القائمة الرئيسية

الصفحات

رواية اربعتاشر 14بت وشايب الفصل الثاني بقلم الكاتب محمد منصور حصريه وجديده على مدونة النجم المتوهج للروايات والمعلومات


رواية اربعتاشر 14بت وشايب الفصل الثاني بقلم الكاتب محمد منصور حصريه وجديده على مدونة النجم المتوهج للروايات والمعلومات 

                       

رواية اربعتاشر 14بت وشايب الفصل الثاني بقلم الكاتب محمد منصور حصريه وجديده على مدونة النجم المتوهج للروايات والمعلومات 


وقبل ما نبدأ نوحد الله ونصلي علي خير خلق الله سيدنا محمد.


وبسم الله توكلت علي الله وهو رب العرش العظيم


★وهنا تقف قدام منه بنت نحيفة جدا وقصيرة حوالي 150 س. وشعرها منكوش قالت وهي متعصبة


نعم عايز اية


حمودي


انتي مين


البنت قالت


فايزة العروسة 


حمودي اتصدم وبص لها من فوق وتحت وقال في سرة 


 


ودي تاخد الجواز حقن ولا برشام


وتصرخ في فايزة قائلا


ساكت لية ما تنطق


حمودي


انتي بتشخطي لية. ما انا هنطق اهو 


وسكت حمودي شوية وبعدها قال


بس انطق اقول اية


فايزة


تقولي انتي مش عايزا تتجوزي طاروش لية


حمودي


لية صح. دة طالع الاول وواخد ابتدائي نص ترم


فايزة


ما بحبوش واحبه ازاي وانا ما عرفوش. وبعدين قولي ميزة واحدة في الجواز تخليني اتجوز اصلا


هنا تقف قدام منه زمردة وفي دماغها نص بطيخة فاضية وعلي وشها حتت بطيخ. لزقهم بشمع. وبزر بطيخ ملزوق برضو بالشمع اتخض حمودي من المنظر وقال


يا قادرة. انتي جوة البطيخة ولا برة


زمردة 


ما تشغلش بالك بيا انا عاملة مسك الالتهابات. علشان وشي يحمر.     قولي بقي خلصت حوار فايزة علي اية


حمودي


لسة بتكلم معها اهو


زمردة


لا انجز وما تبقاش خيخة معها. دة ولا واحدة في جبلاية القرود دي متربية. اخلص كلها شوية وطاروش جاي


وقالت باعلي صوتها


بت يا نعمة الجلاش اللي طلعتي من الفرن بسرعه حطي في الفريز علشان البكاتريا اللي في اللحمة تموت. لبعدين الضيوف يعرفوا انها لحمة فاسدة


وسابتهم زمردة ومشيت وحمودي مش مصدق اللي بيسمعه. وقال ل فايزة


انتو ناس بجد من كوكب الارض ولا انا موت وبتحاسب 


لكن فايزة قالت 


انت عارف. هما عايزين يجوزوني لية. علشان طمعانين في منابي اللي في اوضة النوم


حمودي


منابك. مش المناب دة بيبقي في الفراخ


فايزة


انت جديد هنا باين عليك. تعالي اوريك منابي في الاوضة


وتاخدة من ايدة وتروح ناحية اوضة وتخبط علي الباب وتقول


استروا نفسكيم لقيت واحد في الصاله زمردة بتقول انه اخونا.  يعني ابية 


وفتحت باب الاوضة وشاف نفس الخمس بنات بيشدوا شعر بعض. فقال حمودي


انا من ساعة ما جيت وهما بيتخانقوا. لية كدة


فايزة


خناق اية بس دول بيكوه شعرهم. وبيفردوا ل بعض اصل مكوة الشعر باظت.  وزمردة قفشت ومش عايزا تجيب لنا غيرها 


حمودي


عايز اشتم


فايزة


شتيمة من بتاعت نتفليكس ولا بتاعت شاهد


حمودي


من بتاعت ولاد رزق 


هنا بنت من الخمسة راحت وقفت قدام من وبصت له من فوق ل تحت وقالت


مين الشبح


حمودي


حمودي اخوكم الكبير


البت سلمت عليه بخشونة وقالت 


انت اخونا الجديد. سمعت عنك. اختك في الدنيا سمية الاسد


حمودي وايدة بتوجعه 


اسد ازاي بس. تقصدي مرات الاسد


برقت سمية وداست ايدة اوي فعصتها وقالت


لا.  الاسد


سحب ايدة من ايدها بالعافية وكان هيعيط من الوجع وعمال ينفخ في ايدة وهي بتقول 


صاحبة صاله حديد سمية اللي في اول الشارع عرفها  


حمودي وهو عمال يبص لايدة اللي بقت صباع واحد وبيقول وهو بيعيط من جوة جوة 


ماخدش بالي


سمية


باين عليك طري وعصبك مسوس. وخرو زي ما بيقول عمنا محمد ثروت 


وسابته وخرجت من الاوضة. وكانت ماشية زي اجدعها معلم. وظهرها كله عضلات فقال حمودي 


ما ابويا خلف واد غيري اهو.


فايزة


احنا دخلنا الاوضة علشان مشكلتي. تعالي اوريك منابي في الاوضة


وراحت فايزة ناحية سرير كبير ووقفت قدام منه فقال حمودي


ليهم حق يطمعوا في منابك دة مش سرير دة قرية سياحية


لكن فايزة بصت لة ومدت ايدها ناحية جنب السرير وفتحت درج علي قدها بالظبط وفي وسط الدرج مخدة 3 سم. وفوطة. وقالت


دة سريري ومخدتي ولحافي


اتصدم حمودي وقال


اكيد اللي طمعان في الدرج دة طمعان يحط في شرباته


فايزة 


شوفت بقي انا مظلومة ازاي


حمودي


فايزة انا لو مكانك هحب اتجوز علشان اهرب من درج المعالق دة وتنامي علي سرير كبير جنب جوزك


فايزة


وانا مش هتجوز الا اللي بحبه ومش هخليهم يوصلو للي بيحلمو بي وانهم يخلصو مني ويطمعوا في منابي 


حمودي


مناب اية. دول سايبن لك الزلموكة تمصمصي فيها. ولية يخلصوا منك دة انتي نايمة يعتبر تحت السرير مكان الجذم


فايزة


ما تغلطش


حمودي


انا مش قصدي بس عايزك تفكري بطريقة تانية تفكري ازاي تهربي منهم


فايزة


قولت لا. يعني لا. ولو انت مصمم تجوزني وتساعدهم يخلصو مني. عرفني اية الميزة اللي راجعه عليه من الجواز ميزة واحدة بس


حمودي


الجواز مليان مزيا


فايزة


زي


حمودي


ثواني اقول لك


وطلع حمودي موبيله وكتب علي جوجل مزيا الجواز


كتب له جوجل


قتل مراته وعمل عليها صنية بطاطس. سفاح الجيزة.


قتلته علشان ترحمه من الفلوس اللي عليه. انتحر علشان ما يدفعش اقساط المروحة. عنوانين محاكم الاسرة في القاهرة. خلعته وبعدها قتلته علشان شافت ان الخلع مش كفاية 


حمودي حصل له خلل في دماغه وقفل النت وحط الموبيل في جيبة وقال ل نفسه


لما دة رد جوجل انا اسال مين دلوقتي 


وجه في باله عيد وقال لنفسه


ما فيش قدامي غيره دة برضو عامل دعلومة ومتجوز


وفعلا اتصل بعيد ورد عيد وقال 


ابن حلال. انا كنت لسة هتصل بيك. هات ماذون وتعالي


حمودي


لية


عيد


اصلي هطلق مراتي


حمودي


طيب قبل ما طلقها قولي ميزة واحدة في الجواز


عيد


سيبي ياهانم اللي انتي ماسكة دة. دة ما فيش حد في عيلتك جاب منه. 


حمودي


عيد ركز معايا وقولي ميزة واحدة في الجواز انا مذنوق. 


عيد


والله العظيم لو رمتي من الشباك ل رميكي وراء. دة خلاط امريكي وهو في المطبخ ويشتغل شفاط  في الحمام. بلاش ترمي  انا مجنون ومعايا شهادة معاملة اطفال. اتقي شري. لتقولي اني متعلم وعامل دعلومة. تفتكريني بقيت خرع 


حمودي


يا ابن الجذمة قولي ميزة واحدة في الجواز


فايزة كل دة بصه له ف حمودي قال


الجواز مليان مزايا. بس هو بيدور علي احلي ميزة هيقول اهو. 


وهنا يسمع صوت عيد بيصرخ وبيقول


هي حصلت تعطيني مكان الوشم. دة انتي ليلتك بلاك جوة منه سواد


حمودي بعصبية


يا عيد البلاك هو السواد. بلاش تجتهد الخناقة هتقلب ضحك يا اهبل


وبعدها يسمع حمودي صوت تنهيدة وبعد التنهيدة بوسة طويلة استغرب وقال


بيقتلها علي طريقة مستر اكس.


فايزة


بيقتلها شوفت هو دة الجواز ودة اخر مشهد في 


حمودي 


لا. اكيد مش دة الجواز. الجواز حلو يعني من ناحية انه يمكن يكون في. اللي بين اي اتنين لكن يفضل هو اللي فاضل اية الا الكلام اللي انا مش عارفة لاني ما اتجوزتش علشان كدة احنا زي اي عريس وعريسه زفة مزاعيم تورته كنافة وملبس. شوربة خضار. دة احنا اتخلقنا علشان. والله انا ما فاهم بقول اية بس انتي اكيد فهمتي


فايزة اتنهدت وقالت


فهمت واقتنعت وانت صح انا لازم اتجوز يا ابية 


ضربها بالقلم وقال


لو اعرف ان لغة الخرص هتجيب معاكي كنت وفرت المكالمة وما كنتش احرجت نفسي مع جوجل،،،،،،،،،،


وخرج حمودي البالكونة يشم هواء. لقي ابوة فشة قدام منه لابس عباية عبد الغفور البرعي بص له حمودي وقال


انا بشبه علي العباية دي


وفجاة قام فشة وفضل يبص ل حمودي وقال


وعليكم السلام ورحمة الله وبركاته


حمودي


اهلا


ومسك فشة خدود حمودي 


وتدق الساعه 8. وحمودي واقف جنب زمردة اللي شعرها كان واقف شبة الاسباكتي قبل ما تتسلق ولبسة عباية فيها كمية ترتر وال 14 بت قاعدين فقال حمودي


هو انا هفضل واقف كدة


زمردة


معلش استحمل اصلي هما كل اللي عندنا 16 كرسي هخلي النجار يعمل لك كرسي


حمودي


طيب ما اقعد علي الكرسي اللي فاضل


زمردة


لا. دة بتاع طاروش


حمودي


لما يجي ابقي اقوم


زمردة


انت عايز طاروش يقعد علي كرسي كان في حد قاعد عليه قبل منه.


حمودي


هو طاروش دة رائد فضاء. دة انا حاسس في النهاية انه هيطلع نعجة


زمردة 


طاروش اللي انت كرهه دة لما بيقف يبان عليه انه واقف ولما بيمشي كل بيعرف انه ماشي 


حمودي 


دة شفيق يا راجل. اللي انتي بتوصفي دة 


زمردة


انا عايز اعرف انت كرهه لية


حمودي


ورب الكعبة ما كرهه. بس انا مش متعود افضل واقف كدة


زمردة


عندك الحمام فاضي ادخل اقعد علي القعدة لغاية ما يجي وابقي تعالي 


سمية


ودة ينفع. دة برضو ابية


وقامت سمية وافتكر حمودي انها قامت علشان يقعد مكانها فراح يقعد فهي قالت


ثابت رايح فين انت


حمودي اترعب ووقف مكانه


هقعد مش انتي قومتي علشان اقعد مكانك


سمية


نعم. لية ان شاء الله. كنت عشقاك في الظلمة ولا تكنش ابو عيالي. ارجع مكانك


حمودي وهو بيرجع يقف جنب زمردة


والله انا بتهان هنا


وجت تقوم زمردة فقال لها حمودي


ما تقوميش مرة واحدة انا قايل لك لشعرك يخش في عيني وانتي شبه القنفد كدة


وترجع سمية بقاعدة الحمام وحطتها وراء حمودي وقالت


اقعد


بص حمودي للقاعدة وقال


دة كتير عليه والله. طيب اللي يحب يعمل حمام


سمية بصوت خشن 


يبقي يجي لك وتقوم له وهو يقعد. اقعد بقي دة انت برضو ابية 


حمودي 


والله انت اللي ابية


وقعد حمودي ولسة هيرتاح باب الشقة خبط قام يفتح واخيرا شاف طاروش ويخراشي علي اللي شافو، ،،،،،،،،،،


الفصل الثالث من هنا


بداية الروايه من هنا


🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 


روايات جديده هتعجبكم من هنا


أجدد وأحدث الروايات من هنا


روايات كامله وحصريه من هنا




وكمان اروع الروايات هنا 👇


روايات جديده وكامله من هنا


انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

تعليقات

التنقل السريع
    CLOSE ADS
    CLOSE ADS