سكريبت أنتي حياتي الباقيه بقلم نور محمد حصريه وجديده وكامله جميع الفصول على مدونة النجم المتوهج
فين الزفتة الموظفه الجديده اللي هنا
صرخ بصوت عالي رج الشركه كلها وانا طلعت من الحمام وانا بجري عليه زي الهبله لانه مدير عصبي وصعب اوي بس للاسف قبل ماارد عليه واقوله انا هنا يامستر علي، لقيت نفسي وقعت قدامه على وشي بسبب الفستان الطويل بتاعي وبعدها الشركه كلها ضحكت عليا لان شكلي كان مضحك اوي بصراحه انا طبعا اتحرجت اوي منهم ودموعي نزلت غصب عني فتهندت وقبل ماارفع راسي عن الارض سمع صوته العالي وهو بيصرخ فيهم بقوه
/بس يازباله انت وهي ايه اول مره تشوفوا حد يقع على الارض قدامكم والا ايه ياله كله على شغله فورا او يعتبر نفسه بره الشركه دي النهاردا
فجأه عم الصمت الرهيب في المكان ورفعت رأسي ببص حوليا في دقيقه المكان بقى فاضي زي الصحراء كده وانا لسه على نفس الوضع وفجأه سمع صوته تاني هو بيقول بسخريه
/ايه ياانسه هتفضلي باقي اليوم على الارض كده والا ايه
سمعته ووقفت بسرعه وانا بعدل طرحتي وفستاني وابتسمت له ببلاهه وقولت
/ها لا يافندم انا اسفه بس وقعت غصب عني و
قاطعني لما قال بلامبالاه بحسد عليها بجد
/ تمام تعالي ورايا عاوزك
قال كده بس ومشي قدامي ببرود وانا بصيت عليه بصدمه وانا بقول بهمس
/ماله ده هو بقى غريب كده ليه دنا بدأت فعلا اشك انه تحول انسان آلي مش بشر زينا و
/لا انا انسان من دم ولحم زيك ياانسه بس مشاعري واحساسي بحطهم في صندوق العربيه قبل ماادخل الشركه هنا بس كده
بصيت في اثره بصدمه بعد ماسمعت كلامه وانا بقول في بالي يالهوي ده سمعني ازاي وانا بهمس كده هو بقى انسان آلي بجد والا ايه و
/انسه ريم اخر مره هقول بطلي تسرحي كده في الشغل وتعالي ورايا عاوزك
انتفضت على صوته وانا بجري خلفه زي العبيطه وبقول/ اسفه يامستر علي انا جايه وراك اهو و
وقفت على باب مكتبه لما لقيته قدامي فجأه ولسه هرجع للخلف من الخضه لقيته سحبني لجوه المكتب بسرعه وقفل الباب ورايا وقال
علي بخوف/حاسبي يخرب بيتك هتقعي تاني بسبب الفستان النيله ده ايه مفيش حاجه اقصر منه شويه بدل ماهو ماشي ورايكي بالشكل المبالغ فيه ده
بصيت في عنيه عن قرب وسرحت فيهم لاول مره الاحظ لون عنيه الخضراء كده كانوا بجد يسحروا لدرجه اني ملاحظتش هو قال ايه اصلا بس فوقت على صوته هو بيقول ببتسامه ساحره
علي /انسه ريم انتي كويسه روحتي مني فين كده؟!
غمضت عنيا وفتحتهم تاني علشان افوق من تأثيره عليا وقولت بتوتر /احم لا مفيش حضرتك كنت بتقول ايه؟!
ضحك علي شكلي قدامه وقال /كنت بقول انك قمر بالفستان الطويل ده
انصدمت من كلامه بس غصب عني قولت بفرحه طفوليه /بجد عجبك فستاني يامستر علي
ضحك علي بصوت عالي على طريقه كلامي الطفوليه قدامه وقال /ههههههه انتي بجد شخصيه غريبه بس عسوله اوي كمان
فتحت بوقي ببلاهه من كلامه وقولت /هه غريبه ازاي يعني و
فجأه حسيت بألم في ذراعي وانا بكلمه فمسكته بوجع وقولت /اااه دراعي وجعني اوي كده ليه؟!
بص عليا علي بقلق غريب وقرب مني وشد ذراعي بسرعه وقال /ماله وريني كده انتي انجرحتي في دراعك والا ايه؟!
/ااه ياغبي مش كده حااسب
ساب ايدي بفزع مني وقال بتوتر واحراج /احم انا اسف مكنش اقصدي اعمل كده
بصيت عليه ببسمه لان شكله كان كيوت اوي قدامي بس ذراعي زاد وجعه اكتر فبعدت ايدي من عليه وبصيت فيها لقيت دم فقولت بفزع وخوف من الصدمه /يالهووي الحقوني دم دم هي انا هموت كده والا ايه الدم ده جه منين يالهووي
علي بص عليا وانفجر من الضحك وقال /لا لا مش قادر بجد هو فيه كده هموت من الضحك والله
بصيت عليه بتوهان في ضحكته اللي خطفت قلبي ونسيت اللي حصلي كله وانا مركزه معاه بس قدامي وعلي بصلي بستغراب من صمتي المفاجئ قدامه وقال /انسه ريم انتي كويسه ده اكيد جرح سطحي بس متخافيش مش هتموتي بسببه والله ايه مالك سرحتي كده فين؟!
/سرحت فيك انت
ودي كانت جملتي الهبله اللي قولتها في وقت غير مناسب ابدا وعارفه اني هفضل اشتم نفسي عليها سنين بس اعمل ايه هي طلعت مني كده غصب عني
بس اللي صدمني بجد وقتها هو رد مستر علي عليا وهو بيقول /ههههه طيب حلو المهم انك بطلتي صويت على ايدك المجروحه و
قاطعته بصدمه وانا ببص على ايدي اللي بقت دم ورجعت اصوت تاني /ايوه صحيح ايدي بتنزف لسه يالهووي هموت هموت و
علي جري عليا بسرعه وكتم بقى بايده وهو بيقول بخوف/اهدي يامجنونه الموظفين هيقولوا علينا ايه دلوقتي اهدي يابابا وانا هضمض لك الجرح بتاعك ماشي
هزيت رأسي ببرائه وهو شال ايده وبعدها قولت ببسمه هبله /بجد انت بتعرف تضمض الجروح يامستر علي
ضحك علي بخفه وثقه وقال /ايوه ياستي بعرف طبعا
قربت منه وانا ببص في عنيه بتركيز وقولت بتلقائيه /طب وجروح القلب بتعرف كمان تعالجها؟!!
بصلي بعدم فهم وقال /افندم؟!
بعدت عنه وانا بشتم نفسي في سري على غبائي وقولت /لا مفيش حاجه عن ازنك يامستر
لفيت بسرعه علشان امشي بس علي مسك ايدي السليمه بقوه وقال/استني هنا انتي قصدك ايه؟!
