رواية أحببته رغم كبريائي بقلم مريم محمد الفصل الاول والثاني والثالث والرابع حصريه وجديده على مدونة النجم المتوهج
 |
الأنسة الي بتتكلم ورا اتفضلي اطلعي بره
بصت حواليها تتأكد اذا كان الكلام ليها ولا لحد غيرها
اتكلمت اخيرا لما لاحظت ان الكلام ليها و هي بتسأل و بتقول
حبيبه...انا يا دكتور؟
رد عليها بكل ضيق و غضب هو بيقولها
مروان...ايوا و اتفضلي بره متعطليش المحاضرة اكتر من كدا
شالت الدفتر ف الشنطة و خدت شنطتها و مشيت كل دا تحت انظار الكل الي كانوا مستغربين جدا
اتكلم الدكتور بعد خروجها و قال
مروان..نرجع نكمل المحاضرة تاني ....
و بدأ يكمل شرحه بعد م لاقى الكل رجع ركز تاني
بصت كارولين لمايفن بمعنى انهم السبب و مايفن زعلت جدا عشان حبيبه
.....استغفر الله العظيم و اتوب اليه عدد خلقه و رضا نفسه و زنة عرشه و مداد كلماته
بعد م خرجت من المدرج راحت على كافيتيرا الجامعة الي كانت يعتبر فاضية مفهاش ناس كتير
لاقت طربيزه منعزلة عن الباقيين راحت راحتلها
فضلت بتدون حاجات ف النوته الصغيره بتاعتها من مهام المفروض انها هتخلصها انهارده
عدا وقت و بصت ف ساعة ايدها لاقيتها 2 و نص اتخضت و شالت النوته و مشيت و هي بتكتب رساله لكارولين و بتقولها
حبيبه..." كارولين انا همشي عشان متأخرش على الشغل ابقي عدي عليا المحاضرة انتي او مايفن ".
...لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته
كانت مركزه ف الشرح لحد م سمعت صوت تليفونها بيعلن عن وصول رساله
بصت ف التليفون بحذر عشان مروان ميشوفهاش و يطردها من المحاضرة هي كمان
و اتفاجئت لما لاقت رسالة حبيبه
كتبتلها بسرعه و هي بتقولها
كارولين.." ازاي يعني يا حبيبه لسه في محاضرة تانيه متنسيش امتحان الميدتيرم..؟؟؟ "
بعتت الرساله و سابت التليفون بسرعه و مايفين لاحظت دا و بصتلها و هي بتهز دماغها بمعنى في ايه
اتكلمت كارولين بصوت واطي و هي بتقول
كارولين...حبيبه مشيت
هزت راسها بمعنى ماشي و كإنها متعوده على كدا اتكلمت كارولين و هي بتقولها برضو بنفس نبرة صوتها عشان مروان ميسمعهاش
كارولين...هتمتحن ازاي دي
هزت مايفين راسها يمين و شمال بمعنى معرفش
....اللهم صل و سلم و بارك على سيدنا محمد و على اله و. صحبه و سلم عدد خلقه و رضا نفسه و زنة عرشه و مداد كلماته
كانت بتكلم مامتها ف التليفون بعد م ركبت تاكسي عشان يوصلها لحد المطعم
حبيبه...انا رايحه المطعم اهو و ان شاء الله على الساعه تسعه كدا هبقى ف البيت
اتكلمت حنان باستغراب و هي بتقول
حنان...انتي مش لسه عندك محضرتين؟
هزت حبيبه راسها بتأكيد و قالتلها
حبيبه...كارولين هتعدي عليا المحاضره هذاكرها و خلاص
هزت حنان راسها بقلة حيلة و هي بتقولها
حنان...طيب يا بنتي
ابتسمت حبيبه و حنان كملت كلامها و هي بتقولها
حنان...حاولي متتأخريش انهارده اخوكي جاي
ظهر على ملامحها الفرحة و هي بتقولها
حبيبه...بجددددد
ابتسمت حنان و قالتلها
حنان...ايوا متتأخريش بقى
هزت راسها و قالتلها بفرحه
حبيبه...حااضر
قفلت مع مامتها و دخلت على الواتس و منه على شات اخوها و هي بتقوله
حبيبه..." اهلا اهلا بالي جايين انهارده "
معداش دقايق و لاقيته رد و هو بيقولها بضحك
اسلام..." تلاقيكي عايزاني اجي عشان تشوفي نوح و ايناس "
ضحكت و قالتله
حبيبة..." اكيد طبعا دول حبايب عمتو ."
عملها قلب على الرساله بتاعتها و هي كتبتله قبل م تقفل و عشان تحاسب السواق و تدخل المطعم
حبيبة..." هاتلي معاك مشبك و هريسة و انت جاي "
و حسبت السواق و نزلت من العربيه سمعت صوت تليفونها بصت لاقيت اخوها كتبلها
اسلام.." عيوني ليكي يا بوبه "
ابتسمت بفرحة لأن من و هي صغيره كانت لما تطلب من اخوها يجيبلها اي حاجه كان بيقولها نفس الكلمة دي
و دخلت المطعم بسرعه عشان متتأخرش و يتم خصم مرتبها
...سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته
ف الكلية
بعد وقت مش قليل خلصت المحاضرة و خرجت كارولين و مايفن و هما رايحين للكافيتريا
اتكلمت مايفين و هي بتقول
مايفين...انا مضايقه اوي عشان حبيبه بجد
هزت كارولين راسها بمعنى و انا كمان و قالت
كارولين..اصلا كان المفروض احنا الي نتطرد مش هي احنا الي كنا بنتكلم و هي بس ردت علينا
مايفين....حظها بقى ان دكتور مروان خد باله
هزت كارولين راسها و كانت اسه هتتكلم لس قاطعها صوت بنت تانيه و هي بتقول لمايفن
رودينا...هاي ازيك
هزت مايفن راسها بابتسامة مجاملة و قالتلها
مايفن...الحمدلله
ابتسمتلها رودينا و قالتلها
رودينا...انتي نيفين صح؟؟؟
ردت عليها مايفين بتصحيح و هي بتقولها
مايفين...مايفين..؟
رودينا...اه طب على كدا بقى انتي مسلمة ولا مسيحية... ؟؟ ووووو
2
و انتي بقى على كدا مسلمة ولا مسيحيه؟؟؟
كان دا سؤال رودينا الي نزل زي الصدمة على كارولين الي بصتلها بدهشه من سؤالها
ومايفين ردت عليها بضيق و سخريه و هي بتقول
مايفين...هو بجد لسه في ناس بتسأل الاسئلة دي ..؟؟
هزت رودينا كتفها باستغراب و هي بتقولها بكل بجاحة
رودينا...اه عادي سألتك سؤال و مستنيه الاجابه
هزت مايفين راسها و قالتلها بابتسامة ثقة
مايفين...و انتي بقى مستنياني اقولك اني مسلمة عشان تقوليلي اومال مش محجبة ليه ولا مستنياني اقولك اني مسيحية عشان تهزيلي دماغك و تمشي ..؟
سكتت رودينا و بعدين قالت
رودينا...عادي كان مجرد سؤال و كنت مستنيه اسمع اجابته مكنتش اعرف اني هسمع كل القصيدة دي
مايفين...و انا معنديش اجابات ليكي لأن معرفتك مش هتفيدك بحاجه ف ياريت متسأليش حد السؤال دا تاني عشان متتسببيش لنفسك باحراج و تسمعي برضو قصيدة شبه دي
بصت لكارولين و قالتلها
مايفين...يلا نلحق نطلب اكل قبل م المحاضرة تبدأ
هزت كارولين راسها و قاموا مشيوا و سابوا رودينا هتموت من غيظها من رد مايفين عليها
....سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته
كانت مايفين ماسكه المنيو و بتختار تطلب ايه لحد م قطع تركيزها صوت كارولين و هي بتقولها
كارولين....مقولتلهاش ليه انك مسلمة...؟
مايفين...عشان تتعلم بعد كدا تحترم نفسها و متسألش اسئلة اجابتها ولا هتفيدها ولا هتضرها بحاجة
ضحكت كارولين و قالتلها
كارولين...لا بس حلو ردك عليها ...انا مشوفتش بجاحه كدا جايه تسألك مسيحية ولا مسلمة و شايفاني قاعده معاكي و هي عارفاني و عارفه اسمي
ابتسمت مايفين و قالتلها
مايفين...فكك خلاص موضوع و راح
هزت راسها بتأكيد و قالتلها
كارولين...يلا نطلب الاكل بقى احسن انا ممكن امو.ت من الجوع دلوقتي
ضحكت مايفين عليها و قالتلها
مايفين...طيب طيب
ابتسمت كارولين و قالتلها
كارولين...لولا محاضرة دكتور ياسر كنا روحنا المطعم عند حبيبه احسن
هزت مايفين راسها بتأكيد و قالتلها
مايفين...ايوا
و رجعت بصت للمنيو تاني و هي بتشوف هتطلب ايه
...استغفر الله العلي العظيم الذي لا اله الا هو الحي القيوم و اتوب اليه عدد خاقه و رضا نفسه و زنة عرشه و مداد كلماته
بعد كام ساعة
كانت حنان واقفه ف المطبخ بتعمل الغدا جت مليكة بنتها الي كانت بره البيت و هي بتقولها بابتسامة
مليكة...و انا عماله اقول مين الي عامل الطبيخ الي ريحته خطيرة دا
ضحكت حنان و قالتلها
حنان...طب يلا تعالي ساعديني عشان نلحق نخلص الاكل قبل م اخوكي يجي
هزت راسها بمعنى ماشي و قالتلها
مليكة...فوريره
رفعت ايديها الي كان فيها اكياس و قالتلها
مليكة...جبت معايا دقيق البسبوسة عشان اعملكوا البسبوسة بتاعتي
ابتسمت امها عليها و قالتلها
امها...اسمه دقيق سميد يا هبله
ضحكت مليكة و قالتلها
مليكة...اهو دقيق و خلاص
و بدأت تساعد امها ف الاكل
....سبحان. الله و بحمده سبحان الله العظيم عدد خلقه و رضا نفسه و زنة عرشه و مداد كلماته
كانت واقفه ف مطبخ المطعم و هي بتابع كل حاجه زمايلها بيعملوها عشان كل حاجه تكون مظبوطة
قطع تركيزها صوت زميلتها و هي بتقولها
فيروز...حبيبه روحي شوفي طربيزه رقم 5
هزت راسها و خدت النوته و خرجت
بس وقفت ف مكانها بصدمة لما لاقيت وووو
3
وقفت مكانها بصدمة لما شافت ان صاحب الطربيزه دكتور مروان
مكنتش عارفه تعمل ايه
فاقت من دهشتها على صوت زميلتها و هي بتقولها
فيروز...في ايه يا حبيبة م تخلصي ولا انتي عايزه تتجازي بقى
هزت راسها بنفي و قالتلها
حبيبة...م هو اصل ...
قاطعتها فيروز و هي بتقولها
فيروز...بلا اصل بلا فصل اخلصي يا حبيبه
هزت راسها بتردد و مشيت و هي متجهه لطربيزة رقم 5
وقفت قدام الطربيزه بعد م شجعت نفسها و اقنعت نفسها انها بره الجامعة و دي حياتها عادي و كل الناس بتشتغل
حمحمت قوتها و قالت
حبيبة...تطلب ايه يا فندم
مكنش مركز كان بيشوف الاكلات الي ف المنيو لحد م استقر على اكلة معينة و قال من غير م يبصلها حتى
مروان...بشاميل و معاها اي كان مش فارقة
قال جملته و مسك تليفونه و هي كتبت طلبه و قالته
حبيبة...تمام اي حاجه تانيه..؟
مردش عليها ولا بصلها اصلا مجرد انه شاورلها بأيده انها تمشي و خلاص
هزت راسها و مشيت و هي بتقول بضيق
حبيبة...ابو التكبر الي انتي فيه يا شيخ
كانت فيروز خارجة بأوردر و شافتها و هي باين عليها الضيق
استغربت جدا و قالتلها
فيروز...ايه دا مالك في ايه
ردت عليها بزهق و هي داخله المطبخ و بتقولها
حبيبة....بلا مالي بلا زفت
قالت جملتها و اختفت ف المطبخ
فيروز...هبله دي ولا ايه
هزت راسها يمين و شمال و راحت تودي الأوردر للناس عشان متتأخرش عليهم اكتر من كدا
.....سبحان الله و بحمده سبحان الله العظيم
-.ماما ..يا ماما
كان صوت الطفلة الصغيره صاحبة ال4 سنوات
كانت بتقولها بكل فرحه و هي بتنططت على سريرها الصغير و هي شايفه امها بتنقيلها فستان من فساتينها الصغننه
بطلت تنططيت و قعدت على السرير بعد م كرمشت ملامح وشها بزعل طفولي و قالتلها
ايناس...شكرا يا ماما
لاحظت كاميليا امها زعل بنتها المفاجئ و ستبت الفستان و راحتلها
قعدت جبمها و مسكت ايدها و هي بتقولها بحنان
كاميليا...مالك يا روح ماما...ايه زعلك بس
بصتلها ايناس بحزن و قالتلها
ايناس...انتي مش بتردي عليا ليه
ابتسمتلها كاميليا و قالتلها
كاميليا...مكنتش مركزة كنت بختار فستان حلو لأحلى ايناس ف دنيا دي كلها
ابتسمت ايناس بحب و حضنتها و هي بتقولها
ايناس...انا بحبك
ضحكت كاميليا و قالت
كاميليا...و انا اكتر يا روح ماما
بصتلها ايناس و قالتلها
ايناس...عايزه اشرب عصير
كاميليا...داوقتي لا انتي بتدلقيه و بتبهدلي نفسك استني لما انا اشربهولك انتي لسه مغيره البيجامه
هزت ايناس بنفي و قالتلها
ايناس...لا مش هدلقه متخافيش
بصتلها كاميليا و هزت راسها بقلة حيله و دخلت المطبخ تصبلها العصير
رجعت بعد ثواني و قالتلها
كاميليا...اتفضلي
كملت بتحذير و هي بتقول
كاميليا...و اياكي توقعيه
هزت ايناس راسها و خدت منها الكوباية و كاميليا راحت تشوف الطقم لبنتها
كاميليا...تخبي تلبسي انهي يا نوسه الدريس الموف ولا البينك
بس مكنش في اي رد
كاميليا...ايناس..؟
سمعت صوت اقدام صغيره بتمشي ببطئ بصت ناحية سرير بنتها لاقيت كوباية العصير مدلوقة على السرير و بنتها مش موجودة الاوضة اصلا
كاميليا....ايناااااااااس
و ف اللحظة دي كان باب الشقة بيتفتح و دخل اسلام
خرجت كاميليا تشوف ايناس لاقيتها خارجه من ورا الكنبه و بتجري ناحية باباها بخوف
اتخض اسلام لما شافها كدا و بدون اي مقدمات من غير حتى م ياخد باله من هدومها الي بقت كلها عصير شالها و هو بيقولها
اسلام...مالك يا نوسة خايفه من ايه
مردتش بس كاميليا قالت بغضب
كاميليا...خايفه من ايه ..؟ بص كدا على البيجامه بتاعته
بص اسلام على البيجامة الي كان لونها بقى لون العصير
بص لبنته بلوم و قالها
اسلام...ينفع كدا ؟
بصت ايناس لكاميليا بخوف و كاميليا قالت بغضب
كاميليا...اهي بهدلت هدومها و السرير و قميصك بالعصير كل دا عشان قولتلها استني انا هشربك العصير راحت اتقمصت و زعلت
دمعت عيون ايناس و عيطت و دا خلا اسلام ينسى غضبه منها
طبطب عليها و قال لكاميليا
اسلام...خلاص يا كاميليا حصل خير متزعقيلهاش من فضلك
رده كان هيخلي كاميليا تتجنن و قالتله بضيق
كاميليا...هي كل م هتعيط هتقولي متزعقيلهاش اومااال اسيبها تكرر غلطها يعني ولا ايه
ردت عليها ايناس بصوتها الي كان كله شهقات بسبب عياطها و هي بتمسح دموعها و بتقول
ايناس...انتي شريرة
اتصدمت كاميليا من رد بنتها و اسلام الي ضحك على شكل كاميليا طبطب على بنته و قالها
اسلام...مش عايزك تعيكي تاني اوكيه
هزت ايناس راسها و قالتله
ايناس...حاضر
ابتسم اسلام و كاميليا قالتلها بهدوء و حب
كاميليا...تعالي يا ايناس
بس ايناس كانت خايفه احسن كاميليا تزعقلها او تضربها و مرضيتش تروحلها
ابتسمتلها كاميليا و قالتلها
كاميليا...تعالي متخافيش مش هزعقلك
راحتلها ايناس بخطوات بطيئة من عدم ثقتها ان امها مش هتزعقلها
شالتها كاميليا و باست راسها و قالتلها
كاميليا...بعد كدا لما اقولك على حاجه تسمعي الكلام اوكيه
خزت ايناس راسها و قالتلها
ايناس...سوري
ابتسمت كاميليا و اسلام قال
اسلام...يلا اجهزوا عشان منتأخرش
هزت كاميليا. راسها و قالتله
كاميليا...حاضر
....لا اله الا الله محمد رسول الله
عدى نص ساعة كانت حبيبة خلصت شغلها و سلمت على زميلاتها و مشيت
خرجت من المطعم و وقفت تستنى اي تاكسي يروحها
مسكت تليفونها و رنت على مامتها
حبيبه...الو
ردت عليها حنان و هي بتقولها
حنان...الو يا حبيبه انتي فين دلوقتي
ابتسمت حبيبه و قالتلها
حبيبه...خلصت شغل اهو و جاية مستنيه بس اي تاكسي و هاجي على طول
هزت حنان راسها و قالتلها
حنان...ماشي يا حبيبتي متتأخريش بقى
ابتسمت حبيبه و قالتلها
حبيبه...حاضر
و قفلت اامكالمة و هي لسه مستنيه تاكسي
ف الوقت دا كانت خلصت فيروز الشغل هي كمان و خرجت من المطعم
كانت هتمشي بس راحت ناحية حبيبه لما لاقيتها واقفه
فيروز...انتي لسه مروحتيش
ابتسمت حبيبه بسخرية و قالتلها
حبيبه...انتي شايفه في عربيات اوي يعني
سكتت فيروز و هي مش عارفه تقولها ايه فعلا مكنش في اي مواصلات بتعدي
لاحظت حبيبه وجودها قالتلها
حبيبه...مش هتروحي؟
هزت فيروز راسها يمين و شمال بنفي و قالتلها
فيروز...مش هسيبك لوحدك اكيد
ابتسمت حبيبه و قالتلها
حبيبه...لا روحي شكلي هستنى كتير
مردتش عليها و كأنه رفض لطلب حبيبه
بس اتكلمت بتساؤل و هي بوقولها
فيروز...حبيبه هو انتي ليه مبتروحيش بالمترو؟؟
بصتلها حبيبه بطرف عينيها و قالتلها
حبيبه...عادي
ابتسمت فيروز بخبث و قالتلها
فيروز...لا كدا مش عادي قولي
نفخت حبيبة بزهق و قالتلها
حبيبه...انتي الواحد ميعرفش يخلص منك ابدا
ضحكت فيروز و هي بتقولها
فيروز...ايوا و اخلصي و احكي
حبيبه...عندي فوبيا او بمعنى اصح عقده
استغربت فيروز جدا و قالتلها
فيروز...ايه دا ليه
ضحكت حبيبه و هي بتفتكر و قالتلها
حبيبه...و انا صغيره وقعت على السلم الكهربائي
ابتسمت فيروز عليها و قالتلها باستغراب
فيروز...دا سبب يخليكي تخافي من المترو ؟؟
هزت حبيبه راسها يمين و شمال بنفي و قالتلها
حبيبه...يا بنتي انا اصلا بخاف من اي حاجه سريعة زي القطر و المترو و كدا عشان شوفت عربيه كانت ماشية على الطريق بسرعة و اتقـ ـلبت ف بقيت بخاف بقى
هزت فيروز راسها و قالتلها
فيروز...ايوا فهمتك
كملت كلامها و هي بتقولها
فيروز...طب انا هروح مترو تعالي روحي معايا
هزت راسها بنفي و هي بترجع لورا و قالتلها
حبيبة...استحاااله
ضحكت فيروز و قالتلها
فيروز...يا بنتي م انا هروح معاكي
راحت حبيبة و سندت ضهرها على عربيه كيا سوده كانت راكنه قدام المطعم و قالتلها
حبيبة...روحي انتي يا حبيبتي انما انا مش هروح بالمترو انسي
هزت راسها بيأس منها و قالتلها
فيروز...طيب ياختي ادينا مستنيين اهو
ابتسمت حبيبه و سكتت بص اتصدموا لما لاقوه صوت غاضب بيوجهه كلامه لحبيبه و هو بيقول
مروان...انتي يا بنتي انتي متخلفه ولا ايه بالظبط ...؟؟؟
رغم صدمتها لما لاقيته دكتور مروان الا انها مقبلتش الاهانه لنفسها و قالتله
حبيبه...حضرتك بتكلمني انا...؟؟؟؟
رد عليها بكل غضب و هو بيقول
مروان...انا مش كل م هاجي اكلمك تقوليلي حضرتك بتكلمني انا اه بكلمك انتي و بدل م تقربي من عربية الناس و تجيبي التهزيق لنفسك ... ولا انتي اصلا شكلك متعوده على التهزيق
كمل كلامه و هو بيقول بقرف
مروان.... اياكي تكرري عملتك دي تاني عشان مقطعش عيشك من المطعم مع ان شوية الملاليم ملهمش اي تلاتين لازنة دول ميكفوش حتى مصاريف جامعتك وووو
تفتكروا ردة فعل حبيبه هتبقى ايه؟
استغفر الله العلي العظيم الذي لا اله الا هو الحي القيوم و اتوب اليه عدد خلقه و رضا نفسه و زنة عرشه و مداد كلماته
4
كانت واقفه مصدومة جدا من كلامه ليها و مزهوله من اهانته ليها بالشكل دا
فاقت من زهولها على صوت فيروز الغاضب و هي بتقول لمروان
فيروز...انت ازاي تتكلم كدا اصلا انت اتجننت...
قاطعتها حبيبه و هي بتقولها
حبيبه...استني انتي يا فيروز
وجهت كلامها لمروان و هي بتقول بكل ثقة
حبيبه...شوية الملاليم الي مش عاجبينك دول انا راضية بيهم
كملت بنبرة كلها سخرية و هي بتقول
حبيبه...مش احسن م اكون مغرورة و مريضة نفسيا ...
من كتر دهشته من كلامها مكنش عارف يرد عليها حتى ..هو متخيلنش انها هتكون عندها ثقة بنفسها اوي كدا كان فاكرها زي اي واحده لما حد يزعقلها هتعتذر و تعيط و خلاص
ملحقش يفوق من صدمته الاولى و اتصدم صدمته التانيه من تكملة كلامها و هي بتقول
حبيبه....ممعييش تل فلوس اه بس ربنا رزقني بالقناعة و عمري م افتكري اني ان شاء الله لما ربنا يكرمني و يكون معاها فلوس كتير اني اقول كلام من وجهة نظري انه هايهين الي قدامي تؤ مش انا الي اعمل عشان انا الحمدلله معنديش عقد نفسية بتطلعها على غيري يا..
كملت بسخرية و هي بتقول
حبيبه...يا دكتور جامعة يا مثقف
كانت فيروز مبتسمة بفرحة على كلام صاحبتها و مبسوطة انها عرفت تاخد حقها
هز مروان راسه بحقد و قالها
مروان...لا و دكتور ليه بقى يا محترمة هو في واحده محترمه تكلم دكتورها ف الجامعة كدا اصلا
اتصدمت فيروز و بصت لحبيبه و هي بتتأكد من كلامة
ردت عليه حبيبه و هي بتقول بكل ثقه و هدوء
حبيبه...احنا مش ف الجامعة و طول م احنا مش ف الجامعة يبقى زيك زي اي حد
ابتسمت و هي بتقول
حبيبه...بمعنى ان الحد دا لو اتكلم معايا بأسلوب معجبنيش زي الي حضرتك اتكلمت بيه دلوقتي يبقى تاخد على دماغك انا مش من البنات الي بتخاف و تقبل الاهانة لنفسها تؤ انا حبيبه...حبيبه الكيلاني تمام..؟
اتحولت ملامحة لغضب جحيـ ـمي الي كان يشوف ملامحه كان يحلف انه هيقـ ـتل اي حد قدامه من كتر غضبه
._تاكسي
كانت كلمة فيروز الي لاقيت اخيرا تاكسي معدي هي المنقذ لحبيبه و ف ثواني اول م التاكسي وقف شدت فيروز حبيبه بسرعة و دخلتها العربية و قعدت جمبها و قالت للسواق
فيروز...اطلع بسرعه يلااا
السواق...حاضر حاضر
و بالفعل اتحرك بالعربية بسرعة جدا كل دا و كان مروان لسه ف مكانه دمة عمال بيتـ ـحرق كل م يفتكر كلام حبيبه
بعد ثواني التاكسي بعد عن المطعم
بصت فيروز من الشباك تطمن ان عربية مروان مش وراهم
اتنهدت و هي حسه بالامان لما ملقتهاش
بصت لحبيبه لاقيتها باصة للشباك و ساكته
فيروز...حبيبة
بصتلها حبيبه و متكلمتش و فيروز ابتسمتلها و قالتلها
فيروز...جدعه اوي انك مسبتيش حقك دا انسان متعجرف اوي
هزت حبيبه راسها و منطقتش ب ولا كلمة
فيروز...حبيبه مالك ساكته ليه..؟
هزت راسها بنفي و غمضت عينيها و هي بتسند راسها لورا و سكتت لأنها كانت حسه انها لو نطقت بحرف حتى دموعها هتنزل من عيونها زي السيول
سكتت فيروز و متكلمتش بس كانت زعلانه عليها
فيروز...انتي كدا هتروحي الجامعه بكره؟؟
بس مكنش في اي رد من حبيبه و لا حتى بصتلها
اتنهدت فيروز و سكتت و بصت للشباك
.....سبحان الله و بحمده اشهد ان لا اله الا الله
بعد ساعة كانت حبيبه وصلت البيت
طلعت على السلالم و هي حسه انها هتقع
كلمت نفسها و هي بتقول بتعب
حبيبه....امتى بقى هيرحمونا و يعملولنا اسانسير ..كل يوم اطلع على رجعلي عشر ادوار كدا
وقفت قدام شقتها و رنت الجرس
بعد ثواني كانت امها بتفتحلها الباب
سلمت عليها و كانت مبتسمه عشان محدش ياخد باله ان في حاجه مزعلاها
حنان...مفتحتيش بالمفتاح ليه
ابتسمت حبيبه و قالتلها
حبيبه..معلش حقك عليا
حنان...ولا يهمك يا حبيبتي
و قفلت الباب سلمت حبيبه عليهم كلهم و كانت فرحانه اوي اوي بوجود اخوها معاهم
اسلام....المشبك و الهريسه اهم يا باشا اي خدمه
ضحكت حبيبه و قالتله بفرحه
حبيبه...حبيبي يا اسلام
حنان...روحي يلا اغسلي ايدك عشان نتغدا
حبيبه...حاضر
كملت بتساؤل
حبيبه...اومال رضوى فين
كاميليا...جوا ف المطبخ
هزت حبيبه راسها و دخلت المطبخ تشوفها
اول م رضوى شافتها راحتلها و حضنتها بفرحه و قالتلها
رضوى...حمدلله على السلامه يا بوبه
ابتسمتلها حبيبه و اديتها شنطتها و قالتلها
حبيبه...هدخل اغسل ايدي و وشي بس و جايه
هزت رضوى راسها و دخلت اوضتها هي و حبيبه
و حبيبه الي دخلت غسلت ايديها و وشها
بصت لوشها ف المراية و هي حسه ان زعل الدنيا كلها ف قلبها
نشفت ايديها و وشها و خرجت دخلت اوضتها لاقيت اختها موجوده
قعدت حبيبه جمبها و خدت شنطتها و هي بتقولها
حبيبه...ها قوليلي بقى روحتي دروسك انهارده
هزت رضوى راسها و قالتلها
رضوى...اه
ابتسمتلها حبيبه و قالتلها
حبيبه...برافو عليكي يا حبيبتي
خدت من شنطتها ٥٠٠ جنية و اديتهم لأختها و هي بتقولها
حبيبه...خلي دول معاكي عشان دروسك
حضنتها رضوى بفرحة و قالتلها
رضوى...شكرا اوي يا حبيبة انهارده كان في ملزمة و معرفتش اجيبها و مردتش اقول لبابا و ماما زي م قولتيلي
هزت حبيبه راسها و قالتلها
حبيبه...لا متفوليش كفاية عليهم مصاريف جامعتي انا بشتغل اهو عشانك اي حاجه تعوزيها تعالي قوليلي
هزت رضوى راسها و حبيبه حطت ايدها على وشها و هي بتفتكر احداث اليوم كلها
فاقت من تفكيرها على صوت ابن اخوها الصغير صاحب عمر الست شهور بس
شالت ايدها من على وشها لاقيت رضوى شايلاه
ابتسمت و قالت و هي بتاخده من اختها
حبيبه...يا روحي يا روحي وحشتني اوووي
قالتلها كاميليا الي كانت واقفه على الباب عشان تحذرهم
كاميليا...خلي بالك متهشتكيهوش كتير عشان ميرجعش عليكي لأنه عنده برد و تعبان
زعلت حبيبه عشانه و قالتله
حبيبه...يا عمري الف سلامه عليك يا عيوني انت
ابتسمت كاميليا و خرجت راحت للمطبخ لحنان و رضوى راحت هي كمان عشان تساعدهم ف تحويل الاطباق
....استغفر الله العلي العظيم الذي لا اله الا هو الحي القيوم و اتوب اليه
كانوا بيحولوا الاطباق و خلصوا رس الاطباق على السفرة
حنان...يلا يا جماعة عشان الغدا
اسلام...حاضر يا ماما
اتكلم علاء و هو بيقول
علاء...حد ينادي لحبيبه
هزت رضوى راسها و قالتله
رضوى...حاضر يا بابا
و كانت لسه هتتحرك من مكانها بس وقفت بصدمة لما سمعوا صوت صريخ حبيبه الي سمع ف الشقه كلها ووووو
يتبعععععع
أحببته رغم كبريائي
بقامي مريم أحمد
استغفر الله العلي العظيم الذي لا اله الا هو الخي القيوم و اتوب اليه عدد خلقه و رضا نفسه و زنة عىشه و مداد كلماته
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
