رواية عشقت خمسيني الحلقه الاولى والثانيه والثالثه والرابعة والخامسة حصريه وجديده على مدونة النجم المتوهج
 |
رواية عشقت خمسيني الحلقه الاولى والثانيه والثالثه والرابعة والخامسة حصريه وجديده على مدونة النجم المتوهج
نضت اليوم صباح بكري اليوم غير كل يوم نضت غسلت وتوضيت صليت ورحت نوجد روحي لبست حجابي ودرت شوية ماكياج على الاقل نخبي عينيا المنفخين من البكاء نوجد في روحي وقلبي يتعصر حتى لحق الوقت رحت ركبت مع بابا في الطومبيل
صباح الخير بابا
مرجعليش كامل سقساني قالي جبتلي لاكارت تاعك يقصد بطاقة تعريف قتلو ايه جبتها مشينا طريق كاملة وحنا ساكتين حتى لحقنا للمحكمة اول مرة في حياتي نشوفها كنت نشوفها غيى في المسلسلات ااااااه يادنيا شفتي واش درتي فيا انا رجعت نتجرجر في المحاكم بسبة واحد رخيس معليش ربي خير
[ ] دخلنا على لباب نتاع المحكمة جيت طالعة في اروج تلاقيتو وجات عيني في عينو ياااحسررااااه شحال عندي مشفتوش وشحال كنت متوحشاتو كمت حابة نجري ليه ونحظنو ونقولو متخلينيش وحدي عام ونص راني هبلت بلا بيك ولكن مقدرت ندير والو كلشي كان مجرد كلام فتت عليه وهو دور وجهو ماش حاب يشوفني ولا يشوف بابا دخلنا لقاعة المحكمة وكان غاشي كبير تقول الدنيا كامل راح تتطلق وانا كنت حاسبة روحي غير انا بقيت غايسة حتى لقيتهم يعطو بأسمي رحت عطاتني الدوسي تاعي وقاتلي روحي للغرفة ثانية حتى تلحق دالتك رحت وانا عندي شوية امل بلي نرجع لداري ونرجع لراجلي وحبيبي وعمري توقعت شيء لي راح يصرا في هديك الغرفةتزوجت خمسيني
#الحلقة ثانية
من بعد مارحت الغرفة ثانية لقيت غاشي كثر من لي خليت معليش دنيا مكاتيب قعدت نسنى حتى جات دالّتي وكل الوقت عيني عليه لحقت دالتنا ودخلنا زعما دارولنا جلسة صلح
ولكن ثم تصدمت بلي لي كنت متزوجاتو ارخس واسوء شخص عرفتو في حياتي كذب وقال بلي انا سرقتلو دراهم قيمة 20 مليون وسرقتلو ذهب يماه وقال بلي انا كنت مريضة نفسية واني حاولتي نقتل روحي شحال من مرة المهم العيوب كامل حطهم فيا من بعد ماكمل هدرتو سقساتو الجوج قاتلو ولش طالب من مرتك قالها طلاق وانا طلبت الرجوع ولكن العصمة كانت في يدو والامر الاول والخير ليه يعني رايي لايهم طلقنا بجلسة وحدة خرجت خاطري وقلبي ورحي مكسورين من حيهة طلاق ومن جيهة الانسان لي حبيتو وزوجت بيه3 سنين خرج طحان ورخيس لهدي الدرجة بابا من خرجت لعندو ولش حالتي كيفاه فهم واش كاين كلمة مهدرهاش كي كنا واقغين جا رخيس هداك ويتبسم ابتسامة كي شغول تاع نصر بلي راني ذليتك وطلقتلك بنتك بابا محبش يحكي معاه حكمني من يدي وخرجنا ومن كي ركبنا في الطموبيل وهو يسب فيه رخيس كلب كنت حاسبو راجل عطيتو بنتي وقلت يصوني شرفي خرج اسوء من ابليس هو يهدر هكداك وانا حاطة راسي على الكارو وغايسة ونتفكر في كل شي عشتو معاه وحابسة دمعتي على شفر عينيتزوجت خمسيني
الحلقة 3
مافطنت غير بابا كي عيطلي امال هاكي تشربي الماء من صباح وحنا الداخل ماكلينا مشربنا
نسيت ماقلتلكمش انا إسمي امال عمري 26 سنة جاية طويلة وبيضا وعينيا كحولة نشبه للكورين عير في عينيا وشعري كان نص من طولي وكان دوريجين لون تاعو شاتان يعني كنت زيني مقبول ولكن كانت كاينة فيا حاجة تجذب انا من الشرق الجزائري منيش راح نذكر الولاية كنت من عايلة متوسطة وعندنا سمعتنا في لبلاصة لي نسكنو فيها عايلتنا معروفة بالتشدد وتزيار والحرمة وناس يضربو المثل في بابا لانه كان صاحب شخصية وحقاني وعمرو لدار حاجة تغضب ربي ولا العبد يوقف مع الحق ولو يموت كنت عايشة مع يما وبابا وربعة خاوتي ذكور وزوج خياتي متزوجين
راح نرجع بيكم لزمان شوي للور راح نرجع كي كان عمري 18 سنة انا حبست القراية في سنة 2 متوسط مكملتش لقراية وحكمت الدار كي كملت قفلت 18 سنة بظاوني الخطابة يتزايدو منكذبش عليكم من كي كان عمري 15 سنة وانا الخطابة ديما عندي ولكن بابا ض بحكم اني صغيرة في العمر وصغيرة نتاع دار خاف يزوجني كي لحقت وقت نتاع زوجت لي يجي منقبلوش المهم نجيب سبايب وهما اكيد يقبلو برايي حتى واخد. نهار جات عندنا ختي وقالت ل يما بلي بنت عم بابا حابة تخطبني لوليدها يما فرحت فرحة تقول دارت انجاز قبلت بلا ما تشاورني واحد نهار قاعدة في الكوزينة نغسل في الماعن تاع العشا حتى جات يما ليا انا ومرت خويا قاتلي وجدي روحك ؤاهم جايين الخطابة غدوة انا بقيت حالة فمي....تزوجت خمسيني
#الحلقة 4
بقيت حالة فمي وعيينيا تعمرو دموع 🥲ونرت خويا حست بيا جات تصبر فيا هدا هو مكتوبك يا انال معندك مراح ديري لواقتاه راح تبقاي ترفضي في للخطابة واكيد والديك ماش راخ يبقاو ياخدولك الراي عييت فيهم راني منيش قابلة تبكي ونقولهم غير متقبلوش معلبليش علله المهم قلبي تزير تقول راح يقتلوني ولا ياكلوني لمهم واحد فيهم ماسمعني بابا قال اشخاص ماشاء الله ماعندي مانخير عليه وانتي يابنتي لازم تقبلي راح تزوجي اليوم ولا غدوة ولا العام الجاي مالقري حكى معايا بابا هكداك قعدت متخوفة وقلبي مزير وكارهة حياتي بقيت شادة بلاصتي ونبكي حتى رقدت فطنت الصباح على مرت خويا تنوض فيا نوضي تدوشي ووجدي روحك مابقاش بزاف ياربي تكملي نضت من بلاصتي دخلت لدوش شفت نع وجهي لقيتو يخلع عينيا منفخين وليساغن تحتهم وليت نشبه للباندا 🐼 ماعليش شللت لحمي وخرجت سشورتلي مرت خويا شعري ودارتلي شوية ماكياج ماش حاجة انا اصلا منحتاجش بزاف شوي نسمع في الحس عرفت بلي خواتاتي جاو وجات ماني وعماتي عرفت بلي الحالة كبيرة ومراحش نخرج منها بالساهل كتمت الشي لي حاساتو وبقيت مخبية ونحس في قلبي يتقطع دك ؤاكم تقولو علاه ماقبلتش بلاك كنت نحب كاش واحد لالا انا جامي حبيت ولكن ربي الانسان هدا مرتحتلوش واصلا مكنتش حابة ندي. من لفامي وزيد بزيادة يسكنو في دوار حاشة هنا منيش نعيب على ناس الريف ولكن راح تفهمو قصدي في الحلقات الجايتزوجت خمسيني
االحلقة الخامسة:
جاز الوقت بالخف وجدو كلشي عماتي وخياتي حتى لحق. الوقت نسمع فيهم يقولو راهم جاو راهم جاو وانا موس تغرس في قلبي ياربي عيني على مصيبتي جات مرت خويا سقسيتها قلتلها شكون جا كامل قاتلي غير يماه ستغربت انا قلت غير يماه من بعد قلت يندبو ميهمنيش فيه شوي جات ختي لكبيرة وعمتي قالولي وجدي روحك تديلهم القهوة تمنيت كون جا عندي سم نحطولها في القهوة رحت دخلت عندها وانا الخلعة تقطع فيا حطيت القهوة وناضت سملت عليا وتحظن وخموس على عروستي وان شاء الله تكون من مكتوب ابني وانديرها كي بنتي ونحطها فيعيني. شوي جاز وقت وهيا تحكي حتى نسمع في خويا يعيط قالهم راه طالع الراجل يشوفها وانا هنا متت قلبي يخبط للالف حسيت بيه كي دخل وراح سلم على يما وجداتي وعماتي لانو قلتلكم من لفامي وانا كنت مهبطة راسي حتى سمعتو لاح عليا السلام طلعت راسي شفت معاه وياريت ماشفتو هداك الزين وهداك العرض ولحية كحلة لابس سروال جين وتريكو بيضا وفيستا سكاي كحلة عندو واحد تبسيمة تقطع ياويلي بقيت غايسة فيه حتى فطنتني يماه قاتلي هدا هو وليدي قلتلها في قلبي قولي هذا هو راجلك ماش غير وليدك وحدك لاعلينا كملنا الخطبة سقساوه قالهم قابل وسقساوني انا قلت ايه بلا تردد كي شفتو نسيت كامل خوفي كي جا خارج باركلي وعطاني دراهم الشوفة وخرج زادت شوي ناضو يزغرتو يماه وخياتي وعماتي وانا ثم قلبي رجع تزير اكثر من الاول ورجعت نلوم في روحي واش داني نقبل علاه مرفضت بقيت شادة دمعتي على شفر عيني وهما يباركولي انا في عالم اخر خلاص حتى نسمع في يماه قالت 15 يوم ونديرو الفاتحة ولبسو الخواتم وانا متت وحييت في بلاصتي ياربي واش يخرجني من الشي لي فيه وياريت بطلت الخطبة وماتزوجتو ولا عشت الشي لي عشتو معاه وكان قلبي حاس واش راح نعيش معاه
... يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