بصيتله بحزن وقولت بدموع بحاول امنعها قدامه / قولتلك مفيش حاجه يامستر علي انا بس عندي شغل بره كتير عاوزه اخرج اخلصه
علي بعد ايده عني بتعجب وقال /تمام بس تعالي الاول اضمض لك جرحك ده وبعدها كملي شغلك
بصيت عليه وقبل مااقول لا لقيته سحبني على الكرسي اللي قدامنا وقعدني عليه وجاب علبه الاسعاف الاوليه وقال /مش بحب كلمه لا او شكرا وفريها لغيري احسن وبلاش تعاني معايا علشان لسه الحياه قدامنا هتبدأ
قال كده وبعدها بدأ في تضمض الجرح بتاعي وانا سرحت فيه وفي كلامه ليا وهو قصده ايه لسه الحياه قدامنا هتبدأ ياترى قصده على الشغل او على حاجه تاني يووه انا بفكر في ايه بس ده بقى مديري دلوقتي بس واكيد نسى اني صديقه طفولته الوحيده زمان
ايوه الحقيقه انا بحبه من زمان اوي لانه كان جاري وصديق طفولتي الوحيد بس لما كبرنا هو ساب بيته القديم وعذل مع اهله لمكان تاني وانا كنت حزينه اوي على فراقه لاني كنت متعلقه بيه جدا وكملت حياتي على امل اني هشوفه تاني في يوم من الايام وفضلت ادعي ربنا كتير اني اقابله مره بس حتي لو صدفه في أي مكان
ومن حظي الحلو اول مااشتغلت هنا في الشركه قابلته واول ماعنيا قابلوا عنيه قدرت اعرفه بسرعه لان ملامحه لسه محفوره جوه قلبي وعقلي من زمان اوي وهو رغم انه كبر وتحول لانسان تاني بس ملامحه بقت محفوظه زي ماهي نفس العيون البني الواسعه ونفس الانف الطويل مع دقت خفيفه زادت من وسامته وجاذبيه اكتر في نظري اكتر و
قاطع حبل افكاري وتغزلي فيه صوت وحده جميله هي بتقول بحده /ايه اللي بيحصل هنا ده ياستاذ علي ومين دي؟!
بصيت عليها بصدمه وعلي وقف وبصلها بضيق وقال /في ايه يامريم انا مش قولت ميه مره فيه زفت باب تخبطي عليه الاول قبل ماتدخلي
مريم تجاهلت كلامه وقربت مني وقالت /انتي مين وبتعملي ايه هنا في مكتب خطيبي يامحترمه
بصيت عليها بصدمه لجمت لساني هو خطب امتي وازاي وانا شغاله هنا معاه ومعرف ده علي حب تاني وخطب يعني اخر امل ليا في اني افكره بيا وارجع حبه ليا تاني انتهي خلاص
نزلت دموعي بدون وعي وانا مش مصدقه اللي بيحصل قدامي وعلي قرب من مريم ومسك ايدها بحده وقال /مريم كفايه كده وتعالي معايا عاوزك و
سكت فجأه على جملتي اللي طلعت بصوت ضعيف وانا بحاول امنع دموعي من الهبوط قدامهم وقولت /مستر علي انا عاوزه اقدم استقالتي من الشركه لو سمحت
على سمعني وفتح بوقه بصدمه وزهول وقال /نعم انتي بتقولي اييه؟!!
#البارت_الثاني
بصيت عليها بصدمه لجمت لساني هو خطب امتي وازاي وانا شغاله هنا معاه ومعرف ده علي حب تاني وخطب يعني اخر امل ليا في اني افكره بيا وارجع حبه ليا تاني انتهي خلاص
نزلت دموعي بدون وعي وانا مش مصدقه اللي بيحصل قدامي وعلي قرب من مريم ومسك ايدها بحده وقال /مريم كفايه كده وتعالي معايا عاوزك و
سكت فجأه على جملتي اللي طلعت بصوت ضعيف وانا بحاول امنع دموعي من الهبوط قدامهم وقولت /مستر علي انا عاوزه اقدم استقالتي من الشركه لو سمحت
على سمعني وفتح بوقه بصدمه وزهول وقال /نعم انتي بتقولي اييه؟!!
وقفت وبصيت عليه بدموع لمعت في عنيا غصب عني وقولت /انا مش عاوزه اكمل شغل هنا في الشركه وهقدم استقالتي النهاردا من الشغل عن ازنكم
قولت كده وخرجت من المكتب بسرعه قبل ماانهار قدامهم وانا حاسه ان قلبي بقى بينزف بجد من الوجع معقول اللي استنيته العمر ده كله على امل انه يتعرف عليا ويفتكر حبنا من الطفوليه يطلع نسى كل حاجه بينا وحب وحده تاني وكمان خطبها يااه انا مش مصدقه بجد اللي شوفته قدام عنيا
دخلت الحمام علشان افرغ شحنات الدموع والحزن اللي جوايا وبعد وقت حسيت براحه شويه فخرجت ومضيت استقالتي ولميت كل حاجه تخصني في الشركه وانا مقرره اني لازم ابعد دلوقتي علشان اقدر اتخطى اللي حصلي ده يمكن ياجي يوم واقدر اتخطاه بس ازاي بقى وانا بقيت بحبه اكتر من نفسي كمان
اما على فكان واقف لسه مكانه وهو بيبص في اثر ريم بصدمه وعدم تصديق كأن اللي حصل مجرد وهم بس ودقيقه وهيلاقيها دخلت عليه تاني هي بتبتسم له زي العاده و
قاطعه افكاره مريم وهي بتحط ايدها على كتفه بحزن واسف وقالت /علي انا اسفه صدقني مكنتش فاكره انها هتعمل كده و
سكتت فجأه مريم بخوف من صوت علي اللي صرخ فيها بوجع ودموع بعد مااستوعب اخير اللي حصل معاه وقال /باااس مش عاوز اسمع منك كلمه تاني حرام عليكي يامريم انتي ليه عملتي كده ليه؟
حط ايده على وشه بعد ماحس ان دموعه نزلت ومريم قربت منه بندم وشفقه. قالت/والله ماكنت اقصد اللي حصل ده والله انا كنت فاكره لما هتسمعني بقول كده هتغير وتعترف لك بمشاعرها ريم بتحبك ياعلي صدقني انا لما دخلت شوفت الحب في عنيها وهي سارحه فيك علشان كده فكرت لما هقولها كده هتدافع عن حبها قدامي او حتي
قاطعها علي اللي قال بتعب ودموع /لو سمحتي يامريم امشي بس دلوقتي عاوز اقعد لوحدي
مريم باعتراض /لا مش همشي قبل مااصلح اللي عملته ده قولي بس عنوانها فين وانا هروح اقولها الحقيقه وهرجعها لك هنا كمان
على رفع عنيه ليها وقال /مالهوش لزوم دلوقتي يامريم انا كنت مخطط اعمل لها مفاجأه في عيد ميلادها اللي باقي عليه خمس ايام بس اعمل لها حفله كبيره هنا في الشركه وبعدها اعترف لها بمشاعري تجاهها وكمان اطلب ايدها بس حضرتك خربتي عليا كل ده بخطتك الفاشله دي
مريم نزلت رأسها في الارض بحزن وندم وقالت/طيب انا عندي فكره ممكن تساعدك اوي وتقربك منها اكتر كمان قولت ايه
علي بتردد/فكره ايه انا بقيت بخاف من خططك دي
ابتسمت له مريم بتخطيط وقالت /لا والله دي خطه جامده اوي اسمعها وهتعجبك انت كمان
على حط ايده على خده بقلق منها وقال /ها اتخفيني ياعبقيره
مريم ضحكت وقربت منه بخبث وقالت/ماشي يالمض مقبوله منك اسمع بقى خططي العظيمه بجد
وعلى الجهه الاخرى
وصلت البيت وانا بحاول ابين اني مش منهاره او زعلانه مثلا علشان ماما متقلقش عليا بس طبعا اول ماشوفتها فتحت ليا الباب لقيت نفسي بترمي عليها وانا بعيط بقوه زي طفله الصغيره
وهي طبعا انصدمت مني بس كانت صدمه متوقعه لاني في اغلب الوقت كنت برجع لها معيطه كده كمان وده بيحصل من اتفه الامور معايا بس المره دي ربنا سترها علشان اقدر اداري اللي حصل بيني وبين علي قدامها
بس قلب الام لازم يحس طبعا بحاله اطفاله وده اللي حصل امي بعدت عني ومسحت دموعي بحنيه وقالت /اتخانقتي مع علي مش كده ياريم اعترفي
بصتلها بصدمه هي عرفت ازاي هي انا واضحه كده اوي قدامها والا ايه فضلت ابص لها بتفكير ولما طولت في الرد عليها لقيتها بتبتسم ليا وقالت/تعالي معايا انا عارفه علاجك ايه ياقلب امك
ابتسمت ومشيت معاها لقيتها عامله اكل يجنن وريحه ملت البيت كله من طعامته وقعدتني على سفره المطبخ وقالت/اقعدي هنا وانا هحط لك الاكل اللي بتحبيه لانه ده تاني حاجه انتي بتحبيها بعد حبيبك علي مش كده
غمزه ليا وبعدها بدأت تحطي الاكل وانا عنيها غصب عني لقيتها بتدمع صحيح مفيش احن من قلب الام في الدنيا دي ابدا حطت الاكل وانا نزلت اكل بجوع رهيب ودي عادتي لما بدايق باكل كتير اوي
وبعد ماخلصت اكل امي اخدتي لاوضتي وقعدتي على السرير وقالت /ها بطنك اتملت دلوقتي علشان تعرفي تحكي بدون عزر حصل ايه بقى معاكي انتي وعلي في الشركه
بصتلها بحزن ودموع وبدأت احكي لها اللي معايا بكل تفاصيله ولما خلصت لقيتها ضمتني بحنان كبير وقالت /هوني على قلبك ياروحي وده نصيب يابنتي ومكتوب عليا نشوفه بصي انتي عملتي الصح انا عارفاكي مش هتقدري تقعدي معاه في مكان واحد بعد الخبر ده بس الزمن بينسي يابنتي صدقيني قومي بس صلي وادعي ربنا يهون عليكي وكله هيبقى تمام ياله قومي
سمعتها وحسيت ان كلامها هون عليا كتير فقومت واتوضيت وصليت وفضلت ادعي ربنا كتير اوي
وبعدها روحت في النوم من كتر التعب مره ساعه في ساعتين ولقيت نفسي بصحي على صوت حد بيكلم ماما بره الشقه وكان الصوت ده مألوف اوي بنسبالي فخرجت بلبس البيت علشان ابص من بعيد عليه
وهنا انصدمت لما لقيت علي واقف مع امي بره شقتنا وهو بيتكلم معاها وانا برقت بزهول وقولت /ايه ده انا بحلم صح حد يقولي اني لسه بحلم مش ده مستر علي والا انا لسه بحلم ايوه هو وقف مع ماما بيتكلم معاها ليه و
قاطع كلامي صوت امي اللي دخلت وقفلت الباب بسرعه وقالت /ريم انتي يابت واقفه بشعرك المنكوش وبجامتك المتبهدله كده ليه كسفتيني قدام علي بره هو بيضحك عليكي ياهبله
بصتلها وانا لسه بستوعب كلامها وقولت /نعم انتي قولتي علي قصدك نفسه مستر علي صح والا انا بتخيل ياماما
ضحكت امي علي شكلي وقالت /ههههه لا هو نفسه مستر علي ياهبله ها فوقتي والا اجبلك ميه تفوقي بيها احسن
رمشت بعيني بسرعه وعدم فهم وقولت /علي كان واقف معاكي بتتكلموا في ايه يافوزيه ؟!
ضحكت فوزيه وقربت منها وقالت بخبث/مفيش ياقلب فوزيه هو بس كان عاوز النسخه من مفتاح الشقه القديمه بتاعتهم اللي جبنا علشان يسكن فيها فتره كده و
فتحت بوقي بصدمه وزهول منها وقولت /وانتي ادتهوله مش كده يافوزيه بقى انا اهرب منه في الشركه علشان مقتلوش هو والسنيوره بتاعته يقوم ياجي هو يعيش جنبي هنا لا ده مستحيل وسعي ياحجه انا هبلغ عليه الشرطه المجرم ده وديني ماهسيبه النهاردا يانا ياانت ياعلي حكشه بقى في المنطقه دي
انفجرت امي في الضحك عليا وانا دخلت اوضتي ولبست دريس بسرعه وعليه طرحه بنفس اللون وخرج من البيت وانا ناويه عمل جريمه فيه النهاردا ابن سعاد فتكات ده ووو
البارت_الثالث_والاخير
فتحت بوقي بصدمه وزهول منها وقولت /وانتي ادتهوله مش كده يافوزيه بقى انا اهرب منه في الشركه علشان مقتلوش هو والسنيوره بتاعته يقوم ياجي هو يعيش جنبي هنا لا ده مستحيل وسعي ياحجه انا هبلغ عليه الشرطه المجرم ده وديني ماهسيبه النهاردا يانا ياانت ياعلي حكشه بقى في المنطقه دي
انفجرت امي في الضحك عليا وانا دخلت اوضتي ولبست دريس بسرعه وعليه طرحه بنفس اللون وخرج من البيت وانا ناويه عمل جريمه فيه النهاردا ابن سعاد فتكات ده
طلعت ووقفت قدام شقته وانا بستعد للهجوم عليه بس بمجرد ما فتح الباب قدامي وبصيت عليه حصوني كلها اتهدت وتنحت بشده فيه وهو قاعد بلبس البيت اللي اول مره اشوفه عليه من وقت ماكبر وبقى شاب طبعا كان لابس تيشرت قطن نص كم ضيق على عضلات زراعي اللي اول مره الاحظها من قرب وبنطلون جينز ماركه طبعا بعد مابقى مدير شركه الله يرحم زمن علي حكشه ابو منطلون مقطع وتيشرت متبهدل وعليه كوم تراب و
/على فكره اللي بتعمليه ده حرام ياانسه يامحترمه
فقت على صوته وبعدت عنيا عنه بسرعه وقولت/احم نعم قصدك ايه؟!
علي ببسمه/قصدي على سرحانك فيا ده مش اسمه حرام برضو والا ايه؟
اتحرجت لا دنا هموت من الاحراج قدامه ونفسي الارض تتشق وتبلعني دلوقتي حالا بس لازم اتصرف ايوه انا طالعه اتخانق معاه اصلا مش كده والا ايه
ريم بغضب /ايوه صحيح انا خارجه علشان اتخانق معاك مش اسرح فيك على فكره
ابتسم بخبث وقال/تمام اتفضلي اتخانقي معايا بس قوليلي الاول انا عملت ايه معاكي علشان اقدر ادافع عن نفسي قدامك
بصيت فيه بتفكير ايه ده هو قلب الطربيزه عليا والا ايه لا لا احنا متفقناش على كده يارورو اجمدي كده قدامه يابت
جمعت نفسي بصعوبه وانا في صراع جوايا وقولت بحده /انت ازاي عاوز ترجع تعيش هنا بعد السنين دي كلها وبعدين مش البيت ده بقى مسكون اه صدقني بقى مسكون وباليل بسمع اصوات قطط بتتخانق جوه الشقه دي صدقني
ضحك بصوت رجولي قوي على كلامي وانا سرحت فيه تاني من جمال ضحكته هو اصلا كل حاجه فيه حلوه بجد
/رجعتي تاني تسرحي فيا مش كده
بصيتله بعد مابعت عيوني عنه وحمحمت باحراج وقولت /احم محصلش انت اللي بتتوهم ده انا بس كنت
سكت لما قاطعني ببسمه وخبث /كنتي جايه تتخانقي معايا علشان الشقه بقت مسكونه دلوقتي مش كده
ريم بتزكر /ايوه صح عندك حق بس مدام انت رجعت علشان تسكن فيها شغل قرأن علطول دي نصيحه مني يعني سلام عليكم
مشيت وانا مهزومه قدامه بسبب غبائي وحبي الكبير له وعلى ابتسم على شكلي وانا بهرب من قدامه ودخل الشقه تاني وقال /لسه قاعده مجنونه زي ماانتي ياريم وده اللي بموت فيه في شخصيتك ياقمري
خلص كلامه وتوجه لغرفه النوم بتاعته علشان ينضفها لانها كانت وسخه اوي
اما ريم فرجعت البيت وهي متغاظه اوي من نفسها وتصرفاتها قدامه وبدأت زي العاده تكلم نفسها وتقول:الله يخرب بيتك ياريم ده انتي كشفتي نفسك قدامه يابت فين الكرامه والكارزمه بتاعتك كده نسيتي كل حاجه قدامه صحيح الحب اعمي والله و
قاطعني صوت ماما وهي بتقول /ياحسره قلبي عليكي يابنتي ايه ده انتي بقيتي بتكلمي نفسك ياريم
رديت عليها ببسمه وقولت /برضو ده سؤال ياست الكل طبعا بقيت بكلم نفسي وكل ده بسبب اللي مايتسمي علي حكشه ده
ضحكت امي عليا وقالت /ماشي يامجنونه ادخلي بقى المطبخ علشان نحضر العشاء سوى
ريم بطاعه /حاضر هغير هدومي بس دقيقه يامامي
دخلت وغيرت هدومه وبعد وقت كنت حضرت العشاء مع امي وطلعت جهزت السفره وحطيت عليها الاكل ولسه هدخل اوضتي علشان اخد شور واغير هدومي سمعت صوت ماما وهي بتقول /اتفضل يابني البيت بيتك ده احنا عملنا عشاء يستاهل بقك النهاردا ادخل ياعلي متتكسفش يابني
سمعت كلامها وعنيا وسعت بزهول وصدمه هي قالت على والا انا بتخيل الكلام ده لا ده هو فعلا على يانهار اسود ده دخل البيت وجاي هنا كمان وانا واقفه بشكل المتبهدل ده قدامه و
قاطع افكاري صوت على اللي وقف متسمر في مكانه من الصدمه طبعا وقال /ريييم ايه ده انتي ريم بجد
ياحلاوتك ياريم اهو ده اللي كان ناقص معايا بجد قالوا الجري نص الجدعنه بس في الوقت ده اقدر اقول ان الجري هو الجدعنه كلها ياجماعه
هربت طبعا وانا مش عارفه جريت على انهي اوضه قدامه ولسوى حظى طلعت اوضه امي مش اوضتي بس هعمل ايه بقى مش مهم دخلت حمام ماما اللي في الاوضه وبعد مااخدت شور سريع طلعت وانا بدور في هدووم امي على حاجه مناسبه ليا بس للاسف ملقتش غير العبايات بتاعتها وكانوا واسعين اوي عليا بس انا لازم اتصرف برضو
اخدت وحده منهم وجبت دبابيس بحاول بيهم اضيقها شويه علشان مقعش بيها وبعد مجهود قدرت اظبطها شويه ولفيت طرحه نفس اللون عليا وطلعت من الاوضه وانا شبه الملاك طبعا بعد مانضفت اخيرا
دخلت غرفه السفره اللي قدام اوضتي وانا هموت من الكسوف بس عملت نفسي كأن شي محصلش وقعدت معاهم وانا عنيا في الاكل بس لغايه ماقالت امي بصدمه
/ايه ده ياموكوسه مش دي عبايتي برضو يابت
بصيت عليا بصدمه والاكل وقف في بوقي لغايه ماشنقت بقوه وهنا على قرب مني ومد ليا كبايه الميه وهو بيقول /اهدي مالك حصل خير اهدي ياريم
بصيتله بحب واحراج وشرب منه الميه لغايه ماهديت شويه وبعدها وقفت بكسوف وقولت /عند ازنكم انا شبعت هروح انام بقى تصبحو على خير و
قاطعني صوت علي اللي قال بصرامه /والله ماانتي متحركه من هنا قبل ماتخلصي اكلك ده كله والا انا هخرج من البيت دلوقتي
بصيت عليه بصدمه وامي قالت /اقعدي ياريم عيب كده يابنتي ده ضيف عندنا ميصحش كده
قعدت جنبهم تاني وانا مركزه في الاكل بس وفجأه سمعت صوت على هو بيقول ببسمه/ها ياحماتي امتي احدد موعد الخطوبه بقى لان الوقت قرب اوي وانا مش حابب اتأخر اكتر من كده
عنيا برقت من كلامه هو قال حماتي وكمان موعد خطوبه هو بيتكلم عن مين باظبط يعني
ردت امي عليه ببسمه وقالت /في أي وقت مناسب معاك يابني احنا العروستنا جاهزه وكل حاجه هنا تمام
على ابتسم لها وانا طبعا كنت قاعده قدامهم زي الاطرش في الزفه بس لا كده الصوره وضحت قدامي وانا مش هسكت لازم اتدخل وافهم بيحصل ايه هنا
وقفت وبصيت على علي بصدمه وقولت /ممكن افهم ايه اللي بيحصل هنا ده انتو بتتكلموا على مين هنا؟!
علي ضحك على غبائي طبعا ووقف قدامي وطلع خاتم من جيبه شكله تحفه اوي ومسك ايدي ببسمه وقال:تقبلي تتجوزيني ياريم
بصيتله بصدمه وهزيت رأسي بهدووء وعلى لبسني الخاتم وقال /كده كل حاجه بقت تمام وبكره نعمل الخطوبه وكتب الكتاب مع بعض والا انتي رأيك ايه ياحماتي
امي سمعته وضربت زغروطه كبيره في المكان وهنا انا فقت وبصيت عليه بصدمه وعدم فهم وقولت /لا استني هنا انا مش فاهمه حاجه انت مش برضو خاطب اللي اسمها مريم دي و
قاطعني دخول مريم الشقه وهي بتقول بفرحه /الف مبروك ياحبيبي وربنا يتمم ليك على خير
بصيت لها بصدمه وعلي ضحك على شكلي وقال /هههه مش قادر والله شكلك يموت من الضحك بس انا هفهمك دي تبقى مريم بنت خالتي ومرات احمد اخويا الكبير ها وصلت لك الفكره دلوقتي
فتحت عنيا بزهول وقولت بصدمه /بنت خالتك ومرات اخوك احمد انت بتتكلم بجد
ابتسم على وقرب مني بحب وقال /ايوه بتكلم بجد ياريم انا عنيا وقلبي مشفش غير بنت وحده بس في حياته كلها والبنت دي تبقى انتي يابنت قلبي
عنيا دمعو من الفرحه وانا مش مصدقه نفسي علي بيحبني كمان زي مانا بحبه ده احلا يوم في حياتي بجد
وفي اليوم التالي عملنا اكبر خطوبه وكتب كتاب في الحاره كلها ويوم عيد ميلادي عملنا فرحنا في اكبر قاعه في البلد كلها وانا كنت في وقتها اسعد بنت في الدنيا كلها بوجود نصفي التاني جنبي
على قرب مني وقبل ايدي برومانسيه وقال /انا بحبك اوي ياقلبي وحياتي الباقيه
رديت عليه بحب وقولت /وانا كمان بحبك اوي ياقلبي وعمري القادم
وكده خلصت قصتنا كنتم مع اسكريبت انتي حياتي الباقيه بقلم نور محمد دمتم سالمين وكل سنه وانتو طيبين ❤🙃
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق