رواية الفسحجيه الفصل الثالث بقلم يارا محمود حصريه وجديده على مدونة النجم المتوهج
 |
الفصل الثالث{برنامج}
صلي على شفيع الأمة
عائشة -"أحنا اللي هنوصل البنات بنفسنا للمكان اللي هما عايزينوا. "
تاج -"ودا اللي هو أزاي هو احنا عارفين نوصل ونحمي نفسنا لما نوصل غيرنا ؟"
مسك-"أولًا محدش بيعرف يسوق ثانيًا معناش عربيات ثالثًا ودا الأهم معناش فلوس أصلًا مش علشان انتَ بتحبي العربيات نعمل كده انتِ كده بتضيعي نفسك قبلنا ."
-"بصراحة بقى مسك عندها حق المرة ديه يا عائشة انا مش معاكي فولا كلمة يلا بقى نشوف شغلانة تانية ."
قتلتها أميرة لتغير هذا الحوار لكن مع من تتكلم هي مع كتلة أقناع لا أحد يرفض لها طلب فقالت عائشة وهي تحاول أن تقنعهم
-"أولًا كل المصاريف عليا وكمان العربيات وهعلمكم السواقة وهيبقى مشروع جامد جدًا وافقوا انتو بس والمرة ديه انا اللي محتاجة المساعدة منكم مش العكس لأن ببساطة الحوار دخل دماغي ومش هيخرج منها ."
تاج -"لا خرجيه انا مش هعمل حاجة زي كده انا هخاف ."
عائشة -"ما تخفيش انا لازم أمشي دلوقتي لأن أبن خالتي مستنيني تحت وبكره الصبح هعدي عليكم نروح الجامعة زي ما اتفقنا تكونوا فكرتم تمام ."
قالتها وهي تقبلهم ثم تخرج من باب المنزل أما باقي الفتيات فظلوا ينظرون لبعض وكل واحدة بداخلها الكثير والكثير ولا تدري ما هو المخبى لها بالغد .
***********
يستند بظهره على سيارتها وهو يرتدي نظارته السوداء وينظر لها وهي تقترب منه لكن قاطع كل هذا أحد الأطفال الذي ركل الكرة بوجه *سفيان* ثم وقع من يده الهاتف
-"خد ياض هجيبك يا ابن ال*** "
تضحك وبشدة ومن أعماق قلبها فها هو سفيان وقعت هيبته أرضًا ولم يقدر حتى على جمع المتبقي منها من على الأرض .
-"أضحكي ما انا العيب فيا أني جيتلك ."
-"طبعًا العيب فيك حد يسيب سوكة ويجي هنا خطبتك دي دمها تقييييل اوي يا سو والله .... أركب أركب علشان منتأخرش ."
صعد سفيان السيارة جوارها لكن هي من تقودها .
-"عائشة أكيد سوكة دي مش طالعة منك انتِ انتِ So classyالحاجات ديه مش منك ."
-"تعرف You are right دي مسك مسميها سوكة ."
-"وأيه بقى اللي عرف مسك ؟"
-"انتَ سوسة على فكرة عمال توقعني في الكلام ."
-"يعني بتتكلموا عليا انا وخطبتي سابقًا ."
-"أه بنتكلم دا احنا مسكنا سوكة ديه وأخدناها تريقه .. ثانية واحدة انتَ قولت ايه ؟ سابقًاWhat you mean "
سفيان -"ايوه سبتها حاسس كده ب.."
قاطعت حديثه وهي تقول -"أكيد مدايق بقى وقلبك وجعك والحاجات الغريبة ديه صح ؟ "
-"ما تسبيني أكمل كلامي دا انتِ صداع ."
-"أتفضل ."
-"حاسس إني مرتاح ومستريح وكأنها كانت قاعدة على قلبي كده تفتكري دا ليه ؟"
نظرت له عائشة بفرحة وحماس وهي تقول -"ببساطة You didn't love her."
-"تفتكري ؟ انا كنت بحبها مش عارف بقى ."
عائشة -" Just impress"
-"أعجاب !! ... طب سيبك مني دلوقتي انتِ كنتي عايزه ايه مني ؟"
خبطت عائشة يدها بجبهتها ثم قالت -"كنت هنسى انا عايزاه منك مساعدة يا أبن خالتي يا حبيبي ."
-"قولي كده مصلحة يعني ."
-"عايزاك تسعدني أفتح مشروع علشان أساعد صحابي ."
-"صحابك ؟! انتِ عارفة لو أبوكي عرف هيعمل فيكي ايه ؟ "
-"عارفة علشان كده جيت أقول لأخويا وحبيبي اللي هيساعدني . "
-"مشروع ايه بقى إن شاء الله علشان أخوكي تعب من مصايبك انا قولت لأمك أنك ملكيش غير بيت جوزك مصدقتنيش ."
-"بطل رخامة ويلا أطلع أستناني فوق هنكمل كلام انتَ هتساعدني أكيد. "
قالتها وهي تصف السيارة فأستمع إلى حديثها وذهب إلى منزل ليس بالضخم لكنه كبير إلى حدٍ ما وبه حديقة مكان أشبه بالفيلا الصغيرة .
-"مساء الخير يا خالتو ."
قالها سفيان وهو يقبل رأس شقيقة والدته
فردت عليه أسماء بحنان -"مساء الخير يا حبيب قلب خالتك عائشة بره ؟"
-"أه داخلة أهي ."
-"ربنا ميحرمكوش من بعض ابدًا ."
سفيان -"يارب عائشة ديه أختي يا خالتي حد بيبعد عن أخته ."
نظر بأتجاه عائشة التي أنزعجت قليلًا من هذا النقاش الذي لطلاما يتكرر في هذا المنزل .
فأكملت أسماء حديثها
-"الله يسامحها أمك بقى كان لازم ترضعها يعني كان زمانك متجوزها بدل البت اللي خطبتها ديه ."
تأففت عائشة -" كل ما أنسى يا ماما لازم تفكريني يعني ؟! "
تركتهم عائشة وهي منزعجة من ذلك الحديث الذي طلما ذكرها بالماضي حين كانت في مرحلة المراهقة كانت تحب سفيان وكذلك هو لكن حين كبر سفيان وقال لولدته أخبرته بالحقيقة وأنها شقيقته في الرضاعة مرت أوقات صعبة عليهم الأثنين حتى أقتنعوا بذلك وأصبح سفيان يعاملها كأنها أخته حقًا وأكثر من ذلك وهي ايضًا حين قرأت كثيرًا وعلمت أصبح بنسبة لها شقيقها فقط لكن دائمًا ما تذكرها والدتها بهذا...
دق الباب ثم دلف سفيان وعكس المتوقع لم يجدها حزينة بل وجدها تحمل ورقة وقلم وتخطط .
سفيان -"انتِ كويسة ؟ "
-"جدًا ."
قالتها عائشة وهي تضع أحد الأقلام في خصلاتها وتكتب بالأخر
-"يعني مش مدايقة ؟"
-"هدايق ليه يا سفيان ما دي الحقيقة انا وانتَ أخوات هي ما قلتش حاجة غلط يلا بقى علشان هتساعدني ."
-"يا شيخة وقعتي قلبي ."
ضربها بخفه على مأخرة رأسها .
-"ليه كده stupid. "
-"الله يسمحك قولي المشروع ."
-"بص انا قررت إني أساعد البنات من صنفكم دا ومش محتاجة مساعدة اي راجل "
نظر لها بصدمة ودهشة في ذات التوقيت فأكملت -"غيرك طبعًا يا سيد الرجالة ."
أبتسم برضى حتى أستمع إلى الباقى من حديثها -"هنوصل البنات من المكان اللي هما في لأي مكان يحبوه وكل السائقات بنات منعًا للأحتكاك بهذه المخلوقات الغريبة اللي هو انتم وبس يا سيدي ."
سفيان -"يعني حضرتك عايزاه ايه دلوقتي ؟"
-"أوف بقى عايزاك تساعدني في العربيات انتَ عارف أن بابا مش هيرضى يساعدني في الحوار دا هتسلفني عربيتك وعربية باباك ولو أمكن تديني فلوس ."
-"أسلفك عربيتي !! وعربية أهلي !! مش عايزاه عربية سيف بالمرة أهو يقتلك ونخلص منك هي 100 جنية لاقيها في الشارع ؟ دا انا تعبت وشقيت علشان أشتريها انتِ هبلة ولا ايه ؟"
-"معلش بقى ."
-"ولو افترضنا إني سمعت كلامك هل صحابك البنات بيعرفوا يسوقوا ؟ "
-"هنعلمهم ."
-"نعلمهم !! طب ايه الوسيلة اللي هتربتك بالبنات اللي عايزين يروحوا لمكان مُعين زي ما بتقولي ."
قاطع هذا الحديث المهم بالنسبة لعائشة والتافة بالنسبة لسفيان دخول أحدهم وهو شقيق سفيان الأكبر يدعى *سيف*
-"برنامج ."
يتبع .....
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق