه
نرجس اهلا عنايات، عامله ايه، لا صاحبك بقاله فتره طويله بعيد عنى
فهد؟ بتسألى ليه عن فهد مدكور؟
بتول؟
اه تذكرت نرجس بتول، المشكله القديمه وكيف منحها فهد مدكور رزمة نقود مكافأه لمساعدتها
لكن فهد مجبش سيره عن الموضوع ده بقاله فتره
بتول مشيت، كانت مغامره قصيره
دار كل شيء بسرعه، فهمت عنايات الحكايه وملقتش فيها حاجه ممكن تساعدها
حتى لما فكرت مع صوفيا ان بتول ممكن تكون راحت شركة فهد واشتغلت عنه او تواصلت معاه
عندما تحدثت نرجس إلى فهد مدكور وحكتله عن بتول تذكرها بالعافيه
لكن بعد لحظات تذكر فهد تلك الفتاه النحيله الخجوله وكيف كان ارتباط تيمور بها وغضبه من أجلها
وكان فهد يكن الحقد لتيمور بعد الصفقه الاخيره مع الشركه الكوريه وامتلاكه لسوق المنتج داخل مصر ورفضه اى شراكه مع شركة والده
ولأن العقل يعمل بطريقه مستفزه حاول تذكر جسدها طولها، هيئتها والتى أيقظت داخله اشياء أخرى لم ينتبه لها حتى الآن
وتحول تفكيره من الأنتقام لشيء اخر، أكثر، شيء غير مفهوم لكنه محبب
اطلق فهد ابتسامه ساخره وأخرج هاتفه وأجرى اتصال ببعض رجاله. فكل رجل أعمال لديه رجال يحملون قذارته
داخل المكتب جلس تيمور يفكر عن سر اختفاء بتول
يعرف جيدا انه مزعلهاش المره دى خالص وانه فى حال رحيلها عن القصر من غير سبب فأنه لم يبحث عنها
عندما يتعلق الأمر كرامته سيسحق اى شيء اخر
تحدث لحارس الأمن الذى أكد انه فى اخر يومين قبل اختفائها كانت بتول تسهر لوقت متأخر داخل الشركه
وفى اخر مره شافها كانت غادرت الشركه الساعه العاشره ليلآ
مشى على الأقدام وكان هناك شخص يتبعها
شخص مين؟ سأل تيمور بغضب
مش عارف يا بيه، كان واقف بعيد ولما الانسه بتول مشيت
مشى وراها
استبعد الحارس ان يكون ذلك الشخص يضايق بتول
لان هيئته والحركات إلى كان يقوم بها لا توحى بأى خطر
يعنى بتول كانت ماشيه معاه؟
همس الحارس مش متأكد يا تيمور بيه، لكنه كان ماشى على بعد خطوات منها
الحب يعمل اكتر من كده يا بيه... أدرك الحارس خطأه من نظرة تميور، اعتذر على الفور
عاد تيمور إلى مكتبه، شخص مين بقا يا بتول؟
اخرج سيجاره وضرب الطاوله بيده
ليه بتعملى كده يا بتول ليه؟
شعر تيمور بالحنق والغيظ واقسم ان لا يفكر فى هذا الموضوع، بتول حره تذهب كيفما تشاء
لكن عند ظهورها واذا كان حقيقى موضوع حبها ستترك القصر، لقد أدى واجبه على أحسن وجه ووالده لن يكون غاضب منه
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق