رواية اربعتاشر 14بت وشايب الفصل الثالث بقلم محمد منصور حصريه وجديده على مدونة النجم المتوهج للروايات والمعلومات
 |
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★ وقعد حمودي ولسة هيرتاح باب الشقة خبط قام يفتح واخيرا شاف طاروش ويخراشي علي اللي شافو
شاف البني ادم الشحم. كمية شحم علي شعره وكمية شحم علي هدومة وكمية شحم علي البنطلون وكرفته نظيفة اوي جدا خالص. وجذمة لميع شغل فنادق وقال طاروش بتعالي وغرور شديد
انا اللي مافيش مني اتنين. افتكر انك انت ابون نسبن
حمودي وهو مش مستوعب اللي شايفة قال
انا بتحاسب او اما سبت كوكب الارض وبقابل كائنات من ما وراء الطبيعة
طاروش
طاروش بيتكلم انت لية مش بتردن عليه
حمودي
بتردن عليك. اتا خايف اردن اغلط فيكن
طاروش
مشن لوحدك اللي بيغلطو فيا بس انا ثابت علي المبدا وهفضلن طاروش السنبلاوي طه اللي مافيش منه اتنين
حمودي
احنا ك سكان كوكب الارض لازم كلنا نحج ونصوم طول السنة ان ما فيش منك اتنين.
طاروش
شكرنن
حمودي
انت لية كلامك كله بيرن كدة هو انت الرجل الفضيا. وفين ابوك او امك انت جاي تتجوز ل حالك
طاروش
مش عايزين يناسبو ناس زيكم
حمودي
في داهية. مع اني كنت هموت واشوف الاثنين السبب في وجود مخلوق زيك في الدنيا
فالوقت دة تقف زمردة وراء حمودي وتقول
اية اللي بتعمله دة يا حمودي. سايب طاروش واقف علي الباب لغاية دلوقتي
حمودي
هتصدقيني لو قولت لك اني عايز ارمي في بير السلم
زمردة
انا عايزا اعرف انت كارهه لية
وبصت ل طاروش وقالت
اتفضل ادخل يا طاروش. بيتك ومطرحك. مع ان شقتنا مش قد المقام
وفي عز ما كان حمودي قرفان يلاقي ابوه فشة قصاد منه لسة لابس عباية عبد الغفور البرعي وبيقول وهو متنح ل حمودي
وعليكم السلام ورحمة الله وبركاته.
حمودي
بابا فشة المشهد دة عملنا في البالكونة من شوية كفاية بقي ارحم امي
فشة
امك. فاطمة كشري هي عرفت انك جيت الوكاله وهتشتغل معايا في استيراد قطع خيار السلطة
حمودي
اة وهنستورد كبوتشي كمان. سابني بقي ادخل اشوف الكرفته اللي جاية تتجوز
ولسة حمودي هيسيبة ويمشي مسك فشة خدودة وبص له اوي وقال
وعليكم السلام ورحمة الله وبركاته.
حمودي
انا مش ناقصك عندي بلوة تانية. اقول لك الحق فهيم افندي بينادي عليك
لكن فشة فضل ماسك في و طلع موبيلة وحطة علي ودانه وقال
ايوة يا فاطمة عارفة مين جاي لي الوكاله. وهيشتغل معايا في استيراد نوة البلح. خضير ابننا. والله زي ما بقول لك كدة. خلاص انا جاي. اة صحيح ما تنسيش الرز قبل ما يستوي نزلي من النار وارمي ونشتري غيرة بلاش المعحن اللي انتي بتعملي والعدس سابي للي ما يعرفش علشان اللي ما يعرفش بيقول عدس
ودخل اوضة وحمودي عمال يبص له وبيقول
دي ساحت علي الاخر
هنا يسمع صوت زمردة
يا حمودي تعالي اقعد مع طاروش. عيب كدة
راح حمودي قعد علي قعدت الحمام وبص ل طاروش اللي كان بيبص لل ال 14 بت وعمال يقول
حادي بادي كرنبن زبادي شاله وحطن، ،،،،،
شخط في حمودي وقال
دة انا شكلي هشيلك و هحطن علي اول الشباك وارميك منه. انت مش جاي تتجوز فايزة اية حادي بادي دي
طاروش
بصراحة لقيت عندكم تشكيلة حلون. فممكن اختار واحدة تانية وادفع الفرق
حمودي
فرق اية يا ابن الجذم انت. هو احنا في سوق عكاظ ما تبص ل نفسك ياة. دة انا بفكر اخدك وابدلك ببني ادم
طاروش ل زمردة
انتي طلبتي طاروش علشان يتهان. دة انا طالع الاول
نص ترم ومش بحب اتكلم عن نفسي
زمردة ل حمودي
باين اوي يا حمودي انك ليك مزاج تبوظ الجوازة. وماله خليها تبوظ. واهو نوفر الكام بلبل اللي كانو هيباتو في حسابك
حمودي
الكلام مش حلو دول برضو اخواتي ودي مش طريقة جواز
زمردة
وانا امهم. واعرف اية اللي في مصلحتهم واية اللي يضرهم. عندك قول تاني غير. قولي
حمودي بص ل اخواته ورجع بص ل زمردة وقال
ما عنديش اهم بناتك وانتي حرة فيهم
زمردة ل طاروش
كمل يا طاروش واختار اللي تعجبك
وفضل طاروش يبص للبنات ويقول
حادي بادي كرنب زبادي شاله وحطن كله علي دي
واختار بت تانية اسمها وردة وقال
هاخد دي وهدفع ضعف المهر اللي اتفقنا عليه
زمردة زغردطت. وقالت
كانت علي طرف لساني سيبك من فايزة وخد وردة حتي اغانيها احلي
وضحكت وحمودي مش عجبة اللي بيحصل وبص ل وردة اللي كانت بتقول
انا عايزا اكمل تعليمي
زمردة
هتتجوزي يعني هتتجوزي. دة الجواز سترة
وبصت وردة ل حمودي وقالت
ابية حمودي هتسيبها تجوزني غصب عني
حمودي ما ردتش ووردة عيطت ودخلت اوضتها وهو اتاثر لكنه قال في سرة
وانا مالي المهم الفيزا.،،،،،،،،،،،،
وفعلا الحساب دخل فلوس و الفيزا رجعت عمرانه وقرر حمودي ينزل يسهر في الكافية اللي متعود يسهر في. ومعه عيد لكن كان باين اوي ان حمودي مش مبسوط فقال عيد
مالك زرعتها لفت طلعت موز
حمودي بص له بقرف وقال
ولو نفترض ان الخيال العلمي اللي انت بتقوله دة حصل اية اللي يزعلني ان ازرع لفت اصحي القي موز
انت يا عيد متخلف
عيد
ما تهربش من الاجابة علي سؤالي العميق
حمودي
قسما بالله مش سؤالك اللي عميق. دة انت اللي عميق واهبل كمان
عيد
خلاص يا عم مش عايز تتكلم بلاش تتكلم
حمودي
لا. عايز اتكلم لاني مخنوق ومحتاج اتكلم
عيد
طيب ما تتكلم
حمودي
معاك انت الكلام هيخنقني اكتر
عيد
لا اتكلم وهخليهم يعلو التكيف علشان ما تتخنقش
حمودي
لا هتكلم بس انت تقوم تروح
عيد
وساعتها هتكلم مين
حمودي مسك كوبية الشاي بلبن وقال
هكلم الشاي بلبن والله هرتاح اكتر ما تكلم معاك
عيد
لو كلمته مش هيرد عليك لانه برد
حمودي قلبه وقعه. وقال
هطلب واحد سخن وهتكلم معه.
وزق حمودي عيد وقاله
قوم امشي قوم يا عم. جننت امي. انا مش عارف الاقيها منك ولا من زمردة ولامن ابويا. حياتي بقت وش في وش، ،،،،،،،،،
وبالليل وفي وقت ما كان حمودي ينام يفتح عينه علشان يشرب يلاقي الحكومة وهو واقف قصاد ظابط قاعد وراء مكتبه بص حوالين منه وسمع الظابط بيشخط في وبيقول
يا اخي فوق بقي غلبت اللي جابونا
حمودي دعك عينه علشان يشوف هو بيحلم ولا دة حقيقية والظابط قال
قتلت اختك وردة البدري بدار لية
حمودي عايز يستوعب اللي بيحصل وقال لنفسه
انا باين عليه نمت في الصاله قصاد الشاشة وهي شغاله
وندهه وقال
يا ميسرة تعالي خديني ودخليني اوضي واطفي الشاشة
الظابط بعصبية
ماعنداش مبسرة تمشي معاك يسرا. ما تتظبط يا روح امك بدل ما اظبطك
هنا يسمع حمودي صوت ابوة فشة وهو بيقول
قتلتها لية يا بدري. دة حتي لسة بدري والله يا شهر الصيام
فتح حمودي عيونه اوي وشاف ابوة فشة قاعد قصاد الظابط ولابس هدوم عبد الله غيث في مسلسل ذئاب الجبل وعامل نفسه اعمي فراح ناحية كوبية مية علي مكتب الظابط ودلقها كلها علي وشة يمكن يكون بيحلم لكنة فاق واتاكد من اللي عيونه شايفة فقال لابوة
هي حصلت تدخل الحكومة بينا. هي ساحت منك للدرجة دي
فشة بصوت عبد الله غيث وهو باصص للسقف
ساحت مني. الله يسامحك يا ولدي اني برضيك كيف الداد بتاعك.
حمودي
داد اية. انت عامل صعيدي من انجلترا.
ورجع بص حمودي للظابط وقال
يا حضرة الظابط دة بابا فشة ودماغة هريسة. اوعي تصدق اني اقتل. واقتل ميي اختي وردة
فشة
هو اللي قتلها علشان اتجوزت شريف منير وسافرت معه جمصة
حمودي للظابط
عرفت يا فندم ان مخه هريسة. معقوله برضو شريف منير يروح جمصة
فشة
بيروح وبينزل في مساكن ايسكو. دة لغاية دلوقتي علية اقساط
حمودي
انت وصلت حالتك ل كدة علشان روحت وديتك ل عيد يعالجك. بس الغلط مردود
الظابط
بس بقي كفاية صداع وقولي فين اختك وردة
حمودي
سايبها في الشقة مع زمردة
الظابط بتريقة
زمردة ولا شهر زاد
فشة
عرفت انه كذاب في واحدة ست في 2023 يبقي اسمها زمردة
حمودي
قول ل نفسك مش انت اللي متجوزها
الظابط
فين عنوان زمردة دي
حمودي
هقول لك يا باشا، ،،،،،،،،
ووقت ما كانت زمردة بتلف المحشي ونعمه بتاكله ني تسمع صوت خبط علي باب الشقة فتقول زمردة لنعمه
قومي افتحي
نعمه
طيب والمحشي
زمردة
سيبي يرتاح منك شوية. دة انا بحشي كيلو كلتي انتي 2ك. ازاي ما عرفش
نعمه وهي رايحة تفتح الباب
قري عليه بقي
وفتحت نعمه الباب ولقيت ظابط وكام عسكري ومعهم حمودي ونعمه قالت
انتي بلغتي عني علشان كلت المحشي ني
زمردة قامت وراحت ناحية الباب ووقفت قدام الظابط وقالت
بنتي نعمه برئية يا باشا. انا اللي سرقت الكرنباية من السوق
حمودي
بس احنا جائيين علشان وردة
زمردة
وردة بنتي برئية يا بية انا اللي سرقت ورق العنب من السوق
حمودي
لية بتعملي في نفسك كدة. اسكتي يا زمردة واندهي وردة بنتك
زمردة
يا ابن الاية يا حمودي انت جايب لها عريس. تاني طيب مش كنت تتصل تعرفني
الظابط
بس دة انا بقالي ظابط 10 سنين. عمري ما شوفت كدة. انا كنت سييت الجمارك لية واتنقلت للقسم اللي تبعكم.
زمردة ل حمودي
هو عصبي لية كدة. دة حتي غلط علي الخلفة وممكن بنتي ما تحملش منه بسرعه.
الظابط طلع سلاحة وحطة في وش زمردة وقال
ورحمة امي كلمة تاني برة صلب الموضوع لقتلك واسلم نفسي. اندهي بنتك وردة
زمردة وهي بتبص للمسدس ومرعوبه
وردة وردة وردة وردة وردة
الظابط
كفاية
حطت زمردة ايدها علي بوقها وفضلت بص له وهي مرعوبه وساكتة وهنا تخرج بنت اسمها سعاد وتقف قدام زمردة وتقول
وردة مش هنا
هنا يظهر فشة ويقول
صدقت انه قتلها
بص له حمودي وقال
والله العظيم سبتها هنا
الظابط للعساكر
هاتو
ومسكوا حمودي من قفا وبداوء يجرجرو علي السلم وهو عمال يصرخ، ،،،،،،،،،،
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
